| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৯. সসঙ্খারসুত্তৰণ্ণনা
9. Sasaṅkhārasuttavaṇṇanā
১৬৯. নৰমে পঠমদুতিযপুগ্গলা সুক্খৰিপস্সকা সসঙ্খারেন সপ্পযোগেন সঙ্খারনিমিত্তং উপট্ঠপেন্তি। তেসু একো ৰিপস্সনিন্দ্রিযানং বলৰত্তা ইধেৰ কিলেসপরিনিব্বানেন পরিনিব্বাযতি, একো ইন্দ্রিযানং দুব্বলতায ইধ অসক্কোন্তো অনন্তরে অত্তভাৰে তদেৰ মূলকম্মট্ঠানং পটিলভিত্ৰা সসঙ্খারেন সপ্পযোগেন সঙ্খারনিমিত্তং উপট্ঠপেত্ৰা কিলেসপরিনিব্বানেন পরিনিব্বাযতি, ততিযচতুত্থা সমথযানিকা। তেসং একো অসঙ্খারেন অপ্পযোগেন ইন্দ্রিযানং বলৰত্তা ইধেৰ কিলেসে খেপেতি, একো ইন্দ্রিযানং দুব্বলত্তা ইধ অসক্কোন্তো অনন্তরে অত্তভাৰে তদেৰ মূলকম্মট্ঠানং পটিলভিত্ৰা অসঙ্খারেন অপ্পযোগেন কিলেসে খেপেতীতি ৰেদিতব্বো।
169. Navame paṭhamadutiyapuggalā sukkhavipassakā sasaṅkhārena sappayogena saṅkhāranimittaṃ upaṭṭhapenti. Tesu eko vipassanindriyānaṃ balavattā idheva kilesaparinibbānena parinibbāyati, eko indriyānaṃ dubbalatāya idha asakkonto anantare attabhāve tadeva mūlakammaṭṭhānaṃ paṭilabhitvā sasaṅkhārena sappayogena saṅkhāranimittaṃ upaṭṭhapetvā kilesaparinibbānena parinibbāyati, tatiyacatutthā samathayānikā. Tesaṃ eko asaṅkhārena appayogena indriyānaṃ balavattā idheva kilese khepeti, eko indriyānaṃ dubbalattā idha asakkonto anantare attabhāve tadeva mūlakammaṭṭhānaṃ paṭilabhitvā asaṅkhārena appayogena kilese khepetīti veditabbo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৯. সসঙ্খারসুত্তং • 9. Sasaṅkhārasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯. সসঙ্খারসুত্তৰণ্ণনা • 9. Sasaṅkhārasuttavaṇṇanā
