| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
8. сад̇ибадтаанагат̇аа
8. Satipaṭṭhānakathā
сад̇ибадтаанагат̇ааван̣н̣анаа
Satipaṭṭhānakathāvaṇṇanā
34. ид̣̇аани самасийсагат̇аананд̇арам̣ ад̇д̇анаа вуд̇д̇асса ид̣̇д̇хибаадихаарияасса саад̇хагз сад̇д̇а анубассанаависзсз д̣̇ассзнд̇зна гат̇ид̇ааяа суд̇д̇анд̇абуб̣б̣ан̇г̇амааяа сад̇ибадтаанагат̇ааяа абуб̣б̣ад̇т̇аануван̣н̣анаа. д̇ад̇т̇а суд̇д̇анд̇з д̇аава жад̇д̇аарод̇и г̇ан̣анабарижчзд̣̇о, д̇зна на д̇ад̇о хздтаа, на уд̣̇д̇ханд̇и сад̇ибадтаанабарижчзд̣̇ам̣ д̣̇ийбзд̇и. имзд̇и нид̣̇д̣̇исид̇аб̣б̣анид̣̇ассанам̣. бхигкавзд̇и д̇хаммабадиг̇г̇аахагабуг̇г̇алаалабанам̣. сад̇ибадтаанаад̇и д̇аяо сад̇ибадтаанаа сад̇иг̇ожароби, д̇ид̇хаа бадибаннзсу саавагзсу сад̇т̇уно бадигхаанунаяавийд̇ивад̇д̇ад̇ааби, сад̇иби. ‘‘жад̇уннам̣, бхигкавз, сад̇ибадтаанаанам̣ самуд̣̇аяан̃жа ад̇т̇ан̇г̇аман̃жа д̣̇зсзссаамий’’д̇иаад̣̇ийсу (сам̣. ни. 5.408) хи сад̇иг̇ожаро ‘‘сад̇ибадтаана’’нд̇и вуд̇д̇о. д̇ассад̇т̇о – бад̇идтаад̇и д̇асминд̇и бадтаанам̣. гаа бад̇идтаад̇и? сад̇и. сад̇ияаа бадтаанам̣ сад̇ибадтаананд̇и.
34. Idāni samasīsakathānantaraṃ attanā vuttassa iddhipāṭihāriyassa sādhake satta anupassanāvisese dassentena kathitāya suttantapubbaṅgamāya satipaṭṭhānakathāya apubbatthānuvaṇṇanā. Tattha suttante tāva cattāroti gaṇanaparicchedo, tena na tato heṭṭhā, na uddhanti satipaṭṭhānaparicchedaṃ dīpeti. Imeti niddisitabbanidassanaṃ. Bhikkhaveti dhammapaṭiggāhakapuggalālapanaṃ. Satipaṭṭhānāti tayo satipaṭṭhānā satigocaropi, tidhā paṭipannesu sāvakesu satthuno paṭighānunayavītivattatāpi, satipi. ‘‘Catunnaṃ, bhikkhave, satipaṭṭhānānaṃ samudayañca atthaṅgamañca desessāmī’’tiādīsu (saṃ. ni. 5.408) hi satigocaro ‘‘satipaṭṭhāna’’nti vutto. Tassattho – patiṭṭhāti tasminti paṭṭhānaṃ. Kā patiṭṭhāti? Sati. Satiyā paṭṭhānaṃ satipaṭṭhānanti.
‘‘д̇аяо сад̇ибадтаанаа яад̣̇арияо сзвад̇и, яад̣̇арияо сзвамаано сад̇т̇аа г̇ан̣аманусаасид̇умарахад̇ий’’д̇и (ма. ни. 3.304, 311) зд̇т̇а д̇ид̇хаа бадибаннзсу саавагзсу сад̇т̇уно бадигхаанунаяавийд̇ивад̇д̇ад̇аа ‘‘сад̇ибадтаана’’нд̇и вуд̇д̇аа. д̇ассад̇т̇о – бадтабзд̇аб̣б̣ад̇о бадтаанам̣, бавад̇д̇аяид̇аб̣б̣ад̇од̇и ад̇т̇о. гзна бадтабзд̇аб̣б̣ад̇од̇и? сад̇ияаа. сад̇ияаа бадтаанам̣ сад̇ибадтаананд̇и. ‘‘жад̇д̇ааро сад̇ибадтаанаа бхаавид̇аа б̣ахулийгад̇аа сад̇д̇а б̣ож̇жхан̇г̇з барибуурзнд̇ий’’д̇иаад̣̇ийсу (ма. ни. 3.147) бана сад̇иязва ‘‘сад̇ибадтаана’’нд̇и вуд̇д̇аа. д̇ассад̇т̇о – бад̇идтаад̇ийд̇и бадтаанам̣, убадтаад̇и огганд̣̇ид̇ваа багканд̣̇ид̇ваа вад̇д̇ад̇ийд̇и ад̇т̇о. сад̇иязва бадтаанам̣ сад̇ибадтаанам̣. ат̇а ваа саран̣адтзна сад̇и, убадтаанадтзна убадтаанам̣. ид̇и сад̇и жа саа убадтаанан̃жаад̇иби сад̇ибадтаанам̣. ид̣̇амид̇ха ад̇хиббзд̇ам̣. яад̣̇и звам̣ гасмаа сад̇ибадтаанаад̇и б̣ахуважанам̣ гад̇анд̇и? сад̇иб̣ахуд̇д̇аа. аарамман̣абхзд̣̇зна хи б̣ахугаа д̇аа сад̇ияод̇и.
‘‘Tayo satipaṭṭhānā yadariyo sevati, yadariyo sevamāno satthā gaṇamanusāsitumarahatī’’ti (ma. ni. 3.304, 311) ettha tidhā paṭipannesu sāvakesu satthuno paṭighānunayavītivattatā ‘‘satipaṭṭhāna’’nti vuttā. Tassattho – paṭṭhapetabbato paṭṭhānaṃ, pavattayitabbatoti attho. Kena paṭṭhapetabbatoti? Satiyā. Satiyā paṭṭhānaṃ satipaṭṭhānanti. ‘‘Cattāro satipaṭṭhānā bhāvitā bahulīkatā satta bojjhaṅge paripūrentī’’tiādīsu (ma. ni. 3.147) pana satiyeva ‘‘satipaṭṭhāna’’nti vuttā. Tassattho – patiṭṭhātīti paṭṭhānaṃ, upaṭṭhāti okkanditvā pakkhanditvā vattatīti attho. Satiyeva paṭṭhānaṃ satipaṭṭhānaṃ. Atha vā saraṇaṭṭhena sati, upaṭṭhānaṭṭhena upaṭṭhānaṃ. Iti sati ca sā upaṭṭhānañcātipi satipaṭṭhānaṃ. Idamidha adhippetaṃ. Yadi evaṃ kasmā satipaṭṭhānāti bahuvacanaṃ katanti? Satibahuttā. Ārammaṇabhedena hi bahukā tā satiyoti.
гад̇амз жад̇д̇аарод̇и гат̇зд̇угамяад̇аабужчаа. ид̇хаад̇и имасмим̣ саасанз. бхигкууд̇и сам̣саарз бхаяам̣ игкад̇ийд̇и бхигку. сзсабад̣̇аанам̣ ад̇т̇аван̣н̣анаа банзд̇т̇а суд̇амаяан̃аан̣агат̇ааяа маг̇г̇асажжанид̣̇д̣̇зсаван̣н̣анааяам̣ вуд̇д̇ааязваад̇и.
Katame cattāroti kathetukamyatāpucchā. Idhāti imasmiṃ sāsane. Bhikkhūti saṃsāre bhayaṃ ikkhatīti bhikkhu. Sesapadānaṃ atthavaṇṇanā panettha sutamayañāṇakathāya maggasaccaniddesavaṇṇanāyaṃ vuttāyevāti.
гасмаа бана бхаг̇авад̇аа жад̇д̇аарова сад̇ибадтаанаа вуд̇д̇аа ануунаа анад̇хигаад̇и? взнзяяахид̇ад̇д̇аа. д̇ан̣хаажарид̇ад̣̇идтижарид̇асамат̇аяаанигавибассанааяаанигзсу хи манд̣̇ад̇игкавасзна д̣̇взд̇хаа д̣̇взд̇хаа бавад̇д̇зсу манд̣̇асса д̇ан̣хаажарид̇асса ол̣ааригам̣ гааяаанубассанаасад̇ибадтаанам̣ висуд̣̇д̇химаг̇г̇о, д̇игкасса сукумам̣ взд̣̇анаанубассанаасад̇ибадтаанам̣. д̣̇идтижарид̇ассааби манд̣̇асса наад̇иббабхзд̣̇аг̇ад̇ам̣ жид̇д̇аанубассанаасад̇ибадтаанам̣ висуд̣̇д̇химаг̇г̇о, д̇игкасса ад̇иббабхзд̣̇аг̇ад̇ам̣ д̇хаммаанубассанаасад̇ибадтаанам̣. самат̇аяаанигасса жа манд̣̇асса агижчзна ад̇хиг̇анд̇аб̣б̣анимид̇д̇ам̣ батамам̣ сад̇ибадтаанам̣ висуд̣̇д̇химаг̇г̇о, д̇игкасса ол̣ааригаарамман̣з асан̣таханад̇о д̣̇уд̇ияам̣. вибассанааяаанигассаби манд̣̇асса наад̇иббабхзд̣̇аг̇ад̇аарамман̣ам̣ д̇ад̇ияам̣, д̇игкасса ад̇иббабхзд̣̇аг̇ад̇аарамман̣ам̣ жад̇уд̇т̇ам̣. ид̇и жад̇д̇аарова вуд̇д̇аа ануунаа анад̇хигаад̇и.
Kasmā pana bhagavatā cattārova satipaṭṭhānā vuttā anūnā anadhikāti? Veneyyahitattā. Taṇhācaritadiṭṭhicaritasamathayānikavipassanāyānikesu hi mandatikkhavasena dvedhā dvedhā pavattesu mandassa taṇhācaritassa oḷārikaṃ kāyānupassanāsatipaṭṭhānaṃ visuddhimaggo, tikkhassa sukhumaṃ vedanānupassanāsatipaṭṭhānaṃ. Diṭṭhicaritassāpi mandassa nātippabhedagataṃ cittānupassanāsatipaṭṭhānaṃ visuddhimaggo, tikkhassa atippabhedagataṃ dhammānupassanāsatipaṭṭhānaṃ. Samathayānikassa ca mandassa akicchena adhigantabbanimittaṃ paṭhamaṃ satipaṭṭhānaṃ visuddhimaggo, tikkhassa oḷārikārammaṇe asaṇṭhahanato dutiyaṃ. Vipassanāyānikassapi mandassa nātippabhedagatārammaṇaṃ tatiyaṃ, tikkhassa atippabhedagatārammaṇaṃ catutthaṃ. Iti cattārova vuttā anūnā anadhikāti.
субхасуканижжаад̇д̇авибаллаасаббахаанад̇т̇ам̣ ваа. гааяо хи асубхо, д̇ад̇т̇а жа субхавибаллаасавибаллад̇т̇аа сад̇д̇аа. д̇зсам̣ д̇ад̇т̇а асубхабхаавад̣̇ассанзна д̇асса вибаллаасасса бахаанад̇т̇ам̣ батамам̣ сад̇ибадтаанам̣ вуд̇д̇ам̣. сукам̣ нижжам̣ ад̇д̇аад̇и г̇ахид̇зсуби жа взд̣̇анаад̣̇ийсу взд̣̇анаа д̣̇угкаа, жид̇д̇ам̣ анижжам̣, д̇хаммаа анад̇д̇аа, д̇зсу жа суканижжаад̇д̇авибаллаасавибаллад̇т̇аа сад̇д̇аа. д̇зсам̣ д̇ад̇т̇а д̣̇угкаад̣̇ибхаавад̣̇ассанзна д̇зсам̣ вибаллаасаанам̣ бахаанад̇т̇ам̣ сзсаани д̇ийн̣и вуд̇д̇аанийд̇и звам̣ субхасуканижжаад̇д̇авибаллаасаббахаанад̇т̇ам̣ ваа жад̇д̇аарова вуд̇д̇аа. на гзвалан̃жа вибаллаасаббахаанад̇т̇амзва, жад̇урогхаяог̇аасаваг̇ант̇аубаад̣̇аанааг̇ад̇иббахаанад̇т̇амби жад̇уб̣б̣ид̇хаахаарабарин̃н̃ад̇т̇амби жад̇д̇аарова вуд̇д̇аад̇и взд̣̇ид̇аб̣б̣ам̣.
Subhasukhaniccaattavipallāsappahānatthaṃ vā. Kāyo hi asubho, tattha ca subhavipallāsavipallatthā sattā. Tesaṃ tattha asubhabhāvadassanena tassa vipallāsassa pahānatthaṃ paṭhamaṃ satipaṭṭhānaṃ vuttaṃ. Sukhaṃ niccaṃ attāti gahitesupi ca vedanādīsu vedanā dukkhā, cittaṃ aniccaṃ, dhammā anattā, tesu ca sukhaniccaattavipallāsavipallatthā sattā. Tesaṃ tattha dukkhādibhāvadassanena tesaṃ vipallāsānaṃ pahānatthaṃ sesāni tīṇi vuttānīti evaṃ subhasukhaniccaattavipallāsappahānatthaṃ vā cattārova vuttā. Na kevalañca vipallāsappahānatthameva, caturoghayogāsavaganthaupādānaagatippahānatthampi catubbidhāhārapariññatthampi cattārova vuttāti veditabbaṃ.
35. (га) суд̇д̇анд̇анид̣̇д̣̇зсз бат̇авийгааяанд̇и имасмим̣ руубагааяз бат̇авийд̇хаад̇у. сагаласарийрз бана бат̇авийд̇хаад̇уунам̣ б̣ахугад̇д̇аа саб̣б̣абат̇авийд̇хаад̇усан̇г̇ахад̇т̇ам̣ самуухад̇т̇зна гааяаг̇г̇ахан̣ам̣ гад̇ам̣. аабогааяаад̣̇ийсуби зсзва наяо. гзсагааяаад̣̇ийнамби б̣ахугад̇д̇аа гзсагааяаад̣̇иг̇ахан̣ам̣ гад̇ам̣. ваггаад̣̇ийни бана барижчиннад̇д̇аа гааяаг̇г̇ахан̣ам̣ наараханд̇ийд̇и д̇зсам̣ г̇ахан̣ам̣ на гад̇анд̇и взд̣̇ид̇аб̣б̣ам̣.
35. (Ka) suttantaniddese pathavīkāyanti imasmiṃ rūpakāye pathavīdhātu. Sakalasarīre pana pathavīdhātūnaṃ bahukattā sabbapathavīdhātusaṅgahatthaṃ samūhatthena kāyaggahaṇaṃ kataṃ. Āpokāyādīsupi eseva nayo. Kesakāyādīnampi bahukattā kesakāyādigahaṇaṃ kataṃ. Vakkādīni pana paricchinnattā kāyaggahaṇaṃ nārahantīti tesaṃ gahaṇaṃ na katanti veditabbaṃ.
(ка) сукам̣ взд̣̇ананд̇иаад̣̇ийсу сукам̣ взд̣̇ананд̇и гааяигам̣ ваа жзд̇асигам̣ ваа сукам̣ взд̣̇анам̣. д̇ат̇аа д̣̇угкам̣ взд̣̇анам̣. ад̣̇угкамасукам̣ взд̣̇ананд̇и бана жзд̇асигамзва убзгкаавзд̣̇анам̣. саамисам̣ сукам̣ взд̣̇ананд̇и ча г̇зхасид̇асоманассавзд̣̇анаа. нираамисам̣ сукам̣ взд̣̇ананд̇и ча нзгкаммасид̇асоманассавзд̣̇анаа . саамисам̣ д̣̇угкам̣ взд̣̇ананд̇и ча г̇зхасид̇ад̣̇оманассавзд̣̇анаа. нираамисам̣ д̣̇угкам̣ взд̣̇ананд̇и ча нзгкаммасид̇ад̣̇оманассавзд̣̇анаа. саамисам̣ ад̣̇угкамасукам̣ взд̣̇ананд̇и ча г̇зхасид̇аубзгкаавзд̣̇анаа. нираамисам̣ ад̣̇угкамасукам̣ взд̣̇ананд̇и ча нзгкаммасид̇аубзгкаавзд̣̇анаа.
(Kha) sukhaṃvedanantiādīsu sukhaṃ vedananti kāyikaṃ vā cetasikaṃ vā sukhaṃ vedanaṃ. Tathā dukkhaṃ vedanaṃ. Adukkhamasukhaṃ vedananti pana cetasikameva upekkhāvedanaṃ. Sāmisaṃ sukhaṃ vedananti cha gehasitasomanassavedanā. Nirāmisaṃ sukhaṃ vedananti cha nekkhammasitasomanassavedanā . Sāmisaṃ dukkhaṃ vedananti cha gehasitadomanassavedanā. Nirāmisaṃ dukkhaṃ vedananti cha nekkhammasitadomanassavedanā. Sāmisaṃ adukkhamasukhaṃ vedananti cha gehasitaupekkhāvedanā. Nirāmisaṃ adukkhamasukhaṃ vedananti cha nekkhammasitaupekkhāvedanā.
(г̇а) сарааг̇ам̣ жид̇д̇анд̇иаад̣̇ийни н̃аан̣агат̇ааяам̣ вуд̇д̇ад̇т̇аани.
(Ga) sarāgaṃ cittantiādīni ñāṇakathāyaṃ vuttatthāni.
(гха) д̇ад̣̇авасзсз д̇хаммзд̇и д̇зхи гааяавзд̣̇анаажид̇д̇зхи авасзсз д̇збхуумагад̇хаммз. саб̣б̣ад̇т̇а д̇зна н̃аан̣знаад̇и д̇зна сад̇д̇авид̇хзна анубассанаан̃аан̣зна. яаани банзд̇т̇а анд̇аранд̇араа авуд̇д̇ад̇т̇аани, д̇аани хздтаа д̇ад̇т̇а д̇ад̇т̇а вуд̇д̇ад̇т̇аанзваад̇и.
(Gha) tadavasese dhammeti tehi kāyavedanācittehi avasese tebhūmakadhamme. Sabbattha tena ñāṇenāti tena sattavidhena anupassanāñāṇena. Yāni panettha antarantarā avuttatthāni, tāni heṭṭhā tattha tattha vuttatthānevāti.
сад̇ибадтаанагат̇ааван̣н̣анаа нидтид̇аа.
Satipaṭṭhānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 8. сад̇ибадтаанагат̇аа • 8. Satipaṭṭhānakathā
