| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਸਤਿવਿਨਯਕਥਾ
Sativinayakathā
੧੯੫. ਪਞ੍ਚਿਮਾਨਿ ਭਿਕ੍ਖવੇ ਧਮ੍ਮਿਕਾਨਿ ਸਤਿવਿਨਯਸ੍ਸ ਦਾਨਾਨੀਤਿ ਏਤ੍ਥ ਸੁਦ੍ਧਸ੍ਸ ਅਨਾਪਤ੍ਤਿਕਸ੍ਸ ਦਾਨਂ ਏਕਂ, ਅਨੁવਦਿਤਸ੍ਸ ਦਾਨਂ ਏਕਂ, ਯਾਚਿਤਸ੍ਸ ਦਾਨਂ ਏਕਂ, ਸਙ੍ਘੇਨ ਦਾਨਂ ਏਕਂ, ਧਮ੍ਮੇਨ ਸਮਗ੍ਗਦਾਨਂ ਏਕਨ੍ਤਿ ਏવਂ ਪਞ੍ਚ। ਏਤਾਨਿ ਪਨ ਏਕੇਕਅਙ੍ਗવਸੇਨ ਨ ਲਬ੍ਭਨ੍ਤਿ, ਤਸ੍ਮਾ ਦੇਸਨਾਮਤ੍ਤਮੇવੇਤਂ, ਪਞ੍ਚਙ੍ਗਸਮਨ੍ਨਾਗਤਂ ਪਨ ਸਤਿવਿਨਯਦਾਨਂ ਧਮ੍ਮਿਕਨ੍ਤਿ ਅਯਮੇਤ੍ਥ ਅਤ੍ਥੋ। ਤਤ੍ਥ ਚ ਅਨੁવਦਨ੍ਤੀਤਿ ਚੋਦੇਨ੍ਤਿ। ਸੇਸਂ ਉਤ੍ਤਾਨਮੇવ। ਅਯਂ ਪਨ ਸਤਿવਿਨਯੋ ਖੀਣਾਸવਸ੍ਸੇવ ਦਾਤਬ੍ਬੋ ਨ ਅਞ੍ਞਸ੍ਸ, ਅਨ੍ਤਮਸੋ ਅਨਾਗਾਮਿਨੋਪਿ। ਸੋ ਚ ਖੋ ਅਞ੍ਞੇਨ ਚੋਦਿਯਮਾਨਸ੍ਸੇવ, ਨ ਅਚੋਦਿਯਮਾਨਸ੍ਸ। ਦਿਨ੍ਨੇ ਚ ਪਨ ਤਸ੍ਮਿਂ ਚੋਦਕਸ੍ਸ ਕਥਾ ਨ ਰੁਹਤਿ। ਚੋਦੇਨ੍ਤੋਪਿ ‘‘ਅਯਂ ਖੀਣਾਸવੋ ਸਤਿવਿਨਯਲਦ੍ਧੋ, ਕੋ ਤੁਯ੍ਹਂ ਕਥਂ ਗਹੇਸ੍ਸਤੀ’’ਤਿ ਅਪਸਾਦੇਤਬ੍ਬਤਂ ਆਪਜ੍ਜਤਿ।
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
ਸਤਿવਿਨਯਕਥਾ ਨਿਟ੍ਠਿਤਾ।
Sativinayakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੨. ਸਤਿવਿਨਯੋ • 2. Sativinayo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤਿવਿਨਯਾਦਿਕਥਾવਣ੍ਣਨਾ • Sativinayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਤਿવਿਨਯਕਥਾવਣ੍ਣਨਾ • Sativinayakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਤਿવਿਨਯਕਥਾਦਿવਣ੍ਣਨਾ • Sativinayakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਸਤਿવਿਨਯਕਥਾ • 2. Sativinayakathā
