| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੨. ਸਤਿવਿਨਯਕਥਾ
2. Sativinayakathā
੧੯੫. ਪਰਮ੍ਮੁਖਂ વਿਨੇਤਿ વਿਨਾਸੇਤੀਤਿ વਿਨਯੋ, ਪਰਮ੍ਮੁਖਂ વਿਨੇਤਿ વਿਨਾਸੇਤਿ ਅਨੇਨਾਤਿ વਾ વਿਨਯੋ, વਿਨਯਕਮ੍ਮਂ। ਸਙ੍ਘਧਮ੍ਮવਿਨਯਪੁਗ੍ਗਲਸਮ੍ਮੁਖਾਨਂ ਦਾਤਬ੍ਬੋ વਿਨਯੋ ਸਮ੍ਮੁਖਾવਿਨਯੋ। ਪਞ੍ਚਿਮਾਨੀਤਿ ਏਤ੍ਥ ਪਞ੍ਚਨ੍ਨਂ ਸਰੂਪਂ ਦਸ੍ਸੇਨ੍ਤੋ ਆਹ ‘‘ਸੁਦ੍ਧਸ੍ਸਾ’’ਤਿਆਦਿ। ਅਨੁવਦਿਤਸ੍ਸ ਦਾਨਨ੍ਤਿ ਸਮ੍ਬਨ੍ਧੋ। ਏਤਾਨੀਤਿ ਪਞ੍ਚ ਅਙ੍ਗਾਨਿ। ‘‘ਏਕੇਕਅਙ੍ਗવਸੇਨ ਨ ਲਬ੍ਭਨ੍ਤੀ’’ਤਿ ਇਮਿਨਾ ਸਮੁਦਾਯવਾਕ੍ਯਨਿਬ੍ਬਤ੍ਤਿਭਾવਤੋ ਪਞ੍ਚਙ੍ਗવਸੇਨੇવ ਲਬ੍ਭਨ੍ਤੀਤਿ ਦਸ੍ਸੇਤਿ। ਦੇਸਨਾਮਤ੍ਤਮੇવੇਤਨ੍ਤਿ ‘‘ਪਞ੍ਚਿਮਾਨੀ’’ਤਿ ਏਤਂ વਚਨਂ ਦੇਸਨਾਮਤ੍ਤਮੇવ, ਨ ਅવਯવવਾਕ੍ਯਨਿਬ੍ਬਤ੍ਤਿવਚਨਨ੍ਤਿ ਅਧਿਪ੍ਪਾਯੋ। ਧਮ੍ਮਨ੍ਤਿ ਭੂਤਂ। ਏਤ੍ਥਾਤਿ ‘‘ਪਞ੍ਚਿਮਾਨਿ ਭਿਕ੍ਖવੇ’’ਤਿਆਦਿવਚਨੇ। ਤਤ੍ਥ ਚਾਤਿ ‘‘ਪਞ੍ਚਿਮਾਨਿ ਭਿਕ੍ਖવੇ’’ਤਿਆਦਿવਚਨੇ ਚ। ਅਨੁવਦਨ੍ਤੀਤਿ ਏਤ੍ਥ ਅਨੁਦ੍ਧਂਸਨੇਨ વਦਨ੍ਤੀਤਿ ਦਸ੍ਸੇਨ੍ਤੋ ਆਹ ‘‘ਚੋਦੇਨ੍ਤੀ’’ਤਿ। ਅਯਂ ਪਨ ਸਤਿવਿਨਯੋ ਦਾਤਬ੍ਬੋਤਿ ਸਮ੍ਬਨ੍ਧੋ। ਅਨਾਗਾਮਿਨੋਪੀਤਿ ਪਿਸਦ੍ਦੋ ਸਮ੍ਭਾવਨੇ, ਸਕਦਾਗਾਮਿਆਦਿਕੇ ਪਨ ਕਾ ਨਾਮ ਕਥਾਤਿ ਦਸ੍ਸੇਤਿ। ਸੋ ਚ ਖੋਤਿ ਸਤਿવਿਨਯੋ ਚ। ਚੋਦਿਯਮਾਨੇਯੇવਾਤਿ ਚੋਦਿਯਮਾਨਸ੍ਸੇવ, ਅਯਮੇવ વਾ ਪਾਠੋ। ਤਸ੍ਮਿਨ੍ਤਿ ਸਤਿવਿਨਯਸ੍ਮਿਂ ਦਿਨ੍ਨੇਤਿ ਸਮ੍ਬਨ੍ਧੋ। ਅਚੋਦਿਤਤ੍ਤਾ ਕਥਾ ਨ ਰੂਹਤੀਤਿ ਆਹ ‘‘ਚੋਦੇਨ੍ਤੋਪੀ’’ਤਿਆਦਿ। ਆਪਜ੍ਜਤੀਤਿ ਚੋਦਕੋ ਆਪਜ੍ਜਤਿ। ਚੋਦਨਾਦਿਅਸਾਰੁਪ੍ਪੇ વਿਨੇਤਿ વਿਨਾਸੇਤੀਤਿ વਿਨਯੋ, વਿਨੇਤਿ વਿਨਾਸੇਤਿ ਅਨੇਨਾਤਿ વਾ વਿਨਯੋ, વਿਨਯਕਮ੍ਮਂ। ਸਤਿવੇਪੁਲ੍ਲਪਤ੍ਤਸ੍ਸ ਦਾਤਬ੍ਬੋ વਿਨਯੋ ਸਤਿવਿਨਯੋ।
195. Parammukhaṃ vineti vināsetīti vinayo, parammukhaṃ vineti vināseti anenāti vā vinayo, vinayakammaṃ. Saṅghadhammavinayapuggalasammukhānaṃ dātabbo vinayo sammukhāvinayo. Pañcimānīti ettha pañcannaṃ sarūpaṃ dassento āha ‘‘suddhassā’’tiādi. Anuvaditassa dānanti sambandho. Etānīti pañca aṅgāni. ‘‘Ekekaaṅgavasena na labbhantī’’ti iminā samudāyavākyanibbattibhāvato pañcaṅgavaseneva labbhantīti dasseti. Desanāmattamevetanti ‘‘pañcimānī’’ti etaṃ vacanaṃ desanāmattameva, na avayavavākyanibbattivacananti adhippāyo. Dhammanti bhūtaṃ. Etthāti ‘‘pañcimāni bhikkhave’’tiādivacane. Tattha cāti ‘‘pañcimāni bhikkhave’’tiādivacane ca. Anuvadantīti ettha anuddhaṃsanena vadantīti dassento āha ‘‘codentī’’ti. Ayaṃ pana sativinayo dātabboti sambandho. Anāgāminopīti pisaddo sambhāvane, sakadāgāmiādike pana kā nāma kathāti dasseti. So ca khoti sativinayo ca. Codiyamāneyevāti codiyamānasseva, ayameva vā pāṭho. Tasminti sativinayasmiṃ dinneti sambandho. Acoditattā kathā na rūhatīti āha ‘‘codentopī’’tiādi. Āpajjatīti codako āpajjati. Codanādiasāruppe vineti vināsetīti vinayo, vineti vināseti anenāti vā vinayo, vinayakammaṃ. Sativepullapattassa dātabbo vinayo sativinayo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੨. ਸਤਿવਿਨਯੋ • 2. Sativinayo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸਤਿવਿਨਯਕਥਾ • Sativinayakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤਿવਿਨਯਾਦਿਕਥਾવਣ੍ਣਨਾ • Sativinayādikathāvaṇṇanā
