| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
10. сасабан̣д̣ид̇ажарияааван̣н̣анаа
10. Sasapaṇḍitacariyāvaṇṇanā
125-6. д̣̇асамз яад̣̇аа хоми, сасагод̇и ахам̣, саарибуд̇д̇а, б̣од̇хибариязсанам̣ жарамаано яад̣̇аа сасабан̣д̣ид̇о хоми. б̣од̇хисад̇д̇аа хи гаммавасиббад̇д̇ааби д̇аад̣̇исаанам̣ д̇иражчаанаанам̣ ануг̇г̇ан̣ханад̇т̇ам̣ д̇иражчаанаяонияам̣ ниб̣б̣ад̇д̇анд̇и. баванажаарагод̇и махааванажаарий. д̣̇аб̣б̣аад̣̇ид̇ин̣аани ругкаг̇ажчзсу бан̣н̣аани яам̣гин̃жи саагам̣ ругкад̇о бад̇ид̇апалаани жа бхагко зд̇ассаад̇и д̇ин̣абан̣н̣асаагапалабхагко. барахзтанавиваж̇ж̇ид̇од̇и барабийл̣аавирахид̇о. суд̇д̇абод̇о жаад̇и уд̣̇д̣̇абод̇о жа. ахам̣ д̇ад̣̇аад̇и яад̣̇аахам̣ сасаго хоми, д̇ад̣̇аа зд̇з маггадаад̣̇аяо д̇аяо сахааяз овад̣̇аами.
125-6. Dasame yadā homi, sasakoti ahaṃ, sāriputta, bodhipariyesanaṃ caramāno yadā sasapaṇḍito homi. Bodhisattā hi kammavasippattāpi tādisānaṃ tiracchānānaṃ anuggaṇhanatthaṃ tiracchānayoniyaṃ nibbattanti. Pavanacārakoti mahāvanacārī. Dabbāditiṇāni rukkhagacchesu paṇṇāni yaṃkiñci sākaṃ rukkhato patitaphalāni ca bhakkho etassāti tiṇapaṇṇasākaphalabhakkho. Paraheṭhanavivajjitoti parapīḷāvirahito. Suttapoto cāti uddapoto ca. Ahaṃ tadāti yadāhaṃ sasako homi, tadā ete makkaṭādayo tayo sahāye ovadāmi.
127. гирияз галяаан̣абаабагзд̇и гусалз жзва агусалз жа гаммз. баабаанийд̇и анусаасанаагаарад̣̇ассанам̣. д̇ад̇т̇а баабаани бариваж̇ж̇зт̇аад̇и баан̣аад̇ибаад̇о…бз… мижчаад̣̇идтийд̇и имаани баабаани бариваж̇ж̇зт̇а. галяаан̣з абхинивиссат̇аад̇и д̣̇аанам̣ сийлам̣…бз… д̣̇идтуж̇угамманд̇и ид̣̇ам̣ галяаан̣ам̣, имасмим̣ галяаан̣з ад̇д̇ано гааяаваажаажид̇д̇аани абхимукабхаавзна нивиссат̇а, имам̣ галяаан̣абадибад̇д̇им̣ бадибаж̇ж̇ат̇аад̇и ад̇т̇о.
127.Kiriye kalyāṇapāpaketi kusale ceva akusale ca kamme. Pāpānīti anusāsanākāradassanaṃ. Tattha pāpāniparivajjethāti pāṇātipāto…pe… micchādiṭṭhīti imāni pāpāni parivajjetha. Kalyāṇe abhinivissathāti dānaṃ sīlaṃ…pe… diṭṭhujukammanti idaṃ kalyāṇaṃ, imasmiṃ kalyāṇe attano kāyavācācittāni abhimukhabhāvena nivissatha, imaṃ kalyāṇapaṭipattiṃ paṭipajjathāti attho.
звам̣ махаасад̇д̇о д̇иражчаанаяонияам̣ ниб̣б̣ад̇д̇оби н̃аан̣асамбаннад̇ааяа галяаан̣амид̇д̇о худ̇ваа д̇зсам̣ д̇ин̣н̣ам̣ ж̇анаанам̣ гаалзна гаалам̣ убаг̇ад̇аанам̣ оваад̣̇авасзна д̇хаммам̣ д̣̇зсзси. д̇з д̇асса оваад̣̇ам̣ самбадижчид̇ваа ад̇д̇ано васанадтаанам̣ бависид̇ваа васанд̇и. звам̣ гаалз г̇ажчанд̇з б̣од̇хисад̇д̇о аагаасам̣ ологзд̇ваа жанд̣̇абаарибуурим̣ д̣̇исваа ‘‘убосат̇агаммам̣ гарот̇аа’’д̇и овад̣̇и. д̇знааха –
Evaṃ mahāsatto tiracchānayoniyaṃ nibbattopi ñāṇasampannatāya kalyāṇamitto hutvā tesaṃ tiṇṇaṃ janānaṃ kālena kālaṃ upagatānaṃ ovādavasena dhammaṃ desesi. Te tassa ovādaṃ sampaṭicchitvā attano vasanaṭṭhānaṃ pavisitvā vasanti. Evaṃ kāle gacchante bodhisatto ākāsaṃ oloketvā candapāripūriṃ disvā ‘‘uposathakammaṃ karothā’’ti ovadi. Tenāha –
128.
128.
‘‘убосат̇амхи д̣̇ивасз, жанд̣̇ам̣ д̣̇исваана буурид̇ам̣;
‘‘Uposathamhi divase, candaṃ disvāna pūritaṃ;
зд̇зсам̣ д̇ад̇т̇а аажигким̣, д̣̇ивасо аж̇ж̇убосат̇о.
Etesaṃ tattha ācikkhiṃ, divaso ajjuposatho.
129.
129.
‘‘д̣̇аанаани бадияаад̣̇зт̇а, д̣̇агкин̣зяяасса д̣̇аад̇авз;
‘‘Dānāni paṭiyādetha, dakkhiṇeyyassa dātave;
д̣̇ад̇ваа д̣̇аанам̣ д̣̇агкин̣зяяз, убавассат̇убосат̇а’’нд̇и.
Datvā dānaṃ dakkhiṇeyye, upavassathuposatha’’nti.
д̇ад̇т̇а жанд̣̇ам̣ д̣̇исваа на буурид̇анд̇и ж̇ун̣хабагкажаад̇уд̣̇д̣̇асияам̣ ийсагам̣ абарибун̣н̣абхаавзна жанд̣̇ам̣ на барибуурид̇ам̣ д̣̇исваа д̇ад̇о вибхаад̇ааяа рад̇д̇ияаа арун̣уг̇г̇аманавзлааяамзва убосат̇амхи д̣̇ивасз баннарасз зд̇зсам̣ маггадаад̣̇ийнам̣ маяхам̣ сахааяаанам̣ д̣̇ивасо аж̇ж̇убосат̇о. д̇асмаа ‘‘д̣̇аанаани бадияаад̣̇зт̇аа’’д̇иаад̣̇инаа д̇ад̇т̇а убосат̇ад̣̇ивасз бадибад̇д̇ивид̇хаанам̣ аажигкинд̇и яож̇зд̇аб̣б̣ам̣. д̇ад̇т̇а д̣̇аанаанийд̇и д̣̇зяяад̇хаммз. бадияаад̣̇зт̇аад̇и яат̇аасад̇д̇и яат̇ааб̣алам̣ саж̇ж̇зт̇а. д̣̇аад̇авзд̇и д̣̇аад̇ум̣. убавассат̇аад̇и убосат̇агаммам̣ гарот̇а, убосат̇асийлаани рагкат̇а, сийлз бад̇идтааяа д̣̇иннад̣̇аанам̣ махабпалам̣ ход̇и, д̇асмаа яаажагз самбад̇д̇з д̇умхзхи каад̣̇ид̇аб̣б̣аахаарад̇о д̣̇ад̇ваа каад̣̇зяяаат̇аад̇и д̣̇ассзд̇и.
Tattha candaṃ disvā na pūritanti juṇhapakkhacātuddasiyaṃ īsakaṃ aparipuṇṇabhāvena candaṃ na paripūritaṃ disvā tato vibhātāya rattiyā aruṇuggamanavelāyameva uposathamhi divase pannarase etesaṃ makkaṭādīnaṃ mayhaṃ sahāyānaṃ divaso ajjuposatho. Tasmā ‘‘dānāni paṭiyādethā’’tiādinā tattha uposathadivase paṭipattividhānaṃ ācikkhinti yojetabbaṃ. Tattha dānānīti deyyadhamme. Paṭiyādethāti yathāsatti yathābalaṃ sajjetha. Dātaveti dātuṃ. Upavassathāti uposathakammaṃ karotha, uposathasīlāni rakkhatha, sīle patiṭṭhāya dinnadānaṃ mahapphalaṃ hoti, tasmā yācake sampatte tumhehi khāditabbāhārato datvā khādeyyāthāti dasseti.
д̇з ‘‘саад̇хуу’’д̇и б̣од̇хисад̇д̇асса оваад̣̇ам̣ сирасаа самбадижчид̇ваа убосат̇ан̇г̇аани ад̇хидтахим̣су. д̇зсу уд̣̇д̣̇абод̇о баад̇ова ‘‘г̇ожарам̣ бариязсиссаамий’’д̇и над̣̇ийд̇ийрам̣ г̇ад̇о. ат̇зго б̣аал̣исиго сад̇д̇а рохид̇амажчз уд̣̇д̇харид̇ваа валлияаа аавун̣ид̇ваа над̣̇ийд̇ийрз ваалугааяа бадижчаад̣̇зд̇ваа мажчз г̇ан̣ханд̇о над̣̇ияаа ад̇хо сод̇ам̣ бхасси. уд̣̇д̣̇о мажчаг̇анд̇хам̣ гхааяид̇ваа ваалугам̣ вияуухид̇ваа мажчз д̣̇исваа нийхарид̇ваа ‘‘ад̇т̇и ну ко зд̇зсам̣ саамиго’’д̇и д̇игкад̇д̇ум̣ гхосзд̇ваа саамигам̣ абассанд̇о валлияам̣ д̣ам̣сид̇ваа ад̇д̇ано васанаг̇умб̣з табзд̇ваа ‘‘взлааяамзва каад̣̇иссаамий’’д̇и ад̇д̇ано сийлам̣ ааваж̇ж̇знд̇о нибаж̇ж̇и. син̇г̇аалоби г̇ожарам̣ бариязсанд̇о згасса кзд̇д̇аг̇обагасса гудияам̣ д̣̇вз мам̣сасуулаани згам̣ г̇од̇хам̣ зган̃жа д̣̇ад̇хиваарагам̣ д̣̇исваа ‘‘ад̇т̇и ну ко зд̇зсам̣ саамиго’’д̇и д̇игкад̇д̇ум̣ гхосзд̇ваа саамигам̣ ад̣̇исваа д̣̇ад̇хиваарагасса уг̇г̇ахан̣араж̇ж̇угам̣ г̇ийвааяам̣ бавзсзд̇ваа мам̣сасуулз жа г̇од̇хан̃жа мукзна д̣ам̣сид̇ваа ад̇д̇ано васанаг̇умб̣з табзд̇ваа ‘‘взлааяамзва каад̣̇иссаамий’’д̇и ад̇д̇ано сийлам̣ ааваж̇ж̇знд̇о нибаж̇ж̇и. маггадоби ванасан̣д̣ам̣ бависид̇ваа амб̣абин̣д̣ам̣ аахарид̇ваа ад̇д̇ано васанаг̇умб̣з табзд̇ваа ‘‘взлааяамзва каад̣̇иссаамий’’д̇и ад̇д̇ано сийлам̣ ааваж̇ж̇знд̇о нибаж̇ж̇и. д̇ин̣н̣амби ‘‘ахо ид̇ха нууна яаажаго ааг̇ажчзяяаа’’д̇и жид̇д̇ам̣ уббаж̇ж̇и. д̇зна вуд̇д̇ам̣ –
Te ‘‘sādhū’’ti bodhisattassa ovādaṃ sirasā sampaṭicchitvā uposathaṅgāni adhiṭṭhahiṃsu. Tesu uddapoto pātova ‘‘gocaraṃ pariyesissāmī’’ti nadītīraṃ gato. Atheko bāḷisiko satta rohitamacche uddharitvā valliyā āvuṇitvā nadītīre vālukāya paṭicchādetvā macche gaṇhanto nadiyā adho sotaṃ bhassi. Uddo macchagandhaṃ ghāyitvā vālukaṃ viyūhitvā macche disvā nīharitvā ‘‘atthi nu kho etesaṃ sāmiko’’ti tikkhattuṃ ghosetvā sāmikaṃ apassanto valliyaṃ ḍaṃsitvā attano vasanagumbe ṭhapetvā ‘‘velāyameva khādissāmī’’ti attano sīlaṃ āvajjento nipajji. Siṅgālopi gocaraṃ pariyesanto ekassa khettagopakassa kuṭiyaṃ dve maṃsasūlāni ekaṃ godhaṃ ekañca dadhivārakaṃ disvā ‘‘atthi nu kho etesaṃ sāmiko’’ti tikkhattuṃ ghosetvā sāmikaṃ adisvā dadhivārakassa uggahaṇarajjukaṃ gīvāyaṃ pavesetvā maṃsasūle ca godhañca mukhena ḍaṃsitvā attano vasanagumbe ṭhapetvā ‘‘velāyameva khādissāmī’’ti attano sīlaṃ āvajjento nipajji. Makkaṭopi vanasaṇḍaṃ pavisitvā ambapiṇḍaṃ āharitvā attano vasanagumbe ṭhapetvā ‘‘velāyameva khādissāmī’’ti attano sīlaṃ āvajjento nipajji. Tiṇṇampi ‘‘aho idha nūna yācako āgaccheyyā’’ti cittaṃ uppajji. Tena vuttaṃ –
130.
130.
‘‘д̇з мз саад̇хууд̇и вад̇ваана, яат̇аасад̇д̇и яат̇ааб̣алам̣;
‘‘Te me sādhūti vatvāna, yathāsatti yathābalaṃ;
д̣̇аанаани бадияаад̣̇зд̇ваа, д̣̇агкин̣зяяам̣ г̇авзсису’’нд̇и.
Dānāni paṭiyādetvā, dakkhiṇeyyaṃ gavesisu’’nti.
б̣од̇хисад̇д̇о бана ‘‘взлааяамзва нигкамид̇ваа д̣̇аб̣б̣аад̣̇ид̇ин̣аани каад̣̇иссаамий’’д̇и ад̇д̇ано васанаг̇умб̣зязва нисинно жинд̇зси – ‘‘мама санд̇игам̣ ааг̇ад̇аанам̣ яаажагаанам̣ д̇ин̣аани каад̣̇ид̇ум̣ на саггаа, д̇илад̇ан̣д̣улаад̣̇аяоби маяхам̣ над̇т̇и, сажз мз санд̇игам̣ яаажаго ааг̇амиссад̇и, ахам̣ д̇ин̣зна яаабзми, ад̇д̇ано сарийрамам̣сам̣ д̣̇ассаамий’’д̇и. д̇знааха бхаг̇аваа –
Bodhisatto pana ‘‘velāyameva nikkhamitvā dabbāditiṇāni khādissāmī’’ti attano vasanagumbeyeva nisinno cintesi – ‘‘mama santikaṃ āgatānaṃ yācakānaṃ tiṇāni khādituṃ na sakkā, tilataṇḍulādayopi mayhaṃ natthi, sace me santikaṃ yācako āgamissati, ahaṃ tiṇena yāpemi, attano sarīramaṃsaṃ dassāmī’’ti. Tenāha bhagavā –
131.
131.
‘‘ахам̣ нисаж̇ж̇а жинд̇зсим̣, д̣̇аанам̣ д̣̇агкин̣анужчавам̣;
‘‘Ahaṃ nisajja cintesiṃ, dānaṃ dakkhiṇanucchavaṃ;
яад̣̇ихам̣ лабхз д̣̇агкин̣зяяам̣, гим̣ мз д̣̇аанам̣ бхависсад̇и.
Yadihaṃ labhe dakkhiṇeyyaṃ, kiṃ me dānaṃ bhavissati.
132.
132.
‘‘на мз ад̇т̇и д̇илаа муг̇г̇аа, маасаа ваа д̇ан̣д̣улаа гхад̇ам̣;
‘‘Na me atthi tilā muggā, māsā vā taṇḍulā ghataṃ;
ахам̣ д̇ин̣зна яаабзми, на саггаа д̇ин̣а д̣̇аад̇авз.
Ahaṃ tiṇena yāpemi, na sakkā tiṇa dātave.
133.
133.
‘‘яад̣̇и гожи зд̇и д̣̇агкин̣зяяо, бхигкааяа мама санд̇игз;
‘‘Yadi koci eti dakkhiṇeyyo, bhikkhāya mama santike;
д̣̇аж̇ж̇аахам̣ сагамад̇д̇аанам̣, на со д̇ужчо г̇амиссад̇ий’’д̇и.
Dajjāhaṃ sakamattānaṃ, na so tuccho gamissatī’’ti.
д̇ад̇т̇а д̣̇аанам̣ д̣̇агкин̣анужчаванд̇и д̣̇агкин̣аабхаавзна анужчавигам̣ д̣̇аанам̣ д̣̇агкин̣зяяасса д̣̇аад̇аб̣б̣ам̣ д̣̇зяяад̇хаммам̣ жинд̇зсим̣. яад̣̇ихам̣ лабхзд̇и яад̣̇и ахам̣ гин̃жи д̣̇агкин̣зяяам̣ аж̇ж̇а лабхзяяам̣. гим̣ мз д̣̇аанам̣ бхависсад̇ийд̇и гим̣ мама д̣̇аад̇аб̣б̣ам̣ бхависсад̇и. на саггаа д̇ин̣а д̣̇аад̇авзд̇и яад̣̇и д̣̇агкин̣зяяасса д̣̇аад̇ум̣ д̇иламуг̇г̇аад̣̇игам̣ маяхам̣ над̇т̇и, яам̣ бана мама аахаарабхууд̇ам̣, д̇ам̣ на саггаа д̇ин̣ам̣ д̣̇агкин̣зяяасса д̣̇аад̇ум̣. д̣̇аж̇ж̇аахам̣ сагамад̇д̇аананд̇и гим̣ ваа маяхам̣ зд̇ааяа д̣̇зяяад̇хаммажинд̇ааяа, нану ид̣̇амзва маяхам̣ анаваж̇ж̇ам̣ абараад̇хийнад̇ааяа сулабхам̣ барзсан̃жа барибхог̇аарахам̣ сарийрам̣ сажз гожи д̣̇агкин̣зяяо мама санд̇игам̣ ааг̇ажчад̇и, д̇аяид̣̇ам̣ сагамад̇д̇аанам̣ д̇асса д̣̇аж̇ж̇аамахам̣. звам̣ санд̇з на со д̇ужчо мама санд̇игам̣ ааг̇ад̇о арид̇д̇ахад̇т̇о худ̇ваа г̇амиссад̇ийд̇и.
Tattha dānaṃ dakkhiṇanucchavanti dakkhiṇābhāvena anucchavikaṃ dānaṃ dakkhiṇeyyassa dātabbaṃ deyyadhammaṃ cintesiṃ. Yadihaṃ labheti yadi ahaṃ kiñci dakkhiṇeyyaṃ ajja labheyyaṃ. Kiṃ me dānaṃ bhavissatīti kiṃ mama dātabbaṃ bhavissati. Na sakkā tiṇa dātaveti yadi dakkhiṇeyyassa dātuṃ tilamuggādikaṃ mayhaṃ natthi, yaṃ pana mama āhārabhūtaṃ, taṃ na sakkā tiṇaṃ dakkhiṇeyyassa dātuṃ. Dajjāhaṃ sakamattānanti kiṃ vā mayhaṃ etāya deyyadhammacintāya, nanu idameva mayhaṃ anavajjaṃ aparādhīnatāya sulabhaṃ paresañca paribhogārahaṃ sarīraṃ sace koci dakkhiṇeyyo mama santikaṃ āgacchati, tayidaṃ sakamattānaṃ tassa dajjāmahaṃ. Evaṃ sante na so tuccho mama santikaṃ āgato arittahattho hutvā gamissatīti.
звам̣ махаабурисасса яат̇аабхууд̇асабхаавам̣ баривид̇аггзнд̇асса баривид̇аггаанубхаавзна саггасса бан̣д̣угамб̣аласилаасанам̣ ун̣хаагаарам̣ д̣̇ассзси. со ааваж̇ж̇знд̇о имам̣ гааран̣ам̣ д̣̇исваа ‘‘сасарааж̇ам̣ виймам̣сиссаамий’’д̇и батамам̣ уд̣̇д̣̇асса васанадтаанам̣ г̇анд̇ваа б̣раахман̣авзсзна адтааси. д̇зна ‘‘гимад̇т̇ам̣, б̣раахман̣а, тид̇осий’’д̇и жа вуд̇д̇з сажз ган̃жи аахаарам̣ лабхзяяам̣, убосат̇иго худ̇ваа саман̣ад̇хаммам̣ гарзяяанд̇и. со ‘‘саад̇хууд̇и д̇з аахаарам̣ д̣̇ассаамий’’д̇и ааха. д̇зна вуд̇д̇ам̣ –
Evaṃ mahāpurisassa yathābhūtasabhāvaṃ parivitakkentassa parivitakkānubhāvena sakkassa paṇḍukambalasilāsanaṃ uṇhākāraṃ dassesi. So āvajjento imaṃ kāraṇaṃ disvā ‘‘sasarājaṃ vīmaṃsissāmī’’ti paṭhamaṃ uddassa vasanaṭṭhānaṃ gantvā brāhmaṇavesena aṭṭhāsi. Tena ‘‘kimatthaṃ, brāhmaṇa, ṭhitosī’’ti ca vutte sace kañci āhāraṃ labheyyaṃ, uposathiko hutvā samaṇadhammaṃ kareyyanti. So ‘‘sādhūti te āhāraṃ dassāmī’’ti āha. Tena vuttaṃ –
‘‘сад̇д̇а мз рохид̇аа мажчаа, уд̣̇агаа т̇аламуб̣бхад̇аа;
‘‘Satta me rohitā macchā, udakā thalamubbhatā;
ид̣̇ам̣ б̣раахман̣а мз ад̇т̇и, зд̇ам̣ бхуд̇ваа ванз васаа’’д̇и. (ж̇аа. 1.4.61);
Idaṃ brāhmaṇa me atthi, etaṃ bhutvā vane vasā’’ti. (jā. 1.4.61);
б̣раахман̣о ‘‘баг̇зва д̇аава ход̇у, бажчаа ж̇ааниссаамий’’д̇и д̇ат̇зва син̇г̇ааласса маггадасса жа санд̇игам̣ г̇анд̇ваа д̇зхиби ад̇д̇ано виж̇ж̇амаанзхи д̣̇зяяад̇хаммзхи ниманд̇ид̇о ‘‘баг̇зва д̇аава ход̇у, бажчаа ж̇ааниссаамий’’д̇и ааха. д̇зна вуд̇д̇ам̣ –
Brāhmaṇo ‘‘pageva tāva hotu, pacchā jānissāmī’’ti tatheva siṅgālassa makkaṭassa ca santikaṃ gantvā tehipi attano vijjamānehi deyyadhammehi nimantito ‘‘pageva tāva hotu, pacchā jānissāmī’’ti āha. Tena vuttaṃ –
‘‘д̣̇усса мз кзд̇д̇абааласса, рад̇д̇ибхад̇д̇ам̣ абаабхад̇ам̣;
‘‘Dussa me khettapālassa, rattibhattaṃ apābhataṃ;
мам̣сасуулаа жа д̣̇вз г̇од̇хаа, зган̃жа д̣̇ад̇хиваарагам̣;
Maṃsasūlā ca dve godhā, ekañca dadhivārakaṃ;
ид̣̇ам̣ б̣раахман̣а мз ад̇т̇и, зд̇ам̣ бхуд̇ваа ванз васаа’’д̇и.
Idaṃ brāhmaṇa me atthi, etaṃ bhutvā vane vasā’’ti.
‘‘амб̣абаггам̣ д̣̇агам̣ сийд̇ам̣, сийд̇ажчааяаа манорамаа;
‘‘Ambapakkaṃ dakaṃ sītaṃ, sītacchāyā manoramā;
ид̣̇ам̣ б̣раахман̣а мз ад̇т̇и, зд̇ам̣ бхуд̇ваа ванз васаа’’д̇и. (ж̇аа. 1.4.62-63);
Idaṃ brāhmaṇa me atthi, etaṃ bhutvā vane vasā’’ti. (jā. 1.4.62-63);
д̇ад̇т̇а д̣̇уссаад̇и амусса. рад̇д̇ибхад̇д̇ам̣ абаабхад̇анд̇и рад̇д̇ибхож̇анад̇о абанийд̇ам̣. мам̣сасуулаа жа д̣̇вз г̇од̇хаад̇и ан̇г̇аарабаггаани д̣̇вз мам̣сасуулаани згаа жа г̇од̇хаа. д̣̇ад̇хиваараганд̇и д̣̇ад̇хиваараго.
Tattha dussāti amussa. Rattibhattaṃ apābhatanti rattibhojanato apanītaṃ. Maṃsasūlā ca dve godhāti aṅgārapakkāni dve maṃsasūlāni ekā ca godhā. Dadhivārakanti dadhivārako.
134. ат̇а б̣раахман̣о сасабан̣д̣ид̇асса санд̇игам̣ г̇ад̇о. д̇знааби ‘‘гимад̇т̇амааг̇ад̇осий’’д̇и вуд̇д̇з д̇ат̇звааха. д̇зна вуд̇д̇ам̣ ‘‘мама сан̇габбаман̃н̃ааяаа’’д̇иаад̣̇и.
134. Atha brāhmaṇo sasapaṇḍitassa santikaṃ gato. Tenāpi ‘‘kimatthamāgatosī’’ti vutte tathevāha. Tena vuttaṃ ‘‘mama saṅkappamaññāyā’’tiādi.
д̇ад̇т̇а мама сан̇габбаман̃н̃ааяаад̇и буб̣б̣з вуд̇д̇аббагаарам̣ баривид̇аггам̣ ж̇аанид̇ваа. б̣раахман̣аван̣н̣инаад̇и б̣раахман̣аруубавад̇аа ад̇д̇абхаавзна. аасаяанд̇и васанаг̇умб̣ам̣.
Tattha mama saṅkappamaññāyāti pubbe vuttappakāraṃ parivitakkaṃ jānitvā. Brāhmaṇavaṇṇināti brāhmaṇarūpavatā attabhāvena. Āsayanti vasanagumbaṃ.
135-7. санд̇удтод̇и самам̣ саб̣б̣абхааг̇знзва д̇удто. гхаасахзд̇ууд̇и аахаарахзд̇у. ад̣̇иннабуб̣б̣анд̇и язхи гзхижи аб̣од̇хисад̇д̇зхи ад̣̇иннабуб̣б̣ам̣. д̣̇аанаваранд̇и уд̇д̇амад̣̇аанам̣. ‘‘аж̇ж̇а д̣̇ассаами д̇з аха’’нд̇и вад̇ваа д̇увам̣ сийлаг̇ун̣уубзд̇о, аяуд̇д̇ам̣ д̇з барахзтананд̇и д̇ам̣ баан̣аад̇ибаад̇ад̇о абанзд̇ваа ид̣̇аани д̇асса барибхог̇аяог̇г̇ам̣ ад̇д̇аанам̣ гад̇ваа д̣̇аад̇ум̣ ‘‘зхи аг̇г̇им̣ бад̣̇ийбзхий’’д̇иаад̣̇имааха.
135-7.Santuṭṭhoti samaṃ sabbabhāgeneva tuṭṭho. Ghāsahetūti āhārahetu. Adinnapubbanti yehi kehici abodhisattehi adinnapubbaṃ. Dānavaranti uttamadānaṃ. ‘‘Ajja dassāmi te aha’’nti vatvā tuvaṃ sīlaguṇūpeto, ayuttaṃ te paraheṭhananti taṃ pāṇātipātato apanetvā idāni tassa paribhogayoggaṃ attānaṃ katvā dātuṃ ‘‘ehi aggiṃ padīpehī’’tiādimāha.
д̇ад̇т̇а ахам̣ бажиссамад̇д̇аананд̇и д̇аяаа гад̇з ан̇г̇аараг̇аб̣бхз ахамзва бад̇ид̇ваа ад̇д̇аанам̣ бажиссам̣. баггам̣ д̇вам̣ бхагкаяиссасийд̇и д̇ат̇аа бана баггам̣ д̇вам̣ каад̣̇иссаси.
Tattha ahaṃ pacissamattānanti tayā kate aṅgāragabbhe ahameva patitvā attānaṃ pacissaṃ. Pakkaṃ tvaṃ bhakkhayissasīti tathā pana pakkaṃ tvaṃ khādissasi.
138-9. наанаагадтз самаанаяийд̇и со б̣раахман̣авзсад̇хаарий сагго наанаад̣̇аарууни самаанзнд̇о вияа ахоси. маханд̇ам̣ агааси жид̇агам̣, гад̇ваа ан̇г̇аараг̇аб̣бхаганд̇и вийд̇ажжигам̣ виг̇ад̇ад̇хуумам̣ ан̇г̇аарабхарид̇аб̣бханд̇арам̣ саманд̇ад̇о ж̇аламаанам̣ мама сарийрасса нимуж̇ж̇анаббахонагам̣ д̇ан̇кан̣ан̃н̃зва маханд̇ам̣ жид̇агам̣ агааси, сахасаа ид̣̇д̇хияаа абхинимминийд̇и ад̇хиббааяо. д̇знааха ‘‘аг̇г̇им̣ д̇ад̇т̇а бад̣̇ийбзси, яат̇аа со киббам̣ махаабхавз’’д̇и.
138-9.Nānākaṭṭhesamānayīti so brāhmaṇavesadhārī sakko nānādārūni samānento viya ahosi. Mahantaṃ akāsi citakaṃ, katvā aṅgāragabbhakanti vītaccikaṃ vigatadhūmaṃ aṅgārabharitabbhantaraṃ samantato jalamānaṃ mama sarīrassa nimujjanappahonakaṃ taṅkhaṇaññeva mahantaṃ citakaṃ akāsi, sahasā iddhiyā abhinimminīti adhippāyo. Tenāha ‘‘aggiṃ tattha padīpesi, yathā so khippaṃ mahābhave’’ti.
д̇ад̇т̇а сод̇и со аг̇г̇игканд̇хо сийгхам̣ маханд̇о яат̇аа бхавзяяа, д̇ат̇аа бад̣̇ийбзси. подзд̇ваа раж̇аг̇ад̇з г̇ад̇д̇зд̇и ‘‘сажз ломанд̇арзсу баан̣агаа ад̇т̇и, д̇з маа марим̣суу’’д̇и бам̣суг̇ад̇з мама г̇ад̇д̇з д̇игкад̇д̇ум̣ вид̇хунид̇ваа. згаманд̇ам̣ убаависинд̇и на д̇аава гадтаани аад̣̇ид̇д̇аанийд̇и д̇зсам̣ аад̣̇ийбанам̣ уд̣̇игканд̇о т̇огам̣ згаманд̇ам̣ нисийд̣̇им̣.
Tattha soti so aggikkhandho sīghaṃ mahanto yathā bhaveyya, tathā padīpesi. Phoṭetvā rajagate gatteti ‘‘sace lomantaresu pāṇakā atthi, te mā mariṃsū’’ti paṃsugate mama gatte tikkhattuṃ vidhunitvā. Ekamantaṃ upāvisinti na tāva kaṭṭhāni ādittānīti tesaṃ ādīpanaṃ udikkhanto thokaṃ ekamantaṃ nisīdiṃ.
140. яад̣̇аа махаагадтабун̃ж̇о, аад̣̇ид̇д̇о д̇хамад̇хамааяад̇ийд̇и яад̣̇аа бана со д̣̇аарурааси саманд̇ад̇о аад̣̇ид̇д̇о вааяувзг̇асамуд̣̇д̇хадаанам̣ ж̇ааласикаанам̣ васзна ‘‘д̇хамад̇хамаа’’д̇и звам̣ гарод̇и. д̇ад̣̇уббад̇ид̇ваа бад̇ад̇и, маж̇жхз ж̇ааласиканд̇арзд̇и д̇ад̣̇аа д̇асмим̣ гаалз ‘‘мама сарийрасса жхаабанасамад̇т̇о аяам̣ ан̇г̇аарараасий’’д̇и жинд̇зд̇ваа уббад̇ид̇ваа уллан̇гхид̇ваа ж̇ааласикаанам̣ аб̣бханд̇арабхууд̇з д̇асса ан̇г̇аарараасисса маж̇жхз бад̣̇умабун̃ж̇з рааж̇ахам̣со вияа бамуд̣̇ид̇ажид̇д̇о сагаласарийрам̣ д̣̇аанамукз д̣̇ад̇ваа бад̇ад̇и.
140.Yadā mahākaṭṭhapuñjo, āditto dhamadhamāyatīti yadā pana so dārurāsi samantato āditto vāyuvegasamuddhaṭānaṃ jālasikhānaṃ vasena ‘‘dhamadhamā’’ti evaṃ karoti. Taduppatitvā patati, majjhe jālasikhantareti tadā tasmiṃ kāle ‘‘mama sarīrassa jhāpanasamattho ayaṃ aṅgārarāsī’’ti cintetvā uppatitvā ullaṅghitvā jālasikhānaṃ abbhantarabhūte tassa aṅgārarāsissa majjhe padumapuñje rājahaṃso viya pamuditacitto sakalasarīraṃ dānamukhe datvā patati.
141-2. бавидтам̣ яасса гассажийд̇и яат̇аа гхаммагаалз сийд̇алам̣ уд̣̇агам̣ язна гзнажи бавидтам̣ д̇асса д̣̇арат̇абарил̣аахам̣ вуубасамзд̇и, ассаад̣̇ам̣ бийд̇ин̃жа уббаад̣̇зд̇и. д̇ат̇зва ж̇алид̇ам̣ аг̇г̇инд̇и звам̣ д̇ат̇аа баж̇ж̇алид̇ам̣ ан̇г̇аарарааси д̇ад̣̇аа мама бавидтасса усумамад̇д̇амби наахоси. ан̃н̃ад̣̇ад̇т̇у д̣̇аанабийд̇ияаа саб̣б̣ад̣̇арат̇абарил̣аахавуубасамо зва ахоси. жирассам̣ вад̇а мз чавижаммаад̣̇иго саб̣б̣о сарийрааваяаво д̣̇аанамукз ж̇ухид̇аб̣б̣ад̇ам̣ убаг̇ад̇о абхибад̇т̇ид̇о манорат̇о мад̇т̇агам̣ бад̇д̇од̇и. д̇зна вуд̇д̇ам̣ –
141-2.Paviṭṭhaṃ yassa kassacīti yathā ghammakāle sītalaṃ udakaṃ yena kenaci paviṭṭhaṃ tassa darathapariḷāhaṃ vūpasameti, assādaṃ pītiñca uppādeti. Tatheva jalitaṃ agginti evaṃ tathā pajjalitaṃ aṅgārarāsi tadā mama paviṭṭhassa usumamattampi nāhosi. Aññadatthu dānapītiyā sabbadarathapariḷāhavūpasamo eva ahosi. Cirassaṃ vata me chavicammādiko sabbo sarīrāvayavo dānamukhe juhitabbataṃ upagato abhipatthito manoratho matthakaṃ pattoti. Tena vuttaṃ –
143.
143.
‘‘чавим̣ жаммам̣ мам̣сам̣ нхаарум̣, адтим̣ хад̣̇аяаб̣анд̇ханам̣;
‘‘Chaviṃ cammaṃ maṃsaṃ nhāruṃ, aṭṭhiṃ hadayabandhanaṃ;
гзвалам̣ сагалам̣ гааяам̣, б̣раахман̣асса ад̣̇аасаха’’нд̇и.
Kevalaṃ sakalaṃ kāyaṃ, brāhmaṇassa adāsaha’’nti.
д̇ад̇т̇а хад̣̇аяаб̣анд̇хананд̇и хад̣̇аяамам̣сабзси. д̇ан̃хи хад̣̇аяавад̇т̇ум̣ б̣анд̇хид̇ваа вияа тид̇ад̇д̇аа ‘‘хад̣̇аяаб̣анд̇хана’’нд̇и вуд̇д̇ам̣. ат̇а ваа хад̣̇аяаб̣анд̇хананд̇и хад̣̇аяан̃жа б̣анд̇ханан̃жа, хад̣̇аяамам̣сан̃жзва д̇ам̣ б̣анд̇хид̇ваа вияа тид̇аяаганамам̣сан̃жаад̇и ад̇т̇о. гзвалам̣ сагалам̣ гааяанд̇и анавасзсам̣ саб̣б̣ам̣ сарийрам̣.
Tattha hadayabandhananti hadayamaṃsapesi. Tañhi hadayavatthuṃ bandhitvā viya ṭhitattā ‘‘hadayabandhana’’nti vuttaṃ. Atha vā hadayabandhananti hadayañca bandhanañca, hadayamaṃsañceva taṃ bandhitvā viya ṭhitayakanamaṃsañcāti attho. Kevalaṃ sakalaṃ kāyanti anavasesaṃ sabbaṃ sarīraṃ.
звам̣ д̇асмим̣ аг̇г̇имхи ад̇д̇ано сарийрз ломагуубамад̇д̇амби ун̣хам̣ гаад̇ум̣ асаггонд̇о б̣од̇хисад̇д̇оби химаг̇аб̣бхам̣ бавидто вияа худ̇ваа б̣раахман̣аруубад̇харам̣ саггам̣ звамааха – ‘‘б̣раахман̣а, д̇аяаа гад̇о аг̇г̇и ад̇исийд̇ало, гим̣ наамзд̇а’’нд̇и? бан̣д̣ид̇а, наахам̣ б̣раахман̣о, саггохамасми, д̇ава виймам̣санад̇т̇ам̣ ааг̇ад̇о звамагаасинд̇и. ‘‘сагга, д̇вам̣ д̇аава д̇идтад̇у, сагалоби жз лого мам̣ д̣̇аанзна виймам̣сзяяа, нзва мз ад̣̇аад̇угаамад̇ам̣ гат̇ан̃жиби уббаад̣̇зяяа бассзт̇а на’’нд̇и б̣од̇хисад̇д̇о сийханаад̣̇ам̣ над̣̇и.
Evaṃ tasmiṃ aggimhi attano sarīre lomakūpamattampi uṇhaṃ kātuṃ asakkonto bodhisattopi himagabbhaṃ paviṭṭho viya hutvā brāhmaṇarūpadharaṃ sakkaṃ evamāha – ‘‘brāhmaṇa, tayā kato aggi atisītalo, kiṃ nāmeta’’nti? Paṇḍita, nāhaṃ brāhmaṇo, sakkohamasmi, tava vīmaṃsanatthaṃ āgato evamakāsinti. ‘‘Sakka, tvaṃ tāva tiṭṭhatu, sakalopi ce loko maṃ dānena vīmaṃseyya, neva me adātukāmataṃ kathañcipi uppādeyya passetha na’’nti bodhisatto sīhanādaṃ nadi.
ат̇а нам̣ сагго ‘‘сасабан̣д̣ид̇а, д̇ава г̇ун̣аа сагалагаббамби баагадаа хонд̇уу’’д̇и баб̣б̣ад̇ам̣ бийл̣зд̇ваа баб̣б̣ад̇арасам̣ аад̣̇ааяа жанд̣̇аман̣д̣алз сасалагкан̣ам̣ ааликид̇ваа б̣од̇хисад̇д̇ам̣ д̇асмим̣ ванасан̣д̣з д̇ад̇т̇зва ванаг̇умб̣з д̇арун̣ад̣̇аб̣б̣ад̇ин̣абийтз нибаж̇ж̇аабзд̇ваа ад̇д̇ано д̣̇звалогамзва г̇ад̇о. д̇зби жад̇д̇ааро бан̣д̣ид̇аа самаг̇г̇аа саммод̣̇амаанаа нижжасийлам̣ убосат̇асийлан̃жа буурзд̇ваа яат̇аарахам̣ бун̃н̃аани гад̇ваа яат̇аагаммам̣ г̇ад̇аа.
Atha naṃ sakko ‘‘sasapaṇḍita, tava guṇā sakalakappampi pākaṭā hontū’’ti pabbataṃ pīḷetvā pabbatarasaṃ ādāya candamaṇḍale sasalakkhaṇaṃ ālikhitvā bodhisattaṃ tasmiṃ vanasaṇḍe tattheva vanagumbe taruṇadabbatiṇapīṭhe nipajjāpetvā attano devalokameva gato. Tepi cattāro paṇḍitā samaggā sammodamānā niccasīlaṃ uposathasīlañca pūretvā yathārahaṃ puññāni katvā yathākammaṃ gatā.
д̇ад̣̇аа уд̣̇д̣̇о ааяасмаа аананд̣̇о ахоси, син̇г̇аало махаамог̇г̇аллаано, маггадо саарибуд̇д̇о, сасабан̣д̣ид̇о бана логанаат̇о.
Tadā uddo āyasmā ānando ahosi, siṅgālo mahāmoggallāno, makkaṭo sāriputto, sasapaṇḍito pana lokanātho.
д̇асса ид̇хааби сийлаад̣̇ибаарамияо хздтаа вуд̇д̇анаязнзва яат̇аарахам̣ нид̣̇д̇хаарзд̇аб̣б̣аа. д̇ат̇аа сад̇иби д̇иражчаанубабад̇д̇ияам̣ гусалаад̣̇ид̇хаммз гусалаад̣̇ид̇о яат̇аабхууд̇ааваб̣од̇хо, д̇зсу ан̣умад̇д̇амби важ̇ж̇ам̣ бхаяад̇о д̣̇исваа судту агусалад̇о ораман̣ам̣, саммад̣̇зва жа гусалад̇хаммзсу ад̇д̇ано бад̇идтаабанам̣, барзсан̃жа ‘‘имз наама баабад̇хаммаа д̇з звам̣ г̇ахид̇аа звам̣ бараамадтаа звам̣г̇ад̇игаа бхаванд̇и звам̣абхисамбарааяаа’’д̇и аад̣̇ийнавам̣ д̣̇ассзд̇ваа д̇ад̇о вираман̣з нияож̇анам̣, ид̣̇ам̣ д̣̇аанам̣ наама, ид̣̇ам̣ сийлам̣ наама, ид̣̇ам̣ убосат̇агаммам̣ наама, зд̇т̇а бад̇идтид̇аанам̣ д̣̇звамануссасамбад̇д̇ияо хад̇т̇аг̇ад̇аа зваад̇иаад̣̇инаа бун̃н̃агаммзсу аанисам̣сам̣ д̣̇ассзд̇ваа бад̇идтаабанам̣, ад̇д̇ано сарийраж̇ийвид̇анирабзгкам̣, барзсам̣ сад̇д̇аанам̣ ануг̇г̇ан̣ханам̣, ул̣ааро жа д̣̇аанаж̇жхаасаяод̇и звамаад̣̇аяо ид̇ха б̣од̇хисад̇д̇асса г̇ун̣аанубхааваа вибхаавзд̇аб̣б̣аа. д̇знзд̇ам̣ вужжад̇и – ‘‘звам̣ ажчарияаа хзд̇з…бз… д̇хаммасса ануд̇хаммад̇о’’д̇и.
Tassa idhāpi sīlādipāramiyo heṭṭhā vuttanayeneva yathārahaṃ niddhāretabbā. Tathā satipi tiracchānupapattiyaṃ kusalādidhamme kusalādito yathābhūtāvabodho, tesu aṇumattampi vajjaṃ bhayato disvā suṭṭhu akusalato oramaṇaṃ, sammadeva ca kusaladhammesu attano patiṭṭhāpanaṃ, paresañca ‘‘ime nāma pāpadhammā te evaṃ gahitā evaṃ parāmaṭṭhā evaṃgatikā bhavanti evaṃabhisamparāyā’’ti ādīnavaṃ dassetvā tato viramaṇe niyojanaṃ, idaṃ dānaṃ nāma, idaṃ sīlaṃ nāma, idaṃ uposathakammaṃ nāma, ettha patiṭṭhitānaṃ devamanussasampattiyo hatthagatā evātiādinā puññakammesu ānisaṃsaṃ dassetvā patiṭṭhāpanaṃ, attano sarīrajīvitanirapekkhaṃ, paresaṃ sattānaṃ anuggaṇhanaṃ, uḷāro ca dānajjhāsayoti evamādayo idha bodhisattassa guṇānubhāvā vibhāvetabbā. Tenetaṃ vuccati – ‘‘evaṃ acchariyā hete…pe… dhammassa anudhammato’’ti.
сасабан̣д̣ид̇ажарияааван̣н̣анаа нидтид̇аа.
Sasapaṇḍitacariyāvaṇṇanā niṭṭhitā.
ид̣̇аани ‘‘агид̇д̇иб̣раахман̣о’’д̇иаад̣̇инаа яат̇аавуд̇д̇з д̣̇асаби жарияаависзсз уд̣̇аанзд̇ваа ниг̇амзд̇и. д̇ад̇т̇а ахамзва д̇ад̣̇аа аасим̣, яо д̇з д̣̇аанаварз ад̣̇аад̇и яо д̇аани уд̇д̇амад̣̇аанаани ад̣̇ааси, со агид̇д̇иб̣раахан̣аад̣̇иго ахамзва д̇ад̣̇аа д̇асмим̣ гаалз ахосим̣, на ан̃н̃од̇и. ид̇и д̇зсу ад̇д̇абхаавзсу сад̇иби сийлаад̣̇ибаарамийнам̣ яат̇аарахам̣ буурид̇абхаавз ад̇д̇ано бана д̇ад̣̇аа д̣̇аанаж̇жхаасаяасса ад̇ивияа ул̣аарабхаавам̣ санд̇хааяа д̣̇аанабаарамивасзнзва д̣̇зсанам̣ ааробзси. зд̇з д̣̇аанабаригкаараа, зд̇з д̣̇аанасса баарамийд̇и яз имз агид̇д̇иж̇аад̇агаад̣̇ийсу (ж̇аа. 1.13.83 аад̣̇аяо) анзгаагааравогаараа маяаа бавад̇д̇ид̇аа д̣̇зяяад̇хаммабарижжааг̇аа мама сарийрааваяавабуд̇д̇ад̣̇аарабарижжааг̇аа барамагодигаа, гин̃жааби д̇з гарун̣уубааяагосаллабариг̇г̇ахид̇ад̇д̇аа саб̣б̣ан̃н̃уд̇ан̃н̃аан̣амзва уд̣̇д̣̇исса бавад̇д̇ид̇ад̇д̇аа д̣̇аанасса барамуггам̣саг̇аманзна д̣̇аанабаарамий зва, д̇ат̇ааби мама д̣̇аанасса барамад̇т̇абаарамибхууд̇асса баригкаран̣ад̇осанд̇аанасса барибхааванаавасзна абхисан̇каран̣ад̇о зд̇з д̣̇аанабаригкаараа наама. яасса банзд̇з баригкаараа, д̇ам̣ д̣̇ассзд̇ум̣ ‘‘ж̇ийвид̇ам̣ яаажагз д̣̇ад̇ваа, имам̣ баарами буураяи’’нд̇и вуд̇д̇ам̣. зд̇т̇а хи табзд̇ваа сасабан̣д̣ид̇ажарияам̣ сзсаасу навасу жарияаасу яат̇аарахам̣ д̣̇аанабаарамид̣̇аанаубабаарамияо взд̣̇ид̇аб̣б̣аа, сасабан̣д̣ид̇ажарияз (жарияаа. 1.125 аад̣̇аяо) бана д̣̇аанабарамад̇т̇абаарамий. д̇зна вуд̇д̇ам̣ –
Idāni ‘‘akittibrāhmaṇo’’tiādinā yathāvutte dasapi cariyāvisese udānetvā nigameti. Tattha ahameva tadā āsiṃ, yo te dānavare adāti yo tāni uttamadānāni adāsi, so akittibrāhaṇādiko ahameva tadā tasmiṃ kāle ahosiṃ, na aññoti. Iti tesu attabhāvesu satipi sīlādipāramīnaṃ yathārahaṃ pūritabhāve attano pana tadā dānajjhāsayassa ativiya uḷārabhāvaṃ sandhāya dānapāramivaseneva desanaṃ āropesi. Ete dānaparikkhārā, ete dānassa pāramīti ye ime akittijātakādīsu (jā. 1.13.83 ādayo) anekākāravokārā mayā pavattitā deyyadhammapariccāgā mama sarīrāvayavaputtadārapariccāgā paramakoṭikā, kiñcāpi te karuṇūpāyakosallapariggahitattā sabbaññutaññāṇameva uddissa pavattitattā dānassa paramukkaṃsagamanena dānapāramī eva, tathāpi mama dānassa paramatthapāramibhūtassa parikkharaṇatosantānassa paribhāvanāvasena abhisaṅkharaṇato ete dānaparikkhārā nāma. Yassa panete parikkhārā, taṃ dassetuṃ ‘‘jīvitaṃ yācake datvā, imaṃ pārami pūrayi’’nti vuttaṃ. Ettha hi ṭhapetvā sasapaṇḍitacariyaṃ sesāsu navasu cariyāsu yathārahaṃ dānapāramidānaupapāramiyo veditabbā, sasapaṇḍitacariye (cariyā. 1.125 ādayo) pana dānaparamatthapāramī. Tena vuttaṃ –
‘‘бхигкааяа убаг̇ад̇ам̣ д̣̇исваа, сагад̇д̇аанам̣ барижжаж̇им̣;
‘‘Bhikkhāya upagataṃ disvā, sakattānaṃ pariccajiṃ;
д̣̇аанзна мз само над̇т̇и, зсаа мз д̣̇аанабаарамий’’д̇и. (жарияаа. 1.д̇ассуд̣̇д̣̇аана);
Dānena me samo natthi, esā me dānapāramī’’ti. (cariyā. 1.tassuddāna);
гин̃жааби хи махаабурисасса яат̇аавуд̇д̇з агид̇д̇иб̣раахман̣аад̣̇игаалз ан̃н̃асмин̃жа махааж̇анагамахаасуд̇асомаад̣̇игаалз д̣̇аанабаарамияаа буурид̇ад̇д̇абхааваанам̣ баримаан̣ам̣ наама над̇т̇и, д̇ат̇ааби зганд̇знзва сасабан̣д̣ид̇агаалз д̣̇аанабаарамияаа барамад̇т̇абаарамибхааво вибхаавзд̇аб̣б̣од̇и.
Kiñcāpi hi mahāpurisassa yathāvutte akittibrāhmaṇādikāle aññasmiñca mahājanakamahāsutasomādikāle dānapāramiyā pūritattabhāvānaṃ parimāṇaṃ nāma natthi, tathāpi ekanteneva sasapaṇḍitakāle dānapāramiyā paramatthapāramibhāvo vibhāvetabboti.
барамад̇т̇ад̣̇ийбанияаа жарияаабидагасам̣ван̣н̣анааяа
Paramatthadīpaniyā cariyāpiṭakasaṃvaṇṇanāya
д̣̇асавид̇хажарияаасан̇г̇ахасса висзсад̇о
Dasavidhacariyāsaṅgahassa visesato
д̣̇аанабаарамивибхааванасса
Dānapāramivibhāvanassa
батамаваг̇г̇асса ад̇т̇аван̣н̣анаа нидтид̇аа.
Paṭhamavaggassa atthavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 10. сасабан̣д̣ид̇ажарияаа • 10. Sasapaṇḍitacariyā
