| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
сад̇ивинаяагат̇аа
Sativinayakathā
195. бан̃жимаани бхигкавз д̇хаммигаани сад̇ивинаяасса д̣̇аанаанийд̇и зд̇т̇а суд̣̇д̇хасса анаабад̇д̇игасса д̣̇аанам̣ згам̣, анувад̣̇ид̇асса д̣̇аанам̣ згам̣, яаажид̇асса д̣̇аанам̣ згам̣, сан̇гхзна д̣̇аанам̣ згам̣, д̇хаммзна самаг̇г̇ад̣̇аанам̣ зганд̇и звам̣ бан̃жа. зд̇аани бана згзгаан̇г̇авасзна на лаб̣бханд̇и, д̇асмаа д̣̇зсанаамад̇д̇амзвзд̇ам̣, бан̃жан̇г̇асаманнааг̇ад̇ам̣ бана сад̇ивинаяад̣̇аанам̣ д̇хаммиганд̇и аяамзд̇т̇а ад̇т̇о. д̇ад̇т̇а жа анувад̣̇анд̇ийд̇и жод̣̇знд̇и. сзсам̣ уд̇д̇аанамзва. аяам̣ бана сад̇ивинаяо кийн̣аасавассзва д̣̇аад̇аб̣б̣о на ан̃н̃асса, анд̇амасо анааг̇ааминоби. со жа ко ан̃н̃зна жод̣̇ияамаанассзва, на ажод̣̇ияамаанасса. д̣̇иннз жа бана д̇асмим̣ жод̣̇агасса гат̇аа на рухад̇и. жод̣̇знд̇оби ‘‘аяам̣ кийн̣аасаво сад̇ивинаяалад̣̇д̇хо, го д̇уяхам̣ гат̇ам̣ г̇ахзссад̇ий’’д̇и абасаад̣̇зд̇аб̣б̣ад̇ам̣ аабаж̇ж̇ад̇и.
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
сад̇ивинаяагат̇аа нидтид̇аа.
Sativinayakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 2. сад̇ивинаяо • 2. Sativinayo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇ивинаяаад̣̇игат̇ааван̣н̣анаа • Sativinayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сад̇ивинаяагат̇ааван̣н̣анаа • Sativinayakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̇ивинаяагат̇аад̣̇иван̣н̣анаа • Sativinayakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. сад̇ивинаяагат̇аа • 2. Sativinayakathā
