| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൮. സതിപട്ഠാനകഥാവണ്ണനാ
8. Satipaṭṭhānakathāvaṇṇanā
൩൦൧. പരമത്ഥസതിപട്ഠാനത്താതി ഏതേന ലോകുത്തരായ ഏവ സമ്മാസതിയാ തത്ഥാപി മഗ്ഗഭൂതായ നിപ്പരിയായേന സതിപട്ഠാനഭാവോ നിയ്യാനികത്താ ഇതരായ പരിയായേനാതി ദസ്സേതി. മഗ്ഗഫലസമ്മാസതിയാ ധമ്മാനുസ്സതിഭാവപരിയായോ അത്ഥീതി ‘‘ലോകിയലോകുത്തരസതിപട്ഠാനസമുദായഭൂതസ്സാ’’തി വുത്തം. സതിസമുദായഭൂതസ്സ ന സതിഗോചരഭൂതസ്സാതി അധിപ്പായോ. സതിഗോചരസ്സ ഹി സതിപട്ഠാനതം ചോദേതും പാളിയം ‘‘ചക്ഖായതനം സതിപട്ഠാന’’ന്തി ആരദ്ധം. തേന വുത്തം ‘‘സബ്ബധമ്മാനം പഭേദപുച്ഛാവസേന വുത്ത’’ന്തി. സുത്തസാധനായം പന പഠമം ലോകിയസതിപട്ഠാനവസേന, ദുതിയം മിസ്സകവസേന, തതിയം ലോകുത്തരവസേന ദസ്സിതന്തി വേദിതബ്ബം.
301. Paramatthasatipaṭṭhānattāti etena lokuttarāya eva sammāsatiyā tatthāpi maggabhūtāya nippariyāyena satipaṭṭhānabhāvo niyyānikattā itarāya pariyāyenāti dasseti. Maggaphalasammāsatiyā dhammānussatibhāvapariyāyo atthīti ‘‘lokiyalokuttarasatipaṭṭhānasamudāyabhūtassā’’ti vuttaṃ. Satisamudāyabhūtassa na satigocarabhūtassāti adhippāyo. Satigocarassa hi satipaṭṭhānataṃ codetuṃ pāḷiyaṃ ‘‘cakkhāyatanaṃ satipaṭṭhāna’’nti āraddhaṃ. Tena vuttaṃ ‘‘sabbadhammānaṃ pabhedapucchāvasena vutta’’nti. Suttasādhanāyaṃ pana paṭhamaṃ lokiyasatipaṭṭhānavasena, dutiyaṃ missakavasena, tatiyaṃ lokuttaravasena dassitanti veditabbaṃ.
സതിപട്ഠാനകഥാവണ്ണനാ നിട്ഠിതാ.
Satipaṭṭhānakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / ൮. സതിപട്ഠാനകഥാ • 8. Satipaṭṭhānakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. സതിപട്ഠാനകഥാവണ്ണനാ • 8. Satipaṭṭhānakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. സതിപട്ഠാനകഥാവണ്ണനാ • 8. Satipaṭṭhānakathāvaṇṇanā
