| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
13. сад̇илагкан̣абан̃хо
13. Satilakkhaṇapañho
13. рааж̇аа ааха ‘‘бханд̇з нааг̇асзна, гим̣лагкан̣аа сад̇ий’’д̇и? ‘‘абилаабаналагкан̣аа, махаарааж̇а, сад̇и, убаг̇г̇ан̣ханалагкан̣аа жаа’’д̇и. ‘‘гат̇ам̣, бханд̇з, абилаабаналагкан̣аа сад̇ий’’д̇и? ‘‘сад̇и, махаарааж̇а, уббаж̇ж̇амаанаа гусалаагусаласааваж̇ж̇аанаваж̇ж̇ахийнаббан̣ийд̇аган̣хасуггасаббадибхааг̇ад̇хаммз абилаабзд̇и ‘имз жад̇д̇ааро сад̇ибадтаанаа, имз жад̇д̇ааро саммаббад̇хаанаа, имз жад̇д̇ааро ид̣̇д̇хибаад̣̇аа, имаани бан̃жинд̣̇рияаани, имаани бан̃жа б̣алаани, имз сад̇д̇а б̣ож̇жхан̇г̇аа, аяам̣ арияо адтан̇г̇иго маг̇г̇о, аяам̣ самат̇о, аяам̣ вибассанаа, аяам̣ виж̇ж̇аа, аяам̣ вимуд̇д̇ий’д̇и. д̇ад̇о яог̇ааважаро сзвид̇аб̣б̣з д̇хаммз сзвад̇и, асзвид̇аб̣б̣з д̇хаммз на сзвад̇и. бхаж̇ид̇аб̣б̣з д̇хаммз бхаж̇ад̇и абхаж̇ид̇д̇аб̣б̣з д̇хаммз на бхаж̇ад̇и. звам̣ ко, махаарааж̇а, абилаабаналагкан̣аа сад̇ий’’д̇и.
13. Rājā āha ‘‘bhante nāgasena, kiṃlakkhaṇā satī’’ti? ‘‘Apilāpanalakkhaṇā, mahārāja, sati, upaggaṇhanalakkhaṇā cā’’ti. ‘‘Kathaṃ, bhante, apilāpanalakkhaṇā satī’’ti? ‘‘Sati, mahārāja, uppajjamānā kusalākusalasāvajjānavajjahīnappaṇītakaṇhasukkasappaṭibhāgadhamme apilāpeti ‘ime cattāro satipaṭṭhānā, ime cattāro sammappadhānā, ime cattāro iddhipādā, imāni pañcindriyāni, imāni pañca balāni, ime satta bojjhaṅgā, ayaṃ ariyo aṭṭhaṅgiko maggo, ayaṃ samatho, ayaṃ vipassanā, ayaṃ vijjā, ayaṃ vimuttī’ti. Tato yogāvacaro sevitabbe dhamme sevati, asevitabbe dhamme na sevati. Bhajitabbe dhamme bhajati abhajittabbe dhamme na bhajati. Evaṃ kho, mahārāja, apilāpanalakkhaṇā satī’’ti.
‘‘обаммам̣ гарохий’’д̇и. ‘‘яат̇аа, махаарааж̇а, ран̃н̃о жаггавад̇д̇исса бхан̣д̣ааг̇аариго рааж̇аанам̣ жаггавад̇д̇им̣ сааяам̣ баад̇ам̣ яасам̣ сараабзд̇и ‘зд̇д̇агаа, д̣̇зва, д̇з хад̇т̇ий, зд̇д̇агаа ассаа, зд̇д̇агаа рат̇аа, зд̇д̇агаа бад̇д̇ий, зд̇д̇агам̣ хиран̃н̃ам̣, зд̇д̇агам̣ суван̣н̣ам̣, зд̇д̇агам̣ саабад̇зяяам̣, д̇ам̣ д̣̇зво сарад̇уу’д̇и ран̃н̃о саабад̇зяяам̣ абилаабзд̇и. звамзва ко, махаарааж̇а, сад̇и уббаж̇ж̇амаанаа гусалаагусаласааваж̇ж̇аанаваж̇ж̇ахийнаббан̣ийд̇аган̣хасуггасаббадибхааг̇ад̇хаммз абилаабзд̇и ‘имз жад̇д̇ааро сад̇ибадтаанаа, имз жад̇д̇ааро саммаббад̇хаанаа, имз жад̇д̇ааро ид̣̇д̇хибаад̣̇аа, имаани бан̃жинд̣̇рияаани, имаани бан̃жа б̣алаани, имз сад̇д̇а б̣ож̇жхан̇г̇аа, аяам̣ арияо адтан̇г̇иго маг̇г̇о, аяам̣ самат̇о, аяам̣ вибассанаа, аяам̣ виж̇ж̇аа, аяам̣ вимуд̇д̇ий’д̇и. д̇ад̇о яог̇ааважаро сзвид̇аб̣б̣з д̇хаммз сзвад̇и, асзвид̇аб̣б̣з д̇хаммз на сзвад̇и. бхаж̇ид̇аб̣б̣з д̇хаммз бхаж̇ад̇и, абхаж̇ид̇аб̣б̣з д̇хаммз на бхаж̇ад̇и. звам̣ ко, махаарааж̇а, абилаабаналагкан̣аа сад̇ий’’д̇и.
‘‘Opammaṃ karohī’’ti. ‘‘Yathā, mahārāja, rañño cakkavattissa bhaṇḍāgāriko rājānaṃ cakkavattiṃ sāyaṃ pātaṃ yasaṃ sarāpeti ‘ettakā, deva, te hatthī, ettakā assā, ettakā rathā, ettakā pattī, ettakaṃ hiraññaṃ, ettakaṃ suvaṇṇaṃ, ettakaṃ sāpateyyaṃ, taṃ devo saratū’ti rañño sāpateyyaṃ apilāpeti. Evameva kho, mahārāja, sati uppajjamānā kusalākusalasāvajjānavajjahīnappaṇītakaṇhasukkasappaṭibhāgadhamme apilāpeti ‘ime cattāro satipaṭṭhānā, ime cattāro sammappadhānā, ime cattāro iddhipādā, imāni pañcindriyāni, imāni pañca balāni, ime satta bojjhaṅgā, ayaṃ ariyo aṭṭhaṅgiko maggo, ayaṃ samatho, ayaṃ vipassanā, ayaṃ vijjā, ayaṃ vimuttī’ti. Tato yogāvacaro sevitabbe dhamme sevati, asevitabbe dhamme na sevati. Bhajitabbe dhamme bhajati, abhajitabbe dhamme na bhajati. Evaṃ kho, mahārāja, apilāpanalakkhaṇā satī’’ti.
‘‘гат̇ам̣, бханд̇з, убаг̇г̇ан̣ханалагкан̣аа сад̇ий’’д̇и? ‘‘сад̇и, махаарааж̇а, уббаж̇ж̇амаанаа хид̇аахид̇аанам̣ д̇хаммаанам̣ г̇ад̇ияо саманвзд̇и ‘имз д̇хаммаа хид̇аа, имз д̇хаммаа ахид̇аа. имз д̇хаммаа убагаараа, имз д̇хаммаа анубагаараа’д̇и. д̇ад̇о яог̇ааважаро ахид̇з д̇хаммз абануд̣̇зд̇и, хид̇з д̇хаммз убаг̇г̇ан̣хаад̇и. анубагаарз д̇хаммз абануд̣̇зд̇и, убагаарз д̇хаммз убаг̇г̇ан̣хаад̇и. звам̣ ко, махаарааж̇а, убаг̇г̇ан̣ханалагкан̣аа сад̇ий’’д̇и.
‘‘Kathaṃ, bhante, upaggaṇhanalakkhaṇā satī’’ti? ‘‘Sati, mahārāja, uppajjamānā hitāhitānaṃ dhammānaṃ gatiyo samanveti ‘ime dhammā hitā, ime dhammā ahitā. Ime dhammā upakārā, ime dhammā anupakārā’ti. Tato yogāvacaro ahite dhamme apanudeti, hite dhamme upaggaṇhāti. Anupakāre dhamme apanudeti, upakāre dhamme upaggaṇhāti. Evaṃ kho, mahārāja, upaggaṇhanalakkhaṇā satī’’ti.
‘‘обаммам̣ гарохий’’д̇и. ‘‘яат̇аа, махаарааж̇а, ран̃н̃о жаггавад̇д̇исса барин̣ааяагарад̇анам̣ ран̃н̃о хид̇аахид̇з ж̇аанаад̇и ‘имз ран̃н̃о хид̇аа, имз ахид̇аа. имз убагаараа, имз анубагаараа’д̇и. д̇ад̇о ахид̇з абануд̣̇зд̇и, хид̇з убаг̇г̇ан̣хаад̇и. анубагаарз абануд̣̇зд̇и, убагаарз убаг̇г̇ан̣хаад̇и. звамзва ко, махаарааж̇а, сад̇и уббаж̇ж̇амаанаа хид̇аахид̇аанам̣ д̇хаммаанам̣ г̇ад̇ияо саманвзд̇и ‘имз д̇хаммаа хид̇аа, имз д̇хаммаа ахид̇аа. имз д̇хаммаа убагаараа, имз д̇хаммаа анубагаараа’д̇и. д̇ад̇о яог̇ааважаро ахид̇з д̇хаммз абануд̣̇зд̇и, хид̇з д̇хаммз убаг̇г̇ан̣хаа’д̇и. анубагаарз д̇хаммз абануд̣̇зд̇и, убагаарз д̣̇аммз убаг̇г̇ан̣хаад̇и. звам̣ ко, махаарааж̇а, убаг̇г̇ан̣ханалагкан̣аа сад̇и. бхаасид̇амбзд̇ам̣, махаарааж̇а, бхаг̇авад̇аа – ‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’’д̇и.
‘‘Opammaṃ karohī’’ti. ‘‘Yathā, mahārāja, rañño cakkavattissa pariṇāyakaratanaṃ rañño hitāhite jānāti ‘ime rañño hitā, ime ahitā. Ime upakārā, ime anupakārā’ti. Tato ahite apanudeti, hite upaggaṇhāti. Anupakāre apanudeti, upakāre upaggaṇhāti. Evameva kho, mahārāja, sati uppajjamānā hitāhitānaṃ dhammānaṃ gatiyo samanveti ‘ime dhammā hitā, ime dhammā ahitā. Ime dhammā upakārā, ime dhammā anupakārā’ti. Tato yogāvacaro ahite dhamme apanudeti, hite dhamme upaggaṇhā’ti. Anupakāre dhamme apanudeti, upakāre damme upaggaṇhāti. Evaṃ kho, mahārāja, upaggaṇhanalakkhaṇā sati. Bhāsitampetaṃ, mahārāja, bhagavatā – ‘satiñca khvāhaṃ, bhikkhave, sabbatthikaṃ vadāmī’’’ti.
‘‘галлоси , бханд̇з нааг̇асзнаа’’д̇и.
‘‘Kallosi , bhante nāgasenā’’ti.
сад̇илагкан̣абан̃хо д̇зрасамо.
Satilakkhaṇapañho terasamo.
