| Library / Tipiṭaka / তিপিটক • Tipiṭaka / পেটকোপদেসপাল়ি • Peṭakopadesapāḷi |
২. সাসনপট্ঠানদুতিযভূমি
2. Sāsanapaṭṭhānadutiyabhūmi
১৩. তত্থ কতমং সাসনপ্পট্ঠানং? সংকিলেসভাগিযং সুত্তং, ৰাসনা ভাগিযং সুত্তং, নিব্বেধভাগিযং সুত্তং, অসেক্খভাগিযং সুত্তং, সংকিলেসভাগিযঞ্চ ৰাসনাভাগিযঞ্চ, সংকিলেসভাগিযঞ্চ নিব্বেধভাগিযঞ্চ, সংকিলেসভাগিযঞ্চ নিব্বেধভাগিযঞ্চ অসেক্খভাগিযঞ্চ, ৰাসনাভাগিযঞ্চ নিব্বেধভাগিযঞ্চ। আণত্তি, ফলং, উপাযো, আণত্তি চ ফলঞ্চ, ফলঞ্চ উপাযো চ, আণত্তি চ ফলঞ্চ উপাযো চ। অস্সাদো, আদীনৰো, নিস্সরণং, অস্সাদো চ আদীনৰো চ, অস্সাদো চ নিস্সরণঞ্চ, আদীনৰো চ নিস্সরণঞ্চ, অস্সাদো চ আদীনৰো চ নিস্সরণঞ্চ। লোকিকং, লোকুত্তরং, লোকিকঞ্চ লোকুত্তরঞ্চ। কম্মং, ৰিপাকো, কম্মঞ্চ ৰিপাকো চ। নিদ্দিট্ঠং, অনিদ্দিট্ঠং, নিদ্দিট্ঠঞ্চ অনিদ্দিট্ঠঞ্চ। ঞাণং, ঞেয্যং, ঞাণঞ্চ ঞেয্যঞ্চ। দস্সনং, ভাৰনা, দস্সনঞ্চ ভাৰনা চ। ৰিপাককম্মং, ন ৰিপাককম্মং, নেৰৰিপাকনৰিপাককম্মং । সকৰচনং, পরৰচনং, সকৰচনঞ্চ পরৰচনঞ্চ। সত্তাধিট্ঠানং, ধম্মাধিট্ঠানং, সত্তাধিট্ঠানঞ্চ ধম্মাধিট্ঠানঞ্চ। থৰো, সকৰচনাধিট্ঠানং, পরৰচনাধিট্ঠানং, সকৰচনাধিট্ঠানঞ্চ পরৰচনাধিট্ঠানঞ্চ। কিরিযং, ফলং, কিরিযঞ্চ ফলঞ্চ। অনুঞ্ঞাতং, পটিক্খিত্তং, অনুঞ্ঞাতঞ্চ পটিক্খিত্তঞ্চ। ইমানি ছ পটিক্খিত্তানি।
13. Tattha katamaṃ sāsanappaṭṭhānaṃ? Saṃkilesabhāgiyaṃ suttaṃ, vāsanā bhāgiyaṃ suttaṃ, nibbedhabhāgiyaṃ suttaṃ, asekkhabhāgiyaṃ suttaṃ, saṃkilesabhāgiyañca vāsanābhāgiyañca, saṃkilesabhāgiyañca nibbedhabhāgiyañca, saṃkilesabhāgiyañca nibbedhabhāgiyañca asekkhabhāgiyañca, vāsanābhāgiyañca nibbedhabhāgiyañca. Āṇatti, phalaṃ, upāyo, āṇatti ca phalañca, phalañca upāyo ca, āṇatti ca phalañca upāyo ca. Assādo, ādīnavo, nissaraṇaṃ, assādo ca ādīnavo ca, assādo ca nissaraṇañca, ādīnavo ca nissaraṇañca, assādo ca ādīnavo ca nissaraṇañca. Lokikaṃ, lokuttaraṃ, lokikañca lokuttarañca. Kammaṃ, vipāko, kammañca vipāko ca. Niddiṭṭhaṃ, aniddiṭṭhaṃ, niddiṭṭhañca aniddiṭṭhañca. Ñāṇaṃ, ñeyyaṃ, ñāṇañca ñeyyañca. Dassanaṃ, bhāvanā, dassanañca bhāvanā ca. Vipākakammaṃ, na vipākakammaṃ, nevavipākanavipākakammaṃ . Sakavacanaṃ, paravacanaṃ, sakavacanañca paravacanañca. Sattādhiṭṭhānaṃ, dhammādhiṭṭhānaṃ, sattādhiṭṭhānañca dhammādhiṭṭhānañca. Thavo, sakavacanādhiṭṭhānaṃ, paravacanādhiṭṭhānaṃ, sakavacanādhiṭṭhānañca paravacanādhiṭṭhānañca. Kiriyaṃ, phalaṃ, kiriyañca phalañca. Anuññātaṃ, paṭikkhittaṃ, anuññātañca paṭikkhittañca. Imāni cha paṭikkhittāni.
১৪. তত্থ কতমং সংকিলেসভাগিযং সুত্তং?
14. Tattha katamaṃ saṃkilesabhāgiyaṃ suttaṃ?
কামন্ধা জালসঞ্ছন্না, তণ্হাছদনছাদিতা।
Kāmandhā jālasañchannā, taṇhāchadanachāditā;
পমত্তবন্ধুনা বদ্ধা, মচ্ছাৰ কুমিনামুখে।
Pamattabandhunā baddhā, macchāva kumināmukhe;
পঞ্চিমে, ভিক্খৰে, নীৰরণা।
Pañcime, bhikkhave, nīvaraṇā.
তত্থ কতমং ৰাসনাভাগিযং সুত্তং?
Tattha katamaṃ vāsanābhāgiyaṃ suttaṃ?
মনোপুব্বঙ্গমা ধম্মা, মনোসেট্ঠা মনোমযা।
Manopubbaṅgamā dhammā, manoseṭṭhā manomayā;
মনসা চে পসন্নেন, ভাসতি ৰা করোতি ৰা।
Manasā ce pasannena, bhāsati vā karoti vā;
ততো নং সুখমন্ৰেতি, ছাযাৰ অনপাযিনী॥
Tato naṃ sukhamanveti, chāyāva anapāyinī.
সংযুত্তকে সুত্তং।
Saṃyuttake suttaṃ.
মহানামস্স সক্কস্স ইদং ভগৰা সক্যানং কপিলৰত্থুম্হি নগরে নযৰিত্থারেন সদ্ধাসীলপরিভাৰিতং সুত্তং ভাৰঞ্ঞেন পরিভাৰিতং তং নাম পচ্ছিমে কালে।
Mahānāmassa sakkassa idaṃ bhagavā sakyānaṃ kapilavatthumhi nagare nayavitthārena saddhāsīlaparibhāvitaṃ suttaṃ bhāvaññena paribhāvitaṃ taṃ nāma pacchime kāle.
তত্থ কতমং নিব্বেধভাগিযং সুত্তং?
Tattha katamaṃ nibbedhabhāgiyaṃ suttaṃ?
উদ্ধং অধো 3 সব্বধি ৰিপ্পমুত্তো, অযং অহস্মীতি অনানুপস্সী।
Uddhaṃ adho 4 sabbadhi vippamutto, ayaṃ ahasmīti anānupassī;
এৰং ৰিমুত্তো উদতারি ওঘং, অতিণ্ণপুব্বং অপুনব্ভৰায॥
Evaṃ vimutto udatāri oghaṃ, atiṇṇapubbaṃ apunabbhavāya.
সীলানি নু খো ভৰন্তি কিমত্থিযানি আনন্দো পুচ্ছতি সত্থারং।
Sīlāni nu kho bhavanti kimatthiyāni ānando pucchati satthāraṃ.
তত্থ কতমং অসেক্খভাগিযং সুত্তং?
Tattha katamaṃ asekkhabhāgiyaṃ suttaṃ?
‘‘যস্স সেলূপমং চিত্তং, ঠিতং নানুপকম্পতি।
‘‘Yassa selūpamaṃ cittaṃ, ṭhitaṃ nānupakampati;
যস্সেৰং ভাৰিতং চিত্তং, কুতো তং দুক্খমেস্সতী’’তি॥
Yassevaṃ bhāvitaṃ cittaṃ, kuto taṃ dukkhamessatī’’ti.
সারিপুত্তো নাম ভগৰা থেরঞ্ঞতরো সো মং আসজ্জ অপ্পটিনিস্সজ্জ চারিকং পক্কমতি, সারিপুত্তস্স ব্যাকরণং কাতব্বং। যস্স নূন ভগৰা কাযগতা সতি অভাৰিতা অস্স অবহুলীকতা ৰিত্থারেন কাতব্বং।
Sāriputto nāma bhagavā theraññataro so maṃ āsajja appaṭinissajja cārikaṃ pakkamati, sāriputtassa byākaraṇaṃ kātabbaṃ. Yassa nūna bhagavā kāyagatā sati abhāvitā assa abahulīkatā vitthārena kātabbaṃ.
১৫. তত্থ কতমং সংকিলেসভাগিযঞ্চ ৰাসনাভাগিযঞ্চ?
15. Tattha katamaṃ saṃkilesabhāgiyañca vāsanābhāgiyañca?
তস্মা ছন্নং ৰিৰরেথ, এৰং তং নাতিৰস্সতি॥
Tasmā channaṃ vivaretha, evaṃ taṃ nātivassati.
ছন্নমতিৰস্সতীতি সংকিলেসো। ৰিৰটং নাতিৰস্সতীতি ৰাসনা। তমো তমপরাযনোতি ৰিত্থারেন। তত্থ যো চ তমো যো চ তমপরাযনো, অযং সংকিলেসো। যো চ জোতি যো চ জোতিপরাযনো, অযং ৰাসনা।
Channamativassatīti saṃkileso. Vivaṭaṃ nātivassatīti vāsanā. Tamo tamaparāyanoti vitthārena. Tattha yo ca tamo yo ca tamaparāyano, ayaṃ saṃkileso. Yo ca joti yo ca jotiparāyano, ayaṃ vāsanā.
তত্থ কতমং সংকিলেসভাগিযঞ্চ নিব্বেধভাগিযঞ্চ সুত্তং?
Tattha katamaṃ saṃkilesabhāgiyañca nibbedhabhāgiyañca suttaṃ?
ন তং দল়্হং বন্ধনমাহু ধীরা, যদাযসং দারুজপব্বজঞ্চ 9।
Na taṃ daḷhaṃ bandhanamāhu dhīrā, yadāyasaṃ dārujapabbajañca 10;
সারত্তরত্তা মণিকুণ্ডলেসু, পুত্তেসু দারেসু চ যা অপেক্খা॥
Sārattarattā maṇikuṇḍalesu, puttesu dāresu ca yā apekkhā.
ন তং দল়্হং বন্ধনমাহু ধীরা, যদা পুত্তেসু দারেসু চ যা অপেক্খা, অযং সংকিলেসো। এতম্পি ছেত্ৰা পরিব্বজন্তি ধীরা অনপেক্খিনো সব্বকামে পহাযাতি, অযং নিব্বেধো। যং চেতযিতং পকপ্পিতং যা চ নামরূপস্স অৰক্কন্তি হোতি। ইমেহি চতূহি পদেহি সংকিলেসো। পচ্ছিমকেহি চতূহি নিব্বেধো।
Na taṃ daḷhaṃ bandhanamāhu dhīrā, yadā puttesu dāresu ca yā apekkhā, ayaṃ saṃkileso. Etampi chetvā paribbajanti dhīrā anapekkhino sabbakāme pahāyāti, ayaṃ nibbedho. Yaṃ cetayitaṃ pakappitaṃ yā ca nāmarūpassa avakkanti hoti. Imehi catūhi padehi saṃkileso. Pacchimakehi catūhi nibbedho.
তত্থ কতমং সংকিলেসভাগিযঞ্চ নিব্বেধভাগিযঞ্চ অসেক্খভাগিযঞ্চ সুত্তং?
Tattha katamaṃ saṃkilesabhāgiyañca nibbedhabhāgiyañca asekkhabhāgiyañca suttaṃ?
অযং লোকো সন্তাপজাতো, ফস্সপরেতো রোগং 11 ৰদতি অত্ততো।
Ayaṃ loko santāpajāto, phassapareto rogaṃ 12 vadati attato;
যেন যেন হি মঞ্ঞন্তি, ততো তং হোতি অঞ্ঞথা॥
Yena yena hi maññanti, tato taṃ hoti aññathā.
অঞ্ঞথাভাৰী ভৰসত্তো লোকো, ভৰপরেতো ভৰমেৰাভিনন্দতি।
Aññathābhāvī bhavasatto loko, bhavapareto bhavamevābhinandati;
যদভিনন্দতি তং ভযং, যস্স ভাযতি তং দুক্খং।
Yadabhinandati taṃ bhayaṃ, yassa bhāyati taṃ dukkhaṃ;
ভৰৰিপ্পহানায খো পনিদং ব্রহ্মচরিযং ৰুস্সতি॥
Bhavavippahānāya kho panidaṃ brahmacariyaṃ vussati.
যে হি কেচি সমণা ৰা ব্রাহ্মণা ৰা ভৰেন ভৰস্স ৰিপ্পমোক্খমাহংসু, সব্বেতে ‘‘অৰিপ্পমুত্তা ভৰস্মা’’তি ৰদামি। যে ৰা পন কেচি সমণা ৰা ব্রাহ্মণা ৰা ৰিভৰেন ভৰস্স নিস্সরণমাহংসু, সব্বেতে ‘‘অনিস্সটা ভৰস্মা’’তি ৰদামি। উপধিং হি পটিচ্চ দুক্খমিদং সম্ভোতি, সব্বুপাদানক্খযা নত্থি দুক্খস্স সম্ভৰো, লোকমিমং পস্স, পুথূ অৰিজ্জায পরেতা ভূতা ভূতরতা ভৰা অপরিমুত্তা। যে হি কেচি ভৰা সব্বধি সব্বত্থতায সব্বেতে ভৰা অনিচ্চা দুক্খা ৰিপরিণামধম্মাতি।
Ye hi keci samaṇā vā brāhmaṇā vā bhavena bhavassa vippamokkhamāhaṃsu, sabbete ‘‘avippamuttā bhavasmā’’ti vadāmi. Ye vā pana keci samaṇā vā brāhmaṇā vā vibhavena bhavassa nissaraṇamāhaṃsu, sabbete ‘‘anissaṭā bhavasmā’’ti vadāmi. Upadhiṃ hi paṭicca dukkhamidaṃ sambhoti, sabbupādānakkhayā natthi dukkhassa sambhavo, lokamimaṃ passa, puthū avijjāya paretā bhūtā bhūtaratā bhavā aparimuttā. Ye hi keci bhavā sabbadhi sabbatthatāya sabbete bhavā aniccā dukkhā vipariṇāmadhammāti.
‘‘এৰমেতং যথাভূতং, সম্মপ্পঞ্ঞায পস্সতো।
‘‘Evametaṃ yathābhūtaṃ, sammappaññāya passato;
ভৰতণ্হা পহীযতি, ৰিভৰং নাভিনন্দতি।
Bhavataṇhā pahīyati, vibhavaṃ nābhinandati;
সব্বসো তণ্হানং খযা, অসেসৰিরাগনিরোধো নিব্বানং॥
Sabbaso taṇhānaṃ khayā, asesavirāganirodho nibbānaṃ.
‘‘তস্স নিব্বুতস্স ভিক্খুনো, অনুপাদা পুনব্ভৰো ন হোতি।
‘‘Tassa nibbutassa bhikkhuno, anupādā punabbhavo na hoti;
অভিভূতো মারো ৰিজিতসঙ্গামো, উপেচ্চগা সব্বভৰানি তাদী’’তি॥
Abhibhūto māro vijitasaṅgāmo, upeccagā sabbabhavāni tādī’’ti.
অযং লোকো সন্তাপজাতো যাৰ দুক্খন্তি যং তণ্হা সংকিলেসো।
Ayaṃ loko santāpajāto yāva dukkhanti yaṃ taṇhā saṃkileso.
যং পুনগ্গহণং যে হি কেচি সমণা ৰা ব্রাহ্মণা ৰা ভৰেন ভৰস্স ৰিমোক্খমাহংসু, সব্বেতে ‘‘অৰিমুত্তা ভৰস্মা’’তি ৰদামি। যে ৰা পন কেচি সমণা ৰা ব্রাহ্মণা ৰা ৰিভৰেন ভৰস্স নিস্সরণমাহংসু ‘‘অনিস্সটা ভৰস্মা’’তি ৰদামি। অযং দিট্ঠিসংকিলেসো, তং দিট্ঠিসংকিলেসো চ তণ্হাসংকিলেসো চ, উভযমেতং সংকিলেসো। যং পুনগ্গহণং ভৰৰিপ্পহানায ব্রহ্মচরিযং ৰুস্সতি, যাৰ সব্বসো উপাদানক্খযা সম্ভৰা, ইদং নিব্বেধভাগিযং। তস্স নিব্বুতস্স ভিক্খুনো যাৰ উপচ্চগা সব্বভৰানি তাদীতি ইদং অসেক্খভাগিযং। চত্তারো পুগ্গলা অনুসোতগামী সংকিলেসো ঠিতত্তো চ পটিসোতগামী চ নিব্বেধো। থলে তিট্ঠতীতি অসেক্খভূমি।
Yaṃ punaggahaṇaṃ ye hi keci samaṇā vā brāhmaṇā vā bhavena bhavassa vimokkhamāhaṃsu, sabbete ‘‘avimuttā bhavasmā’’ti vadāmi. Ye vā pana keci samaṇā vā brāhmaṇā vā vibhavena bhavassa nissaraṇamāhaṃsu ‘‘anissaṭā bhavasmā’’ti vadāmi. Ayaṃ diṭṭhisaṃkileso, taṃ diṭṭhisaṃkileso ca taṇhāsaṃkileso ca, ubhayametaṃ saṃkileso. Yaṃ punaggahaṇaṃ bhavavippahānāya brahmacariyaṃ vussati, yāva sabbaso upādānakkhayā sambhavā, idaṃ nibbedhabhāgiyaṃ. Tassa nibbutassa bhikkhuno yāva upaccagā sabbabhavāni tādīti idaṃ asekkhabhāgiyaṃ. Cattāro puggalā anusotagāmī saṃkileso ṭhitatto ca paṭisotagāmī ca nibbedho. Thale tiṭṭhatīti asekkhabhūmi.
১৬. তত্থ কতমং ৰাসনাভাগিযঞ্চ নিব্বেধভাগিযঞ্চ সুত্তং?
16. Tattha katamaṃ vāsanābhāgiyañca nibbedhabhāgiyañca suttaṃ?
‘‘দদতো 13 পুঞ্ঞং পৰড্ঢতি, সংযমতো ৰেরং ন চীযতি।
‘‘Dadato 14 puññaṃ pavaḍḍhati, saṃyamato veraṃ na cīyati;
কুসলো চ জহাতি পাপকং, রাগদোসমোহক্খযা সনিব্বুতো’’তি॥
Kusalo ca jahāti pāpakaṃ, rāgadosamohakkhayā sanibbuto’’ti.
‘‘দদতো পুঞ্ঞং পৰড্ঢতি, সংযমতো ৰেরং ন চীযতী’’তি ৰাসনা। ‘‘কুসলো চ জহাতি পাপকং, রাগদোসমোহক্খযা সনিব্বুতো’’তি নিব্বেধো।
‘‘Dadato puññaṃ pavaḍḍhati, saṃyamato veraṃ na cīyatī’’ti vāsanā. ‘‘Kusalo ca jahāti pāpakaṃ, rāgadosamohakkhayā sanibbuto’’ti nibbedho.
সোতানুগতেসু ধম্মেসু ৰচসা পরিচিতেসু মনসানুপেক্খিতেসু দিট্ঠিযা সুপ্পটিৰিদ্ধেসু পঞ্চানিসংসা পাটিকঙ্খা। ইধেকচ্চস্স বহুস্সুতা ধম্মা হোন্তি ধাতা অপমুট্ঠা ৰচসা পরিচিতা মনসানুপেক্খিতা দিট্ঠিযা সুপ্পটিৰিদ্ধা, সো যুঞ্জন্তো ঘটেন্তো ৰাযমন্তো দিট্ঠেৰ ধম্মে ৰিসেসং পপ্পোতি। নো চে দিট্ঠেৰ ধম্মে ৰিসেসং পপ্পোতি, গিলানো পপ্পোতি। নো চে গিলানো পপ্পোতি, মরণকালসমযে পপ্পোতি। নো চে মরণকালসমযে পপ্পোতি, দেৰভূতো পাপুণাতি। নো চে দেৰভূতো পাপুণাতি, তেন ধম্মরাগেন তায ধম্মনন্দিযা পচ্চেকবোধিং পাপুণাতি।
Sotānugatesu dhammesu vacasā paricitesu manasānupekkhitesu diṭṭhiyā suppaṭividdhesu pañcānisaṃsā pāṭikaṅkhā. Idhekaccassa bahussutā dhammā honti dhātā apamuṭṭhā vacasā paricitā manasānupekkhitā diṭṭhiyā suppaṭividdhā, so yuñjanto ghaṭento vāyamanto diṭṭheva dhamme visesaṃ pappoti. No ce diṭṭheva dhamme visesaṃ pappoti, gilāno pappoti. No ce gilāno pappoti, maraṇakālasamaye pappoti. No ce maraṇakālasamaye pappoti, devabhūto pāpuṇāti. No ce devabhūto pāpuṇāti, tena dhammarāgena tāya dhammanandiyā paccekabodhiṃ pāpuṇāti.
তত্থাযং দিট্ঠেৰ ধম্মে পাপুণাতি, অযং নিব্বেধো। যং সম্পরাযে পচ্চেকবোধিং পাপুণাতি, অযং ৰাসনা। ইমানি সোল়স সুত্তানি সব্বসাসনং অতিগ্গণ্হন্তো তিট্ঠন্তি। ইমেহি সোল়সহি সুত্তেহি নৰৰিধো সুত্তন্তো ৰিভত্তো ভৰতি। সো চ পঞ্ঞৰতো নো দুপ্পঞ্ঞস্স, যুত্তস্স নো অযুত্তস্স, অকম্মস্স ৰিহারিস্স পকতিযা লোকে সংকিলেসো চরতি। সো সংকিলেসো তিৰিধো – তণ্হাসংকিলেসো দিট্ঠিসংকিলেসো দুচ্চরিতসংকিলেসো। ততো সংকিলেসতো উট্ঠহন্তো সংকিলেসো ধম্মেসু পতিট্ঠহতি, লোকিযেসু পতিট্ঠহতীতি। তত্থাকুসলো দিট্ঠতো সচে তং সীলঞ্চ দিট্ঠিঞ্চ পরামসতি, তস্স সো তণ্হাসংকিলেসো হোতি। সচে পনস্স এৰং হোতি ‘‘ইমিনাহং সীলেন ৰা ৰতেন ৰা ব্রহ্মচরিযেন ৰা দেৰো ৰা ভৰিস্সং 15 দেৰঞ্ঞতরো ৰা’’তি যস্স হোতি মিচ্ছাদিট্ঠি, এতস্স মিচ্ছাদিট্ঠিসংকিলেসো ভৰতি। সচে পন সীলে পতিট্ঠিতো অপরামট্ঠস্স হি সীলৰতং হোতি, তস্স তং সীলৰতো যোনিসো গহিতং অৰিপ্পটিসারং জনেতি যাৰ ৰিমুত্তিঞাণদস্সনং, তঞ্চ তস্স দিট্ঠেৰ ধম্মে কালঙ্কতস্স ৰা তম্হিযেৰ ৰা পন অপরাপরিযাযেন ৰা, অঞ্ঞেসু খন্ধেসু এৰং সুতং ‘‘সুচরিতং ৰাসনায সংৰত্ততী’’তি ৰাসনাভাগিযং সুত্তং ৰুচ্চতি। তত্থ সীলেসু ঠিতস্স ৰিনীৰরণং চিত্তং, তং ততো সক্কাযদিট্ঠিপ্পহানায ভগৰা ধম্মং দেসেতি। সো অচ্চন্তনিট্ঠং নিব্বানং পাপুণাতি; যদি ৰা সাসনন্তরে, অচ্চন্তং নিব্বানং পাপুণাতি, যদি ৰা একাসনে ছ অভিঞ্ঞে। তত্থ দ্ৰে পুগ্গলা অরিযধম্মে পাপুণন্তি সদ্ধানুসারী চ ধম্মানুসারী চ। তত্থ ধম্মানুসারী উগ্ঘটিতঞ্ঞূ, সদ্ধানুসারী নেয্যো। তত্থ উগ্ঘটিতঞ্ঞূ দুৰিধো – কোচি তিক্খিন্দ্রিযো কোচি মুদিন্দ্রিযো। তত্থ নেয্যোপি দুৰিধো – কোচি তিক্খিন্দ্রিযো কোচি মুদিন্দ্রিযো। তত্থ যো চ উগ্ঘটিতঞ্ঞূ মুদিন্দ্রিযো, যো চ নেয্যো তিক্খিন্দ্রিযো, ইমে পুগ্গলা অসমিন্দ্রিযা হোন্তি। তত্থ ইমে পুগ্গলা সমিন্দ্রিযা পরিহাযন্তি চ উগ্ঘটিতঞ্ঞুতো, ৰিপঞ্চিতঞ্ঞূ নেয্যতো, ইমে মজ্ঝিমা ভূমিগতা ৰিপঞ্চিতঞ্ঞূ হোতি। ইমে তযো পুগ্গলা।
Tatthāyaṃ diṭṭheva dhamme pāpuṇāti, ayaṃ nibbedho. Yaṃ samparāye paccekabodhiṃ pāpuṇāti, ayaṃ vāsanā. Imāni soḷasa suttāni sabbasāsanaṃ atiggaṇhanto tiṭṭhanti. Imehi soḷasahi suttehi navavidho suttanto vibhatto bhavati. So ca paññavato no duppaññassa, yuttassa no ayuttassa, akammassa vihārissa pakatiyā loke saṃkileso carati. So saṃkileso tividho – taṇhāsaṃkileso diṭṭhisaṃkileso duccaritasaṃkileso. Tato saṃkilesato uṭṭhahanto saṃkileso dhammesu patiṭṭhahati, lokiyesu patiṭṭhahatīti. Tatthākusalo diṭṭhato sace taṃ sīlañca diṭṭhiñca parāmasati, tassa so taṇhāsaṃkileso hoti. Sace panassa evaṃ hoti ‘‘imināhaṃ sīlena vā vatena vā brahmacariyena vā devo vā bhavissaṃ 16 devaññataro vā’’ti yassa hoti micchādiṭṭhi, etassa micchādiṭṭhisaṃkileso bhavati. Sace pana sīle patiṭṭhito aparāmaṭṭhassa hi sīlavataṃ hoti, tassa taṃ sīlavato yoniso gahitaṃ avippaṭisāraṃ janeti yāva vimuttiñāṇadassanaṃ, tañca tassa diṭṭheva dhamme kālaṅkatassa vā tamhiyeva vā pana aparāpariyāyena vā, aññesu khandhesu evaṃ sutaṃ ‘‘sucaritaṃ vāsanāya saṃvattatī’’ti vāsanābhāgiyaṃ suttaṃ vuccati. Tattha sīlesu ṭhitassa vinīvaraṇaṃ cittaṃ, taṃ tato sakkāyadiṭṭhippahānāya bhagavā dhammaṃ deseti. So accantaniṭṭhaṃ nibbānaṃ pāpuṇāti; yadi vā sāsanantare, accantaṃ nibbānaṃ pāpuṇāti, yadi vā ekāsane cha abhiññe. Tattha dve puggalā ariyadhamme pāpuṇanti saddhānusārī ca dhammānusārī ca. Tattha dhammānusārī ugghaṭitaññū, saddhānusārī neyyo. Tattha ugghaṭitaññū duvidho – koci tikkhindriyo koci mudindriyo. Tattha neyyopi duvidho – koci tikkhindriyo koci mudindriyo. Tattha yo ca ugghaṭitaññū mudindriyo, yo ca neyyo tikkhindriyo, ime puggalā asamindriyā honti. Tattha ime puggalā samindriyā parihāyanti ca ugghaṭitaññuto, vipañcitaññū neyyato, ime majjhimā bhūmigatā vipañcitaññū hoti. Ime tayo puggalā.
১৭. তত্থ চতুত্থা পন পঞ্চমা উগ্ঘটিতঞ্ঞূ ৰিপঞ্চিতঞ্ঞূ নেয্যো চ, তত্থ উগ্ঘটিতঞ্ঞূ পুগ্গলো ইন্দ্রিযানি পটিলভিত্ৰা দস্সনভূমিযং ঠিতো সোতাপত্তিফলঞ্চ পাপুণাতি, একবীজী হোতি পঠমো সোতাপন্নো। তত্থ ৰিপঞ্চিতঞ্ঞূ পুগ্গলো ইন্দ্রিযানি পটিলভিত্ৰা দস্সনভূমিযং ঠিতো সোতাপত্তিফলঞ্চ পাপুণাতি, কোলংকোলো চ হোতি দুতিযো সোতাপন্নো । তত্থ নেয্যো পুগ্গলো ইন্দ্রিযানি পটিলভিত্ৰা দস্সনভূমিযং ঠিতো সোতাপত্তিফলঞ্চ পাপুণাতি, সত্তক্খত্তুপরমো চ হোতি , অযং ততিযো সোতাপন্নো। ইমে তযো পুগ্গলা ইন্দ্রিযৰেমত্ততায সোতাপত্তিফলে ঠিতা।
17. Tattha catutthā pana pañcamā ugghaṭitaññū vipañcitaññū neyyo ca, tattha ugghaṭitaññū puggalo indriyāni paṭilabhitvā dassanabhūmiyaṃ ṭhito sotāpattiphalañca pāpuṇāti, ekabījī hoti paṭhamo sotāpanno. Tattha vipañcitaññū puggalo indriyāni paṭilabhitvā dassanabhūmiyaṃ ṭhito sotāpattiphalañca pāpuṇāti, kolaṃkolo ca hoti dutiyo sotāpanno . Tattha neyyo puggalo indriyāni paṭilabhitvā dassanabhūmiyaṃ ṭhito sotāpattiphalañca pāpuṇāti, sattakkhattuparamo ca hoti , ayaṃ tatiyo sotāpanno. Ime tayo puggalā indriyavemattatāya sotāpattiphale ṭhitā.
উগ্ঘটিতঞ্ঞূ একবীজী হোতি, ৰিপঞ্চিতঞ্ঞূ কোলংকোলো হোতি, নেয্যো সত্তক্খত্তুপরমো হোতি। ইদং নিব্বেধভাগিযং সুত্তং। সচে পন তদুত্তরি ৰাযমতি, অচ্চন্তনিট্ঠং নিব্বানং পাপুণাতি। তত্থ উগ্ঘটিতঞ্ঞূ পুগ্গলো যো তিক্খিন্দ্রিযো, তে দ্ৰে পুগ্গলা হোন্তি – অনাগামিফলং পাপুণিত্ৰা অন্তরাপরিনিব্বাযী চ উপহচ্চপরিনিব্বাযী চ। তত্থ ৰিপঞ্চিতঞ্ঞূ পুগ্গলো যো তিক্খিন্দ্রিযো, তে দ্ৰে পুগ্গলা হোন্তি – অনাগামিফলং পাপুণন্তি অসঙ্খারপরিনিব্বাযী চ সসঙ্খারপরিনিব্বাযী চ। তত্থ নেয্যো অনাগামিফলং পাপুণন্তো উদ্ধংসোতো অকনিট্ঠগামী হোতি, উগ্ঘটিতঞ্ঞূ চ ৰিপঞ্চিতঞ্ঞূ চ, ইন্দ্রিযনানত্তেন উগ্ঘটিতঞ্ঞূ পুগ্গলো তিক্খিন্দ্রিযো অন্তরাপরিনিব্বাযী হোতি, উগ্ঘটিতঞ্ঞূ মুদিন্দ্রিযো উদ্ধংসোতো অকনিট্ঠগামী হোতি। উগ্ঘটিতঞ্ঞূ চ ৰিপঞ্চিতঞ্ঞূ চ ইন্দ্রিযনানত্তেন উগ্ঘটিতঞ্ঞূ পুগ্গলো তিক্খিন্দ্রিযো সসঙ্খারপরিনিব্বাযী হোতি, তিক্খিন্দ্রিযো অন্তরাপরিনিব্বাযী হোতি, উগ্ঘটিতঞ্ঞূ মুদিন্দ্রিযো উপহচ্চপরিনিব্বাযী হোতি। ৰিপঞ্চিতঞ্ঞূ তিক্খিন্দ্রিযো অসঙ্খারপরিনিব্বাযী হোতি, ৰিপঞ্চিতঞ্ঞূ মুদিন্দ্রিযো সসঙ্খারপরিনিব্বাযী হোতি, নেয্যো উপহচ্চপরিনিব্বাযী হোতি, ৰিপঞ্চিতঞ্ঞূ তিক্খিন্দ্রিযো অসঙ্খারপরিনিব্বাযী হোতি। ৰিপঞ্চিতঞ্ঞূ মুদিন্দ্রিযো সসঙ্খারপরিনিব্বাযী হোতি, নেয্যো উদ্ধংসোতো অকনিট্ঠগামী হোতি। ইতি পঞ্চ অনাগামিনো, ছট্ঠো সকদাগামী, তযো চ সোতাপন্নাতি ইমে নৰ সেক্খা।
Ugghaṭitaññū ekabījī hoti, vipañcitaññū kolaṃkolo hoti, neyyo sattakkhattuparamo hoti. Idaṃ nibbedhabhāgiyaṃ suttaṃ. Sace pana taduttari vāyamati, accantaniṭṭhaṃ nibbānaṃ pāpuṇāti. Tattha ugghaṭitaññū puggalo yo tikkhindriyo, te dve puggalā honti – anāgāmiphalaṃ pāpuṇitvā antarāparinibbāyī ca upahaccaparinibbāyī ca. Tattha vipañcitaññū puggalo yo tikkhindriyo, te dve puggalā honti – anāgāmiphalaṃ pāpuṇanti asaṅkhāraparinibbāyī ca sasaṅkhāraparinibbāyī ca. Tattha neyyo anāgāmiphalaṃ pāpuṇanto uddhaṃsoto akaniṭṭhagāmī hoti, ugghaṭitaññū ca vipañcitaññū ca, indriyanānattena ugghaṭitaññū puggalo tikkhindriyo antarāparinibbāyī hoti, ugghaṭitaññū mudindriyo uddhaṃsoto akaniṭṭhagāmī hoti. Ugghaṭitaññū ca vipañcitaññū ca indriyanānattena ugghaṭitaññū puggalo tikkhindriyo sasaṅkhāraparinibbāyī hoti, tikkhindriyo antarāparinibbāyī hoti, ugghaṭitaññū mudindriyo upahaccaparinibbāyī hoti. Vipañcitaññū tikkhindriyo asaṅkhāraparinibbāyī hoti, vipañcitaññū mudindriyo sasaṅkhāraparinibbāyī hoti, neyyo upahaccaparinibbāyī hoti, vipañcitaññū tikkhindriyo asaṅkhāraparinibbāyī hoti. Vipañcitaññū mudindriyo sasaṅkhāraparinibbāyī hoti, neyyo uddhaṃsoto akaniṭṭhagāmī hoti. Iti pañca anāgāmino, chaṭṭho sakadāgāmī, tayo ca sotāpannāti ime nava sekkhā.
তত্থ উগ্ঘটিতঞ্ঞূ পুগ্গলো তিক্খিন্দ্রিযো অরহত্তং পাপুণন্তো দ্ৰে পুগ্গলা হোন্তি উভতোভাগৰিমুত্তো পঞ্ঞাৰিমুত্তো চ। তত্থ উগ্ঘটিতঞ্ঞূ পুগ্গলো মুদিন্দ্রিযো অরহত্তং পাপুণন্তো দ্ৰে পুগ্গলা হোন্তি, ঠিতকপ্পী 17 চ পটিৰেধনভাৰো পুগ্গলো চ তিক্খিন্দ্রিযো সো অরহত্তং পাপুণন্তো দ্ৰে পুগ্গলা হোন্তি চেতনাভব্বো চ রক্খণাভব্বো চ। তত্থ ৰিপঞ্চিতঞ্ঞূ মুদিন্দ্রিযো অরহত্তং পাপুণন্তো দ্ৰে পুগ্গলা হোন্তি, সচে চেতেতি ন পরিনিব্বাযী, নো চে চেতেতি পরিনিব্বাযীতি। সচে অনুরক্খতি ন পরিনিব্বাযী, নো চে অনুরক্খতি পরিনিব্বাযীতি। তত্থ নেয্যো পুগ্গলো ভাৰনানুযোগমনুযুত্তো পরিহানধম্মো হোতি কম্মনিযতো ৰা সমসীসি ৰা, ইমে নৰ অরহন্তো ইদং চতুব্বিধং সুত্তং সংকিলেসভাগিযং অসেক্খভাগিযং। ইমেসু পুগ্গলেসু তথাগতস্স দসৰিধং বলং পৰত্ততি।
Tattha ugghaṭitaññū puggalo tikkhindriyo arahattaṃ pāpuṇanto dve puggalā honti ubhatobhāgavimutto paññāvimutto ca. Tattha ugghaṭitaññū puggalo mudindriyo arahattaṃ pāpuṇanto dve puggalā honti, ṭhitakappī 18 ca paṭivedhanabhāvo puggalo ca tikkhindriyo so arahattaṃ pāpuṇanto dve puggalā honti cetanābhabbo ca rakkhaṇābhabbo ca. Tattha vipañcitaññū mudindriyo arahattaṃ pāpuṇanto dve puggalā honti, sace ceteti na parinibbāyī, no ce ceteti parinibbāyīti. Sace anurakkhati na parinibbāyī, no ce anurakkhati parinibbāyīti. Tattha neyyo puggalo bhāvanānuyogamanuyutto parihānadhammo hoti kammaniyato vā samasīsi vā, ime nava arahanto idaṃ catubbidhaṃ suttaṃ saṃkilesabhāgiyaṃ asekkhabhāgiyaṃ. Imesu puggalesu tathāgatassa dasavidhaṃ balaṃ pavattati.
১৮. কতমং দসৰিধং? ইধ বুদ্ধানং ভগৰন্তানং অপ্পৰত্তিতে ধম্মচক্কে মহেসক্খা দেৰপুত্তা যাচনায অভিযাতা 19 হোন্তি ‘‘দেসেতু সুগতো ধম্ম’’ন্তি। সো অনুত্তরেন বুদ্ধচক্খুনা ৰোলোকেন্তো অদ্দসাসি সত্তানং তযো রাসীনং সম্মত্তনিযতো মিচ্ছত্তনিযতো অনিযতো। তত্থ সম্মত্তনিযতো রাসি মিচ্ছাসতিং আপজ্জেয্যাতি নেতং ঠানং ৰিজ্জতি, অসত্থুকো পরিনিব্বাযেয্যাতি নেতং ঠানং ৰিজ্জতি, সমাপত্তিং আপজ্জেয্যাতি ঠানমেতং ৰিজ্জতি। তত্থ মিচ্ছত্তনিযতো রাসি অরিযসমাপত্তিং পটিপজ্জিস্সতীতি নেতং ঠানং ৰিজ্জতি, অনরিযমিচ্ছাপটিপত্তিং পটিপজ্জিস্সতীতি ঠানমেতং ৰিজ্জতি। তত্থ অনিযতো রাসি সম্মাপটিপজ্জমানং সম্মত্তনিযতরাসিং গমিস্সতীতি ঠানমেতং ৰিজ্জতি, মিচ্ছাপটিপজ্জমানো সম্মত্তনিযতরাসিং গমিস্সতীতি নেতং ঠানং ৰিজ্জতি। সম্মাপটিপজ্জমানং সম্মত্তনিযতরাসিং গমিস্সতীতি ঠানমেতং ৰিজ্জতি, মিচ্ছাপটিপজ্জমানং মিচ্ছত্তনিযতরাসিং গমিস্সতীতি ঠানমেতং ৰিজ্জতি। ইমে তযো অনুত্তরেন বুদ্ধচক্খুনা ৰোলোকেন্তস্স সম্মাসম্বুদ্ধস্স মে সতো ইমে ধম্মা অনভিসম্বুদ্ধাতি এত্তৰতা মং কোচি সহধম্মেন পটিচোদিস্সতীতি নেতং ঠানং ৰিজ্জতি, ৰীতরাগস্স তে পটিজানতো অখীণাসৰতায সহধম্মেন কোচি পটিচোদিস্সতীতি নেতং ঠানং ৰিজ্জতি। যতো পন ইমস্স অনিযতস্স রাসিস্স ধম্মদেসনা, সা ন দিস্সতি তক্করস্স সম্মাদুক্খক্খযাযাতি নেতং ঠানং ৰিজ্জতি, তথা ওৰদিতো যং পন মে অনিযতরাসি সাৰকো পুব্বেনাপরং ৰিসেসং ন সচ্ছিকরিস্সতীতি নেতং ঠানং ৰিজ্জতি।
18. Katamaṃ dasavidhaṃ? Idha buddhānaṃ bhagavantānaṃ appavattite dhammacakke mahesakkhā devaputtā yācanāya abhiyātā 20 honti ‘‘desetu sugato dhamma’’nti. So anuttarena buddhacakkhunā volokento addasāsi sattānaṃ tayo rāsīnaṃ sammattaniyato micchattaniyato aniyato. Tattha sammattaniyato rāsi micchāsatiṃ āpajjeyyāti netaṃ ṭhānaṃ vijjati, asatthuko parinibbāyeyyāti netaṃ ṭhānaṃ vijjati, samāpattiṃ āpajjeyyāti ṭhānametaṃ vijjati. Tattha micchattaniyato rāsi ariyasamāpattiṃ paṭipajjissatīti netaṃ ṭhānaṃ vijjati, anariyamicchāpaṭipattiṃ paṭipajjissatīti ṭhānametaṃ vijjati. Tattha aniyato rāsi sammāpaṭipajjamānaṃ sammattaniyatarāsiṃ gamissatīti ṭhānametaṃ vijjati, micchāpaṭipajjamāno sammattaniyatarāsiṃ gamissatīti netaṃ ṭhānaṃ vijjati. Sammāpaṭipajjamānaṃ sammattaniyatarāsiṃ gamissatīti ṭhānametaṃ vijjati, micchāpaṭipajjamānaṃ micchattaniyatarāsiṃ gamissatīti ṭhānametaṃ vijjati. Ime tayo anuttarena buddhacakkhunā volokentassa sammāsambuddhassa me sato ime dhammā anabhisambuddhāti ettavatā maṃ koci sahadhammena paṭicodissatīti netaṃ ṭhānaṃ vijjati, vītarāgassa te paṭijānato akhīṇāsavatāya sahadhammena koci paṭicodissatīti netaṃ ṭhānaṃ vijjati. Yato pana imassa aniyatassa rāsissa dhammadesanā, sā na dissati takkarassa sammādukkhakkhayāyāti netaṃ ṭhānaṃ vijjati, tathā ovadito yaṃ pana me aniyatarāsi sāvako pubbenāparaṃ visesaṃ na sacchikarissatīti netaṃ ṭhānaṃ vijjati.
১৯. যং খো মুনি নানপ্পকারস্স নানানিরুত্তিযো দেৰনাগযক্খানং দমেতি ধম্মে ৰৰত্থানেন ৰত্ৰা কারণতো অঞ্ঞং পারং গমিস্সতীতি নেতং ঠানং ৰিজ্জতি। ধম্মপটিসম্ভিদা। যতো পনিমা নিরুত্তিতো সত্ত সত্ত নিরুত্তিযো নাভিসম্ভুনেয্যাতি নেতং ঠানং ৰিজ্জতি। নিরুত্তিপটিসম্ভিদা। নিরুত্তি খো পন অভিসমগ্গরতানং সাৰকানং তমত্থমৰিঞ্ঞাপযেতি নেতং ঠানং ৰিজ্জতি। অত্থপটিসম্ভিদা । মহেসক্খা দেৰপুত্তা উপসঙ্কমিত্ৰা পঞ্হে পুচ্ছিংসু । কাযিকেন ৰা মানসিকেন ৰা পরিপীল়িতস্স হত্থকুণীতি ৰা পাদে ৰা খঞ্জে দন্ধস্স 21 সো অত্থো ন পরিভাজিযতীতি নেতং ঠানং ৰিজ্জতি। পটিভানপটিসম্ভিদা। যম্হি তং তেসং হোতি তম্হি অসন্তং ভৰতীতি নেতং ঠানং ৰিজ্জতি। যং হি নাসং তেসং ন ভৰতি, তম্হি নাসং তেসং ভৰিস্সতীতি নেতং ঠানং ৰিজ্জতি। এৰং সমুদযস্স নিরোধায দস অকুসলকম্মপথা। মারো ৰা ইন্দো ৰা ব্রহ্মা ৰা তথাগতো ৰা চক্কৰত্তী ৰা সো ৰত নাম মাতুগামো ভৰিস্সতীতি নেতং ঠানং ৰিজ্জতি, পুরিসো অস্স রাজা চক্কৰত্তী সক্কো দেৰানমিন্দো ভৰিস্সতীতি ঠানমেতং ৰিজ্জতি। ইতিস্স এৰরূপং বলং এৰরূপং ঞাণং, ইদং ৰুচ্চতি ঠানাট্ঠানঞাণং পঠমং তথাগতবলং তং নিদ্দিসিতব্বং। তীহি রাসীহি চতূহি ৰেসারজ্জেহি চতূহি পটিসম্ভিদাহি পটিচ্চসমুপ্পাদস্স পৰত্তিযং নিৰত্তিযং ভাগিযঞ্চ। কুসলং কুসলৰিপাকেসু চ উপপজ্জতি যঞ্চ ইত্থিপুরিসানং। ইদং পঠমং বলং তথাগতো এৰং জানাতি।
19. Yaṃ kho muni nānappakārassa nānāniruttiyo devanāgayakkhānaṃ dameti dhamme vavatthānena vatvā kāraṇato aññaṃ pāraṃ gamissatīti netaṃ ṭhānaṃ vijjati. Dhammapaṭisambhidā. Yato panimā niruttito satta satta niruttiyo nābhisambhuneyyāti netaṃ ṭhānaṃ vijjati. Niruttipaṭisambhidā. Nirutti kho pana abhisamaggaratānaṃ sāvakānaṃ tamatthamaviññāpayeti netaṃ ṭhānaṃ vijjati. Atthapaṭisambhidā . Mahesakkhā devaputtā upasaṅkamitvā pañhe pucchiṃsu . Kāyikena vā mānasikena vā paripīḷitassa hatthakuṇīti vā pāde vā khañje dandhassa 22 so attho na paribhājiyatīti netaṃ ṭhānaṃ vijjati. Paṭibhānapaṭisambhidā. Yamhi taṃ tesaṃ hoti tamhi asantaṃ bhavatīti netaṃ ṭhānaṃ vijjati. Yaṃ hi nāsaṃ tesaṃ na bhavati, tamhi nāsaṃ tesaṃ bhavissatīti netaṃ ṭhānaṃ vijjati. Evaṃ samudayassa nirodhāya dasa akusalakammapathā. Māro vā indo vā brahmā vā tathāgato vā cakkavattī vā so vata nāma mātugāmo bhavissatīti netaṃ ṭhānaṃ vijjati, puriso assa rājā cakkavattī sakko devānamindo bhavissatīti ṭhānametaṃ vijjati. Itissa evarūpaṃ balaṃ evarūpaṃ ñāṇaṃ, idaṃ vuccati ṭhānāṭṭhānañāṇaṃ paṭhamaṃ tathāgatabalaṃ taṃ niddisitabbaṃ. Tīhi rāsīhi catūhi vesārajjehi catūhi paṭisambhidāhi paṭiccasamuppādassa pavattiyaṃ nivattiyaṃ bhāgiyañca. Kusalaṃ kusalavipākesu ca upapajjati yañca itthipurisānaṃ. Idaṃ paṭhamaṃ balaṃ tathāgato evaṃ jānāti.
যেসং পন সম্মত্তনিযতো রাসি, নাযং সব্বত্থগামিনী পটিপদা, নিব্বানগামিনীযেৰাযং পটিপদা। তত্থ সিযা মিচ্ছত্তনিযতো রাসি, এসাপি ন সব্বত্থগামিনী পটিপদা। সক্কাযসমুদযগামিনীযেৰাযং পটিপদা হোতু, অযং তত্থ তত্থ পটিপত্তিযা ঠিতো গচ্ছতি নিব্বানং, গচ্ছতি অপাযং, গচ্ছতি দেৰমনুস্সস্স। যং যং ৰা পটিপদং পটিপজ্জেয্য সব্বত্থ গচ্ছেয্য, অযং সব্বত্থগামিনী পটিপদা। যং এত্থ ঞাণং যথাভূতং, ইদং ৰুচ্চতি সব্বত্থগামিনী পটিপদাঞাণং দুতিযং তথাগতবলং।
Yesaṃ pana sammattaniyato rāsi, nāyaṃ sabbatthagāminī paṭipadā, nibbānagāminīyevāyaṃ paṭipadā. Tattha siyā micchattaniyato rāsi, esāpi na sabbatthagāminī paṭipadā. Sakkāyasamudayagāminīyevāyaṃ paṭipadā hotu, ayaṃ tattha tattha paṭipattiyā ṭhito gacchati nibbānaṃ, gacchati apāyaṃ, gacchati devamanussassa. Yaṃ yaṃ vā paṭipadaṃ paṭipajjeyya sabbattha gaccheyya, ayaṃ sabbatthagāminī paṭipadā. Yaṃ ettha ñāṇaṃ yathābhūtaṃ, idaṃ vuccati sabbatthagāminī paṭipadāñāṇaṃ dutiyaṃ tathāgatabalaṃ.
সা খো পনাযং সব্বত্থগামিনী পটিপদা নানাধিমুত্তা কেচি কামেসু কেচি দুক্করকারিযং কেচি অত্তকিলমথানুযোগমনুযুত্তা কেচি সংসারেন সুদ্ধিং পচ্চেন্তি কেচি অনজ্জাভাৰনাতি। তেন তেন চরিতেন ৰিনিবন্ধানং সত্তানং যং ঞাণং যথাভূতং নানাগতং লোকস্স অনেকাধিমুত্তগতং যথাভূতং পজানাতি। ইদং ততিযং তথাগতবলং।
Sā kho panāyaṃ sabbatthagāminī paṭipadā nānādhimuttā keci kāmesu keci dukkarakāriyaṃ keci attakilamathānuyogamanuyuttā keci saṃsārena suddhiṃ paccenti keci anajjābhāvanāti. Tena tena caritena vinibandhānaṃ sattānaṃ yaṃ ñāṇaṃ yathābhūtaṃ nānāgataṃ lokassa anekādhimuttagataṃ yathābhūtaṃ pajānāti. Idaṃ tatiyaṃ tathāgatabalaṃ.
তত্থ সত্তানং অধিমুত্তা ভৰন্তি আসেৰন্তি ভাৰেন্তি বহুলীকরোন্তি। তেসং কম্মুপসযানং তদাধিমুত্তানং। সা চেৰ ধাতু সংৰহতি। কতরা পনেসা ধাতু নেক্খম্মধাতু বলধাতু কাচি সম্পত্তি কাচি মিচ্ছত্তঞ্চ ধাতু অধিমুত্তা ভৰন্তি। অঞ্ঞতরা উত্তরি ন সমনুপস্সন্তি। তে তদেৰট্ঠানং মযা জরামরণস্স অভিনিৰিস্স ৰোহরন্তি ‘‘ইদমেৰ সচ্চং মোঘমঞ্ঞ’’ন্তি। যথা ভগৰা সক্কস্স দেৰানমিন্দস্স ভাসিতং। যং তত্থ যথাভূতং ঞাণং। ইদং ৰুচ্চতি চতুত্থং তথাগতবলং।
Tattha sattānaṃ adhimuttā bhavanti āsevanti bhāventi bahulīkaronti. Tesaṃ kammupasayānaṃ tadādhimuttānaṃ. Sā ceva dhātu saṃvahati. Katarā panesā dhātu nekkhammadhātu baladhātu kāci sampatti kāci micchattañca dhātu adhimuttā bhavanti. Aññatarā uttari na samanupassanti. Te tadevaṭṭhānaṃ mayā jarāmaraṇassa abhinivissa voharanti ‘‘idameva saccaṃ moghamañña’’nti. Yathā bhagavā sakkassa devānamindassa bhāsitaṃ. Yaṃ tattha yathābhūtaṃ ñāṇaṃ. Idaṃ vuccati catutthaṃ tathāgatabalaṃ.
তত্থ যংযেৰ ধাতু 23 সেট্ঠন্তি তং তং কাযেন চ ৰাচায চ আরম্ভন্তি চেতসিকো। আরম্ভো চেতনা কম্মং কাযিকা ৰাচসিকা আরম্ভো চেতসিকত্তা কম্মন্তরং তথাগতো এৰং পজানাতি ‘‘ইমিনা সত্তেন এৰং ধাতুকেন এৰরূপং কম্মং কতং, তং অতীতমদ্ধানং ইমিনা হেতুনা তস্স এৰরূপো ৰিপাকো ৰিপচ্চতি এতরহি ৰিপচ্চিস্সতি ৰা অনাগতমদ্ধান’’ন্তি। এৰং পচ্চুপ্পন্নমদ্ধানং পজানাতি ‘‘অযং পুগ্গলো এৰংধাতুকো ইদং কম্মং করোতি’’। তণ্হায চ দিট্ঠিযা চ ইমিনা হেতুনা ন তস্স ৰিপাকো দিট্ঠেযেৰ ধম্মে নিব্বত্তিস্সতি, উপপজ্জে ৰা’’তি অপরম্হি ৰা পরিযাযে এৰং পজানাতি ‘‘অযং পুগ্গলো এৰরূপং কম্মং করিস্সতি অনাগতমদ্ধানং, ইমিনা হেতুনা তস্স এৰরূপো ৰিপাকো নিব্বত্তিস্সতি, ইমিনা হেতুনা যানি চত্তারি কম্মট্ঠানানি ইদং কম্মট্ঠানং পচ্চুপ্পন্নসুখং আযতিং চ সুখৰিপাকং’’ …পে॰… ইতি অযং অতীতানাগতপচ্চুপ্পন্নানং কম্মসমাদানানং হেতুসো ঠানসো ৰিপাকৰেমত্ততং পজানাতি উচ্চাৰচা হীনপণীততা, ইদং ৰুচ্চতি কম্মৰিপাকঞাণং পঞ্চমং তথাগতবলং।
Tattha yaṃyeva dhātu 24 seṭṭhanti taṃ taṃ kāyena ca vācāya ca ārambhanti cetasiko. Ārambho cetanā kammaṃ kāyikā vācasikā ārambho cetasikattā kammantaraṃ tathāgato evaṃ pajānāti ‘‘iminā sattena evaṃ dhātukena evarūpaṃ kammaṃ kataṃ, taṃ atītamaddhānaṃ iminā hetunā tassa evarūpo vipāko vipaccati etarahi vipaccissati vā anāgatamaddhāna’’nti. Evaṃ paccuppannamaddhānaṃ pajānāti ‘‘ayaṃ puggalo evaṃdhātuko idaṃ kammaṃ karoti’’. Taṇhāya ca diṭṭhiyā ca iminā hetunā na tassa vipāko diṭṭheyeva dhamme nibbattissati, upapajje vā’’ti aparamhi vā pariyāye evaṃ pajānāti ‘‘ayaṃ puggalo evarūpaṃ kammaṃ karissati anāgatamaddhānaṃ, iminā hetunā tassa evarūpo vipāko nibbattissati, iminā hetunā yāni cattāri kammaṭṭhānāni idaṃ kammaṭṭhānaṃ paccuppannasukhaṃ āyatiṃ ca sukhavipākaṃ’’ …pe… iti ayaṃ atītānāgatapaccuppannānaṃ kammasamādānānaṃ hetuso ṭhānaso vipākavemattataṃ pajānāti uccāvacā hīnapaṇītatā, idaṃ vuccati kammavipākañāṇaṃ pañcamaṃ tathāgatabalaṃ.
তথা সত্তা যং ৰা কম্মসমাদানং সমাদিযন্তা তত্থ এৰং পজানাতি ইমস্স পুগ্গলস্স কম্মাধিমুত্তস্স রাগচরিতস্স নেক্খম্মধাতূনং পারিপূরিং গচ্ছন্তি, তস্স রাগানুগতে সুঞ্ঞমানস্স পঠমং ঝানং সংকিলিস্সতি, সচে পুন উত্তরি ৰাযামতো ঝানৰোদানগতে মানসে ৰিসেসভাগিযং পটিপদং অনুযুঞ্জিযতি। তস্স হি ঝানভাগিযংযেৰ পঠমজ্ঝানে ঠিতস্স দুতিযং ঝানং ৰোদানং গচ্ছতি, ততিযঞ্চ ঝানং সমাপজ্জিতুকামস্স সোমনস্সিন্দ্রিযং চিত্তং পরিযাদায তিট্ঠতি, তস্স সা পীতি অৰিসেসভাগিযং ততিযং ঝানং আদিস্স তিট্ঠতি। সচে তস্স নিস্সরণং যথাভূতং পজানাতি। তথাগতস্স চতুত্থজ্ঝানং ৰোদানং গচ্ছতিযেৰ, চতুত্থস্স ঝানস্স হানভাগিযা ধম্মা, তে চ ধম্মা যত্থ পজাযন্তি যেহি চতুত্থজ্ঝানং ৰোদানং দিস্সতি। এৰং অজ্ঝাসযসমাপত্তিযা যা চতস্সো সমাপত্তিযো তীণি ৰিমোক্খমুখানি অট্ঠ ৰিমোক্খঝানানীতি চত্তারি ঝানানি ৰিমোক্খাতি। অট্ঠ চ ৰিমোক্খা তীণি চ ৰিমোক্খমুখানি। সমাধীতি চত্তারো সমাধী – ছন্দসমাধি ৰীরিযসমাধি চিত্তসমাধি ৰীমংসাসমাধীতি। সমাপত্তিযো চতস্সো অজ্ঝাসযসমাপত্তিযো ইতি ইমেসং ঝানানং ৰিমোক্খসমাপত্তীতি এৰরূপো সংকিলেসো রাগচরিতস্স পুগ্গলস্স। এৰং দোসচরিতস্স। মোহচরিতস্স। রাগচরিতস্স পুগ্গলস্স এৰরূপং ৰোদানং ইতি যং এত্থ ঞাণং যথাভূতং অসাধারণং সব্বসত্তেহি। ইদং ৰুচ্চতি ছট্ঠং তথাগতবলং।
Tathā sattā yaṃ vā kammasamādānaṃ samādiyantā tattha evaṃ pajānāti imassa puggalassa kammādhimuttassa rāgacaritassa nekkhammadhātūnaṃ pāripūriṃ gacchanti, tassa rāgānugate suññamānassa paṭhamaṃ jhānaṃ saṃkilissati, sace puna uttari vāyāmato jhānavodānagate mānase visesabhāgiyaṃ paṭipadaṃ anuyuñjiyati. Tassa hi jhānabhāgiyaṃyeva paṭhamajjhāne ṭhitassa dutiyaṃ jhānaṃ vodānaṃ gacchati, tatiyañca jhānaṃ samāpajjitukāmassa somanassindriyaṃ cittaṃ pariyādāya tiṭṭhati, tassa sā pīti avisesabhāgiyaṃ tatiyaṃ jhānaṃ ādissa tiṭṭhati. Sace tassa nissaraṇaṃ yathābhūtaṃ pajānāti. Tathāgatassa catutthajjhānaṃ vodānaṃ gacchatiyeva, catutthassa jhānassa hānabhāgiyā dhammā, te ca dhammā yattha pajāyanti yehi catutthajjhānaṃ vodānaṃ dissati. Evaṃ ajjhāsayasamāpattiyā yā catasso samāpattiyo tīṇi vimokkhamukhāni aṭṭha vimokkhajhānānīti cattāri jhānāni vimokkhāti. Aṭṭha ca vimokkhā tīṇi ca vimokkhamukhāni. Samādhīti cattāro samādhī – chandasamādhi vīriyasamādhi cittasamādhi vīmaṃsāsamādhīti. Samāpattiyo catasso ajjhāsayasamāpattiyo iti imesaṃ jhānānaṃ vimokkhasamāpattīti evarūpo saṃkileso rāgacaritassa puggalassa. Evaṃ dosacaritassa. Mohacaritassa. Rāgacaritassa puggalassa evarūpaṃ vodānaṃ iti yaṃ ettha ñāṇaṃ yathābhūtaṃ asādhāraṇaṃ sabbasattehi. Idaṃ vuccati chaṭṭhaṃ tathāgatabalaṃ.
তত্থ তথাগতো এৰং পজানাতি লোকিকা ধম্মা লোকুত্তরা ধম্মা ভাৰনাভাগিযং ইন্দ্রিযং নামং লভন্তি। আধিপতেয্যভূমিং উপাদায বলং নামং লভন্তি থামগতং মনো মনিন্দ্রিযং তং উপাদায। ৰীরিযং নামং লভন্তি আরম্ভধাতুং উপাদায। ইতিস্স দেৰ এৰরূপং ঞাণং ইমেহি চ ধম্মেহি ইমে পুগ্গলা সমন্নাগতাতিপি ধম্মদেসনং অকাসি। আকারতো চ ৰোকারতো চ আসযজ্ঝাসযস্স অধিমুত্তিসমন্নাগতানং। ইদং ৰুচ্চতি পরসত্তানং পরপুগ্গলানং ইন্দ্রিযবলৰীরিযৰেমত্ততং ঞাণং সত্তমং তথাগতবলং।
Tattha tathāgato evaṃ pajānāti lokikā dhammā lokuttarā dhammā bhāvanābhāgiyaṃ indriyaṃ nāmaṃ labhanti. Ādhipateyyabhūmiṃ upādāya balaṃ nāmaṃ labhanti thāmagataṃ mano manindriyaṃ taṃ upādāya. Vīriyaṃ nāmaṃ labhanti ārambhadhātuṃ upādāya. Itissa deva evarūpaṃ ñāṇaṃ imehi ca dhammehi ime puggalā samannāgatātipi dhammadesanaṃ akāsi. Ākārato ca vokārato ca āsayajjhāsayassa adhimuttisamannāgatānaṃ. Idaṃ vuccati parasattānaṃ parapuggalānaṃ indriyabalavīriyavemattataṃ ñāṇaṃ sattamaṃ tathāgatabalaṃ.
তত্থ চ তথাগতো লোকাদীসু চ ভূমীসু সংযোজনানঞ্চ সেক্খানং দ্ৰীহি বলেহি গতিং পজানাতি, পুব্বেনিৰাসানুস্সতিযা অতীতে সংসারে এতরহি চ পচ্চুপ্পন্নে দিব্বচক্খুনা চুতূপপাতং ইতি ইমানি দ্ৰে বলানি দিব্বচক্খুতো অভিনীহিতানি। সো অতীতমদ্ধানং দিব্বস্স চক্খুনো গোচরো সো এতরহি সতি গোচরো ইতি অত্তনো চ পরেসং চ পুব্বেনিৰাসঞাণং অনেকৰিধং নানপ্পকারকং পচ্চুপ্পন্নমদ্ধানং দিব্বেন চক্খুনা ইমানি দ্ৰে তথাগতবলানি, অট্ঠমং পুব্বেনিৰাসো, নৰমং দিব্বচক্খু।
Tattha ca tathāgato lokādīsu ca bhūmīsu saṃyojanānañca sekkhānaṃ dvīhi balehi gatiṃ pajānāti, pubbenivāsānussatiyā atīte saṃsāre etarahi ca paccuppanne dibbacakkhunā cutūpapātaṃ iti imāni dve balāni dibbacakkhuto abhinīhitāni. So atītamaddhānaṃ dibbassa cakkhuno gocaro so etarahi sati gocaro iti attano ca paresaṃ ca pubbenivāsañāṇaṃ anekavidhaṃ nānappakārakaṃ paccuppannamaddhānaṃ dibbena cakkhunā imāni dve tathāgatabalāni, aṭṭhamaṃ pubbenivāso, navamaṃ dibbacakkhu.
পুন চপরং তথাগতো অরিযপুগ্গলানং ঝানং ৰোদানং নিব্বেধভাগিযং পজানাতি অযং পুগ্গলো ইমিনা মগ্গেন ইমায পটিপদায আসৰানং খযা অনাসৰং চেতোৰিমুত্তিং পঞ্ঞাৰিমুত্তিং দিট্ঠেৰ ধম্মে সচ্ছিকত্ৰা উপসম্পজ্জ ৰিহরতীতি ইতি অত্তনো চ আসৰানং খযং ঞাণং দিট্ঠেকট্ঠানং চতুভূমিমুপাদায যাৰ নৰন্নং অরহন্তানং আসৰক্খযো ওধিসো সেক্খানং অনোধিসো অরহন্তানং। তত্থ চেতোৰিমুত্তি দ্ৰীহি আসৰেহি অনাসৰা কামাসৰেন চ ভৰাসৰেন চ, পঞ্ঞাৰিমুত্তি দ্ৰীহি আসৰেহি অনাসৰা দিট্ঠাসৰেন চ অৰিজ্জাসৰেন চ, ইমাসং দ্ৰিন্নং ৰিমুত্তীনং যথাভূতং ঞাণং, ইদং ৰুচ্চতি আসৰক্খযে ঞাণং। দসমং তথাগতবলং।
Puna caparaṃ tathāgato ariyapuggalānaṃ jhānaṃ vodānaṃ nibbedhabhāgiyaṃ pajānāti ayaṃ puggalo iminā maggena imāya paṭipadāya āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sacchikatvā upasampajja viharatīti iti attano ca āsavānaṃ khayaṃ ñāṇaṃ diṭṭhekaṭṭhānaṃ catubhūmimupādāya yāva navannaṃ arahantānaṃ āsavakkhayo odhiso sekkhānaṃ anodhiso arahantānaṃ. Tattha cetovimutti dvīhi āsavehi anāsavā kāmāsavena ca bhavāsavena ca, paññāvimutti dvīhi āsavehi anāsavā diṭṭhāsavena ca avijjāsavena ca, imāsaṃ dvinnaṃ vimuttīnaṃ yathābhūtaṃ ñāṇaṃ, idaṃ vuccati āsavakkhaye ñāṇaṃ. Dasamaṃ tathāgatabalaṃ.
২০. ইমেসু দসসু বলেসু ঠিতো তথাগতো পঞ্চৰিধং সাসনং দেসেতি সংকিলেসভাগিযং ৰাসনাভাগিযং দস্সনভাগিযং ভাৰনাভাগিযং অসেক্খভাগিযং। তত্থ যো তণ্হাসংকিলেসো, ইমস্স অলোভো নিস্সরণং। যো দিট্ঠিসংকিলেসো, ইমস্স অমোহো নিস্সরণং। যো দুচ্চরিতসংকিলেসো, ইমস্স তীণি কুসলানি নিস্সরণং। কিং নিদানং? তীণি ইমানি 25 মনোদুচ্চরিতানি – অভিজ্ঝা ব্যাপাদো মিচ্ছাদিট্ঠি। তত্থ অভিজ্ঝা মনোদুচ্চরিতং কাযকম্মং উপট্ঠপেতি, অদিন্নাদানং সব্বঞ্চ তদুপনিব্বদ্ধং ৰাচাকম্মং উপট্ঠপেতি, মুসাৰাদঞ্চ সব্বৰিতথং সব্বং ৰাচমভাৰং সব্বমক্খং পলাসং অভিজ্ঝা অকুসলমূলন্তি, সুচরিতে সুচরিতং মুসাৰাদা অদিন্নাদানা অভিজ্ঝায চেতনা, তত্থ ব্যাপাদো মনোদুচ্চরিতং কাযকম্মং উপট্ঠপেতি, পাণাতিপাতং সব্বঞ্চ মেতং আকড্ঢনং পরিকড্ঢনং নিব্বদ্ধং রোচনং ৰাচাকম্মং উপট্ঠপেতি, পিসুণৰাচং ফরুসৰাচং মিচ্ছাদিট্ঠি মনোদুচ্চরিতঞ্চ অভিজ্ঝং ব্যাপাদং মিচ্ছাদিট্ঠিং পযোজেতি, তস্স যো কোচি মিচ্ছাদিট্ঠি চাগো রাগজো ৰা দোসজো ৰা সব্বসো মিচ্ছাদিট্ঠি সম্ভূতো ইমিনা কারণেন মিচ্ছাদিট্ঠিং উপট্ঠপেতি, কামেসুমিচ্ছাচারং ৰচীকম্মং উপট্ঠপেতি সম্ফপ্পলাপং। ইমানি তীণি দুচ্চরিতানি অকুসলমূলানি।
20. Imesu dasasu balesu ṭhito tathāgato pañcavidhaṃ sāsanaṃ deseti saṃkilesabhāgiyaṃ vāsanābhāgiyaṃ dassanabhāgiyaṃ bhāvanābhāgiyaṃ asekkhabhāgiyaṃ. Tattha yo taṇhāsaṃkileso, imassa alobho nissaraṇaṃ. Yo diṭṭhisaṃkileso, imassa amoho nissaraṇaṃ. Yo duccaritasaṃkileso, imassa tīṇi kusalāni nissaraṇaṃ. Kiṃ nidānaṃ? Tīṇi imāni 26 manoduccaritāni – abhijjhā byāpādo micchādiṭṭhi. Tattha abhijjhā manoduccaritaṃ kāyakammaṃ upaṭṭhapeti, adinnādānaṃ sabbañca tadupanibbaddhaṃ vācākammaṃ upaṭṭhapeti, musāvādañca sabbavitathaṃ sabbaṃ vācamabhāvaṃ sabbamakkhaṃ palāsaṃ abhijjhā akusalamūlanti, sucarite sucaritaṃ musāvādā adinnādānā abhijjhāya cetanā, tattha byāpādo manoduccaritaṃ kāyakammaṃ upaṭṭhapeti, pāṇātipātaṃ sabbañca metaṃ ākaḍḍhanaṃ parikaḍḍhanaṃ nibbaddhaṃ rocanaṃ vācākammaṃ upaṭṭhapeti, pisuṇavācaṃ pharusavācaṃ micchādiṭṭhi manoduccaritañca abhijjhaṃ byāpādaṃ micchādiṭṭhiṃ payojeti, tassa yo koci micchādiṭṭhi cāgo rāgajo vā dosajo vā sabbaso micchādiṭṭhi sambhūto iminā kāraṇena micchādiṭṭhiṃ upaṭṭhapeti, kāmesumicchācāraṃ vacīkammaṃ upaṭṭhapeti samphappalāpaṃ. Imāni tīṇi duccaritāni akusalamūlāni.
যা অভিজ্ঝা, সো লোভো। যো ব্যাপাদো, সো দোসো। যা মিচ্ছাদিট্ঠি, সো মোহো। তানি অট্ঠ মিচ্ছত্তানি উপট্ঠপেন্তি। তেসু গহিতেসু তীসু অকুসলমূলেসু দসৰিধং অকুসলমূলং পারিপূরিং গচ্ছতি, তস্স তিৰিধস্স দুচ্চরিতসংকিলেসস্স ৰাসনাভাগিযঞ্চ সুত্তং নিস্সরণং। তত্থ যো বহুসিতো নিদ্দেসো যথা লোভো দোসো মোহোপি, তত্থ অসিতুং এত্থ লোভো উস্সদো তেন কারণেন তেসু ৰা ধম্মেসু লোভো পঞ্ঞপিযতি। তত্থাযং মোহো অকুসলং মোহো অযং অৰিজ্জা, সা চতুব্বিধা রূপে অভিনিৰিট্ঠা, রূপং অত্ততো সমনুপস্সতি, অৰিজ্জাগতো রূপৰন্তং অত্তানং, অত্তনি ৰা রূপং, রূপস্মিং ৰা অত্তানং। তত্থ কতমং পদং সক্কাযদিট্ঠিযা উচ্ছেদং ৰদতি ‘‘তং জীৰং তং সরীর’’ন্তি নত্থিকদিট্ঠি অধিচ্চসমুপ্পন্নদিট্ঠি চ অঞ্ঞো চ করোতি, অঞ্ঞো পটিসংৰেদিযতি। পচ্ছিমসট্ঠিকপ্পানং তীণি পদানি সক্কাযদিট্ঠিযা সস্সতং ভজন্তি ‘‘অঞ্ঞং জীৰং অঞ্ঞং সরীর’’ন্তি অকিরিযঞ্চ তং দুক্খমিচ্ছতো অহেতুকা চ পতন্তি অনজ্ঝাভাৰো চ কম্মানং সব্বঞ্চ মানযি 27। তত্থ ‘‘ইদমেৰ সচ্চং মোঘমঞ্ঞ’’ন্তি সংসারেন সুদ্ধি আজীৰকা ছল়াসীতি পঞ্ঞপেন্তি। যথারূপে সক্কাযদিট্ঠিযা চতুৰত্থুকা, এৰং পঞ্চসু খন্ধেসু ৰীসতিৰত্থুকা সক্কাযদিট্ঠিযা সস্সতং ভজতি। অঞ্ঞাজীৰকা চ সস্সতৰাদিকে চ সীলব্বতং ভজন্তি পরামসন্তি ইমিনা ভৰিস্সামি দেৰো ৰা দেৰঞ্ঞতরো ৰা, অযং সীলব্বতপরামাসো। তত্থ সক্কাযদিট্ঠিযা সো রূপং অত্ততো সমনুপস্সতি, ‘‘তং জীৰং তং সরীর’’মিতি তং কঙ্খতি ৰিচিকিচ্ছতি নাধিমুচ্চতি নাভিপ্পসীদতি পুব্বন্তে অপরন্তে পুব্বন্তাপরন্তে…পে॰… ইতি ৰাসনাভাগিযেসু ঠিতস্স অযং উপক্কিলেসো।
Yā abhijjhā, so lobho. Yo byāpādo, so doso. Yā micchādiṭṭhi, so moho. Tāni aṭṭha micchattāni upaṭṭhapenti. Tesu gahitesu tīsu akusalamūlesu dasavidhaṃ akusalamūlaṃ pāripūriṃ gacchati, tassa tividhassa duccaritasaṃkilesassa vāsanābhāgiyañca suttaṃ nissaraṇaṃ. Tattha yo bahusito niddeso yathā lobho doso mohopi, tattha asituṃ ettha lobho ussado tena kāraṇena tesu vā dhammesu lobho paññapiyati. Tatthāyaṃ moho akusalaṃ moho ayaṃ avijjā, sā catubbidhā rūpe abhiniviṭṭhā, rūpaṃ attato samanupassati, avijjāgato rūpavantaṃ attānaṃ, attani vā rūpaṃ, rūpasmiṃ vā attānaṃ. Tattha katamaṃ padaṃ sakkāyadiṭṭhiyā ucchedaṃ vadati ‘‘taṃ jīvaṃ taṃ sarīra’’nti natthikadiṭṭhi adhiccasamuppannadiṭṭhi ca añño ca karoti, añño paṭisaṃvediyati. Pacchimasaṭṭhikappānaṃ tīṇi padāni sakkāyadiṭṭhiyā sassataṃ bhajanti ‘‘aññaṃ jīvaṃ aññaṃ sarīra’’nti akiriyañca taṃ dukkhamicchato ahetukā ca patanti anajjhābhāvo ca kammānaṃ sabbañca mānayi 28. Tattha ‘‘idameva saccaṃ moghamañña’’nti saṃsārena suddhi ājīvakā chaḷāsīti paññapenti. Yathārūpe sakkāyadiṭṭhiyā catuvatthukā, evaṃ pañcasu khandhesu vīsativatthukā sakkāyadiṭṭhiyā sassataṃ bhajati. Aññājīvakā ca sassatavādike ca sīlabbataṃ bhajanti parāmasanti iminā bhavissāmi devo vā devaññataro vā, ayaṃ sīlabbataparāmāso. Tattha sakkāyadiṭṭhiyā so rūpaṃ attato samanupassati, ‘‘taṃ jīvaṃ taṃ sarīra’’miti taṃ kaṅkhati vicikicchati nādhimuccati nābhippasīdati pubbante aparante pubbantāparante…pe… iti vāsanābhāgiyesu ṭhitassa ayaṃ upakkileso.
২১. তত্থ সদ্ধিন্দ্রিযেন সব্বং ৰিচিকিচ্ছিতং পজহতি, পঞ্ঞিন্দ্রিযেন উদযব্বযং পস্সতি, সমাধিন্দ্রিযেন চিত্তং একোদি করোতি ৰীরিযিন্দ্রিযেন আরভতি। সো ইমেহি পঞ্চহি ইন্দ্রিযেহি সদ্ধানুসারী অৰেচ্চপ্পসাদে নিরতো অনন্তরিযং সমাধিং উপ্পাদেতি। ইন্দ্রিযেহি সুদ্ধেহি ধম্মানুসারী অপ্পচ্চযতায অনন্তরিযং সমাধিং উপ্পাদেতি। সো ‘‘ইদং দুক্খ’’ন্তি যথাভূতং পজানাতি। সচ্চানি ইদং দস্সনভাগিযং সুত্তং। তস্স পঞ্চন্নং ওরম্ভাগিযানং সংযোজনানং তীণি সংযোজনানি দস্সনপহাতব্বানি সব্বেন সব্বং পহীনানি দ্ৰে পুগ্গলকতানি। তত্থ তীণি অকুসলমূলানি ভাৰনাপহাতব্বানি উপরিক্খিত্তানি ছ ভৰে নিব্বত্তেন্তি। তত্থ তেসু অভিজ্ঝায চ ব্যাপাদেসু তনুকতেসু ছ ভৰা পরিক্খযা মরিযাদং গচ্ছন্তি, দ্ৰে ভৰা অৰসিট্ঠা। তস্স অভিজ্ঝা চ ব্যাপাদো চ সব্বেন সব্বং পরিক্খীণা হোন্তি। একো ভৰো অৰসিট্ঠো হোতি। সো চ মানৰসেন নিব্বত্তেতি। কিঞ্চাপি এত্থ অঞ্ঞেপি চত্তারো কিলেসা রূপরাগো ভৰরাগো অৰিজ্জা উদ্ধচ্চং কেতুস্মিমানভূতা নপ্পটিবলা অস্মিমানং ৰিনিৰত্তেতুং, সব্বেপি তে অস্মিমানস্স পহানং আরভতে। খীণেসু ন চ তেসু ইদমুত্তরিদস্সনভূমিযং পঞ্চসু সেক্খপুগ্গলেসু তীসু চ পটিপ্পন্নকেসু দ্ৰীসু চ ফলট্ঠেসু ভাৰনাভাগিযং সুত্তং। তদুত্তরি অসেক্খভাগিযসুত্তং, কত্থচি ভূমি নিপীল়িযতি। ইদঞ্চ পঞ্চমং সুত্তং। তিণ্ণং পুগ্গলানং দেসিতং পুথুজ্জনস্স সেক্খস্স অসেক্খস্স সংকিলেসভাগিযং ৰাসনাভাগিযং। পুথুজ্জনস্স দস্সনভাগিযং। ভাৰনাভাগিযং পঞ্চন্নং সেক্খানং। যং পঠমনিদ্দিট্ঠং অসেক্খভাগিযং সব্বেসং অরহন্তানং। সা পন পঞ্চৰিধা সত্তৰীসআকারে 29 পরিযেসিতব্বং। এতেসু তস্স গতীনং ততো উত্তরি। তঞ্চ খো সঙ্খেপেন পঞ্ঞাসায আকারেহি সম্পততি, যে পঞ্ঞাস আকারা সাসনে নিদ্দিট্ঠা, তে সঙ্খিপিযন্তা দসহি আকারেহি পতন্তি। যে অরিযসচ্চং নিক্খেপেন ঠিতে সঙ্খিপিযত্তা অট্ঠসু আকারেসু পতন্তি। চতূসু চ সাধারণেসু সুত্তেসু যা হারসম্পাতস্স ভূমি, তে সঙ্খিপিযন্তা পঞ্চসু সুত্তেসু পতন্তি। সংকিলেসভাগিযে ৰাসনাভাগিযে ভাৰনাভাগিযে নিব্বেধভাগিযে অসেক্খভাগিযে চ। তে সঙ্খিপিযন্তা চতূসু সুত্তেসু পতন্তি। সংকিলেসভাগিযে ৰাসনাভাগিযে নিব্বেধভাগিযে অসেক্খভাগিযে চ। তে সঙ্খিপিযমানা তীসু সুত্তেসু পতন্তি, পুথুজ্জনভাগিযে সেক্খভাগিযে অসেক্খভাগিযে চ। তে সঙ্খিপিযন্তা দ্ৰীসু সুত্তেসু পতন্তি নিব্বেধভাগিযে চ পুব্বযোগভাগিযে চ। যথা ৰুত্তং ভগৰতা দ্ৰে অত্থৰসে সম্পস্সমানা তথাগতা অরহন্তো সম্মাসম্বুদ্ধা ধম্মং দেসেন্তি সুত্তং গেয্যং…পে॰… সত্থা পুব্বযোগসমন্নাগতে অপ্পকসিরেন মঞ্ঞমানা ৰসিযন্তি পুব্বযোগা চ ভৰিস্সন্তি সন্তানং মঞ্ঞমানাধরায। তত্থ পঞ্ঞাৰেমত্ততং অত্তনো সমনুপস্সমানেন অট্ঠৰিধে সুত্তসঙ্খেপে, যত্থ যত্থ সক্কোতি, তত্থ তত্থ যোজেতব্বং। তত্থ তত্থ যোজেত্ৰা সুত্তস্স অত্থো নিদ্দিসিতব্বো। ন হি সতি ৰেদনা মনো ধারেত্ৰা সক্কা যেন কেনচি সুত্তস্স অত্থো যথাভূতং নিদ্দিসিতুং।
21. Tattha saddhindriyena sabbaṃ vicikicchitaṃ pajahati, paññindriyena udayabbayaṃ passati, samādhindriyena cittaṃ ekodi karoti vīriyindriyena ārabhati. So imehi pañcahi indriyehi saddhānusārī aveccappasāde nirato anantariyaṃ samādhiṃ uppādeti. Indriyehi suddhehi dhammānusārī appaccayatāya anantariyaṃ samādhiṃ uppādeti. So ‘‘idaṃ dukkha’’nti yathābhūtaṃ pajānāti. Saccāni idaṃ dassanabhāgiyaṃ suttaṃ. Tassa pañcannaṃ orambhāgiyānaṃ saṃyojanānaṃ tīṇi saṃyojanāni dassanapahātabbāni sabbena sabbaṃ pahīnāni dve puggalakatāni. Tattha tīṇi akusalamūlāni bhāvanāpahātabbāni uparikkhittāni cha bhave nibbattenti. Tattha tesu abhijjhāya ca byāpādesu tanukatesu cha bhavā parikkhayā mariyādaṃ gacchanti, dve bhavā avasiṭṭhā. Tassa abhijjhā ca byāpādo ca sabbena sabbaṃ parikkhīṇā honti. Eko bhavo avasiṭṭho hoti. So ca mānavasena nibbatteti. Kiñcāpi ettha aññepi cattāro kilesā rūparāgo bhavarāgo avijjā uddhaccaṃ ketusmimānabhūtā nappaṭibalā asmimānaṃ vinivattetuṃ, sabbepi te asmimānassa pahānaṃ ārabhate. Khīṇesu na ca tesu idamuttaridassanabhūmiyaṃ pañcasu sekkhapuggalesu tīsu ca paṭippannakesu dvīsu ca phalaṭṭhesu bhāvanābhāgiyaṃ suttaṃ. Taduttari asekkhabhāgiyasuttaṃ, katthaci bhūmi nipīḷiyati. Idañca pañcamaṃ suttaṃ. Tiṇṇaṃ puggalānaṃ desitaṃ puthujjanassa sekkhassa asekkhassa saṃkilesabhāgiyaṃ vāsanābhāgiyaṃ. Puthujjanassa dassanabhāgiyaṃ. Bhāvanābhāgiyaṃ pañcannaṃ sekkhānaṃ. Yaṃ paṭhamaniddiṭṭhaṃ asekkhabhāgiyaṃ sabbesaṃ arahantānaṃ. Sā pana pañcavidhā sattavīsaākāre 30 pariyesitabbaṃ. Etesu tassa gatīnaṃ tato uttari. Tañca kho saṅkhepena paññāsāya ākārehi sampatati, ye paññāsa ākārā sāsane niddiṭṭhā, te saṅkhipiyantā dasahi ākārehi patanti. Ye ariyasaccaṃ nikkhepena ṭhite saṅkhipiyattā aṭṭhasu ākāresu patanti. Catūsu ca sādhāraṇesu suttesu yā hārasampātassa bhūmi, te saṅkhipiyantā pañcasu suttesu patanti. Saṃkilesabhāgiye vāsanābhāgiye bhāvanābhāgiye nibbedhabhāgiye asekkhabhāgiye ca. Te saṅkhipiyantā catūsu suttesu patanti. Saṃkilesabhāgiye vāsanābhāgiye nibbedhabhāgiye asekkhabhāgiye ca. Te saṅkhipiyamānā tīsu suttesu patanti, puthujjanabhāgiye sekkhabhāgiye asekkhabhāgiye ca. Te saṅkhipiyantā dvīsu suttesu patanti nibbedhabhāgiye ca pubbayogabhāgiye ca. Yathā vuttaṃ bhagavatā dve atthavase sampassamānā tathāgatā arahanto sammāsambuddhā dhammaṃ desenti suttaṃ geyyaṃ…pe… satthā pubbayogasamannāgate appakasirena maññamānā vasiyanti pubbayogā ca bhavissanti santānaṃ maññamānādharāya. Tattha paññāvemattataṃ attano samanupassamānena aṭṭhavidhe suttasaṅkhepe, yattha yattha sakkoti, tattha tattha yojetabbaṃ. Tattha tattha yojetvā suttassa attho niddisitabbo. Na hi sati vedanā mano dhāretvā sakkā yena kenaci suttassa attho yathābhūtaṃ niddisituṃ.
তত্থ পুরিমকানং সুত্তানং ইমা উদ্দানগাথা
Tattha purimakānaṃ suttānaṃ imā uddānagāthā
কামন্ধা জালসঞ্ছন্না, পঞ্চ নীৰরণানি চ।
Kāmandhā jālasañchannā, pañca nīvaraṇāni ca;
মনোপুব্বঙ্গমা ধম্মা, মহানামো চ সাকিযো॥
Manopubbaṅgamā dhammā, mahānāmo ca sākiyo.
উদ্ধং অধো ৰিপ্পমুত্তো, যঞ্চ সীলকিমত্থিযা।
Uddhaṃ adho vippamutto, yañca sīlakimatthiyā;
যস্স সেলূপমং চিত্তং, উপতিস্স পুচ্ছাদিকা॥
Yassa selūpamaṃ cittaṃ, upatissa pucchādikā.
যস্স কাযগতাসতি, ছন্নং তমোপরাযণো।
Yassa kāyagatāsati, channaṃ tamoparāyaṇo;
ন তং দল়্হং চেতসিকং, অযং লোকোতিআদিকং॥
Na taṃ daḷhaṃ cetasikaṃ, ayaṃ lokotiādikaṃ.
চত্তারো চেৰ পুগ্গলা, দদতো পুঞ্ঞং পৰড্ঢিতং।
Cattāro ceva puggalā, dadato puññaṃ pavaḍḍhitaṃ;
সোতানুগতধম্মেসু, ইমা তেসং উদ্দানগাথা॥
Sotānugatadhammesu, imā tesaṃ uddānagāthā.
২২. তত্থ কতমা আণত্তি?
22. Tattha katamā āṇatti?
মাকত্থ পাপকং কম্মং, আৰি ৰা যদি ৰা রহো॥
Mākattha pāpakaṃ kammaṃ, āvi vā yadi vā raho.
‘‘অতীতে , রাধ, রূপে অনপেক্খো হোহী’’তি ৰিত্থারেন কাতব্বা। ‘‘সীলৰন্তেন , আনন্দ, পুগ্গলেন সদা করণীযা কিন্তিমে অৰিপ্পটিসারো অস্সা’’তি। অযং ৰুচ্চতি আণত্তি।
‘‘Atīte , rādha, rūpe anapekkho hohī’’ti vitthārena kātabbā. ‘‘Sīlavantena , ānanda, puggalena sadā karaṇīyā kintime avippaṭisāro assā’’ti. Ayaṃ vuccati āṇatti.
তত্থ কতমং ফলং?
Tattha katamaṃ phalaṃ?
ধম্মো হৰে রক্খতি ধম্মচারিং, ছত্তং মহন্তং যথ ৰস্সকালে।
Dhammo have rakkhati dhammacāriṃ, chattaṃ mahantaṃ yatha vassakāle;
এসানিসংসো ধম্মে সুচিণ্ণে, ন দুগ্গতিং গচ্ছতি ধম্মচারী॥
Esānisaṃso dhamme suciṇṇe, na duggatiṃ gacchati dhammacārī.
ইদং ফলং।
Idaṃ phalaṃ.
তত্থ কতমো উপাযো?
Tattha katamo upāyo?
অথ নিব্বিন্দতি দুক্খে, এস মগ্গো ৰিসুদ্ধিযা॥
Atha nibbindati dukkhe, esa maggo visuddhiyā.
‘‘সত্তহঙ্গেহি সমন্নাগতো খো, ভিক্খু, অপি হিমৰন্তং পব্বতরাজানং চালেয্য, কো পন ৰাদো ছৰং অৰিজ্জং সত্তকেসু’’ ৰেয্যাকরণং কাতব্বং। অযং উপাযো।
‘‘Sattahaṅgehi samannāgato kho, bhikkhu, api himavantaṃ pabbatarājānaṃ cāleyya, ko pana vādo chavaṃ avijjaṃ sattakesu’’ veyyākaraṇaṃ kātabbaṃ. Ayaṃ upāyo.
তত্থ কতমা আণত্তি চ ফলঞ্চ?
Tattha katamā āṇatti ca phalañca?
সচে ভাযথ দুক্খস্স, সচে ৰো দুক্খমপ্পিযং।
Sace bhāyatha dukkhassa, sace vo dukkhamappiyaṃ;
মাকত্থ পাপকং কম্মং, আৰি ৰা যদি ৰা রহো॥
Mākattha pāpakaṃ kammaṃ, āvi vā yadi vā raho.
সচে হি পাপকং কম্মং, করোথ ৰা করিস্সথ।
Sace hi pāpakaṃ kammaṃ, karotha vā karissatha;
পুরিমিকায গাথায আণত্তি পচ্ছিমিকায ফলং। সীলে পতিট্ঠায দ্ৰে ধম্মা ভাৰেতব্বা যা চ চিত্তভাৰনা যা চ পঞ্ঞাভাৰনা যা চ আণত্তি রাগৰিরাগা চ ফলং।
Purimikāya gāthāya āṇatti pacchimikāya phalaṃ. Sīle patiṭṭhāya dve dhammā bhāvetabbā yā ca cittabhāvanā yā ca paññābhāvanā yā ca āṇatti rāgavirāgā ca phalaṃ.
তত্থ কতমং ফলঞ্চ উপাযো চ?
Tattha katamaṃ phalañca upāyo ca?
সীলে পতিট্ঠায 37 নরো সপঞ্ঞো, চিত্তং পঞ্ঞঞ্চ ভাৰযং।
Sīle patiṭṭhāya 38 naro sapañño, cittaṃ paññañca bhāvayaṃ;
আতাপী নিপকো ভিক্খু, সো ইমং ৰিজটযে জটং॥
Ātāpī nipako bhikkhu, so imaṃ vijaṭaye jaṭaṃ.
পুরিমিকায অড্ঢগাথায উপাযো, পচ্ছিমিকায অড্ঢগাথায ফলং। নন্দিযো 39 সক্কো ইসিৰুত্থপুরিরিকামএকরক্খে 40 সুত্তং মূলতো উপাদায যাৰ ছসু ধম্মেসু। উত্তরি পঞ্চসু ধম্মেসু যাচযোগো 41 করণীযো, অযং উপাযো। অসহগতস্স কামাসৰাপি চিত্তং মুচ্চতীতি। সব্বাসু ছসু তীসু। অযং উপাযো চ ফলঞ্চ।
Purimikāya aḍḍhagāthāya upāyo, pacchimikāya aḍḍhagāthāya phalaṃ. Nandiyo 42 sakko isivutthapuririkāmaekarakkhe 43 suttaṃ mūlato upādāya yāva chasu dhammesu. Uttari pañcasu dhammesu yācayogo 44 karaṇīyo, ayaṃ upāyo. Asahagatassa kāmāsavāpi cittaṃ muccatīti. Sabbāsu chasu tīsu. Ayaṃ upāyo ca phalañca.
তত্থ কতমা আণত্তি চ ফলঞ্চ উপাযো চ?
Tattha katamā āṇatti ca phalañca upāyo ca?
সুঞ্ঞতো লোকং অৰেক্খস্সু, মোঘরাজ সদা সতো।
Suññato lokaṃ avekkhassu, mogharāja sadā sato;
‘‘সুঞ্ঞতো লোকং অৰেক্খস্সু, মোঘরাজা’’তি আণত্তি। ‘‘সদা সতো’’তি উপাযো। ‘‘অত্তানুদিট্ঠিং উহচ্চ, এৰং মচ্চুতরো সিযা’’তি ফলং। সমাধিং, ভিক্খৰে, ভাৰেথ, সমাহিতো, ভিক্খৰে, ভিক্খু রূপং অনিচ্চন্তি পজানাতি। এৰং পস্সং অরিযসাৰকো পরিমুচ্চতি জাতিযাপি…পে॰… উপাযাসেহিপি ইধ তীণিপি’’।
‘‘Suññato lokaṃ avekkhassu, mogharājā’’ti āṇatti. ‘‘Sadā sato’’ti upāyo. ‘‘Attānudiṭṭhiṃ uhacca, evaṃ maccutaro siyā’’ti phalaṃ. Samādhiṃ, bhikkhave, bhāvetha, samāhito, bhikkhave, bhikkhu rūpaṃ aniccanti pajānāti. Evaṃ passaṃ ariyasāvako parimuccati jātiyāpi…pe… upāyāsehipi idha tīṇipi’’.
২৩. তত্থ কতমো অস্সাদো?
23. Tattha katamo assādo?
কামং কামযমানস্স, তস্স চেতং সমিজ্ঝতি। অযং অস্সাদো।
Kāmaṃ kāmayamānassa, tassa cetaṃ samijjhati. Ayaṃ assādo.
‘‘ধম্মচরিযা সমচরিযা কুসলচরিযা হেতূহি, ব্রাহ্মণ, এৰমিধেকচ্চে সত্তা কাযস্স ভেদা সুগতিং সগ্গং লোকং উপপজ্জন্তি’’। অযং অস্সাদো।
‘‘Dhammacariyā samacariyā kusalacariyā hetūhi, brāhmaṇa, evamidhekacce sattā kāyassa bhedā sugatiṃ saggaṃ lokaṃ upapajjanti’’. Ayaṃ assādo.
তত্থ কতমো আদীনৰো?
Tattha katamo ādīnavo?
কামেসু ৰে হঞ্ঞতে সব্বা মুচ্চেৰ – অযং আদীনৰো। পসেনদিসংযুত্তকে সুত্তে পব্বতোপমা – অযং আদীনৰো।
Kāmesu ve haññate sabbā mucceva – ayaṃ ādīnavo. Pasenadisaṃyuttake sutte pabbatopamā – ayaṃ ādīnavo.
তত্থ কতমং নিস্সরণং?
Tattha katamaṃ nissaraṇaṃ?
যো কামে পরিৰজ্জেতি, সপ্পস্সেৰ পদা সিরো।
Yo kāme parivajjeti, sappasseva padā siro;
সোমং ৰিসত্তিকং লোকে, সতো সমতিৰত্ততি॥
Somaṃ visattikaṃ loke, sato samativattati.
সংযুত্তকে সুত্তং পারিচ্ছত্তকো পণ্ডুপলাসো সন্নিপলাসো – ইদং নিস্সরণং।
Saṃyuttake suttaṃ pāricchattako paṇḍupalāso sannipalāso – idaṃ nissaraṇaṃ.
তত্থ কতমো অস্সাদো চ আদীনৰো চ?
Tattha katamo assādo ca ādīnavo ca?
কল্যাণকারী কল্যাণং, পাপকারী চ পাপকং॥
Kalyāṇakārī kalyāṇaṃ, pāpakārī ca pāpakaṃ.
তত্থ যং পাপকারী পচ্চনুভোতি অযং অস্সাদো। লাভালাভঅট্ঠকেসু ব্যাকরণং, তত্থ অলাভো অযসো নিন্দা দুক্খং, অযং আদীনৰো। লাভো যসো সুখং পসংসা, অযং অস্সাদো।
Tattha yaṃ pāpakārī paccanubhoti ayaṃ assādo. Lābhālābhaaṭṭhakesu byākaraṇaṃ, tattha alābho ayaso nindā dukkhaṃ, ayaṃ ādīnavo. Lābho yaso sukhaṃ pasaṃsā, ayaṃ assādo.
তত্থ কতমং অস্সাদো চ নিস্সরণঞ্চ?
Tattha katamaṃ assādo ca nissaraṇañca?
‘‘সুখো ৰিপাকো পুঞ্ঞানং, অধিপ্পাযো চ ইজ্ঝতি।
‘‘Sukho vipāko puññānaṃ, adhippāyo ca ijjhati;
খিপ্পঞ্চ পরমং সন্তিং, নিব্বানমধিগচ্ছতী’’তি॥
Khippañca paramaṃ santiṃ, nibbānamadhigacchatī’’ti.
যো চ ৰিপাকো পুঞ্ঞানং যা চ অধিপ্পাযস্স ইজ্ঝনা, অযং অস্সাদো। যং খিপ্পঞ্চ পরমং সন্তিং নিব্বানমধিগচ্ছতি, ইদং নিস্সরণং।
Yo ca vipāko puññānaṃ yā ca adhippāyassa ijjhanā, ayaṃ assādo. Yaṃ khippañca paramaṃ santiṃ nibbānamadhigacchati, idaṃ nissaraṇaṃ.
বাত্তিংসায চেৰ মহাপুরিসলক্খণেহি সমন্নাগতস্স মহাপুরিসস্স দ্ৰেযেৰ গতিযো হোন্তি, সচে অগারং অজ্ঝাৰসতি, রাজা হোতি চক্কৰত্তী যাৰ অভিৰিজিনিত্ৰা অজ্ঝাৰসতি অযং অস্সাদো। সচে অগারস্মা অনগারিযং পব্বজতি সব্বেন ওঘেন 49 নিস্সরণং অযং অস্সাদো চ নিস্সরণঞ্চ।
Bāttiṃsāya ceva mahāpurisalakkhaṇehi samannāgatassa mahāpurisassa dveyeva gatiyo honti, sace agāraṃ ajjhāvasati, rājā hoti cakkavattī yāva abhivijinitvā ajjhāvasati ayaṃ assādo. Sace agārasmā anagāriyaṃ pabbajati sabbena oghena 50 nissaraṇaṃ ayaṃ assādo ca nissaraṇañca.
তত্থ কতমো আদীনৰো চ নিস্সরণঞ্চ?
Tattha katamo ādīnavo ca nissaraṇañca?
অনাদাতুং নিব্বত্ততি, জাতিমরণসঙ্খযা॥
Anādātuṃ nibbattati, jātimaraṇasaṅkhayā.
পুরিমিকায অড্ঢগাথায জাতিমরণসম্ভৰো আদীনৰো। অনাদাতুং নিব্বত্ততি জাতিমরণসঙ্খযাতি নিস্সরণং।
Purimikāya aḍḍhagāthāya jātimaraṇasambhavo ādīnavo. Anādātuṃ nibbattati jātimaraṇasaṅkhayāti nissaraṇaṃ.
কিচ্ছং ৰতাযং লোকো আপন্নো যমিদং জাযতে চ মীযতে চ। যাৰ কুদস্সুনামস্স দুক্খস্স অন্তো ভৰিস্সতি পরতো ৰাতি এত্থ যা উপরিক্খা, অযং আদীনৰো। যো গেধং ঞত্ৰা অভিনিক্খমতি যাৰ পুরাণকায রাজধানিযা, ইদং নিস্সরণং। অযং আদীনৰো চ নিস্সরণঞ্চ।
Kicchaṃ vatāyaṃ loko āpanno yamidaṃ jāyate ca mīyate ca. Yāva kudassunāmassa dukkhassa anto bhavissati parato vāti ettha yā uparikkhā, ayaṃ ādīnavo. Yo gedhaṃ ñatvā abhinikkhamati yāva purāṇakāya rājadhāniyā, idaṃ nissaraṇaṃ. Ayaṃ ādīnavo ca nissaraṇañca.
তত্থ কতমো অস্সাদো চ আদীনৰো চ নিস্সরণঞ্চ?
Tattha katamo assādo ca ādīnavo ca nissaraṇañca?
কামা হি চিত্রা ৰিৰিধা 53 মনোরমা, ৰিরূপরূপেহি মথেন্তি চিত্তং।
Kāmā hi citrā vividhā 54 manoramā, virūparūpehi mathenti cittaṃ;
তস্মা অহং 55 পব্বজিতোম্হি রাজ, অপণ্ণকং সামঞ্ঞমেৰ সেয্যো॥
Tasmā ahaṃ 56 pabbajitomhi rāja, apaṇṇakaṃ sāmaññameva seyyo.
যং ‘‘কামা হি চিত্রা ৰিৰিধা মনোরমা’’তি অযং অস্সাদো। যং ‘‘ৰিরূপরূপেহি মথেন্তি চিত্ত’’ন্তি অযং আদীনৰো। যং অহং অগারস্মা পব্বজিতোম্হি রাজ অপণ্ণকং সামঞ্ঞমেৰ সেয্যোতি ইদং নিস্সরণং।
Yaṃ ‘‘kāmā hi citrā vividhā manoramā’’ti ayaṃ assādo. Yaṃ ‘‘virūparūpehi mathenti citta’’nti ayaṃ ādīnavo. Yaṃ ahaṃ agārasmā pabbajitomhi rāja apaṇṇakaṃ sāmaññameva seyyoti idaṃ nissaraṇaṃ.
বলৰং বালোপমসুত্তং যং আসায ৰা ৰেদনীযং কম্মং গাহতি, তথা চেপি যং যং পাপকম্মং অনুভোতি, তত্থ দুক্খৰেদনীযেন কম্মেন অভাৰিতকাযেন চ যাৰ পরিত্তচেতসো চ আদীনৰং দস্সেতি সুখৰেদনীযেন কম্মেন অস্সাদেতি। যং পুরাসদিসো হোতি। ভাৰিতচিত্তো ভাৰিতকাযো ভাৰিতপঞ্ঞো মহানামো অপরিত্তচেতসো, ইদং নিস্সরণং।
Balavaṃ bālopamasuttaṃ yaṃ āsāya vā vedanīyaṃ kammaṃ gāhati, tathā cepi yaṃ yaṃ pāpakammaṃ anubhoti, tattha dukkhavedanīyena kammena abhāvitakāyena ca yāva parittacetaso ca ādīnavaṃ dasseti sukhavedanīyena kammena assādeti. Yaṃ purāsadiso hoti. Bhāvitacitto bhāvitakāyo bhāvitapañño mahānāmo aparittacetaso, idaṃ nissaraṇaṃ.
২৪. তত্থ কতমং লোকিকং সুত্তং?
24. Tattha katamaṃ lokikaṃ suttaṃ?
ন হি পাপং কতং কম্মং, সজ্জুখীরংৰ মুচ্চতি।
Na hi pāpaṃ kataṃ kammaṃ, sajjukhīraṃva muccati;
চত্তারি অগতিগমনানি, ইদং লোকিকং সুত্তং।
Cattāri agatigamanāni, idaṃ lokikaṃ suttaṃ.
তত্থ কতমং লোকুত্তরং সুত্তং?
Tattha katamaṃ lokuttaraṃ suttaṃ?
‘‘যস্সিন্দ্রিযানি সমথঙ্গতানি 59, অস্সা যথা সারথিনা সুদন্তা।
‘‘Yassindriyāni samathaṅgatāni 60, assā yathā sārathinā sudantā;
পহীনমানস্স অনাসৰস্স, দেৰাপি তস্স পিহযন্তি তাদিনো’’তি॥
Pahīnamānassa anāsavassa, devāpi tassa pihayanti tādino’’ti.
‘‘অরিযং ৰো, ভিক্খৰে, সম্মাসমাধিং দেসেস্সামী’’তি ইদং লোকুত্তরং সুত্তং।
‘‘Ariyaṃ vo, bhikkhave, sammāsamādhiṃ desessāmī’’ti idaṃ lokuttaraṃ suttaṃ.
তত্থ কতমং লোকিকং লোকুত্তরঞ্চ সুত্তং?
Tattha katamaṃ lokikaṃ lokuttarañca suttaṃ?
সত্তিযা ৰিয ওমট্ঠো, দয্হমানোৰ মত্থকে।
Sattiyā viya omaṭṭho, dayhamānova matthake;
কামরাগপ্পহানায, সতো ভিক্খু পরিব্বজে॥
Kāmarāgappahānāya, sato bhikkhu paribbaje.
‘‘সত্তিযা ৰিয ওমট্ঠো, দয্হমানোৰ মত্থকে’’তি লোকিকং।
‘‘Sattiyā viya omaṭṭho, dayhamānova matthake’’ti lokikaṃ;
‘‘কামরাগপ্পহানায, সতো ভিক্খু পরিব্বজে’’তি লোকুত্তরং।
‘‘Kāmarāgappahānāya, sato bhikkhu paribbaje’’ti lokuttaraṃ;
কবল়ীকারে আহারে অত্থি ছন্দোতি লোকিকং। নত্থি ছন্দোতি লোকুত্তরং সুত্তং।
Kabaḷīkāre āhāre atthi chandoti lokikaṃ. Natthi chandoti lokuttaraṃ suttaṃ.
তত্থ কতমং কম্মং?
Tattha katamaṃ kammaṃ?
যো পাণমতিপাতেতি, মুসাৰাদঞ্চ ভাসতি।
Yo pāṇamatipāteti, musāvādañca bhāsati;
সুরামেরযপানঞ্চ, যো নরো অনুযুঞ্জতি।
Surāmerayapānañca, yo naro anuyuñjati;
অপ্পহায পঞ্চ ৰেরানি, দুস্সীলো ইতি ৰুচ্চতি॥
Appahāya pañca verāni, dussīlo iti vuccati.
তীণিমানি, ভিক্খৰে, দুচ্চরিতানি। ইদং কম্মং।
Tīṇimāni, bhikkhave, duccaritāni. Idaṃ kammaṃ.
তত্থ কতমো ৰিপাকো?
Tattha katamo vipāko?
সট্ঠিৰস্সসহস্সানি, যথারূপী ৰিপচ্চগা॥
Saṭṭhivassasahassāni, yathārūpī vipaccagā.
‘‘দিট্ঠা মযা, ভিক্খৰে 63, ছ ফস্সাযতনিকা নাম নিরযা। দিট্ঠা মযা, ভিক্খৰে, ছ ফস্সাযতনিকা নাম সগ্গা’’। অযং ৰিপাকো।
‘‘Diṭṭhā mayā, bhikkhave 64, cha phassāyatanikā nāma nirayā. Diṭṭhā mayā, bhikkhave, cha phassāyatanikā nāma saggā’’. Ayaṃ vipāko.
তত্থ কতমং কম্মঞ্চ ৰিপাকো চ?
Tattha katamaṃ kammañca vipāko ca?
অযসাৰ মলং সমুট্ঠিতং, ততুট্ঠায তমেৰ খাদতি।
Ayasāva malaṃ samuṭṭhitaṃ, tatuṭṭhāya tameva khādati;
এৰং অতিধোনচারিনং, সানি কম্মানি নযন্তি দুগ্গতিং॥
Evaṃ atidhonacārinaṃ, sāni kammāni nayanti duggatiṃ.
অযসাৰ মলং সমুট্ঠিতং, যাৰ সানি কম্মানীতি ইদং কম্মং। নযন্তি দুগ্গতিন্তি ৰিপাকো।
Ayasāva malaṃ samuṭṭhitaṃ, yāva sāni kammānīti idaṃ kammaṃ. Nayanti duggatinti vipāko.
চতূসু সম্মাপটিপজ্জমানো মাতরি পিতরি তথাগতে তথাগতসাৰকে যা সম্মাপটিপত্তি, ইদং কম্মং। যং দেৰেসু উপপজ্জতি, অযং ৰিপাকো। ইদং কম্মঞ্চ ৰিপাকো চ।
Catūsu sammāpaṭipajjamāno mātari pitari tathāgate tathāgatasāvake yā sammāpaṭipatti, idaṃ kammaṃ. Yaṃ devesu upapajjati, ayaṃ vipāko. Idaṃ kammañca vipāko ca.
২৫. তত্থ কতমং নিদ্দিট্ঠং সুত্তং?
25. Tattha katamaṃ niddiṭṭhaṃ suttaṃ?
অনীঘং পস্স আযন্তং, ছিন্নসোতং অবন্ধনং।
Anīghaṃ passa āyantaṃ, chinnasotaṃ abandhanaṃ;
যং ৰা চিত্তং সমণেসু, চিত্তাগহপতি দিস্সতি॥
Yaṃ vā cittaṃ samaṇesu, cittāgahapati dissati.
এৰং ইমায গাথায নিদ্দিট্ঠো অত্থো।
Evaṃ imāya gāthāya niddiṭṭho attho.
গোপালকোপমে একাদস পদানি। এৰং খো, ভিক্খৰে, ভিক্খু রূপঞ্ঞূ হোতি। যা চ অতিরেকপূজায পূজেতা হোতীতি। ইমানি একাদস পদানি যথাভাসিতানি নিদ্দিট্ঠো অত্থো।
Gopālakopame ekādasa padāni. Evaṃ kho, bhikkhave, bhikkhu rūpaññū hoti. Yā ca atirekapūjāya pūjetā hotīti. Imāni ekādasa padāni yathābhāsitāni niddiṭṭho attho.
তত্থ কতমো অনিদ্দিট্ঠো অত্থো?
Tattha katamo aniddiṭṭho attho?
সুখো ৰিৰেকো তুট্ঠস্স, সুতধম্মস্স পস্সতো।
Sukho viveko tuṭṭhassa, sutadhammassa passato;
সুখা ৰিরাগতা লোকে, কামানং সমতিক্কমো।
Sukhā virāgatā loke, kāmānaṃ samatikkamo;
অস্মিমানস্স যো ৰিনযো, এতং ৰে পরমং সুখন্তি॥
Asmimānassa yo vinayo, etaṃ ve paramaṃ sukhanti.
ইদং অনিদ্দিট্ঠং। অট্ঠ মহাপুরিসৰিতক্কা। ইদং অনিদ্দিট্ঠং।
Idaṃ aniddiṭṭhaṃ. Aṭṭha mahāpurisavitakkā. Idaṃ aniddiṭṭhaṃ.
তত্থ কতমং নিদ্দিট্ঠঞ্চ অনিদ্দিট্ঠঞ্চ?
Tattha katamaṃ niddiṭṭhañca aniddiṭṭhañca?
মজ্ঝে সমণসঙ্ঘস্স, আদিচ্চোৰ ৰিরোচসি॥
Majjhe samaṇasaṅghassa, ādiccova virocasi.
পসন্ননেত্তো যাৰ আদিচ্চোৰ ৰিরোচসীতি নিদ্দিট্ঠো। পসন্ননেত্তো যো ভগৰা কথঞ্চ পন পসন্ননেত্ততা, কথং সুমুখতা, কথং ব্রহকাযতা, কথং উজুকতা, কথং পতাপৰতা, কথং ৰিরোচতাতি অনিদ্দিট্ঠো। ফেণপিণ্ডোপমং ৰেয্যাকরণং যথা ফেণপিণ্ডো এৰং রূপং যথা পুব্বুল়ো এৰং ৰেদনা মাযা ৰিঞ্ঞাণং পঞ্চক্খন্ধা পঞ্চহি উপমাহি নিদ্দিট্ঠা। কেন কারণেন ফেণপিণ্ডোপমং রূপং সব্বঞ্চ চক্খুৰিঞ্ঞেয্যং যং ৰা চতূহি আযতনেহি? কথং ৰেদনা পুব্বুল়ূপমা? কতরা চ সা ৰেদনা সুখা দুক্খা অদুক্খমসুখা? এৰমেসা অনিদ্দিট্ঠা। এৰং নিদ্দিট্ঠঞ্চ অনিদ্দিট্ঠঞ্চ।
Pasannanetto yāva ādiccova virocasīti niddiṭṭho. Pasannanetto yo bhagavā kathañca pana pasannanettatā, kathaṃ sumukhatā, kathaṃ brahakāyatā, kathaṃ ujukatā, kathaṃ patāpavatā, kathaṃ virocatāti aniddiṭṭho. Pheṇapiṇḍopamaṃ veyyākaraṇaṃ yathā pheṇapiṇḍo evaṃ rūpaṃ yathā pubbuḷo evaṃ vedanā māyā viññāṇaṃ pañcakkhandhā pañcahi upamāhi niddiṭṭhā. Kena kāraṇena pheṇapiṇḍopamaṃ rūpaṃ sabbañca cakkhuviññeyyaṃ yaṃ vā catūhi āyatanehi? Kathaṃ vedanā pubbuḷūpamā? Katarā ca sā vedanā sukhā dukkhā adukkhamasukhā? Evamesā aniddiṭṭhā. Evaṃ niddiṭṭhañca aniddiṭṭhañca.
২৬. তত্থ কতমং ঞাণং?
26. Tattha katamaṃ ñāṇaṃ?
পঞ্ঞা হি সেট্ঠা লোকস্মিং, যাযং নিব্বেধগামিনী।
Paññā hi seṭṭhā lokasmiṃ, yāyaṃ nibbedhagāminī;
তীণিমানি ইন্দ্রিযানি অনঞ্ঞাতঞ্ঞস্সামীতিন্দ্রিযং অঞ্ঞিন্দ্রিযং অঞ্ঞাতাৰিন্দ্রিযং, ইদং ঞাণং।
Tīṇimāni indriyāni anaññātaññassāmītindriyaṃ aññindriyaṃ aññātāvindriyaṃ, idaṃ ñāṇaṃ.
তত্থ কতমং নেয্যং?
Tattha katamaṃ neyyaṃ?
কামেসু 73 সত্তা কামসঙ্গসত্তা, সংযোজনে ৰজ্জমপস্সমানা।
Kāmesu 74 sattā kāmasaṅgasattā, saṃyojane vajjamapassamānā;
ন হি জাতু সংযোজনসঙ্গসত্তা, ওঘং তরেয্যুং ৰিপুলং মহন্তং॥
Na hi jātu saṃyojanasaṅgasattā, oghaṃ tareyyuṃ vipulaṃ mahantaṃ.
চতূহি অঙ্গেহি সমন্নাগতা কাযস্স ভেদা দেৰেসু উপ্পজ্জন্তি। উদানে কাপিযং সুত্তং অপণ্ণকপসাদনীযং – ইদং নেয্যং।
Catūhi aṅgehi samannāgatā kāyassa bhedā devesu uppajjanti. Udāne kāpiyaṃ suttaṃ apaṇṇakapasādanīyaṃ – idaṃ neyyaṃ.
তত্থ কতমং ঞাণঞ্চ নেয্যঞ্চ?
Tattha katamaṃ ñāṇañca neyyañca?
সব্বে ধম্মা অনত্তাতি, যদা পঞ্ঞায পস্সতি।
Sabbe dhammā anattāti, yadā paññāya passati;
অথ নিব্বিন্দতি দুক্খে, এস মগ্গো ৰিসুদ্ধিযা॥
Atha nibbindati dukkhe, esa maggo visuddhiyā.
যদা পস্সতীতি ঞাণং। যো সব্বধম্মে অনত্তাকারেন উপট্ঠপেতি ইদং নেয্যং।
Yadā passatīti ñāṇaṃ. Yo sabbadhamme anattākārena upaṭṭhapeti idaṃ neyyaṃ.
চত্তারি অরিযসচ্চানি, তত্থ তীণি নেয্যানি মগ্গসচ্চং সীলক্খন্ধো চ পঞ্ঞাক্খন্ধো চ, ইদং ঞাণঞ্চ নেয্যঞ্চ।
Cattāri ariyasaccāni, tattha tīṇi neyyāni maggasaccaṃ sīlakkhandho ca paññākkhandho ca, idaṃ ñāṇañca neyyañca.
২৭. তত্থ কতমং দস্সনং?
27. Tattha katamaṃ dassanaṃ?
এতঞ্হি তুম্হে পটিপজ্জথ, মারস্সেতং পমোহনং॥
Etañhi tumhe paṭipajjatha, mārassetaṃ pamohanaṃ.
চতূহি অঙ্গেহি সমন্নাগতো অরিযসাৰকো অত্তনাৰ 77 অত্তানং ব্যাকরেয্য ‘‘খীণনিরযোম্হি যাৰ সোতাপন্নোহমস্মি অৰিনিপাতধম্মো নিযতো সম্বোধিপরাযণো’’তি। ইদং দস্সনং।
Catūhi aṅgehi samannāgato ariyasāvako attanāva 78 attānaṃ byākareyya ‘‘khīṇanirayomhi yāva sotāpannohamasmi avinipātadhammo niyato sambodhiparāyaṇo’’ti. Idaṃ dassanaṃ.
তত্থ কতমা ভাৰনা?
Tattha katamā bhāvanā?
যস্সিন্দ্রিযানি সুভাৰিতানি, অজ্ঝত্তং বহিদ্ধা চ সব্বলোকে।
Yassindriyāni subhāvitāni, ajjhattaṃ bahiddhā ca sabbaloke;
সো পুগ্গলো মতি চ রূপসঞ্ঞী, সুমোহগতা ন জানাতি 79॥
So puggalo mati ca rūpasaññī, sumohagatā na jānāti 80.
চত্তারি ধম্মপদানি – অনভিজ্ঝা অব্যাপাদো সম্মাসতি সম্মাসমাধি। অযং ভাৰনা।
Cattāri dhammapadāni – anabhijjhā abyāpādo sammāsati sammāsamādhi. Ayaṃ bhāvanā.
তত্থ কতমং দস্সনঞ্চ ভাৰনা চ?
Tattha katamaṃ dassanañca bhāvanā ca?
ৰচসা মনসাথ কম্মুনা চ, অৰিরুদ্ধো সম্মা ৰিদিত্ৰা 81 ধম্মং।
Vacasā manasātha kammunā ca, aviruddho sammā viditvā 82 dhammaṃ;
নিব্বানপদাভিপত্থযানো, সম্মা সো লোকে পরিব্বজেয্য॥
Nibbānapadābhipatthayāno, sammā so loke paribbajeyya.
সোতাপত্তিফলং সচ্ছিকাতুকামেন কতমে ধম্মা মনসিকাতব্বা, ভগৰা আহ পঞ্চুপাদানক্খন্ধা। ইদং দস্সনঞ্চ ভাৰনা চ।
Sotāpattiphalaṃ sacchikātukāmena katame dhammā manasikātabbā, bhagavā āha pañcupādānakkhandhā. Idaṃ dassanañca bhāvanā ca.
২৮. তত্থ কতমে ৰিপাকধম্মধম্মা?
28. Tattha katame vipākadhammadhammā?
যানি করোতি পুরিসোতি ৰিত্থারো। তীণিমানি, ভিক্খৰে, সুচরিতানি। ইমে ৰিপাকধম্মধম্মা।
Yāni karoti purisoti vitthāro. Tīṇimāni, bhikkhave, sucaritāni. Ime vipākadhammadhammā.
তত্থ কতমে নৰিপাকধম্মধম্মা?
Tattha katame navipākadhammadhammā?
রূপং ৰেদযিতং সঞ্ঞা, ৰিঞ্ঞাণং যা চেৰ চেতনা।
Rūpaṃ vedayitaṃ saññā, viññāṇaṃ yā ceva cetanā;
নেসোহমস্মি ন মেসো অত্তা, ইতি দিট্ঠো ৰিরজ্জতি॥
Nesohamasmi na meso attā, iti diṭṭho virajjati.
পঞ্চিমে, ভিক্খৰে, খন্ধা – ইমে নৰিপাকধম্মধম্মা।
Pañcime, bhikkhave, khandhā – ime navipākadhammadhammā.
তত্থ কতমো নেৰৰিপাকো নৰিপাকধম্মধম্মো?
Tattha katamo nevavipāko navipākadhammadhammo?
‘‘যে এৰং পটিপজ্জন্তি, নযং বুদ্ধেন দেসিতং।
‘‘Ye evaṃ paṭipajjanti, nayaṃ buddhena desitaṃ;
তে দুক্খস্সন্তং করিস্সন্তি, সত্থুসাসনকারকা’’তি॥
Te dukkhassantaṃ karissanti, satthusāsanakārakā’’ti.
ইতি যা চ সম্মাপটিপত্তি যো চ নিরোধো, উভযমেতং নেৰৰিপাকো নৰিপাকধম্মো। ব্রহ্মচরিযং ৰো, ভিক্খৰে, দেসেস্সামি, ব্রহ্মচরিযফলানি চ ব্রহ্মচরিযঞ্চ অরিযো অট্ঠঙ্গিকো মগ্গো ব্রহ্মচরিযফলানি সোতাপত্তিফলং যাৰ অরহত্তং।
Iti yā ca sammāpaṭipatti yo ca nirodho, ubhayametaṃ nevavipāko navipākadhammo. Brahmacariyaṃ vo, bhikkhave, desessāmi, brahmacariyaphalāni ca brahmacariyañca ariyo aṭṭhaṅgiko maggo brahmacariyaphalāni sotāpattiphalaṃ yāva arahattaṃ.
২৯. তত্থ কতমং সকৰচনং?
29. Tattha katamaṃ sakavacanaṃ?
সব্বপাপস্স অকরণং, কুসলস্স উপসম্পদা।
Sabbapāpassa akaraṇaṃ, kusalassa upasampadā;
সচিত্তপরিযোদপনং, এতং বুদ্ধান সাসনং॥
Sacittapariyodapanaṃ, etaṃ buddhāna sāsanaṃ.
তীণিমানি, ভিক্খৰে, ৰিমোক্খমুখানি। ইদং সকৰচনং।
Tīṇimāni, bhikkhave, vimokkhamukhāni. Idaṃ sakavacanaṃ.
তত্থ কতমং পরৰচনং?
Tattha katamaṃ paravacanaṃ?
নত্থি পুত্তসমং পেমং, নত্থি গোণসমিতং ধনং।
Natthi puttasamaṃ pemaṃ, natthi goṇasamitaṃ dhanaṃ;
নত্থি সূরিযসমা আভা, সমুদ্দপরমা সরা॥
Natthi sūriyasamā ābhā, samuddaparamā sarā.
হেতুনা মারিসা কোসিযা সুভাসিতেন সঙ্গামৰিজযো সোপি নাম, ভিক্খৰে, সক্কো দেৰানমিন্দো সকং ফলং পরিভুঞ্জমানোতি ৰিত্থারেন কাতব্বং। ইদং পরৰচনং।
Hetunā mārisā kosiyā subhāsitena saṅgāmavijayo sopi nāma, bhikkhave, sakko devānamindo sakaṃ phalaṃ paribhuñjamānoti vitthārena kātabbaṃ. Idaṃ paravacanaṃ.
তত্থ কতমং সকৰচনঞ্চ পরৰচনঞ্চ?
Tattha katamaṃ sakavacanañca paravacanañca?
‘‘যং পত্তং যঞ্চ পত্তব্বং, উভযমেতং রজানুকিণ্ণং।
‘‘Yaṃ pattaṃ yañca pattabbaṃ, ubhayametaṃ rajānukiṇṇaṃ;
যে এৰংৰাদিনো নত্থি, তেসং কামেসু দোসো’’তি॥
Ye evaṃvādino natthi, tesaṃ kāmesu doso’’ti.
ইদং পরৰচনং। যে চ খো তে উভো অন্তে অনুপগম্ম ৰট্টং তেসং নত্থি পঞ্ঞাপনায। ইদং সকৰচনং।
Idaṃ paravacanaṃ. Ye ca kho te ubho ante anupagamma vaṭṭaṃ tesaṃ natthi paññāpanāya. Idaṃ sakavacanaṃ.
‘‘নন্দতি পুত্তেহি পুত্তিমা, গোমা গোহি 83 তথেৰ নন্দতি।
‘‘Nandati puttehi puttimā, gomā gohi 84 tatheva nandati;
উপধী হি নরস্স নন্দনা, ন হি সো নন্দতি যো নিরূপধী’’তি – পরৰচনং॥
Upadhī hi narassa nandanā, na hi so nandati yo nirūpadhī’’ti – paravacanaṃ.
‘‘সোচতি পুত্তেহি পুত্তিমা, গোমা গোহি তথেৰ সোচতি।
‘‘Socati puttehi puttimā, gomā gohi tatheva socati;
উপধী হি নরস্স সোচনা, ন হি সো সোচতি যো নিরূপধী’’তি – সকৰচনং॥
Upadhī hi narassa socanā, na hi so socati yo nirūpadhī’’ti – sakavacanaṃ.
ইদং সকৰচনং পরৰচনঞ্চ।
Idaṃ sakavacanaṃ paravacanañca.
৩০. তত্থ কতমং সত্তাধিট্ঠানং?
30. Tattha katamaṃ sattādhiṭṭhānaṃ?
যে কেচি ভূতা ভৰিস্সন্তি যে ৰাপি, সব্বে গমিস্সন্তি পহায দেহং।
Ye keci bhūtā bhavissanti ye vāpi, sabbe gamissanti pahāya dehaṃ;
তং সব্বজানিং কুসলো ৰিদিত্ৰা, ধম্মে 85 ঠিতো ব্রহ্মচরিযং চরেয্য॥
Taṃ sabbajāniṃ kusalo viditvā, dhamme 86 ṭhito brahmacariyaṃ careyya.
তযোমে, ভিক্খৰে, সত্থারো, তথাগতো অরহং সেক্খো পটিপদো। ইদং সত্তাধিট্ঠানং।
Tayome, bhikkhave, satthāro, tathāgato arahaṃ sekkho paṭipado. Idaṃ sattādhiṭṭhānaṃ.
তত্থ কতমং ধম্মাধিট্ঠানং?
Tattha katamaṃ dhammādhiṭṭhānaṃ?
তণ্হক্খযসুখস্সেতে, কলং নাগ্ঘন্তি সোল়সিং॥
Taṇhakkhayasukhassete, kalaṃ nāgghanti soḷasiṃ.
সত্তিমে , ভিক্খৰে, বোজ্ঝঙ্গা, ইদং ধম্মাধিট্ঠানং।
Sattime , bhikkhave, bojjhaṅgā, idaṃ dhammādhiṭṭhānaṃ.
তত্থ কতমং সত্তাধিট্ঠানঞ্চ ধম্মাধিট্ঠানঞ্চ? দুদ্দসমন্তং সচ্চং দুদ্দসো পটিৰেধো বালেহি, জানতো পস্সতো নত্থি নন্দীতি ৰদামি। দুদ্দসমন্তং সচ্চং দুদ্দসো পটিৰেধো বালেহীতি ধম্মাধিট্ঠানং। জানতো পস্সতো নত্থি নন্দীতি সত্তাধিট্ঠানং। দারুক্খন্ধোপমং গঙ্গায তীরিযা ওরিমঞ্চ তীরং পারিমঞ্চ তীরং থলে ৰা 89 ন চ উস্সীদনং, মজ্ঝে চ ন সংসীদনং মনুস্সগ্গাহো চ অমনুস্সগ্গাহো চ অন্তোপূতিভাৰো চ, ইদং ধম্মাধিট্ঠানং। এৰং পন ভিক্খু নিব্বাননিন্নো ভৰিস্সতি নিব্বানপরাযণোতি সত্তাধিট্ঠানং। ইদং সত্তাধিট্ঠানঞ্চ ধম্মাধিট্ঠানঞ্চ।
Tattha katamaṃ sattādhiṭṭhānañca dhammādhiṭṭhānañca? Duddasamantaṃ saccaṃ duddaso paṭivedho bālehi, jānato passato natthi nandīti vadāmi. Duddasamantaṃ saccaṃ duddaso paṭivedho bālehīti dhammādhiṭṭhānaṃ. Jānato passato natthi nandīti sattādhiṭṭhānaṃ. Dārukkhandhopamaṃ gaṅgāya tīriyā orimañca tīraṃ pārimañca tīraṃ thale vā 90 na ca ussīdanaṃ, majjhe ca na saṃsīdanaṃ manussaggāho ca amanussaggāho ca antopūtibhāvo ca, idaṃ dhammādhiṭṭhānaṃ. Evaṃ pana bhikkhu nibbānaninno bhavissati nibbānaparāyaṇoti sattādhiṭṭhānaṃ. Idaṃ sattādhiṭṭhānañca dhammādhiṭṭhānañca.
তত্থ কতমো থৰো?
Tattha katamo thavo?
মগ্গানট্ঠঙ্গিকো সেট্ঠো, সচ্চানং চতুরো পদা।
Maggānaṭṭhaṅgiko seṭṭho, saccānaṃ caturo padā;
ৰিরাগো সেট্ঠো ধম্মানং, দ্ৰিপদানঞ্চ চক্খুমা॥
Virāgo seṭṭho dhammānaṃ, dvipadānañca cakkhumā.
তীণিমানি, ভিক্খৰে, অগ্গানি – বুদ্ধো সত্তানং, ৰিরাগো ধম্মানং, সঙ্ঘো গণানং। অযং থৰো।
Tīṇimāni, bhikkhave, aggāni – buddho sattānaṃ, virāgo dhammānaṃ, saṅgho gaṇānaṃ. Ayaṃ thavo.
৩১. তত্থ কতমং অনুঞ্ঞাতং?
31. Tattha katamaṃ anuññātaṃ?
মনসা সংৰরো সাধু, সাধু সব্বত্থ সংৰুতো।
Manasā saṃvaro sādhu, sādhu sabbattha saṃvuto;
সব্বত্থ সংৰুতো ভিক্খু, সব্বদুক্খা পমুচ্চতি॥
Sabbattha saṃvuto bhikkhu, sabbadukkhā pamuccati.
ইদং ভগৰতা অনুঞ্ঞাতং।
Idaṃ bhagavatā anuññātaṃ.
তীণিমানি, ভিক্খৰে, করণীযানি – কাযসুচরিতং ৰচীসুচরিতং মনোসুচরিতং। ইদং অনুঞ্ঞাতং।
Tīṇimāni, bhikkhave, karaṇīyāni – kāyasucaritaṃ vacīsucaritaṃ manosucaritaṃ. Idaṃ anuññātaṃ.
তত্থ কতমং পটিক্খিত্তং?
Tattha katamaṃ paṭikkhittaṃ?
নত্থি পুত্তসমং পেমং। ৰিত্থারো ইদং পটিক্খিত্তং।
Natthi puttasamaṃ pemaṃ. Vitthāro idaṃ paṭikkhittaṃ.
তীণিমানি, ভিক্খৰে, অকরণীযানি সযং অভিঞ্ঞায দেসিতানি। কতমানি তীণি? কাযদুচ্চরিতং ৰচীদুচ্চরিতং মনোদুচ্চরিতং। ইদং পটিক্খিত্তং।
Tīṇimāni, bhikkhave, akaraṇīyāni sayaṃ abhiññāya desitāni. Katamāni tīṇi? Kāyaduccaritaṃ vacīduccaritaṃ manoduccaritaṃ. Idaṃ paṭikkhittaṃ.
তত্থ কতমং অনুঞ্ঞাতঞ্চ পটিক্খিত্তঞ্চ?
Tattha katamaṃ anuññātañca paṭikkhittañca?
কাযেন কুসলং করে, অস্স কাযেন সংৰুতো।
Kāyena kusalaṃ kare, assa kāyena saṃvuto;
কাযদুচ্চরিতং হিত্ৰা, কাযসুচরিতং চরে॥
Kāyaduccaritaṃ hitvā, kāyasucaritaṃ care.
দ্ৰীহি পঠমপদেহি চতুত্থেন চ পদেন অনুজানাতি। কাযদুচ্চরিতং হিত্ৰাতি ততিযেন পদেন পটিক্খিত্তন্তি। মহাৰিভঙ্গো অচিরতপানাদো।
Dvīhi paṭhamapadehi catutthena ca padena anujānāti. Kāyaduccaritaṃ hitvāti tatiyena padena paṭikkhittanti. Mahāvibhaṅgo aciratapānādo.
তত্থিমা উদ্দানগাথা
Tatthimā uddānagāthā
সচে ভাযসি দুক্খস্স, মাভিনন্দি অনাগতং।
Sace bhāyasi dukkhassa, mābhinandi anāgataṃ;
ৰস্সকালে যথা ছত্তং, কুসলানি কমত্থকে॥
Vassakāle yathā chattaṃ, kusalāni kamatthake.
সব্বে ধম্মা অনত্তাতি, সমাগতং ৰিচালযে।
Sabbe dhammā anattāti, samāgataṃ vicālaye;
ন ৰো দুক্খা পমোক্খাত্থি, সমথো চ ৰিপস্সনা॥
Na vo dukkhā pamokkhātthi, samatho ca vipassanā.
কামচ্ছন্দং উপাদায, যো সো ৰিতক্কেহি খজ্জতি।
Kāmacchandaṃ upādāya, yo so vitakkehi khajjati;
সুভাৰিতত্তে বোজ্ঝঙ্গে, সো ইমং ৰিজটযে জটং॥
Subhāvitatte bojjhaṅge, so imaṃ vijaṭaye jaṭaṃ.
সুঞ্ঞতো লোকং অৰেক্খস্সু, সমাধিভাৰি ভাৰসে।
Suññato lokaṃ avekkhassu, samādhibhāvi bhāvase;
কামং কামযমানস্স, ধম্মচরিযায সুগতিং॥
Kāmaṃ kāmayamānassa, dhammacariyāya sugatiṃ.
হঞ্ঞতে সব্বা মুচ্চেৰ, নিপ্পোঠেন্তো চতুদ্দিসা।
Haññate sabbā mucceva, nippoṭhento catuddisā;
যো কামে পরিৰজ্জেতি, পারিছত্তোপমেৰ চ॥
Yo kāme parivajjeti, pārichattopameva ca.
যানি করোতি পুরিসো, লোকধম্মা পকাসিতা।
Yāni karoti puriso, lokadhammā pakāsitā;
সুখো ৰিপাকো পুঞ্ঞানং, ততিযং অঞ্ঞং ন ৰিজ্জতি॥
Sukho vipāko puññānaṃ, tatiyaṃ aññaṃ na vijjati.
আদানস্স ভযং ঞত্ৰা, জাযতে জীযতেপি চ।
Ādānassa bhayaṃ ñatvā, jāyate jīyatepi ca;
কামা হি চিত্রা ৰিৰিধা, অথ লোণসল্লোপমং॥
Kāmā hi citrā vividhā, atha loṇasallopamaṃ.
ন হি পাপং কতং কম্মং, অগতীহি চ গচ্ছতি।
Na hi pāpaṃ kataṃ kammaṃ, agatīhi ca gacchati;
যস্সিন্দ্রিযানি সমথঙ্গতানি, তথেৰ পঞ্চঞাণিকো॥
Yassindriyāni samathaṅgatāni, tatheva pañcañāṇiko.
সত্তিযা ৰিয ওমট্ঠো, ৰিঞ্ঞাণঞ্চ পতিট্ঠিতা।
Sattiyā viya omaṭṭho, viññāṇañca patiṭṭhitā;
যো পাণমতিপাতেতি, তীণি দুচ্চরিতানি চ॥
Yo pāṇamatipāteti, tīṇi duccaritāni ca.
সট্ঠিৰস্সসহস্সানি, খণং লদ্ধান দুল্লভং।
Saṭṭhivassasahassāni, khaṇaṃ laddhāna dullabhaṃ;
অযসাৰ মলং সমুট্ঠিতং, চতূসু পটিপত্তিসু॥
Ayasāva malaṃ samuṭṭhitaṃ, catūsu paṭipattisu.
নেলঙ্গো সেতপচ্ছাদো, অথ গোপালকোপমং।
Nelaṅgo setapacchādo, atha gopālakopamaṃ;
সুখো ৰিৰেকো তুট্ঠস্স, ৰিতক্কা চ সুদেসিতা॥
Sukho viveko tuṭṭhassa, vitakkā ca sudesitā.
ফেণপিণ্ডোপমং রূপং, ব্রহা উজু পতাপৰা।
Pheṇapiṇḍopamaṃ rūpaṃ, brahā uju patāpavā;
পঞ্ঞা হি সেট্ঠা লোকস্মিং, অনঞ্ঞা তীণি ইন্দ্রিযানি॥
Paññā hi seṭṭhā lokasmiṃ, anaññā tīṇi indriyāni.
কামেসু সত্তা কামসঙ্গসত্তা, অথ ৰণ্ণো রহস্সৰা।
Kāmesu sattā kāmasaṅgasattā, atha vaṇṇo rahassavā;
সব্বে ধম্মা অনত্তাতি, অরিযসচ্চঞ্চ দেসিতং॥
Sabbe dhammā anattāti, ariyasaccañca desitaṃ.
এসেৰ মগ্গো নত্থঞ্ঞো, সোতাপন্নোতি ব্যাকরে।
Eseva maggo natthañño, sotāpannoti byākare;
যস্সিন্দ্রিযানি সুভাৰিতানি, অথ ধম্মপদেহি চ॥
Yassindriyāni subhāvitāni, atha dhammapadehi ca.
ৰচসা মনসা চেৰ, পঞ্চক্খন্ধা অনিচ্চতো।
Vacasā manasā ceva, pañcakkhandhā aniccato;
যানি করোতি পুরিসো, তীণি সুচরিতানি চ॥
Yāni karoti puriso, tīṇi sucaritāni ca.
রূপং ৰেদযিতং সঞ্ঞা, পঞ্চক্খন্ধা পকাসিতা।
Rūpaṃ vedayitaṃ saññā, pañcakkhandhā pakāsitā;
যো এৰং পটিপজ্জতি, ব্রহ্মা চেৰ ফলানি চ॥
Yo evaṃ paṭipajjati, brahmā ceva phalāni ca.
সব্বপাপস্স অকরণং, ৰিমোক্খা তং হি দেসিতা।
Sabbapāpassa akaraṇaṃ, vimokkhā taṃ hi desitā;
নত্থি পুত্তসমং পেমং, দেৰানং অসুরান চ॥
Natthi puttasamaṃ pemaṃ, devānaṃ asurāna ca.
যং পত্তং যঞ্চ পত্তব্বং, নন্দতি সোচতি নিচ্চং।
Yaṃ pattaṃ yañca pattabbaṃ, nandati socati niccaṃ;
যে কেচি ভূতা ভৰিস্সন্তি, সত্থারো চ পকাসিতা॥
Ye keci bhūtā bhavissanti, satthāro ca pakāsitā.
যঞ্চ কামসুখং লোকে, বোজ্ঝঙ্গা চ সুদেসিতা।
Yañca kāmasukhaṃ loke, bojjhaṅgā ca sudesitā;
মগ্গানট্ঠঙ্গিকো সেট্ঠো, তযো চ অগ্গপত্তিযো॥
Maggānaṭṭhaṅgiko seṭṭho, tayo ca aggapattiyo.
কাযেন সংৰরো সাধু, করণীযঞ্চ দেসিতং।
Kāyena saṃvaro sādhu, karaṇīyañca desitaṃ;
নত্থি অত্তসমং পেমং, অরিযা তীণি চ দেসিতা॥
Natthi attasamaṃ pemaṃ, ariyā tīṇi ca desitā.
কাযেন কুসলং অভিরতো, ৰিনযঞ্চ কামসুখং লোকে।
Kāyena kusalaṃ abhirato, vinayañca kāmasukhaṃ loke;
বোজ্ঝঙ্গা চ সুদেসিতা, দুদ্দসং অনতং চেৰ পরাপরং চ।
Bojjhaṅgā ca sudesitā, duddasaṃ anataṃ ceva parāparaṃ ca;
পেটকোপদেসে সাসনপ্পট্ঠানং নাম দুতিযভূমি সমত্তা।
Peṭakopadese sāsanappaṭṭhānaṃ nāma dutiyabhūmi samattā.
Footnotes:
