| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
സതിവിനയകഥാ
Sativinayakathā
൧൯൫. പഞ്ചിമാനി ഭിക്ഖവേ ധമ്മികാനി സതിവിനയസ്സ ദാനാനീതി ഏത്ഥ സുദ്ധസ്സ അനാപത്തികസ്സ ദാനം ഏകം, അനുവദിതസ്സ ദാനം ഏകം, യാചിതസ്സ ദാനം ഏകം, സങ്ഘേന ദാനം ഏകം, ധമ്മേന സമഗ്ഗദാനം ഏകന്തി ഏവം പഞ്ച. ഏതാനി പന ഏകേകഅങ്ഗവസേന ന ലബ്ഭന്തി, തസ്മാ ദേസനാമത്തമേവേതം, പഞ്ചങ്ഗസമന്നാഗതം പന സതിവിനയദാനം ധമ്മികന്തി അയമേത്ഥ അത്ഥോ. തത്ഥ ച അനുവദന്തീതി ചോദേന്തി. സേസം ഉത്താനമേവ. അയം പന സതിവിനയോ ഖീണാസവസ്സേവ ദാതബ്ബോ ന അഞ്ഞസ്സ, അന്തമസോ അനാഗാമിനോപി. സോ ച ഖോ അഞ്ഞേന ചോദിയമാനസ്സേവ, ന അചോദിയമാനസ്സ. ദിന്നേ ച പന തസ്മിം ചോദകസ്സ കഥാ ന രുഹതി. ചോദേന്തോപി ‘‘അയം ഖീണാസവോ സതിവിനയലദ്ധോ, കോ തുയ്ഹം കഥം ഗഹേസ്സതീ’’തി അപസാദേതബ്ബതം ആപജ്ജതി.
195.Pañcimānibhikkhave dhammikāni sativinayassa dānānīti ettha suddhassa anāpattikassa dānaṃ ekaṃ, anuvaditassa dānaṃ ekaṃ, yācitassa dānaṃ ekaṃ, saṅghena dānaṃ ekaṃ, dhammena samaggadānaṃ ekanti evaṃ pañca. Etāni pana ekekaaṅgavasena na labbhanti, tasmā desanāmattamevetaṃ, pañcaṅgasamannāgataṃ pana sativinayadānaṃ dhammikanti ayamettha attho. Tattha ca anuvadantīti codenti. Sesaṃ uttānameva. Ayaṃ pana sativinayo khīṇāsavasseva dātabbo na aññassa, antamaso anāgāminopi. So ca kho aññena codiyamānasseva, na acodiyamānassa. Dinne ca pana tasmiṃ codakassa kathā na ruhati. Codentopi ‘‘ayaṃ khīṇāsavo sativinayaladdho, ko tuyhaṃ kathaṃ gahessatī’’ti apasādetabbataṃ āpajjati.
സതിവിനയകഥാ നിട്ഠിതാ.
Sativinayakathā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൨. സതിവിനയോ • 2. Sativinayo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / സതിവിനയാദികഥാവണ്ണനാ • Sativinayādikathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / സതിവിനയകഥാവണ്ണനാ • Sativinayakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / സതിവിനയകഥാദിവണ്ണനാ • Sativinayakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨. സതിവിനയകഥാ • 2. Sativinayakathā
