| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
သတိဝိနယကထာ
Sativinayakathā
၁၉၅. ပဉ္စိမာနိ ဘိက္ခဝေ ဓမ္မိကာနိ သတိဝိနယသ္သ ဒာနာနီတိ ဧတ္ထ သုဒ္ဓသ္သ အနာပတ္တိကသ္သ ဒာနံ ဧကံ, အနုဝဒိတသ္သ ဒာနံ ဧကံ, ယာစိတသ္သ ဒာနံ ဧကံ, သင္ဃေန ဒာနံ ဧကံ, ဓမ္မေန သမဂ္ဂဒာနံ ဧကန္တိ ဧဝံ ပဉ္စ။ ဧတာနိ ပန ဧကေကအင္ဂဝသေန န လဗ္ဘန္တိ, တသ္မာ ဒေသနာမတ္တမေဝေတံ, ပဉ္စင္ဂသမန္နာဂတံ ပန သတိဝိနယဒာနံ ဓမ္မိကန္တိ အယမေတ္ထ အတ္ထော။ တတ္ထ စ အနုဝဒန္တီတိ စောဒေန္တိ။ သေသံ ဥတ္တာနမေဝ။ အယံ ပန သတိဝိနယော ခီဏာသဝသ္သေဝ ဒာတဗ္ဗော န အညသ္သ, အန္တမသော အနာဂာမိနောပိ။ သော စ ခော အညေန စောဒိယမာနသ္သေဝ, န အစောဒိယမာနသ္သ။ ဒိန္နေ စ ပန တသ္မိံ စောဒကသ္သ ကထာ န ရုဟတိ။ စောဒေန္တောပိ ‘‘အယံ ခီဏာသဝော သတိဝိနယလဒ္ဓော, ကော တုယ္ဟံ ကထံ ဂဟေသ္သတီ’’တိ အပသာဒေတဗ္ဗတံ အာပဇ္ဇတိ။
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
သတိဝိနယကထာ နိဋ္ဌိတာ။
Sativinayakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၂. သတိဝိနယော • 2. Sativinayo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သတိဝိနယာဒိကထာဝဏ္ဏနာ • Sativinayādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / သတိဝိနယကထာဝဏ္ဏနာ • Sativinayakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သတိဝိနယကထာဒိဝဏ္ဏနာ • Sativinayakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. သတိဝိနယကထာ • 2. Sativinayakathā
