| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. саасан̇гасигкаабад̣̇аван̣н̣анаа
9. Sāsaṅkasikkhāpadavaṇṇanā
652. д̇зна самаязнаад̇и саасан̇гасигкаабад̣̇ам̣. д̇ад̇т̇а вуд̇т̇авассаа ааран̃н̃агзсууд̇и д̇з буб̣б̣зби аран̃н̃зязва вихарим̣су. д̣̇уб̣б̣алажийварад̇д̇аа бана бажжаяавасзна г̇ааманд̇асзнаасанз вассам̣ васид̇ваа нидтид̇ажийвараа худ̇ваа ‘‘ид̣̇аани ниббалиб̣од̇хаа саман̣ад̇хаммам̣ гариссаамаа’’д̇и ааран̃н̃агзсу сзнаасанзсу вихаранд̇и. гад̇д̇игажорагаад̇и гад̇д̇игамаасз жораа. барибаад̇знд̇ийд̇и убад̣̇д̣̇аванд̇и, д̇ад̇т̇а д̇ад̇т̇а аад̇хаавид̇ваа уд̇д̇аасзнд̇и балаабзнд̇и. анд̇арагхарз нигкибид̇унд̇и анд̇ог̇аамз нигкибид̇ум̣. бхаг̇аваа яасмаа бажжаяаа наама д̇хаммзна самзна д̣̇уллабхаа, саллзкаваа хи бхигку маад̇арамби вин̃н̃аабзд̇ум̣ на саггод̇и. д̇асмаа жийвараг̇уд̇д̇ад̇т̇ам̣ анд̇арагхарз нигкибид̇ум̣ ануж̇аанаад̇и. бхигкуунам̣ бана ануруубад̇д̇аа аран̃н̃аваасам̣ на бадигкиби.
652.Tenasamayenāti sāsaṅkasikkhāpadaṃ. Tattha vutthavassā āraññakesūti te pubbepi araññeyeva vihariṃsu. Dubbalacīvarattā pana paccayavasena gāmantasenāsane vassaṃ vasitvā niṭṭhitacīvarā hutvā ‘‘idāni nippalibodhā samaṇadhammaṃ karissāmā’’ti āraññakesu senāsanesu viharanti. Kattikacorakāti kattikamāse corā. Paripātentīti upaddavanti, tattha tattha ādhāvitvā uttāsenti palāpenti. Antaraghare nikkhipitunti antogāme nikkhipituṃ. Bhagavā yasmā paccayā nāma dhammena samena dullabhā, sallekhavā hi bhikkhu mātarampi viññāpetuṃ na sakkoti. Tasmā cīvaraguttatthaṃ antaraghare nikkhipituṃ anujānāti. Bhikkhūnaṃ pana anurūpattā araññavāsaṃ na paṭikkhipi.
653. убавассам̣ ко банаад̇и зд̇т̇а убавассанд̇и убавасса; убавасид̇ваад̇и вуд̇д̇ам̣ ход̇и. убасамбаж̇ж̇анд̇иаад̣̇ийсу вияа хи зд̇т̇а анунаасиго д̣̇адтаб̣б̣о. вассам̣ убаг̇анд̇ваа васид̇ваа жаад̇и ад̇т̇о. имасса жа бад̣̇асса ‘‘д̇ат̇ааруубзсу бхигку сзнаасанзсу вихаранд̇о’’д̇и иминаа самб̣анд̇хо. гим̣ вуд̇д̇ам̣ ход̇и? вассам̣ убаг̇анд̇ваа васид̇ваа жа д̇ад̇о барам̣ бажчимагад̇д̇игабун̣н̣амабарияосаанагаалам̣ яаани ко бана д̇аани ааран̃н̃агаани сзнаасанаани саасан̇гасаммад̇аани саббадибхаяаани; д̇ат̇ааруубзсу бхигку сзнаасанзсу вихаранд̇о ааган̇камаано д̇ин̣н̣ам̣ жийвараанам̣ ан̃н̃ад̇арам̣ жийварам̣ анд̇арагхарз нигкибзяяаад̇и. яасмаа бана яо вассам̣ убаг̇анд̇ваа яаава батамагад̇д̇игабун̣н̣амам̣ васад̇и, со вудтавассаанам̣ аб̣бханд̇аро ход̇и, д̇асмаа ид̣̇ам̣ ад̇иг̇аханам̣ б̣яан̃ж̇анавижааран̣ам̣ агад̇ваа бад̣̇абхааж̇анз гзвалам̣ жийваранигкзбаарахам̣ буг̇г̇алам̣ д̣̇ассзд̇ум̣ ‘‘вудтавассаана’’нд̇и вуд̇д̇ам̣. д̇ассааби ‘‘бхигку сзнаасанзсу вихаранд̇о’’д̇и иминаа самб̣анд̇хо. аяан̃хи зд̇т̇а ад̇т̇о ‘‘вудтавассаанам̣ бхигку сзнаасанзсу вихаранд̇о’’д̇и зваруубаанам̣ бхигкуунам̣ аб̣бханд̇арз яо гожи бхигкууд̇и вуд̇д̇ам̣ ход̇и.
653.Upavassaṃ kho panāti ettha upavassanti upavassa; upavasitvāti vuttaṃ hoti. Upasampajjantiādīsu viya hi ettha anunāsiko daṭṭhabbo. Vassaṃ upagantvā vasitvā cāti attho. Imassa ca padassa ‘‘tathārūpesu bhikkhu senāsanesu viharanto’’ti iminā sambandho. Kiṃ vuttaṃ hoti? Vassaṃ upagantvā vasitvā ca tato paraṃ pacchimakattikapuṇṇamapariyosānakālaṃ yāni kho pana tāni āraññakāni senāsanāni sāsaṅkasammatāni sappaṭibhayāni; tathārūpesu bhikkhu senāsanesu viharanto ākaṅkhamāno tiṇṇaṃ cīvarānaṃ aññataraṃ cīvaraṃ antaraghare nikkhipeyyāti. Yasmā pana yo vassaṃ upagantvā yāva paṭhamakattikapuṇṇamaṃ vasati, so vuṭṭhavassānaṃ abbhantaro hoti, tasmā idaṃ atigahanaṃ byañjanavicāraṇaṃ akatvā padabhājane kevalaṃ cīvaranikkhepārahaṃ puggalaṃ dassetuṃ ‘‘vuṭṭhavassāna’’nti vuttaṃ. Tassāpi ‘‘bhikkhu senāsanesu viharanto’’ti iminā sambandho. Ayañhi ettha attho ‘‘vuṭṭhavassānaṃ bhikkhu senāsanesu viharanto’’ti evarūpānaṃ bhikkhūnaṃ abbhantare yo koci bhikkhūti vuttaṃ hoti.
аран̃н̃алагкан̣ам̣ ад̣̇иннаад̣̇аанаван̣н̣анааяам̣ вуд̇д̇ам̣. аяам̣ бана висзсо – сажз вихааро баригкид̇д̇о ход̇и, баригкид̇д̇асса г̇аамасса инд̣̇акийлад̇о абаригкид̇д̇асса баригкзбаарахадтаанад̇о бадтааяа яаава вихаарабаригкзбаа минид̇аб̣б̣ам̣. сажз вихааро абаригкид̇д̇о ход̇и, яам̣ саб̣б̣абатамам̣ сзнаасанам̣ ваа бхад̇д̇асаалаа ваа д̇хувасаннибаад̇адтаанам̣ ваа б̣од̇хиваа жзд̇ияам̣ ваа д̣̇уурз жзби сзнаасанад̇о ход̇и, д̇ам̣ барижчзд̣̇ам̣ гад̇ваа минид̇аб̣б̣ам̣. сажзби аасаннз г̇аамо ход̇и, вихаарз тид̇зхи гхарамаанусагаанам̣ сад̣̇д̣̇о сууяад̇и, баб̣б̣ад̇анад̣̇ийаад̣̇ийхи бана анд̇арид̇ад̇д̇аа на саггаа уж̇ум̣ г̇анд̇ум̣, яо жасса багад̇имаг̇г̇о ход̇и, сажзби наавааяа сан̃жарид̇аб̣б̣о, д̇зна маг̇г̇зна г̇аамад̇о бан̃жад̇ханусад̇игам̣ г̇ахзд̇аб̣б̣ам̣. яо аасаннаг̇аамасса ан̇г̇асамбаад̣̇анад̇т̇ам̣ д̇ад̇о д̇ад̇о маг̇г̇ам̣ бид̣̇ахад̇и, аяам̣ ‘‘д̇худ̇ан̇г̇ажоро’’д̇и взд̣̇ид̇аб̣б̣о.
Araññalakkhaṇaṃ adinnādānavaṇṇanāyaṃ vuttaṃ. Ayaṃ pana viseso – sace vihāro parikkhitto hoti, parikkhittassa gāmassa indakhīlato aparikkhittassa parikkhepārahaṭṭhānato paṭṭhāya yāva vihāraparikkhepā minitabbaṃ. Sace vihāro aparikkhitto hoti, yaṃ sabbapaṭhamaṃ senāsanaṃ vā bhattasālā vā dhuvasannipātaṭṭhānaṃ vā bodhivā cetiyaṃ vā dūre cepi senāsanato hoti, taṃ paricchedaṃ katvā minitabbaṃ. Sacepi āsanne gāmo hoti, vihāre ṭhitehi gharamānusakānaṃ saddo sūyati, pabbatanadīādīhi pana antaritattā na sakkā ujuṃ gantuṃ, yo cassa pakatimaggo hoti, sacepi nāvāya sañcaritabbo, tena maggena gāmato pañcadhanusatikaṃ gahetabbaṃ. Yo āsannagāmassa aṅgasampādanatthaṃ tato tato maggaṃ pidahati, ayaṃ ‘‘dhutaṅgacoro’’ti veditabbo.
саасан̇гасаммад̇аанийд̇и ‘‘саасан̇гааний’’д̇и саммад̇аани; звам̣ сан̃н̃аад̇аанийд̇и ад̇т̇о. бад̣̇абхааж̇анз бана язна гааран̣зна д̇аани саасан̇гасаммад̇аани, д̇ам̣ д̣̇ассзд̇ум̣ ‘‘аараамз аараамуубажаарз’’д̇иаад̣̇и вуд̇д̇ам̣.
Sāsaṅkasammatānīti ‘‘sāsaṅkānī’’ti sammatāni; evaṃ saññātānīti attho. Padabhājane pana yena kāraṇena tāni sāsaṅkasammatāni, taṃ dassetuṃ ‘‘ārāme ārāmūpacāre’’tiādi vuttaṃ.
саха бадибхаязна саббадибхаяаани, саннихид̇аб̣алавабхаяаанийд̇и ад̇т̇о. бад̣̇абхааж̇анз бана язна гааран̣зна д̇аани саббадибхаяаани; д̇ам̣ д̣̇ассзд̇ум̣ ‘‘аараамз аараамуубажаарз’’д̇иаад̣̇и вуд̇д̇ам̣.
Saha paṭibhayena sappaṭibhayāni, sannihitabalavabhayānīti attho. Padabhājane pana yena kāraṇena tāni sappaṭibhayāni; taṃ dassetuṃ ‘‘ārāme ārāmūpacāre’’tiādi vuttaṃ.
саманд̇аа г̇ожараг̇аамз нигкибзяяаад̇и ааран̃н̃агасса сзнаасанасса саманд̇аа саб̣б̣ад̣̇исаабхааг̇зсу ад̇д̇анаа абхиружид̇з г̇ожараг̇аамз сад̇ияаа ан̇г̇асамбад̇д̇ияаа нигкибзяяа.
Samantā gocaragāme nikkhipeyyāti āraññakassa senāsanassa samantā sabbadisābhāgesu attanā abhirucite gocaragāme satiyā aṅgasampattiyā nikkhipeyya.
д̇ад̇рааяам̣ ан̇г̇асамбад̇д̇и – буримигааяа убаг̇анд̇ваа махаабавааран̣ааяа баваарид̇о ход̇и, ид̣̇амзгам̣ ан̇г̇ам̣. сажз бажчимигааяа ваа убаг̇ад̇о ход̇и чиннавассо ваа, нигкибид̇ум̣ на лабхад̇и. гад̇д̇игамаасоязва ход̇и, ид̣̇ам̣ д̣̇уд̇ияам̣ ан̇г̇ам̣. гад̇д̇игамаасад̇о барам̣ на лабхад̇и, бан̃жад̇ханусад̇игам̣ бажчимамзва бамаан̣аяуд̇д̇ам̣ сзнаасанам̣ ход̇и, ид̣̇ам̣ д̇ад̇ияам̣ ан̇г̇ам̣. уунаббамаан̣з ваа г̇аавуд̇ад̇о ад̇ирзгаббамаан̣з ваа на лабхад̇и, яад̇ра хи бин̣д̣ааяа жарид̇ваа буна вихаарам̣ бхад̇д̇авзлааяам̣ саггаа ааг̇анд̇ум̣, д̇ад̣̇зва ид̇ха ад̇хиббзд̇ам̣. ниманд̇ид̇о бана ад̣̇д̇хаяож̇анамби яож̇анамби г̇анд̇ваа васид̇ум̣ бажжзд̇и, ид̣̇амаббамаан̣ам̣. саасан̇гасаббадибхаяамзва ход̇и, ид̣̇ам̣ жад̇уд̇т̇ам̣ ан̇г̇ам̣. анаасан̇гааббадибхаяз хи ан̇г̇аяуд̇д̇зби сзнаасанз васанд̇о нигкибид̇ум̣ на лабхад̇ийд̇и.
Tatrāyaṃ aṅgasampatti – purimikāya upagantvā mahāpavāraṇāya pavārito hoti, idamekaṃ aṅgaṃ. Sace pacchimikāya vā upagato hoti chinnavasso vā, nikkhipituṃ na labhati. Kattikamāsoyeva hoti, idaṃ dutiyaṃ aṅgaṃ. Kattikamāsato paraṃ na labhati, pañcadhanusatikaṃ pacchimameva pamāṇayuttaṃ senāsanaṃ hoti, idaṃ tatiyaṃ aṅgaṃ. Ūnappamāṇe vā gāvutato atirekappamāṇe vā na labhati, yatra hi piṇḍāya caritvā puna vihāraṃ bhattavelāyaṃ sakkā āgantuṃ, tadeva idha adhippetaṃ. Nimantito pana addhayojanampi yojanampi gantvā vasituṃ pacceti, idamappamāṇaṃ. Sāsaṅkasappaṭibhayameva hoti, idaṃ catutthaṃ aṅgaṃ. Anāsaṅkaappaṭibhaye hi aṅgayuttepi senāsane vasanto nikkhipituṃ na labhatīti.
ан̃н̃ад̇ра бхигкусаммуд̇ияаад̇и яаа уд̣̇осид̇асигкаабад̣̇з госамб̣агасаммуд̇и (баараа. 475) анун̃н̃аад̇аа д̇ассаа саммуд̇ияаа ан̃н̃ад̇ра; сажз саа лад̣̇д̇хаа ход̇и, чаарад̇д̇аад̇ирзгамби виббавасид̇ум̣ ваддад̇и.
Aññatra bhikkhusammutiyāti yā udositasikkhāpade kosambakasammuti (pārā. 475) anuññātā tassā sammutiyā aññatra; sace sā laddhā hoti, chārattātirekampi vippavasituṃ vaṭṭati.
буна г̇аамасиймам̣ оггамид̇ваад̇и сажз г̇ожараг̇аамад̇о бурад̇т̇имааяа д̣̇исааяа сзнаасанам̣; аяан̃жа бажчимад̣̇исам̣ г̇ад̇о ход̇и, сзнаасанам̣ ааг̇анд̇ваа сад̇д̇амам̣ арун̣ам̣ удтаабзд̇ум̣ асаггонд̇зна г̇аамасиймамби оггамид̇ваа сабхааяам̣ ваа яад̇т̇а гад̇т̇ажи ваа васид̇ваа жийвараббавад̇д̇им̣ н̃ад̇ваа баггамид̇ум̣ ваддад̇ийд̇и ад̇т̇о. звам̣ асаггонд̇зна д̇ад̇т̇зва тид̇зна бажжуд̣̇д̇харид̇аб̣б̣ам̣, ад̇ирзгажийварадтаанз тассад̇ийд̇и. сзсам̣ уд̇д̇аанамзва.
Puna gāmasīmaṃ okkamitvāti sace gocaragāmato puratthimāya disāya senāsanaṃ; ayañca pacchimadisaṃ gato hoti, senāsanaṃ āgantvā sattamaṃ aruṇaṃ uṭṭhāpetuṃ asakkontena gāmasīmampi okkamitvā sabhāyaṃ vā yattha katthaci vā vasitvā cīvarappavattiṃ ñatvā pakkamituṃ vaṭṭatīti attho. Evaṃ asakkontena tattheva ṭhitena paccuddharitabbaṃ, atirekacīvaraṭṭhāne ṭhassatīti. Sesaṃ uttānameva.
гат̇инасамудтаанам̣ – гааяаваажад̇о гааяаваажаажид̇д̇ад̇о жа самудтаад̇и, агирияаа, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – kāyavācato kāyavācācittato ca samuṭṭhāti, akiriyā, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
саасан̇гасигкаабад̣̇аван̣н̣анаа нидтид̇аа.
Sāsaṅkasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. саасан̇гасигкаабад̣̇ам̣ • 9. Sāsaṅkasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
