| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[279] 9. сад̇абад̇д̇аж̇аад̇агаван̣н̣анаа
[279] 9. Satapattajātakavaṇṇanā
яат̇аа маан̣аваго бант̇зд̇и ид̣̇ам̣ сад̇т̇аа ж̇зд̇аванз вихаранд̇о бан̣д̣угалохид̇агз аараб̣бха гат̇зси. чаб̣б̣аг̇г̇ияаанан̃хи д̣̇вз ж̇анаа мзд̇д̇ияабхуумаж̇агаа рааж̇аг̇ахам̣ убаниссааяа вихарим̣су, д̣̇вз ассаж̇ибунаб̣б̣асугаа гийдааг̇ирим̣ убаниссааяа вихарим̣су, бан̣д̣угалохид̇агаа имз бана д̣̇вз саавад̇т̇им̣ убаниссааяа ж̇зд̇аванз вихарим̣су. д̇з д̇хаммзна нийхадам̣ ад̇хигаран̣ам̣ уггодзнд̇и. язби д̇зсам̣ санд̣̇идтасамбхад̇д̇аа хонд̇и, д̇зсам̣ убад̇т̇амбхаа худ̇ваа ‘‘на, аавусо, д̇умхз зд̇зхи ж̇аад̇ияаа ваа г̇од̇д̇зна ваа сийлзна ваа нихийнад̇араа. сажз д̇умхз ад̇д̇ано г̇аахам̣ виссаж̇ж̇зт̇а, судтуд̇арам̣ во зд̇з ад̇хибхависсанд̇ий’’д̇иаад̣̇ийни вад̇ваа г̇аахам̣ виссаж̇ж̇зд̇ум̣ на д̣̇знд̇и. д̇зна бхан̣д̣анаани жзва галахавиг̇г̇ахавиваад̣̇аа жа бавад̇д̇анд̇и. бхигкуу зд̇амад̇т̇ам̣ бхаг̇авад̇о аарожзсум̣. ат̇а бхаг̇аваа зд̇асмим̣ нид̣̇аанз зд̇асмим̣ багаран̣з бхигкуу саннибаад̇аабзд̇ваа бан̣д̣угалохид̇агз баггосаабзд̇ваа ‘‘сажжам̣ гира д̇умхз, бхигкавз, ад̇д̇анааби ад̇хигаран̣ам̣ уггодзт̇а, ан̃н̃зсамби г̇аахам̣ виссаж̇ж̇зд̇ум̣ на д̣̇зт̇аа’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘звам̣ санд̇з, бхигкавз, д̇умхаагам̣ гирияаа сад̇абад̇д̇амаан̣авасса гирияаа вияа ход̇ий’’д̇и вад̇ваа ад̇ийд̇ам̣ аахари.
Yathā māṇavako pantheti idaṃ satthā jetavane viharanto paṇḍukalohitake ārabbha kathesi. Chabbaggiyānañhi dve janā mettiyabhūmajakā rājagahaṃ upanissāya vihariṃsu, dve assajipunabbasukā kīṭāgiriṃ upanissāya vihariṃsu, paṇḍukalohitakā ime pana dve sāvatthiṃ upanissāya jetavane vihariṃsu. Te dhammena nīhaṭaṃ adhikaraṇaṃ ukkoṭenti. Yepi tesaṃ sandiṭṭhasambhattā honti, tesaṃ upatthambhā hutvā ‘‘na, āvuso, tumhe etehi jātiyā vā gottena vā sīlena vā nihīnatarā. Sace tumhe attano gāhaṃ vissajjetha, suṭṭhutaraṃ vo ete adhibhavissantī’’tiādīni vatvā gāhaṃ vissajjetuṃ na denti. Tena bhaṇḍanāni ceva kalahaviggahavivādā ca pavattanti. Bhikkhū etamatthaṃ bhagavato ārocesuṃ. Atha bhagavā etasmiṃ nidāne etasmiṃ pakaraṇe bhikkhū sannipātāpetvā paṇḍukalohitake pakkosāpetvā ‘‘saccaṃ kira tumhe, bhikkhave, attanāpi adhikaraṇaṃ ukkoṭetha, aññesampi gāhaṃ vissajjetuṃ na dethā’’ti pucchitvā ‘‘saccaṃ, bhante’’ti vutte ‘‘evaṃ sante, bhikkhave, tumhākaṃ kiriyā satapattamāṇavassa kiriyā viya hotī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ гаасиг̇аамагз згасмим̣ гулз ниб̣б̣ад̇д̇ид̇ваа ваяаббад̇д̇о гасиван̣иж̇ж̇аад̣̇ийхи ж̇ийвигам̣ агаббзд̇ваа бан̃жасад̇амад̇д̇з жорз г̇ахзд̇ваа д̇зсам̣ ж̇здтаго худ̇ваа бант̇ад̣̇ууханасанд̇хижчзд̣̇аад̣̇ийни гаронд̇о ж̇ийвигам̣ габбзси. д̇ад̣̇аа б̣аараан̣асияам̣ зго гудумб̣иго згасса ж̇аанабад̣̇асса гахаабан̣асахассам̣ д̣̇ад̇ваа буна аг̇г̇ахзд̇ваава гааламагааси. ат̇асса бхарияаа абарабхааг̇з г̇илаанаа маран̣аман̃жз нибаннаа буд̇д̇ам̣ ааманд̇зд̇ваа ‘‘д̇аад̇а, бид̇аа д̇з згасса сахассам̣ д̣̇ад̇ваа анаахараабзд̇ваава мад̇о, сажз ахамби мариссаами, на со д̇уяхам̣ д̣̇ассад̇и, г̇ажча нам̣ маяи ж̇ийванд̇ияаа аахараабзд̇ваа г̇ан̣хаа’’д̇и ааха. со ‘‘саад̇хуу’’д̇и самбадижчид̇ваа д̇ад̇т̇а г̇анд̇ваа гахаабан̣з лабхи. ат̇асса маад̇аа гаалагирияам̣ гад̇ваа буд̇д̇асинзхзна д̇асса ааг̇аманамаг̇г̇з обабаад̇игасин̇г̇аалий худ̇ваа ниб̣б̣ад̇и.
Atīte bārāṇasiyaṃ brahmadatte rajjaṃ kārente bodhisatto aññatarasmiṃ kāsigāmake ekasmiṃ kule nibbattitvā vayappatto kasivaṇijjādīhi jīvikaṃ akappetvā pañcasatamatte core gahetvā tesaṃ jeṭṭhako hutvā panthadūhanasandhicchedādīni karonto jīvikaṃ kappesi. Tadā bārāṇasiyaṃ eko kuṭumbiko ekassa jānapadassa kahāpaṇasahassaṃ datvā puna aggahetvāva kālamakāsi. Athassa bhariyā aparabhāge gilānā maraṇamañce nipannā puttaṃ āmantetvā ‘‘tāta, pitā te ekassa sahassaṃ datvā anāharāpetvāva mato, sace ahampi marissāmi, na so tuyhaṃ dassati, gaccha naṃ mayi jīvantiyā āharāpetvā gaṇhā’’ti āha. So ‘‘sādhū’’ti sampaṭicchitvā tattha gantvā kahāpaṇe labhi. Athassa mātā kālakiriyaṃ katvā puttasinehena tassa āgamanamagge opapātikasiṅgālī hutvā nibbati.
д̇ад̣̇аа со жораж̇здтаго маг̇г̇абадибаннз вилумбамаано сабарисо д̇асмим̣ маг̇г̇з адтааси. ат̇а саа син̇г̇аалий буд̇д̇з адавиймукам̣ самбад̇д̇з ‘‘д̇аад̇а, маа адавим̣ абхирухи, жораа зд̇т̇а тид̇аа, д̇з д̇ам̣ маарзд̇ваа гахаабан̣з г̇ан̣хиссанд̇ий’’д̇и бунаббунам̣ маг̇г̇ам̣ ожчинд̣̇амаанаа ниваарзд̇и. со д̇ам̣ гааран̣ам̣ аж̇аананд̇о ‘‘аяам̣ гаал̣аган̣н̣ий син̇г̇аалий маяхам̣ маг̇г̇ам̣ ожчинд̣̇ад̇ий’’д̇и лзд̣д̣уд̣̇ан̣д̣ам̣ г̇ахзд̇ваа маад̇арам̣ балаабзд̇ваа адавим̣ бадибаж̇ж̇и. ат̇зго сад̇абад̇д̇асагун̣о ‘‘имасса бурисасса хад̇т̇з гахаабан̣асахассам̣ ад̇т̇и, имам̣ маарзд̇ваа д̇ам̣ гахаабан̣ам̣ г̇ан̣хат̇аа’’д̇и вираванд̇о жораабхимуко багканд̣̇и. маан̣аво д̇зна гад̇агааран̣ам̣ аж̇аананд̇о ‘‘аяам̣ ман̇г̇аласагун̣о, ид̣̇аани мз сод̇т̇и бхависсад̇ий’’д̇и жинд̇зд̇ваа ‘‘васса, саами, васса, саамий’’д̇и вад̇ваа ан̃ж̇алим̣ баг̇г̇ан̣хи.
Tadā so corajeṭṭhako maggapaṭipanne vilumpamāno sapariso tasmiṃ magge aṭṭhāsi. Atha sā siṅgālī putte aṭavīmukhaṃ sampatte ‘‘tāta, mā aṭaviṃ abhiruhi, corā ettha ṭhitā, te taṃ māretvā kahāpaṇe gaṇhissantī’’ti punappunaṃ maggaṃ occhindamānā nivāreti. So taṃ kāraṇaṃ ajānanto ‘‘ayaṃ kāḷakaṇṇī siṅgālī mayhaṃ maggaṃ occhindatī’’ti leḍḍudaṇḍaṃ gahetvā mātaraṃ palāpetvā aṭaviṃ paṭipajji. Atheko satapattasakuṇo ‘‘imassa purisassa hatthe kahāpaṇasahassaṃ atthi, imaṃ māretvā taṃ kahāpaṇaṃ gaṇhathā’’ti viravanto corābhimukho pakkhandi. Māṇavo tena katakāraṇaṃ ajānanto ‘‘ayaṃ maṅgalasakuṇo, idāni me sotthi bhavissatī’’ti cintetvā ‘‘vassa, sāmi, vassa, sāmī’’ti vatvā añjaliṃ paggaṇhi.
б̣од̇хисад̇д̇о саб̣б̣аруд̇ан̃н̃уу д̇зсам̣ д̣̇виннам̣ гирияам̣ д̣̇исваа жинд̇зси – имааяа син̇г̇аалияаа зд̇асса маад̇араа бхавид̇аб̣б̣ам̣, д̇зна саа ‘‘имам̣ маарзд̇ваа гахаабан̣з г̇ан̣ханд̇ий’’д̇и бхаязна ваарзд̇и. иминаа бана сад̇абад̇д̇зна бажжаамид̇д̇зна бхавид̇аб̣б̣ам̣, д̇зна со ‘‘имам̣ маарзд̇ваа гахаабан̣з г̇ан̣хат̇аа’’д̇и амхаагам̣ аарожзси. аяам̣ бана зд̇амад̇т̇ам̣ аж̇аананд̇о ад̇т̇агаамам̣ маад̇арам̣ д̇аж̇ж̇зд̇ваа балаабзси, анад̇т̇агаамасса сад̇абад̇д̇асса ‘‘ад̇т̇агаамо мз’’д̇и сан̃н̃ааяа ан̃ж̇алим̣ баг̇г̇ан̣хаад̇и, ахо вад̇ааяам̣ б̣аалод̇и . б̣од̇хисад̇д̇аанан̃хи звам̣ махаабурисаанамби сад̇ам̣ барасанд̇агаг̇г̇ахан̣ам̣ висамабадисанд̇хиг̇г̇ахан̣авасзна ход̇и, ‘‘нагкад̇д̇ад̣̇осзнаа’’д̇иби вад̣̇анд̇и.
Bodhisatto sabbarutaññū tesaṃ dvinnaṃ kiriyaṃ disvā cintesi – imāya siṅgāliyā etassa mātarā bhavitabbaṃ, tena sā ‘‘imaṃ māretvā kahāpaṇe gaṇhantī’’ti bhayena vāreti. Iminā pana satapattena paccāmittena bhavitabbaṃ, tena so ‘‘imaṃ māretvā kahāpaṇe gaṇhathā’’ti amhākaṃ ārocesi. Ayaṃ pana etamatthaṃ ajānanto atthakāmaṃ mātaraṃ tajjetvā palāpesi, anatthakāmassa satapattassa ‘‘atthakāmo me’’ti saññāya añjaliṃ paggaṇhāti, aho vatāyaṃ bāloti . Bodhisattānañhi evaṃ mahāpurisānampi sataṃ parasantakaggahaṇaṃ visamapaṭisandhiggahaṇavasena hoti, ‘‘nakkhattadosenā’’tipi vadanti.
маан̣аво ааг̇анд̇ваа жораанам̣ сийманд̇арам̣ баабун̣и. б̣од̇хисад̇д̇о д̇ам̣ г̇аахаабзд̇ваа ‘‘гад̇т̇а ваасигосий’’д̇и бужчи. ‘‘б̣аараан̣асиваасигомхий’’д̇и. ‘‘гахам̣ аг̇амаасий’’д̇и? ‘‘згасмим̣ г̇аамагз сахассам̣ лад̣̇д̇хаб̣б̣ам̣ ад̇т̇и, д̇ад̇т̇а аг̇амааси’’нд̇и. ‘‘лад̣̇д̇хам̣ бана д̇з’’д̇и? ‘‘аама, лад̣̇д̇ха’’нд̇и . ‘‘гзна д̇вам̣ бзсид̇осий’’д̇и? ‘‘саами, бид̇аа мз мад̇о, маад̇ааби мз г̇илаанаа, саа ‘маяи мад̇ааяа зса на лабхиссад̇ий’д̇и ман̃н̃амаанаа мам̣ бзсзсий’’д̇и. ‘‘ид̣̇аани д̇ава маад̇у бавад̇д̇им̣ ж̇аанаасий’’д̇и? ‘‘на ж̇аанаами, саамий’’д̇и. ‘‘маад̇аа д̇з д̇аяи нигканд̇з гаалам̣ гад̇ваа буд̇д̇асинзхзна син̇г̇аалий худ̇ваа д̇ава маран̣абхаяабхийд̇аа маг̇г̇ам̣ д̇з ожчинд̣̇ид̇ваа д̇ам̣ ваарзси, д̇ам̣ д̇вам̣ д̇аж̇ж̇зд̇ваа балаабзси, сад̇абад̇д̇асагун̣о бана д̇з бажжаамид̇д̇о. со ‘имам̣ маарзд̇ваа гахаабан̣з г̇ан̣хат̇аа’д̇и амхаагам̣ аажигки, д̇вам̣ ад̇д̇ано б̣аалад̇ааяа ад̇т̇агаамам̣ маад̇арам̣ ‘анад̇т̇агаамаа мз’д̇и ман̃н̃аси, анад̇т̇агаамам̣ сад̇абад̇д̇ам̣ ‘ад̇т̇агаамо мз’д̇и. д̇асса д̇умхаагам̣ гад̇аг̇ун̣о наама над̇т̇и, маад̇аа бана д̇з махааг̇ун̣аа, гахаабан̣з г̇ахзд̇ваа г̇ажчаа’’д̇и виссаж̇ж̇зси.
Māṇavo āgantvā corānaṃ sīmantaraṃ pāpuṇi. Bodhisatto taṃ gāhāpetvā ‘‘kattha vāsikosī’’ti pucchi. ‘‘Bārāṇasivāsikomhī’’ti. ‘‘Kahaṃ agamāsī’’ti? ‘‘Ekasmiṃ gāmake sahassaṃ laddhabbaṃ atthi, tattha agamāsi’’nti. ‘‘Laddhaṃ pana te’’ti? ‘‘Āma, laddha’’nti . ‘‘Kena tvaṃ pesitosī’’ti? ‘‘Sāmi, pitā me mato, mātāpi me gilānā, sā ‘mayi matāya esa na labhissatī’ti maññamānā maṃ pesesī’’ti. ‘‘Idāni tava mātu pavattiṃ jānāsī’’ti? ‘‘Na jānāmi, sāmī’’ti. ‘‘Mātā te tayi nikkhante kālaṃ katvā puttasinehena siṅgālī hutvā tava maraṇabhayabhītā maggaṃ te occhinditvā taṃ vāresi, taṃ tvaṃ tajjetvā palāpesi, satapattasakuṇo pana te paccāmitto. So ‘imaṃ māretvā kahāpaṇe gaṇhathā’ti amhākaṃ ācikkhi, tvaṃ attano bālatāya atthakāmaṃ mātaraṃ ‘anatthakāmā me’ti maññasi, anatthakāmaṃ satapattaṃ ‘atthakāmo me’ti. Tassa tumhākaṃ kataguṇo nāma natthi, mātā pana te mahāguṇā, kahāpaṇe gahetvā gacchā’’ti vissajjesi.
сад̇т̇аа имам̣ д̇хаммад̣̇зсанам̣ аахарид̇ваа абхисамб̣уд̣̇д̇хо худ̇ваа имаа г̇аат̇аа авожа –
Satthā imaṃ dhammadesanaṃ āharitvā abhisambuddho hutvā imā gāthā avoca –
85.
85.
‘‘яат̇аа маан̣аваго бант̇з, син̇г̇аалим̣ ванаг̇ожарим̣;
‘‘Yathā māṇavako panthe, siṅgāliṃ vanagocariṃ;
ад̇т̇агаамам̣ бавзд̣̇знд̇им̣, анад̇т̇агаамаад̇и ман̃н̃ад̇и;
Atthakāmaṃ pavedentiṃ, anatthakāmāti maññati;
анад̇т̇агаамам̣ сад̇абад̇д̇ам̣, ад̇т̇агаамод̇и ман̃н̃ад̇и.
Anatthakāmaṃ satapattaṃ, atthakāmoti maññati.
86.
86.
‘‘звамзва ид̇хзгажжо, буг̇г̇ало ход̇и д̇аад̣̇исо;
‘‘Evameva idhekacco, puggalo hoti tādiso;
хид̇зхи важанам̣ вуд̇д̇о, бадиг̇г̇ан̣хаад̇и ваамад̇о.
Hitehi vacanaṃ vutto, paṭiggaṇhāti vāmato.
87.
87.
‘‘яз жа ко нам̣ басам̣санд̇и, бхаяаа уггам̣саяанд̇и ваа;
‘‘Ye ca kho naṃ pasaṃsanti, bhayā ukkaṃsayanti vā;
д̇ан̃хи со ман̃н̃ад̇з мид̇д̇ам̣, сад̇абад̇д̇ам̣ва маан̣аво’’д̇и.
Tañhi so maññate mittaṃ, satapattaṃva māṇavo’’ti.
д̇ад̇т̇а хид̇зхийд̇и хид̇ам̣ вуд̣дхим̣ ижчамаанзхи. важанам̣ вуд̇д̇од̇и хид̇асукаавахам̣ оваад̣̇аанусаасанам̣ вуд̇д̇о. бадиг̇г̇ан̣хаад̇и ваамад̇од̇и оваад̣̇ам̣ аг̇ан̣ханд̇о ‘‘аяам̣ мз на ад̇т̇аавахо ход̇и, анад̇т̇аавахо мз аяа’’нд̇и г̇ан̣ханд̇о ваамад̇о бадиг̇г̇ан̣хаад̇и наама.
Tattha hitehīti hitaṃ vuḍḍhiṃ icchamānehi. Vacanaṃ vuttoti hitasukhāvahaṃ ovādānusāsanaṃ vutto. Paṭiggaṇhāti vāmatoti ovādaṃ agaṇhanto ‘‘ayaṃ me na atthāvaho hoti, anatthāvaho me aya’’nti gaṇhanto vāmato paṭiggaṇhāti nāma.
яз жа ко нанд̇и яз жа ко д̇ам̣ ад̇д̇ано г̇аахам̣ г̇ахзд̇ваа тид̇абуг̇г̇алам̣ ‘‘ад̇хигаран̣ам̣ г̇ахзд̇ваа тид̇зхи наама д̇умхаад̣̇исзхи бхавид̇аб̣б̣а’’нд̇и ван̣н̣знд̇и. бхаяаа уггам̣саяанд̇и ваад̇и имасса г̇аахасса виссадтабажжаяаа д̇умхаагам̣ ид̣̇ан̃жид̣̇ан̃жа бхаяам̣ уббаж̇ж̇иссад̇и, маа виссаж̇ж̇аяид̇т̇а, на зд̇з б̣аахусажжагулабариваараад̣̇ийхи д̇умхз самбаабун̣анд̇ийд̇и звам̣ виссаж̇ж̇анабажжаяаа бхаяам̣ д̣̇ассзд̇ваа угкибанд̇и. д̇ан̃хи со ман̃н̃ад̇з мид̇д̇анд̇и яз зваруубаа хонд̇и, д̇зсу яам̣гин̃жи со згажжо б̣аалабуг̇г̇ало ад̇д̇ано б̣аалад̇ааяа мид̇д̇ам̣ ман̃н̃ад̇и, ‘‘аяам̣ мз ад̇т̇агаамо мид̇д̇о’’д̇и ман̃н̃ад̇и. сад̇абад̇д̇ам̣ва маан̣авод̇и яат̇аа анад̇т̇агааман̃н̃зва сад̇абад̇д̇ам̣ со маан̣аво ад̇д̇ано б̣аалад̇ааяа ‘‘ад̇т̇агаамо мз’’д̇и ман̃н̃ад̇и, бан̣д̣ид̇о бана зваруубам̣ ‘‘ануббияабхаан̣ий мид̇д̇о’’д̇и аг̇ахзд̇ваа д̣̇уурад̇ова нам̣ виваж̇ж̇зд̇и. д̇зна вуд̇д̇ам̣ –
Yeca kho nanti ye ca kho taṃ attano gāhaṃ gahetvā ṭhitapuggalaṃ ‘‘adhikaraṇaṃ gahetvā ṭhitehi nāma tumhādisehi bhavitabba’’nti vaṇṇenti. Bhayā ukkaṃsayanti vāti imassa gāhassa vissaṭṭhapaccayā tumhākaṃ idañcidañca bhayaṃ uppajjissati, mā vissajjayittha, na ete bāhusaccakulaparivārādīhi tumhe sampāpuṇantīti evaṃ vissajjanapaccayā bhayaṃ dassetvā ukkhipanti. Tañhi so maññate mittanti ye evarūpā honti, tesu yaṃkiñci so ekacco bālapuggalo attano bālatāya mittaṃ maññati, ‘‘ayaṃ me atthakāmo mitto’’ti maññati. Satapattaṃva māṇavoti yathā anatthakāmaññeva satapattaṃ so māṇavo attano bālatāya ‘‘atthakāmo me’’ti maññati, paṇḍito pana evarūpaṃ ‘‘anuppiyabhāṇī mitto’’ti agahetvā dūratova naṃ vivajjeti. Tena vuttaṃ –
‘‘ан̃н̃ад̣̇ад̇т̇ухаро мид̇д̇о, яо жа мид̇д̇о важийбаро;
‘‘Aññadatthuharo mitto, yo ca mitto vacīparo;
ануббияан̃жа яо ааха, абааязсу жа яо сакаа.
Anuppiyañca yo āha, apāyesu ca yo sakhā.
‘‘зд̇з амид̇д̇з жад̇д̇ааро, ид̇и вин̃н̃ааяа бан̣д̣ид̇о;
‘‘Ete amitte cattāro, iti viññāya paṇḍito;
аарагаа бариваж̇ж̇зяяа, маг̇г̇ам̣ бадибхаяам̣ яат̇аа’’д̇и. (д̣̇ий. ни. 3.259);
Ārakā parivajjeyya, maggaṃ paṭibhayaṃ yathā’’ti. (dī. ni. 3.259);
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа жораж̇здтаго ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā corajeṭṭhako ahameva ahosi’’nti.
сад̇абад̇д̇аж̇аад̇агаван̣н̣анаа навамаа.
Satapattajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 279. сад̇абад̇д̇аж̇аад̇агам̣ • 279. Satapattajātakaṃ
