| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
(९) ४. सतिवग्गो
(9) 4. Sativaggo
१-२. सतिसम्पजञ्ञसुत्तवण्णना
1-2. Satisampajaññasuttavaṇṇanā
८१-८२. नवमस्स पठमं हेट्ठा वुत्तनयमेव। दुतिये सद्धोति दुविधाय सद्धाय समन्नागतो। नो चुपसङ्कमिताति न उपट्ठहति। नो च परिपुच्छिताति अत्थानत्थं कारणाकारणं परिपुच्छिता न होति। समन्नागतोति सामिअत्थे पच्चत्तं, समन्नागतस्साति वुत्तं होति। एकन्तपटिभाना तथागतं धम्मदेसना होतीति तथागतस्स एकन्तपटिभाना धम्मदेसना होति, एकन्तेनेव पटिभाति उपट्ठातीति अत्थो।
81-82. Navamassa paṭhamaṃ heṭṭhā vuttanayameva. Dutiye saddhoti duvidhāya saddhāya samannāgato. No cupasaṅkamitāti na upaṭṭhahati. Noca paripucchitāti atthānatthaṃ kāraṇākāraṇaṃ paripucchitā na hoti. Samannāgatoti sāmiatthe paccattaṃ, samannāgatassāti vuttaṃ hoti. Ekantapaṭibhānā tathāgataṃ dhammadesanā hotīti tathāgatassa ekantapaṭibhānā dhammadesanā hoti, ekanteneva paṭibhāti upaṭṭhātīti attho.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. सतिसम्पजञ्ञसुत्तं • 1. Satisampajaññasuttaṃ
२. पुण्णियसुत्तं • 2. Puṇṇiyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१०. सद्धासुत्तादिवण्णना • 1-10. Saddhāsuttādivaṇṇanā
