| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
8. сад̇ибадтаанагат̇аа
8. Satipaṭṭhānakathā
301. саб̣б̣з д̇хаммаа сад̇ибадтаанаад̇и? ааманд̇аа. саб̣б̣з д̇хаммаа сад̇и сад̇инд̣̇рияам̣ сад̇иб̣алам̣ саммаасад̇и сад̇исамб̣ож̇жхан̇г̇о згааяанамаг̇г̇о каяаг̇аамий б̣од̇хаг̇аамий абажаяаг̇аамий анаасаваа асам̣яож̇анияаа аг̇ант̇анияаа аногханияаа аяог̇анияаа анийваран̣ияаа абараамадтаа анубаад̣̇аанияаа асам̣гилзсигаа, саб̣б̣з д̇хаммаа б̣уд̣̇д̇хаануссад̇и д̇хаммаануссад̇и сан̇гхаануссад̇и сийлаануссад̇и жааг̇аануссад̇и д̣̇звад̇аануссад̇и аанаабаанассад̇и маран̣аануссад̇и гааяаг̇ад̇аасад̇и убасамаануссад̇ийд̇и? на хзвам̣ вад̇д̇аб̣б̣з…бз….
301. Sabbe dhammā satipaṭṭhānāti? Āmantā. Sabbe dhammā sati satindriyaṃ satibalaṃ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavā asaṃyojaniyā aganthaniyā anoghaniyā ayoganiyā anīvaraṇiyā aparāmaṭṭhā anupādāniyā asaṃkilesikā, sabbe dhammā buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti? Na hevaṃ vattabbe…pe….
саб̣б̣з д̇хаммаа сад̇ибадтаанаад̇и? ааманд̇аа. жагкааяад̇анам̣ сад̇ибадтаананд̇и? на хзвам̣ вад̇д̇аб̣б̣з…бз… жагкааяад̇анам̣ сад̇ибадтаананд̇и ? ааманд̇аа. жагкааяад̇анам̣ сад̇и сад̇инд̣̇рияам̣ сад̇иб̣алам̣ саммаасад̇и сад̇исамб̣ож̇жхан̇г̇о згааяанамаг̇г̇о каяаг̇аамий б̣од̇хаг̇аамий абажаяаг̇аамий анаасавам̣ асам̣яож̇анияам̣…бз… асам̣гилзсигам̣, жагкааяад̇анам̣ б̣уд̣̇д̇хаануссад̇и д̇хаммаануссад̇и сан̇гхаануссад̇и сийлаануссад̇и жааг̇аануссад̇и д̣̇звад̇аануссад̇и аанаабаанассад̇и маран̣аануссад̇и гааяаг̇ад̇аасад̇и убасамаануссад̇ийд̇и? на хзвам̣ вад̇д̇аб̣б̣з…бз… сод̇ааяад̇анам̣… гхаанааяад̇анам̣… ж̇ивхааяад̇анам̣… гааяааяад̇анам̣… руубааяад̇анам̣… сад̣̇д̣̇ааяад̇анам̣… г̇анд̇хааяад̇анам̣… расааяад̇анам̣… подтаб̣б̣ааяад̇анам̣… рааг̇о… д̣̇осо… мохо… маано… д̣̇идти… вижигижчаа… т̇инам̣… уд̣̇д̇хажжам̣… ахиригам̣… анод̇д̇аббам̣ сад̇ибадтаананд̇и? на хзвам̣ вад̇д̇аб̣б̣з…бз… анод̇д̇аббам̣ сад̇ибадтаананд̇и? ааманд̇аа. анод̇д̇аббам̣ сад̇и сад̇инд̣̇рияам̣ сад̇иб̣алам̣ саммаасад̇и…бз… гааяаг̇ад̇аасад̇и убасамаануссад̇ийд̇и? на хзвам̣ вад̇д̇аб̣б̣з…бз….
Sabbe dhammā satipaṭṭhānāti? Āmantā. Cakkhāyatanaṃ satipaṭṭhānanti? Na hevaṃ vattabbe…pe… cakkhāyatanaṃ satipaṭṭhānanti ? Āmantā. Cakkhāyatanaṃ sati satindriyaṃ satibalaṃ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavaṃ asaṃyojaniyaṃ…pe… asaṃkilesikaṃ, cakkhāyatanaṃ buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti? Na hevaṃ vattabbe…pe… sotāyatanaṃ… ghānāyatanaṃ… jivhāyatanaṃ… kāyāyatanaṃ… rūpāyatanaṃ… saddāyatanaṃ… gandhāyatanaṃ… rasāyatanaṃ… phoṭṭhabbāyatanaṃ… rāgo… doso… moho… māno… diṭṭhi… vicikicchā… thinaṃ… uddhaccaṃ… ahirikaṃ… anottappaṃ satipaṭṭhānanti? Na hevaṃ vattabbe…pe… anottappaṃ satipaṭṭhānanti? Āmantā. Anottappaṃ sati satindriyaṃ satibalaṃ sammāsati…pe… kāyagatāsati upasamānussatīti? Na hevaṃ vattabbe…pe….
сад̇и сад̇ибадтаанаа, саа жа сад̇ийд̇и? ааманд̇аа. жагкааяад̇анам̣ сад̇ибадтаанам̣, д̇ан̃жа сад̇ийд̇и? на хзвам̣ вад̇д̇аб̣б̣з…бз… сад̇и сад̇ибадтаанаа, саа жа сад̇ийд̇и? ааманд̇аа. сод̇ааяад̇анам̣…бз… гааяааяад̇анам̣… руубааяад̇анам̣…бз… подтаб̣б̣ааяад̇анам̣… рааг̇о… д̣̇осо… мохо…бз… анод̇д̇аббам̣ сад̇ибадтаанам̣, д̇ан̃жа сад̇ийд̇и? на хзвам̣ вад̇д̇аб̣б̣з…бз….
Sati satipaṭṭhānā, sā ca satīti? Āmantā. Cakkhāyatanaṃ satipaṭṭhānaṃ, tañca satīti? Na hevaṃ vattabbe…pe… sati satipaṭṭhānā, sā ca satīti? Āmantā. Sotāyatanaṃ…pe… kāyāyatanaṃ… rūpāyatanaṃ…pe… phoṭṭhabbāyatanaṃ… rāgo… doso… moho…pe… anottappaṃ satipaṭṭhānaṃ, tañca satīti? Na hevaṃ vattabbe…pe….
жагкааяад̇анам̣ сад̇ибадтаанам̣, д̇ан̃жа на сад̇ийд̇и? ааманд̇аа. сад̇и сад̇ибадтаанаа, саа жа на сад̇ийд̇и? на хзвам̣ вад̇д̇аб̣б̣з…бз… сод̇ааяад̇анам̣…бз… гааяааяад̇анам̣… руубааяад̇анам̣…бз… подтаб̣б̣ааяад̇анам̣… рааг̇о … д̣̇осо… мохо…бз… анод̇д̇аббам̣ сад̇ибадтаанам̣, д̇ан̃жа на сад̇ийд̇и? ааманд̇аа . сад̇и сад̇ибадтаанаа, саа жа на сад̇ийд̇и? на хзвам̣ вад̇д̇аб̣б̣з…бз….
Cakkhāyatanaṃ satipaṭṭhānaṃ, tañca na satīti? Āmantā. Sati satipaṭṭhānā, sā ca na satīti? Na hevaṃ vattabbe…pe… sotāyatanaṃ…pe… kāyāyatanaṃ… rūpāyatanaṃ…pe… phoṭṭhabbāyatanaṃ… rāgo … doso… moho…pe… anottappaṃ satipaṭṭhānaṃ, tañca na satīti? Āmantā . Sati satipaṭṭhānā, sā ca na satīti? Na hevaṃ vattabbe…pe….
302. на вад̇д̇аб̣б̣ам̣ – ‘‘саб̣б̣з д̇хаммаа сад̇ибадтаанаа’’д̇и? ааманд̇аа. нану саб̣б̣з д̇хаммз аараб̣бха сад̇и санд̇идтад̇ийд̇и? ааманд̇аа. хан̃жи саб̣б̣з д̇хаммз аараб̣бха сад̇и санд̇идтад̇ийд̇и, д̇зна вад̇а рз вад̇д̇аб̣б̣з – ‘‘саб̣б̣з д̇хаммаа сад̇ибадтаанаа’’д̇и.
302. Na vattabbaṃ – ‘‘sabbe dhammā satipaṭṭhānā’’ti? Āmantā. Nanu sabbe dhamme ārabbha sati santiṭṭhatīti? Āmantā. Hañci sabbe dhamme ārabbha sati santiṭṭhatīti, tena vata re vattabbe – ‘‘sabbe dhammā satipaṭṭhānā’’ti.
саб̣б̣ам̣ д̇хаммам̣ аараб̣бха сад̇и санд̇идтад̇ийд̇и саб̣б̣з д̇хаммаа сад̇ибадтаанаад̇и? ааманд̇аа. саб̣б̣ам̣ д̇хаммам̣ аараб̣бха пассо санд̇идтад̇ийд̇и саб̣б̣з д̇хаммаа пассабадтаанаад̇и? на хзвам̣ вад̇д̇аб̣б̣з…бз….
Sabbaṃ dhammaṃ ārabbha sati santiṭṭhatīti sabbe dhammā satipaṭṭhānāti? Āmantā. Sabbaṃ dhammaṃ ārabbha phasso santiṭṭhatīti sabbe dhammā phassapaṭṭhānāti? Na hevaṃ vattabbe…pe….
саб̣б̣ам̣ д̇хаммам̣ аараб̣бха сад̇и санд̇идтад̇ийд̇и саб̣б̣з д̇хаммаа сад̇ибадтаанаад̇и? ааманд̇аа. саб̣б̣ам̣ д̇хаммам̣ аараб̣бха взд̣̇анаа санд̇идтад̇и… сан̃н̃аа санд̇идтад̇и… жзд̇анаа санд̇идтад̇и… жид̇д̇ам̣ санд̇идтад̇ийд̇и саб̣б̣з д̇хаммаа жид̇д̇абадтаанаад̇и? на хзвам̣ вад̇д̇аб̣б̣з…бз….
Sabbaṃ dhammaṃ ārabbha sati santiṭṭhatīti sabbe dhammā satipaṭṭhānāti? Āmantā. Sabbaṃ dhammaṃ ārabbha vedanā santiṭṭhati… saññā santiṭṭhati… cetanā santiṭṭhati… cittaṃ santiṭṭhatīti sabbe dhammā cittapaṭṭhānāti? Na hevaṃ vattabbe…pe….
саб̣б̣з д̇хаммаа сад̇ибадтаанаад̇и? ааманд̇аа. саб̣б̣з сад̇д̇аа убадтид̇асад̇ино сад̇ияаа саманнааг̇ад̇аа сад̇ияаа самохид̇аа; саб̣б̣зсам̣ сад̇д̇аанам̣ сад̇и бажжубадтид̇аад̇и? на хзвам̣ вад̇д̇аб̣б̣з…бз….
Sabbe dhammā satipaṭṭhānāti? Āmantā. Sabbe sattā upaṭṭhitasatino satiyā samannāgatā satiyā samohitā; sabbesaṃ sattānaṃ sati paccupaṭṭhitāti? Na hevaṃ vattabbe…pe….
303. саб̣б̣з д̇хаммаа сад̇ибадтаанаад̇и? ааманд̇аа. нану вуд̇д̇ам̣ бхаг̇авад̇аа – ‘‘амад̇ам̣ д̇з, бхигкавз, на барибхун̃ж̇анд̇и яз гааяаг̇ад̇аасад̇им̣ на барибхун̃ж̇анд̇и. амад̇ам̣ д̇з, бхигкавз, барибхун̃ж̇анд̇и яз гааяаг̇ад̇аасад̇им̣ барибхун̃ж̇анд̇ий’’д̇и 1. ад̇т̇зва суд̇д̇анд̇од̇и? ааманд̇аа. саб̣б̣з сад̇д̇аа гааяаг̇ад̇аасад̇им̣ барибхун̃ж̇анд̇и бадилабханд̇и аасзванд̇и бхаавзнд̇и б̣ахулийгаронд̇ийд̇и? на хзвам̣ вад̇д̇аб̣б̣з…бз….
303. Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘amataṃ te, bhikkhave, na paribhuñjanti ye kāyagatāsatiṃ na paribhuñjanti. Amataṃ te, bhikkhave, paribhuñjanti ye kāyagatāsatiṃ paribhuñjantī’’ti 2. Attheva suttantoti? Āmantā. Sabbe sattā kāyagatāsatiṃ paribhuñjanti paṭilabhanti āsevanti bhāventi bahulīkarontīti? Na hevaṃ vattabbe…pe….
саб̣б̣з д̇хаммаа сад̇ибадтаанаад̇и? ааманд̇аа. нану вуд̇д̇ам̣ бхаг̇авад̇аа – ‘‘згааяано аяам̣, бхигкавз, маг̇г̇о сад̇д̇аанам̣ висуд̣̇д̇хияаа согабарид̣̇зваанам̣ самад̇иггамааяа д̣̇угкад̣̇оманассаанам̣ ад̇т̇ан̇г̇амааяа н̃ааяасса ад̇хиг̇амааяа ниб̣б̣аанасса сажчигирияааяа яад̣̇ид̣̇ам̣ жад̇д̇ааро сад̇ибадтаанаа’’д̇и 3! ад̇т̇зва суд̇д̇анд̇од̇и? ааманд̇аа? саб̣б̣з д̇хаммаа згааяанамаг̇г̇од̇и? на хзвам̣ вад̇д̇аб̣б̣з…бз….
Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘ekāyano ayaṃ, bhikkhave, maggo sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya yadidaṃ cattāro satipaṭṭhānā’’ti 4! Attheva suttantoti? Āmantā? Sabbe dhammā ekāyanamaggoti? Na hevaṃ vattabbe…pe….
саб̣б̣з д̇хаммаа сад̇ибадтаанаад̇и? ааманд̇аа. нану вуд̇д̇ам̣ бхаг̇авад̇аа – ‘‘ран̃н̃о, бхигкавз, жаггавад̇д̇исса баад̇убхааваа сад̇д̇аннам̣ рад̇анаанам̣ баад̇убхааво ход̇и. гад̇амзсам̣ сад̇д̇аннам̣? жаггарад̇анасса баад̇убхааво ход̇и, хад̇т̇ирад̇анасса баад̇убхааво ход̇и, ассарад̇анасса… ман̣ирад̇анасса… ид̇т̇ирад̇анасса … г̇ахабад̇ирад̇анасса… барин̣ааяагарад̇анасса баад̇убхааво ход̇и . ран̃н̃о, бхигкавз, жаггавад̇д̇исса баад̇убхааваа имзсам̣ сад̇д̇аннам̣ рад̇анаанам̣ баад̇убхааво ход̇и.
Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘rañño, bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa… maṇiratanassa… itthiratanassa … gahapatiratanassa… pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘д̇ат̇ааг̇ад̇асса, бхигкавз, баад̇убхааваа арахад̇о саммаасамб̣уд̣̇д̇хасса сад̇д̇аннам̣ б̣ож̇жхан̇г̇арад̇анаанам̣ баад̇убхааво ход̇и. гад̇амзсам̣ сад̇д̇аннам̣? сад̇исамб̣ож̇жхан̇г̇арад̇анасса баад̇убхааво ход̇и, д̇хаммавижаяасамб̣ож̇жхан̇г̇арад̇анасса баад̇убхааво ход̇и, вийрияасамб̣ож̇жхан̇г̇арад̇анасса баад̇убхааво ход̇и, бийд̇исамб̣ож̇жхан̇г̇арад̇анасса баад̇убхааво ход̇и, бассад̣̇д̇хисамб̣ож̇жхан̇г̇арад̇анасса баад̇убхааво ход̇и, самаад̇хисамб̣ож̇жхан̇г̇арад̇анасса баад̇убхааво ход̇и, убзгкаасамб̣ож̇жхан̇г̇арад̇анасса баад̇убхааво ход̇и. д̇ат̇ааг̇ад̇асса, бхигкавз, баад̇убхааваа арахад̇о саммаасамб̣уд̣̇д̇хасса имзсам̣ сад̇д̇аннам̣ б̣ож̇жхан̇г̇арад̇анаанам̣ баад̇убхааво ход̇ий’’д̇и 5. ад̇т̇зва суд̇д̇анд̇од̇и? ааманд̇аа. д̇ат̇ааг̇ад̇асса баад̇убхааваа арахад̇о саммаасамб̣уд̣̇д̇хасса саб̣б̣з д̇хаммаа сад̇исамб̣ож̇жхан̇г̇арад̇анаава хонд̇ийд̇и? на хзвам̣ вад̇д̇аб̣б̣з…бз… саб̣б̣з д̇хаммаа сад̇ибадтаанаад̇и? ааманд̇аа. саб̣б̣з д̇хаммаа саммаббад̇хаанаа… ид̣̇д̇хибаад̣̇аа… инд̣̇рияаа… б̣алаа… б̣ож̇жхан̇г̇аад̇и? на хзвам̣ вад̇д̇аб̣б̣з…бз….
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgaratanassa pātubhāvo hoti, dhammavicayasambojjhaṅgaratanassa pātubhāvo hoti, vīriyasambojjhaṅgaratanassa pātubhāvo hoti, pītisambojjhaṅgaratanassa pātubhāvo hoti, passaddhisambojjhaṅgaratanassa pātubhāvo hoti, samādhisambojjhaṅgaratanassa pātubhāvo hoti, upekkhāsambojjhaṅgaratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti 6. Attheva suttantoti? Āmantā. Tathāgatassa pātubhāvā arahato sammāsambuddhassa sabbe dhammā satisambojjhaṅgaratanāva hontīti? Na hevaṃ vattabbe…pe… sabbe dhammā satipaṭṭhānāti? Āmantā. Sabbe dhammā sammappadhānā… iddhipādā… indriyā… balā… bojjhaṅgāti? Na hevaṃ vattabbe…pe….
сад̇ибадтаанагат̇аа нидтид̇аа.
Satipaṭṭhānakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 8. сад̇ибадтаанагат̇ааван̣н̣анаа • 8. Satipaṭṭhānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. сад̇ибадтаанагат̇ааван̣н̣анаа • 8. Satipaṭṭhānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. сад̇ибадтаанагат̇ааван̣н̣анаа • 8. Satipaṭṭhānakathāvaṇṇanā
