| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
2. сад̇ибадтаанавааро
2. Satipaṭṭhānavāro
31. ‘‘‘аяам̣ гааяз гааяаанубассанаа’д̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и. саа ко банааяам̣ гааяз гааяаанубассанаа бхаавзд̇аб̣б̣аад̇и мз, бхигкавз,…бз… бхаавид̇аад̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и’’.
31. ‘‘‘Ayaṃ kāye kāyānupassanā’ti me, bhikkhave, pubbe ananussutesu dhammesu cakkhuṃ udapādi…pe… āloko udapādi. Sā kho panāyaṃ kāye kāyānupassanā bhāvetabbāti me, bhikkhave,…pe… bhāvitāti me, bhikkhave, pubbe ananussutesu dhammesu cakkhuṃ udapādi…pe… āloko udapādi’’.
‘‘аяам̣ взд̣̇анаасу…бз… аяам̣ жид̇д̇з…бз… аяам̣ д̇хаммзсу д̇хаммаанубассанаад̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и. саа ко банааяам̣ д̇хаммзсу д̇хаммаанубассанаа бхаавзд̇аб̣б̣аа д̇и…бз… бхаавид̇аад̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и’’.
‘‘Ayaṃ vedanāsu…pe… ayaṃ citte…pe… ayaṃ dhammesu dhammānupassanāti me, bhikkhave, pubbe ananussutesu dhammesu cakkhuṃ udapādi…pe… āloko udapādi. Sā kho panāyaṃ dhammesu dhammānupassanā bhāvetabbā ti…pe… bhāvitāti me, bhikkhave, pubbe ananussutesu dhammesu cakkhuṃ udapādi…pe… āloko udapādi’’.
[га] ‘‘‘аяам̣ гааяз гааяаанубассанаа’д̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и…бз… саа ко банааяам̣ гааяз гааяаанубассанаа бхаавзд̇аб̣б̣аад̇и…бз… бхаавид̇аад̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и’’.
[Ka] ‘‘‘ayaṃ kāye kāyānupassanā’ti pubbe ananussutesu dhammesu cakkhuṃ udapādi…pe… āloko udapādi…pe… sā kho panāyaṃ kāye kāyānupassanā bhāvetabbāti…pe… bhāvitāti pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’.
жагкум̣ уд̣̇абаад̣̇ийд̇и – гзнадтзна? н̃аан̣ам̣ уд̣̇абаад̣̇ийд̇и – гзнадтзна? бан̃н̃аа уд̣̇абаад̣̇ийд̇и – гзнадтзна? виж̇ж̇аа уд̣̇абаад̣̇ийд̇и – гзнадтзна? аалого уд̣̇абаад̣̇ийд̇и – гзнадтзна? жагкум̣ уд̣̇абаад̣̇ийд̇и – д̣̇ассанадтзна. н̃аан̣ам̣ уд̣̇абаад̣̇ийд̇и – н̃аад̇адтзна. бан̃н̃аа уд̣̇абаад̣̇ийд̇и – баж̇аананадтзна. виж̇ж̇аа уд̣̇абаад̣̇ийд̇и – бадивзд̇хадтзна. аалого уд̣̇абаад̣̇ийд̇и – обхаасадтзна.
Cakkhuṃ udapādīti – kenaṭṭhena? Ñāṇaṃ udapādīti – kenaṭṭhena? Paññā udapādīti – kenaṭṭhena? Vijjā udapādīti – kenaṭṭhena? Āloko udapādīti – kenaṭṭhena? Cakkhuṃ udapādīti – dassanaṭṭhena. Ñāṇaṃ udapādīti – ñātaṭṭhena. Paññāudapādīti – pajānanaṭṭhena. Vijjā udapādīti – paṭivedhaṭṭhena. Āloko udapādīti – obhāsaṭṭhena.
жагкум̣ д̇хаммо, н̃аан̣ам̣ д̇хаммо, бан̃н̃аа д̇хаммо, виж̇ж̇аа д̇хаммо, аалого д̇хаммо. имз бан̃жа д̇хаммаа д̇хаммабадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘д̇хаммзсу н̃аан̣ам̣ д̇хаммабадисамбхид̣̇аа’’.
Cakkhuṃ dhammo, ñāṇaṃ dhammo, paññā dhammo, vijjā dhammo, āloko dhammo. Ime pañca dhammā dhammapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘dhammesu ñāṇaṃ dhammapaṭisambhidā’’.
д̣̇ассанадто ад̇т̇о, н̃аад̇адто ад̇т̇о, баж̇аананадто ад̇т̇о, бадивзд̇хадто ад̇т̇о, обхаасадто ад̇т̇о. имз бан̃жа ад̇т̇аа ад̇т̇абадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘ад̇т̇зсу н̃аан̣ам̣ ад̇т̇абадисамбхид̣̇аа’’.
Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho. Ime pañca atthā atthapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘atthesu ñāṇaṃ atthapaṭisambhidā’’.
бан̃жа д̇хаммз санд̣̇ассзд̇ум̣ б̣яан̃ж̇ананируд̇д̇аабхилаабаа, бан̃жа ад̇т̇з санд̣̇ассзд̇ум̣ б̣яан̃ж̇ананируд̇д̇аабхилаабаа . имаа д̣̇аса нируд̇д̇ияо нируд̇д̇ибадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘нируд̇д̇ийсу н̃аан̣ам̣ нируд̇д̇ибадисамбхид̣̇аа’’.
Pañca dhamme sandassetuṃ byañjananiruttābhilāpā, pañca atthe sandassetuṃ byañjananiruttābhilāpā . Imā dasa niruttiyo niruttipaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘niruttīsu ñāṇaṃ niruttipaṭisambhidā’’.
бан̃жасу д̇хаммзсу н̃аан̣аани, бан̃жасу ад̇т̇зсу н̃аан̣аани, д̣̇асасу нируд̇д̇ийсу н̃аан̣аани. имаани вийсад̇и н̃аан̣аани бадибхаанабадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘бадибхаанзсу н̃аан̣ам̣ бадибхаанабадисамбхид̣̇аа’’.
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni. Imāni vīsati ñāṇāni paṭibhānapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘paṭibhānesu ñāṇaṃ paṭibhānapaṭisambhidā’’.
гааяз гааяаанубассанаасад̇ибадтаанз баннараса д̇хаммаа, баннараса ад̇т̇аа, д̇им̣са нируд̇д̇ияо, садти н̃аан̣аани.
Kāye kāyānupassanāsatipaṭṭhāne pannarasa dhammā, pannarasa atthā, tiṃsa niruttiyo, saṭṭhi ñāṇāni.
[ка-гха] ‘‘аяам̣ взд̣̇анаасу…бз… аяам̣ жид̇д̇з…бз… аяам̣ д̇хаммзсу д̇хаммаанубассанаад̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и…бз… саа ко банааяам̣ д̇хаммзсу д̇хаммаанубассанаа бхаавзд̇аб̣б̣аа д̇и…бз… бхаавид̇аад̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и…бз…’’.
[Kha-gha] ‘‘ayaṃ vedanāsu…pe… ayaṃ citte…pe… ayaṃ dhammesu dhammānupassanāti pubbe ananussutesu dhammesu cakkhuṃ udapādi…pe… āloko udapādi…pe… sā kho panāyaṃ dhammesu dhammānupassanā bhāvetabbā ti…pe… bhāvitāti pubbe ananussutesu dhammesu cakkhuṃ udapādi…pe… āloko udapādi…pe…’’.
д̇хаммзсу д̇хаммаанубассанаа сад̇ибадтаанз баннараса д̇хаммаа, баннараса ад̇т̇аа, д̇им̣са нируд̇д̇ияо, садти н̃аан̣аани.
Dhammesu dhammānupassanā satipaṭṭhāne pannarasa dhammā, pannarasa atthā, tiṃsa niruttiyo, saṭṭhi ñāṇāni.
жад̇уусу сад̇ибадтаанзсу садти д̇хаммаа, садти ад̇т̇аа, вийсад̇исад̇анируд̇д̇ияо, жад̇д̇аалийсан̃жа д̣̇вз жа н̃аан̣асад̇аани.
Catūsu satipaṭṭhānesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2-3. сад̇ибадтаанаваараад̣̇иван̣н̣анаа • 2-3. Satipaṭṭhānavārādivaṇṇanā
