| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. сад̇ибадтаанагат̇ааван̣н̣анаа
8. Satipaṭṭhānakathāvaṇṇanā
301. ид̣̇аани сад̇ибадтаанагат̇аа ход̇и. ‘‘д̇ад̇т̇а – жад̇уннам̣, бхигкавз, сад̇ибадтаанаанам̣ самуд̣̇аяан̃жа ад̇т̇ан̇г̇аман̃жа д̣̇зсзссаамий’’д̇и (сам̣. ни. 5.408) сад̇ибадтаанасам̣яуд̇д̇з вуд̇д̇анаязнзва язсам̣ гааяаад̣̇аяо сад̇ияаа аарамман̣ад̇хаммз г̇ахзд̇ваа ‘‘саб̣б̣з д̇хаммаа сад̇ибадтаанаа’’д̇и лад̣̇д̇хи, сзяяат̇ааби зд̇арахи анд̇хагаанам̣. анд̇хагаа наама буб̣б̣асзлияаа, абарасзлияаа, рааж̇аг̇ирияаа, сид̣̇д̇хад̇т̇игаад̇и имз бажчаа уббаннанигааяаа. д̇зсам̣ лад̣̇д̇хививзжанад̇т̇ам̣ бужчаа сагаваад̣̇исса, бадин̃н̃аа бараваад̣̇исса. д̇ад̇т̇а яасмаа ‘‘бад̇идтаад̇и зд̇зсууд̇и бадтаанаа . гаа бад̇идтаад̇и? сад̇и. сад̇ияаа бадтаанаа сад̇ибадтаанаа’’д̇и иминаа ад̇т̇зна сад̇иг̇ожарааби сад̇ибадтаанаа. ‘‘бад̇идтаханд̇ийд̇и бадтаанаа. гаа бад̇идтаханд̇и? сад̇ияо. сад̇ияова бадтаанаа сад̇ибадтаанаа’’д̇и иминаа ад̇т̇зна сад̇ияова сад̇ибадтаанаа. д̇асмаа д̣̇взби ваад̣̇аа барияааязна яуж̇ж̇анд̇и. яз бана д̇ам̣ барияааяам̣ бахааяа зганд̇знзва ‘‘саб̣б̣з д̇хаммаа сад̇ибадтаанаа’’д̇и вад̣̇анд̇и, д̇з санд̇хааяа бужчаа сагаваад̣̇исса, аарамман̣авасзна бадин̃н̃аа бараваад̣̇исса. саб̣б̣з д̇хаммаа сад̇ийд̇и ануяуд̇д̇асса бана саб̣б̣зсам̣ сад̇исабхааваабхаавад̇о бадигкзбо д̇ассзва. д̇ад̇т̇а каяаг̇аамийд̇иаад̣̇ийни маг̇г̇ависзсанаани. згааяанамаг̇г̇о хи гилзсаанам̣ каяабхууд̇ам̣ ниб̣б̣аанам̣ г̇ажчад̇ийд̇и каяаг̇аамий. жад̇д̇аари сажжаани б̣уж̇жханд̇о г̇ажчад̇ийд̇и б̣од̇хаг̇аамий. ваддам̣ абажинанд̇о г̇ажчад̇ийд̇и абажаяаг̇аамий. звамзд̇зхи бад̣̇зхи ‘‘гим̣ д̇з саб̣б̣з д̇хаммаа зваруубо д̇з згааяано маг̇г̇о ход̇ий’’д̇и бужчад̇и. анаасаваа асам̣яож̇анияаад̇иаад̣̇ийниби логуд̇д̇арабхаавам̣ бужчанад̇т̇ааяа вуд̇д̇аани. б̣уд̣̇д̇хаануссад̇ийд̇иаад̣̇ийни бабхзд̣̇абужчаавасзна вуд̇д̇аани.
301. Idāni satipaṭṭhānakathā hoti. ‘‘Tattha – catunnaṃ, bhikkhave, satipaṭṭhānānaṃ samudayañca atthaṅgamañca desessāmī’’ti (saṃ. ni. 5.408) satipaṭṭhānasaṃyutte vuttanayeneva yesaṃ kāyādayo satiyā ārammaṇadhamme gahetvā ‘‘sabbe dhammā satipaṭṭhānā’’ti laddhi, seyyathāpi etarahi andhakānaṃ. Andhakā nāma pubbaseliyā, aparaseliyā, rājagiriyā, siddhatthikāti ime pacchā uppannanikāyā. Tesaṃ laddhivivecanatthaṃ pucchā sakavādissa, paṭiññā paravādissa. Tattha yasmā ‘‘patiṭṭhāti etesūti paṭṭhānā. Kā patiṭṭhāti? Sati. Satiyā paṭṭhānā satipaṭṭhānā’’ti iminā atthena satigocarāpi satipaṭṭhānā. ‘‘Patiṭṭhahantīti paṭṭhānā. Kā patiṭṭhahanti? Satiyo. Satiyova paṭṭhānā satipaṭṭhānā’’ti iminā atthena satiyova satipaṭṭhānā. Tasmā dvepi vādā pariyāyena yujjanti. Ye pana taṃ pariyāyaṃ pahāya ekanteneva ‘‘sabbe dhammā satipaṭṭhānā’’ti vadanti, te sandhāya pucchā sakavādissa, ārammaṇavasena paṭiññā paravādissa. Sabbe dhammā satīti anuyuttassa pana sabbesaṃ satisabhāvābhāvato paṭikkhepo tasseva. Tattha khayagāmītiādīni maggavisesanāni. Ekāyanamaggo hi kilesānaṃ khayabhūtaṃ nibbānaṃ gacchatīti khayagāmī. Cattāri saccāni bujjhanto gacchatīti bodhagāmī. Vaṭṭaṃ apacinanto gacchatīti apacayagāmī. Evametehi padehi ‘‘kiṃ te sabbe dhammā evarūpo te ekāyano maggo hotī’’ti pucchati. Anāsavā asaṃyojaniyātiādīnipi lokuttarabhāvaṃ pucchanatthāya vuttāni. Buddhānussatītiādīni pabhedapucchāvasena vuttāni.
жагкааяад̇анам̣ сад̇ибадтаананд̇иаад̣̇и саб̣б̣ад̇хаммаанам̣ бабхзд̣̇абужчаавасзна вуд̇д̇ам̣. д̇ад̇т̇ааби сад̇ивасзна бадигкзбо, аарамман̣авасзна бадин̃н̃аад̇и. звам̣ саб̣б̣абан̃хзсу ад̇т̇о взд̣̇ид̇аб̣б̣о. суд̇д̇асаад̇ханаа уд̇д̇аанад̇т̇ааязваад̇и.
Cakkhāyatanaṃsatipaṭṭhānantiādi sabbadhammānaṃ pabhedapucchāvasena vuttaṃ. Tatthāpi sativasena paṭikkhepo, ārammaṇavasena paṭiññāti. Evaṃ sabbapañhesu attho veditabbo. Suttasādhanā uttānatthāyevāti.
сад̇ибадтаанагат̇ааван̣н̣анаа нидтид̇аа.
Satipaṭṭhānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 8. сад̇ибадтаанагат̇аа • 8. Satipaṭṭhānakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. сад̇ибадтаанагат̇ааван̣н̣анаа • 8. Satipaṭṭhānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. сад̇ибадтаанагат̇ааван̣н̣анаа • 8. Satipaṭṭhānakathāvaṇṇanā
