| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
55. සාතච්‌චමූලකසප්‌පායකාරීසුත්‌තං
55. Sātaccamūlakasappāyakārīsuttaṃ
716. සාවත්‌ථිනිදානං. ‘‘චතාරොමෙ, භික්‌ඛවෙ, ඣායී. කතමෙ චත්‌තාරො? ඉධ, භික්‌ඛවෙ , එකච්‌චො ඣායී සමාධිස්‌මිං සාතච්‌චකාරී හොති, න සමාධිස්‌මිං සප්‌පායකාරී. ඉධ පන, භික්‌ඛවෙ, එකච්‌චො ඣායී සමාධිස්‌මිං සප්‌පායකාරී හොති, න සමාධිස්‌මිං සාතච්‌චකාරී. ඉධ පන, භික්‌ඛවෙ, එකච්‌චො ඣායී නෙව සමාධිස්‌මිං සාතච්‌චකාරී හොති, න ච සමාධිස්‌මිං සප්‌පායකාරී. ඉධ පන, භික්‌ඛවෙ, එකච්‌චො ඣායී සමාධිස්‌මිං සාතච්‌චකාරී ච හොති, සමාධිස්‌මිං සප්‌පායකාරී ච. තත්‍ර, භික්‌ඛවෙ, ය්‌වායං ඣායී සමාධිස්‌මිං සාතච්‌චකාරී ච හොති සමාධිස්‌මිං සප්‌පායකාරී ච අයං ඉමෙසං චතුන්‌නං ඣායීනං අග්‌ගො ච සෙට්‌ඨො ච මොක්‌ඛො ච උත්‌තමො ච පවරො ච. සෙය්‍යථාපි, භික්‌ඛවෙ, ගවා ඛීරං, ඛීරම්‌හා දධි, දධිම්‌හා නවනීතං, නවනීතම්‌හා සප්‌පි, සප්‌පිම්‌හා සප්‌පිමණ්‌ඩො තත්‍ර අග්‌ගමක්‌ඛායති; එවමෙව ඛො, භික්‌ඛවෙ, ය්‌වායං ඣායී සමාධිස්‌මිං සාතච්‌චකාරී ච හොති, සමාධිස්‌මිං සප්‌පායකාරී අයං ඉමෙසං චතුන්‌නං ඣායීනං අග්‌ගො ච සෙට්‌ඨො ච මොක්‌ඛො ච උත්‌තමො ච පවරො චා’’ති. ඉදමවොච භගවා. අත්‌තමනා තෙ භික්‌ඛූ භගවතො භාසිතං අභිනන්‌දුන්‌ති. පඤ්‌චපඤ්‌ඤාසමං. (යථා පඤ්‌චපඤ්‌ඤාසං වෙය්‍යාකරණානි හොන්‌ති තථා විත්‌ථාරෙතබ්‌බානි.)
716. Sāvatthinidānaṃ. ‘‘Catārome, bhikkhave, jhāyī. Katame cattāro? Idha, bhikkhave , ekacco jhāyī samādhismiṃ sātaccakārī hoti, na samādhismiṃ sappāyakārī. Idha pana, bhikkhave, ekacco jhāyī samādhismiṃ sappāyakārī hoti, na samādhismiṃ sātaccakārī. Idha pana, bhikkhave, ekacco jhāyī neva samādhismiṃ sātaccakārī hoti, na ca samādhismiṃ sappāyakārī. Idha pana, bhikkhave, ekacco jhāyī samādhismiṃ sātaccakārī ca hoti, samādhismiṃ sappāyakārī ca. Tatra, bhikkhave, yvāyaṃ jhāyī samādhismiṃ sātaccakārī ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo tatra aggamakkhāyati; evameva kho, bhikkhave, yvāyaṃ jhāyī samādhismiṃ sātaccakārī ca hoti, samādhismiṃ sappāyakārī ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti. Pañcapaññāsamaṃ. (Yathā pañcapaññāsaṃ veyyākaraṇāni honti tathā vitthāretabbāni.)
තස්‌සුද්‌දානං –
Tassuddānaṃ –
සමාධි සමාපත්‌ති ඨිති ච, වුට්‌ඨානං කල්‌ලිතාරම්‌මණෙන ච;
Samādhi samāpatti ṭhiti ca, vuṭṭhānaṃ kallitārammaṇena ca;
ගොචරා අභිනීහාරො සක්‌කච්‌ච, සාතච්‌ච අථොපි සප්‌පායන්‌ති.
Gocarā abhinīhāro sakkacca, sātacca athopi sappāyanti.
ඛන්‌ධවග්‌ගො තතියො.
Khandhavaggo tatiyo.
තස්‌සුද්‌දානං –
Tassuddānaṃ –
ඛන්‌ධ රාධසංයුත්‌තඤ්‌ච, දිට්‌ඨිඔක්‌කන්‌ත 3 උප්‌පාදා;
Khandha rādhasaṃyuttañca, diṭṭhiokkanta 4 uppādā;
කිලෙස සාරිපුත්‌තා ච, නාගා සුපණ්‌ණ ගන්‌ධබ්‌බා;
Kilesa sāriputtā ca, nāgā supaṇṇa gandhabbā;
වලාහ වච්‌ඡඣානන්‌ති , ඛන්‌ධවග්‌ගම්‌හි තෙරසාති.
Valāha vacchajhānanti , khandhavaggamhi terasāti.
ඛන්‌ධවග්‌ගසංයුත්‌තපාළි නිට්‌ඨිතා.
Khandhavaggasaṃyuttapāḷi niṭṭhitā.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
