| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
7. сад̇ибадтаанавибхан̇г̇о
7. Satipaṭṭhānavibhaṅgo
1. суд̇д̇анд̇абхааж̇анийяам̣
1. Suttantabhājanīyaṃ
уд̣̇д̣̇зсаваараван̣н̣анаа
Uddesavāravaṇṇanā
355. самаанасад̣̇д̣̇аважанийяаанам̣ ад̇т̇аанам̣ уд̣̇д̇харан̣ам̣ ад̇т̇уд̣̇д̇хааро. со яасмаа сад̣̇д̣̇ад̇т̇авижааро на ход̇и, д̇асмаа вуд̇д̇ам̣ ‘‘на ид̇ха…бз… ад̇т̇ад̣̇ассана’’нд̇и. ба-сад̣̇д̣̇о бад̇хаанад̇т̇ад̣̇ийбаго ‘‘бан̣ийд̇аа д̇хаммаа’’д̇иаад̣̇ийсу (д̇ха. са. д̇игамаад̇игаа 14) вияа.
355. Samānasaddavacanīyānaṃ atthānaṃ uddharaṇaṃ atthuddhāro. So yasmā saddatthavicāro na hoti, tasmā vuttaṃ ‘‘na idha…pe… atthadassana’’nti. Pa-saddo padhānatthadīpako ‘‘paṇītā dhammā’’tiādīsu (dha. sa. tikamātikā 14) viya.
анавассуд̇ад̇аа анубагилидтад̇аа. д̇знааха ‘‘д̇ад̣̇убхаяавийд̇ивад̇д̇ад̇аа’’д̇и.
Anavassutatā anupakiliṭṭhatā. Tenāha ‘‘tadubhayavītivattatā’’ti.
бхусад̇т̇ам̣ багканд̣̇ананд̇и бхусад̇т̇ависидтам̣ багканд̣̇анам̣ анубависанам̣.
Bhusatthaṃ pakkhandananti bhusatthavisiṭṭhaṃ pakkhandanaṃ anupavisanaṃ.
ассаад̣̇ассаад̇и д̇ан̣хааяа. ‘‘нижжам̣ ад̇д̇аа’’д̇и абхинивзсавад̇т̇уд̇ааяа д̣̇идтияаа висзсагааран̣аанам̣ жид̇д̇ад̇хаммаанам̣ д̇ан̣хааяаби вад̇т̇убхаавад̇о висзсаг̇г̇ахан̣ам̣, д̇ат̇аа гааяавзд̣̇анаанам̣ д̣̇идтияааби вад̇т̇убхаавасамбхавад̇о ‘‘висзсзнаа’’д̇и вуд̇д̇ам̣. сарааг̇авийд̇арааг̇аад̣̇ивибхааг̇ад̣̇ваяавасзнзва жид̇д̇аанубассанааяа вуд̇д̇ад̇д̇аа д̇ам̣ ‘‘наад̇ибабхзд̣̇аг̇ад̇а’’нд̇и вуд̇д̇ам̣. д̇хаммаад̇и ид̇ха сан̃н̃аасан̇каарагканд̇хаа ад̇хиббзд̇аа, сан̇каарагканд̇хо жа пассаад̣̇ивасзна анзгабхзд̣̇од̇и д̇хаммаанубассанаа ‘‘ад̇ибабхзд̣̇аг̇ад̇аа’’д̇и вуд̇д̇аа. сарааг̇аад̣̇ивибхааг̇авасзна сол̣асабхзд̣̇ад̇д̇аа ваа жид̇д̇аанубассанаа наад̇ибабхзд̣̇аг̇ад̇аа вуд̇д̇аа, суд̇д̇з ааг̇ад̇анаязна нийваран̣аад̣̇ивасзна анзгабхзд̣̇ад̇д̇аа д̇хаммаанубассанаа ад̇ибабхзд̣̇аг̇ад̇аа вуд̇д̇аа. ‘‘висуд̣̇д̇химаг̇г̇од̇и вуд̇д̇ааний’’д̇и аанзд̇ваа яож̇зд̇аб̣б̣ам̣. д̇аа анубассанаа зд̇зсанд̇и д̇ад̣̇анубассанаа, жид̇д̇ад̇хаммаанубассино буг̇г̇алаа, д̇зсам̣.
Assādassāti taṇhāya. ‘‘Niccaṃ attā’’ti abhinivesavatthutāya diṭṭhiyā visesakāraṇānaṃ cittadhammānaṃ taṇhāyapi vatthubhāvato visesaggahaṇaṃ, tathā kāyavedanānaṃ diṭṭhiyāpi vatthubhāvasambhavato ‘‘visesenā’’ti vuttaṃ. Sarāgavītarāgādivibhāgadvayavaseneva cittānupassanāya vuttattā taṃ ‘‘nātipabhedagata’’nti vuttaṃ. Dhammāti idha saññāsaṅkhārakkhandhā adhippetā, saṅkhārakkhandho ca phassādivasena anekabhedoti dhammānupassanā ‘‘atipabhedagatā’’ti vuttā. Sarāgādivibhāgavasena soḷasabhedattā vā cittānupassanā nātipabhedagatā vuttā, sutte āgatanayena nīvaraṇādivasena anekabhedattā dhammānupassanā atipabhedagatā vuttā. ‘‘Visuddhimaggoti vuttānī’’ti ānetvā yojetabbaṃ. Tā anupassanā etesanti tadanupassanā, cittadhammānupassino puggalā, tesaṃ.
д̇ад̇т̇а ‘‘асубхабхаавад̣̇ассанзнаа’’д̇и яат̇аатид̇авасзнааби яож̇анаа лаб̣бхад̇зва. бхавогхасса взд̣̇анаа вад̇т̇у бхавассаад̣̇абхаавад̇о. нижжаг̇г̇ахан̣авасзнаад̇и ад̇д̇аабхинивзсависидтасса нижжаг̇г̇ахан̣асса васзна. д̇ат̇аа хи вуд̇д̇ам̣ ‘‘сассад̇асса ад̇д̇ано’’д̇и. огхзсу вуд̇д̇анаяаа зва яог̇аасавзсуби яож̇анаа ад̇т̇ад̇о абхиннад̇д̇аад̇и д̇з на г̇ахид̇аа. нижжаг̇г̇ахан̣авасзнаад̇и ад̇д̇аабхинивзсависидтасса нижжаг̇г̇ахан̣асса васзна. батамогхад̇ад̇ияажад̇уд̇т̇аг̇ант̇аяож̇анааяам̣ вуд̇д̇анаязнзва гааяажид̇д̇ад̇хаммаанам̣ ид̇арубаад̣̇аанавад̇т̇уд̇аа г̇ахзд̇аб̣б̣аад̇и взд̣̇анааяа д̣̇идтубаад̣̇аанавад̇т̇уд̇аа д̣̇ассид̇аа. д̇ат̇аа гааяавзд̣̇анаанам̣ чанд̣̇ад̣̇осааг̇ад̇ивад̇т̇уд̇аа гаамогхаб̣яаабаад̣̇агааяаг̇ант̇авад̇т̇уд̇ааважанзна вуд̇д̇аад̇и. д̇знааха ‘‘авуд̇д̇аанам̣ вуд̇д̇анаязна вад̇т̇убхааво яож̇зд̇аб̣б̣о’’д̇и.
Tattha ‘‘asubhabhāvadassanenā’’ti yathāṭhitavasenāpi yojanā labbhateva. Bhavoghassa vedanā vatthu bhavassādabhāvato. Niccaggahaṇavasenāti attābhinivesavisiṭṭhassa niccaggahaṇassa vasena. Tathā hi vuttaṃ ‘‘sassatassa attano’’ti. Oghesu vuttanayā eva yogāsavesupi yojanā atthato abhinnattāti te na gahitā. Niccaggahaṇavasenāti attābhinivesavisiṭṭhassa niccaggahaṇassa vasena. Paṭhamoghatatiyacatutthaganthayojanāyaṃ vuttanayeneva kāyacittadhammānaṃ itarupādānavatthutā gahetabbāti vedanāya diṭṭhupādānavatthutā dassitā. Tathā kāyavedanānaṃ chandadosāgativatthutā kāmoghabyāpādakāyaganthavatthutāvacanena vuttāti. Tenāha ‘‘avuttānaṃ vuttanayena vatthubhāvo yojetabbo’’ti.
д̇хааран̣ад̇аа асаммуссанад̇аа, ануссаран̣амзва ваа. згад̇д̇зд̇и згасабхаавз ниссаран̣аад̣̇ивасзна. самааг̇амо сажчигирияаа. сад̇ибадтаанасабхааво саммаасад̇ид̇аа нияяаанасад̇ид̇аа самаанабхааг̇ад̇аа згаж̇аад̇ид̇аа сабхааг̇ад̇аа. буримасминд̇и ‘‘згад̇д̇з ниб̣б̣аанз самааг̇амо згад̇д̇асамосаран̣а’’нд̇и зд̇асмим̣ ад̇т̇з. висунд̇и наанааад̇т̇ад̣̇ваяабхаавзна. д̇ад̣̇зва г̇аманам̣ самосаран̣анд̇и сад̇исад̣̇д̣̇ад̇т̇анд̇араабхааваа…бз… згабхаавассаад̇и яож̇зд̇аб̣б̣ам̣. сад̇исад̣̇д̣̇ад̇т̇авасзна авужжамаанзд̇и ‘‘зго сад̇ибадтаанасабхааво згад̇д̇а’’нд̇иаад̣̇инаа авужжамаанз, ‘‘згад̇д̇з ниб̣б̣аанз самааг̇амо згад̇д̇асамосаран̣а’’нд̇и звам̣ вужжамаанзд̇и ад̇т̇о. д̇хааран̣ад̇аава сад̇ийд̇и ‘‘саран̣ад̇аа’’д̇и (д̇ха. са. 14) вуд̇д̇ад̇хааран̣ад̇аа зва сад̇ийд̇и гад̇ваа. сад̇исад̣̇д̣̇ад̇т̇анд̇араабхааваад̇и сад̇исан̇каад̇асса саран̣згад̇д̇асамосаран̣асад̣̇д̣̇ад̇т̇ад̇о ан̃н̃асса ад̇т̇асса абхааваа. буриманд̇и саран̣абад̣̇ам̣. ниб̣б̣аанасамосаран̣збийд̇и яат̇аавуд̇д̇з д̣̇уд̇ияз ад̇т̇з саран̣згад̇д̇асамосаран̣абад̣̇аани сахид̇аанзва сад̇ибадтаанзгабхаавасса н̃аабагаани, звам̣ ниб̣б̣аанасамосаран̣зби ‘‘згад̇д̇з ниб̣б̣аанз самааг̇амо згад̇д̇асамосаран̣а’’нд̇и зд̇асмимби ад̇т̇з сад̇и…бз… гааран̣аани.
Dhāraṇatā asammussanatā, anussaraṇameva vā. Ekatteti ekasabhāve nissaraṇādivasena. Samāgamo sacchikiriyā. Satipaṭṭhānasabhāvo sammāsatitā niyyānasatitā samānabhāgatā ekajātitā sabhāgatā. Purimasminti ‘‘ekatte nibbāne samāgamo ekattasamosaraṇa’’nti etasmiṃ atthe. Visunti nānāatthadvayabhāvena. Tadeva gamanaṃ samosaraṇanti satisaddatthantarābhāvā…pe… ekabhāvassāti yojetabbaṃ. Satisaddatthavasena avuccamāneti ‘‘eko satipaṭṭhānasabhāvo ekatta’’ntiādinā avuccamāne, ‘‘ekatte nibbāne samāgamo ekattasamosaraṇa’’nti evaṃ vuccamāneti attho. Dhāraṇatāva satīti ‘‘saraṇatā’’ti (dha. sa. 14) vuttadhāraṇatā eva satīti katvā. Satisaddatthantarābhāvāti satisaṅkhātassa saraṇekattasamosaraṇasaddatthato aññassa atthassa abhāvā. Purimanti saraṇapadaṃ. Nibbānasamosaraṇepīti yathāvutte dutiye atthe saraṇekattasamosaraṇapadāni sahitāneva satipaṭṭhānekabhāvassa ñāpakāni, evaṃ nibbānasamosaraṇepi ‘‘ekatte nibbāne samāgamo ekattasamosaraṇa’’nti etasmimpi atthe sati…pe… kāraṇāni.
аанаабаанабаб̣б̣аад̣̇ийнанд̇и аанаабаанабаб̣б̣аирияаабат̇ажад̇усамбаж̇ан̃н̃а годтааса д̇хаад̇уманасигааранавасиват̇игабаб̣б̣аанийд̇и зд̇зсам̣. имзсу бана яасмаа гзсужи д̣̇зваанам̣ гаммадтаанам̣ на иж̇жхад̇и, д̇асмаа д̇аани анаамасид̇ваа яад̣̇иби годтаасад̇хаад̇уманасигааравасзнзвзд̇т̇а д̣̇зсанаа бавад̇д̇аа, д̣̇зсананд̇арз бана ааг̇ад̇ам̣ анавасзсам̣ гааяаанубассанаавибхааг̇ам̣ д̣̇ассзд̇ум̣ ‘‘жуд̣̇д̣̇асавид̇хзна гааяаанубассанам̣ бхаавзд̇ваа’’д̇и (вибха. адта. 355) вуд̇д̇ам̣. д̇знааха ‘‘махаасад̇ибадтаанасуд̇д̇з вуд̇д̇аана’’нд̇и. ‘‘д̇ат̇аа’’д̇и иминаа ‘‘махаасад̇ибадтаанасуд̇д̇з (д̣̇ий. ни. 2.382) вуд̇д̇аана’’нд̇и имамзва убасам̣харад̇и. бан̃жавид̇хзнаад̇и нийваран̣аубаад̣̇аанагканд̇хааяад̇анаб̣ож̇жхан̇г̇аарияасажжаанам̣ васзна бан̃жад̇хаа. бхааванаанубхааво арияамаг̇г̇аг̇г̇ахан̣асамад̇т̇ад̇аа.
Ānāpānapabbādīnanti ānāpānapabbairiyāpathacatusampajañña koṭṭhāsa dhātumanasikāranavasivathikapabbānīti etesaṃ. Imesu pana yasmā kesuci devānaṃ kammaṭṭhānaṃ na ijjhati, tasmā tāni anāmasitvā yadipi koṭṭhāsadhātumanasikāravasenevettha desanā pavattā, desanantare pana āgataṃ anavasesaṃ kāyānupassanāvibhāgaṃ dassetuṃ ‘‘cuddasavidhena kāyānupassanaṃ bhāvetvā’’ti (vibha. aṭṭha. 355) vuttaṃ. Tenāha ‘‘mahāsatipaṭṭhānasutte vuttāna’’nti. ‘‘Tathā’’ti iminā ‘‘mahāsatipaṭṭhānasutte (dī. ni. 2.382) vuttāna’’nti imameva upasaṃharati. Pañcavidhenāti nīvaraṇaupādānakkhandhāyatanabojjhaṅgaariyasaccānaṃ vasena pañcadhā. Bhāvanānubhāvo ariyamaggaggahaṇasamatthatā.
д̇ам̣нияамад̇од̇и д̇ассаа гааяаанубассанаад̣̇ибадибад̇д̇ияаа нияамад̇о. д̇ассаа бхигкубхаавз нияад̇з сааби бхигкубхаавз нияад̇ааязва наама ход̇и.
Taṃniyamatoti tassā kāyānupassanādipaṭipattiyā niyamato. Tassā bhikkhubhāve niyate sāpi bhikkhubhāve niyatāyeva nāma hoti.
гааяаанубассанаауд̣̇д̣̇зсаван̣н̣анаа
Kāyānupassanāuddesavaṇṇanā
зд̇т̇аад̇и гааяз. аваяаваа асса ад̇т̇ийд̇и аваяавий, самуд̣̇ааяо, самууход̇и ад̇т̇о, со бана аваяававинимуд̇д̇ам̣ д̣̇раб̣яанд̇аранд̇и г̇аахо лад̣̇д̇хи аваяавийг̇аахо. хад̇т̇абаад̣̇аад̣̇иан̇г̇улинакаад̣̇иан̇г̇абажжан̇г̇з саннивзсависидтз убаад̣̇ааяа яааяам̣ ан̇г̇абажжан̇г̇асаман̃н̃аа жзва гааяасаман̃н̃аа жа, д̇ам̣ ад̇иггамид̇ваа ид̇т̇ибурисарат̇агхадаад̣̇ид̣̇раб̣яанд̇ибаригаббанам̣ саман̃н̃аад̇ид̇хааванам̣. ат̇а ваа яат̇аавуд̇д̇асаман̃н̃ам̣ ад̇иггамид̇ваа багад̇иаад̣̇ид̣̇раб̣яаад̣̇иж̇ийваад̣̇игааяаад̣̇ибад̣̇ад̇т̇анд̇арабаригаббанам̣ саман̃н̃аад̇ид̇хааванам̣. нижжасаараад̣̇иг̇аахабхууд̇о абхинивзсо саараад̣̇аанаабхинивзсо.
Etthāti kāye. Avayavā assa atthīti avayavī, samudāyo, samūhoti attho, so pana avayavavinimuttaṃ drabyantaranti gāho laddhi avayavīgāho. Hatthapādādiaṅgulinakhādiaṅgapaccaṅge sannivesavisiṭṭhe upādāya yāyaṃ aṅgapaccaṅgasamaññā ceva kāyasamaññā ca, taṃ atikkamitvā itthipurisarathaghaṭādidrabyantiparikappanaṃ samaññātidhāvanaṃ. Atha vā yathāvuttasamaññaṃ atikkamitvā pakatiādidrabyādijīvādikāyādipadatthantaraparikappanaṃ samaññātidhāvanaṃ. Niccasārādigāhabhūto abhiniveso sārādānābhiniveso.
на д̇ам̣ д̣̇идтанд̇и д̇ам̣ ид̇т̇ибурисаад̣̇и д̣̇идтам̣ на ход̇и. д̣̇идтам̣ ваа ид̇т̇ибурисаад̣̇и на ход̇ийд̇и яож̇анаа. яат̇аавуд̇д̇анд̇и гзсаад̣̇ибхууд̇убаад̣̇ааяасамуухасан̇каад̇ам̣.
Na taṃ diṭṭhanti taṃ itthipurisādi diṭṭhaṃ na hoti. Diṭṭhaṃ vā itthipurisādi na hotīti yojanā. Yathāvuttanti kesādibhūtupādāyasamūhasaṅkhātaṃ.
гзсаад̣̇ибат̇авинд̇и гзсаад̣̇исан̃н̃ид̇ам̣ сасамбхаарабат̇авим̣. буб̣б̣аабарияабхаавзнаад̇и санд̇аанавасзна. ан̃н̃ад̇т̇аад̇и ‘‘аабогааяа’’нд̇и звамаад̣̇ийсу.
Kesādipathavinti kesādisaññitaṃ sasambhārapathaviṃ. Pubbāpariyabhāvenāti santānavasena. Aññatthāti ‘‘āpokāya’’nti evamādīsu.
аж̇жхад̇д̇аб̣ахид̣̇д̇хаад̇и сабарасанд̇аанз гааяо вуд̇д̇од̇и. ‘‘гааяо’’д̇и жзд̇т̇а саммасанубаг̇аа руубад̇хаммаа ад̇хиббзд̇аад̇и ааха ‘‘аж̇жхад̇д̇аб̣ахид̣̇д̇хаад̇хаммаана’’нд̇и. гхадид̇ам̣ згааб̣ад̣̇д̇хам̣ аарамман̣ам̣ гхадид̇аарамман̣ам̣, згаарамман̣абхууд̇анд̇и ад̇т̇о. д̇знааха ‘‘згад̇о аарамман̣абхааво над̇т̇ий’’д̇и.
Ajjhattabahiddhāti saparasantāne kāyo vuttoti. ‘‘Kāyo’’ti cettha sammasanupagā rūpadhammā adhippetāti āha ‘‘ajjhattabahiddhādhammāna’’nti. Ghaṭitaṃ ekābaddhaṃ ārammaṇaṃ ghaṭitārammaṇaṃ, ekārammaṇabhūtanti attho. Tenāha ‘‘ekato ārammaṇabhāvo natthī’’ti.
анд̇оолийяанаа анд̇осан̇гожо анд̇араавосаанам̣.
Antoolīyanā antosaṅkoco antarāvosānaṃ.
д̣̇вийхийд̇и абхиж̇жхаавинаяад̣̇оманассавинаязхи.
Dvīhīti abhijjhāvinayadomanassavinayehi.
сад̇и жа самбаж̇ан̃н̃ан̃жа сад̇исамбаж̇ан̃н̃ам̣, д̇зна. зд̇зна гаран̣абхууд̇зна. вибагкад̇хаммзхи ананд̇арид̇ад̇д̇аа авижчиннасса. д̇асса саб̣б̣ад̇т̇игагаммадтаанасса.
Sati ca sampajaññañca satisampajaññaṃ, tena. Etena karaṇabhūtena. Vipakkhadhammehi anantaritattā avicchinnassa. Tassa sabbatthikakammaṭṭhānassa.
гааяаанубассанаауд̣̇д̣̇зсаван̣н̣анаа нидтид̇аа.
Kāyānupassanāuddesavaṇṇanā niṭṭhitā.
взд̣̇анаанубассанаад̣̇иуд̣̇д̣̇зсаван̣н̣анаа
Vedanānupassanādiuddesavaṇṇanā
сукаад̣̇ийнанд̇и сукад̣̇угкаад̣̇угкамасукаанам̣.
Sukhādīnanti sukhadukkhādukkhamasukhānaṃ.
руубаад̣̇иаарамман̣анаанад̇д̇абхзд̣̇аанам̣ васзна яож̇зд̇аб̣б̣анд̇и самб̣анд̇хо. д̇ат̇аа жа сзсзсуби. савад̇т̇угаавад̇т̇угаад̣̇ийд̇и аад̣̇и-сад̣̇д̣̇зна хийнаад̣̇ияониаад̣̇ибхзд̣̇ам̣ сан̇г̇ан̣хаад̇и. висум̣ висум̣ на вад̇д̇аб̣б̣анд̇и жод̣̇анам̣ д̣̇ассзд̇ийд̇и яож̇анаа. згад̇т̇аад̇и гааяаад̣̇ийсу згасмим̣. буримажод̣̇анааяаад̇и ‘‘буб̣б̣з бахийнад̇д̇аа буна бахаанам̣ на вад̇д̇аб̣б̣а’’нд̇и жод̣̇анааяа. бахийнанд̇и вигкамбхид̇ам̣. бадибагкабхааванааяаад̇и маг̇г̇абхааванааяа. убхаяад̇т̇аад̇и убхаяажод̣̇анааяа. убхаяанд̇и барихаарад̣̇ваяам̣. яасмаа буримажод̣̇анааяа наанаабуг̇г̇алабарихааро, наанаажид̇д̇агкан̣игабарихааро жа самбхавад̇и, д̣̇уд̇ияажод̣̇анааяа бана наанаажид̇д̇агкан̣игабарихаароязва, д̇асмаа вуд̇д̇ам̣ ‘‘самбхавад̇о яож̇зд̇аб̣б̣а’’нд̇и. маг̇г̇асад̇ибадтаанабхааванам̣ санд̇хааяа вуд̇д̇ам̣. саб̣б̣ад̇т̇аад̇и саб̣б̣зсу гааяаад̣̇ийсу.
Rūpādiārammaṇanānattabhedānaṃ vasena yojetabbanti sambandho. Tathā ca sesesupi. Savatthukāvatthukādīti ādi-saddena hīnādiyoniādibhedaṃ saṅgaṇhāti. Visuṃ visuṃ na vattabbanti codanaṃ dassetīti yojanā. Ekatthāti kāyādīsu ekasmiṃ. Purimacodanāyāti ‘‘pubbe pahīnattā puna pahānaṃ na vattabba’’nti codanāya. Pahīnanti vikkhambhitaṃ. Paṭipakkhabhāvanāyāti maggabhāvanāya. Ubhayatthāti ubhayacodanāya. Ubhayanti parihāradvayaṃ. Yasmā purimacodanāya nānāpuggalaparihāro, nānācittakkhaṇikaparihāro ca sambhavati, dutiyacodanāya pana nānācittakkhaṇikaparihāroyeva, tasmā vuttaṃ ‘‘sambhavato yojetabba’’nti. Maggasatipaṭṭhānabhāvanaṃ sandhāya vuttaṃ. Sabbatthāti sabbesu kāyādīsu.
взд̣̇анаанубассанаад̣̇иуд̣̇д̣̇зсаван̣н̣анаа нидтид̇аа.
Vedanānupassanādiuddesavaṇṇanā niṭṭhitā.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
гааяаанубассанаанид̣̇д̣̇зсаван̣н̣анаа
Kāyānupassanāniddesavaṇṇanā
356. аж̇жхад̇д̇аад̣̇ийд̇и аад̣̇и-сад̣̇д̣̇зна ид̇ха вуд̇д̇аа б̣ахид̣̇д̇хаааж̇жхад̇д̇аб̣ахид̣̇д̇хааанубассанаббагаараа вияа махаасад̇ибадтаанасуд̇д̇з вуд̇д̇аа самуд̣̇аяад̇хаммаанубассиаад̣̇ианубассанаббагаарааби гааяаанубассанаабхаавад̇о г̇ахид̇аа ижжзва взд̣̇ид̇аб̣б̣ам̣. д̇ад̇т̇аад̇и аж̇жхад̇д̇аад̣̇ианубассанааяам̣. жуд̣̇д̣̇аса багаараа махаасад̇ибадтаанасуд̇д̇з ааг̇ад̇ажуд̣̇д̣̇асаббагаараад̣̇игз абзгкид̇ваа ид̇ха вуд̇д̇аа. аж̇жхад̇д̇аад̣̇иббагааро зго багаарод̇и ааха ‘‘згаббагааранид̣̇д̣̇зсзнаа’’д̇и. б̣аахирзсууд̇и згажжзсу ан̃н̃ад̇ид̇т̇иязсу. д̇зсамби хи аанаабаанаад̣̇ивасзна самат̇абагкигаа гааяаанубассанаа самбхавад̇и. д̇знааха ‘‘згад̣̇зсасамбхавад̇о’’д̇и.
356. Ajjhattādīti ādi-saddena idha vuttā bahiddhāajjhattabahiddhāanupassanappakārā viya mahāsatipaṭṭhānasutte vuttā samudayadhammānupassiādianupassanappakārāpi kāyānupassanābhāvato gahitā icceva veditabbaṃ. Tatthāti ajjhattādianupassanāyaṃ. Cuddasa pakārā mahāsatipaṭṭhānasutte āgatacuddasappakārādike apekkhitvā idha vuttā. Ajjhattādippakāro eko pakāroti āha ‘‘ekappakāraniddesenā’’ti. Bāhiresūti ekaccesu aññatitthiyesu. Tesampi hi ānāpānādivasena samathapakkhikā kāyānupassanā sambhavati. Tenāha ‘‘ekadesasambhavato’’ti.
д̇ажасса жа ад̇ажабарижчиннад̇аа д̇ажзна абарижчиннад̇аа ад̇т̇ийд̇и яож̇анаа. ‘‘д̣̇ийгхаб̣ааху нажжад̇уу’’д̇иаад̣̇ийсу вияа ан̃н̃абад̣̇ад̇т̇зби самаасз аваяавабад̣̇ад̇т̇асан̇г̇ахо лаб̣бхад̇зваад̇и вуд̇д̇ам̣ ‘‘гааязгад̣̇зсабхууд̇о д̇ажо г̇ахид̇о зваа’’д̇и. д̇ажабадиб̣ад̣̇д̇хаанам̣ накад̣̇анд̇анхаарумам̣саанам̣, д̇ажабадиб̣ад̣̇д̇хаанам̣ д̇ад̣̇ануббавидтамуулаанам̣ гзсаломаанам̣, д̇аббадиб̣ад̣̇д̇хабадиб̣ад̣̇д̇хаанам̣ ид̇арзсам̣ самуухабхууд̇о саб̣б̣о гааяо ‘‘д̇ажабарияанд̇о’’д̇взва вуд̇д̇од̇и д̣̇ассзнд̇о ‘‘д̇аббадиб̣ад̣̇д̇хаа’’д̇иаад̣̇имааха. ад̇т̇и гзсаа, ад̇т̇и ломаад̇и самб̣анд̇хо. д̇ад̇т̇а ад̇т̇ийд̇и бут̇уд̇д̇аваажий згам̣ нибаад̇абад̣̇ам̣, на гирияаабад̣̇ам̣. гирияаабад̣̇ад̇д̇з хи санд̇ийд̇и вад̇д̇аб̣б̣ам̣ сияаа, важанавибаллаасзна ваа вуд̇д̇анд̇и.
Tacassa ca atacaparicchinnatā tacena aparicchinnatā atthīti yojanā. ‘‘Dīghabāhu naccatū’’tiādīsu viya aññapadatthepi samāse avayavapadatthasaṅgaho labbhatevāti vuttaṃ ‘‘kāyekadesabhūto taco gahito evā’’ti. Tacapaṭibaddhānaṃ nakhadantanhārumaṃsānaṃ, tacapaṭibaddhānaṃ tadanuppaviṭṭhamūlānaṃ kesalomānaṃ, tappaṭibaddhapaṭibaddhānaṃ itaresaṃ samūhabhūto sabbo kāyo ‘‘tacapariyanto’’tveva vuttoti dassento ‘‘tappaṭibaddhā’’tiādimāha. Atthi kesā, atthi lomāti sambandho. Tattha atthīti puthuttavācī ekaṃ nipātapadaṃ, na kiriyāpadaṃ. Kiriyāpadatte hi santīti vattabbaṃ siyā, vacanavipallāsena vā vuttanti.
гаммадтаанасса ваажуг̇г̇ад̇агаран̣аад̣̇инаа уг̇г̇ан̣ханам̣ уг̇г̇ахо. годтаасабаал̣ияаа хи ваажуг̇г̇ад̇агаран̣ам̣, манасигирияааяа гзсаад̣̇ийнам̣ ван̣н̣аад̣̇ид̇о убад̇хааран̣асса жа баг̇ун̣абхааваабаад̣̇анам̣ ид̇ха уг̇г̇ахо. язна бана наязна яог̇ааважаро д̇ад̇т̇а гусало ход̇и, со вид̇хийд̇и вуд̇д̇о.
Kammaṭṭhānassa vācuggatakaraṇādinā uggaṇhanaṃ uggaho. Koṭṭhāsapāḷiyā hi vācuggatakaraṇaṃ, manasikiriyāya kesādīnaṃ vaṇṇādito upadhāraṇassa ca paguṇabhāvāpādanaṃ idha uggaho. Yena pana nayena yogāvacaro tattha kusalo hoti, so vidhīti vutto.
буримзхийд̇и буримабуримзхи бан̃жагачаггзхи самб̣анд̇хо вуд̇д̇о. ‘‘мам̣сам̣…бз… вагга’’нд̇и хи ануломад̇о ваггабан̃жагасса буна ‘‘ваггам̣…бз… гзсаа’’д̇и ваггабан̃жагасса, д̇ажабан̃жагасса жа бадиломад̇о саж̇жхааяаггамо самб̣анд̇хо д̣̇ассид̇о. свааяам̣ саж̇жхааяод̇и самб̣анд̇хо. висум̣ д̇ибан̃жааханд̇и ануломад̇о бан̃жаахам̣, бадиломад̇о бан̃жаахам̣, ануломабадиломад̇о бан̃жааханд̇и звам̣ бан̃жагачаггзсу бажжзгам̣ д̇ибан̃жаахам̣. буримзхи згад̇о д̇ибан̃жааханд̇и д̇ажабан̃жагаад̣̇ийхи сад̣̇д̇хим̣ ануломад̇о ваггабан̃жагаад̣̇ийни згаж̇жхам̣ гад̇ваа вуд̇д̇анаязнзва д̇ибан̃жаахам̣ . аад̣̇ианд̇ад̣̇ассанавасзнаад̇иаад̣̇ибхууд̇асса ануломад̇о саж̇жхааяасса, ануломабадиломад̇о саж̇жхааяз анд̇абхууд̇асса бадиломад̇о саж̇жхааяасса д̣̇ассанавасзна. д̇знааха ‘‘анулома…бз… анд̇имо’’д̇и. зд̇амбийд̇и яад̣̇ид̣̇ам̣ буримзхи сад̣̇д̇хим̣ бажчимасса бан̃жагаад̣̇ино згад̇о саж̇жхааяагаран̣ам̣, бан̃жагаад̣̇ийнам̣ бажжзгам̣ ануломаад̣̇инаа саж̇жхааяаббагаарад̇о ан̃н̃о саж̇жхааяаббагааро зсод̇и ад̇т̇о. д̣̇виннам̣ хад̇т̇аанам̣ згамукаа ан̃н̃аман̃н̃асамб̣анд̇хаа табид̇аа ан̇г̇улияо ид̇ха хад̇т̇асан̇калигаад̇и ад̇хиббзд̇аад̇и ааха ‘‘ан̇г̇улибанд̇ий’’д̇и. асубхалагкан̣ам̣ гзсаад̣̇ийнам̣ бадиггуулабхааво. т̇ад̣̇д̇хаад̣̇ибхааво д̇хаад̇улагкан̣ам̣.
Purimehīti purimapurimehi pañcakachakkehi sambandho vutto. ‘‘Maṃsaṃ…pe… vakka’’nti hi anulomato vakkapañcakassa puna ‘‘vakkaṃ…pe… kesā’’ti vakkapañcakassa, tacapañcakassa ca paṭilomato sajjhāyakkamo sambandho dassito. Svāyaṃ sajjhāyoti sambandho. Visuṃ tipañcāhanti anulomato pañcāhaṃ, paṭilomato pañcāhaṃ, anulomapaṭilomato pañcāhanti evaṃ pañcakachakkesu paccekaṃ tipañcāhaṃ. Purimehi ekato tipañcāhanti tacapañcakādīhi saddhiṃ anulomato vakkapañcakādīni ekajjhaṃ katvā vuttanayeneva tipañcāhaṃ . Ādiantadassanavasenātiādibhūtassa anulomato sajjhāyassa, anulomapaṭilomato sajjhāye antabhūtassa paṭilomato sajjhāyassa dassanavasena. Tenāha ‘‘anuloma…pe… antimo’’ti. Etampīti yadidaṃ purimehi saddhiṃ pacchimassa pañcakādino ekato sajjhāyakaraṇaṃ, pañcakādīnaṃ paccekaṃ anulomādinā sajjhāyappakārato añño sajjhāyappakāro esoti attho. Dvinnaṃ hatthānaṃ ekamukhā aññamaññasambandhā ṭhapitā aṅguliyo idha hatthasaṅkhalikāti adhippetāti āha ‘‘aṅgulipantī’’ti. Asubhalakkhaṇaṃ kesādīnaṃ paṭikkūlabhāvo. Thaddhādibhāvo dhātulakkhaṇaṃ.
ад̇д̇ано годтаасо, самаано ваа годтаасо сагодтаасо, д̇ад̇т̇а бхаво сагодтаасиго, гаммадтаанам̣.
Attano koṭṭhāso, samāno vā koṭṭhāso sakoṭṭhāso, tattha bhavo sakoṭṭhāsiko, kammaṭṭhānaṃ.
гааяаанубассанам̣ хид̇ваад̇и асубхад̇о ваа д̇хаад̇уд̇о анубассанам̣ манасигаарам̣ агад̇ваа. буб̣б̣з вияа барияанд̇ад̇аалан̃жа аад̣̇ид̇аалан̃жа аг̇анд̇ваа.
Kāyānupassanaṃ hitvāti asubhato vā dhātuto anupassanaṃ manasikāraṃ akatvā. Pubbe viya pariyantatālañca āditālañca agantvā.
самаад̇хаанаад̣̇ивисзсаяог̇зна ад̇хигам̣ жид̇д̇анд̇и ад̇хижид̇д̇ам̣. д̇зна вуд̇д̇ам̣ ‘‘самат̇авибассанаажид̇д̇а’’нд̇и. манасигаран̣ам̣ жид̇д̇анд̇и зганд̇ам̣ самаад̇хинимид̇д̇ассзва саманнаахаарагам̣ жид̇д̇ам̣. вигкзбавасзна жид̇д̇асса наанаарамман̣з висадаббавад̇д̇и ид̇ха бабхан̃ж̇анам̣, самаад̇хаанзна д̇ад̣̇абхаавад̇о на жа бабхан̃ж̇анасабхаавам̣.
Samādhānādivisesayogena adhikaṃ cittanti adhicittaṃ. Tena vuttaṃ ‘‘samathavipassanācitta’’nti. Manasikaraṇaṃ cittanti ekantaṃ samādhinimittasseva samannāhārakaṃ cittaṃ. Vikkhepavasena cittassa nānārammaṇe visaṭappavatti idha pabhañjanaṃ, samādhānena tadabhāvato na ca pabhañjanasabhāvaṃ.
сагкибхаванад̇аа бажжагкагаарид̇аа. буб̣б̣ахзд̇аад̣̇игзд̇и аад̣̇и-сад̣̇д̣̇зна д̇ад̣̇ануруубаманасигаараануяог̇аад̣̇им̣ сан̇г̇ан̣хаад̇и.
Sakkhibhavanatā paccakkhakāritā. Pubbahetādiketi ādi-saddena tadanurūpamanasikārānuyogādiṃ saṅgaṇhāti.
самаббавад̇д̇анд̇и лийнуд̣̇д̇хажжарахид̇ам̣. д̇ат̇аабавад̇д̇ияаад̇и маж̇жхимасамат̇анимид̇д̇ам̣ бадибад̇д̇ияаа, д̇ад̇т̇а жа багканд̣̇анзна сид̣̇д̇хааяа яат̇аавуд̇д̇асамаббавад̇д̇ияаа. бан̃н̃ааяа д̇осзд̇ийд̇и яааяам̣ д̇ад̇т̇а ж̇аад̇аанам̣ д̇хаммаанам̣ анад̇ивад̇д̇анаа, инд̣̇рияаанам̣ згарасад̇аа, д̇ад̣̇убаг̇авийрияавааханаа, аасзванаад̇и имаасам̣ саад̇хигаа бхааванаабан̃н̃аа, д̇ааяа ад̇хижид̇д̇ам̣ д̇осзд̇и бахадтам̣ гарод̇и. яат̇аавуд̇д̇ависзсасид̣̇д̇хияаава хи д̇ам̣саад̇хигааяа бан̃н̃ааяа д̇ам̣ жид̇д̇ам̣ самбахам̣сид̇ам̣ наама ход̇и. звам̣ самбахам̣санд̇о жа яасмаа саб̣б̣асо бариб̣анд̇хависод̇ханзна бан̃н̃ааяа жид̇д̇ам̣ вод̣̇аабзд̇ийд̇и жа вужжад̇и, д̇асмаа ‘‘самуд̇д̇зж̇зд̇и жаа’’д̇и вуд̇д̇ам̣. нирассаад̣̇анд̇и буб̣б̣знаабарам̣ висзсаалаабхзна бхааванаарасавирахид̇ам̣. самбахам̣сзд̇ийд̇и бхааванааяа жид̇д̇ам̣ саммаа бахаасзд̇и бамод̣̇зд̇и. самуд̇д̇зж̇зд̇ийд̇и саммаа д̇ад̇т̇а уд̇д̇зж̇зд̇и.
Samappavattanti līnuddhaccarahitaṃ. Tathāpavattiyāti majjhimasamathanimittaṃ paṭipattiyā, tattha ca pakkhandanena siddhāya yathāvuttasamappavattiyā. Paññāya tosetīti yāyaṃ tattha jātānaṃ dhammānaṃ anativattanā, indriyānaṃ ekarasatā, tadupagavīriyavāhanā, āsevanāti imāsaṃ sādhikā bhāvanāpaññā, tāya adhicittaṃ toseti pahaṭṭhaṃ karoti. Yathāvuttavisesasiddhiyāva hi taṃsādhikāya paññāya taṃ cittaṃ sampahaṃsitaṃ nāma hoti. Evaṃ sampahaṃsanto ca yasmā sabbaso paribandhavisodhanena paññāya cittaṃ vodāpetīti ca vuccati, tasmā ‘‘samuttejeti cā’’ti vuttaṃ. Nirassādanti pubbenāparaṃ visesālābhena bhāvanārasavirahitaṃ. Sampahaṃsetīti bhāvanāya cittaṃ sammā pahāseti pamodeti. Samuttejetīti sammā tattha uttejeti.
аасаяо бавад̇д̇идтаанам̣.
Āsayo pavattiṭṭhānaṃ.
вавад̇т̇ид̇ад̇анд̇и асам̣гин̣н̣ад̇ам̣.
Vavatthitatanti asaṃkiṇṇataṃ.
анд̇од̇и аб̣бханд̇арз годтаасз. сукуманд̇и сукуманхааруаад̣̇им̣ санд̇хааяа вад̣̇ад̇и.
Antoti abbhantare koṭṭhāse. Sukhumanti sukhumanhāruādiṃ sandhāya vadati.
д̇аалабаддигаа д̇аалабад̇д̇авиливзхи гад̇агадасаараго.
Tālapaṭṭikā tālapattavilivehi katakaṭasārako.
г̇ан̣анааяа мад̇д̇аа-сад̣̇д̣̇о гад̇ибаязхи уунабхаавад̣̇ийбанад̇т̇ам̣ вужжад̇и. д̣̇анд̇адтиваж̇ж̇ид̇аани д̇ийхи уунаани д̇ийн̣и адтисад̇аани. д̇асмаа ‘‘д̇имад̇д̇ааний’’д̇и вуд̇д̇ам̣. яам̣ бана висуд̣̇д̇химаг̇г̇з ‘‘ад̇ирзгад̇исад̇аадтигасамуссаяа’’нд̇и (висуд̣̇д̇хи. 1.122) вуд̇д̇ам̣, д̇ам̣ д̣̇анд̇адтийниби г̇ахзд̇ваа саб̣б̣асан̇г̇аахиганаязна вуд̇д̇ам̣. ‘‘г̇обпагадтигаад̣̇ийни авуд̇д̇ааний’’д̇и на вад̇д̇аб̣б̣ам̣ ‘‘згзгасмим̣ баад̣̇з д̣̇вз г̇обпагадтийний’’д̇и вуд̇д̇ад̇д̇аа, ‘‘аанисад̣̇адтиаад̣̇ийний’’д̇и бана вад̇д̇аб̣б̣ам̣.
Gaṇanāya mattā-saddo katipayehi ūnabhāvadīpanatthaṃ vuccati. Dantaṭṭhivajjitāni tīhi ūnāni tīṇi aṭṭhisatāni. Tasmā ‘‘timattānī’’ti vuttaṃ. Yaṃ pana visuddhimagge ‘‘atirekatisataaṭṭhikasamussaya’’nti (visuddhi. 1.122) vuttaṃ, taṃ dantaṭṭhīnipi gahetvā sabbasaṅgāhikanayena vuttaṃ. ‘‘Gopphakaṭṭhikādīni avuttānī’’ti na vattabbaṃ ‘‘ekekasmiṃ pāde dve gopphakaṭṭhīnī’’ti vuttattā, ‘‘ānisadaṭṭhiādīnī’’ti pana vattabbaṃ.
д̇зна адтинаад̇и уурудтинаа.
Tena aṭṭhināti ūruṭṭhinā.
марумбзхийд̇и марумбажун̣н̣зхи.
Marumpehīti marumpacuṇṇehi.
сусамаахид̇ажид̇д̇зна хзд̇убхууд̇зна. наанаарамман̣авибпанд̣̇анавирахзнаад̇и наанаарамман̣абхаавзна вибпанд̣̇анам̣ наанаарамман̣авибпанд̣̇анам̣, д̇зна вирахзна. анад̇игганд̇абийд̇исукасса жхаанажид̇д̇асса. д̇ам̣саман̇г̇ийбуг̇г̇аласса ваа.
Susamāhitacittena hetubhūtena. Nānārammaṇavipphandanavirahenāti nānārammaṇabhāvena vipphandanaṃ nānārammaṇavipphandanaṃ, tena virahena. Anatikkantapītisukhassa jhānacittassa. Taṃsamaṅgīpuggalassa vā.
бадиггуулад̇хаад̇уван̣н̣ависзсанд̇и бадиггуулависзсам̣, д̇хаад̇увисзсам̣, ван̣н̣агасин̣ависзсам̣. ваггабан̃жагаад̣̇ийсу бан̃жасу висум̣, хздтимзхи згад̇о жа саж̇жхааяз чаннам̣ чаннам̣ бан̃жаахаанам̣ васзна бан̃жа маасаа барибун̣н̣аа лаб̣бханд̇и, д̇ажабан̃жагз бана висум̣ д̇ибан̃жаахамзваад̇и ааха ‘‘ад̣̇д̇хамаасз уунзбий’’д̇и. маасанд̇араг̇аманам̣ саж̇жхааяасса сад̇д̇амаад̣̇имаасаг̇аманам̣.
Paṭikkūladhātuvaṇṇavisesanti paṭikkūlavisesaṃ, dhātuvisesaṃ, vaṇṇakasiṇavisesaṃ. Vakkapañcakādīsu pañcasu visuṃ, heṭṭhimehi ekato ca sajjhāye channaṃ channaṃ pañcāhānaṃ vasena pañca māsā paripuṇṇā labbhanti, tacapañcake pana visuṃ tipañcāhamevāti āha ‘‘addhamāse ūnepī’’ti. Māsantaragamanaṃ sajjhāyassa sattamādimāsagamanaṃ.
яамзнд̇анд̇и б̣анд̇хзнд̇ам̣.
Yamentanti bandhentaṃ.
‘‘нийлам̣ бийд̇а’’нд̇иаад̣̇инаа сан̇гхаадз нийлаад̣̇ивавад̇т̇аанам̣ д̇ам̣ниссаяад̇д̇аа махаабхууд̇з убаад̣̇ааяаад̇и ааха ‘‘махаабхууд̇ам̣…бз… д̣̇уг̇г̇анд̇ханд̇иаад̣̇инаа’’д̇и. убаад̣̇ааяаруубам̣ махаабхууд̇зна барижчиннанд̇и яож̇анаа. д̇ассаад̇и убаад̣̇ааруубасса. д̇ад̇од̇и махаабхууд̇ад̇о. чааяааяа аад̇абабажжаяабхааво аад̇або бажжаяо зд̇иссаад̇и, аад̇абасса чааяааяа уббаад̣̇агабхааво чааяаад̇абаанам̣ аад̇абабажжаяачааяуббаад̣̇агабхааво. д̇зна уббаад̣̇зд̇аб̣б̣ауббаад̣̇агабхааво ан̃н̃аман̃н̃абарижчзд̣̇агад̇аад̇и д̣̇ассзд̇и. ааяад̇анаани жа д̣̇ваараани жаад̇и д̣̇ваад̣̇асааяад̇анаани, д̇ад̣̇згад̣̇зсабхууд̇аани д̣̇ваараани жа.
‘‘Nīlaṃ pīta’’ntiādinā saṅghāṭe nīlādivavatthānaṃ taṃnissayattā mahābhūte upādāyāti āha ‘‘mahābhūtaṃ…pe… duggandhantiādinā’’ti. Upādāyarūpaṃ mahābhūtena paricchinnanti yojanā. Tassāti upādārūpassa. Tatoti mahābhūtato. Chāyāya ātapapaccayabhāvo ātapo paccayo etissāti, ātapassa chāyāya uppādakabhāvo chāyātapānaṃ ātapapaccayachāyuppādakabhāvo. Tena uppādetabbauppādakabhāvo aññamaññaparicchedakatāti dasseti. Āyatanāni ca dvārāni cāti dvādasāyatanāni, tadekadesabhūtāni dvārāni ca.
саббажжаяабхааваад̇и саббажжаяад̇д̇аа.
Sappaccayabhāvāti sappaccayattā.
яат̇аавуд̇д̇зна аагаарзнаад̇и ‘‘ид̇и ид̣̇ам̣ сад̇д̇авид̇хам̣ уг̇г̇ахагосаллам̣ суг̇г̇ахид̇ам̣ гад̇ваа’’д̇иаад̣̇инаа (вибха. адта. 356), ‘‘имам̣ бана гаммадтаанам̣ бхаавзд̇ваа арахад̇д̇ам̣ баабун̣ид̇угаамзнаа’’д̇иаад̣̇инаа (вибха. адта. 356) ваа вуд̇д̇аббагаарзна вид̇хинаа. ‘‘ависзсад̇о бана саад̇хааран̣авасзна звам̣ взд̣̇ид̇аб̣б̣аа’’д̇и, ‘‘ид̇о бадтааяаа’’д̇и жа вад̣̇анд̇и. ван̣н̣аад̣̇имукзнаад̇и ван̣н̣абадиггууласун̃н̃ад̇аамукзна. убадтаананд̇и гаммадтаанасса убадтаанам̣, яо уг̇г̇аход̇и вуд̇д̇о. зд̇т̇аад̇и жад̇уггабан̃жагаж̇жхаанабатамаж̇жхаанавибассанаасу згасмим̣ санд̇хийяад̇и. гзна? гаммадтаанаманасигаарзнзва, д̇асмаа уг̇г̇ахова санд̇хи уг̇г̇ахасанд̇хийд̇и взд̣̇ид̇аб̣б̣ам̣.
Yathāvuttena ākārenāti ‘‘iti idaṃ sattavidhaṃ uggahakosallaṃ suggahitaṃ katvā’’tiādinā (vibha. aṭṭha. 356), ‘‘imaṃ pana kammaṭṭhānaṃ bhāvetvā arahattaṃ pāpuṇitukāmenā’’tiādinā (vibha. aṭṭha. 356) vā vuttappakārena vidhinā. ‘‘Avisesato pana sādhāraṇavasena evaṃ veditabbā’’ti, ‘‘ito paṭṭhāyā’’ti ca vadanti. Vaṇṇādimukhenāti vaṇṇapaṭikkūlasuññatāmukhena. Upaṭṭhānanti kammaṭṭhānassa upaṭṭhānaṃ, yo uggahoti vutto. Etthāti catukkapañcakajjhānapaṭhamajjhānavipassanāsu ekasmiṃ sandhīyati. Kena? Kammaṭṭhānamanasikāreneva, tasmā uggahova sandhi uggahasandhīti veditabbaṃ.
удтаанагам̣ уббаж̇ж̇анагам̣. саад̇ирзгаани ча амб̣ан̣аани гумбхам̣. д̇ад̇од̇и мукад̇хованакаад̣̇анабхож̇анагижжад̇о. нивад̇д̇ад̇ийд̇и арахад̇д̇аад̇хиг̇амзна ажжанд̇анивад̇д̇ивасзна нивад̇д̇ад̇и.
Uṭṭhānakaṃ uppajjanakaṃ. Sātirekāni cha ambaṇāni kumbhaṃ. Tatoti mukhadhovanakhādanabhojanakiccato. Nivattatīti arahattādhigamena accantanivattivasena nivattati.
гаммамзваад̇и манасигаарагаммамзва. аарамман̣анд̇и буб̣б̣абхааг̇абхааванаарамман̣ам̣.
Kammamevāti manasikārakammameva. Ārammaṇanti pubbabhāgabhāvanārammaṇaṃ.
д̇ат̇аад̇и ванамаггадо вияа.
Tathāti vanamakkaṭo viya.
зганд̇и згам̣ годтаасам̣.
Ekanti ekaṃ koṭṭhāsaṃ.
сад̇д̇аг̇ахан̣арахид̇зд̇и сад̇д̇абан̃н̃ад̇д̇имби анаамасид̇ваа д̣̇зсид̇ад̇д̇аа вуд̇д̇ам̣. сасанд̇аанад̇ааяа ахам̣гааравад̇т̇умхи аббахийнамаанасса бахийнаагаарам̣ санд̇хааяааха ‘‘вид̣̇д̇хасд̇аахам̣гаарз’’д̇и. д̇ад̇т̇аад̇и барасса гааяз.
Sattagahaṇarahiteti sattapaññattimpi anāmasitvā desitattā vuttaṃ. Sasantānatāya ahaṃkāravatthumhi appahīnamānassa pahīnākāraṃ sandhāyāha ‘‘viddhastāhaṃkāre’’ti. Tatthāti parassa kāye.
357. аад̣̇имхи сзванаа манасигаарасса уббаад̣̇анаа аарамбхо.
357. Ādimhi sevanā manasikārassa uppādanā ārambho.
362. г̇амид̇аад̇и виг̇амид̇аа.
362. Gamitāti vigamitā.
гааяаанубассанаанид̣̇д̣̇зсаван̣н̣анаа нидтид̇аа.
Kāyānupassanāniddesavaṇṇanā niṭṭhitā.
взд̣̇анаанубассанаанид̣̇д̣̇зсаван̣н̣анаа
Vedanānupassanāniddesavaṇṇanā
363. самбаж̇аанассаад̇и саммаа багаарзхи ж̇аананд̇асса, вад̇т̇аарамман̣зхи сад̣̇д̇хим̣ сукасаамисаад̣̇иббагаарзхи авибарийд̇ам̣ взд̣̇анам̣ ж̇аананд̇ассаад̇и ад̇т̇о. буб̣б̣абхааг̇абхааванаа вохаараанусаарзнзва бавад̇д̇ад̇ийд̇и ааха ‘‘вохаарамад̇д̇знаа’’д̇и. взд̣̇аяаамийд̇и ‘‘ахам̣ взд̣̇аяаамий’’д̇и ад̇д̇убанааяигаа вуд̇д̇аад̇и, барин̃н̃аад̇авзд̣̇аноби ваа уббаннааяа сукавзд̣̇анааяа логавохаарзна ‘‘сукам̣ взд̣̇анам̣ взд̣̇аяаамий’’д̇и ж̇аанаад̇и, вохарад̇и жа, баг̇зва ид̇аро. д̇знааха ‘‘вохаарамад̇д̇зна вуд̇д̇а’’нд̇и.
363. Sampajānassāti sammā pakārehi jānantassa, vatthārammaṇehi saddhiṃ sukhasāmisādippakārehi aviparītaṃ vedanaṃ jānantassāti attho. Pubbabhāgabhāvanā vohārānusāreneva pavattatīti āha ‘‘vohāramattenā’’ti. Vedayāmīti ‘‘ahaṃ vedayāmī’’ti attupanāyikā vuttāti, pariññātavedanopi vā uppannāya sukhavedanāya lokavohārena ‘‘sukhaṃ vedanaṃ vedayāmī’’ti jānāti, voharati ca, pageva itaro. Tenāha ‘‘vohāramattena vutta’’nti.
убхаяанд̇и вийрияасамаад̇хим̣. саха яож̇зд̇ваад̇и самад̇хурагижжад̇о ануунаад̇хигам̣ гад̇ваа. ад̇т̇ад̇хаммаад̣̇ийсу саммохавид̣̇д̇хам̣санавасзна бавад̇д̇аа маг̇г̇абан̃н̃аа зва логуд̇д̇арабадисамбхид̣̇аа.
Ubhayanti vīriyasamādhiṃ. Saha yojetvāti samadhurakiccato anūnādhikaṃ katvā. Atthadhammādīsu sammohaviddhaṃsanavasena pavattā maggapaññā eva lokuttarapaṭisambhidā.
ван̣н̣амукаад̣̇ийсу д̇ийсуби мукзсу. бариг̇г̇ахассаад̇и аруубабариг̇г̇ахасса. ‘‘вад̇т̇у наама гараж̇агааяо’’д̇и важанзна нивад̇д̇ид̇ам̣ д̣̇ассзнд̇о ‘‘на жагкаад̣̇ийни ча вад̇т̇ууний’’д̇и ааха. ан̃н̃аман̃н̃убад̇т̇амбхзна тид̇зсу д̣̇вийсу нал̣агалаабзсу згасса ид̇арабадиб̣ад̣̇д̇хадтид̇ид̇аа вияа наамагааяасса руубагааяабадиб̣ад̣̇д̇хавуд̇д̇ид̇аад̣̇ассанан̃хзд̇ам̣ ниссаяабажжаяависзсад̣̇ассананд̇и.
Vaṇṇamukhādīsu tīsupi mukhesu. Pariggahassāti arūpapariggahassa. ‘‘Vatthu nāma karajakāyo’’ti vacanena nivattitaṃ dassento ‘‘na cakkhādīni cha vatthūnī’’ti āha. Aññamaññupatthambhena ṭhitesu dvīsu naḷakalāpesu ekassa itarapaṭibaddhaṭṭhititā viya nāmakāyassa rūpakāyapaṭibaddhavuttitādassanañhetaṃ nissayapaccayavisesadassananti.
д̇зсанд̇и язсам̣ пассавин̃н̃аан̣аани баагадаани, д̇зсам̣. ан̃н̃зсанд̇и д̇ад̇о ан̃н̃зсам̣, язсам̣ пассавин̃н̃аан̣аани на баагадаани. сукад̣̇угкавзд̣̇анаанам̣ сувибхууд̇авуд̇д̇ид̇ааяа вуд̇д̇ам̣ ‘‘саб̣б̣зсам̣ винзяяаанам̣ взд̣̇анаа баагадаа’’д̇и. вилаабзд̇ваа вилаабзд̇ваад̇и сувисуд̣̇д̇хам̣ наванийд̇ам̣ вилаабзд̇ваа сийд̇ибхууд̇ам̣ ад̇исийд̇алз уд̣̇агз багкибид̇ваа бад̇т̇иннам̣ тид̇ам̣ мад̇т̇зд̇ваа барибин̣д̣зд̇ваа буна вилаабзд̇ваад̇и сад̇аваарам̣ звам̣ гад̇ваа.
Tesanti yesaṃ phassaviññāṇāni pākaṭāni, tesaṃ. Aññesanti tato aññesaṃ, yesaṃ phassaviññāṇāni na pākaṭāni. Sukhadukkhavedanānaṃ suvibhūtavuttitāya vuttaṃ ‘‘sabbesaṃ vineyyānaṃ vedanā pākaṭā’’ti. Vilāpetvā vilāpetvāti suvisuddhaṃ navanītaṃ vilāpetvā sītibhūtaṃ atisītale udake pakkhipitvā patthinnaṃ ṭhitaṃ matthetvā paripiṇḍetvā puna vilāpetvāti satavāraṃ evaṃ katvā.
д̇ад̇т̇аабийд̇и яад̇т̇а аруубагаммадтаанам̣ зва…бз… д̣̇ассид̇ам̣, д̇ад̇т̇ааби. язсу суд̇д̇зсу д̇ад̣̇анд̇ог̇ад̇хам̣ руубагаммадтаананд̇и яож̇анаа.
Tatthāpīti yattha arūpakammaṭṭhānaṃ eva…pe… dassitaṃ, tatthāpi. Yesu suttesu tadantogadhaṃ rūpakammaṭṭhānanti yojanā.
взд̣̇анаанубассанаанид̣̇д̣̇зсаван̣н̣анаа нидтид̇аа.
Vedanānupassanāniddesavaṇṇanā niṭṭhitā.
жид̇д̇аанубассанаанид̣̇д̣̇зсаван̣н̣анаа
Cittānupassanāniddesavaṇṇanā
365. гилзсасамбаяуд̇д̇аанам̣ на висуд̣̇д̇хад̇аа ход̇ийд̇и самб̣анд̇хо. ид̇арзхибийд̇и ад̇д̇анаа самбаяуд̇д̇агилзсад̇о ид̇арзхиби асамбаяуд̇д̇зхи. висум̣ важананд̇и ан̃н̃аагусалад̇о висум̣ гад̇ваа важанам̣. висидтаг̇г̇ахан̣анд̇и висидтад̇ааг̇ахан̣ам̣, аавзн̣игасамохад̇аад̣̇ассананд̇и ад̇т̇о, яад̇о д̇ад̣̇убхаяам̣ момуухажид̇д̇анд̇и вужжад̇и.
365. Kilesasampayuttānaṃ na visuddhatā hotīti sambandho. Itarehipīti attanā sampayuttakilesato itarehipi asampayuttehi. Visuṃ vacananti aññākusalato visuṃ katvā vacanaṃ. Visiṭṭhaggahaṇanti visiṭṭhatāgahaṇaṃ, āveṇikasamohatādassananti attho, yato tadubhayaṃ momūhacittanti vuccati.
жид̇д̇аанубассанаанид̣̇д̣̇зсаван̣н̣анаа нидтид̇аа.
Cittānupassanāniddesavaṇṇanā niṭṭhitā.
д̇хаммаанубассанаанид̣̇д̣̇зсо
Dhammānupassanāniddeso
га. нийваран̣абаб̣б̣аван̣н̣анаа
Ka. nīvaraṇapabbavaṇṇanā
367. згасмим̣ яуг̇з б̣ад̣̇д̇хаг̇он̣аанам̣ вияа згад̇о бавад̇д̇и яуг̇анад̣̇д̇хад̇аа.
367. Ekasmiṃ yuge baddhagoṇānaṃ viya ekato pavatti yuganaddhatā.
г̇ахан̣аагаарзнаад̇и асубхзби аарамман̣з ‘‘субха’’нд̇и г̇ахан̣аагаарзна. нимид̇д̇анд̇и жаад̇и субханимид̇д̇анд̇и жа вужжад̇ийд̇и яож̇анаа. згам̣сзна сад̇д̇аа ад̇д̇ано ад̇д̇ано хид̇асукамзва аасийсанд̇ийд̇и гад̇ваа вуд̇д̇ам̣ ‘‘ааган̇кид̇асса хид̇асукассаа’’д̇и. анубааяо зва жа хид̇ависидтасса сукасса аяонисоманасигааро, ааган̇кид̇асса ваа яат̇аад̇хиббзд̇асса хид̇асукасса анубааяабхууд̇о. авиж̇ж̇анд̇хаа хи д̇аад̣̇исзби бавад̇д̇анд̇ийд̇и. нибпаад̣̇зд̇аб̣б̣зд̇и аяонисоманасигаарзна ниб̣б̣ад̇д̇зд̇аб̣б̣з гаамажчанд̣̇зд̇и ад̇т̇о.
Gahaṇākārenāti asubhepi ārammaṇe ‘‘subha’’nti gahaṇākārena. Nimittanti cāti subhanimittanti ca vuccatīti yojanā. Ekaṃsena sattā attano attano hitasukhameva āsīsantīti katvā vuttaṃ ‘‘ākaṅkhitassa hitasukhassā’’ti. Anupāyo eva ca hitavisiṭṭhassa sukhassa ayonisomanasikāro, ākaṅkhitassa vā yathādhippetassa hitasukhassa anupāyabhūto. Avijjandhā hi tādisepi pavattantīti. Nipphādetabbeti ayonisomanasikārena nibbattetabbe kāmacchandeti attho.
д̇ад̣̇анугуулад̇д̇аад̇и д̇зсам̣ асубхз ‘‘субха’’нд̇и, ‘‘асубха’’нд̇и жа бавад̇д̇аанам̣ аяонисоманасигаараяонисоманасигаараанам̣ анугуулад̇д̇аа. руубаад̣̇ийсу анижжаад̣̇иабхинивзсасса, анижжасан̃н̃аад̣̇ийнан̃жа яат̇аавуд̇д̇аманасигааруубаниссаяад̇аа д̇ад̣̇анугуулад̇аа.
Tadanukūlattāti tesaṃ asubhe ‘‘subha’’nti, ‘‘asubha’’nti ca pavattānaṃ ayonisomanasikārayonisomanasikārānaṃ anukūlattā. Rūpādīsu aniccādiabhinivesassa, aniccasaññādīnañca yathāvuttamanasikārūpanissayatā tadanukūlatā.
аахаарз бадиггууласан̃н̃ам̣ со уббаад̣̇зд̇ийд̇и самб̣анд̇хо. д̇аб̣б̣ибарин̣аамассаад̇и бхож̇анабарин̣аамасса ниссанд̣̇аад̣̇игасса. д̇ад̣̇аад̇хаарассаад̇и уд̣̇арасса, гааяассзва ваа. сод̇и бхож̇анзмад̇д̇ан̃н̃уу. суд̇д̇анд̇абарияааязна гаамарааг̇о ‘‘гаамажчанд̣̇анийваран̣а’’нд̇и вужжад̇ийд̇и ааха ‘‘абхид̇хаммабарияааязнаа’’д̇и. абхид̇хаммз хи ‘‘нийваран̣ам̣ д̇хаммам̣ бадижжа нийваран̣о д̇хаммо уббаж̇ж̇ад̇и набурзж̇аад̇абажжаяаа’’д̇и (бадтаа. 3.8.8) зд̇асса вибхан̇г̇з ‘‘аруубз гаамажчанд̣̇анийваран̣ам̣ бадижжа т̇инамид̣̇д̇ханийваран̣ам̣ уд̣̇д̇хажжанийваран̣ам̣ авиж̇ж̇аанийваран̣ам̣ уббаж̇ж̇ад̇ий’’д̇иаад̣̇иважанад̇о бхаварааг̇оби гаамажчанд̣̇анийваран̣ам̣ вуд̇д̇анд̇и вин̃н̃ааяад̇и. д̇знааха ‘‘саб̣б̣оби лобхо гаамажчанд̣̇анийваран̣а’’нд̇и.
Āhāre paṭikkūlasaññaṃ so uppādetīti sambandho. Tabbipariṇāmassāti bhojanapariṇāmassa nissandādikassa. Tadādhārassāti udarassa, kāyasseva vā. Soti bhojanemattaññū. Suttantapariyāyena kāmarāgo ‘‘kāmacchandanīvaraṇa’’nti vuccatīti āha ‘‘abhidhammapariyāyenā’’ti. Abhidhamme hi ‘‘nīvaraṇaṃ dhammaṃ paṭicca nīvaraṇo dhammo uppajjati napurejātapaccayā’’ti (paṭṭhā. 3.8.8) etassa vibhaṅge ‘‘arūpe kāmacchandanīvaraṇaṃ paṭicca thinamiddhanīvaraṇaṃ uddhaccanīvaraṇaṃ avijjānīvaraṇaṃ uppajjatī’’tiādivacanato bhavarāgopi kāmacchandanīvaraṇaṃ vuttanti viññāyati. Tenāha ‘‘sabbopi lobho kāmacchandanīvaraṇa’’nti.
сиймаабхзд̣̇з гад̇зд̇и ад̇д̇аад̣̇имарияаад̣̇ааяа бхиннааяа, ад̇д̇аад̣̇ийсу саб̣б̣ад̇т̇а згаруубааяа мзд̇д̇аабхааванааяаад̇и ад̇т̇о. вихаараад̣̇иуд̣̇д̣̇зсарахид̇анд̇и вихаараад̣̇ибад̣̇зсабарижчзд̣̇арахид̇ам̣. уг̇г̇ахид̇ааяа мзд̇д̇ааяа. адтавийсад̇ивид̇хаад̇и ид̇т̇иаад̣̇ивасзна сад̇д̇авид̇хаа бажжзгам̣ авзраад̣̇ийхи яож̇анаавасзна адтавийсад̇ивид̇хаа. сад̇д̇аад̣̇иид̇т̇иаад̣̇иавзраад̣̇ияог̇знаад̇и зд̇т̇а сад̇д̇аад̣̇иавзраад̣̇ияог̇зна вийсад̇и, ид̇т̇иаад̣̇иавзраад̣̇ияог̇зна адтавийсад̇ийд̇и адтажад̇д̇аарийсам̣ згиссаа д̣̇исааяа. д̇ат̇аа сзсад̣̇исаасубийд̇и саб̣б̣аа сан̇г̇ахзд̇ваа ааха ‘‘асийд̇аад̇хигажад̇усад̇аббабхзд̣̇аа’’д̇и.
Sīmābhede kateti attādimariyādāya bhinnāya, attādīsu sabbattha ekarūpāya mettābhāvanāyāti attho. Vihārādiuddesarahitanti vihārādipadesaparicchedarahitaṃ. Uggahitāya mettāya. Aṭṭhavīsatividhāti itthiādivasena sattavidhā paccekaṃ averādīhi yojanāvasena aṭṭhavīsatividhā. Sattādiitthiādiaverādiyogenāti ettha sattādiaverādiyogena vīsati, itthiādiaverādiyogena aṭṭhavīsatīti aṭṭhacattārīsaṃ ekissā disāya. Tathā sesadisāsupīti sabbā saṅgahetvā āha ‘‘asītādhikacatusatappabhedā’’ti.
гад̇аагад̇аанусожанан̃жа на ход̇ийд̇и яож̇анаа. ‘‘б̣ахугам̣ суд̇ам̣ ход̇и суд̇д̇ам̣ г̇зяяа’’нд̇иаад̣̇иважанад̇о (а. ни. 4.6) б̣ахуссуд̇ад̇аа наван̇г̇асса саасанасса васзна взд̣̇ид̇аб̣б̣аа, на винаяамад̇д̇ассзваад̇и вуд̣дхад̇ам̣ бана анабзгкид̇ваа ижжзва вуд̇д̇ам̣, на б̣ахуссуд̇ад̇ан̃жаад̇и.
Katākatānusocanañca na hotīti yojanā. ‘‘Bahukaṃ sutaṃ hoti suttaṃ geyya’’ntiādivacanato (a. ni. 4.6) bahussutatā navaṅgassa sāsanassa vasena veditabbā, na vinayamattassevāti vuḍḍhataṃ pana anapekkhitvā icceva vuttaṃ, na bahussutatañcāti.
д̇идтад̇и ануббаннаа вижигижчаа зд̇т̇а зд̇зсу ‘‘ахосим̣ ну ко ахамад̇ийд̇амад̣̇д̇хаана’’нд̇иаад̣̇игааяа (ма. ни. 1.18; са. ни. 2.20) бавад̇д̇ияаа анзгабхзд̣̇зсу буримуббаннзсу вижигижчаад̇хаммзсууд̇и д̇з таанийяаа вуд̇д̇аа.
Tiṭṭhati anuppannā vicikicchā ettha etesu ‘‘ahosiṃ nu kho ahamatītamaddhāna’’ntiādikāya (ma. ni. 1.18; sa. ni. 2.20) pavattiyā anekabhedesu purimuppannesu vicikicchādhammesūti te ṭhānīyā vuttā.
адтавад̇т̇угаабийд̇и на гзвалам̣ сол̣асавад̇т̇угаа, нааби рад̇анад̇д̇аяавад̇т̇угаа жа, ат̇а ко адтавад̇т̇угааби. рад̇анад̇д̇аяз сам̣саяаабаннасса сигкаад̣̇ийсу ган̇каасамбхавад̇о, д̇ад̇т̇а ниб̣б̣змад̇игасса д̇ад̣̇абхаавад̇о жа сзсавижигижчаанам̣ рад̇анад̇д̇аяавижигижчаамуулигад̇аа д̣̇адтаб̣б̣аа. анубависанам̣ ‘‘звамзд̇а’’нд̇и сад̣̇д̣̇аханавасзна аарамман̣асса багканд̣̇анам̣.
Aṭṭhavatthukāpīti na kevalaṃ soḷasavatthukā, nāpi ratanattayavatthukā ca, atha kho aṭṭhavatthukāpi. Ratanattaye saṃsayāpannassa sikkhādīsu kaṅkhāsambhavato, tattha nibbematikassa tadabhāvato ca sesavicikicchānaṃ ratanattayavicikicchāmūlikatā daṭṭhabbā. Anupavisanaṃ ‘‘evameta’’nti saddahanavasena ārammaṇassa pakkhandanaṃ.
нийваран̣абаб̣б̣аван̣н̣анаа нидтид̇аа.
Nīvaraṇapabbavaṇṇanā niṭṭhitā.
ка. б̣ож̇жхан̇г̇абаб̣б̣аван̣н̣анаа
Kha. bojjhaṅgapabbavaṇṇanā
д̇знаад̇и ад̇т̇асанниссид̇аг̇г̇ахан̣зна.
Tenāti atthasannissitaggahaṇena.
бажжаяавасзна д̣̇уб̣б̣алабхааво манд̣̇ад̇аа.
Paccayavasena dubbalabhāvo mandatā.
баб̣б̣ад̇абад̣̇зсаванаг̇ахананд̇арид̇оби г̇аамо на д̣̇уурз, баб̣б̣ад̇ам̣ баригкибид̇ваа г̇анд̇аб̣б̣ад̇ааяа ааваасо аран̃н̃алагкан̣уубзд̇о, д̇асмаа мам̣сасод̇знзва ассосийд̇и вад̣̇анд̇и.
Pabbatapadesavanagahanantaritopi gāmo na dūre, pabbataṃ parikkhipitvā gantabbatāya āvāso araññalakkhaṇūpeto, tasmā maṃsasoteneva assosīti vadanti.
самбад̇д̇ихзд̇уд̇ааяа басаад̣̇о синзхабарияааязна вуд̇д̇о.
Sampattihetutāya pasādo sinehapariyāyena vutto.
инд̣̇рияаанам̣ д̇игкабхааваабаад̣̇анам̣ д̇зж̇анам̣. д̇осанам̣ бамод̣̇анам̣.
Indriyānaṃ tikkhabhāvāpādanaṃ tejanaṃ. Tosanaṃ pamodanaṃ.
б̣ож̇жхан̇г̇абаб̣б̣аван̣н̣анаа нидтид̇аа.
Bojjhaṅgapabbavaṇṇanā niṭṭhitā.
самат̇авибассанаавасзна батамасса сад̇ибадтаанасса, суд̣̇д̇хавибассанаавасзна ид̇арзсам̣. ааг̇аманавасзна вуд̇д̇ам̣ ан̃н̃ат̇аа маг̇г̇асаммаасад̇ияаа гат̇ам̣ гааяаарамман̣ад̇аа сияаад̇и ад̇хиббааяо. гааяаанубассиаад̣̇ийнам̣ жад̇уб̣б̣ид̇хаанам̣ буг̇г̇алаанам̣ вуд̇д̇аанам̣. д̇знааха ‘‘на хи саггаа згасса…бз… вад̇д̇у’’нд̇и. анзгасад̇исамбхавааваб̣од̇хабасан̇г̇аад̇и згажид̇д̇уббаад̣̇зна анзгиссаа сад̇ияаа самбхавасса, сад̇и жа д̇асмим̣ анзгааваб̣од̇хасса жа аабаж̇ж̇анад̇о. сагижжабарижчиннзд̇и ад̇д̇ано гижжависзсависидтз. д̇хаммабхзд̣̇знаад̇и аарамман̣абхзд̣̇ависидтзна д̇хаммависзсзна. на д̇хаммасса д̇хаммо гижжанд̇и згасса д̇хаммасса ан̃н̃ад̇хаммо гижжам̣ наама на ход̇и д̇ад̣̇абхаавад̇о. д̇хаммабхзд̣̇зна д̇хаммасса вибхааг̇зна. д̇асса бхзд̣̇од̇и д̇асса гижжасса бхзд̣̇о над̇т̇и. д̇асмаад̇и яасмаа наяид̇ха д̇хаммасса вибхааг̇зна гижжабхзд̣̇о ижчид̇о, гижжабхзд̣̇зна бана д̇хаммавибхааг̇о ижчид̇о, д̇асмаа. д̇зна вуд̇д̇ам̣ ‘‘згааваа’’д̇иаад̣̇и.
Samathavipassanāvasena paṭhamassa satipaṭṭhānassa, suddhavipassanāvasena itaresaṃ. Āgamanavasena vuttaṃ aññathā maggasammāsatiyā kathaṃ kāyārammaṇatā siyāti adhippāyo. Kāyānupassiādīnaṃ catubbidhānaṃ puggalānaṃ vuttānaṃ. Tenāha ‘‘na hi sakkā ekassa…pe… vattu’’nti. Anekasatisambhavāvabodhapasaṅgāti ekacittuppādena anekissā satiyā sambhavassa, sati ca tasmiṃ anekāvabodhassa ca āpajjanato. Sakiccaparicchinneti attano kiccavisesavisiṭṭhe. Dhammabhedenāti ārammaṇabhedavisiṭṭhena dhammavisesena. Na dhammassa dhammo kiccanti ekassa dhammassa aññadhammo kiccaṃ nāma na hoti tadabhāvato. Dhammabhedena dhammassa vibhāgena. Tassa bhedoti tassa kiccassa bhedo natthi. Tasmāti yasmā nayidha dhammassa vibhāgena kiccabhedo icchito, kiccabhedena pana dhammavibhāgo icchito, tasmā. Tena vuttaṃ ‘‘ekāvā’’tiādi.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
374. ‘‘гааяз гааяаанубассий’’д̇и ид̣̇ам̣ буг̇г̇алаад̇хидтаанзна сад̇ибадтаанависзсанам̣, д̇ан̃жа ааг̇аманасид̣̇д̇хам̣, ан̃н̃ат̇аа д̇асса асамбхавад̇од̇и ааха ‘‘ааг̇аманавасзна…бз… д̣̇зсзд̇ваа’’д̇и. буг̇г̇алам̣ анаамасид̇ваад̇и ‘‘гааяз гааяаанубассий’’д̇и звам̣ буг̇г̇алам̣ аг̇г̇ахзд̇ваа. д̇ат̇аа анаамасанад̇о зва ааг̇аманависзсанам̣ агад̇ваа. наяад̣̇ваязд̇и анубассанаанаяо, суд̣̇д̇хиганаяод̇и зд̇асмим̣ наяад̣̇ваяз.
374. ‘‘Kāye kāyānupassī’’ti idaṃ puggalādhiṭṭhānena satipaṭṭhānavisesanaṃ, tañca āgamanasiddhaṃ, aññathā tassa asambhavatoti āha ‘‘āgamanavasena…pe… desetvā’’ti. Puggalaṃ anāmasitvāti ‘‘kāye kāyānupassī’’ti evaṃ puggalaṃ aggahetvā. Tathā anāmasanato eva āgamanavisesanaṃ akatvā. Nayadvayeti anupassanānayo, suddhikanayoti etasmiṃ nayadvaye.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
сад̇ибадтаанавибхан̇г̇аван̣н̣анаа нидтид̇аа.
Satipaṭṭhānavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 7. сад̇ибадтаанавибхан̇г̇о • 7. Satipaṭṭhānavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяам̣ уд̣̇д̣̇зсаваараван̣н̣анаа • 1. Suttantabhājanīyaṃ uddesavāravaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 7. сад̇ибадтаанавибхан̇г̇о • 7. Satipaṭṭhānavibhaṅgo
