| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. ஸஸங்கா²ரஸுத்தவண்ணனா
9. Sasaṅkhārasuttavaṇṇanā
169. நவமே பட²மது³தியபுக்³க³லா ஸுக்க²விபஸ்ஸகா ஸஸங்கா²ரேன ஸப்பயோகே³ன ஸங்கா²ரனிமித்தங் உபட்ட²பெந்தி. தேஸு ஏகோ விபஸ்ஸனிந்த்³ரியானங் ப³லவத்தா இதே⁴வ கிலேஸபரினிப்³பா³னேன பரினிப்³பா³யதி, ஏகோ இந்த்³ரியானங் து³ப்³ப³லதாய இத⁴ அஸக்கொந்தோ அனந்தரே அத்தபா⁴வே ததே³வ மூலகம்மட்டா²னங் படிலபி⁴த்வா ஸஸங்கா²ரேன ஸப்பயோகே³ன ஸங்கா²ரனிமித்தங் உபட்ட²பெத்வா கிலேஸபரினிப்³பா³னேன பரினிப்³பா³யதி, ததியசதுத்தா² ஸமத²யானிகா. தேஸங் ஏகோ அஸங்கா²ரேன அப்பயோகே³ன இந்த்³ரியானங் ப³லவத்தா இதே⁴வ கிலேஸே கே²பேதி, ஏகோ இந்த்³ரியானங் து³ப்³ப³லத்தா இத⁴ அஸக்கொந்தோ அனந்தரே அத்தபா⁴வே ததே³வ மூலகம்மட்டா²னங் படிலபி⁴த்வா அஸங்கா²ரேன அப்பயோகே³ன கிலேஸே கே²பேதீதி வேதி³தப்³போ³.
169. Navame paṭhamadutiyapuggalā sukkhavipassakā sasaṅkhārena sappayogena saṅkhāranimittaṃ upaṭṭhapenti. Tesu eko vipassanindriyānaṃ balavattā idheva kilesaparinibbānena parinibbāyati, eko indriyānaṃ dubbalatāya idha asakkonto anantare attabhāve tadeva mūlakammaṭṭhānaṃ paṭilabhitvā sasaṅkhārena sappayogena saṅkhāranimittaṃ upaṭṭhapetvā kilesaparinibbānena parinibbāyati, tatiyacatutthā samathayānikā. Tesaṃ eko asaṅkhārena appayogena indriyānaṃ balavattā idheva kilese khepeti, eko indriyānaṃ dubbalattā idha asakkonto anantare attabhāve tadeva mūlakammaṭṭhānaṃ paṭilabhitvā asaṅkhārena appayogena kilese khepetīti veditabbo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஸஸங்கா²ரஸுத்தங் • 9. Sasaṅkhārasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. ஸஸங்கா²ரஸுத்தவண்ணனா • 9. Sasaṅkhārasuttavaṇṇanā
