| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
9. ஸாஸங்கஸிக்கா²பத³வண்ணனா
9. Sāsaṅkasikkhāpadavaṇṇanā
652. ‘‘திண்ணங் சீவரானங் அஞ்ஞதரங் சீவரந்தி இத³ங் திசீவரே ஏவ அயங் விதி⁴, இதரஸ்மிங் யதா²ஸுக²ந்தி த³ஸ்ஸனத்த²ங் வுத்த’’ந்தி வத³ந்தி. ‘‘அதிரேகசா²ரத்தங் விப்பவஸந்தீ’’தி தஸ்மிங்யேவ ஸேனாஸனே வாஸோ ந விப்பவாஸோதி கத்வா வுத்தங். கஸ்மா? சீவரப்பவத்திஜானநதோ. எத்த² கிஞ்சாபி ‘‘ஆரஞ்ஞகங் நாம ஸேனாஸனங் பஞ்சத⁴னுஸதிகங் பச்சி²ம’’ந்தி வசனதோ அதிரேகதோபி வுத்தங், ஆரஞ்ஞகமேவ பன ஸேனாஸனங் ஹோதி, து⁴தங்க³ங் ரக்க²தி சீவரப்பவத்திஜானநபலிபோ³த⁴ஸம்ப⁴வதோ.
652.‘‘Tiṇṇaṃ cīvarānaṃ aññataraṃ cīvaranti idaṃ ticīvare eva ayaṃ vidhi, itarasmiṃ yathāsukhanti dassanatthaṃ vutta’’nti vadanti. ‘‘Atirekachārattaṃ vippavasantī’’ti tasmiṃyeva senāsane vāso na vippavāsoti katvā vuttaṃ. Kasmā? Cīvarappavattijānanato. Ettha kiñcāpi ‘‘āraññakaṃ nāma senāsanaṃ pañcadhanusatikaṃ pacchima’’nti vacanato atirekatopi vuttaṃ, āraññakameva pana senāsanaṃ hoti, dhutaṅgaṃ rakkhati cīvarappavattijānanapalibodhasambhavato.
653. ‘‘கா³வுததோ அதிரேகப்பமாணேன லப⁴தீ’’தி யங் வுத்தங், தங் கத²ங் பஞ்ஞாயதீதி சே? ‘‘ஸியா ச தஸ்ஸ பி⁴க்கு²னோ கோசிதே³வ பச்சயோ தேன சீவரேன விப்பவாஸாயா’’தி வசனதோ. யோஜனப்பமாணேபி ஸியாதி சே? ந, ‘‘புன கா³மஸீமங் ஓக்கமித்வா வஸித்வா பக்கமதீ’’தி அனாபத்திவாரே அனுஞ்ஞாதத்தா. யதி³ ஏவங் ‘‘யோஜனப்பமாணே ந லப⁴தீ’’தி இத³ங் கிந்தி? இத³ங் நிப³த்³தா⁴வாஸவஸேனேவ வுத்தங். தத்த² து⁴தங்க³ங் பி⁴ஜ்ஜதீதி? ந பி⁴ஜ்ஜதி, கிந்து ந இத⁴ து⁴தங்கா³தி⁴காரோ அத்தீ²தி. அத² கஸ்மா ‘‘அயங் து⁴தங்க³சோரோதி வேதி³தப்³போ³’’தி வுத்தந்தி? அஸம்ப⁴வதோ. கத²ங் பஞ்ஞாயதீதி? அங்கே³ஸு அபா⁴வதோ. து⁴தங்க³த⁴ரஸ்ஸ பதிரூபஸேனாஸனதீ³பனதோ து⁴தங்க³த⁴ரதா தஸ்ஸ ஸித்³தா⁴. வசனப்பமாணதோதி சே? ந, வசனப்பமாணதோ ச பாளியேவ பமாணங். ‘‘அனாபத்தி புன கா³மஸீமங் ஓக்கமித்வா வஸித்வா பக்கமதீ’’தி ஹி வுத்தங். கா³மஸீமா நிக்க²மித்வா கித்தகங் காலங் வஸித்வா பக்கமிதப்³ப³ந்தி சே? புனதி³வஸேயேவ, தஸ்மா அட்ட²மோ அருணோ நிப³த்³தா⁴வாஸே வா க³ந்தப்³ப³ட்டா²னே வா உட்டே²தப்³போ³தி ஏகே. அந்தோசா²ரத்தந்தி ஏகே. யாவ நிப³த்³தா⁴வாஸங் ந கப்பேதீதி ஏகே. யாவ மக்³க³பரிஸ்ஸமவினோத³னாதி ஏகே. ஸதி அந்தராயே அந்தோசா²ரத்தங் வஸதி, அனாபத்தி. நிப³த்³தா⁴வாஸகப்பனே ஸதி அருணுக்³க³மனே ஆபத்தி. ஸசே தங்ஸத்தமோ தி³வஸோ, தத³ஹேவ நிக்கி²த்தசீவரங் க³ஹேதப்³ப³ங், பச்சுத்³த⁴ரிதப்³ப³ங் வாதி ஏகே. ஸசே அந்தரா நவமக்³க³பாதுபா⁴வேன வா நவகா³மஸன்னிவேஸேன வா, தங் ஸேனாஸனங் அங்க³ஸம்பத்திதோ பரிஹாயதி. தத³ஹேவ சீவரங் க³ஹேதப்³ப³ங் வா பச்சுத்³த⁴ரிதப்³ப³ங் வா. சா²ரத்தங் விப்பவஸந்தஸ்ஸ சே பரிஹாயதி, அனாபத்தி அனுஞ்ஞாததி³வஸத்தாதி ஏகே. ஆபத்தி ஏவ அனங்க³ஸம்பத்திதோதி ஏகே. யுத்ததரங் பனெத்த² விசாரெத்வா க³ஹேதப்³ப³ங். ஸசே து⁴தங்க³த⁴ரோ ஹோதி, கா³மஸீமாயங் அவஸித்வா பச்சி²மப்பமாணயுத்தே டா²னே வஸித்வா பக்கமிதப்³ப³ங். பட²மங் ப³த்³த⁴அவிப்பவாஸஸீமோ சே கா³மோ ஹோதி, அஞ்ஞஸ்மிம்பி மாஸே அந்தோஸீமாய வஸதோ அனாபத்தி. போராணக³ண்டி²பதே³ ‘‘யதா²வுத்தஸேனாஸனே வஸந்தேனாபி சா²ரத்தமேவ சீவரங் கா³மே நிக்கி²பிதப்³ப³ந்தி அதி⁴ப்பாயேன அஞ்ஞங் அந்தோசா²ரத்தம்பி அஞ்ஞம்பி வஸதோ ஆபத்தியேவா’’தி வுத்தங்.
653. ‘‘Gāvutato atirekappamāṇena labhatī’’ti yaṃ vuttaṃ, taṃ kathaṃ paññāyatīti ce? ‘‘Siyā ca tassa bhikkhuno kocideva paccayo tena cīvarena vippavāsāyā’’ti vacanato. Yojanappamāṇepi siyāti ce? Na, ‘‘puna gāmasīmaṃ okkamitvā vasitvā pakkamatī’’ti anāpattivāre anuññātattā. Yadi evaṃ ‘‘yojanappamāṇe na labhatī’’ti idaṃ kinti? Idaṃ nibaddhāvāsavaseneva vuttaṃ. Tattha dhutaṅgaṃ bhijjatīti? Na bhijjati, kintu na idha dhutaṅgādhikāro atthīti. Atha kasmā ‘‘ayaṃ dhutaṅgacoroti veditabbo’’ti vuttanti? Asambhavato. Kathaṃ paññāyatīti? Aṅgesu abhāvato. Dhutaṅgadharassa patirūpasenāsanadīpanato dhutaṅgadharatā tassa siddhā. Vacanappamāṇatoti ce? Na, vacanappamāṇato ca pāḷiyeva pamāṇaṃ. ‘‘Anāpatti puna gāmasīmaṃ okkamitvā vasitvā pakkamatī’’ti hi vuttaṃ. Gāmasīmā nikkhamitvā kittakaṃ kālaṃ vasitvā pakkamitabbanti ce? Punadivaseyeva, tasmā aṭṭhamo aruṇo nibaddhāvāse vā gantabbaṭṭhāne vā uṭṭhetabboti eke. Antochārattanti eke. Yāva nibaddhāvāsaṃ na kappetīti eke. Yāva maggaparissamavinodanāti eke. Sati antarāye antochārattaṃ vasati, anāpatti. Nibaddhāvāsakappane sati aruṇuggamane āpatti. Sace taṃsattamo divaso, tadaheva nikkhittacīvaraṃ gahetabbaṃ, paccuddharitabbaṃ vāti eke. Sace antarā navamaggapātubhāvena vā navagāmasannivesena vā, taṃ senāsanaṃ aṅgasampattito parihāyati. Tadaheva cīvaraṃ gahetabbaṃ vā paccuddharitabbaṃ vā. Chārattaṃ vippavasantassa ce parihāyati, anāpatti anuññātadivasattāti eke. Āpatti eva anaṅgasampattitoti eke. Yuttataraṃ panettha vicāretvā gahetabbaṃ. Sace dhutaṅgadharo hoti, gāmasīmāyaṃ avasitvā pacchimappamāṇayutte ṭhāne vasitvā pakkamitabbaṃ. Paṭhamaṃ baddhaavippavāsasīmo ce gāmo hoti, aññasmimpi māse antosīmāya vasato anāpatti. Porāṇagaṇṭhipade ‘‘yathāvuttasenāsane vasantenāpi chārattameva cīvaraṃ gāme nikkhipitabbanti adhippāyena aññaṃ antochārattampi aññampi vasato āpattiyevā’’ti vuttaṃ.
ஸாஸங்கஸிக்கா²பத³வண்ணனா நிட்டி²தா.
Sāsaṅkasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 9. ஸாஸங்கஸிக்கா²பத³ங் • 9. Sāsaṅkasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. ஸாஸங்கஸிக்கா²பத³வண்ணனா • 9. Sāsaṅkasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. ஸாஸங்கஸிக்கா²பத³வண்ணனா • 9. Sāsaṅkasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 9. ஸாஸங்கஸிக்கா²பத³வண்ணனா • 9. Sāsaṅkasikkhāpadavaṇṇanā
