| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
සතිවිනයකථා
Sativinayakathā
195. පඤ්‌චිමානි භික්‌ඛවෙ ධම්‌මිකානි සතිවිනයස්‌ස දානානීති එත්‌ථ සුද්‌ධස්‌ස අනාපත්‌තිකස්‌ස දානං එකං, අනුවදිතස්‌ස දානං එකං, යාචිතස්‌ස දානං එකං, සඞ්‌ඝෙන දානං එකං, ධම්‌මෙන සමග්‌ගදානං එකන්‌ති එවං පඤ්‌ච. එතානි පන එකෙකඅඞ්‌ගවසෙන න ලබ්‌භන්‌ති, තස්‌මා දෙසනාමත්‌තමෙවෙතං, පඤ්‌චඞ්‌ගසමන්‌නාගතං පන සතිවිනයදානං ධම්‌මිකන්‌ති අයමෙත්‌ථ අත්‌ථො. තත්‌ථ ච අනුවදන්‌තීති චොදෙන්‌ති. සෙසං උත්‌තානමෙව. අයං පන සතිවිනයො ඛීණාසවස්‌සෙව දාතබ්‌බො න අඤ්‌ඤස්‌ස, අන්‌තමසො අනාගාමිනොපි. සො ච ඛො අඤ්‌ඤෙන චොදියමානස්‌සෙව, න අචොදියමානස්‌ස. දින්‌නෙ ච පන තස්‌මිං චොදකස්‌ස කථා න රුහති. චොදෙන්‌තොපි ‘‘අයං ඛීණාසවො සතිවිනයලද්‌ධො, කො තුය්‌හං කථං ගහෙස්‌සතී’’ති අපසාදෙතබ්‌බතං ආපජ්‌ජති.
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
සතිවිනයකථා නිට්‌ඨිතා.
Sativinayakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 2. සතිවිනයො • 2. Sativinayo
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / සතිවිනයාදිකථාවණ්‌ණනා • Sativinayādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / සතිවිනයකථාවණ්‌ණනා • Sativinayakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සතිවිනයකථාදිවණ්‌ණනා • Sativinayakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. සතිවිනයකථා • 2. Sativinayakathā
