| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. саадимад̇д̇ияад̇т̇зраг̇аат̇ааван̣н̣анаа
10. Sāṭimattiyattheragāthāvaṇṇanā
аху д̇уяхам̣ бурз сад̣̇д̇хаад̇и ааяасмад̇о саадимад̇д̇ияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо д̇аалаван̣дам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз б̣раахман̣агулз ниб̣б̣ад̇д̇ид̇ваа саадимад̇д̇ияод̇и лад̣̇д̇ханаамо ваяаббад̇д̇о хзд̇усамбаннад̇ааяа ааран̃н̃агабхигкуунам̣ санд̇игз баб̣б̣аж̇ид̇ваа вибассанааяа гаммам̣ гаронд̇о чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.38.43-47) –
Ahu tuyhaṃ pure saddhāti āyasmato sāṭimattiyattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto siddhatthassa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannamānaso tālavaṇṭaṃ adāsi. So tena puññakammena devamanussesu saṃsaranto imasmiṃ buddhuppāde magadharaṭṭhe brāhmaṇakule nibbattitvā sāṭimattiyoti laddhanāmo vayappatto hetusampannatāya āraññakabhikkhūnaṃ santike pabbajitvā vipassanāya kammaṃ karonto chaḷabhiñño ahosi. Tena vuttaṃ apadāne (apa. thera 1.38.43-47) –
‘‘сид̣̇д̇хад̇т̇асса бхаг̇авад̇о, д̇аалаван̣дамад̣̇аасахам̣;
‘‘Siddhatthassa bhagavato, tālavaṇṭamadāsahaṃ;
суманзхи бадижчаннам̣, д̇хаараяаами махаарахам̣.
Sumanehi paṭicchannaṃ, dhārayāmi mahārahaṃ.
‘‘жад̇уннавуд̇ид̇о габбз, д̇аалаван̣дамад̣̇аасахам̣;
‘‘Catunnavutito kappe, tālavaṇṭamadāsahaṃ;
д̣̇уг̇г̇ад̇им̣ наабхиж̇аанаами, д̇аалаван̣дассид̣̇ам̣ палам̣.
Duggatiṃ nābhijānāmi, tālavaṇṭassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа бхигкуу овад̣̇ад̇и анусаасад̇и б̣ахуу жа сад̇д̇з д̇хаммам̣ гат̇зд̇ваа саран̣зсу жа сийлзсу жа бад̇идтаабзси. ан̃н̃ад̇аран̃жа гулам̣ ассад̣̇д̇хам̣ аббасаннам̣ сад̣̇д̇хам̣ басаннам̣ агааси. д̇зна д̇асмим̣ гулз мануссаа т̇зрз абхиббасаннаа ахзсум̣. д̇ад̇т̇згаа д̣̇ааригаа абхируубаа д̣̇ассанийяаа т̇зрам̣ бин̣д̣ааяа бавидтам̣ саггажжам̣ бхож̇анзна баривисад̇и. ат̇згад̣̇ивасам̣ мааро ‘‘звам̣ имасса аяасо вад̣дхиссад̇и, аббад̇идто бхависсад̇ий’’д̇и жинд̇зд̇ваа т̇зрасса руубзна г̇анд̇ваа д̇ам̣ д̣̇ааригам̣ хад̇т̇з аг̇г̇ахзси. д̣̇ааригаа ‘‘нааяам̣ мануссасампассо’’д̇и жа ан̃н̃ааси, хад̇т̇ан̃жа мун̃жаабзси. д̇ам̣ д̣̇исваа гхараж̇ано т̇зрз аббасаад̣̇ам̣ ж̇анзси. бунад̣̇ивасз т̇зро д̇ам̣ гааран̣ам̣ анааваж̇ж̇знд̇о д̇ам̣ гхарам̣ аг̇амааси. д̇ад̇т̇а мануссаа анаад̣̇арам̣ агам̣су. т̇зро д̇ам̣ гааран̣ам̣ ааваж̇ж̇знд̇о маарасса гирияам̣ д̣̇исваа ‘‘д̇асса г̇ийвааяам̣ гуггурагун̣абам̣ бадимун̃жад̇уу’’д̇и ад̇хидтахид̇ваа д̇асса можанад̇т̇ам̣ убаг̇ад̇зна маарзна ад̇ийд̇ад̣̇ивасз гад̇агирияам̣ гат̇аабзд̇ваа д̇ам̣ д̇аж̇ж̇зд̇ваа виссаж̇ж̇зси. д̇ам̣ д̣̇исваа гхарасаамиго ‘‘камат̇а, бханд̇з, ажжаяа’’нд̇и камаабзд̇ваа ‘‘аж̇ж̇ад̇аг̇г̇з ахамзва, бханд̇з, д̇умхз убадтахаамий’’д̇и ааха. т̇зро д̇асса д̇хаммам̣ гат̇знд̇о –
Chaḷabhiñño pana hutvā bhikkhū ovadati anusāsati bahū ca satte dhammaṃ kathetvā saraṇesu ca sīlesu ca patiṭṭhāpesi. Aññatarañca kulaṃ assaddhaṃ appasannaṃ saddhaṃ pasannaṃ akāsi. Tena tasmiṃ kule manussā there abhippasannā ahesuṃ. Tatthekā dārikā abhirūpā dassanīyā theraṃ piṇḍāya paviṭṭhaṃ sakkaccaṃ bhojanena parivisati. Athekadivasaṃ māro ‘‘evaṃ imassa ayaso vaḍḍhissati, appatiṭṭho bhavissatī’’ti cintetvā therassa rūpena gantvā taṃ dārikaṃ hatthe aggahesi. Dārikā ‘‘nāyaṃ manussasamphasso’’ti ca aññāsi, hatthañca muñcāpesi. Taṃ disvā gharajano there appasādaṃ janesi. Punadivase thero taṃ kāraṇaṃ anāvajjento taṃ gharaṃ agamāsi. Tattha manussā anādaraṃ akaṃsu. Thero taṃ kāraṇaṃ āvajjento mārassa kiriyaṃ disvā ‘‘tassa gīvāyaṃ kukkurakuṇapaṃ paṭimuñcatū’’ti adhiṭṭhahitvā tassa mocanatthaṃ upagatena mārena atītadivase katakiriyaṃ kathāpetvā taṃ tajjetvā vissajjesi. Taṃ disvā gharasāmiko ‘‘khamatha, bhante, accaya’’nti khamāpetvā ‘‘ajjatagge ahameva, bhante, tumhe upaṭṭhahāmī’’ti āha. Thero tassa dhammaṃ kathento –
246.
246.
‘‘аху д̇уяхам̣ бурз сад̣̇д̇хаа, саа д̇з аж̇ж̇а на виж̇ж̇ад̇и;
‘‘Ahu tuyhaṃ pure saddhā, sā te ajja na vijjati;
яам̣ д̇уяхам̣ д̇уяхамзвзд̇ам̣, над̇т̇и д̣̇ужжарид̇ам̣ мама.
Yaṃ tuyhaṃ tuyhamevetaṃ, natthi duccaritaṃ mama.
247.
247.
‘‘анижжаа хи жалаа сад̣̇д̇хаа, звам̣ д̣̇идтаа хи саа маяаа;
‘‘Aniccā hi calā saddhā, evaṃ diṭṭhā hi sā mayā;
раж̇ж̇анд̇иби вираж̇ж̇анд̇и, д̇ад̇т̇а гим̣ ж̇ияяад̇з муни.
Rajjantipi virajjanti, tattha kiṃ jiyyate muni.
248.
248.
‘‘бажжад̇и мунино бхад̇д̇ам̣, т̇огам̣ т̇огам̣ гулз гулз;
‘‘Paccati munino bhattaṃ, thokaṃ thokaṃ kule kule;
бин̣д̣игааяа жариссаами, ад̇т̇и ж̇ан̇гхаб̣алам̣ мамаа’’д̇и. –
Piṇḍikāya carissāmi, atthi jaṅghabalaṃ mamā’’ti. –
д̇иссо г̇аат̇аа абхааси.
Tisso gāthā abhāsi.
д̇ад̇т̇а аху д̇уяхам̣ бурз сад̣̇д̇хаа, саа д̇з аж̇ж̇а на виж̇ж̇ад̇ийд̇и, убаасага, ид̇о буб̣б̣з д̇ава маяи ‘‘аяяо д̇хаммажаарий самажаарий’’д̇иаад̣̇инаа сад̣̇д̇хаа ахоси, саа сад̣̇д̇хаа д̇з д̇ава аж̇ж̇а ид̣̇аани на убалаб̣бхад̇и. д̇асмаа яам̣ д̇уяхам̣ д̇уяхамзвзд̇анд̇и жад̇убажжаяад̣̇аанам̣, д̇уяхамзва зд̇ам̣ ход̇у, на д̇зна маяхам̣ ад̇т̇о, саммаа басаннажид̇д̇зна хи д̣̇аанам̣ наама д̣̇аад̇аб̣б̣анд̇и ад̇хиббааяо. ат̇а ваа яам̣ д̇уяхам̣ д̇уяхамзвзд̇анд̇и яам̣ д̇ава маяи аж̇ж̇а аг̇ааравам̣ бавад̇д̇ам̣, д̇ам̣ д̇уяхамзва, д̇асса палам̣ д̇аяаа зва бажжанубхавид̇аб̣б̣ам̣, на маяаад̇и ад̇т̇о. над̇т̇и д̣̇ужжарид̇ам̣ мамаад̇и мама бана д̣̇ужжарид̇ам̣ наама над̇т̇и маг̇г̇знзва д̣̇ужжарид̇ахзд̇уунам̣ гилзсаанам̣ самужчиннад̇д̇аа.
Tattha ahu tuyhaṃ pure saddhā, sā te ajja na vijjatīti, upāsaka, ito pubbe tava mayi ‘‘ayyo dhammacārī samacārī’’tiādinā saddhā ahosi, sā saddhā te tava ajja idāni na upalabbhati. Tasmā yaṃ tuyhaṃ tuyhamevetanti catupaccayadānaṃ, tuyhameva etaṃ hotu, na tena mayhaṃ attho, sammā pasannacittena hi dānaṃ nāma dātabbanti adhippāyo. Atha vā yaṃ tuyhaṃ tuyhamevetanti yaṃ tava mayi ajja agāravaṃ pavattaṃ, taṃ tuyhameva, tassa phalaṃ tayā eva paccanubhavitabbaṃ, na mayāti attho. Natthi duccaritaṃ mamāti mama pana duccaritaṃ nāma natthi maggeneva duccaritahetūnaṃ kilesānaṃ samucchinnattā.
анижжаа хи жалаа сад̣̇д̇хаад̇и яасмаа бот̇уж̇ж̇анигаа сад̣̇д̇хаа анижжаа зганд̇игаа на ход̇и, д̇ад̇о зва жалаа ассабидтз табид̇агумбхан̣д̣ам̣ вияа, т̇усараасимхи никаад̇акаан̣угам̣ вияа жа анавадтид̇аа. звам̣ д̣̇идтаа хи саа маяаад̇и звам̣ бхууд̇аа жа саа сад̣̇д̇хаа маяаа д̇аяи д̣̇идтаа бажжагкад̇о вид̣̇ид̇аа. раж̇ж̇анд̇иби вираж̇ж̇анд̇ийд̇и звам̣ д̇ассаа анавадтид̇ад̇д̇аа зва имз сад̇д̇аа гад̣̇аажи гад̇т̇ажи мид̇д̇асант̇ававасзна раж̇ж̇анд̇и синзхамби гаронд̇и, гад̣̇аажи вираж̇ж̇анд̇и вирад̇д̇ажид̇д̇аа хонд̇и. д̇ад̇т̇а гим̣ ж̇ияяад̇з мунийд̇и д̇асмим̣ бут̇уж̇ж̇анаанам̣ раж̇ж̇анз вираж̇ж̇анз жа муни баб̣б̣аж̇ид̇о гим̣ ж̇ияяад̇и, гаа д̇асса хаанийд̇и ад̇т̇о.
Aniccā hi calā saddhāti yasmā pothujjanikā saddhā aniccā ekantikā na hoti, tato eva calā assapiṭṭhe ṭhapitakumbhaṇḍaṃ viya, thusarāsimhi nikhātakhāṇukaṃ viya ca anavaṭṭhitā. Evaṃ diṭṭhā hi sā mayāti evaṃ bhūtā ca sā saddhā mayā tayi diṭṭhā paccakkhato viditā. Rajjantipi virajjantīti evaṃ tassā anavaṭṭhitattā eva ime sattā kadāci katthaci mittasanthavavasena rajjanti sinehampi karonti, kadāci virajjanti virattacittā honti. Tattha kiṃ jiyyate munīti tasmiṃ puthujjanānaṃ rajjane virajjane ca muni pabbajito kiṃ jiyyati, kā tassa hānīti attho.
‘‘сажз мама бажжаяз на г̇ан̣хат̇а, гат̇ам̣ д̇умхз яаабзт̇аа’’д̇и звам̣ маа жинд̇аяийд̇и д̣̇ассзнд̇о ‘‘бажжад̇ий’’д̇и г̇аат̇амааха. д̇ассад̇т̇о мунино баб̣б̣аж̇ид̇асса бхад̇д̇ам̣ наама гулз гулз анугхарам̣ д̣̇ивасз д̣̇ивасз т̇огам̣ т̇огам̣ бажжад̇з, на жа д̇уяхам̣ зва г̇зхз. бин̣д̣игааяа жариссаами, ад̇т̇и ж̇ан̇гхаб̣алам̣ мамаад̇и ад̇т̇и мз ж̇ан̇гхаб̣алам̣, наахам̣ обхаг̇г̇аж̇ан̇гхо на кан̃ж̇о на жа баад̣̇арог̇ий, д̇асмаа бин̣д̣игааяа миссагабхигкааяа жариссаами, ‘‘яат̇ааби бхамаро бубпа’’нд̇иаад̣̇инаа (д̇ха. ба. 49; нзд̇д̇и. 123) сад̇т̇аараа вуд̇д̇анаязна бин̣д̣ааяа жарид̇ваа яаабзссаамийд̇и д̣̇ассзд̇и.
‘‘Sace mama paccaye na gaṇhatha, kathaṃ tumhe yāpethā’’ti evaṃ mā cintayīti dassento ‘‘paccatī’’ti gāthamāha. Tassattho munino pabbajitassa bhattaṃ nāma kule kule anugharaṃ divase divase thokaṃ thokaṃ paccate, na ca tuyhaṃ eva gehe. Piṇḍikāya carissāmi, atthi jaṅghabalaṃ mamāti atthi me jaṅghabalaṃ, nāhaṃ obhaggajaṅgho na khañjo na ca pādarogī, tasmā piṇḍikāya missakabhikkhāya carissāmi, ‘‘yathāpi bhamaro puppha’’ntiādinā (dha. pa. 49; netti. 123) satthārā vuttanayena piṇḍāya caritvā yāpessāmīti dasseti.
саадимад̇д̇ияад̇т̇зраг̇аат̇ааван̣н̣анаа нидтид̇аа.
Sāṭimattiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. саадимад̇д̇ияад̇т̇зраг̇аат̇аа • 10. Sāṭimattiyattheragāthā
