| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೯. ಸಸಙ್ಖಾರಸುತ್ತವಣ್ಣನಾ
9. Sasaṅkhārasuttavaṇṇanā
೧೬೯. ನವಮೇ ಪಠಮದುತಿಯಪುಗ್ಗಲಾ ಸುಕ್ಖವಿಪಸ್ಸಕಾ ಸಸಙ್ಖಾರೇನ ಸಪ್ಪಯೋಗೇನ ಸಙ್ಖಾರನಿಮಿತ್ತಂ ಉಪಟ್ಠಪೇನ್ತಿ। ತೇಸು ಏಕೋ ವಿಪಸ್ಸನಿನ್ದ್ರಿಯಾನಂ ಬಲವತ್ತಾ ಇಧೇವ ಕಿಲೇಸಪರಿನಿಬ್ಬಾನೇನ ಪರಿನಿಬ್ಬಾಯತಿ, ಏಕೋ ಇನ್ದ್ರಿಯಾನಂ ದುಬ್ಬಲತಾಯ ಇಧ ಅಸಕ್ಕೋನ್ತೋ ಅನನ್ತರೇ ಅತ್ತಭಾವೇ ತದೇವ ಮೂಲಕಮ್ಮಟ್ಠಾನಂ ಪಟಿಲಭಿತ್ವಾ ಸಸಙ್ಖಾರೇನ ಸಪ್ಪಯೋಗೇನ ಸಙ್ಖಾರನಿಮಿತ್ತಂ ಉಪಟ್ಠಪೇತ್ವಾ ಕಿಲೇಸಪರಿನಿಬ್ಬಾನೇನ ಪರಿನಿಬ್ಬಾಯತಿ, ತತಿಯಚತುತ್ಥಾ ಸಮಥಯಾನಿಕಾ। ತೇಸಂ ಏಕೋ ಅಸಙ್ಖಾರೇನ ಅಪ್ಪಯೋಗೇನ ಇನ್ದ್ರಿಯಾನಂ ಬಲವತ್ತಾ ಇಧೇವ ಕಿಲೇಸೇ ಖೇಪೇತಿ, ಏಕೋ ಇನ್ದ್ರಿಯಾನಂ ದುಬ್ಬಲತ್ತಾ ಇಧ ಅಸಕ್ಕೋನ್ತೋ ಅನನ್ತರೇ ಅತ್ತಭಾವೇ ತದೇವ ಮೂಲಕಮ್ಮಟ್ಠಾನಂ ಪಟಿಲಭಿತ್ವಾ ಅಸಙ್ಖಾರೇನ ಅಪ್ಪಯೋಗೇನ ಕಿಲೇಸೇ ಖೇಪೇತೀತಿ ವೇದಿತಬ್ಬೋ।
169. Navame paṭhamadutiyapuggalā sukkhavipassakā sasaṅkhārena sappayogena saṅkhāranimittaṃ upaṭṭhapenti. Tesu eko vipassanindriyānaṃ balavattā idheva kilesaparinibbānena parinibbāyati, eko indriyānaṃ dubbalatāya idha asakkonto anantare attabhāve tadeva mūlakammaṭṭhānaṃ paṭilabhitvā sasaṅkhārena sappayogena saṅkhāranimittaṃ upaṭṭhapetvā kilesaparinibbānena parinibbāyati, tatiyacatutthā samathayānikā. Tesaṃ eko asaṅkhārena appayogena indriyānaṃ balavattā idheva kilese khepeti, eko indriyānaṃ dubbalattā idha asakkonto anantare attabhāve tadeva mūlakammaṭṭhānaṃ paṭilabhitvā asaṅkhārena appayogena kilese khepetīti veditabbo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೯. ಸಸಙ್ಖಾರಸುತ್ತಂ • 9. Sasaṅkhārasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೯. ಸಸಙ್ಖಾರಸುತ್ತವಣ್ಣನಾ • 9. Sasaṅkhārasuttavaṇṇanā
