| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৮. সতিপট্ঠানকথাৰণ্ণনা
8. Satipaṭṭhānakathāvaṇṇanā
৩০১. পরমত্থসতিপট্ঠানত্তাতি এতেন লোকুত্তরায এৰ সম্মাসতিযা তত্থাপি মগ্গভূতায নিপ্পরিযাযেন সতিপট্ঠানভাৰো নিয্যানিকত্তা ইতরায পরিযাযেনাতি দস্সেতি। মগ্গফলসম্মাসতিযা ধম্মানুস্সতিভাৰপরিযাযো অত্থীতি ‘‘লোকিযলোকুত্তরসতিপট্ঠানসমুদাযভূতস্সা’’তি ৰুত্তং। সতিসমুদাযভূতস্স ন সতিগোচরভূতস্সাতি অধিপ্পাযো। সতিগোচরস্স হি সতিপট্ঠানতং চোদেতুং পাল়িযং ‘‘চক্খাযতনং সতিপট্ঠান’’ন্তি আরদ্ধং। তেন ৰুত্তং ‘‘সব্বধম্মানং পভেদপুচ্ছাৰসেন ৰুত্ত’’ন্তি। সুত্তসাধনাযং পন পঠমং লোকিযসতিপট্ঠানৰসেন, দুতিযং মিস্সকৰসেন, ততিযং লোকুত্তরৰসেন দস্সিতন্তি ৰেদিতব্বং।
301. Paramatthasatipaṭṭhānattāti etena lokuttarāya eva sammāsatiyā tatthāpi maggabhūtāya nippariyāyena satipaṭṭhānabhāvo niyyānikattā itarāya pariyāyenāti dasseti. Maggaphalasammāsatiyā dhammānussatibhāvapariyāyo atthīti ‘‘lokiyalokuttarasatipaṭṭhānasamudāyabhūtassā’’ti vuttaṃ. Satisamudāyabhūtassa na satigocarabhūtassāti adhippāyo. Satigocarassa hi satipaṭṭhānataṃ codetuṃ pāḷiyaṃ ‘‘cakkhāyatanaṃ satipaṭṭhāna’’nti āraddhaṃ. Tena vuttaṃ ‘‘sabbadhammānaṃ pabhedapucchāvasena vutta’’nti. Suttasādhanāyaṃ pana paṭhamaṃ lokiyasatipaṭṭhānavasena, dutiyaṃ missakavasena, tatiyaṃ lokuttaravasena dassitanti veditabbaṃ.
সতিপট্ঠানকথাৰণ্ণনা নিট্ঠিতা।
Satipaṭṭhānakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / ৮. সতিপট্ঠানকথা • 8. Satipaṭṭhānakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৮. সতিপট্ঠানকথাৰণ্ণনা • 8. Satipaṭṭhānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. সতিপট্ঠানকথাৰণ্ণনা • 8. Satipaṭṭhānakathāvaṇṇanā
