| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. сад̇арам̣сид̇т̇зраабад̣̇аанаван̣н̣анаа
2. Sataraṃsittheraapadānavaṇṇanā
ужжияам̣ сзламааруяхаад̇иаад̣̇игам̣ ааяасмад̇о сад̇арам̣сид̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇д̇о саггадаб̣яаагаран̣з взд̣̇ад̇д̇аяз жа бааран̇г̇ад̇о гхарааваасам̣ бахааяа аран̃н̃ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа химаванд̇з ваасам̣ габбзси. д̇асмим̣ самаяз бад̣̇умуд̇д̇аро бхаг̇аваа вивзгагаамад̇ааяа ужжам̣ згам̣ баб̣б̣ад̇ам̣ ааруяха ж̇алид̇аг̇г̇игканд̇о вияа нисийд̣̇и. д̇ам̣ д̇ат̇аанисиннам̣ бхаг̇аванд̇ам̣ д̣̇исваа д̇аабасо соманассаж̇аад̇о ан̃ж̇алим̣ баг̇г̇аяха анзгзхи гааран̣зхи т̇омзси. со д̇зна бун̃н̃агаммзна д̇ад̇о жуд̇о часу гаамааважарад̣̇звзсу д̣̇иб̣б̣асамбад̇д̇им̣ анубхавид̇ваа д̇ад̇о мануссалогз сад̇арам̣сий наама жаггавад̇д̇ий рааж̇аа худ̇ваа ниб̣б̣ад̇д̇и. д̇амби самбад̇д̇им̣ анзгагкад̇д̇ум̣ анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о буб̣б̣абун̃н̃асамбхааравасзна н̃аан̣асса барибаггад̇д̇аа сад̇д̇авассигова баб̣б̣аж̇ид̇ваа арахад̇д̇ам̣ баабун̣и.
Ucciyaṃ selamāruyhātiādikaṃ āyasmato sataraṃsittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patto sakkaṭabyākaraṇe vedattaye ca pāraṅgato gharāvāsaṃ pahāya araññaṃ pavisitvā isipabbajjaṃ pabbajitvā himavante vāsaṃ kappesi. Tasmiṃ samaye padumuttaro bhagavā vivekakāmatāya uccaṃ ekaṃ pabbataṃ āruyha jalitaggikkhanto viya nisīdi. Taṃ tathānisinnaṃ bhagavantaṃ disvā tāpaso somanassajāto añjaliṃ paggayha anekehi kāraṇehi thomesi. So tena puññakammena tato cuto chasu kāmāvacaradevesu dibbasampattiṃ anubhavitvā tato manussaloke sataraṃsī nāma cakkavattī rājā hutvā nibbatti. Tampi sampattiṃ anekakkhattuṃ anubhavitvā imasmiṃ buddhuppāde ekasmiṃ kulagehe nibbatto pubbapuññasambhāravasena ñāṇassa paripakkattā sattavassikova pabbajitvā arahattaṃ pāpuṇi.
8-9. со ‘‘ахам̣ гзна гаммзна сад̇д̇авассигова санд̇ибад̣̇ам̣ ануббад̇д̇осмий’’д̇и сарамаано буб̣б̣агаммам̣ н̃аан̣зна бажжагкад̇о д̣̇исваа соманассаж̇аад̇о буб̣б̣ажарид̇аабад̣̇аанам̣ уд̣̇аанавасзна багаасзнд̇о ужжияам̣ сзламааруяхаад̇иаад̣̇имааха. д̇ад̇т̇а ужжияанд̇и ужжам̣ сзламаяам̣ баб̣б̣ад̇ам̣ ааруяха нисийд̣̇и бад̣̇умуд̇д̇арод̇и самб̣анд̇хо. баб̣б̣ад̇ассаавид̣̇уурамхийд̇и бхаг̇авад̇о нисиннасса баб̣б̣ад̇асса аасаннадтаанзд̇и ад̇т̇о. б̣раахман̣о манд̇абаараг̇ууд̇и манд̇асан̇каад̇асса взд̣̇ад̇д̇аяасса баарам̣ барияосаанам̣ годим̣ г̇ад̇о зго б̣раахман̣од̇и ад̇т̇о, ан̃н̃ам̣ вияа ад̇д̇аанам̣ нид̣̇д̣̇исад̇и аяам̣ манд̇абаараг̇ууд̇и. убавидтам̣ махаавийранд̇и д̇асмим̣ баб̣б̣ад̇з нисиннам̣ вийраванд̇ам̣ ж̇инам̣, гим̣ висидтам̣? д̣̇звад̣̇звам̣ сагалачагаамааважараб̣рахмад̣̇зваанам̣ ад̇ид̣̇звам̣ нараасабхам̣ нараанам̣ аасад̇ам̣ сздтам̣ логанааяагам̣ сагаласад̇д̇алогам̣ наяанд̇ам̣ ниб̣б̣аанам̣ баабзнд̇ам̣ ахам̣ ан̃ж̇алим̣ д̣̇асанакасамод̇хаанан̃ж̇алибудам̣ сираси муд̣̇д̇хани баг̇г̇ахзд̇ваана бад̇идтабзд̇ваа сант̇авим̣ судтум̣ т̇омзсинд̇и самб̣анд̇хо.
8-9. So ‘‘ahaṃ kena kammena sattavassikova santipadaṃ anuppattosmī’’ti saramāno pubbakammaṃ ñāṇena paccakkhato disvā somanassajāto pubbacaritāpadānaṃ udānavasena pakāsento ucciyaṃ selamāruyhātiādimāha. Tattha ucciyanti uccaṃ selamayaṃ pabbataṃ āruyha nisīdi padumuttaroti sambandho. Pabbatassāvidūramhīti bhagavato nisinnassa pabbatassa āsannaṭṭhāneti attho. Brāhmaṇo mantapāragūti mantasaṅkhātassa vedattayassa pāraṃ pariyosānaṃ koṭiṃ gato eko brāhmaṇoti attho, aññaṃ viya attānaṃ niddisati ayaṃ mantapāragūti. Upaviṭṭhaṃ mahāvīranti tasmiṃ pabbate nisinnaṃ vīravantaṃ jinaṃ, kiṃ visiṭṭhaṃ? Devadevaṃ sakalachakāmāvacarabrahmadevānaṃ atidevaṃ narāsabhaṃ narānaṃ āsataṃ seṭṭhaṃ lokanāyakaṃ sakalasattalokaṃ nayantaṃ nibbānaṃ pāpentaṃ ahaṃ añjaliṃ dasanakhasamodhānañjalipuṭaṃ sirasi muddhani paggahetvāna patiṭṭhapetvā santhaviṃ suṭṭhuṃ thomesinti sambandho.
12. абхаасат̇аад̇и ‘‘язнааяам̣ ан̃ж̇алий д̣̇инно…бз… арахаа со бхависсад̇ий’’д̇и б̣яаагааси. сзсам̣ уд̇д̇аанад̇т̇амзваад̇и.
12.Abhāsathāti ‘‘yenāyaṃ añjalī dinno…pe… arahā so bhavissatī’’ti byākāsi. Sesaṃ uttānatthamevāti.
сад̇арам̣сид̇т̇зраабад̣̇аанаван̣н̣анаа самад̇д̇аа.
Sataraṃsittheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. сад̇арам̣сид̇т̇зраабад̣̇аанам̣ • 2. Sataraṃsittheraapadānaṃ
