| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
21. එකවීසතිමවග්‌ගො
21. Ekavīsatimavaggo
1. සාසනකථාවණ්‌ණනා
1. Sāsanakathāvaṇṇanā
878. ඉදානි සාසනකථා නාම හොති. තත්‌ථ තිස්‌සො සඞ්‌ගීතියො සන්‌ධාය ‘‘සාසනං නවං කත’’න්‌ති ච ‘‘අත්‌ථි කොචි තථාගතස්‌ස සාසනං නවං කරොතී’’ති ච ‘‘ලබ්‌භා තථාගතස්‌ස සාසනං නවං කාතු’’න්‌ති ච යෙසං ලද්‌ධි, සෙය්‍යථාපි එකච්‌චානං උත්‌තරාපථකානං; තෙ සන්‌ධාය තීසුපි කථාසු පුච්‌ඡා සකවාදිස්‌ස, පටිඤ්‌ඤා ඉතරස්‌ස. සතිපට්‌ඨානාතිආදි සාසනං නාම සතිපට්‌ඨානාදයො චෙව අරියධම්‌මා, කුසලාදීනඤ්‌ච දෙසනා. තත්‌ථ යෙසං භගවතා දෙසිතා සතිපට්‌ඨානාදයො, ඨපෙත්‌වා තෙ අඤ්‌ඤෙසං වා සතිපට්‌ඨානාදීනං කරණෙන අකුසලාදීනං වා කුසලාදිභාවකරණෙන සාසනං නවංකතං නාම භවෙය්‍ය, කිං තං එවං කතං කෙනචි, අත්‌ථි වා කොචි එවං කරොති, ලබ්‌භා වා එවං කාතුන්‌ති තීසුපි පුච්‌ඡාසු චොදනත්‌ථං වුත්‌තං. සෙසං සබ්‌බත්‌ථ යථාපාළිමෙව නිය්‍යාතීති.
878. Idāni sāsanakathā nāma hoti. Tattha tisso saṅgītiyo sandhāya ‘‘sāsanaṃ navaṃ kata’’nti ca ‘‘atthi koci tathāgatassa sāsanaṃ navaṃ karotī’’ti ca ‘‘labbhā tathāgatassa sāsanaṃ navaṃ kātu’’nti ca yesaṃ laddhi, seyyathāpi ekaccānaṃ uttarāpathakānaṃ; te sandhāya tīsupi kathāsu pucchā sakavādissa, paṭiññā itarassa. Satipaṭṭhānātiādi sāsanaṃ nāma satipaṭṭhānādayo ceva ariyadhammā, kusalādīnañca desanā. Tattha yesaṃ bhagavatā desitā satipaṭṭhānādayo, ṭhapetvā te aññesaṃ vā satipaṭṭhānādīnaṃ karaṇena akusalādīnaṃ vā kusalādibhāvakaraṇena sāsanaṃ navaṃkataṃ nāma bhaveyya, kiṃ taṃ evaṃ kataṃ kenaci, atthi vā koci evaṃ karoti, labbhā vā evaṃ kātunti tīsupi pucchāsu codanatthaṃ vuttaṃ. Sesaṃ sabbattha yathāpāḷimeva niyyātīti.
සාසනකථාවණ්‌ණනා.
Sāsanakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (200) 1. සාසනකථා • (200) 1. Sāsanakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 1. සාසනකථාවණ්‌ණනා • 1. Sāsanakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 1. සාසනකථාවණ්‌ණනා • 1. Sāsanakathāvaṇṇanā
