| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੮. ਸਤਿਪਟ੍ਠਾਨਕਥਾ
8. Satipaṭṭhānakathā
੩੦੧. ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਸਬ੍ਬੇ ਧਮ੍ਮਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਏਕਾਯਨਮਗ੍ਗੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸવਾ ਅਸਂਯੋਜਨਿਯਾ ਅਗਨ੍ਥਨਿਯਾ ਅਨੋਘਨਿਯਾ ਅਯੋਗਨਿਯਾ ਅਨੀવਰਣਿਯਾ ਅਪਰਾਮਟ੍ਠਾ ਅਨੁਪਾਦਾਨਿਯਾ ਅਸਂਕਿਲੇਸਿਕਾ, ਸਬ੍ਬੇ ਧਮ੍ਮਾ ਬੁਦ੍ਧਾਨੁਸ੍ਸਤਿ ਧਮ੍ਮਾਨੁਸ੍ਸਤਿ ਸਙ੍ਘਾਨੁਸ੍ਸਤਿ ਸੀਲਾਨੁਸ੍ਸਤਿ ਚਾਗਾਨੁਸ੍ਸਤਿ ਦੇવਤਾਨੁਸ੍ਸਤਿ ਆਨਾਪਾਨਸ੍ਸਤਿ ਮਰਣਾਨੁਸ੍ਸਤਿ ਕਾਯਗਤਾਸਤਿ ਉਪਸਮਾਨੁਸ੍ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
301. Sabbe dhammā satipaṭṭhānāti? Āmantā. Sabbe dhammā sati satindriyaṃ satibalaṃ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavā asaṃyojaniyā aganthaniyā anoghaniyā ayoganiyā anīvaraṇiyā aparāmaṭṭhā anupādāniyā asaṃkilesikā, sabbe dhammā buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti? Na hevaṃ vattabbe…pe….
ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਚਕ੍ਖਾਯਤਨਂ ਸਤਿਪਟ੍ਠਾਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਚਕ੍ਖਾਯਤਨਂ ਸਤਿਪਟ੍ਠਾਨਨ੍ਤਿ ? ਆਮਨ੍ਤਾ। ਚਕ੍ਖਾਯਤਨਂ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਏਕਾਯਨਮਗ੍ਗੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸવਂ ਅਸਂਯੋਜਨਿਯਂ…ਪੇ॰… ਅਸਂਕਿਲੇਸਿਕਂ, ਚਕ੍ਖਾਯਤਨਂ ਬੁਦ੍ਧਾਨੁਸ੍ਸਤਿ ਧਮ੍ਮਾਨੁਸ੍ਸਤਿ ਸਙ੍ਘਾਨੁਸ੍ਸਤਿ ਸੀਲਾਨੁਸ੍ਸਤਿ ਚਾਗਾਨੁਸ੍ਸਤਿ ਦੇવਤਾਨੁਸ੍ਸਤਿ ਆਨਾਪਾਨਸ੍ਸਤਿ ਮਰਣਾਨੁਸ੍ਸਤਿ ਕਾਯਗਤਾਸਤਿ ਉਪਸਮਾਨੁਸ੍ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸੋਤਾਯਤਨਂ… ਘਾਨਾਯਤਨਂ… ਜਿવ੍ਹਾਯਤਨਂ… ਕਾਯਾਯਤਨਂ… ਰੂਪਾਯਤਨਂ… ਸਦ੍ਦਾਯਤਨਂ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ… ਰਾਗੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… વਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ… ਅਨੋਤ੍ਤਪ੍ਪਂ ਸਤਿਪਟ੍ਠਾਨਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਅਨੋਤ੍ਤਪ੍ਪਂ ਸਤਿਪਟ੍ਠਾਨਨ੍ਤਿ? ਆਮਨ੍ਤਾ। ਅਨੋਤ੍ਤਪ੍ਪਂ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ…ਪੇ॰… ਕਾਯਗਤਾਸਤਿ ਉਪਸਮਾਨੁਸ੍ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sabbe dhammā satipaṭṭhānāti? Āmantā. Cakkhāyatanaṃ satipaṭṭhānanti? Na hevaṃ vattabbe…pe… cakkhāyatanaṃ satipaṭṭhānanti ? Āmantā. Cakkhāyatanaṃ sati satindriyaṃ satibalaṃ sammāsati satisambojjhaṅgo ekāyanamaggo khayagāmī bodhagāmī apacayagāmī anāsavaṃ asaṃyojaniyaṃ…pe… asaṃkilesikaṃ, cakkhāyatanaṃ buddhānussati dhammānussati saṅghānussati sīlānussati cāgānussati devatānussati ānāpānassati maraṇānussati kāyagatāsati upasamānussatīti? Na hevaṃ vattabbe…pe… sotāyatanaṃ… ghānāyatanaṃ… jivhāyatanaṃ… kāyāyatanaṃ… rūpāyatanaṃ… saddāyatanaṃ… gandhāyatanaṃ… rasāyatanaṃ… phoṭṭhabbāyatanaṃ… rāgo… doso… moho… māno… diṭṭhi… vicikicchā… thinaṃ… uddhaccaṃ… ahirikaṃ… anottappaṃ satipaṭṭhānanti? Na hevaṃ vattabbe…pe… anottappaṃ satipaṭṭhānanti? Āmantā. Anottappaṃ sati satindriyaṃ satibalaṃ sammāsati…pe… kāyagatāsati upasamānussatīti? Na hevaṃ vattabbe…pe….
ਸਤਿ ਸਤਿਪਟ੍ਠਾਨਾ, ਸਾ ਚ ਸਤੀਤਿ? ਆਮਨ੍ਤਾ। ਚਕ੍ਖਾਯਤਨਂ ਸਤਿਪਟ੍ਠਾਨਂ, ਤਞ੍ਚ ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਤਿ ਸਤਿਪਟ੍ਠਾਨਾ, ਸਾ ਚ ਸਤੀਤਿ? ਆਮਨ੍ਤਾ। ਸੋਤਾਯਤਨਂ…ਪੇ॰… ਕਾਯਾਯਤਨਂ… ਰੂਪਾਯਤਨਂ…ਪੇ॰… ਫੋਟ੍ਠਬ੍ਬਾਯਤਨਂ… ਰਾਗੋ… ਦੋਸੋ… ਮੋਹੋ…ਪੇ॰… ਅਨੋਤ੍ਤਪ੍ਪਂ ਸਤਿਪਟ੍ਠਾਨਂ, ਤਞ੍ਚ ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sati satipaṭṭhānā, sā ca satīti? Āmantā. Cakkhāyatanaṃ satipaṭṭhānaṃ, tañca satīti? Na hevaṃ vattabbe…pe… sati satipaṭṭhānā, sā ca satīti? Āmantā. Sotāyatanaṃ…pe… kāyāyatanaṃ… rūpāyatanaṃ…pe… phoṭṭhabbāyatanaṃ… rāgo… doso… moho…pe… anottappaṃ satipaṭṭhānaṃ, tañca satīti? Na hevaṃ vattabbe…pe….
ਚਕ੍ਖਾਯਤਨਂ ਸਤਿਪਟ੍ਠਾਨਂ, ਤਞ੍ਚ ਨ ਸਤੀਤਿ? ਆਮਨ੍ਤਾ। ਸਤਿ ਸਤਿਪਟ੍ਠਾਨਾ, ਸਾ ਚ ਨ ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸੋਤਾਯਤਨਂ…ਪੇ॰… ਕਾਯਾਯਤਨਂ… ਰੂਪਾਯਤਨਂ…ਪੇ॰… ਫੋਟ੍ਠਬ੍ਬਾਯਤਨਂ… ਰਾਗੋ … ਦੋਸੋ… ਮੋਹੋ…ਪੇ॰… ਅਨੋਤ੍ਤਪ੍ਪਂ ਸਤਿਪਟ੍ਠਾਨਂ, ਤਞ੍ਚ ਨ ਸਤੀਤਿ? ਆਮਨ੍ਤਾ । ਸਤਿ ਸਤਿਪਟ੍ਠਾਨਾ, ਸਾ ਚ ਨ ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Cakkhāyatanaṃ satipaṭṭhānaṃ, tañca na satīti? Āmantā. Sati satipaṭṭhānā, sā ca na satīti? Na hevaṃ vattabbe…pe… sotāyatanaṃ…pe… kāyāyatanaṃ… rūpāyatanaṃ…pe… phoṭṭhabbāyatanaṃ… rāgo … doso… moho…pe… anottappaṃ satipaṭṭhānaṃ, tañca na satīti? Āmantā . Sati satipaṭṭhānā, sā ca na satīti? Na hevaṃ vattabbe…pe….
੩੦੨. ਨ વਤ੍ਤਬ੍ਬਂ – ‘‘ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾ’’ਤਿ? ਆਮਨ੍ਤਾ। ਨਨੁ ਸਬ੍ਬੇ ਧਮ੍ਮੇ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ? ਆਮਨ੍ਤਾ। ਹਞ੍ਚਿ ਸਬ੍ਬੇ ਧਮ੍ਮੇ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾ’’ਤਿ।
302. Na vattabbaṃ – ‘‘sabbe dhammā satipaṭṭhānā’’ti? Āmantā. Nanu sabbe dhamme ārabbha sati santiṭṭhatīti? Āmantā. Hañci sabbe dhamme ārabbha sati santiṭṭhatīti, tena vata re vattabbe – ‘‘sabbe dhammā satipaṭṭhānā’’ti.
ਸਬ੍ਬਂ ਧਮ੍ਮਂ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਸਬ੍ਬਂ ਧਮ੍ਮਂ ਆਰਬ੍ਭ ਫਸ੍ਸੋ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਫਸ੍ਸਪਟ੍ਠਾਨਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sabbaṃ dhammaṃ ārabbha sati santiṭṭhatīti sabbe dhammā satipaṭṭhānāti? Āmantā. Sabbaṃ dhammaṃ ārabbha phasso santiṭṭhatīti sabbe dhammā phassapaṭṭhānāti? Na hevaṃ vattabbe…pe….
ਸਬ੍ਬਂ ਧਮ੍ਮਂ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਸਬ੍ਬਂ ਧਮ੍ਮਂ ਆਰਬ੍ਭ વੇਦਨਾ ਸਨ੍ਤਿਟ੍ਠਤਿ… ਸਞ੍ਞਾ ਸਨ੍ਤਿਟ੍ਠਤਿ… ਚੇਤਨਾ ਸਨ੍ਤਿਟ੍ਠਤਿ… ਚਿਤ੍ਤਂ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਚਿਤ੍ਤਪਟ੍ਠਾਨਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sabbaṃ dhammaṃ ārabbha sati santiṭṭhatīti sabbe dhammā satipaṭṭhānāti? Āmantā. Sabbaṃ dhammaṃ ārabbha vedanā santiṭṭhati… saññā santiṭṭhati… cetanā santiṭṭhati… cittaṃ santiṭṭhatīti sabbe dhammā cittapaṭṭhānāti? Na hevaṃ vattabbe…pe….
ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਸਬ੍ਬੇ ਸਤ੍ਤਾ ਉਪਟ੍ਠਿਤਸਤਿਨੋ ਸਤਿਯਾ ਸਮਨ੍ਨਾਗਤਾ ਸਤਿਯਾ ਸਮੋਹਿਤਾ; ਸਬ੍ਬੇਸਂ ਸਤ੍ਤਾਨਂ ਸਤਿ ਪਚ੍ਚੁਪਟ੍ਠਿਤਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sabbe dhammā satipaṭṭhānāti? Āmantā. Sabbe sattā upaṭṭhitasatino satiyā samannāgatā satiyā samohitā; sabbesaṃ sattānaṃ sati paccupaṭṭhitāti? Na hevaṃ vattabbe…pe….
੩੦੩. ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਅਮਤਂ ਤੇ, ਭਿਕ੍ਖવੇ, ਨ ਪਰਿਭੁਞ੍ਜਨ੍ਤਿ ਯੇ ਕਾਯਗਤਾਸਤਿਂ ਨ ਪਰਿਭੁਞ੍ਜਨ੍ਤਿ। ਅਮਤਂ ਤੇ, ਭਿਕ੍ਖવੇ, ਪਰਿਭੁਞ੍ਜਨ੍ਤਿ ਯੇ ਕਾਯਗਤਾਸਤਿਂ ਪਰਿਭੁਞ੍ਜਨ੍ਤੀ’’ਤਿ 1। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਸਬ੍ਬੇ ਸਤ੍ਤਾ ਕਾਯਗਤਾਸਤਿਂ ਪਰਿਭੁਞ੍ਜਨ੍ਤਿ ਪਟਿਲਭਨ੍ਤਿ ਆਸੇવਨ੍ਤਿ ਭਾવੇਨ੍ਤਿ ਬਹੁਲੀਕਰੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
303. Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘amataṃ te, bhikkhave, na paribhuñjanti ye kāyagatāsatiṃ na paribhuñjanti. Amataṃ te, bhikkhave, paribhuñjanti ye kāyagatāsatiṃ paribhuñjantī’’ti 2. Attheva suttantoti? Āmantā. Sabbe sattā kāyagatāsatiṃ paribhuñjanti paṭilabhanti āsevanti bhāventi bahulīkarontīti? Na hevaṃ vattabbe…pe….
ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਏਕਾਯਨੋ ਅਯਂ, ਭਿਕ੍ਖવੇ, ਮਗ੍ਗੋ ਸਤ੍ਤਾਨਂ વਿਸੁਦ੍ਧਿਯਾ ਸੋਕਪਰਿਦੇવਾਨਂ ਸਮਤਿਕ੍ਕਮਾਯ ਦੁਕ੍ਖਦੋਮਨਸ੍ਸਾਨਂ ਅਤ੍ਥਙ੍ਗਮਾਯ ਞਾਯਸ੍ਸ ਅਧਿਗਮਾਯ ਨਿਬ੍ਬਾਨਸ੍ਸ ਸਚ੍ਛਿਕਿਰਿਯਾਯ ਯਦਿਦਂ ਚਤ੍ਤਾਰੋ ਸਤਿਪਟ੍ਠਾਨਾ’’ਤਿ 3! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ? ਸਬ੍ਬੇ ਧਮ੍ਮਾ ਏਕਾਯਨਮਗ੍ਗੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘ekāyano ayaṃ, bhikkhave, maggo sattānaṃ visuddhiyā sokaparidevānaṃ samatikkamāya dukkhadomanassānaṃ atthaṅgamāya ñāyassa adhigamāya nibbānassa sacchikiriyāya yadidaṃ cattāro satipaṭṭhānā’’ti 4! Attheva suttantoti? Āmantā? Sabbe dhammā ekāyanamaggoti? Na hevaṃ vattabbe…pe….
ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਰਞ੍ਞੋ, ਭਿਕ੍ਖવੇ, ਚਕ੍ਕવਤ੍ਤਿਸ੍ਸ ਪਾਤੁਭਾવਾ ਸਤ੍ਤਨ੍ਨਂ ਰਤਨਾਨਂ ਪਾਤੁਭਾવੋ ਹੋਤਿ। ਕਤਮੇਸਂ ਸਤ੍ਤਨ੍ਨਂ? ਚਕ੍ਕਰਤਨਸ੍ਸ ਪਾਤੁਭਾવੋ ਹੋਤਿ, ਹਤ੍ਥਿਰਤਨਸ੍ਸ ਪਾਤੁਭਾવੋ ਹੋਤਿ, ਅਸ੍ਸਰਤਨਸ੍ਸ… ਮਣਿਰਤਨਸ੍ਸ… ਇਤ੍ਥਿਰਤਨਸ੍ਸ … ਗਹਪਤਿਰਤਨਸ੍ਸ… ਪਰਿਣਾਯਕਰਤਨਸ੍ਸ ਪਾਤੁਭਾવੋ ਹੋਤਿ । ਰਞ੍ਞੋ, ਭਿਕ੍ਖવੇ, ਚਕ੍ਕવਤ੍ਤਿਸ੍ਸ ਪਾਤੁਭਾવਾ ਇਮੇਸਂ ਸਤ੍ਤਨ੍ਨਂ ਰਤਨਾਨਂ ਪਾਤੁਭਾવੋ ਹੋਤਿ।
Sabbe dhammā satipaṭṭhānāti? Āmantā. Nanu vuttaṃ bhagavatā – ‘‘rañño, bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa… maṇiratanassa… itthiratanassa … gahapatiratanassa… pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘ਤਥਾਗਤਸ੍ਸ, ਭਿਕ੍ਖવੇ, ਪਾਤੁਭਾવਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਤ੍ਤਨ੍ਨਂ ਬੋਜ੍ਝਙ੍ਗਰਤਨਾਨਂ ਪਾਤੁਭਾવੋ ਹੋਤਿ। ਕਤਮੇਸਂ ਸਤ੍ਤਨ੍ਨਂ? ਸਤਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ, ਧਮ੍ਮવਿਚਯਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ, વੀਰਿਯਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ, ਪੀਤਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ, ਪਸ੍ਸਦ੍ਧਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ, ਸਮਾਧਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ, ਉਪੇਕ੍ਖਾਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾવੋ ਹੋਤਿ। ਤਥਾਗਤਸ੍ਸ, ਭਿਕ੍ਖવੇ, ਪਾਤੁਭਾવਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਇਮੇਸਂ ਸਤ੍ਤਨ੍ਨਂ ਬੋਜ੍ਝਙ੍ਗਰਤਨਾਨਂ ਪਾਤੁਭਾવੋ ਹੋਤੀ’’ਤਿ 5। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤਥਾਗਤਸ੍ਸ ਪਾਤੁਭਾવਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਬ੍ਬੇ ਧਮ੍ਮਾ ਸਤਿਸਮ੍ਬੋਜ੍ਝਙ੍ਗਰਤਨਾવ ਹੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ। ਸਬ੍ਬੇ ਧਮ੍ਮਾ ਸਮ੍ਮਪ੍ਪਧਾਨਾ… ਇਦ੍ਧਿਪਾਦਾ… ਇਨ੍ਦ੍ਰਿਯਾ… ਬਲਾ… ਬੋਜ੍ਝਙ੍ਗਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgaratanassa pātubhāvo hoti, dhammavicayasambojjhaṅgaratanassa pātubhāvo hoti, vīriyasambojjhaṅgaratanassa pātubhāvo hoti, pītisambojjhaṅgaratanassa pātubhāvo hoti, passaddhisambojjhaṅgaratanassa pātubhāvo hoti, samādhisambojjhaṅgaratanassa pātubhāvo hoti, upekkhāsambojjhaṅgaratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti 6. Attheva suttantoti? Āmantā. Tathāgatassa pātubhāvā arahato sammāsambuddhassa sabbe dhammā satisambojjhaṅgaratanāva hontīti? Na hevaṃ vattabbe…pe… sabbe dhammā satipaṭṭhānāti? Āmantā. Sabbe dhammā sammappadhānā… iddhipādā… indriyā… balā… bojjhaṅgāti? Na hevaṃ vattabbe…pe….
ਸਤਿਪਟ੍ਠਾਨਕਥਾ ਨਿਟ੍ਠਿਤਾ।
Satipaṭṭhānakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਸਤਿਪਟ੍ਠਾਨਕਥਾવਣ੍ਣਨਾ • 8. Satipaṭṭhānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੮. ਸਤਿਪਟ੍ਠਾਨਕਥਾવਣ੍ਣਨਾ • 8. Satipaṭṭhānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੮. ਸਤਿਪਟ੍ਠਾਨਕਥਾવਣ੍ਣਨਾ • 8. Satipaṭṭhānakathāvaṇṇanā
