| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. สตรํสิเตฺถรอปทานํ
2. Sataraṃsittheraapadānaṃ
๘.
8.
‘‘อุพฺพิทฺธํ เสลมารุยฺห, นิสีทิ ปุริสุตฺตโม;
‘‘Ubbiddhaṃ selamāruyha, nisīdi purisuttamo;
ปพฺพตสฺสาวิทูรมฺหิ, พฺราหฺมโณ มนฺตปารคูฯ
Pabbatassāvidūramhi, brāhmaṇo mantapāragū.
๙.
9.
‘‘อุปวิฎฺฐํ มหาวีรํ, เทวเทวํ นราสภํ;
‘‘Upaviṭṭhaṃ mahāvīraṃ, devadevaṃ narāsabhaṃ;
อญฺชลิํ ปคฺคเหตฺวาน, สนฺถวิํ โลกนายกํฯ
Añjaliṃ paggahetvāna, santhaviṃ lokanāyakaṃ.
๑๐.
10.
‘‘‘เอส พุโทฺธ มหาวีโร, วรธมฺมปฺปกาสโก;
‘‘‘Esa buddho mahāvīro, varadhammappakāsako;
ชลติ อคฺคิขโนฺธว, ภิกฺขุสงฺฆปุรกฺขโตฯ
Jalati aggikhandhova, bhikkhusaṅghapurakkhato.
๑๑.
11.
๑๒.
12.
‘‘มม สงฺกปฺปมญฺญาย, ปทุมุตฺตรนายโก;
‘‘Mama saṅkappamaññāya, padumuttaranāyako;
ภิกฺขุสเงฺฆ ฐิโต สตฺถา, อิมา คาถา อภาสถฯ
Bhikkhusaṅghe ṭhito satthā, imā gāthā abhāsatha.
๑๓.
13.
‘‘‘เยนายํ 5 อญฺชลี ทิโนฺน, พุทฺธเสโฎฺฐ จ โถมิโต;
‘‘‘Yenāyaṃ 6 añjalī dinno, buddhaseṭṭho ca thomito;
ติํสกปฺปสหสฺสานิ, เทวรชฺชํ กริสฺสติฯ
Tiṃsakappasahassāni, devarajjaṃ karissati.
๑๔.
14.
‘‘‘กปฺปสตสหสฺสมฺหิ, องฺคีรสสนามโก;
‘‘‘Kappasatasahassamhi, aṅgīrasasanāmako;
๑๕.
15.
‘‘‘ตสฺส ธเมฺมสุ ทายาโท, โอรโส ธมฺมนิมฺมิโต;
‘‘‘Tassa dhammesu dāyādo, oraso dhammanimmito;
สตรํสีติ นาเมน, อรหา โส ภวิสฺสติ’ฯ
Sataraṃsīti nāmena, arahā so bhavissati’.
๑๖.
16.
‘‘ชาติยา สตฺตวโสฺสหํ, ปพฺพชิํ อนคาริยํ;
‘‘Jātiyā sattavassohaṃ, pabbajiṃ anagāriyaṃ;
สตรํสิมฺหิ นาเมน, ปภา นิทฺธาวเต มมฯ
Sataraṃsimhi nāmena, pabhā niddhāvate mama.
๑๗.
17.
‘‘มณฺฑเป รุกฺขมูเล วา, ฌายี ฌานรโต อหํ;
‘‘Maṇḍape rukkhamūle vā, jhāyī jhānarato ahaṃ;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๑๘.
18.
‘‘สฎฺฐิกปฺปสหสฺสมฺหิ, จตุโร รามนามกา;
‘‘Saṭṭhikappasahassamhi, caturo rāmanāmakā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๑๙.
19.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สตรํสิ เถโร อิมา คาถาโย อภาสิตฺถาติฯ
Itthaṃ sudaṃ āyasmā sataraṃsi thero imā gāthāyo abhāsitthāti.
สตรํสิเตฺถรสฺสาปทานํ ทุติยํฯ
Sataraṃsittherassāpadānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๒. สตรํสิเตฺถรอปทานวณฺณนา • 2. Sataraṃsittheraapadānavaṇṇanā
