| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
8. ஸதிபட்டா²னகதா²
8. Satipaṭṭhānakathā
301. ஸப்³பே³ த⁴ம்மா ஸதிபட்டா²னாதி? ஆமந்தா. ஸப்³பே³ த⁴ம்மா ஸதி ஸதிந்த்³ரியங் ஸதிப³லங் ஸம்மாஸதி ஸதிஸம்பொ³ஜ்ஜ²ங்கோ³ ஏகாயனமக்³கோ³ க²யகா³மீ போ³த⁴கா³மீ அபசயகா³மீ அனாஸவா அஸங்யோஜனியா அக³ந்த²னியா அனோக⁴னியா அயோக³னியா அனீவரணியா அபராமட்டா² அனுபாதா³னியா அஸங்கிலேஸிகா, ஸப்³பே³ த⁴ம்மா பு³த்³தா⁴னுஸ்ஸதி த⁴ம்மானுஸ்ஸதி ஸங்கா⁴னுஸ்ஸதி ஸீலானுஸ்ஸதி சாகா³னுஸ்ஸதி தே³வதானுஸ்ஸதி ஆனாபானஸ்ஸதி மரணானுஸ்ஸதி காயக³தாஸதி உபஸமானுஸ்ஸதீதி? ந ஹேவங் வத்தப்³பே³…பே॰….
301. Sabbe dhammā satipaṭṭhānāti? Āmantā. Sabbe dhammā sati satindriyaṃ satibalaṃ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavā asaṃyojaniyā aganthaniyā anoghaniyā ayoganiyā anīvaraṇiyā aparāmaṭṭhā anupādāniyā asaṃkilesikā, sabbe dhammā buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti? Na hevaṃ vattabbe…pe….
ஸப்³பே³ த⁴ம்மா ஸதிபட்டா²னாதி? ஆமந்தா. சக்கா²யதனங் ஸதிபட்டா²னந்தி? ந ஹேவங் வத்தப்³பே³…பே॰… சக்கா²யதனங் ஸதிபட்டா²னந்தி ? ஆமந்தா. சக்கா²யதனங் ஸதி ஸதிந்த்³ரியங் ஸதிப³லங் ஸம்மாஸதி ஸதிஸம்பொ³ஜ்ஜ²ங்கோ³ ஏகாயனமக்³கோ³ க²யகா³மீ போ³த⁴கா³மீ அபசயகா³மீ அனாஸவங் அஸங்யோஜனியங்…பே॰… அஸங்கிலேஸிகங், சக்கா²யதனங் பு³த்³தா⁴னுஸ்ஸதி த⁴ம்மானுஸ்ஸதி ஸங்கா⁴னுஸ்ஸதி ஸீலானுஸ்ஸதி சாகா³னுஸ்ஸதி தே³வதானுஸ்ஸதி ஆனாபானஸ்ஸதி மரணானுஸ்ஸதி காயக³தாஸதி உபஸமானுஸ்ஸதீதி? ந ஹேவங் வத்தப்³பே³…பே॰… ஸோதாயதனங்… கா⁴னாயதனங்… ஜிவ்ஹாயதனங்… காயாயதனங்… ரூபாயதனங்… ஸத்³தா³யதனங்… க³ந்தா⁴யதனங்… ரஸாயதனங்… பொ²ட்ட²ப்³பா³யதனங்… ராகோ³… தோ³ஸோ… மோஹோ… மானோ… தி³ட்டி²… விசிகிச்சா²… தி²னங்… உத்³த⁴ச்சங்… அஹிரிகங்… அனொத்தப்பங் ஸதிபட்டா²னந்தி? ந ஹேவங் வத்தப்³பே³…பே॰… அனொத்தப்பங் ஸதிபட்டா²னந்தி? ஆமந்தா. அனொத்தப்பங் ஸதி ஸதிந்த்³ரியங் ஸதிப³லங் ஸம்மாஸதி…பே॰… காயக³தாஸதி உபஸமானுஸ்ஸதீதி? ந ஹேவங் வத்தப்³பே³…பே॰….
Sabbe dhammā satipaṭṭhānāti? Āmantā. Cakkhāyatanaṃ satipaṭṭhānanti? Na hevaṃ vattabbe…pe… cakkhāyatanaṃ satipaṭṭhānanti ? Āmantā. Cakkhāyatanaṃ sati satindriyaṃ satibalaṃ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavaṃ asaṃyojaniyaṃ…pe… asaṃkilesikaṃ, cakkhāyatanaṃ buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti? Na hevaṃ vattabbe…pe… sotāyatanaṃ… ghānāyatanaṃ… jivhāyatanaṃ… kāyāyatanaṃ… rūpāyatanaṃ… saddāyatanaṃ… gandhāyatanaṃ… rasāyatanaṃ… phoṭṭhabbāyatanaṃ… rāgo… doso… moho… māno… diṭṭhi… vicikicchā… thinaṃ… uddhaccaṃ… ahirikaṃ… anottappaṃ satipaṭṭhānanti? Na hevaṃ vattabbe…pe… anottappaṃ satipaṭṭhānanti? Āmantā. Anottappaṃ sati satindriyaṃ satibalaṃ sammāsati…pe… kāyagatāsati upasamānussatīti? Na hevaṃ vattabbe…pe….
ஸதி ஸதிபட்டா²னா, ஸா ச ஸதீதி? ஆமந்தா. சக்கா²யதனங் ஸதிபட்டா²னங், தஞ்ச ஸதீதி? ந ஹேவங் வத்தப்³பே³…பே॰… ஸதி ஸதிபட்டா²னா, ஸா ச ஸதீதி? ஆமந்தா. ஸோதாயதனங்…பே॰… காயாயதனங்… ரூபாயதனங்…பே॰… பொ²ட்ட²ப்³பா³யதனங்… ராகோ³… தோ³ஸோ… மோஹோ…பே॰… அனொத்தப்பங் ஸதிபட்டா²னங், தஞ்ச ஸதீதி? ந ஹேவங் வத்தப்³பே³…பே॰….
Sati satipaṭṭhānā, sā ca satīti? Āmantā. Cakkhāyatanaṃ satipaṭṭhānaṃ, tañca satīti? Na hevaṃ vattabbe…pe… sati satipaṭṭhānā, sā ca satīti? Āmantā. Sotāyatanaṃ…pe… kāyāyatanaṃ… rūpāyatanaṃ…pe… phoṭṭhabbāyatanaṃ… rāgo… doso… moho…pe… anottappaṃ satipaṭṭhānaṃ, tañca satīti? Na hevaṃ vattabbe…pe….
சக்கா²யதனங் ஸதிபட்டா²னங், தஞ்ச ந ஸதீதி? ஆமந்தா. ஸதி ஸதிபட்டா²னா, ஸா ச ந ஸதீதி? ந ஹேவங் வத்தப்³பே³…பே॰… ஸோதாயதனங்…பே॰… காயாயதனங்… ரூபாயதனங்…பே॰… பொ²ட்ட²ப்³பா³யதனங்… ராகோ³ … தோ³ஸோ… மோஹோ…பே॰… அனொத்தப்பங் ஸதிபட்டா²னங், தஞ்ச ந ஸதீதி? ஆமந்தா . ஸதி ஸதிபட்டா²னா, ஸா ச ந ஸதீதி? ந ஹேவங் வத்தப்³பே³…பே॰….
Cakkhāyatanaṃ satipaṭṭhānaṃ, tañca na satīti? Āmantā. Sati satipaṭṭhānā, sā ca na satīti? Na hevaṃ vattabbe…pe… sotāyatanaṃ…pe… kāyāyatanaṃ… rūpāyatanaṃ…pe… phoṭṭhabbāyatanaṃ… rāgo … doso… moho…pe… anottappaṃ satipaṭṭhānaṃ, tañca na satīti? Āmantā . Sati satipaṭṭhānā, sā ca na satīti? Na hevaṃ vattabbe…pe….
302. ந வத்தப்³ப³ங் – ‘‘ஸப்³பே³ த⁴ம்மா ஸதிபட்டா²னா’’தி? ஆமந்தா. நனு ஸப்³பே³ த⁴ம்மே ஆரப்³ப⁴ ஸதி ஸந்திட்ட²தீதி? ஆமந்தா. ஹஞ்சி ஸப்³பே³ த⁴ம்மே ஆரப்³ப⁴ ஸதி ஸந்திட்ட²தீதி, தேன வத ரே வத்தப்³பே³ – ‘‘ஸப்³பே³ த⁴ம்மா ஸதிபட்டா²னா’’தி.
302. Na vattabbaṃ – ‘‘sabbe dhammā satipaṭṭhānā’’ti? Āmantā. Nanu sabbe dhamme ārabbha sati santiṭṭhatīti? Āmantā. Hañci sabbe dhamme ārabbha sati santiṭṭhatīti, tena vata re vattabbe – ‘‘sabbe dhammā satipaṭṭhānā’’ti.
ஸப்³ப³ங் த⁴ம்மங் ஆரப்³ப⁴ ஸதி ஸந்திட்ட²தீதி ஸப்³பே³ த⁴ம்மா ஸதிபட்டா²னாதி? ஆமந்தா. ஸப்³ப³ங் த⁴ம்மங் ஆரப்³ப⁴ ப²ஸ்ஸோ ஸந்திட்ட²தீதி ஸப்³பே³ த⁴ம்மா ப²ஸ்ஸபட்டா²னாதி? ந ஹேவங் வத்தப்³பே³…பே॰….
Sabbaṃ dhammaṃ ārabbha sati santiṭṭhatīti sabbe dhammā satipaṭṭhānāti? Āmantā. Sabbaṃ dhammaṃ ārabbha phasso santiṭṭhatīti sabbe dhammā phassapaṭṭhānāti? Na hevaṃ vattabbe…pe….
ஸப்³ப³ங் த⁴ம்மங் ஆரப்³ப⁴ ஸதி ஸந்திட்ட²தீதி ஸப்³பே³ த⁴ம்மா ஸதிபட்டா²னாதி? ஆமந்தா. ஸப்³ப³ங் த⁴ம்மங் ஆரப்³ப⁴ வேத³னா ஸந்திட்ட²தி… ஸஞ்ஞா ஸந்திட்ட²தி… சேதனா ஸந்திட்ட²தி… சித்தங் ஸந்திட்ட²தீதி ஸப்³பே³ த⁴ம்மா சித்தபட்டா²னாதி? ந ஹேவங் வத்தப்³பே³…பே॰….
Sabbaṃ dhammaṃ ārabbha sati santiṭṭhatīti sabbe dhammā satipaṭṭhānāti? Āmantā. Sabbaṃ dhammaṃ ārabbha vedanā santiṭṭhati… saññā santiṭṭhati… cetanā santiṭṭhati… cittaṃ santiṭṭhatīti sabbe dhammā cittapaṭṭhānāti? Na hevaṃ vattabbe…pe….
ஸப்³பே³ த⁴ம்மா ஸதிபட்டா²னாதி? ஆமந்தா. ஸப்³பே³ ஸத்தா உபட்டி²தஸதினோ ஸதியா ஸமன்னாக³தா ஸதியா ஸமோஹிதா; ஸப்³பே³ஸங் ஸத்தானங் ஸதி பச்சுபட்டி²தாதி? ந ஹேவங் வத்தப்³பே³…பே॰….
Sabbe dhammā satipaṭṭhānāti? Āmantā. Sabbe sattā upaṭṭhitasatino satiyā samannāgatā satiyā samohitā; sabbesaṃ sattānaṃ sati paccupaṭṭhitāti? Na hevaṃ vattabbe…pe….
303. ஸப்³பே³ த⁴ம்மா ஸதிபட்டா²னாதி? ஆமந்தா. நனு வுத்தங் ப⁴க³வதா – ‘‘அமதங் தே, பி⁴க்க²வே, ந பரிபு⁴ஞ்ஜந்தி யே காயக³தாஸதிங் ந பரிபு⁴ஞ்ஜந்தி. அமதங் தே, பி⁴க்க²வே, பரிபு⁴ஞ்ஜந்தி யே காயக³தாஸதிங் பரிபு⁴ஞ்ஜந்தீ’’தி 1. அத்தே²வ ஸுத்தந்தோதி? ஆமந்தா. ஸப்³பே³ ஸத்தா காயக³தாஸதிங் பரிபு⁴ஞ்ஜந்தி படிலப⁴ந்தி ஆஸேவந்தி பா⁴வெந்தி ப³ஹுலீகரொந்தீதி? ந ஹேவங் வத்தப்³பே³…பே॰….
303. Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘amataṃ te, bhikkhave, na paribhuñjanti ye kāyagatāsatiṃ na paribhuñjanti. Amataṃ te, bhikkhave, paribhuñjanti ye kāyagatāsatiṃ paribhuñjantī’’ti 2. Attheva suttantoti? Āmantā. Sabbe sattā kāyagatāsatiṃ paribhuñjanti paṭilabhanti āsevanti bhāventi bahulīkarontīti? Na hevaṃ vattabbe…pe….
ஸப்³பே³ த⁴ம்மா ஸதிபட்டா²னாதி? ஆமந்தா. நனு வுத்தங் ப⁴க³வதா – ‘‘ஏகாயனோ அயங், பி⁴க்க²வே, மக்³கோ³ ஸத்தானங் விஸுத்³தி⁴யா ஸோகபரிதே³வானங் ஸமதிக்கமாய து³க்க²தோ³மனஸ்ஸானங் அத்த²ங்க³மாய ஞாயஸ்ஸ அதி⁴க³மாய நிப்³பா³னஸ்ஸ ஸச்சி²கிரியாய யதி³த³ங் சத்தாரோ ஸதிபட்டா²னா’’தி 3! அத்தே²வ ஸுத்தந்தோதி? ஆமந்தா? ஸப்³பே³ த⁴ம்மா ஏகாயனமக்³கோ³தி? ந ஹேவங் வத்தப்³பே³…பே॰….
Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘ekāyano ayaṃ, bhikkhave, maggo sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya yadidaṃ cattāro satipaṭṭhānā’’ti 4! Attheva suttantoti? Āmantā? Sabbe dhammā ekāyanamaggoti? Na hevaṃ vattabbe…pe….
ஸப்³பே³ த⁴ம்மா ஸதிபட்டா²னாதி? ஆமந்தா. நனு வுத்தங் ப⁴க³வதா – ‘‘ரஞ்ஞோ, பி⁴க்க²வே, சக்கவத்திஸ்ஸ பாதுபா⁴வா ஸத்தன்னங் ரதனானங் பாதுபா⁴வோ ஹோதி. கதமேஸங் ஸத்தன்னங்? சக்கரதனஸ்ஸ பாதுபா⁴வோ ஹோதி, ஹத்தி²ரதனஸ்ஸ பாதுபா⁴வோ ஹோதி, அஸ்ஸரதனஸ்ஸ… மணிரதனஸ்ஸ… இத்தி²ரதனஸ்ஸ … க³ஹபதிரதனஸ்ஸ… பரிணாயகரதனஸ்ஸ பாதுபா⁴வோ ஹோதி . ரஞ்ஞோ, பி⁴க்க²வே, சக்கவத்திஸ்ஸ பாதுபா⁴வா இமேஸங் ஸத்தன்னங் ரதனானங் பாதுபா⁴வோ ஹோதி.
Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘rañño, bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa… maṇiratanassa… itthiratanassa … gahapatiratanassa… pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘ததா²க³தஸ்ஸ, பி⁴க்க²வே, பாதுபா⁴வா அரஹதோ ஸம்மாஸம்பு³த்³த⁴ஸ்ஸ ஸத்தன்னங் பொ³ஜ்ஜ²ங்க³ரதனானங் பாதுபா⁴வோ ஹோதி. கதமேஸங் ஸத்தன்னங்? ஸதிஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி, த⁴ம்மவிசயஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி, வீரியஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி, பீதிஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி, பஸ்ஸத்³தி⁴ஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி, ஸமாதி⁴ஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி, உபெக்கா²ஸம்பொ³ஜ்ஜ²ங்க³ரதனஸ்ஸ பாதுபா⁴வோ ஹோதி. ததா²க³தஸ்ஸ, பி⁴க்க²வே, பாதுபா⁴வா அரஹதோ ஸம்மாஸம்பு³த்³த⁴ஸ்ஸ இமேஸங் ஸத்தன்னங் பொ³ஜ்ஜ²ங்க³ரதனானங் பாதுபா⁴வோ ஹோதீ’’தி 5. அத்தே²வ ஸுத்தந்தோதி? ஆமந்தா. ததா²க³தஸ்ஸ பாதுபா⁴வா அரஹதோ ஸம்மாஸம்பு³த்³த⁴ஸ்ஸ ஸப்³பே³ த⁴ம்மா ஸதிஸம்பொ³ஜ்ஜ²ங்க³ரதனாவ ஹொந்தீதி? ந ஹேவங் வத்தப்³பே³…பே॰… ஸப்³பே³ த⁴ம்மா ஸதிபட்டா²னாதி? ஆமந்தா. ஸப்³பே³ த⁴ம்மா ஸம்மப்பதா⁴னா… இத்³தி⁴பாதா³… இந்த்³ரியா… ப³லா… பொ³ஜ்ஜ²ங்கா³தி? ந ஹேவங் வத்தப்³பே³…பே॰….
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgaratanassa pātubhāvo hoti, dhammavicayasambojjhaṅgaratanassa pātubhāvo hoti, vīriyasambojjhaṅgaratanassa pātubhāvo hoti, pītisambojjhaṅgaratanassa pātubhāvo hoti, passaddhisambojjhaṅgaratanassa pātubhāvo hoti, samādhisambojjhaṅgaratanassa pātubhāvo hoti, upekkhāsambojjhaṅgaratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti 6. Attheva suttantoti? Āmantā. Tathāgatassa pātubhāvā arahato sammāsambuddhassa sabbe dhammā satisambojjhaṅgaratanāva hontīti? Na hevaṃ vattabbe…pe… sabbe dhammā satipaṭṭhānāti? Āmantā. Sabbe dhammā sammappadhānā… iddhipādā… indriyā… balā… bojjhaṅgāti? Na hevaṃ vattabbe…pe….
ஸதிபட்டா²னகதா² நிட்டி²தா.
Satipaṭṭhānakathā niṭṭhitā.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 8. ஸதிபட்டா²னகதா²வண்ணனா • 8. Satipaṭṭhānakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 8. ஸதிபட்டா²னகதா²வண்ணனா • 8. Satipaṭṭhānakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 8. ஸதிபட்டா²னகதா²வண்ணனா • 8. Satipaṭṭhānakathāvaṇṇanā
