| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. саасан̇гасигкаабад̣̇аван̣н̣анаа
9. Sāsaṅkasikkhāpadavaṇṇanā
652. навамз анд̇арагхарзд̇и анд̇арз гхараани зд̇т̇а, зд̇ассаад̇и ваа анд̇арагхаранд̇и лад̣̇д̇хавохаарз г̇ожараг̇аамз. д̇знааха ‘‘анд̇ог̇аамз’’д̇и. баал̣ияам̣ виббавасанд̇ийд̇и ид̣̇ам̣ яасмим̣ вихаарз васанд̇аа анд̇арагхарз жийварам̣ нигкибим̣су, д̇ад̇о ан̃н̃ад̇т̇а васанд̇з санд̇хааяа вуд̇д̇ам̣. д̇асмин̃хи вихаарз анд̇арагхарз жийварам̣ нигкибид̇ваа васид̇ум̣ анун̃н̃аад̇ад̇д̇аа д̇ад̇т̇а ваасо виббаваасо наама на ход̇и. д̣̇уб̣б̣алажол̣аа д̣̇ужжол̣аа вируубажол̣аа ваа, д̣̇ужжол̣ад̇д̇аа зва луукажийвараа.
652. Navame antaraghareti antare gharāni ettha, etassāti vā antaragharanti laddhavohāre gocaragāme. Tenāha ‘‘antogāme’’ti. Pāḷiyaṃ vippavasantīti idaṃ yasmiṃ vihāre vasantā antaraghare cīvaraṃ nikkhipiṃsu, tato aññattha vasante sandhāya vuttaṃ. Tasmiñhi vihāre antaraghare cīvaraṃ nikkhipitvā vasituṃ anuññātattā tattha vāso vippavāso nāma na hoti. Dubbalacoḷā duccoḷā virūpacoḷā vā, duccoḷattā eva lūkhacīvarā.
653. ‘‘батамам̣ жхаанам̣ убасамбаж̇ж̇а вихарад̇ий’’д̇и имасса вибхан̇г̇з ‘‘убасамбаж̇ж̇аа’’д̇и уд̣̇д̇харид̇аб̣б̣з ‘‘убасамбаж̇ж̇а’’нд̇и уд̣̇д̇харид̇ваа ‘‘яо батамасса жхаанасса лаабхо бадилаабхо’’д̇иаад̣̇и вуд̇д̇ам̣, д̇ам̣ санд̇хааяааха ‘‘убасамбаж̇ж̇анд̇иаад̣̇ийсу вияаа’’д̇и. аад̣̇и-сад̣̇д̣̇зна ‘‘анаабужчам̣ ваа баггамзяяаа’’д̇иаад̣̇ийнам̣ сан̇г̇ахо д̣̇адтаб̣б̣о. убаг̇анд̇ваад̇и уба-сад̣̇д̣̇асса ад̇т̇амааха. васид̇ваад̇и акан̣д̣ам̣ васид̇ваа. ‘‘язна яасса хи самб̣анд̇хо, д̣̇уурадтамби жа д̇асса д̇а’’нд̇и важанад̇о ‘‘имасса…бз… иминаа самб̣анд̇хо’’д̇и вуд̇д̇ам̣. д̇ад̇т̇а имассаад̇и ‘‘убавасса’’нд̇и бад̣̇асса. нигкибзяяаад̇и табзяяа.
653. ‘‘Paṭhamaṃ jhānaṃ upasampajja viharatī’’ti imassa vibhaṅge ‘‘upasampajjā’’ti uddharitabbe ‘‘upasampajja’’nti uddharitvā ‘‘yo paṭhamassa jhānassa lābho paṭilābho’’tiādi vuttaṃ, taṃ sandhāyāha ‘‘upasampajjantiādīsu viyā’’ti. Ādi-saddena ‘‘anāpucchaṃ vā pakkameyyā’’tiādīnaṃ saṅgaho daṭṭhabbo. Upagantvāti upa-saddassa atthamāha. Vasitvāti akhaṇḍaṃ vasitvā. ‘‘Yena yassa hi sambandho, dūraṭṭhampi ca tassa ta’’nti vacanato ‘‘imassa…pe… iminā sambandho’’ti vuttaṃ. Tattha imassāti ‘‘upavassa’’nti padassa. Nikkhipeyyāti ṭhapeyya.
зд̇д̇аавад̇аа жа буримигааяа убаг̇анд̇ваа акан̣д̣ам̣ гад̇ваа вуд̇т̇авассзна ааран̃н̃агзсу сзнаасанзсу вихаранд̇зна сагалам̣ гад̇д̇игамаасам̣ д̇ижийварзна виббавасид̇ум̣ анун̃н̃аад̇ам̣ ход̇и. анад̇т̇ад̇агат̇инасса хи жийварамаасз виббаваасо на ваддад̇и ад̇т̇ад̇агат̇инаанам̣язва асамаад̣̇аанажаарасса анун̃н̃аад̇ад̇д̇аа. гзжи бана ‘‘анад̇т̇ад̇агат̇инаанам̣ жийварамаасзби асамаад̣̇аанажааро лаб̣бхад̇ий’’д̇и вад̇ваа б̣ахуд̇хаа бабан̃жзнд̇и, д̇ам̣ на г̇ахзд̇аб̣б̣ам̣. б̣яан̃ж̇анавижааран̣анд̇и ‘‘убавасса убавассид̇ваа’’д̇иаад̣̇ивижааран̣ам̣ . д̇ассабийд̇и ‘‘вуд̇т̇авассаана’’нд̇и вибхан̇г̇абад̣̇асса. вуд̇т̇авассаананд̇и жа нид̣̇д̇хааран̣з саамиважанам̣. д̇знааха – ‘‘зваруубаанам̣ бхигкуунам̣ аб̣бханд̇арз’’д̇и. сзнаасанзсууд̇и зд̇т̇а д̇ат̇ааруубзсууд̇и самб̣анд̇хид̇аб̣б̣ам̣.
Ettāvatā ca purimikāya upagantvā akhaṇḍaṃ katvā vutthavassena āraññakesu senāsanesu viharantena sakalaṃ kattikamāsaṃ ticīvarena vippavasituṃ anuññātaṃ hoti. Anatthatakathinassa hi cīvaramāse vippavāso na vaṭṭati atthatakathinānaṃyeva asamādānacārassa anuññātattā. Keci pana ‘‘anatthatakathinānaṃ cīvaramāsepi asamādānacāro labbhatī’’ti vatvā bahudhā papañcenti, taṃ na gahetabbaṃ. Byañjanavicāraṇanti ‘‘upavassa upavassitvā’’tiādivicāraṇaṃ . Tassapīti ‘‘vutthavassāna’’nti vibhaṅgapadassa. Vutthavassānanti ca niddhāraṇe sāmivacanaṃ. Tenāha – ‘‘evarūpānaṃ bhikkhūnaṃ abbhantare’’ti. Senāsanesūti ettha tathārūpesūti sambandhitabbaṃ.
баригкзбаарахадтаанад̇од̇и зд̇т̇а ‘‘баригкзбаарахадтаанам̣ наама д̣̇вз лзд̣д̣убаад̇аа’’д̇и вад̣̇анд̇и, д̇ам̣ на г̇ахзд̇аб̣б̣ам̣. абаригкид̇д̇асса бана г̇аамасса барияанд̇з тид̇агхаруубажаарад̇о бадтааяа зго лзд̣д̣убаад̇о баригкзбаарахадтаананд̇и ид̣̇амзд̇т̇а саннидтаанам̣. д̇знзва висуд̣̇д̇химаг̇г̇зби (висуд̣̇д̇хи. 1.31) вуд̇д̇ам̣ ‘‘абаригкид̇д̇асса батамалзд̣д̣убаад̇ад̇о бадтааяаа’’д̇и. саб̣б̣абатаманд̇и г̇аамаабхимукад̣̇исаабхааг̇ад̇о саб̣б̣абатамам̣. д̇ам̣ барижчзд̣̇ам̣ гад̇ваад̇и д̇ам̣ батамасзнаасанаад̣̇им̣ барижчзд̣̇ам̣ гад̇ваа. ид̣̇ан̃жа винаяад̇хараанам̣ мад̇зна вуд̇д̇ам̣, маж̇жхимабхаан̣агаанам̣ мад̇зна бана ‘‘сзнаасанаад̣̇ийнам̣ убажаарз тид̇асса згалзд̣д̣убаад̇ам̣ мун̃жид̇ваа минид̇аб̣б̣а’’нд̇и маж̇жхимабхаан̣агаа вад̣̇анд̇и. д̇знзва маж̇жхиманигааяадтагат̇ааяам̣ ‘‘вихаарассаби г̇аамассзва убажаарам̣ нийхарид̇ваа убхиннам̣ лзд̣д̣убаад̇аанам̣ анд̇араа минид̇аб̣б̣а’’нд̇и вуд̇д̇ам̣. бан̃жад̇ханусад̇иганд̇и ааробид̇зна аажарияад̇ханунаа бан̃жад̇ханусад̇аббамаан̣ам̣. д̇ад̇о д̇ад̇о маг̇г̇ам̣ бид̣̇ахад̇ийд̇и д̇ад̇т̇а д̇ад̇т̇а куд̣̇д̣̇агамаг̇г̇ам̣ бид̣̇ахад̇и. д̇худ̇ан̇г̇ажород̇и иминаа имассаби сигкаабад̣̇асса ан̇г̇асамбад̇д̇ияаа абхаавам̣ д̣̇ийбзд̇и.
Parikkhepārahaṭṭhānatoti ettha ‘‘parikkhepārahaṭṭhānaṃ nāma dve leḍḍupātā’’ti vadanti, taṃ na gahetabbaṃ. Aparikkhittassa pana gāmassa pariyante ṭhitagharūpacārato paṭṭhāya eko leḍḍupāto parikkhepārahaṭṭhānanti idamettha sanniṭṭhānaṃ. Teneva visuddhimaggepi (visuddhi. 1.31) vuttaṃ ‘‘aparikkhittassa paṭhamaleḍḍupātato paṭṭhāyā’’ti. Sabbapaṭhamanti gāmābhimukhadisābhāgato sabbapaṭhamaṃ. Taṃ paricchedaṃ katvāti taṃ paṭhamasenāsanādiṃ paricchedaṃ katvā. Idañca vinayadharānaṃ matena vuttaṃ, majjhimabhāṇakānaṃ matena pana ‘‘senāsanādīnaṃ upacāre ṭhitassa ekaleḍḍupātaṃ muñcitvā minitabba’’nti majjhimabhāṇakā vadanti. Teneva majjhimanikāyaṭṭhakathāyaṃ ‘‘vihārassapi gāmasseva upacāraṃ nīharitvā ubhinnaṃ leḍḍupātānaṃ antarā minitabba’’nti vuttaṃ. Pañcadhanusatikanti āropitena ācariyadhanunā pañcadhanusatappamāṇaṃ. Tato tato maggaṃ pidahatīti tattha tattha khuddakamaggaṃ pidahati. Dhutaṅgacoroti iminā imassapi sikkhāpadassa aṅgasampattiyā abhāvaṃ dīpeti.
‘‘саасан̇гааний’’д̇и саммад̇аанийд̇и жораанам̣ нивидтогаасаад̣̇ид̣̇ассанзна ‘‘саасан̇гааний’’д̇и саммад̇аани. саннихид̇аб̣алавабхаяаанийд̇и жорзхи мануссаанам̣ хад̇авилуд̇д̇аагодид̇абхаавад̣̇ассанад̇о саннихид̇аб̣алавабхаяаанийд̇и ад̇т̇о. сажз бажчимигааяаад̇иаад̣̇инаа вуд̇д̇амзвад̇т̇ам̣ б̣яад̇ирзгамукзна вибхаавзд̇и. яад̇ра хи бин̣д̣ааяаад̇иаад̣̇инаа вуд̇д̇аббамаан̣амзва висзсзд̇ваа д̣̇ассзд̇и. саасан̇гасаббадибхаяамзваад̇и зд̇т̇а саасан̇гам̣ ваа саббадибхаяам̣ ваа ход̇у, ваддад̇иязва.
‘‘Sāsaṅkānī’’ti sammatānīti corānaṃ niviṭṭhokāsādidassanena ‘‘sāsaṅkānī’’ti sammatāni. Sannihitabalavabhayānīti corehi manussānaṃ hataviluttākoṭitabhāvadassanato sannihitabalavabhayānīti attho. Sace pacchimikāyātiādinā vuttamevatthaṃ byatirekamukhena vibhāveti. Yatra hi piṇḍāyātiādinā vuttappamāṇameva visesetvā dasseti. Sāsaṅkasappaṭibhayamevāti ettha sāsaṅkaṃ vā sappaṭibhayaṃ vā hotu, vaṭṭatiyeva.
баал̣ияам̣ ‘‘сияаа жа д̇асса бхигкуно гожид̣̇зва бажжаяо д̇зна жийварзна виббаваасааяа, чаарад̇д̇абарамам̣ д̇зна бхигкунаа д̇зна жийварзна виббавасид̇аб̣б̣а’’нд̇и иминаа анд̇арагхарз жийварам̣ нигкибид̇ваа д̇асмим̣ вихаарз васанд̇асса ан̃н̃ад̇т̇а г̇аманагижжз сад̇и вихаарад̇о б̣ахи чаарад̇д̇ам̣ виббаваасо анун̃н̃аад̇о. васанадтаанад̇о хи ан̃н̃ад̇т̇а чаарад̇д̇ам̣ виббаваасо вуд̇д̇о, на д̇асмим̣ вихаарз васанд̇асса. д̇зна жа ‘‘буна г̇аамасиймам̣ оггамид̇ваад̇и зд̇т̇а сажз г̇ожараг̇аамад̇о бурад̇т̇имааяа д̣̇исааяа сзнаасанам̣, аяан̃жа бажчимад̣̇исам̣ г̇ад̇о ход̇ий’’д̇иаад̣̇и вуд̇д̇ам̣. д̇ад̇оязва жа маад̇игаадтагат̇ааяамби (ган̇каа. адта. саасан̇гасигкаабад̣̇аван̣н̣анаа) ‘‘д̇ад̇о жз уд̇д̇ари виббавасзяяаа’’д̇и зд̇т̇а ‘‘чаарад̇д̇ад̇о уд̇д̇ари д̇асмим̣ сзнаасанз сад̇д̇амам̣ арун̣ам̣ удтаабзяяаа’’д̇и ад̇т̇о вуд̇д̇о. бхад̣̇анд̇аб̣уд̣̇д̇хад̣̇ад̇д̇аажариязна бана баагадад̇арам̣ гад̇ваа аяамзвад̇т̇о вуд̇д̇о. вуд̇д̇ан̃хи д̇зна –
Pāḷiyaṃ ‘‘siyā ca tassa bhikkhuno kocideva paccayo tena cīvarena vippavāsāya, chārattaparamaṃ tena bhikkhunā tena cīvarena vippavasitabba’’nti iminā antaraghare cīvaraṃ nikkhipitvā tasmiṃ vihāre vasantassa aññattha gamanakicce sati vihārato bahi chārattaṃ vippavāso anuññāto. Vasanaṭṭhānato hi aññattha chārattaṃ vippavāso vutto, na tasmiṃ vihāre vasantassa. Tena ca ‘‘puna gāmasīmaṃ okkamitvāti ettha sace gocaragāmato puratthimāya disāya senāsanaṃ, ayañca pacchimadisaṃ gato hotī’’tiādi vuttaṃ. Tatoyeva ca mātikāṭṭhakathāyampi (kaṅkhā. aṭṭha. sāsaṅkasikkhāpadavaṇṇanā) ‘‘tato ce uttari vippavaseyyā’’ti ettha ‘‘chārattato uttari tasmiṃ senāsane sattamaṃ aruṇaṃ uṭṭhāpeyyā’’ti attho vutto. Bhadantabuddhadattācariyena pana pākaṭataraṃ katvā ayamevattho vutto. Vuttañhi tena –
‘‘яам̣ г̇аамам̣ г̇ожарам̣ гад̇ваа, бхигку ааран̃н̃агз васз;
‘‘Yaṃ gāmaṃ gocaraṃ katvā, bhikkhu āraññake vase;
д̇асмим̣ г̇аамз табзд̇ум̣ д̇ам̣, маасамзганд̇у ваддад̇и.
Tasmiṃ gāme ṭhapetuṃ taṃ, māsamekantu vaṭṭati.
‘‘ан̃н̃ад̇т̇зва васанд̇асса, чаарад̇д̇абарамам̣ мад̇ам̣;
‘‘Aññattheva vasantassa, chārattaparamaṃ mataṃ;
аяамасса ад̇хиббааяо, бадижчанно багаасид̇о’’д̇и.
Ayamassa adhippāyo, paṭicchanno pakāsito’’ti.
‘‘госамб̣ияам̣ ан̃н̃ад̇аро бхигку г̇илаано ход̇ий’’д̇и ааг̇ад̇ад̇д̇аа ‘‘госамб̣агасаммуд̇и анун̃н̃аад̇аа’’д̇и вуд̇д̇ам̣. госамб̣агасса бхигкуно саммуд̇и госамб̣агасаммуд̇и. сзнаасанам̣ ааг̇анд̇ваад̇и вусид̇авихаарассзва санд̇хааяа вуд̇д̇ад̇д̇аа д̇асмим̣ г̇аамуубажаарзби ан̃н̃асмим̣ вихаарз арун̣ам̣ удтаабзд̇ум̣ на ваддад̇и. васид̇ваад̇и арун̣ам̣ удтаабзд̇ваа. г̇ад̇адтаанасса ад̇ид̣̇уурад̇д̇аа ‘‘звам̣ асаггонд̇знаа’’д̇и вуд̇д̇ам̣. д̇ад̇т̇зваад̇и д̇асмим̣язва г̇ад̇адтаанз.
‘‘Kosambiyaṃ aññataro bhikkhu gilāno hotī’’ti āgatattā ‘‘kosambakasammuti anuññātā’’ti vuttaṃ. Kosambakassa bhikkhuno sammuti kosambakasammuti. Senāsanaṃ āgantvāti vusitavihārasseva sandhāya vuttattā tasmiṃ gāmūpacārepi aññasmiṃ vihāre aruṇaṃ uṭṭhāpetuṃ na vaṭṭati. Vasitvāti aruṇaṃ uṭṭhāpetvā. Gataṭṭhānassa atidūrattā ‘‘evaṃ asakkontenā’’ti vuttaṃ. Tatthevāti tasmiṃyeva gataṭṭhāne.
саасан̇гасигкаабад̣̇аван̣н̣анаа нидтид̇аа.
Sāsaṅkasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. саасан̇гасигкаабад̣̇ам̣ • 9. Sāsaṅkasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
