| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਸਤਿਪਟ੍ਠਾਨવਾਰੋ
2. Satipaṭṭhānavāro
੪੧. ‘‘‘ਅਯਂ ਕਾਯੇ ਕਾਯਾਨੁਪਸ੍ਸਨਾ’ਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ। ਸਾ ਖੋ ਪਨਾਯਂ ਕਾਯੇ ਕਾਯਾਨੁਪਸ੍ਸਨਾ ਭਾવੇਤਬ੍ਬਾਤਿ ਮੇ, ਭਿਕ੍ਖવੇ,…ਪੇ॰… ਭਾવਿਤਾਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ’’।
41. ‘‘‘Ayaṃ kāye kāyānupassanā’ti me, bhikkhave, pubbe ananussutesu dhammesu cakkhuṃ udapādi…pe… āloko udapādi. Sā kho panāyaṃ kāye kāyānupassanā bhāvetabbāti me, bhikkhave,…pe… bhāvitāti me, bhikkhave, pubbe ananussutesu dhammesu cakkhuṃ udapādi…pe… āloko udapādi’’.
‘‘ਅਯਂ વੇਦਨਾਸੁ…ਪੇ॰… ਅਯਂ ਚਿਤ੍ਤੇ… ਅਯਂ ਧਮ੍ਮੇਸੁ ਧਮ੍ਮਾਨੁਪਸ੍ਸਨਾਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ। ਸਾ ਖੋ ਪਨਾਯਂ ਧਮ੍ਮੇਸੁ ਧਮ੍ਮਾਨੁਪਸ੍ਸਨਾ ਭਾવੇਤਬ੍ਬਾਤਿ ਮੇ, ਭਿਕ੍ਖવੇ…ਪੇ॰… ਭਾવਿਤਾਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ’’।
‘‘Ayaṃ vedanāsu…pe… ayaṃ citte… ayaṃ dhammesu dhammānupassanāti me, bhikkhave, pubbe ananussutesu dhammesu cakkhuṃ udapādi…pe… āloko udapādi. Sā kho panāyaṃ dhammesu dhammānupassanā bhāvetabbāti me, bhikkhave…pe… bhāvitāti me, bhikkhave, pubbe ananussutesu dhammesu cakkhuṃ udapādi…pe… āloko udapādi’’.
ਅਯਂ ਕਾਯੇ ਕਾਯਾਨੁਪਸ੍ਸਨਾਤਿ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ…ਪੇ॰… ਸਾ ਖੋ ਪਨਾਯਂ ਕਾਯੇ ਕਾਯਾਨੁਪਸ੍ਸਨਾ ਭਾવੇਤਬ੍ਬਾਤਿ…ਪੇ॰… ਭਾવਿਤਾਤਿ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ।
Ayaṃ kāye kāyānupassanāti pubbe ananussutesu dhammesu cakkhuṃ udapādi…pe… āloko udapādi…pe… sā kho panāyaṃ kāye kāyānupassanā bhāvetabbāti…pe… bhāvitāti pubbe ananussutesu dhammesu cakkhuṃ udapādi…pe… āloko udapādi.
ਚਕ੍ਖੁਂ ਉਦਪਾਦੀਤਿ – ਕੇਨਟ੍ਠੇਨ…ਪੇ॰… ਆਲੋਕੋ ਉਦਪਾਦੀਤਿ – ਕੇਨਟ੍ਠੇਨ? ਚਕ੍ਖੁਂ ਉਦਪਾਦੀਤਿ – ਦਸ੍ਸਨਟ੍ਠੇਨ…ਪੇ॰… ਆਲੋਕੋ ਉਦਪਾਦੀਤਿ – ਓਭਾਸਟ੍ਠੇਨ।
Cakkhuṃ udapādīti – kenaṭṭhena…pe… āloko udapādīti – kenaṭṭhena? Cakkhuṃ udapādīti – dassanaṭṭhena…pe… āloko udapādīti – obhāsaṭṭhena.
ਚਕ੍ਖੁਂ ਧਮ੍ਮੋ, ਦਸ੍ਸਨਟ੍ਠੋ ਅਤ੍ਥੋ…ਪੇ॰… ਆਲੋਕੋ ਧਮ੍ਮੋ, ਓਭਾਸਟ੍ਠੋ ਅਤ੍ਥੋ। ਇਮੇ ਪਞ੍ਚ ਧਮ੍ਮਾ ਪਞ੍ਚ ਅਤ੍ਥਾ ਕਾਯવਤ੍ਥੁਕਾ ਸਤਿਪਟ੍ਠਾਨવਤ੍ਥੁਕਾ…ਪੇ॰… વੇਦਨਾવਤ੍ਥੁਕਾ ਸਤਿਪਟ੍ਠਾਨવਤ੍ਥੁਕਾ… ਚਿਤ੍ਤવਤ੍ਥੁਕਾ ਸਤਿਪਟ੍ਠਾਨવਤ੍ਥੁਕਾ… ਧਮ੍ਮવਤ੍ਥੁਕਾ ਸਤਿਪਟ੍ਠਾਨવਤ੍ਥੁਕਾ ਸਤਿਪਟ੍ਠਾਨਾਰਮ੍ਮਣਾ ਸਤਿਪਟ੍ਠਾਨਗੋਚਰਾ ਸਤਿਪਟ੍ਠਾਨਸਙ੍ਗਹਿਤਾ ਸਤਿਪਟ੍ਠਾਨਪਰਿਯਾਪਨ੍ਨਾ ਸਤਿਪਟ੍ਠਾਨੇ ਸਮੁਦਾਗਤਾ ਸਤਿਪਟ੍ਠਾਨੇ ਠਿਤਾ ਸਤਿਪਟ੍ਠਾਨੇ ਪਤਿਟ੍ਠਿਤਾ।
Cakkhuṃ dhammo, dassanaṭṭho attho…pe… āloko dhammo, obhāsaṭṭho attho. Ime pañca dhammā pañca atthā kāyavatthukā satipaṭṭhānavatthukā…pe… vedanāvatthukā satipaṭṭhānavatthukā… cittavatthukā satipaṭṭhānavatthukā… dhammavatthukā satipaṭṭhānavatthukā satipaṭṭhānārammaṇā satipaṭṭhānagocarā satipaṭṭhānasaṅgahitā satipaṭṭhānapariyāpannā satipaṭṭhāne samudāgatā satipaṭṭhāne ṭhitā satipaṭṭhāne patiṭṭhitā.
ਧਮ੍ਮਚਕ੍ਕਨ੍ਤਿ ਕੇਨਟ੍ਠੇਨ ਧਮ੍ਮਚਕ੍ਕਂ? ਧਮ੍ਮਞ੍ਚ ਪવਤ੍ਤੇਤਿ ਚਕ੍ਕਞ੍ਚਾਤਿ – ਧਮ੍ਮਚਕ੍ਕਂ। ਚਕ੍ਕਞ੍ਚ ਪવਤ੍ਤੇਤਿ ਧਮ੍ਮਞ੍ਚਾਤਿ – ਧਮ੍ਮਚਕ੍ਕਂ। ਧਮ੍ਮੇਨ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮਚਰਿਯਾਯ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਠਿਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਪਤਿਟ੍ਠਿਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ …ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਧਮ੍ਮੋ। ਤਂ ਧਮ੍ਮਂ ਪવਤ੍ਤੇਤੀਤਿ – ਧਮ੍ਮਚਕ੍ਕਂ।
Dhammacakkanti kenaṭṭhena dhammacakkaṃ? Dhammañca pavatteti cakkañcāti – dhammacakkaṃ. Cakkañca pavatteti dhammañcāti – dhammacakkaṃ. Dhammena pavattetīti – dhammacakkaṃ. Dhammacariyāya pavattetīti – dhammacakkaṃ. Dhamme ṭhito pavattetīti – dhammacakkaṃ. Dhamme patiṭṭhito pavattetīti – dhammacakkaṃ …pe… amatogadhaṃ nibbānaṃ pariyosānaṭṭhena dhammo. Taṃ dhammaṃ pavattetīti – dhammacakkaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨-੩. ਸਤਿਪਟ੍ਠਾਨવਾਰਾਦਿવਣ੍ਣਨਾ • 2-3. Satipaṭṭhānavārādivaṇṇanā
