| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
сад̇ивинаяо
Sativinayo
236. 1 ‘‘ануваад̣̇аад̇хигаран̣ам̣ гад̇ихи самат̇зхи саммад̇и? ануваад̣̇аад̇хигаран̣ам̣ жад̇уухи самат̇зхи саммад̇и – саммукаавинаязна жа, сад̇ивинаязна жа, амуул̣хавинаязна жа, д̇ассабаабияасигааяа жа. сияаа ануваад̣̇аад̇хигаран̣ам̣ д̣̇вз самат̇з анааг̇амма – амуул̣хавинаяан̃жа, д̇ассабаабияасиган̃жа; д̣̇вийхи самат̇зхи саммзяяа – саммукаавинаязна жа, сад̇ивинаязна жаад̇и? сияаад̇исса важанийяам̣. яат̇аа гат̇ам̣ вияа? ид̇ха бана, бхигкавз, бхигкуу бхигкум̣ амуулигааяа сийлавибад̇д̇ияаа ануд̣̇д̇хам̣сзнд̇и. д̇асса ко, бхигкавз 2, бхигкуно сад̇ивзбуллаббад̇д̇асса сад̇ивинаяо д̣̇аад̇аб̣б̣о. зван̃жа бана, бхигкавз, д̣̇аад̇аб̣б̣о –
236.3 ‘‘Anuvādādhikaraṇaṃ katihi samathehi sammati? Anuvādādhikaraṇaṃ catūhi samathehi sammati – sammukhāvinayena ca, sativinayena ca, amūḷhavinayena ca, tassapāpiyasikāya ca. Siyā anuvādādhikaraṇaṃ dve samathe anāgamma – amūḷhavinayañca, tassapāpiyasikañca; dvīhi samathehi sammeyya – sammukhāvinayena ca, sativinayena cāti? Siyātissa vacanīyaṃ. Yathā kathaṃ viya? Idha pana, bhikkhave, bhikkhū bhikkhuṃ amūlikāya sīlavipattiyā anuddhaṃsenti. Tassa kho, bhikkhave 4, bhikkhuno sativepullappattassa sativinayo dātabbo. Evañca pana, bhikkhave, dātabbo –
‘‘д̇зна, бхигкавз, бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇а гарид̇ваа…бз… звамасса важанийяо – ‘мам̣, бханд̇з, бхигкуу амуулигааяа сийлавибад̇д̇ияаа ануд̣̇д̇хам̣сзнд̇и. сохам̣, бханд̇з , сад̇ивзбуллаббад̇д̇о сан̇гхам̣ сад̇ивинаяам̣ яаажаамий’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о. б̣яад̇д̇знам̣ бхигкунаа бадиб̣алзна сан̇гхо н̃аабзд̇аб̣б̣о –
‘‘Tena, bhikkhave, bhikkhunā saṅghaṃ upasaṅkamitvā ekaṃsaṃ uttarāsaṅga karitvā…pe… evamassa vacanīyo – ‘maṃ, bhante, bhikkhū amūlikāya sīlavipattiyā anuddhaṃsenti. Sohaṃ, bhante , sativepullappatto saṅghaṃ sativinayaṃ yācāmī’ti. Dutiyampi yācitabbo. Tatiyampi yācitabbo. Byattenaṃ bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. бхигкуу ид̇т̇аннаамам̣ бхигкум̣ амуулигааяа сийлавибад̇д̇ияаа ануд̣̇д̇хам̣сзнд̇и. со сад̇ивзбуллаббад̇д̇о сан̇гхам̣ сад̇ивинаяам̣ яаажад̇и . яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно сад̇ивзбуллаббад̇д̇асса сад̇ивинаяам̣ д̣̇ад̣̇зяяа. зсаа н̃ад̇д̇и.
‘‘Suṇātu me, bhante, saṅgho. Bhikkhū itthannāmaṃ bhikkhuṃ amūlikāya sīlavipattiyā anuddhaṃsenti. So sativepullappatto saṅghaṃ sativinayaṃ yācati . Yadi saṅghassa pattakallaṃ, saṅgho itthannāmassa bhikkhuno sativepullappattassa sativinayaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. бхигкуу ид̇т̇аннаамам̣ бхигкум̣ амуулигааяа сийлавибад̇д̇ияаа ануд̣̇д̇хам̣сзнд̇и. со сад̇ивзбуллаббад̇д̇о сан̇гхам̣ сад̇ивинаяам̣ яаажад̇и. сан̇гхо ид̇т̇аннаамасса бхигкуно сад̇ивзбуллаббад̇д̇асса сад̇ивинаяам̣ д̣̇зд̇и. яассааяасмад̇о камад̇и ид̇т̇аннаамасса бхигкуно сад̇ивзбуллаббад̇д̇асса сад̇ивинаяасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Bhikkhū itthannāmaṃ bhikkhuṃ amūlikāya sīlavipattiyā anuddhaṃsenti. So sativepullappatto saṅghaṃ sativinayaṃ yācati. Saṅgho itthannāmassa bhikkhuno sativepullappattassa sativinayaṃ deti. Yassāyasmato khamati itthannāmassa bhikkhuno sativepullappattassa sativinayassa dānaṃ, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘д̣̇инно сан̇гхзна ид̇т̇аннаамасса бхигкуно сад̇ивзбуллаббад̇д̇асса сад̇ивинаяо. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinno saṅghena itthannāmassa bhikkhuno sativepullappattassa sativinayo. Khamati saṅghassa, tasmā tuṇhī, evametaṃ dhārayāmī’’ti.
‘‘ид̣̇ам̣ вужжад̇и, бхигкавз, ад̇хигаран̣ам̣ вуубасанд̇ам̣. гзна вуубасанд̇ам̣? саммукаавинаязна жа сад̇ивинаязна жа. гин̃жа д̇ад̇т̇а саммукаавинаяасмим̣? сан̇гхасаммукад̇аа, д̇хаммасаммукад̇аа , винаяасаммукад̇аа, буг̇г̇аласаммукад̇аа…бз… гаа жа д̇ад̇т̇а буг̇г̇аласаммукад̇аа? яо жа анувад̣̇ад̇и, яан̃жа анувад̣̇ад̇и, убхо саммукийбхууд̇аа хонд̇и – аяам̣ д̇ад̇т̇а буг̇г̇аласаммукад̇аа. гин̃жа д̇ад̇т̇а сад̇ивинаяасмим̣? яаа сад̇ивинаяасса гаммасса гирияаа гаран̣ам̣ убаг̇аманам̣ аж̇жхубаг̇аманам̣ ад̇хиваасанаа аббадиггосанаа – ид̣̇ам̣ д̇ад̇т̇а сад̇ивинаяасмим̣. звам̣ вуубасанд̇ам̣ жз, бхигкавз, ад̇хигаран̣ам̣ гаараго уггодзд̇и, уггоданагам̣ баажид̇д̇ияам̣; чанд̣̇ад̣̇ааяаго кийяад̇и, кийяанагам̣ баажид̇д̇ияам̣.
‘‘Idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena ca sativinayena ca. Kiñca tattha sammukhāvinayasmiṃ? Saṅghasammukhatā, dhammasammukhatā , vinayasammukhatā, puggalasammukhatā…pe… kā ca tattha puggalasammukhatā? Yo ca anuvadati, yañca anuvadati, ubho sammukhībhūtā honti – ayaṃ tattha puggalasammukhatā. Kiñca tattha sativinayasmiṃ? Yā sativinayassa kammassa kiriyā karaṇaṃ upagamanaṃ ajjhupagamanaṃ adhivāsanā appaṭikkosanā – idaṃ tattha sativinayasmiṃ. Evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiyaṃ.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хигаран̣авуубасаманасамат̇агат̇ааван̣н̣анаа • Adhikaraṇavūpasamanasamathakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хигаран̣агат̇ааван̣н̣анаа • Adhikaraṇakathāvaṇṇanā
