| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
सतिविनयकथा
Sativinayakathā
१९५. पञ्चिमानि भिक्खवे धम्मिकानि सतिविनयस्स दानानीति एत्थ सुद्धस्स अनापत्तिकस्स दानं एकं, अनुवदितस्स दानं एकं, याचितस्स दानं एकं, सङ्घेन दानं एकं, धम्मेन समग्गदानं एकन्ति एवं पञ्च। एतानि पन एकेकअङ्गवसेन न लब्भन्ति, तस्मा देसनामत्तमेवेतं, पञ्चङ्गसमन्नागतं पन सतिविनयदानं धम्मिकन्ति अयमेत्थ अत्थो। तत्थ च अनुवदन्तीति चोदेन्ति। सेसं उत्तानमेव। अयं पन सतिविनयो खीणासवस्सेव दातब्बो न अञ्ञस्स, अन्तमसो अनागामिनोपि। सो च खो अञ्ञेन चोदियमानस्सेव, न अचोदियमानस्स। दिन्ने च पन तस्मिं चोदकस्स कथा न रुहति। चोदेन्तोपि ‘‘अयं खीणासवो सतिविनयलद्धो, को तुय्हं कथं गहेस्सती’’ति अपसादेतब्बतं आपज्जति।
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
सतिविनयकथा निट्ठिता।
Sativinayakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi / २. सतिविनयो • 2. Sativinayo
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / सतिविनयादिकथावण्णना • Sativinayādikathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / सतिविनयकथावण्णना • Sativinayakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / सतिविनयकथादिवण्णना • Sativinayakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २. सतिविनयकथा • 2. Sativinayakathā
