| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੯. ਸਾਸਙ੍ਕਸਿਕ੍ਖਾਪਦਂ
9. Sāsaṅkasikkhāpadaṃ
੬੫੨. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ વੁਤ੍ਥવਸ੍ਸਾ ਆਰਞ੍ਞਕੇਸੁ ਸੇਨਾਸਨੇਸੁ વਿਹਰਨ੍ਤਿ। ਕਤ੍ਤਿਕਚੋਰਕਾ ਭਿਕ੍ਖੂ – ‘‘ਲਦ੍ਧਲਾਭਾ’’ਤਿ ਪਰਿਪਾਤੇਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਆਰਞ੍ਞਕੇਸੁ ਸੇਨਾਸਨੇਸੁ વਿਹਰਨ੍ਤੇਨ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤੁ’’ਨ੍ਤਿ।
652. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhū vutthavassā āraññakesu senāsanesu viharanti. Kattikacorakā bhikkhū – ‘‘laddhalābhā’’ti paripātenti. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, āraññakesu senāsanesu viharantena tiṇṇaṃ cīvarānaṃ aññataraṃ cīvaraṃ antaraghare nikkhipitu’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੂ – ‘‘ਭਗવਤਾ ਅਨੁਞ੍ਞਾਤਂ ਆਰਞ੍ਞਕੇਸੁ ਸੇਨਾਸਨੇਸੁ વਿਹਰਨ੍ਤੇਨ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤੁ’’ਨ੍ਤਿ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤ੍વਾ ਅਤਿਰੇਕਛਾਰਤ੍ਤਂ વਿਪ੍ਪવਸਨ੍ਤਿ। ਤਾਨਿ ਚੀવਰਾਨਿ ਨਸ੍ਸਨ੍ਤਿਪਿ વਿਨਸ੍ਸਨ੍ਤਿਪਿ ਡਯ੍ਹਨ੍ਤਿਪਿ ਉਨ੍ਦੂਰੇਹਿਪਿ ਖਜ੍ਜਨ੍ਤਿ। ਭਿਕ੍ਖੂ ਦੁਚ੍ਚੋਲ਼ਾ ਹੋਨ੍ਤਿ ਲੂਖਚੀવਰਾ। ਭਿਕ੍ਖੂ ਏવਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆવੁਸੋ, ਦੁਚ੍ਚੋਲ਼ਾ ਲੂਖਚੀવਰਾ’’ਤਿ? ਅਥ ਖੋ ਤੇ ਭਿਕ੍ਖੂ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤ੍વਾ ਅਤਿਰੇਕਛਾਰਤ੍ਤਂ વਿਪ੍ਪવਸਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ , ਭਿਕ੍ਖੂ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤ੍વਾ ਅਤਿਰੇਕਛਾਰਤ੍ਤਂ વਿਪ੍ਪવਸਨ੍ਤੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪਿਤ੍વਾ ਅਤਿਰੇਕਛਾਰਤ੍ਤਂ વਿਪ੍ਪવਸਿਸ੍ਸਨ੍ਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Tena kho pana samayena bhikkhū – ‘‘bhagavatā anuññātaṃ āraññakesu senāsanesu viharantena tiṇṇaṃ cīvarānaṃ aññataraṃ cīvaraṃ antaraghare nikkhipitu’’nti tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasanti. Tāni cīvarāni nassantipi vinassantipi ḍayhantipi undūrehipi khajjanti. Bhikkhū duccoḷā honti lūkhacīvarā. Bhikkhū evamāhaṃsu – ‘‘kissa tumhe, āvuso, duccoḷā lūkhacīvarā’’ti? Atha kho te bhikkhū bhikkhūnaṃ etamatthaṃ ārocesuṃ. Ye te bhikkhū appicchā… te ujjhāyanti khiyyanti vipācenti – ‘‘kathañhi nāma bhikkhū tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasissantī’’ti! Atha kho te bhikkhū te anekapariyāyena vigarahitvā bhagavato etamatthaṃ ārocesuṃ…pe… saccaṃ kira, bhikkhave , bhikkhū tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma te, bhikkhave, moghapurisā tiṇṇaṃ cīvarānaṃ aññataraṃ cīvaraṃ antaraghare nikkhipitvā atirekachārattaṃ vippavasissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੬੫੩. ‘‘ਉਪવਸ੍ਸਂ ਖੋ ਪਨ ਕਤ੍ਤਿਕਪੁਣ੍ਣਮਂ ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨਿ ਸਾਸਙ੍ਕਸਮ੍ਮਤਾਨਿ ਸਪ੍ਪਟਿਭਯਾਨਿ ਤਥਾਰੂਪੇਸੁ ਭਿਕ੍ਖੁ ਸੇਨਾਸਨੇਸੁ વਿਹਰਨ੍ਤੋ ਆਕਙ੍ਖਮਾਨੋ ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਂ ਅਨ੍ਤਰਘਰੇ ਨਿਕ੍ਖਿਪੇਯ੍ਯ, ਸਿਯਾ ਚ ਤਸ੍ਸ ਭਿਕ੍ਖੁਨੋ ਕੋਚਿਦੇવ ਪਚ੍ਚਯੋ ਤੇਨ ਚੀવਰੇਨ વਿਪ੍ਪવਾਸਾਯ। ਛਾਰਤ੍ਤਪਰਮਂ ਤੇਨ ਭਿਕ੍ਖੁਨਾ ਤੇਨ ਚੀવਰੇਨ વਿਪ੍ਪવਸਿਤਬ੍ਬਂ। ਤਤੋ ਚੇ ਉਤ੍ਤਰਿ વਿਪ੍ਪવਸੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
653.‘‘Upavassaṃ kho pana kattikapuṇṇamaṃ yāni kho pana tāni āraññakāni senāsanāni sāsaṅkasammatāni sappaṭibhayāni tathārūpesu bhikkhu senāsanesu viharanto ākaṅkhamāno tiṇṇaṃ cīvarānaṃ aññataraṃ cīvaraṃ antaraghare nikkhipeyya, siyā ca tassa bhikkhuno kocideva paccayo tena cīvarena vippavāsāya. Chārattaparamaṃ tena bhikkhunā tena cīvarena vippavasitabbaṃ. Tato ce uttari vippavaseyya, aññatra bhikkhusammutiyā, nissaggiyaṃ pācittiya’’nti.
੬੫੪. ਉਪવਸ੍ਸਂ ਖੋ ਪਨਾਤਿ વੁਟ੍ਠવਸ੍ਸਾਨਂ।
654.Upavassaṃ kho panāti vuṭṭhavassānaṃ.
ਕਤ੍ਤਿਕਪੁਣ੍ਣਮਨ੍ਤਿ ਕਤ੍ਤਿਕਚਾਤੁਮਾਸਿਨੀ વੁਚ੍ਚਤਿ।
Kattikapuṇṇamanti kattikacātumāsinī vuccati.
1 ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨੀਤਿ ਆਰਞ੍ਞਕਂ ਨਾਮ ਸੇਨਾਸਨਂ ਪਞ੍ਚਧਨੁਸਤਿਕਂ ਪਚ੍ਛਿਮਂ।
2Yāni kho pana tāni āraññakāni senāsanānīti āraññakaṃ nāma senāsanaṃ pañcadhanusatikaṃ pacchimaṃ.
3 ਸਾਸਙ੍ਕਂ ਨਾਮ ਆਰਾਮੇ ਆਰਾਮੂਪਚਾਰੇ ਚੋਰਾਨਂ ਨਿવਿਟ੍ਠੋਕਾਸੋ ਦਿਸ੍ਸਤਿ, ਭੁਤ੍ਤੋਕਾਸੋ ਦਿਸ੍ਸਤਿ, ਠਿਤੋਕਾਸੋ ਦਿਸ੍ਸਤਿ, ਨਿਸਿਨ੍ਨੋਕਾਸੋ ਦਿਸ੍ਸਤਿ, ਨਿਪਨ੍ਨੋਕਾਸੋ ਦਿਸ੍ਸਤਿ।
4Sāsaṅkaṃ nāma ārāme ārāmūpacāre corānaṃ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
5 ਸਪ੍ਪਟਿਭਯਂ ਨਾਮ ਆਰਾਮੇ ਆਰਾਮੂਪਚਾਰੇ ਚੋਰੇਹਿ ਮਨੁਸ੍ਸਾ ਹਤਾ ਦਿਸ੍ਸਨ੍ਤਿ, વਿਲੁਤ੍ਤਾ ਦਿਸ੍ਸਨ੍ਤਿ, ਆਕੋਟਿਤਾ ਦਿਸ੍ਸਨ੍ਤਿ ।
6Sappaṭibhayaṃ nāma ārāme ārāmūpacāre corehi manussā hatā dissanti, viluttā dissanti, ākoṭitā dissanti .
7 ਤਥਾਰੂਪੇਸੁ ਭਿਕ੍ਖੁ ਸੇਨਾਸਨੇਸੁ વਿਹਰਨ੍ਤੋਤਿ ਏવਰੂਪੇਸੁ ਭਿਕ੍ਖੁ ਸੇਨਾਸਨੇਸੁ વਿਹਰਨ੍ਤੋ।
8Tathārūpesu bhikkhu senāsanesu viharantoti evarūpesu bhikkhu senāsanesu viharanto.
ਆਕਙ੍ਖਮਾਨੋਤਿ ਇਚ੍ਛਮਾਨੋ।
Ākaṅkhamānoti icchamāno.
ਤਿਣ੍ਣਂ ਚੀવਰਾਨਂ ਅਞ੍ਞਤਰਂ ਚੀવਰਨ੍ਤਿ ਸਙ੍ਘਾਟਿਂ વਾ ਉਤ੍ਤਰਾਸਙ੍ਗਂ વਾ ਅਨ੍ਤਰવਾਸਕਂ વਾ।
Tiṇṇaṃ cīvarānaṃ aññataraṃ cīvaranti saṅghāṭiṃ vā uttarāsaṅgaṃ vā antaravāsakaṃ vā.
ਅਨ੍ਤਰਘਰੇ ਨਿਕ੍ਖਿਪੇਯ੍ਯਾਤਿ ਸਮਨ੍ਤਾ ਗੋਚਰਗਾਮੇ ਨਿਕ੍ਖਿਪੇਯ੍ਯ।
Antaraghare nikkhipeyyāti samantā gocaragāme nikkhipeyya.
ਸਿਯਾ ਚ ਤਸ੍ਸ ਭਿਕ੍ਖੁਨੋ ਕੋਚਿਦੇવ ਪਚ੍ਚਯੋ ਤੇਨ ਚੀવਰੇਨ વਿਪ੍ਪવਾਸਾਯਾਤਿ ਸਿਯਾ ਪਚ੍ਚਯੋ ਸਿਯਾ ਕਰਣੀਯਂ।
Siyā ca tassa bhikkhuno kocideva paccayo tena cīvarena vippavāsāyāti siyā paccayo siyā karaṇīyaṃ.
ਛਾਰਤ੍ਤਪਰਮਂ ਤੇਨ ਭਿਕ੍ਖੁਨਾ ਤੇਨ ਚੀવਰੇਨ વਿਪ੍ਪવਸਿਤਬ੍ਬਨ੍ਤਿ ਛਾਰਤ੍ਤਪਰਮਤਾ વਿਪ੍ਪવਸਿਤਬ੍ਬਂ।
Chārattaparamaṃtena bhikkhunā tena cīvarena vippavasitabbanti chārattaparamatā vippavasitabbaṃ.
ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਠਪੇਤ੍વਾ ਭਿਕ੍ਖੁਸਮ੍ਮੁਤਿਂ।
Aññatra bhikkhusammutiyāti ṭhapetvā bhikkhusammutiṃ.
ਤਤੋ ਚੇ ਉਤ੍ਤਰਿ વਿਪ੍ਪવਸੇਯ੍ਯਾਤਿ ਸਤ੍ਤਮੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ। ‘‘ਇਦਂ ਮੇ, ਭਨ੍ਤੇ, ਚੀવਰਂ ਅਤਿਰੇਕਛਾਰਤ੍ਤਂ વਿਪ੍ਪવੁਟ੍ਠਂ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ। ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Tato ce uttari vippavaseyyāti sattame aruṇuggamane nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ. ‘‘Idaṃ me, bhante, cīvaraṃ atirekachārattaṃ vippavuṭṭhaṃ, aññatra bhikkhusammutiyā, nissaggiyaṃ. Imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… āyasmato dammīti.
੬੫੫. ਅਤਿਰੇਕਛਾਰਤ੍ਤੇ ਅਤਿਰੇਕਸਞ੍ਞੀ વਿਪ੍ਪવਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਤਿਰੇਕਛਾਰਤ੍ਤੇ વੇਮਤਿਕੋ વਿਪ੍ਪવਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਤਿਰੇਕਛਾਰਤ੍ਤੇ ਊਨਕਸਞ੍ਞੀ વਿਪ੍ਪવਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਪ੍ਪਚ੍ਚੁਦ੍ਧਟੇ ਪਚ੍ਚੁਦ੍ਧਟਸਞ੍ਞੀ…ਪੇ॰… ਅવਿਸ੍ਸਜ੍ਜਿਤੇ વਿਸ੍ਸਜ੍ਜਿਤਸਞ੍ਞੀ… ਅਨਟ੍ਠੇ ਨਟ੍ਠਸਞ੍ਞੀ… ਅવਿਨਟ੍ਠੇ વਿਨਟ੍ਠਸਞ੍ਞੀ… ਅਦਡ੍ਢੇ ਦਡ੍ਢਸਞ੍ਞੀ … ਅવਿਲੁਤ੍ਤੇ વਿਲੁਤ੍ਤਸਞ੍ਞੀ વਿਪ੍ਪવਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
655. Atirekachāratte atirekasaññī vippavasati, aññatra bhikkhusammutiyā, nissaggiyaṃ pācittiyaṃ. Atirekachāratte vematiko vippavasati, aññatra bhikkhusammutiyā, nissaggiyaṃ pācittiyaṃ. Atirekachāratte ūnakasaññī vippavasati, aññatra bhikkhusammutiyā, nissaggiyaṃ pācittiyaṃ. Appaccuddhaṭe paccuddhaṭasaññī…pe… avissajjite vissajjitasaññī… anaṭṭhe naṭṭhasaññī… avinaṭṭhe vinaṭṭhasaññī… adaḍḍhe daḍḍhasaññī … avilutte viluttasaññī vippavasati, aññatra bhikkhusammutiyā, nissaggiyaṃ pācittiyaṃ.
ਨਿਸ੍ਸਗ੍ਗਿਯਂ ਚੀવਰਂ ਅਨਿਸ੍ਸਜ੍ਜਿਤ੍વਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਊਨਕਛਾਰਤ੍ਤੇ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਊਨਕਛਾਰਤ੍ਤੇ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਊਨਕਛਾਰਤ੍ਤੇ ਊਨਕਸਞ੍ਞੀ, ਅਨਾਪਤ੍ਤਿ।
Nissaggiyaṃ cīvaraṃ anissajjitvā paribhuñjati, āpatti dukkaṭassa. Ūnakachāratte atirekasaññī, āpatti dukkaṭassa. Ūnakachāratte vematiko, āpatti dukkaṭassa. Ūnakachāratte ūnakasaññī, anāpatti.
੬੫੬. ਅਨਾਪਤ੍ਤਿ – ਛਾਰਤ੍ਤਂ વਿਪ੍ਪવਸਤਿ, ਊਨਕਛਾਰਤ੍ਤਂ વਿਪ੍ਪવਸਤਿ, ਛਾਰਤ੍ਤਂ વਿਪ੍ਪવਸਿਤ੍વਾ ਪੁਨ ਗਾਮਸੀਮਂ ਓਕ੍ਕਮਿਤ੍વਾ વਸਿਤ੍વਾ ਪਕ੍ਕਮਤਿ, ਅਨ੍ਤੋ ਛਾਰਤ੍ਤਂ ਪਚ੍ਚੁਦ੍ਧਰਤਿ, વਿਸ੍ਸਜ੍ਜੇਤਿ, ਨਸ੍ਸਤਿ, વਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍વਾ ਗਣ੍ਹਨ੍ਤਿ, વਿਸ੍ਸਾਸਂ ਗਣ੍ਹਨ੍ਤਿ, ਭਿਕ੍ਖੁਸਮ੍ਮੁਤਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
656. Anāpatti – chārattaṃ vippavasati, ūnakachārattaṃ vippavasati, chārattaṃ vippavasitvā puna gāmasīmaṃ okkamitvā vasitvā pakkamati, anto chārattaṃ paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, bhikkhusammutiyā, ummattakassa, ādikammikassāti.
ਸਾਸਙ੍ਕਸਿਕ੍ਖਾਪਦਂ ਨਿਟ੍ਠਿਤਂ ਨવਮਂ।
Sāsaṅkasikkhāpadaṃ niṭṭhitaṃ navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੯. ਸਾਸਙ੍ਕਸਿਕ੍ਖਾਪਦવਣ੍ਣਨਾ • 9. Sāsaṅkasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਸਾਸਙ੍ਕਸਿਕ੍ਖਾਪਦવਣ੍ਣਨਾ • 9. Sāsaṅkasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਸਾਸਙ੍ਕਸਿਕ੍ਖਾਪਦવਣ੍ਣਨਾ • 9. Sāsaṅkasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੯. ਸਾਸਙ੍ਕਸਿਕ੍ਖਾਪਦવਣ੍ਣਨਾ • 9. Sāsaṅkasikkhāpadavaṇṇanā
