| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੪. ਸਮਥਕ੍ਖਨ੍ਧਕੋ
4. Samathakkhandhako
ਸਤਿવਿਨਯਕਥਾਦਿવਣ੍ਣਨਾ
Sativinayakathādivaṇṇanā
੧੯੫. ਸਮਥਕ੍ਖਨ੍ਧਕੇ ਖੀਣਾਸવਸ੍ਸ વਿਪੁਲਸਤਿਂ ਨਿਸ੍ਸਾਯ ਦਾਤਬ੍ਬੋ વਿਨਯੋ ਚੋਦਨਾਦਿਅਸਾਰੁਪ੍ਪਾਨਂ વਿਨਯਨੁਪਾਯੋ ਸਤਿવਿਨਯੋ।
195. Samathakkhandhake khīṇāsavassa vipulasatiṃ nissāya dātabbo vinayo codanādiasāruppānaṃ vinayanupāyo sativinayo.
੧੯੬. ਚਿਤ੍ਤવਿਪਰਿਯਾਸਕਤੋਤਿ ਕਤਚਿਤ੍ਤવਿਪਰਿਯਾਸੋ। ਗਗ੍ਗਂ ਭਿਕ੍ਖੁਂ…ਪੇ॰… ਚੋਦੇਨ੍ਤੀਤਿ ਏਤ੍ਥ ਪਨ ਉਮ੍ਮਤ੍ਤਕਸ੍ਸ ਇਦਂ ਉਮ੍ਮਤ੍ਤਕਂ, ਅਜ੍ਝਾਚਿਣ੍ਣਂ। ਤਦੇવ ਚਿਤ੍ਤવਿਪਰਿਯਾਸੇਨ ਕਤਨ੍ਤਿ ਚਿਤ੍ਤવਿਪਰਿਯਾਸਕਤਂ। ਤੇਨ ਉਮ੍ਮਤ੍ਤਕੇਨ ਚਿਤ੍ਤવਿਪਰਿਯਾਸਕਤੇਨ ਅਜ੍ਝਾਚਿਣ੍ਣੇਨ ਅਨਾਚਾਰੇਨ ਆਪਨ੍ਨਾਯ ਆਪਤ੍ਤਿਯਾ ਗਗ੍ਗਂ ਭਿਕ੍ਖੁਂ ਚੋਦੇਨ੍ਤੀਤਿ ਏવਮਤ੍ਥੋ ਦਟ੍ਠਬ੍ਬੋ। ਪਠਮਂ ਮੂਲ਼੍ਹੋ ਹੁਤ੍વਾ ਪਚ੍ਛਾ ਅਮੂਲ਼੍ਹਭਾવਂ ਉਪਗਤਸ੍ਸ ਦਾਤਬ੍ਬੋ વਿਨਯੋ ਅਮੂਲ਼੍ਹવਿਨਯੋ।
196.Cittavipariyāsakatoti katacittavipariyāso. Gaggaṃ bhikkhuṃ…pe… codentīti ettha pana ummattakassa idaṃ ummattakaṃ, ajjhāciṇṇaṃ. Tadeva cittavipariyāsena katanti cittavipariyāsakataṃ. Tena ummattakena cittavipariyāsakatena ajjhāciṇṇena anācārena āpannāya āpattiyā gaggaṃ bhikkhuṃ codentīti evamattho daṭṭhabbo. Paṭhamaṃ mūḷho hutvā pacchā amūḷhabhāvaṃ upagatassa dātabbo vinayo amūḷhavinayo.
੨੦੨. ਧਮ੍ਮવਾਦੀਨਂ ਯੇਭੁਯ੍ਯਭਾવਸਮ੍ਪਾਦਿਕਾ ਕਿਰਿਯਾ ਯੇਭੁਯ੍ਯਸਿਕਾਤਿ ਇਮਸ੍ਮਿਂ ਅਤ੍ਥੇ ਸ-ਕਾਰਾਗਮਸਹਿਤੋ ਇਕ-ਪਚ੍ਚਯਨ੍ਤੋਯਂ ਸਦ੍ਦੋਤਿ ਦਸ੍ਸੇਤੁਂ ਆਹ ‘‘ਯਸ੍ਸਾ’’ਤਿਆਦਿ। ਤਤ੍ਥ ਯਸ੍ਸਾ ਕਿਰਿਯਾਯਾਤਿ ਗੂਲ਼੍ਹਕવਿવਟ੍ਟਕਾਦਿਨਾ ਸਲਾਕਗ੍ਗਾਹਾਪਕਕਿਰਿਯਾਯ। ਯੇਭੁਯ੍ਯਭਾવਂ ਨਿਸ੍ਸਿਤਸਮਥਕਿਰਿਯਾ ਯੇਭੁਯ੍ਯਸਿਕਾਤਿ ਏવਂ ਯੇਭੁਯ੍ਯਸਿਕਾਸਦ੍ਦਸ੍ਸ ਅਤ੍ਥੋ ਗਹੇਤਬ੍ਬੋ। ਏવਞ੍ਹਿ ਅਯਂ ਅਧਿਕਰਣਸਮਥੋ ਨਾਮ ਹੋਤਿ। ਯਥਾવੁਤ੍ਤਸਲਾਕਗ੍ਗਾਹੇਨ ਹਿ ਧਮ੍ਮવਾਦੀਨਂ ਯੇਭੁਯ੍ਯਭਾવੇ ਸਿਦ੍ਧੇ ਪਚ੍ਛਾ ਤਂ ਯੇਭੁਯ੍ਯਭਾવਂ ਨਿਸ੍ਸਾਯੇવ ਅਧਿਕਰਣવੂਪਸਮੋ ਹੋਤਿ, ਨ ਧਮ੍ਮવਾਦੀਨਂ ਬਹੁਤਰਭਾવਸਾਧਕਕਿਰਿਯਾਮਤ੍ਤੇਨ।
202. Dhammavādīnaṃ yebhuyyabhāvasampādikā kiriyā yebhuyyasikāti imasmiṃ atthe sa-kārāgamasahito ika-paccayantoyaṃ saddoti dassetuṃ āha ‘‘yassā’’tiādi. Tattha yassā kiriyāyāti gūḷhakavivaṭṭakādinā salākaggāhāpakakiriyāya. Yebhuyyabhāvaṃ nissitasamathakiriyā yebhuyyasikāti evaṃ yebhuyyasikāsaddassa attho gahetabbo. Evañhi ayaṃ adhikaraṇasamatho nāma hoti. Yathāvuttasalākaggāhena hi dhammavādīnaṃ yebhuyyabhāve siddhe pacchā taṃ yebhuyyabhāvaṃ nissāyeva adhikaraṇavūpasamo hoti, na dhammavādīnaṃ bahutarabhāvasādhakakiriyāmattena.
੨੦੭. ‘‘ਸੇਸਮੇਤ੍ਥ ਤਜ੍ਜਨੀਯਾਦੀਸੁ વੁਤ੍ਤਨਯਮੇવਾ’’ਤਿ ਏਤੇਨ ਤਜ੍ਜਨੀਯਾਦਿਸਤ੍ਤਕਮ੍ਮਾਨਿ વਿਯ ਇਦਮ੍ਪਿ ਤਸ੍ਸਪਾਪਿਯਸਿਕਾਕਮ੍ਮਂ ਅਸੁਚਿਭਾવਾਦਿਦੋਸਯੁਤ੍ਤਸ੍ਸ, ਸਙ੍ਘਸ੍ਸ ਚ વਿਨਿਚ੍ਛਯੇ ਅਤਿਟ੍ਠਮਾਨਸ੍ਸ ਕਤ੍ਤਬ੍ਬਂ વਿਸੁਂ ਏਕਂ ਨਿਗ੍ਗਹਕਮ੍ਮਨ੍ਤਿ ਦਸ੍ਸੇਤਿ। ਏਤਸ੍ਮਿਞ੍ਹਿ ਨਿਗ੍ਗਹਕਮ੍ਮੇ ਕਤੇ ਸੋ ਪੁਗ੍ਗਲੋ ‘‘ਅਹਂ ਸੁਦ੍ਧੋ’’ਤਿ ਅਤ੍ਤਨੋ ਸੁਦ੍ਧਿਯਾ ਸਾਧਨਤ੍ਥਂ ਸਙ੍ਘਮਜ੍ਝਂ ਓਤਰਿਤੁਂ, ਸਙ੍ਘੋ ਚਸ੍ਸ વਿਨਿਚ੍ਛਯਂ ਦਾਤੁਂ ਨ ਲਭਤਿ, ਤਂ ਕਮ੍ਮਕਰਣਮਤ੍ਤੇਨੇવ ਚ ਤਂ ਅਧਿਕਰਣਂ વੂਪਸਨ੍ਤਂ ਹੋਤਿ।
207.‘‘Sesamettha tajjanīyādīsu vuttanayamevā’’ti etena tajjanīyādisattakammāni viya idampi tassapāpiyasikākammaṃ asucibhāvādidosayuttassa, saṅghassa ca vinicchaye atiṭṭhamānassa kattabbaṃ visuṃ ekaṃ niggahakammanti dasseti. Etasmiñhi niggahakamme kate so puggalo ‘‘ahaṃ suddho’’ti attano suddhiyā sādhanatthaṃ saṅghamajjhaṃ otarituṃ, saṅgho cassa vinicchayaṃ dātuṃ na labhati, taṃ kammakaraṇamatteneva ca taṃ adhikaraṇaṃ vūpasantaṃ hoti.
ਕਥਂ ਪਨੇਤਂ ਕਮ੍ਮਂ ਪਟਿਪ੍ਪਸ੍ਸਮ੍ਭਤੀਤਿ? ਕੇਚਿ ਪਨੇਤ੍ਥ ‘‘ਸੋ ਤਥਾ ਨਿਗ੍ਗਹਿਤੋ ਨਿਗ੍ਗਹਿਤੋવ ਹੋਤਿ, ਓਸਾਰਣਂ ਨ ਲਭਤਿ। ਤੇਨੇવ ਪਾਲ਼ਿਯਂ ਓਸਾਰਣਾ ਨ વੁਤ੍ਤਾ’’ਤਿ વਦਨ੍ਤਿ। ਅਞ੍ਞੇ ਪਨ ‘‘ਪਾਲ਼ਿਯਂ ਨ ਉਪਸਮ੍ਪਾਦੇਤਬ੍ਬਨ੍ਤਿਆਦਿਨਾ ਸਮ੍ਮਾવਤ੍ਤਨਸ੍ਸ વੁਤ੍ਤਤ੍ਤਾ ਸਮ੍ਮਾવਤ੍ਤਿਤ੍વਾ ਲਜ੍ਜਿਧਮ੍ਮੇ ਓਕ੍ਕਨ੍ਤਸ੍ਸ ਓਸਾਰਣਾ ਅવੁਤ੍ਤਾਪਿ ਤਜ੍ਜਨੀਯਾਦੀਸੁ વਿਯ ਨਯਤੋ ਕਮ੍ਮવਾਚਂ ਯੋਜੇਤ੍વਾ ਓਸਾਰਣਾ ਕਾਤਬ੍ਬਾ ਏવਾ’’ਤਿ વਦਨ੍ਤਿ, ਇਦਂ ਯੁਤ੍ਤਂ। ਤੇਨੇવ ਅਟ੍ਠਕਥਾਯਂ વਕ੍ਖਤਿ ‘‘ਸਚੇ ਸੀਲવਾ ਭવਿਸ੍ਸਤਿ, વਤ੍ਤਂ ਪਰਿਪੂਰੇਤ੍વਾ ਪਟਿਪ੍ਪਸ੍ਸਦ੍ਧਿਂ ਲਭਿਸ੍ਸਤਿ। ਨੋ ਚੇ, ਤਥਾਨਾਸਿਤਕੋવ ਭવਿਸ੍ਸਤੀ’’ਤਿ (ਚੂਲ਼વ॰ ਅਟ੍ਠ॰ ੨੩੮)। ਤਸ੍ਸਪਾਪਿਯਸਿਕਾਕਮ੍ਮਨ੍ਤਿ ਚ ਅਲੁਤ੍ਤਸਮਾਸੋਯੇવ। ਤੇਨਾਹ ‘‘ਇਦਂ ਹੀ’’ਤਿ ਆਦਿ।
Kathaṃ panetaṃ kammaṃ paṭippassambhatīti? Keci panettha ‘‘so tathā niggahito niggahitova hoti, osāraṇaṃ na labhati. Teneva pāḷiyaṃ osāraṇā na vuttā’’ti vadanti. Aññe pana ‘‘pāḷiyaṃ na upasampādetabbantiādinā sammāvattanassa vuttattā sammāvattitvā lajjidhamme okkantassa osāraṇā avuttāpi tajjanīyādīsu viya nayato kammavācaṃ yojetvā osāraṇā kātabbā evā’’ti vadanti, idaṃ yuttaṃ. Teneva aṭṭhakathāyaṃ vakkhati ‘‘sace sīlavā bhavissati, vattaṃ paripūretvā paṭippassaddhiṃ labhissati. No ce, tathānāsitakova bhavissatī’’ti (cūḷava. aṭṭha. 238). Tassapāpiyasikākammanti ca aluttasamāsoyeva. Tenāha ‘‘idaṃ hī’’ti ādi.
ਸਤਿવਿਨਯਕਥਾਦਿવਣ੍ਣਨਾ ਨਿਟ੍ਠਿਤਾ।
Sativinayakathādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੨. ਸਤਿવਿਨਯੋ • 2. Sativinayo
੩. ਅਮੂਲ਼੍ਹવਿਨਯੋ • 3. Amūḷhavinayo
੫. ਯੇਭੁਯ੍ਯਸਿਕਾ • 5. Yebhuyyasikā
੬. ਤਸ੍ਸਪਾਪਿਯਸਿਕਾ • 6. Tassapāpiyasikā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā
ਸਤਿવਿਨਯਕਥਾ • Sativinayakathā
ਅਮੂਲ਼੍ਹવਿਨਯਕਥਾ • Amūḷhavinayakathā
ਯੇਭੁਯ੍ਯਸਿਕਾਕਥਾ • Yebhuyyasikākathā
ਤਸ੍ਸਪਾਪਿਯਸਿਕਾਕਥਾ • Tassapāpiyasikākathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤਿવਿਨਯਾਦਿਕਥਾવਣ੍ਣਨਾ • Sativinayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਸਤਿવਿਨਯਕਥਾવਣ੍ਣਨਾ • Sativinayakathāvaṇṇanā
ਅਮੂਲ਼੍ਹવਿਨਯਕਥਾવਣ੍ਣਨਾ • Amūḷhavinayakathāvaṇṇanā
ਤਸ੍ਸਪਾਪਿਯਸਿਕਾਕਥਾવਣ੍ਣਨਾ • Tassapāpiyasikākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi
੨. ਸਤਿવਿਨਯਕਥਾ • 2. Sativinayakathā
੩. ਅਮੂਲ਼੍ਹવਿਨਯਕਥਾ • 3. Amūḷhavinayakathā
੫. ਯੇਭੁਯ੍ਯਸਿਕਾਕਥਾ • 5. Yebhuyyasikākathā
੬. ਤਸ੍ਸਪਾਪਿਯਸਿਕਾਕਥਾ • 6. Tassapāpiyasikākathā
