| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਸਤਪਤ੍ਤਙ੍ਗਪਞ੍ਹੋ
6. Satapattaṅgapañho
੬. ‘‘ਭਨ੍ਤੇ ਨਾਗਸੇਨ, ‘ਸਤਪਤ੍ਤਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਸਤਪਤ੍ਤੋ ਰવਿਤ੍વਾ ਪਰੇਸਂ ਖੇਮਂ વਾ ਭਯਂ વਾ ਆਚਿਕ੍ਖਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਰੇਸਂ ਧਮ੍ਮਂ ਦੇਸਯਮਾਨੇਨ વਿਨਿਪਾਤਂ ਭਯਤੋ ਦਸ੍ਸਯਿਤਬ੍ਬਂ, ਨਿਬ੍ਬਾਨਂ ਖੇਮਤੋ ਦਸ੍ਸਯਿਤਬ੍ਬਂ। ਇਦਂ, ਮਹਾਰਾਜ, ਸਤਪਤ੍ਤਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਪਿਣ੍ਡੋਲਭਾਰਦ੍વਾਜੇਨ –
6. ‘‘Bhante nāgasena, ‘satapattassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, satapatto ravitvā paresaṃ khemaṃ vā bhayaṃ vā ācikkhati, evameva kho, mahārāja, yoginā yogāvacarena paresaṃ dhammaṃ desayamānena vinipātaṃ bhayato dassayitabbaṃ, nibbānaṃ khemato dassayitabbaṃ. Idaṃ, mahārāja, satapattassa ekaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
‘‘‘ਨਿਰਯੇ ਭਯਸਨ੍ਤਾਸਂ, ਨਿਬ੍ਬਾਨੇ વਿਪੁਲਂ ਸੁਖਂ।
‘‘‘Niraye bhayasantāsaṃ, nibbāne vipulaṃ sukhaṃ;
ਉਭਯਾਨੇਤਾਨਤ੍ਥਾਨਿ ਦਸ੍ਸੇਤਬ੍ਬਾਨਿ ਯੋਗਿਨਾ’’’ਤਿ॥
Ubhayānetānatthāni dassetabbāni yoginā’’’ti.
ਸਤਪਤ੍ਤਙ੍ਗਪਞ੍ਹੋ ਛਟ੍ਠੋ।
Satapattaṅgapañho chaṭṭho.
