| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਸਤਰਂਸਿਤ੍ਥੇਰਅਪਦਾਨવਣ੍ਣਨਾ
2. Sataraṃsittheraapadānavaṇṇanā
ਉਚ੍ਚਿਯਂ ਸੇਲਮਾਰੁਯ੍ਹਾਤਿਆਦਿਕਂ ਆਯਸ੍ਮਤੋ ਸਤਰਂਸਿਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਕ੍ਕਟਬ੍ਯਾਕਰਣੇ વੇਦਤ੍ਤਯੇ ਚ ਪਾਰਙ੍ਗਤੋ ਘਰਾવਾਸਂ ਪਹਾਯ ਅਰਞ੍ਞਂ ਪવਿਸਿਤ੍વਾ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤੇ વਾਸਂ ਕਪ੍ਪੇਸਿ। ਤਸ੍ਮਿਂ ਸਮਯੇ ਪਦੁਮੁਤ੍ਤਰੋ ਭਗવਾ વਿવੇਕਕਾਮਤਾਯ ਉਚ੍ਚਂ ਏਕਂ ਪਬ੍ਬਤਂ ਆਰੁਯ੍ਹ ਜਲਿਤਗ੍ਗਿਕ੍ਖਨ੍ਤੋ વਿਯ ਨਿਸੀਦਿ। ਤਂ ਤਥਾਨਿਸਿਨ੍ਨਂ ਭਗવਨ੍ਤਂ ਦਿਸ੍વਾ ਤਾਪਸੋ ਸੋਮਨਸ੍ਸਜਾਤੋ ਅਞ੍ਜਲਿਂ ਪਗ੍ਗਯ੍ਹ ਅਨੇਕੇਹਿ ਕਾਰਣੇਹਿ ਥੋਮੇਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਤਤੋ ਚੁਤੋ ਛਸੁ ਕਾਮਾવਚਰਦੇવੇਸੁ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਤਤੋ ਮਨੁਸ੍ਸਲੋਕੇ ਸਤਰਂਸੀ ਨਾਮ ਚਕ੍ਕવਤ੍ਤੀ ਰਾਜਾ ਹੁਤ੍વਾ ਨਿਬ੍ਬਤ੍ਤਿ। ਤਮ੍ਪਿ ਸਮ੍ਪਤ੍ਤਿਂ ਅਨੇਕਕ੍ਖਤ੍ਤੁਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਪੁਬ੍ਬਪੁਞ੍ਞਸਮ੍ਭਾਰવਸੇਨ ਞਾਣਸ੍ਸ ਪਰਿਪਕ੍ਕਤ੍ਤਾ ਸਤ੍ਤવਸ੍ਸਿਕੋવ ਪਬ੍ਬਜਿਤ੍વਾ ਅਰਹਤ੍ਤਂ ਪਾਪੁਣਿ।
Ucciyaṃ selamāruyhātiādikaṃ āyasmato sataraṃsittherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patto sakkaṭabyākaraṇe vedattaye ca pāraṅgato gharāvāsaṃ pahāya araññaṃ pavisitvā isipabbajjaṃ pabbajitvā himavante vāsaṃ kappesi. Tasmiṃ samaye padumuttaro bhagavā vivekakāmatāya uccaṃ ekaṃ pabbataṃ āruyha jalitaggikkhanto viya nisīdi. Taṃ tathānisinnaṃ bhagavantaṃ disvā tāpaso somanassajāto añjaliṃ paggayha anekehi kāraṇehi thomesi. So tena puññakammena tato cuto chasu kāmāvacaradevesu dibbasampattiṃ anubhavitvā tato manussaloke sataraṃsī nāma cakkavattī rājā hutvā nibbatti. Tampi sampattiṃ anekakkhattuṃ anubhavitvā imasmiṃ buddhuppāde ekasmiṃ kulagehe nibbatto pubbapuññasambhāravasena ñāṇassa paripakkattā sattavassikova pabbajitvā arahattaṃ pāpuṇi.
੮-੯. ਸੋ ‘‘ਅਹਂ ਕੇਨ ਕਮ੍ਮੇਨ ਸਤ੍ਤવਸ੍ਸਿਕੋવ ਸਨ੍ਤਿਪਦਂ ਅਨੁਪ੍ਪਤ੍ਤੋਸ੍ਮੀ’’ਤਿ ਸਰਮਾਨੋ ਪੁਬ੍ਬਕਮ੍ਮਂ ਞਾਣੇਨ ਪਚ੍ਚਕ੍ਖਤੋ ਦਿਸ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਉਦਾਨવਸੇਨ ਪਕਾਸੇਨ੍ਤੋ ਉਚ੍ਚਿਯਂ ਸੇਲਮਾਰੁਯ੍ਹਾਤਿਆਦਿਮਾਹ। ਤਤ੍ਥ ਉਚ੍ਚਿਯਨ੍ਤਿ ਉਚ੍ਚਂ ਸੇਲਮਯਂ ਪਬ੍ਬਤਂ ਆਰੁਯ੍ਹ ਨਿਸੀਦਿ ਪਦੁਮੁਤ੍ਤਰੋਤਿ ਸਮ੍ਬਨ੍ਧੋ। ਪਬ੍ਬਤਸ੍ਸਾવਿਦੂਰਮ੍ਹੀਤਿ ਭਗવਤੋ ਨਿਸਿਨ੍ਨਸ੍ਸ ਪਬ੍ਬਤਸ੍ਸ ਆਸਨ੍ਨਟ੍ਠਾਨੇਤਿ ਅਤ੍ਥੋ। ਬ੍ਰਾਹ੍ਮਣੋ ਮਨ੍ਤਪਾਰਗੂਤਿ ਮਨ੍ਤਸਙ੍ਖਾਤਸ੍ਸ વੇਦਤ੍ਤਯਸ੍ਸ ਪਾਰਂ ਪਰਿਯੋਸਾਨਂ ਕੋਟਿਂ ਗਤੋ ਏਕੋ ਬ੍ਰਾਹ੍ਮਣੋਤਿ ਅਤ੍ਥੋ, ਅਞ੍ਞਂ વਿਯ ਅਤ੍ਤਾਨਂ ਨਿਦ੍ਦਿਸਤਿ ਅਯਂ ਮਨ੍ਤਪਾਰਗੂਤਿ। ਉਪવਿਟ੍ਠਂ ਮਹਾવੀਰਨ੍ਤਿ ਤਸ੍ਮਿਂ ਪਬ੍ਬਤੇ ਨਿਸਿਨ੍ਨਂ વੀਰવਨ੍ਤਂ ਜਿਨਂ, ਕਿਂ વਿਸਿਟ੍ਠਂ? ਦੇવਦੇવਂ ਸਕਲਛਕਾਮਾવਚਰਬ੍ਰਹ੍ਮਦੇવਾਨਂ ਅਤਿਦੇવਂ ਨਰਾਸਭਂ ਨਰਾਨਂ ਆਸਤਂ ਸੇਟ੍ਠਂ ਲੋਕਨਾਯਕਂ ਸਕਲਸਤ੍ਤਲੋਕਂ ਨਯਨ੍ਤਂ ਨਿਬ੍ਬਾਨਂ ਪਾਪੇਨ੍ਤਂ ਅਹਂ ਅਞ੍ਜਲਿਂ ਦਸਨਖਸਮੋਧਾਨਞ੍ਜਲਿਪੁਟਂ ਸਿਰਸਿ ਮੁਦ੍ਧਨਿ ਪਗ੍ਗਹੇਤ੍વਾਨ ਪਤਿਟ੍ਠਪੇਤ੍વਾ ਸਨ੍ਥવਿਂ ਸੁਟ੍ਠੁਂ ਥੋਮੇਸਿਨ੍ਤਿ ਸਮ੍ਬਨ੍ਧੋ।
8-9. So ‘‘ahaṃ kena kammena sattavassikova santipadaṃ anuppattosmī’’ti saramāno pubbakammaṃ ñāṇena paccakkhato disvā somanassajāto pubbacaritāpadānaṃ udānavasena pakāsento ucciyaṃ selamāruyhātiādimāha. Tattha ucciyanti uccaṃ selamayaṃ pabbataṃ āruyha nisīdi padumuttaroti sambandho. Pabbatassāvidūramhīti bhagavato nisinnassa pabbatassa āsannaṭṭhāneti attho. Brāhmaṇo mantapāragūti mantasaṅkhātassa vedattayassa pāraṃ pariyosānaṃ koṭiṃ gato eko brāhmaṇoti attho, aññaṃ viya attānaṃ niddisati ayaṃ mantapāragūti. Upaviṭṭhaṃ mahāvīranti tasmiṃ pabbate nisinnaṃ vīravantaṃ jinaṃ, kiṃ visiṭṭhaṃ? Devadevaṃ sakalachakāmāvacarabrahmadevānaṃ atidevaṃ narāsabhaṃ narānaṃ āsataṃ seṭṭhaṃ lokanāyakaṃ sakalasattalokaṃ nayantaṃ nibbānaṃ pāpentaṃ ahaṃ añjaliṃ dasanakhasamodhānañjalipuṭaṃ sirasi muddhani paggahetvāna patiṭṭhapetvā santhaviṃ suṭṭhuṃ thomesinti sambandho.
੧੨. ਅਭਾਸਥਾਤਿ ‘‘ਯੇਨਾਯਂ ਅਞ੍ਜਲੀ ਦਿਨ੍ਨੋ…ਪੇ॰… ਅਰਹਾ ਸੋ ਭવਿਸ੍ਸਤੀ’’ਤਿ ਬ੍ਯਾਕਾਸਿ। ਸੇਸਂ ਉਤ੍ਤਾਨਤ੍ਥਮੇવਾਤਿ।
12.Abhāsathāti ‘‘yenāyaṃ añjalī dinno…pe… arahā so bhavissatī’’ti byākāsi. Sesaṃ uttānatthamevāti.
ਸਤਰਂਸਿਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sataraṃsittheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਸਤਰਂਸਿਤ੍ਥੇਰਅਪਦਾਨਂ • 2. Sataraṃsittheraapadānaṃ
