| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
ஸதிவினயகதா²
Sativinayakathā
195. பஞ்சிமானி பி⁴க்க²வே த⁴ம்மிகானி ஸதிவினயஸ்ஸ தா³னானீதி எத்த² ஸுத்³த⁴ஸ்ஸ அனாபத்திகஸ்ஸ தா³னங் ஏகங், அனுவதி³தஸ்ஸ தா³னங் ஏகங், யாசிதஸ்ஸ தா³னங் ஏகங், ஸங்கே⁴ன தா³னங் ஏகங், த⁴ம்மேன ஸமக்³க³தா³னங் ஏகந்தி ஏவங் பஞ்ச. ஏதானி பன ஏகேகஅங்க³வஸேன ந லப்³ப⁴ந்தி, தஸ்மா தே³ஸனாமத்தமேவேதங், பஞ்சங்க³ஸமன்னாக³தங் பன ஸதிவினயதா³னங் த⁴ம்மிகந்தி அயமெத்த² அத்தோ². தத்த² ச அனுவத³ந்தீதி சோதெ³ந்தி. ஸேஸங் உத்தானமேவ. அயங் பன ஸதிவினயோ கீ²ணாஸவஸ்ஸேவ தா³தப்³போ³ ந அஞ்ஞஸ்ஸ, அந்தமஸோ அனாகா³மினோபி. ஸோ ச கோ² அஞ்ஞேன சோதி³யமானஸ்ஸேவ, ந அசோதி³யமானஸ்ஸ. தி³ன்னே ச பன தஸ்மிங் சோத³கஸ்ஸ கதா² ந ருஹதி. சோதெ³ந்தோபி ‘‘அயங் கீ²ணாஸவோ ஸதிவினயலத்³தோ⁴, கோ துய்ஹங் கத²ங் க³ஹெஸ்ஸதீ’’தி அபஸாதே³தப்³ப³தங் ஆபஜ்ஜதி.
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
ஸதிவினயகதா² நிட்டி²தா.
Sativinayakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 2. ஸதிவினயோ • 2. Sativinayo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸதிவினயாதி³கதா²வண்ணனா • Sativinayādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸதிவினயகதா²வண்ணனா • Sativinayakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸதிவினயகதா²தி³வண்ணனா • Sativinayakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. ஸதிவினயகதா² • 2. Sativinayakathā
