| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
саадияаг̇г̇аахаабагаад̣̇исаммуд̇и
Sāṭiyaggāhāpakādisammuti
329. д̇зна ко бана самаязна сан̇гхасса саадияаг̇г̇аахаабаго на ход̇и…бз… бад̇д̇аг̇г̇аахаабаго на ход̇и…бз… аараамигабзсаго на ход̇и…бз… сааман̣зрабзсаго на ход̇и. сааман̣зраа абзсияамаанаа гаммам̣ на гаронд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бан̃жахан̇г̇зхи саманнааг̇ад̇ам̣ бхигкум̣ сааман̣зрабзсагам̣ самманнид̇ум̣ – яо на чанд̣̇ааг̇ад̇им̣ г̇ажчзяяа, на д̣̇осааг̇ад̇им̣ г̇ажчзяяа, на мохааг̇ад̇им̣ г̇ажчзяяа, на бхаяааг̇ад̇им̣ г̇ажчзяяа, бзсид̇аабзсид̇ан̃жа ж̇аанзяяа. зван̃жа бана, бхигкавз, самманнид̇аб̣б̣о. батамам̣ бхигку яаажид̇аб̣б̣о, яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
329. Tena kho pana samayena saṅghassa sāṭiyaggāhāpako na hoti…pe… pattaggāhāpako na hoti…pe… ārāmikapesako na hoti…pe… sāmaṇerapesako na hoti. Sāmaṇerā apesiyamānā kammaṃ na karonti. Bhagavato etamatthaṃ ārocesuṃ. ‘‘Anujānāmi, bhikkhave, pañcahaṅgehi samannāgataṃ bhikkhuṃ sāmaṇerapesakaṃ sammannituṃ – yo na chandāgatiṃ gaccheyya, na dosāgatiṃ gaccheyya, na mohāgatiṃ gaccheyya, na bhayāgatiṃ gaccheyya, pesitāpesitañca jāneyya. Evañca pana, bhikkhave, sammannitabbo. Paṭhamaṃ bhikkhu yācitabbo, yācitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ сааман̣зрабзсагам̣ самманнзяяа. зсаа н̃ад̇д̇и.
‘‘Suṇātu me, bhante, saṅgho. Yadi saṅghassa pattakallaṃ, saṅgho itthannāmaṃ bhikkhuṃ sāmaṇerapesakaṃ sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ид̇т̇аннаамам̣ бхигкум̣ сааман̣зрабзсагам̣ самманнад̇и. яассааяасмад̇о камад̇и ид̇т̇аннаамасса бхигкуно сааман̣зрабзсагасса саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho itthannāmaṃ bhikkhuṃ sāmaṇerapesakaṃ sammannati. Yassāyasmato khamati itthannāmassa bhikkhuno sāmaṇerapesakassa sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ид̇т̇аннаамо бхигку сааман̣зрабзсаго. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Sammato saṅghena itthannāmo bhikkhu sāmaṇerapesako. Khamati saṅghassa, tasmā tuṇhī, evametaṃ dhārayāmī’’ti.
д̇ад̇ияабхаан̣авааро нидтид̇о.
Tatiyabhāṇavāro niṭṭhito.
сзнаасанагканд̇хаго чадто.
Senāsanakkhandhako chaṭṭho.
д̇ассуд̣̇д̣̇аанам̣ –
Tassuddānaṃ –
вихаарам̣ б̣уд̣̇д̇хасздтзна, абан̃н̃ад̇д̇ам̣ д̇ад̣̇аа аху;
Vihāraṃ buddhaseṭṭhena, apaññattaṃ tadā ahu;
д̇ахам̣ д̇ахам̣ нигкаманд̇и, ваасаа д̇з ж̇инасаавагаа.
Tahaṃ tahaṃ nikkhamanti, vāsā te jinasāvakā.
сздтий г̇ахабад̇и д̣̇исваа, бхигкуунам̣ ид̣̇амаб̣рви;
Seṭṭhī gahapati disvā, bhikkhūnaṃ idamabrvi;
гаараабзяяам̣ васзяяаат̇а, бадибужчим̣су нааяагам̣.
Kārāpeyyaṃ vaseyyātha, paṭipucchiṃsu nāyakaṃ.
вихаарам̣ ад̣дхаяог̇ан̃жа, баасаад̣̇ам̣ хаммияам̣ г̇ухам̣;
Vihāraṃ aḍḍhayogañca, pāsādaṃ hammiyaṃ guhaṃ;
бан̃жалзн̣ам̣ анун̃н̃ааси, вихаарз сздти гаараяи.
Pañcaleṇaṃ anuññāsi, vihāre seṭṭhi kārayi.
ж̇ано вихаарам̣ гаарзд̇и, агаваадам̣ асам̣вуд̇ам̣;
Jano vihāraṃ kāreti, akavāṭaṃ asaṃvutaṃ;
гаваадам̣ бидтасан̇гхаадам̣, уд̣̇угкалан̃жа уд̇д̇ари.
Kavāṭaṃ piṭṭhasaṅghāṭaṃ, udukkhalañca uttari.
аавин̃чанажчид̣̇д̣̇ам̣ раж̇ж̇ум̣, ваддин̃жа габисийсагам̣;
Āviñchanacchiddaṃ rajjuṃ, vaṭṭiñca kapisīsakaṃ;
суужигхадид̇аал̣ажчид̣̇д̣̇ам̣ , лохагадтависаан̣агам̣.
Sūcighaṭitāḷacchiddaṃ , lohakaṭṭhavisāṇakaṃ.
яанд̇агам̣ суужиган̃жзва, чад̣̇анам̣ уллид̇д̇аавалид̇д̇ам̣;
Yantakaṃ sūcikañceva, chadanaṃ ullittāvalittaṃ;
взд̣̇иж̇ааласалааган̃жа, жаггали сант̇арзна жа.
Vedijālasalākañca, cakkali santharena ca.
мид̣дхи б̣ид̣̇аламан̃жан̃жа, сосаанигамасаараго;
Miḍḍhi bidalamañcañca, sosānikamasārako;
б̣унд̣̇игул̣ирабаад̣̇ан̃жа, аахажжаасанд̣̇и ужжагз.
Bundikuḷirapādañca, āhaccāsandi uccake.
сад̇д̇ан̇г̇о жа бхад̣̇д̣̇абийтам̣, бийтагзл̣агабаад̣̇агам̣;
Sattaṅgo ca bhaddapīṭhaṃ, pīṭhakeḷakapādakaṃ;
аамалаапалагаа гожчаа, балаалабийтамзва жа.
Āmalāphalakā kocchā, palālapīṭhameva ca.
ужжаахибадибаад̣̇агаа, адтан̇г̇ули жа баад̣̇агаа;
Uccāhipaṭipādakā, aṭṭhaṅguli ca pādakā;
суд̇д̇ам̣ адтабад̣̇ам̣ жол̣ам̣, д̇уулигам̣ ад̣дхагааяигам̣.
Suttaṃ aṭṭhapadaṃ coḷaṃ, tūlikaṃ aḍḍhakāyikaṃ.
г̇ираг̇г̇о бхисияо жааби, д̣̇уссам̣ сзнаасанамби жа;
Giraggo bhisiyo cāpi, dussaṃ senāsanampi ca;
онад̣̇д̇хам̣ хздтаа бад̇ад̇и, уббаадзд̇ваа харанд̇и жа.
Onaddhaṃ heṭṭhā patati, uppāṭetvā haranti ca.
бхад̇д̇ин̃жа хад̇т̇абхад̇д̇ин̃жа, анун̃н̃ааси д̇ат̇ааг̇ад̇о;
Bhattiñca hatthabhattiñca, anuññāsi tathāgato;
д̇ид̇т̇ияаа вихаарз жааби, т̇усам̣ сан̣хан̃жа мад̇д̇игаа.
Titthiyā vihāre cāpi, thusaṃ saṇhañca mattikā.
иггаасам̣ баан̣игам̣ гун̣д̣ам̣, саасабам̣ сид̇т̇ад̇злагам̣;
Ikkāsaṃ pāṇikaṃ kuṇḍaṃ, sāsapaṃ sitthatelakaṃ;
уссаннз бажжуд̣̇д̇харид̇ум̣, парусам̣ г̇ан̣д̣умад̇д̇игам̣.
Ussanne paccuddharituṃ, pharusaṃ gaṇḍumattikaṃ.
иггаасам̣ бадибхаанан̃жа, нийжаа жаяо жа аарухам̣;
Ikkāsaṃ paṭibhānañca, nīcā cayo ca āruhaṃ;
барибад̇анд̇и аал̣агаа, ад̣дхагуддам̣ д̇аяо буна.
Paripatanti āḷakā, aḍḍhakuṭṭaṃ tayo puna.
куд̣̇д̣̇агз гуддабаад̣̇о жа, овассад̇и сарам̣ килам̣;
Khuddake kuṭṭapādo ca, ovassati saraṃ khilaṃ;
жийваравам̣сам̣ раж̇ж̇ун̃жа, аал̣инд̣̇ам̣ гидигзна жа.
Cīvaravaṃsaṃ rajjuñca, āḷindaṃ kiṭikena ca.
ааламб̣анам̣ д̇ин̣ажун̣н̣ам̣, хздтаамаг̇г̇з наяам̣ гарз;
Ālambanaṃ tiṇacuṇṇaṃ, heṭṭhāmagge nayaṃ kare;
аж̇жхогаасз од̇аббад̇и, саалам̣ хздтаа жа бхааж̇анам̣.
Ajjhokāse otappati, sālaṃ heṭṭhā ca bhājanaṃ.
вихааро годтаго жзва, баривзн̣аг̇г̇исаалагам̣;
Vihāro koṭṭhako ceva, pariveṇaggisālakaṃ;
аараамз жа буна годтз, хздтан̃н̃зва наяам̣ гарз.
Ārāme ca puna koṭṭhe, heṭṭhaññeva nayaṃ kare.
суд̇хам̣ анаат̇абин̣д̣и жа, сад̣̇д̇хо сийд̇аванам̣ аг̇аа;
Sudhaṃ anāthapiṇḍi ca, saddho sītavanaṃ agā;
д̣̇идтад̇хаммо ниманд̇зси, саха сан̇гхзна нааяагам̣.
Diṭṭhadhammo nimantesi, saha saṅghena nāyakaṃ.
аан̣аабзсанд̇араамаг̇г̇з, аараамам̣ гаараяий г̇ан̣о;
Āṇāpesantarāmagge, ārāmaṃ kārayī gaṇo;
взсаалияам̣ навагаммам̣, бурад̇о жа бариг̇г̇ахи.
Vesāliyaṃ navakammaṃ, purato ca pariggahi.
го арахад̇и бхад̇д̇аг̇г̇з, д̇ид̇д̇иран̃жа аванд̣̇ияаа;
Ko arahati bhattagge, tittirañca avandiyā;
бариг̇г̇ахид̇анд̇арагхараа, д̇ууло саавад̇т̇и осари.
Pariggahitantaragharā, tūlo sāvatthi osari.
бад̇идтаабзси аараамам̣, бхад̇д̇аг̇г̇з жа голаахалам̣;
Patiṭṭhāpesi ārāmaṃ, bhattagge ca kolāhalaṃ;
г̇илаанаа варасзяяаа жа, лзсаа сад̇д̇арасаа д̇ахим̣.
Gilānā varaseyyā ca, lesā sattarasā tahiṃ.
гзна ну ко гат̇ам̣ ну ко, вихаараг̇г̇зна бхааж̇аяи;
Kena nu kho kathaṃ nu kho, vihāraggena bhājayi;
баривзн̣ам̣ анубхааг̇ан̃жа, агаамаа бхааг̇ам̣ но д̣̇ад̣̇з.
Pariveṇaṃ anubhāgañca, akāmā bhāgaṃ no dade.
ниссиймам̣ саб̣б̣агаалан̃жа, г̇аахаа сзнаасанз д̇аяо;
Nissīmaṃ sabbakālañca, gāhā senāsane tayo;
убананд̣̇о жа ван̣н̣зси, тид̇агаа самагаасанаа.
Upanando ca vaṇṇesi, ṭhitakā samakāsanā.
самаанаасанигаа бхинд̣̇им̣су, д̇иваг̇г̇аа жа д̣̇уваг̇г̇игам̣;
Samānāsanikā bhindiṃsu, tivaggā ca duvaggikaṃ;
асамаанаасанигаа д̣̇ийгхам̣, саал̣инд̣̇ам̣ барибхун̃ж̇ид̇ум̣.
Asamānāsanikā dīghaṃ, sāḷindaṃ paribhuñjituṃ.
аяяигаа жа авид̣̇уурз, бхааж̇ид̇ан̃жа гийдааг̇ирз;
Ayyikā ca avidūre, bhājitañca kīṭāgire;
аал̣авий бин̣д̣агагуддзхи, д̣̇ваарааг̇г̇ал̣аваддигаа.
Āḷavī piṇḍakakuṭṭehi, dvāraaggaḷavaṭṭikā.
аалогасзд̇агаал̣ан̃жа , г̇зручаад̣̇анаб̣анд̇ханаа;
Ālokasetakāḷañca , geruchādanabandhanā;
бхан̣д̣икан̣д̣абарибхан̣д̣ам̣, вийса д̇им̣саа жа гаалигаа.
Bhaṇḍikhaṇḍaparibhaṇḍaṃ, vīsa tiṃsā ca kālikā.
осид̇з агад̇ам̣ виббам̣, куд̣̇д̣̇з чаббан̃жавассигам̣;
Osite akataṃ vippaṃ, khudde chappañcavassikaṃ;
ад̣дхаяог̇з жа сад̇д̇адта, махаллз д̣̇аса д̣̇ваад̣̇аса.
Aḍḍhayoge ca sattaṭṭha, mahalle dasa dvādasa.
саб̣б̣ам̣ вихаарам̣ згасса, ан̃н̃ам̣ ваасзнд̇и сан̇гхигам̣;
Sabbaṃ vihāraṃ ekassa, aññaṃ vāsenti saṅghikaṃ;
ниссиймам̣ саб̣б̣агаалан̃жа, баггами виб̣бхаманд̇и жа.
Nissīmaṃ sabbakālañca, pakkami vibbhamanti ca.
гаалан̃жа сааман̣зран̃жа, сигкаабажжагкаанд̇имам̣;
Kālañca sāmaṇerañca, sikkhāpaccakkhaantimaṃ;
уммад̇д̇акид̇д̇ажид̇д̇аа жа, взд̣̇анаабад̇д̇ид̣̇ассанаа.
Ummattakhittacittā ca, vedanāpattidassanā.
аббадигаммад̣̇идтияаа, бан̣д̣агаа т̇зяяад̇ид̇т̇ияаа;
Appaṭikammadiṭṭhiyā, paṇḍakā theyyatitthiyā;
д̇иражчаанамаад̇убид̇у, араханд̇аа жа д̣̇уусагаа.
Tiracchānamātupitu, arahantā ca dūsakā.
бхзд̣̇агаа лохид̇уббаад̣̇аа, убхад̇о жааби б̣яан̃ж̇анагаа;
Bhedakā lohituppādā, ubhato cāpi byañjanakā;
маа сан̇гхасса барихааяи, гаммам̣ ан̃н̃асса д̣̇аад̇авз.
Mā saṅghassa parihāyi, kammaṃ aññassa dātave.
виббагад̇з жа ан̃н̃асса, гад̇з д̇ассзва баггамз;
Vippakate ca aññassa, kate tasseva pakkame;
виб̣бхамад̇и гаалан̇гад̇о, сааман̣зро жа ж̇ааяад̇и.
Vibbhamati kālaṅkato, sāmaṇero ca jāyati.
бажжагкаад̇о жа сигкааяа, анд̇имаж̇жхаабаннаго яад̣̇и;
Paccakkhāto ca sikkhāya, antimajjhāpannako yadi;
сан̇гхова саамиго ход̇и, уммад̇д̇акид̇д̇авзд̣̇анаа.
Saṅghova sāmiko hoti, ummattakhittavedanā.
ад̣̇ассанааббадигаммз, д̣̇идти д̇ассзва ход̇и д̇ам̣;
Adassanāppaṭikamme, diṭṭhi tasseva hoti taṃ;
бан̣д̣аго т̇зяяад̇ид̇т̇ий жа, д̇иражчаанамаад̇убзд̇д̇игам̣.
Paṇḍako theyyatitthī ca, tiracchānamātupettikaṃ.
гхаад̇аго д̣̇уусаго жааби, бхзд̣̇алохид̇аб̣яан̃ж̇анаа;
Ghātako dūsako cāpi, bhedalohitabyañjanā;
бадиж̇аанаад̇и яад̣̇и со, сан̇гхова ход̇и саамиго.
Paṭijānāti yadi so, saṅghova hoti sāmiko.
харанд̇ан̃н̃ад̇ра гуггужжам̣, унд̣̇рияад̇и жа гамб̣алам̣;
Harantaññatra kukkuccaṃ, undriyati ca kambalaṃ;
д̣̇уссан̃жа жаммажаггалий, жол̣агам̣ аггаманд̇и жа.
Dussañca cammacakkalī, coḷakaṃ akkamanti ca.
аллаа убааханаанидту, ликанд̇и абассзнд̇и жа;
Allā upāhanāniṭṭhu, likhanti apassenti ca;
абассзнам̣ ликад̇зва, д̇ход̇абажжад̇т̇арзна жа.
Apassenaṃ likhateva, dhotapaccattharena ca.
рааж̇аг̇ахз на саггонд̇и, лаамагам̣ бхад̇д̇уд̣̇д̣̇зсагам̣;
Rājagahe na sakkonti, lāmakaṃ bhattuddesakaṃ;
гат̇ам̣ ну ко бан̃н̃аабагам̣, бхан̣д̣ааг̇ааригасаммуд̇и.
Kathaṃ nu kho paññāpakaṃ, bhaṇḍāgārikasammuti.
бадиг̇г̇аахабхааж̇аго жааби, яааг̇у жа палабхааж̇аго;
Paṭiggāhabhājako cāpi, yāgu ca phalabhājako;
каж̇ж̇агабхааж̇аго жзва, аббамад̇д̇агависсаж̇ж̇з.
Khajjakabhājako ceva, appamattakavissajje.
саадияаг̇г̇аахаабаго жзва, д̇ат̇зва бад̇д̇аг̇г̇аахаго;
Sāṭiyaggāhāpako ceva, tatheva pattaggāhako;
аараамигасааман̣зра, бзсагасса жа саммуд̇и.
Ārāmikasāmaṇera, pesakassa ca sammuti.
саб̣б̣аабхибхуу логавид̣̇уу, хид̇ажид̇д̇о винааяаго;
Sabbābhibhū lokavidū, hitacitto vināyako;
лзн̣ад̇т̇ан̃жа сукад̇т̇ан̃жа, жхааяид̇ун̃жа вибассид̇унд̇и.
Leṇatthañca sukhatthañca, jhāyituñca vipassitunti.
сзнаасанагканд̇хагам̣ нидтид̇ам̣.
Senāsanakkhandhakaṃ niṭṭhitaṃ.
