| Library / Tipiṭaka / ತಿಪಿಟಕ • Tipiṭaka / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā |
ಸತಿವಿನಯಕಥಾ
Sativinayakathā
೧೯೫. ಪಞ್ಚಿಮಾನಿ ಭಿಕ್ಖವೇ ಧಮ್ಮಿಕಾನಿ ಸತಿವಿನಯಸ್ಸ ದಾನಾನೀತಿ ಏತ್ಥ ಸುದ್ಧಸ್ಸ ಅನಾಪತ್ತಿಕಸ್ಸ ದಾನಂ ಏಕಂ, ಅನುವದಿತಸ್ಸ ದಾನಂ ಏಕಂ, ಯಾಚಿತಸ್ಸ ದಾನಂ ಏಕಂ, ಸಙ್ಘೇನ ದಾನಂ ಏಕಂ, ಧಮ್ಮೇನ ಸಮಗ್ಗದಾನಂ ಏಕನ್ತಿ ಏವಂ ಪಞ್ಚ। ಏತಾನಿ ಪನ ಏಕೇಕಅಙ್ಗವಸೇನ ನ ಲಬ್ಭನ್ತಿ, ತಸ್ಮಾ ದೇಸನಾಮತ್ತಮೇವೇತಂ, ಪಞ್ಚಙ್ಗಸಮನ್ನಾಗತಂ ಪನ ಸತಿವಿನಯದಾನಂ ಧಮ್ಮಿಕನ್ತಿ ಅಯಮೇತ್ಥ ಅತ್ಥೋ। ತತ್ಥ ಚ ಅನುವದನ್ತೀತಿ ಚೋದೇನ್ತಿ। ಸೇಸಂ ಉತ್ತಾನಮೇವ। ಅಯಂ ಪನ ಸತಿವಿನಯೋ ಖೀಣಾಸವಸ್ಸೇವ ದಾತಬ್ಬೋ ನ ಅಞ್ಞಸ್ಸ, ಅನ್ತಮಸೋ ಅನಾಗಾಮಿನೋಪಿ। ಸೋ ಚ ಖೋ ಅಞ್ಞೇನ ಚೋದಿಯಮಾನಸ್ಸೇವ, ನ ಅಚೋದಿಯಮಾನಸ್ಸ। ದಿನ್ನೇ ಚ ಪನ ತಸ್ಮಿಂ ಚೋದಕಸ್ಸ ಕಥಾ ನ ರುಹತಿ। ಚೋದೇನ್ತೋಪಿ ‘‘ಅಯಂ ಖೀಣಾಸವೋ ಸತಿವಿನಯಲದ್ಧೋ, ಕೋ ತುಯ್ಹಂ ಕಥಂ ಗಹೇಸ್ಸತೀ’’ತಿ ಅಪಸಾದೇತಬ್ಬತಂ ಆಪಜ್ಜತಿ।
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
ಸತಿವಿನಯಕಥಾ ನಿಟ್ಠಿತಾ।
Sativinayakathā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ೨. ಸತಿವಿನಯೋ • 2. Sativinayo
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಸತಿವಿನಯಾದಿಕಥಾವಣ್ಣನಾ • Sativinayādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಸತಿವಿನಯಕಥಾವಣ್ಣನಾ • Sativinayakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಸತಿವಿನಯಕಥಾದಿವಣ್ಣನಾ • Sativinayakathādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೨. ಸತಿವಿನಯಕಥಾ • 2. Sativinayakathā
