| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
9. ஸஸங்கா²ரஸுத்தவண்ணனா
9. Sasaṅkhārasuttavaṇṇanā
169. நவமே ஸஸங்கா²ரேன து³க்கே²ன கஸிரேன அதி⁴மத்தபயோக³ங் கத்வாவ கிலேஸபரினிப்³பா³னத⁴ம்மோதி ஸஸங்கா²ரபரினிப்³பா³யீ. அஸங்கா²ரேன அப்பயோகே³ன அதி⁴மத்தபயோக³ங் அகத்வாவ கிலேஸபரினிப்³பா³னத⁴ம்மோதி அஸங்கா²ரபரினிப்³பா³யீ. த⁴ம்மானுஸாரீ புக்³க³லோ ஹி ஆக³மனம்ஹி கிலேஸே விக்க²ம்பெ⁴ந்தோ அப்பது³க்கே²ன அகஸிரேன அகிலமந்தோவ விக்க²ம்பே⁴துங் ஸக்கோதி. ஸத்³தா⁴னுஸாரீ புக்³க³லோ பன து³க்கே²ன கஸிரேன கிலமந்தோ ஹுத்வா விக்க²ம்பே⁴துங், தஸ்மா த⁴ம்மானுஸாரிஸ்ஸ புப்³ப³பா⁴க³மக்³க³க்க²ணே கிலேஸச்சே²த³கங் ஞாணங் அத³ந்த⁴ங் திகி²ணங் ஸூரங் ஹுத்வா வஹதி. யதா² நாம திகி²ணேன அஸினா கத³லிங் சி²ந்த³ந்தஸ்ஸ சி²ன்னட்டா²னங் மட்ட²ங் ஹோதி, அதிஸீக⁴ங் வஹதி, ஸத்³தோ³ ந ஸுய்யதி, ப³லவவாயாமகிச்சங் ந ஹோதி, ஏவரூபா த⁴ம்மானுஸாரினோ புப்³ப³பா⁴க³பா⁴வனா ஹோதி. ஸத்³தா⁴னுஸாரினோ பன புப்³ப³பா⁴க³க்க²ணே கிலேஸச்சே²த³கங் ஞாணங் த³ந்த⁴ங் அதிகி²ணங் அஸூரங் ஹுத்வா வஹதி. யதா² நாம குண்டே²ன அஸினா கத³லிங் சி²ந்த³ந்தஸ்ஸ சி²ன்னட்டா²னங் ந மட்ட²ங் ஹோதி, அதிஸீக⁴ங் ந வஹதி, ஸத்³தோ³ ஸுய்யதி, ப³லவவாயாமகிச்சங் இச்சி²தப்³ப³ங் ஹோதி, ஏவரூபா ஸத்³தா⁴னுஸாரினோ புப்³ப³பா⁴க³பா⁴வனா ஹோதி. ஏவங் ஸந்தேபி நேஸங் கிலேஸக்க²யே நானத்தங் நத்தி², அனவஸேஸாவ கிலேஸா கீ²யந்தி.
169. Navame sasaṅkhārena dukkhena kasirena adhimattapayogaṃ katvāva kilesaparinibbānadhammoti sasaṅkhāraparinibbāyī. Asaṅkhārena appayogena adhimattapayogaṃ akatvāva kilesaparinibbānadhammoti asaṅkhāraparinibbāyī. Dhammānusārī puggalo hi āgamanamhi kilese vikkhambhento appadukkhena akasirena akilamantova vikkhambhetuṃ sakkoti. Saddhānusārī puggalo pana dukkhena kasirena kilamanto hutvā vikkhambhetuṃ, tasmā dhammānusārissa pubbabhāgamaggakkhaṇe kilesacchedakaṃ ñāṇaṃ adandhaṃ tikhiṇaṃ sūraṃ hutvā vahati. Yathā nāma tikhiṇena asinā kadaliṃ chindantassa chinnaṭṭhānaṃ maṭṭhaṃ hoti, atisīghaṃ vahati, saddo na suyyati, balavavāyāmakiccaṃ na hoti, evarūpā dhammānusārino pubbabhāgabhāvanā hoti. Saddhānusārino pana pubbabhāgakkhaṇe kilesacchedakaṃ ñāṇaṃ dandhaṃ atikhiṇaṃ asūraṃ hutvā vahati. Yathā nāma kuṇṭhena asinā kadaliṃ chindantassa chinnaṭṭhānaṃ na maṭṭhaṃ hoti, atisīghaṃ na vahati, saddo suyyati, balavavāyāmakiccaṃ icchitabbaṃ hoti, evarūpā saddhānusārino pubbabhāgabhāvanā hoti. Evaṃ santepi nesaṃ kilesakkhaye nānattaṃ natthi, anavasesāva kilesā khīyanti.
ஸஸங்கா²ரஸுத்தவண்ணனா நிட்டி²தா.
Sasaṅkhārasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஸஸங்கா²ரஸுத்தங் • 9. Sasaṅkhārasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. ஸஸங்கா²ரஸுத்தவண்ணனா • 9. Sasaṅkhārasuttavaṇṇanā
