| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
9. саасан̇гасигкаабад̣̇аван̣н̣анаа
9. Sāsaṅkasikkhāpadavaṇṇanā
652. ‘‘д̇ин̣н̣ам̣ жийвараанам̣ ан̃н̃ад̇арам̣ жийваранд̇и ид̣̇ам̣ д̇ижийварз зва аяам̣ вид̇хи, ид̇арасмим̣ яат̇аасуканд̇и д̣̇ассанад̇т̇ам̣ вуд̇д̇а’’нд̇и вад̣̇анд̇и. ‘‘ад̇ирзгачаарад̇д̇ам̣ виббавасанд̇ий’’д̇и д̇асмим̣язва сзнаасанз ваасо на виббаваасод̇и гад̇ваа вуд̇д̇ам̣. гасмаа? жийвараббавад̇д̇иж̇аананад̇о. зд̇т̇а гин̃жааби ‘‘ааран̃н̃агам̣ наама сзнаасанам̣ бан̃жад̇ханусад̇игам̣ бажчима’’нд̇и важанад̇о ад̇ирзгад̇оби вуд̇д̇ам̣, ааран̃н̃агамзва бана сзнаасанам̣ ход̇и, д̇худ̇ан̇г̇ам̣ рагкад̇и жийвараббавад̇д̇иж̇аананабалиб̣од̇хасамбхавад̇о.
652.‘‘Tiṇṇaṃ cīvarānaṃ aññataraṃ cīvaranti idaṃ ticīvare eva ayaṃ vidhi, itarasmiṃ yathāsukhanti dassanatthaṃ vutta’’nti vadanti. ‘‘Atirekachārattaṃ vippavasantī’’ti tasmiṃyeva senāsane vāso na vippavāsoti katvā vuttaṃ. Kasmā? Cīvarappavattijānanato. Ettha kiñcāpi ‘‘āraññakaṃ nāma senāsanaṃ pañcadhanusatikaṃ pacchima’’nti vacanato atirekatopi vuttaṃ, āraññakameva pana senāsanaṃ hoti, dhutaṅgaṃ rakkhati cīvarappavattijānanapalibodhasambhavato.
653. ‘‘г̇аавуд̇ад̇о ад̇ирзгаббамаан̣зна лабхад̇ий’’д̇и яам̣ вуд̇д̇ам̣, д̇ам̣ гат̇ам̣ бан̃н̃ааяад̇ийд̇и жз? ‘‘сияаа жа д̇асса бхигкуно гожид̣̇зва бажжаяо д̇зна жийварзна виббаваасааяаа’’д̇и важанад̇о. яож̇анаббамаан̣зби сияаад̇и жз? на, ‘‘буна г̇аамасиймам̣ оггамид̇ваа васид̇ваа баггамад̇ий’’д̇и анаабад̇д̇иваарз анун̃н̃аад̇ад̇д̇аа. яад̣̇и звам̣ ‘‘яож̇анаббамаан̣з на лабхад̇ий’’д̇и ид̣̇ам̣ гинд̇и? ид̣̇ам̣ ниб̣ад̣̇д̇хааваасавасзнзва вуд̇д̇ам̣. д̇ад̇т̇а д̇худ̇ан̇г̇ам̣ бхиж̇ж̇ад̇ийд̇и? на бхиж̇ж̇ад̇и, гинд̇у на ид̇ха д̇худ̇ан̇г̇аад̇хигааро ад̇т̇ийд̇и. ат̇а гасмаа ‘‘аяам̣ д̇худ̇ан̇г̇ажород̇и взд̣̇ид̇аб̣б̣о’’д̇и вуд̇д̇анд̇и? асамбхавад̇о. гат̇ам̣ бан̃н̃ааяад̇ийд̇и? ан̇г̇зсу абхаавад̇о. д̇худ̇ан̇г̇ад̇харасса бад̇ируубасзнаасанад̣̇ийбанад̇о д̇худ̇ан̇г̇ад̇харад̇аа д̇асса сид̣̇д̇хаа. важанаббамаан̣ад̇од̇и жз? на, важанаббамаан̣ад̇о жа баал̣иязва бамаан̣ам̣. ‘‘анаабад̇д̇и буна г̇аамасиймам̣ оггамид̇ваа васид̇ваа баггамад̇ий’’д̇и хи вуд̇д̇ам̣. г̇аамасиймаа нигкамид̇ваа гид̇д̇агам̣ гаалам̣ васид̇ваа баггамид̇аб̣б̣анд̇и жз? бунад̣̇ивасзязва, д̇асмаа адтамо арун̣о ниб̣ад̣̇д̇хааваасз ваа г̇анд̇аб̣б̣адтаанз ваа удтзд̇аб̣б̣од̇и згз. анд̇очаарад̇д̇анд̇и згз. яаава ниб̣ад̣̇д̇хааваасам̣ на габбзд̇ийд̇и згз. яаава маг̇г̇абариссамавинод̣̇анаад̇и згз. сад̇и анд̇арааяз анд̇очаарад̇д̇ам̣ васад̇и, анаабад̇д̇и. ниб̣ад̣̇д̇хааваасагаббанз сад̇и арун̣уг̇г̇аманз аабад̇д̇и. сажз д̇ам̣сад̇д̇амо д̣̇ивасо, д̇ад̣̇ахзва нигкид̇д̇ажийварам̣ г̇ахзд̇аб̣б̣ам̣, бажжуд̣̇д̇харид̇аб̣б̣ам̣ ваад̇и згз. сажз анд̇араа навамаг̇г̇абаад̇убхаавзна ваа наваг̇аамасаннивзсзна ваа, д̇ам̣ сзнаасанам̣ ан̇г̇асамбад̇д̇ид̇о барихааяад̇и. д̇ад̣̇ахзва жийварам̣ г̇ахзд̇аб̣б̣ам̣ ваа бажжуд̣̇д̇харид̇аб̣б̣ам̣ ваа. чаарад̇д̇ам̣ виббавасанд̇асса жз барихааяад̇и, анаабад̇д̇и анун̃н̃аад̇ад̣̇ивасад̇д̇аад̇и згз. аабад̇д̇и зва анан̇г̇асамбад̇д̇ид̇од̇и згз. яуд̇д̇ад̇арам̣ банзд̇т̇а вижаарзд̇ваа г̇ахзд̇аб̣б̣ам̣. сажз д̇худ̇ан̇г̇ад̇харо ход̇и, г̇аамасиймааяам̣ авасид̇ваа бажчимаббамаан̣аяуд̇д̇з таанз васид̇ваа баггамид̇аб̣б̣ам̣. батамам̣ б̣ад̣̇д̇хаавиббаваасасиймо жз г̇аамо ход̇и, ан̃н̃асмимби маасз анд̇осиймааяа васад̇о анаабад̇д̇и. бораан̣аг̇ан̣тибад̣̇з ‘‘яат̇аавуд̇д̇асзнаасанз васанд̇знааби чаарад̇д̇амзва жийварам̣ г̇аамз нигкибид̇аб̣б̣анд̇и ад̇хиббааязна ан̃н̃ам̣ анд̇очаарад̇д̇амби ан̃н̃амби васад̇о аабад̇д̇иязваа’’д̇и вуд̇д̇ам̣.
653. ‘‘Gāvutato atirekappamāṇena labhatī’’ti yaṃ vuttaṃ, taṃ kathaṃ paññāyatīti ce? ‘‘Siyā ca tassa bhikkhuno kocideva paccayo tena cīvarena vippavāsāyā’’ti vacanato. Yojanappamāṇepi siyāti ce? Na, ‘‘puna gāmasīmaṃ okkamitvā vasitvā pakkamatī’’ti anāpattivāre anuññātattā. Yadi evaṃ ‘‘yojanappamāṇe na labhatī’’ti idaṃ kinti? Idaṃ nibaddhāvāsavaseneva vuttaṃ. Tattha dhutaṅgaṃ bhijjatīti? Na bhijjati, kintu na idha dhutaṅgādhikāro atthīti. Atha kasmā ‘‘ayaṃ dhutaṅgacoroti veditabbo’’ti vuttanti? Asambhavato. Kathaṃ paññāyatīti? Aṅgesu abhāvato. Dhutaṅgadharassa patirūpasenāsanadīpanato dhutaṅgadharatā tassa siddhā. Vacanappamāṇatoti ce? Na, vacanappamāṇato ca pāḷiyeva pamāṇaṃ. ‘‘Anāpatti puna gāmasīmaṃ okkamitvā vasitvā pakkamatī’’ti hi vuttaṃ. Gāmasīmā nikkhamitvā kittakaṃ kālaṃ vasitvā pakkamitabbanti ce? Punadivaseyeva, tasmā aṭṭhamo aruṇo nibaddhāvāse vā gantabbaṭṭhāne vā uṭṭhetabboti eke. Antochārattanti eke. Yāva nibaddhāvāsaṃ na kappetīti eke. Yāva maggaparissamavinodanāti eke. Sati antarāye antochārattaṃ vasati, anāpatti. Nibaddhāvāsakappane sati aruṇuggamane āpatti. Sace taṃsattamo divaso, tadaheva nikkhittacīvaraṃ gahetabbaṃ, paccuddharitabbaṃ vāti eke. Sace antarā navamaggapātubhāvena vā navagāmasannivesena vā, taṃ senāsanaṃ aṅgasampattito parihāyati. Tadaheva cīvaraṃ gahetabbaṃ vā paccuddharitabbaṃ vā. Chārattaṃ vippavasantassa ce parihāyati, anāpatti anuññātadivasattāti eke. Āpatti eva anaṅgasampattitoti eke. Yuttataraṃ panettha vicāretvā gahetabbaṃ. Sace dhutaṅgadharo hoti, gāmasīmāyaṃ avasitvā pacchimappamāṇayutte ṭhāne vasitvā pakkamitabbaṃ. Paṭhamaṃ baddhaavippavāsasīmo ce gāmo hoti, aññasmimpi māse antosīmāya vasato anāpatti. Porāṇagaṇṭhipade ‘‘yathāvuttasenāsane vasantenāpi chārattameva cīvaraṃ gāme nikkhipitabbanti adhippāyena aññaṃ antochārattampi aññampi vasato āpattiyevā’’ti vuttaṃ.
саасан̇гасигкаабад̣̇аван̣н̣анаа нидтид̇аа.
Sāsaṅkasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. саасан̇гасигкаабад̣̇ам̣ • 9. Sāsaṅkasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. саасан̇гасигкаабад̣̇аван̣н̣анаа • 9. Sāsaṅkasikkhāpadavaṇṇanā
