| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. аруубад̇хаммававад̇д̇анаваг̇г̇о
7. Arūpadhammavavattanavaggo
1. сад̇иуббаж̇ж̇анабан̃хо
1. Satiuppajjanapañho
1. рааж̇аа ааха ‘‘бханд̇з нааг̇асзна, гад̇ихаагаарзхи сад̇и уббаж̇ж̇ад̇ий’’д̇и? ‘‘сад̇д̇арасахаагаарзхи, махаарааж̇а, сад̇и уббаж̇ж̇ад̇ий’’д̇и. ‘‘гад̇амзхи сад̇д̇арасахаагаарзхий’’д̇и? ‘‘абхиж̇аанад̇оби, махаарааж̇а, сад̇и уббаж̇ж̇ад̇и, гадумигааяаби сад̇и уббаж̇ж̇ад̇и, ол̣ааригавин̃н̃аан̣ад̇оби сад̇и уббаж̇ж̇ад̇и, хид̇авин̃н̃аан̣ад̇оби сад̇и уббаж̇ж̇ад̇и, ахид̇авин̃н̃аан̣ад̇оби сад̇и уббаж̇ж̇ад̇и, сабхааг̇анимид̇д̇ад̇оби сад̇и уббаж̇ж̇ад̇и, висабхааг̇анимид̇д̇ад̇оби сад̇и уббаж̇ж̇ад̇и, гат̇аабхин̃н̃аан̣ад̇оби сад̇и уббаж̇ж̇ад̇и, лагкан̣ад̇оби сад̇и уббаж̇ж̇ад̇и, сааран̣ад̇оби сад̇и уббаж̇ж̇ад̇и, муд̣̇д̣̇аад̇оби сад̇и уббаж̇ж̇ад̇и, г̇ан̣анаад̇оби сад̇и уббаж̇ж̇ад̇и, д̇хааран̣ад̇оби сад̇и уббаж̇ж̇ад̇и, бхааванад̇оби сад̇и уббаж̇ж̇ад̇и, бод̇т̇аганиб̣анд̇ханад̇оби сад̇и уббаж̇ж̇ад̇и, убанигкзбад̇оби сад̇и уббаж̇ж̇ад̇и, анубхууд̇ад̇оби сад̇и уббаж̇ж̇ад̇ийд̇и.
1. Rājā āha ‘‘bhante nāgasena, katihākārehi sati uppajjatī’’ti? ‘‘Sattarasahākārehi, mahārāja, sati uppajjatī’’ti. ‘‘Katamehi sattarasahākārehī’’ti? ‘‘Abhijānatopi, mahārāja, sati uppajjati, kaṭumikāyapi sati uppajjati, oḷārikaviññāṇatopi sati uppajjati, hitaviññāṇatopi sati uppajjati, ahitaviññāṇatopi sati uppajjati, sabhāganimittatopi sati uppajjati, visabhāganimittatopi sati uppajjati, kathābhiññāṇatopi sati uppajjati, lakkhaṇatopi sati uppajjati, sāraṇatopi sati uppajjati, muddātopi sati uppajjati, gaṇanātopi sati uppajjati, dhāraṇatopi sati uppajjati, bhāvanatopi sati uppajjati, potthakanibandhanatopi sati uppajjati, upanikkhepatopi sati uppajjati, anubhūtatopi sati uppajjatīti.
‘‘гат̇ам̣ абхиж̇аанад̇о сад̇и уббаж̇ж̇ад̇и? яат̇аа, махаарааж̇а, ааяасмаа жа аананд̣̇о куж̇ж̇уд̇д̇араа жа убаасигаа, яз ваа бана ан̃н̃зби гзжи ж̇аад̇иссараа ж̇аад̇им̣ саранд̇и, звам̣ абхиж̇аанад̇о сад̇и уббаж̇ж̇ад̇и.
‘‘Kathaṃ abhijānato sati uppajjati? Yathā, mahārāja, āyasmā ca ānando khujjuttarā ca upāsikā, ye vā pana aññepi keci jātissarā jātiṃ saranti, evaṃ abhijānato sati uppajjati.
‘‘гат̇ам̣ гадумигааяа сад̇и уббаж̇ж̇ад̇и? яо багад̇ияаа мудтассад̇иго, барз жа д̇ам̣ сараабанад̇т̇ам̣ ниб̣анд̇ханд̇и, звам̣ гадумигааяа сад̇и уббаж̇ж̇ад̇и.
‘‘Kathaṃ kaṭumikāya sati uppajjati? Yo pakatiyā muṭṭhassatiko, pare ca taṃ sarāpanatthaṃ nibandhanti, evaṃ kaṭumikāya sati uppajjati.
‘‘гат̇ам̣ ол̣ааригавин̃н̃аан̣ад̇о сад̇и уббаж̇ж̇ад̇и? яад̣̇аа раж̇ж̇з ваа абхисид̇д̇о ход̇и, сод̇аабад̇д̇ипалам̣ ваа бад̇д̇о ход̇и, звам̣ ол̣ааригавин̃н̃аан̣ад̇о сад̇и уббаж̇ж̇ад̇и.
‘‘Kathaṃ oḷārikaviññāṇato sati uppajjati? Yadā rajje vā abhisitto hoti, sotāpattiphalaṃ vā patto hoti, evaṃ oḷārikaviññāṇato sati uppajjati.
‘‘гат̇ам̣ хид̇авин̃н̃аан̣ад̇о сад̇и уббаж̇ж̇ад̇и? яамхи сукаабид̇о, ‘амугасмим̣ звам̣ сукаабид̇о’д̇и сарад̇и, звам̣ хид̇авин̃н̃аан̣ад̇о сад̇и уббаж̇ж̇ад̇и.
‘‘Kathaṃ hitaviññāṇato sati uppajjati? Yamhi sukhāpito, ‘amukasmiṃ evaṃ sukhāpito’ti sarati, evaṃ hitaviññāṇato sati uppajjati.
‘‘гат̇ам̣ ахид̇авин̃н̃аан̣ад̇о сад̇и уббаж̇ж̇ад̇и? яамхи д̣̇угкаабид̇о, ‘амугасмим̣ звам̣ д̣̇угкаабид̇о’д̇и сарад̇и, звам̣ ахид̇авин̃н̃аан̣ад̇о сад̇и уббаж̇ж̇ад̇и.
‘‘Kathaṃ ahitaviññāṇato sati uppajjati? Yamhi dukkhāpito, ‘amukasmiṃ evaṃ dukkhāpito’ti sarati, evaṃ ahitaviññāṇato sati uppajjati.
‘‘гат̇ам̣ сабхааг̇анимид̇д̇ад̇о сад̇и уббаж̇ж̇ад̇и? сад̣̇исам̣ буг̇г̇алам̣ д̣̇исваа маад̇арам̣ ваа бид̇арам̣ ваа бхаад̇арам̣ ваа бхаг̇иним̣ ваа сарад̇и, одтам̣ ваа г̇он̣ам̣ ваа г̇ад̣̇рабхам̣ ваа д̣̇исваа ан̃н̃ам̣ д̇аад̣̇исам̣ одтам̣ ваа г̇он̣ам̣ ваа г̇ад̣̇рабхам̣ ваа сарад̇и, звам̣ сабхааг̇анимид̇д̇ад̇о сад̇и уббаж̇ж̇ад̇и.
‘‘Kathaṃ sabhāganimittato sati uppajjati? Sadisaṃ puggalaṃ disvā mātaraṃ vā pitaraṃ vā bhātaraṃ vā bhaginiṃ vā sarati, oṭṭhaṃ vā goṇaṃ vā gadrabhaṃ vā disvā aññaṃ tādisaṃ oṭṭhaṃ vā goṇaṃ vā gadrabhaṃ vā sarati, evaṃ sabhāganimittato sati uppajjati.
‘‘гат̇ам̣ висабхааг̇анимад̇д̇ад̇о сад̇и уббаж̇ж̇ад̇и? асугасса наама ван̣н̣о зд̣̇исо, сад̣̇д̣̇о зд̣̇исо, г̇анд̇хо зд̣̇исо, расо зд̣̇исо, подтаб̣б̣о зд̣̇исод̇и сарад̇и, звамби висабхааг̇анимид̇д̇ад̇оби м̣сад̇и уббаж̇ж̇ад̇и.
‘‘Kathaṃ visabhāganimattato sati uppajjati? Asukassa nāma vaṇṇo ediso, saddo ediso, gandho ediso, raso ediso, phoṭṭhabbo edisoti sarati, evampi visabhāganimittatopi ṃsati uppajjati.
‘‘гат̇ам̣ гат̇аабхин̃н̃аан̣ад̇о сад̇и уббаж̇ж̇ад̇и? яо багад̇ияаа мудтассад̇иго ход̇и, д̇ам̣ барз сараабзнд̇и, д̇зна со сарад̇и, звам̣ гат̇аабхин̃н̃аан̣ад̇о сад̇и уббаж̇ж̇ад̇и.
‘‘Kathaṃ kathābhiññāṇato sati uppajjati? Yo pakatiyā muṭṭhassatiko hoti, taṃ pare sarāpenti, tena so sarati, evaṃ kathābhiññāṇato sati uppajjati.
‘‘гат̇ам̣ лагкан̣ад̇о сад̇и уббаж̇ж̇ад̇и? яо багад̇ияаа б̣алийб̣ад̣̇д̣̇аанам̣ ан̇г̇зна ж̇аанаад̇и, лагкан̣зна ж̇аанаад̇и, звам̣ лагкан̣ад̇о сад̇и уббаж̇ж̇ад̇и.
‘‘Kathaṃ lakkhaṇato sati uppajjati? Yo pakatiyā balībaddānaṃ aṅgena jānāti, lakkhaṇena jānāti, evaṃ lakkhaṇato sati uppajjati.
‘‘гат̇ам̣ сааран̣ад̇о сад̇и уббаж̇ж̇ад̇и? яо багад̇ияаа мудтассад̇иго ход̇и, яо д̇ам̣ ‘сараахи бхо, сараахи бхо’д̇и бунаббунам̣ сараабзд̇и, звам̣ сааран̣ад̇о сад̇и уббаж̇ж̇ад̇и.
‘‘Kathaṃ sāraṇato sati uppajjati? Yo pakatiyā muṭṭhassatiko hoti, yo taṃ ‘sarāhi bho, sarāhi bho’ti punappunaṃ sarāpeti, evaṃ sāraṇato sati uppajjati.
‘‘гат̇ам̣ муд̣̇д̣̇аад̇о сад̇и уббаж̇ж̇ад̇и? либияаа сигкид̇ад̇д̇аа ж̇аанаад̇и ‘имасса агкарасса ананд̇арам̣ имам̣ агкарам̣ гаад̇аб̣б̣а’нд̇и звам̣ муд̣̇д̣̇аад̇о сад̇и уббаж̇ж̇ад̇и.
‘‘Kathaṃ muddāto sati uppajjati? Lipiyā sikkhitattā jānāti ‘imassa akkharassa anantaraṃ imaṃ akkharaṃ kātabba’nti evaṃ muddāto sati uppajjati.
‘‘гат̇ам̣ г̇ан̣анаад̇о сад̇и уббаж̇ж̇ад̇и? г̇ан̣анааяа сигкид̇ад̇д̇аа г̇ан̣агаа б̣ахумби г̇ан̣знд̇и, звам̣ г̇ан̣анаад̇о сад̇и уббаж̇ж̇ад̇и.
‘‘Kathaṃ gaṇanāto sati uppajjati? Gaṇanāya sikkhitattā gaṇakā bahumpi gaṇenti, evaṃ gaṇanāto sati uppajjati.
‘‘гат̇ам̣ д̇хааран̣ад̇о сад̇и уббаж̇ж̇ад̇и? д̇хааран̣ааяа сигкид̇ад̇д̇аа д̇хааран̣агаа б̣ахумби д̇хаарзнд̇и , звам̣ д̇хааран̣ад̇о сад̇и уббаж̇ж̇ад̇и.
‘‘Kathaṃ dhāraṇato sati uppajjati? Dhāraṇāya sikkhitattā dhāraṇakā bahumpi dhārenti , evaṃ dhāraṇato sati uppajjati.
‘‘гат̇ам̣ бхааванаад̇о сад̇и уббаж̇ж̇ад̇и? ид̇ха бхигку анзгавихид̇ам̣ буб̣б̣зниваасам̣ ануссарад̇и, сзяяат̇ийд̣̇ам̣, згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ буб̣б̣зниваасам̣ ануссарад̇и, звам̣ бхааванаад̇о сад̇и уббаж̇ж̇ад̇и.
‘‘Kathaṃ bhāvanāto sati uppajjati? Idha bhikkhu anekavihitaṃ pubbenivāsaṃ anussarati, seyyathīdaṃ, ekampi jātiṃ dvepi jātiyo…pe… iti sākāraṃ sauddesaṃ pubbenivāsaṃ anussarati, evaṃ bhāvanāto sati uppajjati.
‘‘гат̇ам̣ бод̇т̇аганиб̣анд̇ханад̇о сад̇и уббаж̇ж̇ад̇и? рааж̇аано анусаасанияам̣ ассаранд̇аа 1 зд̇ам̣ бод̇т̇агам̣ аахарат̇аад̇и, д̇зна бод̇т̇агзна ануссаранд̇и, звам̣ бод̇т̇аганиб̣анд̇ханад̇о сад̇и уббаж̇ж̇ад̇и.
‘‘Kathaṃ potthakanibandhanato sati uppajjati? Rājāno anusāsaniyaṃ assarantā 2 etaṃ potthakaṃ āharathāti, tena potthakena anussaranti, evaṃ potthakanibandhanato sati uppajjati.
‘‘гат̇ам̣ убанигкзбад̇о сад̇и уббаж̇ж̇ад̇и? убанигкид̇д̇ам̣ бхан̣д̣ам̣ д̣̇исваа сарад̇и, звам̣ убанигкзбад̇о сад̇и уббаж̇ж̇ад̇и.
‘‘Kathaṃ upanikkhepato sati uppajjati? Upanikkhittaṃ bhaṇḍaṃ disvā sarati, evaṃ upanikkhepato sati uppajjati.
‘‘гат̇ам̣ анубхууд̇ад̇о сад̇и уббаж̇ж̇ад̇и? д̣̇идтад̇д̇аа руубам̣ сарад̇и, суд̇ад̇д̇аа сад̣̇д̣̇ам̣ сарад̇и, гхааяид̇ад̇д̇аа г̇анд̇хам̣ сарад̇и, сааяид̇ад̇д̇аа расам̣ сарад̇и, пудтад̇д̇аа подтаб̣б̣ам̣ сарад̇и, вин̃н̃аад̇ад̇д̇аа д̇хаммам̣ сарад̇и, звам̣ анубхууд̇ад̇о сад̇и уббаж̇ж̇ад̇и. имзхи ко, махаарааж̇а, сад̇д̇арасахаагаарзхи сад̇и уббаж̇ж̇ад̇ий’’д̇и.
‘‘Kathaṃ anubhūtato sati uppajjati? Diṭṭhattā rūpaṃ sarati, sutattā saddaṃ sarati, ghāyitattā gandhaṃ sarati, sāyitattā rasaṃ sarati, phuṭṭhattā phoṭṭhabbaṃ sarati, viññātattā dhammaṃ sarati, evaṃ anubhūtato sati uppajjati. Imehi kho, mahārāja, sattarasahākārehi sati uppajjatī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
сад̇иуббаж̇ж̇анабан̃хо батамо.
Satiuppajjanapañho paṭhamo.
Footnotes:
