Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā

    5. сад̇огаарин̃аан̣анид̣̇д̣̇зсаван̣н̣анаа

    5. Satokāriñāṇaniddesavaṇṇanā

    163. сад̇огаарин̃аан̣анид̣̇д̣̇зсз маад̇игааяам̣ ид̇ха бхигкууд̇и имасмим̣ саасанз бхигку. аяан̃хи зд̇т̇а ид̇ха-сад̣̇д̣̇о саб̣б̣аббагаарааанаабаанассад̇исамаад̇хиниб̣б̣ад̇д̇агасса буг̇г̇аласса санниссаяабхууд̇асаасанабарид̣̇ийбано, ан̃н̃асаасанасса д̇ат̇аабхаавабадисзд̇хано жа. вуд̇д̇ан̃хзд̇ам̣ – ‘‘ид̇хзва, бхигкавз, саман̣о…бз… сун̃н̃аа бараббаваад̣̇аа саман̣збхи ан̃н̃зхий’’д̇и (ма. ни. 1.139; а. ни. 4.241).

    163. Satokāriñāṇaniddese mātikāyaṃ idha bhikkhūti imasmiṃ sāsane bhikkhu. Ayañhi ettha idha-saddo sabbappakāraānāpānassatisamādhinibbattakassa puggalassa sannissayabhūtasāsanaparidīpano, aññasāsanassa tathābhāvapaṭisedhano ca. Vuttañhetaṃ – ‘‘idheva, bhikkhave, samaṇo…pe… suññā parappavādā samaṇebhi aññehī’’ti (ma. ni. 1.139; a. ni. 4.241).

    аран̃н̃аг̇ад̇о ваа ругкамуулаг̇ад̇о ваа сун̃н̃ааг̇аараг̇ад̇о ваад̇и ид̣̇амасса аанаабаанассад̇исамаад̇хи бхааванаануруубасзнаасанабариг̇г̇ахабарид̣̇ийбанам̣. имасса хи бхигкуно д̣̇ийгхарад̇д̇ам̣ руубаад̣̇ийсу аарамман̣зсу анувисадам̣ жид̇д̇ам̣ аанаабаанассад̇исамаад̇хиаарамман̣ам̣ абхирухид̇ум̣ на ижчад̇и, гуудаг̇он̣аяуд̇д̇арат̇о вияа уббат̇амзва д̇хаавад̇и. д̇асмаа сзяяат̇ааби наама г̇обо гуудад̇хзнуяаа саб̣б̣ам̣ кийрам̣ бивид̇ваа вад̣дхид̇ам̣ гуудаважчам̣ д̣̇амзд̇угаамо д̇хзнуд̇о абанзд̇ваа згаманд̇з маханд̇ам̣ т̇амбхам̣ никан̣ид̇ваа д̇ад̇т̇а яод̇д̇зна б̣анд̇хзяяа, ат̇асса со важчо ид̇о жид̇о жа вибпанд̣̇ид̇ваа балааяид̇ум̣ асаггонд̇о д̇амзва т̇амбхам̣ убанисийд̣̇зяяа ваа убанибаж̇ж̇зяяа ваа, звамзва иминааби бхигкунаа д̣̇ийгхарад̇д̇ам̣ руубаарамман̣аад̣̇ирасабаанавад̣дхид̇ам̣ д̣̇удтажид̇д̇ам̣ д̣̇амзд̇угаамзна руубаад̣̇иаарамман̣ад̇о абанзд̇ваа аран̃н̃ам̣ ваа ругкамуулам̣ ваа сун̃н̃ааг̇аарам̣ ваа бавзсзд̇ваа д̇ад̇т̇а ассаасабассаасат̇амбхз сад̇ияод̇д̇зна б̣анд̇хид̇аб̣б̣ам̣. звамасса д̇ам̣ жид̇д̇ам̣ ид̇о жид̇о жа вибпанд̣̇ид̇вааби буб̣б̣з аажин̣н̣аарамман̣ам̣ алабхамаанам̣ сад̇ияод̇д̇ам̣ чинд̣̇ид̇ваа балааяид̇ум̣ асаггонд̇ам̣ д̇амзваарамман̣ам̣ убажаараббанаавасзна убанисийд̣̇ад̇и жзва убанибаж̇ж̇ад̇и жа. д̇знааху бораан̣аа –

    Araññagato vā rukkhamūlagato vā suññāgāragato vāti idamassa ānāpānassatisamādhi bhāvanānurūpasenāsanapariggahaparidīpanaṃ. Imassa hi bhikkhuno dīgharattaṃ rūpādīsu ārammaṇesu anuvisaṭaṃ cittaṃ ānāpānassatisamādhiārammaṇaṃ abhiruhituṃ na icchati, kūṭagoṇayuttaratho viya uppathameva dhāvati. Tasmā seyyathāpi nāma gopo kūṭadhenuyā sabbaṃ khīraṃ pivitvā vaḍḍhitaṃ kūṭavacchaṃ dametukāmo dhenuto apanetvā ekamante mahantaṃ thambhaṃ nikhaṇitvā tattha yottena bandheyya, athassa so vaccho ito cito ca vipphanditvā palāyituṃ asakkonto tameva thambhaṃ upanisīdeyya vā upanipajjeyya vā, evameva imināpi bhikkhunā dīgharattaṃ rūpārammaṇādirasapānavaḍḍhitaṃ duṭṭhacittaṃ dametukāmena rūpādiārammaṇato apanetvā araññaṃ vā rukkhamūlaṃ vā suññāgāraṃ vā pavesetvā tattha assāsapassāsathambhe satiyottena bandhitabbaṃ. Evamassa taṃ cittaṃ ito cito ca vipphanditvāpi pubbe āciṇṇārammaṇaṃ alabhamānaṃ satiyottaṃ chinditvā palāyituṃ asakkontaṃ tamevārammaṇaṃ upacārappanāvasena upanisīdati ceva upanipajjati ca. Tenāhu porāṇā –

    ‘‘яат̇аа т̇амбхз ниб̣анд̇хзяяа, важчам̣ д̣̇амам̣ наро ид̇ха;

    ‘‘Yathā thambhe nibandheyya, vacchaṃ damaṃ naro idha;

    б̣анд̇хзяязвам̣ сагам̣ жид̇д̇ам̣, сад̇ияаарамман̣з д̣̇ал̣ха’’нд̇и. (висуд̣̇д̇хи. 1.217; баараа. адта. 2.165; д̣̇ий. ни. адта. 2.374; ма. ни. адта. 1.107) –

    Bandheyyevaṃ sakaṃ cittaṃ, satiyārammaṇe daḷha’’nti. (visuddhi. 1.217; pārā. aṭṭha. 2.165; dī. ni. aṭṭha. 2.374; ma. ni. aṭṭha. 1.107) –

    звамасса д̇ам̣ сзнаасанам̣ бхааванаануруубам̣ ход̇и. ат̇а ваа яасмаа ид̣̇ам̣ гаммадтаанаббабхзд̣̇з муд̣̇д̇хабхууд̇ам̣ саб̣б̣аб̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ висзсаад̇хиг̇амад̣̇идтад̇хаммасукавихаарабад̣̇адтаанам̣ аанаабаанассад̇игаммадтаанам̣ ид̇т̇ибурисахад̇т̇иассаад̣̇исад̣̇д̣̇асамаагулам̣ г̇ааманд̇ам̣ абарижжаж̇ид̇ваа на сугарам̣ бхаавзд̇ум̣ сад̣̇д̣̇аган̣дагад̇д̇аа жхаанасса. аг̇аамагз бана аран̃н̃з сугарам̣ яог̇ааважарзна ид̣̇ам̣ гаммадтаанам̣ бариг̇г̇ахзд̇ваа аанаабаанажад̇уггаж̇жхаанам̣ ниб̣б̣ад̇д̇зд̇ваа д̇ад̣̇зва баад̣̇агам̣ гад̇ваа сан̇каарз саммасид̇ваа аг̇г̇апалам̣ арахад̇д̇ам̣ баабун̣ид̇ум̣. д̇асмаа д̇асса ануруубам̣ сзнаасанам̣ убад̣̇исанд̇о бхаг̇аваа ‘‘аран̃н̃аг̇ад̇о ваа’’д̇иаад̣̇имааха, д̇ат̇зва т̇зро.

    Evamassa taṃ senāsanaṃ bhāvanānurūpaṃ hoti. Atha vā yasmā idaṃ kammaṭṭhānappabhede muddhabhūtaṃ sabbabuddhapaccekabuddhabuddhasāvakānaṃ visesādhigamadiṭṭhadhammasukhavihārapadaṭṭhānaṃ ānāpānassatikammaṭṭhānaṃ itthipurisahatthiassādisaddasamākulaṃ gāmantaṃ apariccajitvā na sukaraṃ bhāvetuṃ saddakaṇṭakattā jhānassa. Agāmake pana araññe sukaraṃ yogāvacarena idaṃ kammaṭṭhānaṃ pariggahetvā ānāpānacatukkajjhānaṃ nibbattetvā tadeva pādakaṃ katvā saṅkhāre sammasitvā aggaphalaṃ arahattaṃ pāpuṇituṃ. Tasmā tassa anurūpaṃ senāsanaṃ upadisanto bhagavā ‘‘araññagato vā’’tiādimāha, tatheva thero.

    вад̇т̇увиж̇ж̇аажарияо вияа хи бхаг̇аваа, со яат̇аа вад̇т̇увиж̇ж̇аажарияо наг̇арабхуумим̣ бассид̇ваа судту убабаригкид̇ваа ‘‘зд̇т̇а наг̇арам̣ маабзт̇аа’’д̇и убад̣̇исад̇и, сод̇т̇инаа жа наг̇арз нидтид̇з рааж̇агулад̇о махаасаггаарам̣ лабхад̇и, звамзвам̣ яог̇ааважарасса ануруубам̣ сзнаасанам̣ убабаригкид̇ваа ‘‘зд̇т̇а гаммадтаанам̣ ануяун̃ж̇ид̇аб̣б̣а’’нд̇и убад̣̇исад̇и, д̇ад̇о д̇ад̇т̇а гаммадтаанамануяуд̇д̇зна яог̇инаа гамзна арахад̇д̇з бад̇д̇з ‘‘саммаасамб̣уд̣̇д̇хо вад̇а со бхаг̇аваа’’д̇и маханд̇ам̣ саггаарам̣ лабхад̇и. аяам̣ бана бхигку ‘‘д̣̇ийбисад̣̇исо’’д̇и вужжад̇и. яат̇аа хи махаад̣̇ийбирааж̇аа аран̃н̃з д̇ин̣аг̇аханам̣ ваа ванаг̇аханам̣ ваа баб̣б̣ад̇аг̇аханам̣ ваа ниссааяа нилийяид̇ваа ванамахим̣саг̇оган̣н̣асуугараад̣̇аяо миг̇з г̇ан̣хаад̇и, звамзвам̣ аяам̣ аран̃н̃аад̣̇ийсу гаммадтаанамануяун̃ж̇анд̇о бхигку яат̇ааггамзна сод̇аабад̇д̇исагад̣̇ааг̇аамианааг̇аамиарахад̇д̇амаг̇г̇з жзва арияапалаани жа г̇ан̣хаад̇ийд̇и взд̣̇ид̇аб̣б̣о. д̇знааху бораан̣аа –

    Vatthuvijjācariyo viya hi bhagavā, so yathā vatthuvijjācariyo nagarabhūmiṃ passitvā suṭṭhu upaparikkhitvā ‘‘ettha nagaraṃ māpethā’’ti upadisati, sotthinā ca nagare niṭṭhite rājakulato mahāsakkāraṃ labhati, evamevaṃ yogāvacarassa anurūpaṃ senāsanaṃ upaparikkhitvā ‘‘ettha kammaṭṭhānaṃ anuyuñjitabba’’nti upadisati, tato tattha kammaṭṭhānamanuyuttena yoginā kamena arahatte patte ‘‘sammāsambuddho vata so bhagavā’’ti mahantaṃ sakkāraṃ labhati. Ayaṃ pana bhikkhu ‘‘dīpisadiso’’ti vuccati. Yathā hi mahādīpirājā araññe tiṇagahanaṃ vā vanagahanaṃ vā pabbatagahanaṃ vā nissāya nilīyitvā vanamahiṃsagokaṇṇasūkarādayo mige gaṇhāti, evamevaṃ ayaṃ araññādīsu kammaṭṭhānamanuyuñjanto bhikkhu yathākkamena sotāpattisakadāgāmianāgāmiarahattamagge ceva ariyaphalāni ca gaṇhātīti veditabbo. Tenāhu porāṇā –

    ‘‘яат̇ааби д̣̇ийбиго наама, нилийяид̇ваа г̇ан̣хад̇з миг̇з;

    ‘‘Yathāpi dīpiko nāma, nilīyitvā gaṇhate mige;

    д̇ат̇звааяам̣ б̣уд̣̇д̇хабуд̇д̇о, яуд̇д̇аяог̇о вибассаго;

    Tathevāyaṃ buddhaputto, yuttayogo vipassako;

    аран̃н̃ам̣ бависид̇ваана, г̇ан̣хаад̇и паламуд̇д̇ама’’нд̇и. (ми. ба. 6.1.5);

    Araññaṃ pavisitvāna, gaṇhāti phalamuttama’’nti. (mi. pa. 6.1.5);

    д̇знасса бараггамаж̇аваяог̇г̇абхуумим̣ аран̃н̃асзнаасанам̣ д̣̇ассзнд̇о ‘‘аран̃н̃аг̇ад̇о ваа’’д̇иаад̣̇имааха.

    Tenassa parakkamajavayoggabhūmiṃ araññasenāsanaṃ dassento ‘‘araññagato vā’’tiādimāha.

    д̇ад̇т̇а аран̃н̃аг̇ад̇од̇и убари вуд̇д̇алагкан̣ам̣ яам̣гин̃жи бавивзгасукам̣ аран̃н̃ам̣ г̇ад̇о. ругкамуулаг̇ад̇од̇и ругкасамийбам̣ г̇ад̇о. сун̃н̃ааг̇аараг̇ад̇од̇и сун̃н̃ам̣ вивид̇д̇огаасам̣ г̇ад̇о. зд̇т̇а жа табзд̇ваа аран̃н̃ан̃жа ругкамуулан̃жа авасзсасад̇д̇авид̇хасзнаасанам̣ г̇ад̇оби ‘‘сун̃н̃ааг̇аараг̇ад̇о’’д̇и вад̇д̇ум̣ ваддад̇и. нававид̇хан̃хи сзнаасанам̣. яат̇ааха – ‘‘со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇а’’нд̇и (вибха. 508). звамасса уд̇уд̇д̇аяаанугуулам̣ д̇хаад̇ужарияаанугуулан̃жа аанаабаанассад̇ибхааванаануруубам̣ сзнаасанам̣ убад̣̇исид̇ваа алийнаануд̣̇д̇хажжабагкигам̣ санд̇амирияаабат̇ам̣ убад̣̇исанд̇о нисийд̣̇ад̇ийд̇и ааха. ат̇асса нисаж̇ж̇ааяа д̣̇ал̣хабхаавам̣ ассаасабассаасаанам̣ бавад̇д̇анасамад̇т̇ад̇ам̣ аарамман̣абариг̇г̇ахуубааяан̃жа д̣̇ассзнд̇о баллан̇гам̣ аабхуж̇ид̇ваад̇иаад̣̇имааха. д̇ад̇т̇а баллан̇ганд̇и саманд̇ад̇о ууруб̣ад̣̇д̇хаасанам̣. аабхуж̇ид̇ваад̇и б̣анд̇хид̇ваа. уж̇ум̣ гааяам̣ бан̣ид̇хааяаад̇и убаримасарийрам̣ уж̇угам̣ табзд̇ваа адтаараса бидтиган̣дагз годияаа годим̣ бадибаад̣̇зд̇ваа. зван̃хи нисиннасса д̇хаммамам̣санхаарууни на бан̣аманд̇и. ат̇асса яаа д̇зсам̣ бан̣аманабажжаяаа кан̣з кан̣з взд̣̇анаа уббаж̇ж̇зяяум̣, д̇аа на уббаж̇ж̇анд̇и. д̇аасу ануббаж̇ж̇амаанаасу жид̇д̇ам̣ згаг̇г̇ам̣ ход̇и, гаммадтаанам̣ на барибад̇ад̇и, вуд̣̇д̇хим̣ паад̇им̣ убаг̇ажчад̇и.

    Tattha araññagatoti upari vuttalakkhaṇaṃ yaṃkiñci pavivekasukhaṃ araññaṃ gato. Rukkhamūlagatoti rukkhasamīpaṃ gato. Suññāgāragatoti suññaṃ vivittokāsaṃ gato. Ettha ca ṭhapetvā araññañca rukkhamūlañca avasesasattavidhasenāsanaṃ gatopi ‘‘suññāgāragato’’ti vattuṃ vaṭṭati. Navavidhañhi senāsanaṃ. Yathāha – ‘‘so vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñja’’nti (vibha. 508). Evamassa ututtayānukūlaṃ dhātucariyānukūlañca ānāpānassatibhāvanānurūpaṃ senāsanaṃ upadisitvā alīnānuddhaccapakkhikaṃ santamiriyāpathaṃ upadisanto nisīdatīti āha. Athassa nisajjāya daḷhabhāvaṃ assāsapassāsānaṃ pavattanasamatthataṃ ārammaṇapariggahūpāyañca dassento pallaṅkaṃ ābhujitvātiādimāha. Tattha pallaṅkanti samantato ūrubaddhāsanaṃ. Ābhujitvāti bandhitvā. Ujuṃ kāyaṃ paṇidhāyāti uparimasarīraṃ ujukaṃ ṭhapetvā aṭṭhārasa piṭṭhikaṇṭake koṭiyā koṭiṃ paṭipādetvā. Evañhi nisinnassa dhammamaṃsanhārūni na paṇamanti. Athassa yā tesaṃ paṇamanapaccayā khaṇe khaṇe vedanā uppajjeyyuṃ, tā na uppajjanti. Tāsu anuppajjamānāsu cittaṃ ekaggaṃ hoti, kammaṭṭhānaṃ na paripatati, vuddhiṃ phātiṃ upagacchati.

    баримукам̣ сад̇им̣ убадтабзд̇ваад̇и гаммадтаанаабхимукам̣ сад̇им̣ табаяид̇ваа. со сад̇ова ассасад̇и сад̇о бассасад̇ийд̇и со бхигку звам̣ нисийд̣̇ид̇ваа зван̃жа сад̇им̣ убадтабзд̇ваа д̇ам̣ сад̇им̣ авиж̇аханд̇о сад̇о зва ассасад̇и сад̇о бассасад̇и, сад̇огаарий ход̇ийд̇и вуд̇д̇ам̣ ход̇и.

    Parimukhaṃsatiṃ upaṭṭhapetvāti kammaṭṭhānābhimukhaṃ satiṃ ṭhapayitvā. So satova assasati sato passasatīti so bhikkhu evaṃ nisīditvā evañca satiṃ upaṭṭhapetvā taṃ satiṃ avijahanto sato eva assasati sato passasati, satokārī hotīti vuttaṃ hoti.

    ид̣̇аани язхи багаарзхи сад̇огаарий ход̇и, д̇з багаарз д̣̇ассзд̇ум̣ д̣̇ийгхам̣ ваа ассасанд̇од̇иаад̣̇имааха. д̇ад̇т̇а д̣̇ийгхам̣ ваа ассасанд̇од̇и д̣̇ийгхам̣ ваа ассаасам̣ бавад̇д̇аяанд̇о. д̇ат̇аа рассам̣. яаа бана нзсам̣ д̣̇ийгхарассад̇аа, саа гаалавасзна взд̣̇ид̇аб̣б̣аа. гад̣̇аажи хи мануссаа хад̇т̇иахиаад̣̇аяо вияа гаалавасзна д̣̇ийгхам̣ ассасанд̇и жа бассасанд̇и жа, гад̣̇аажи сунакасасаад̣̇аяо вияа рассам̣. ан̃н̃ат̇аа хи жун̣н̣авижун̣н̣аа ассаасабассаасаа д̣̇ийгхарассаа наама на хонд̇и . д̇асмаа д̇з д̣̇ийгхам̣ гаалам̣ бависанд̇аа жа нигкаманд̇аа жа д̣̇ийгхаа, рассам̣ гаалам̣ бависанд̇аа жа нигкаманд̇аа жа рассаад̇и взд̣̇ид̇аб̣б̣аа. д̇ад̇рааяам̣ бхигку убари вуд̇д̇зхи навахаагаарзхи д̣̇ийгхам̣ ассасанд̇о жа бассасанд̇о жа д̣̇ийгхам̣ ассасаами, бассасаамийд̇и баж̇аанаад̇и, д̇ат̇аа рассам̣.

    Idāni yehi pakārehi satokārī hoti, te pakāre dassetuṃ dīghaṃ vā assasantotiādimāha. Tattha dīghaṃ vā assasantoti dīghaṃ vā assāsaṃ pavattayanto. Tathā rassaṃ. Yā pana nesaṃ dīgharassatā, sā kālavasena veditabbā. Kadāci hi manussā hatthiahiādayo viya kālavasena dīghaṃ assasanti ca passasanti ca, kadāci sunakhasasādayo viya rassaṃ. Aññathā hi cuṇṇavicuṇṇā assāsapassāsā dīgharassā nāma na honti . Tasmā te dīghaṃ kālaṃ pavisantā ca nikkhamantā ca dīghā, rassaṃ kālaṃ pavisantā ca nikkhamantā ca rassāti veditabbā. Tatrāyaṃ bhikkhu upari vuttehi navahākārehi dīghaṃ assasanto ca passasanto ca dīghaṃ assasāmi, passasāmīti pajānāti, tathā rassaṃ.

    звам̣ баж̇аанад̇о жа –

    Evaṃ pajānato ca –

    ‘‘д̣̇ийгхо рассо жа ассаасо, бассаасоби жа д̇аад̣̇исо;

    ‘‘Dīgho rasso ca assāso, passāsopi ca tādiso;

    жад̇д̇ааро ван̣н̣аа вад̇д̇анд̇и, наасигаг̇г̇зва бхигкуно’’д̇и. (висуд̣̇д̇хи. 1.219; баараа. адта. 2.165);

    Cattāro vaṇṇā vattanti, nāsikaggeva bhikkhuno’’ti. (visuddhi. 1.219; pārā. aṭṭha. 2.165);

    наваннан̃жасса аагаараанам̣ згзнаагаарзна гааяаанубассанаасад̇ибадтаанабхааванаа самбаж̇ж̇ад̇ийд̇и взд̣̇ид̇аб̣б̣аа. саб̣б̣агааяабадисам̣взд̣̇ий ассасиссаамийд̇и сигкад̇и. саб̣б̣агааяабадисам̣взд̣̇ий бассасиссаамийд̇и сигкад̇ийд̇и сагаласса ассаасагааяассаад̣̇имаж̇жхабарияосаанам̣ вид̣̇ид̇ам̣ гаронд̇о баагадам̣ гаронд̇о ассасиссаамийд̇и сигкад̇и. сагаласса бассаасагааяассаад̣̇имаж̇жхабарияосаанам̣ вид̣̇ид̇ам̣ гаронд̇о баагадам̣ гаронд̇о бассасиссаамийд̇и сигкад̇и. звам̣ вид̣̇ид̇ам̣ гаронд̇о баагадам̣ гаронд̇о н̃аан̣асамбаяуд̇д̇ажид̇д̇зна ассасад̇и жзва бассасад̇и жа. д̇асмаа ‘‘ассасиссаами бассасиссаамийд̇и сигкад̇ий’’д̇и вужжад̇и. згасса хи бхигкуно жун̣н̣авижун̣н̣ависадз (висуд̣̇д̇хи. 1.219; баараа. 2.165) ассаасагааяз, бассаасагааяз ваа аад̣̇и баагадо ход̇и, на маж̇жхабарияосаанам̣. со аад̣̇имзва бариг̇г̇ахзд̇ум̣ саггод̇и, маж̇жхабарияосаанз гиламад̇и. згасса маж̇жхам̣ баагадам̣ ход̇и, на аад̣̇ибарияосаанам̣. со маж̇жхамзва бариг̇г̇ахзд̇ум̣ саггод̇и, аад̣̇ибарияосаанз гиламад̇и. згасса барияосаанам̣ баагадам̣ ход̇и, на аад̣̇имаж̇жхам̣. со барияосаанам̣язва бариг̇г̇ахзд̇ум̣ саггод̇и, аад̣̇имаж̇жхз гиламад̇и. згасса саб̣б̣ам̣ баагадам̣ ход̇и, со саб̣б̣амби бариг̇г̇ахзд̇ум̣ саггод̇и , на гад̇т̇ажи гиламад̇и. д̇аад̣̇исзна бхавид̇аб̣б̣анд̇и д̣̇ассзнд̇о ааха – ‘‘саб̣б̣агааяабадисам̣взд̣̇ий’’д̇иаад̣̇и.

    Navannañcassa ākārānaṃ ekenākārena kāyānupassanāsatipaṭṭhānabhāvanā sampajjatīti veditabbā. Sabbakāyapaṭisaṃvedī assasissāmīti sikkhati. Sabbakāyapaṭisaṃvedī passasissāmīti sikkhatīti sakalassa assāsakāyassādimajjhapariyosānaṃ viditaṃ karonto pākaṭaṃ karonto assasissāmīti sikkhati. Sakalassa passāsakāyassādimajjhapariyosānaṃ viditaṃ karonto pākaṭaṃ karonto passasissāmīti sikkhati. Evaṃ viditaṃ karonto pākaṭaṃ karonto ñāṇasampayuttacittena assasati ceva passasati ca. Tasmā ‘‘assasissāmi passasissāmīti sikkhatī’’ti vuccati. Ekassa hi bhikkhuno cuṇṇavicuṇṇavisaṭe (visuddhi. 1.219; pārā. 2.165) assāsakāye, passāsakāye vā ādi pākaṭo hoti, na majjhapariyosānaṃ. So ādimeva pariggahetuṃ sakkoti, majjhapariyosāne kilamati. Ekassa majjhaṃ pākaṭaṃ hoti, na ādipariyosānaṃ. So majjhameva pariggahetuṃ sakkoti, ādipariyosāne kilamati. Ekassa pariyosānaṃ pākaṭaṃ hoti, na ādimajjhaṃ. So pariyosānaṃyeva pariggahetuṃ sakkoti, ādimajjhe kilamati. Ekassa sabbaṃ pākaṭaṃ hoti, so sabbampi pariggahetuṃ sakkoti , na katthaci kilamati. Tādisena bhavitabbanti dassento āha – ‘‘sabbakāyapaṭisaṃvedī’’tiādi.

    д̇ад̇т̇а сигкад̇ийд̇и звам̣ гхадад̇и вааяамад̇и. яо ваа д̇ат̇аабхууд̇асса сам̣варо, аяамзд̇т̇а ад̇хисийласигкаа. яо д̇ат̇аабхууд̇асса самаад̇хи, аяам̣ ад̇хижид̇д̇асигкаа. яаа д̇ат̇аабхууд̇асса бан̃н̃аа, аяам̣ ад̇хибан̃н̃аасигкаад̇и имаа д̇иссо сигкааяо д̇асмим̣ аарамман̣з д̇ааяа сад̇ияаа д̇зна манасигаарзна сигкад̇и аасзвад̇и бхаавзд̇и б̣ахулийгарод̇ийд̇и звамзд̇т̇а ад̇т̇о д̣̇адтаб̣б̣о. д̇ад̇т̇а яасмаа буриманаязна гзвалам̣ ассасид̇аб̣б̣ам̣ бассасид̇аб̣б̣амзва жа, на ан̃н̃ам̣ гин̃жи гаад̇аб̣б̣ам̣, ид̇о бадтааяа бана н̃аан̣уббаад̣̇анаад̣̇ийсу яог̇о гаран̣ийяо. д̇асмаа д̇ад̇т̇а ‘‘ассасаамийд̇и баж̇аанаад̇и бассасаамийд̇и баж̇аанаад̇и’’жжзва вад̇д̇амаанагаалавасзна баал̣им̣ вад̇ваа ид̇о бадтааяа гад̇д̇аб̣б̣асса н̃аан̣уббаад̣̇анаад̣̇ино аа-гаарасса д̣̇ассанад̇т̇ам̣ ‘‘саб̣б̣агааяабадисам̣взд̣̇ий ассасиссаамий’’д̇иаад̣̇инаа наязна анааг̇ад̇агаалавасзна баал̣и ааробид̇аад̇и взд̣̇ид̇аб̣б̣аа.

    Tattha sikkhatīti evaṃ ghaṭati vāyamati. Yo vā tathābhūtassa saṃvaro, ayamettha adhisīlasikkhā. Yo tathābhūtassa samādhi, ayaṃ adhicittasikkhā. Yā tathābhūtassa paññā, ayaṃ adhipaññāsikkhāti imā tisso sikkhāyo tasmiṃ ārammaṇe tāya satiyā tena manasikārena sikkhati āsevati bhāveti bahulīkarotīti evamettha attho daṭṭhabbo. Tattha yasmā purimanayena kevalaṃ assasitabbaṃ passasitabbameva ca, na aññaṃ kiñci kātabbaṃ, ito paṭṭhāya pana ñāṇuppādanādīsu yogo karaṇīyo. Tasmā tattha ‘‘assasāmīti pajānāti passasāmīti pajānāti’’cceva vattamānakālavasena pāḷiṃ vatvā ito paṭṭhāya kattabbassa ñāṇuppādanādino ā-kārassa dassanatthaṃ ‘‘sabbakāyapaṭisaṃvedī assasissāmī’’tiādinā nayena anāgatakālavasena pāḷi āropitāti veditabbā.

    бассамбхаяам̣ гааяасан̇каарам̣…бз… сигкад̇ийд̇и ол̣ааригам̣ ассаасабассаасасан̇каад̇ам̣ гааяасан̇каарам̣ бассамбхзнд̇о бадиббассамбхзнд̇о нирод̇хзнд̇о вуубасамзнд̇о ассасиссаами бассасиссаамийд̇и сигкад̇и.

    Passambhayaṃ kāyasaṅkhāraṃ…pe… sikkhatīti oḷārikaṃ assāsapassāsasaṅkhātaṃ kāyasaṅkhāraṃ passambhento paṭippassambhento nirodhento vūpasamento assasissāmi passasissāmīti sikkhati.

    д̇ад̇рзвам̣ ол̣ааригасукумад̇аа жа бассад̣̇д̇хи жа взд̣̇ид̇аб̣б̣аа – имасса хи бхигкуно буб̣б̣з абариг̇г̇ахид̇агаалз гааяо жа жид̇д̇ан̃жа сад̣̇арат̇аа хонд̇и ол̣ааригаа. гааяажид̇д̇аанам̣ ол̣ааригад̇д̇з авуубасанд̇з ассаасабассаасааби ол̣ааригаа хонд̇и, б̣алавад̇араа худ̇ваа бавад̇д̇анд̇и, наасигаа наббаход̇и, мукзна ассасанд̇оби бассасанд̇оби д̇идтад̇и. яад̣̇аа банасса гааяоби жид̇д̇амби бариг̇г̇ахид̇аа хонд̇и, д̇ад̣̇аа д̇з санд̇аа хонд̇и вуубасанд̇аа. д̇зсу вуубасанд̇зсу ассаасабассаасаа сукумаа худ̇ваа бавад̇д̇анд̇и, ‘‘ад̇т̇и ну ко, над̇т̇ий’’д̇и вижзд̇аб̣б̣аагаараббад̇д̇аа хонд̇и. сзяяат̇ааби бурисасса д̇хаавид̇ваа баб̣б̣ад̇аа ваа орохид̇ваа махаабхаарам̣ ваа сийсад̇о оробзд̇ваа тид̇асса ол̣ааригаа ассаасабассаасаа хонд̇и, наасигаа наббаход̇и, мукзна ассасанд̇оби бассасанд̇оби д̇идтад̇и. яад̣̇аа банзса д̇ам̣ бариссамам̣ винод̣̇зд̇ваа нхад̇ваа жа бивид̇ваа жа алласаадагам̣ хад̣̇аяз гад̇ваа сийд̇ааяа чааяааяа нибанно ход̇и, ат̇асса д̇з ассаасабассаасаа сукумаа хонд̇и ‘‘ад̇т̇и ну ко, над̇т̇ий’’д̇и вижзд̇аб̣б̣аагаараббад̇д̇аа, звамзвам̣ имасса бхигкуно абариг̇г̇ахид̇агаалзд̇и вид̇т̇аарзд̇аб̣б̣ам̣. д̇ат̇аа хисса буб̣б̣з абариг̇г̇ахид̇агаалз ‘‘ол̣ааригол̣ааригз гааяасан̇каарз бассамбхзмий’’д̇и аабхог̇асаманнаахаараманасигааро над̇т̇и, бариг̇г̇ахид̇агаалз бана ад̇т̇и. д̇знасса абариг̇г̇ахид̇агаалад̇о бариг̇г̇ахид̇агаалз гааяасан̇кааро сукумо ход̇и. д̇знааху бораан̣аа –

    Tatrevaṃ oḷārikasukhumatā ca passaddhi ca veditabbā – imassa hi bhikkhuno pubbe apariggahitakāle kāyo ca cittañca sadarathā honti oḷārikā. Kāyacittānaṃ oḷārikatte avūpasante assāsapassāsāpi oḷārikā honti, balavatarā hutvā pavattanti, nāsikā nappahoti, mukhena assasantopi passasantopi tiṭṭhati. Yadā panassa kāyopi cittampi pariggahitā honti, tadā te santā honti vūpasantā. Tesu vūpasantesu assāsapassāsā sukhumā hutvā pavattanti, ‘‘atthi nu kho, natthī’’ti vicetabbākārappattā honti. Seyyathāpi purisassa dhāvitvā pabbatā vā orohitvā mahābhāraṃ vā sīsato oropetvā ṭhitassa oḷārikā assāsapassāsā honti, nāsikā nappahoti, mukhena assasantopi passasantopi tiṭṭhati. Yadā panesa taṃ parissamaṃ vinodetvā nhatvā ca pivitvā ca allasāṭakaṃ hadaye katvā sītāya chāyāya nipanno hoti, athassa te assāsapassāsā sukhumā honti ‘‘atthi nu kho, natthī’’ti vicetabbākārappattā, evamevaṃ imassa bhikkhuno apariggahitakāleti vitthāretabbaṃ. Tathā hissa pubbe apariggahitakāle ‘‘oḷārikoḷārike kāyasaṅkhāre passambhemī’’ti ābhogasamannāhāramanasikāro natthi, pariggahitakāle pana atthi. Tenassa apariggahitakālato pariggahitakāle kāyasaṅkhāro sukhumo hoti. Tenāhu porāṇā –

    ‘‘саарад̣̇д̇хз гааяз жид̇д̇з жа, ад̇химад̇д̇ам̣ бавад̇д̇ад̇и;

    ‘‘Sāraddhe kāye citte ca, adhimattaṃ pavattati;

    асаарад̣̇д̇хамхи гааяамхи, сукумам̣ самбавад̇д̇ад̇ий’’д̇и. (висуд̣̇д̇хи. 1.220; баараа. адта. 2.165);

    Asāraddhamhi kāyamhi, sukhumaṃ sampavattatī’’ti. (visuddhi. 1.220; pārā. aṭṭha. 2.165);

    бариг̇г̇ахзби ол̣аариго, батамаж̇жхаануубажаарз сукумо. д̇асмимби ол̣аариго, батамаж̇жхаанз сукумо. батамаж̇жхаанз жа д̣̇уд̇ияаж̇жхаануубажаарз жа ол̣аариго, д̣̇уд̇ияаж̇жхаанз сукумо. д̣̇уд̇ияаж̇жхаанз жа д̇ад̇ияаж̇жхаануубажаарз жа ол̣аариго, д̇ад̇ияаж̇жхаанз сукумо. д̇ад̇ияаж̇жхаанз жа жад̇уд̇т̇аж̇жхаануубажаарз жа ол̣аариго, жад̇уд̇т̇аж̇жхаанз ад̇исукумо аббавад̇д̇имзва баабун̣аад̇и. ид̣̇ам̣ д̇аава д̣̇ийгхабхаан̣агасам̣яуд̇д̇абхаан̣агаанам̣ мад̇ам̣.

    Pariggahepi oḷāriko, paṭhamajjhānūpacāre sukhumo. Tasmimpi oḷāriko, paṭhamajjhāne sukhumo. Paṭhamajjhāne ca dutiyajjhānūpacāre ca oḷāriko, dutiyajjhāne sukhumo. Dutiyajjhāne ca tatiyajjhānūpacāre ca oḷāriko, tatiyajjhāne sukhumo. Tatiyajjhāne ca catutthajjhānūpacāre ca oḷāriko, catutthajjhāne atisukhumo appavattimeva pāpuṇāti. Idaṃ tāva dīghabhāṇakasaṃyuttabhāṇakānaṃ mataṃ.

    маж̇жхимабхаан̣агаа бана ‘‘батамаж̇жхаанз ол̣аариго, д̣̇уд̇ияаж̇жхаануубажаарз сукумо’’д̇и звам̣ хздтимахздтимаж̇жхаанад̇о убаруубариж̇жхаануубажаарзби сукумад̇арам̣ ижчанд̇и. саб̣б̣зсам̣язва бана мад̇зна абариг̇г̇ахид̇агаалз бавад̇д̇агааяасан̇кааро бариг̇г̇ахид̇агаалз бадиббассамбхад̇и, бариг̇г̇ахид̇агаалз бавад̇д̇агааяасан̇кааро батамаж̇жхаануубажаарз…бз… жад̇уд̇т̇аж̇жхаануубажаарз бавад̇д̇агааяасан̇кааро жад̇уд̇т̇аж̇жхаанз бадиббассамбхад̇и. аяам̣ д̇аава самат̇з наяо.

    Majjhimabhāṇakā pana ‘‘paṭhamajjhāne oḷāriko, dutiyajjhānūpacāre sukhumo’’ti evaṃ heṭṭhimaheṭṭhimajjhānato uparūparijjhānūpacārepi sukhumataraṃ icchanti. Sabbesaṃyeva pana matena apariggahitakāle pavattakāyasaṅkhāro pariggahitakāle paṭippassambhati, pariggahitakāle pavattakāyasaṅkhāro paṭhamajjhānūpacāre…pe… catutthajjhānūpacāre pavattakāyasaṅkhāro catutthajjhāne paṭippassambhati. Ayaṃ tāva samathe nayo.

    вибассанааяам̣ бана абариг̇г̇ахид̇агаалз бавад̇д̇агааяасан̇кааро ол̣аариго, махаабхууд̇абариг̇г̇ахз сукумо. соби ол̣аариго, убаад̣̇ааруубабариг̇г̇ахз сукумо. соби ол̣аариго, сагаларуубабариг̇г̇ахз сукумо. соби ол̣аариго, аруубабариг̇г̇ахз сукумо. соби ол̣аариго, руубааруубабариг̇г̇ахз сукумо. соби ол̣аариго, бажжаяабариг̇г̇ахз сукумо. соби ол̣аариго, саббажжаяанаамаруубад̣̇ассанз сукумо. соби ол̣аариго, лагкан̣аарамман̣ига вибассанааяа сукумо. соби д̣̇уб̣б̣алавибассанааяа ол̣аариго, б̣алававибассанааяа сукумо. д̇ад̇т̇а буб̣б̣з вуд̇д̇анаязнзва буримасса буримасса бажчимзна бажчимзна бадиббассад̣̇д̇хи взд̣̇ид̇аб̣б̣аа. звамзд̇т̇а ол̣ааригасукумад̇аа бадиббассад̣̇д̇хи жа взд̣̇ид̇аб̣б̣аа. аяам̣ д̇аавзд̇т̇а гааяаанубассанаавасзна вуд̇д̇асса батамажад̇уггасса анубуб̣б̣абад̣̇аван̣н̣анаа.

    Vipassanāyaṃ pana apariggahitakāle pavattakāyasaṅkhāro oḷāriko, mahābhūtapariggahe sukhumo. Sopi oḷāriko, upādārūpapariggahe sukhumo. Sopi oḷāriko, sakalarūpapariggahe sukhumo. Sopi oḷāriko, arūpapariggahe sukhumo. Sopi oḷāriko, rūpārūpapariggahe sukhumo. Sopi oḷāriko, paccayapariggahe sukhumo. Sopi oḷāriko, sappaccayanāmarūpadassane sukhumo. Sopi oḷāriko, lakkhaṇārammaṇika vipassanāya sukhumo. Sopi dubbalavipassanāya oḷāriko, balavavipassanāya sukhumo. Tattha pubbe vuttanayeneva purimassa purimassa pacchimena pacchimena paṭippassaddhi veditabbā. Evamettha oḷārikasukhumatā paṭippassaddhi ca veditabbā. Ayaṃ tāvettha kāyānupassanāvasena vuttassa paṭhamacatukkassa anupubbapadavaṇṇanā.

    яасмаа банзд̇т̇а ид̣̇амзва жад̇уггам̣ аад̣̇игаммигасса гаммадтаанавасзна вуд̇д̇ам̣, ид̇араани бана д̇ийн̣и жад̇уггаани зд̇т̇а бад̇д̇аж̇жхаанасса взд̣̇анаажид̇д̇ад̇хаммаанубассанаавасзна, д̇асмаа имам̣ гаммадтаанам̣ бхаавзд̇ваа аанаабаанажад̇уггаж̇жхаанабад̣̇адтаанааяа вибассанааяа саха бадисамбхид̣̇аахи арахад̇д̇ам̣ баабун̣ид̇угаамзна аад̣̇игаммигзна гулабуд̇д̇зна висуд̣̇д̇химаг̇г̇з вуд̇д̇анаязна сийлабарисод̇ханаад̣̇ийни саб̣б̣агижжаани гад̇ваа сад̇д̇ан̇г̇асаманнааг̇ад̇асса аажарияасса санд̇игз бан̃жасанд̇хигам̣ гаммадтаанам̣ уг̇г̇ахзд̇аб̣б̣ам̣. д̇ад̇римз бан̃жа санд̇хаяо уг̇г̇ахо барибужчаа убадтаанам̣ аббанаа лагкан̣анд̇и. д̇ад̇т̇а уг̇г̇ахо наама гаммадтаанасса уг̇г̇ан̣ханам̣. барибужчаа наама гаммадтаанасса барибужчанам̣. убадтаанам̣ наама гаммадтаанасса убадтаанам̣. аббанаа наама гаммадтаанасса аббанаа. лагкан̣ам̣ наама гаммадтаанасса лагкан̣ам̣, ‘‘звам̣ лагкан̣амид̣̇ам̣ гаммадтаана’’нд̇и гаммадтаанасабхаавуубад̇хааран̣анд̇и вуд̇д̇ам̣ ход̇и.

    Yasmā panettha idameva catukkaṃ ādikammikassa kammaṭṭhānavasena vuttaṃ, itarāni pana tīṇi catukkāni ettha pattajjhānassa vedanācittadhammānupassanāvasena, tasmā imaṃ kammaṭṭhānaṃ bhāvetvā ānāpānacatukkajjhānapadaṭṭhānāya vipassanāya saha paṭisambhidāhi arahattaṃ pāpuṇitukāmena ādikammikena kulaputtena visuddhimagge vuttanayena sīlaparisodhanādīni sabbakiccāni katvā sattaṅgasamannāgatassa ācariyassa santike pañcasandhikaṃ kammaṭṭhānaṃ uggahetabbaṃ. Tatrime pañca sandhayo uggaho paripucchā upaṭṭhānaṃ appanā lakkhaṇanti. Tattha uggaho nāma kammaṭṭhānassa uggaṇhanaṃ. Paripucchā nāma kammaṭṭhānassa paripucchanaṃ. Upaṭṭhānaṃ nāma kammaṭṭhānassa upaṭṭhānaṃ. Appanā nāma kammaṭṭhānassa appanā. Lakkhaṇaṃ nāma kammaṭṭhānassa lakkhaṇaṃ, ‘‘evaṃ lakkhaṇamidaṃ kammaṭṭhāna’’nti kammaṭṭhānasabhāvūpadhāraṇanti vuttaṃ hoti.

    звам̣ бан̃жасанд̇хигам̣ гаммадтаанам̣ уг̇г̇ан̣ханд̇о ад̇д̇анааби на гиламад̇и, аажарияамби на вихзсзд̇и. д̇асмаа т̇огам̣ уд̣̇д̣̇исаабзд̇ваа б̣ахум̣ гаалам̣ саж̇жхааяид̇ваа звам̣ бан̃жасанд̇хигам̣ гаммадтаанам̣ уг̇г̇ахзд̇ваа аажарияасса санд̇игз ваа ан̃н̃ад̇т̇а ваа адтаараса д̣̇осаяуд̇д̇з вихаарз важ̇ж̇зд̇ваа бан̃жан̇г̇асаманнааг̇ад̇з сзнаасанз васанд̇зна убажчиннакуд̣̇д̣̇агабалиб̣од̇хзна гад̇абхад̇д̇агижжзна бхад̇д̇асаммад̣̇ам̣ бадивинод̣̇зд̇ваа суканисиннзна рад̇анад̇д̇аяаг̇ун̣аануссаран̣зна жид̇д̇ам̣ самбахам̣сзд̇ваа аажарияуг̇г̇ахад̇о згабад̣̇амби абарихаабзнд̇зна ид̣̇ам̣ аанаабаанассад̇игаммадтаанам̣ манаси гаад̇аб̣б̣ам̣. д̇ад̇рааяам̣ манасигааравид̇хи –

    Evaṃ pañcasandhikaṃ kammaṭṭhānaṃ uggaṇhanto attanāpi na kilamati, ācariyampi na viheseti. Tasmā thokaṃ uddisāpetvā bahuṃ kālaṃ sajjhāyitvā evaṃ pañcasandhikaṃ kammaṭṭhānaṃ uggahetvā ācariyassa santike vā aññattha vā aṭṭhārasa dosayutte vihāre vajjetvā pañcaṅgasamannāgate senāsane vasantena upacchinnakhuddakapalibodhena katabhattakiccena bhattasammadaṃ paṭivinodetvā sukhanisinnena ratanattayaguṇānussaraṇena cittaṃ sampahaṃsetvā ācariyuggahato ekapadampi aparihāpentena idaṃ ānāpānassatikammaṭṭhānaṃ manasi kātabbaṃ. Tatrāyaṃ manasikāravidhi –

    ‘‘г̇ан̣анаа ануб̣анд̇ханаа, пусанаа табанаа саллагкан̣аа;

    ‘‘Gaṇanā anubandhanā, phusanā ṭhapanā sallakkhaṇā;

    вивадданаа баарисуд̣̇д̇хи, д̇зсан̃жа бадибассанаа’’д̇и.

    Vivaṭṭanā pārisuddhi, tesañca paṭipassanā’’ti.

    д̇ад̇т̇а г̇ан̣анаад̇и г̇ан̣анааязва. ануб̣анд̇ханаад̇и ануг̇аманаа. пусанаад̇и пудтадтаанам̣. табанаад̇и аббанаа. саллагкан̣аад̇и вибассанаа. вивадданаад̇и маг̇г̇о. баарисуд̣̇д̇хийд̇и палам̣. д̇зсан̃жа бадибассанаад̇и бажжавзгкан̣аа. д̇ад̇т̇а иминаа аад̣̇игаммигзна гулабуд̇д̇зна батамам̣ г̇ан̣анааяа ид̣̇ам̣ гаммадтаанам̣ манаси гаад̇аб̣б̣ам̣. г̇ан̣знд̇зна бана бан̃жаннам̣ хздтаа на табзд̇аб̣б̣ам̣, д̣̇асаннам̣ убари на нзд̇аб̣б̣ам̣, анд̇араа кан̣д̣ам̣ на д̣̇ассзд̇аб̣б̣ам̣. бан̃жаннам̣ хздтаа табзнд̇асса хи самб̣аад̇хз огаасз жид̇д̇уббаад̣̇о вибпанд̣̇ад̇и самб̣аад̇хз важ̇з саннируд̣̇д̇хаг̇ог̇ан̣о вияа. д̣̇асаннам̣ убари нзнд̇асса г̇ан̣ананиссид̇ова жид̇д̇уббаад̣̇о ход̇и. анд̇араа кан̣д̣ам̣ д̣̇ассзнд̇асса ‘‘сикааббад̇д̇ам̣ ну ко мз гаммадтаанам̣, но’’д̇и жид̇д̇ам̣ вигамбад̇и, д̇асмаа зд̇з д̣̇осз важ̇ж̇зд̇ваа г̇ан̣зд̇аб̣б̣ам̣.

    Tattha gaṇanāti gaṇanāyeva. Anubandhanāti anugamanā. Phusanāti phuṭṭhaṭṭhānaṃ. Ṭhapanāti appanā. Sallakkhaṇāti vipassanā. Vivaṭṭanāti maggo. Pārisuddhīti phalaṃ. Tesañca paṭipassanāti paccavekkhaṇā. Tattha iminā ādikammikena kulaputtena paṭhamaṃ gaṇanāya idaṃ kammaṭṭhānaṃ manasi kātabbaṃ. Gaṇentena pana pañcannaṃ heṭṭhā na ṭhapetabbaṃ, dasannaṃ upari na netabbaṃ, antarā khaṇḍaṃ na dassetabbaṃ. Pañcannaṃ heṭṭhā ṭhapentassa hi sambādhe okāse cittuppādo vipphandati sambādhe vaje sanniruddhagogaṇo viya. Dasannaṃ upari nentassa gaṇananissitova cittuppādo hoti. Antarā khaṇḍaṃ dassentassa ‘‘sikhāppattaṃ nu kho me kammaṭṭhānaṃ, no’’ti cittaṃ vikampati, tasmā ete dose vajjetvā gaṇetabbaṃ.

    г̇ан̣знд̇зна жа батамам̣ д̣̇анд̇хаг̇ан̣анааяа д̇хан̃н̃амаабагаг̇ан̣анааяа г̇ан̣зд̇аб̣б̣ам̣. д̇хан̃н̃амаабаго хи наал̣им̣ буурзд̇ваа ‘‘зга’’нд̇и вад̇ваа огирад̇и, буна буурзнд̇о гин̃жи гажаварам̣ д̣̇исваа чад̣д̣знд̇о ‘‘згам̣ зга’’нд̇и вад̣̇ад̇и. зсзва наяо д̣̇вз д̣̇взд̇иаад̣̇ийсу. звамзвам̣ иминааби ассаасабассаасзсу яо убадтаад̇и, д̇ам̣ г̇ахзд̇ваа ‘‘згам̣ зга’’нд̇иаад̣̇им̣ гад̇ваа яаава ‘‘д̣̇аса д̣̇асаа’’д̇и бавад̇д̇амаанам̣ бавад̇д̇амаанам̣ убалагкзд̇ваава г̇ан̣зд̇аб̣б̣ам̣. д̇асса звам̣ г̇ан̣аяад̇о нигкаманд̇аа жа бависанд̇аа жа ассаасабассаасаа баагадаа хонд̇и.

    Gaṇentena ca paṭhamaṃ dandhagaṇanāya dhaññamāpakagaṇanāya gaṇetabbaṃ. Dhaññamāpako hi nāḷiṃ pūretvā ‘‘eka’’nti vatvā okirati, puna pūrento kiñci kacavaraṃ disvā chaḍḍento ‘‘ekaṃ eka’’nti vadati. Eseva nayo dve dvetiādīsu. Evamevaṃ imināpi assāsapassāsesu yo upaṭṭhāti, taṃ gahetvā ‘‘ekaṃ eka’’ntiādiṃ katvā yāva ‘‘dasa dasā’’ti pavattamānaṃ pavattamānaṃ upalakkhetvāva gaṇetabbaṃ. Tassa evaṃ gaṇayato nikkhamantā ca pavisantā ca assāsapassāsā pākaṭā honti.

    ат̇аанзна д̇ам̣ д̣̇анд̇хаг̇ан̣анам̣ д̇хан̃н̃амаабагаг̇ан̣анам̣ бахааяа сийгхаг̇ан̣анааяа г̇обаалагаг̇ан̣анааяа г̇ан̣зд̇аб̣б̣ам̣. чзго хи г̇обаалаго сагкараад̣̇аяо ужчан̇г̇зна г̇ахзд̇ваа раж̇ж̇уд̣̇ан̣д̣ахад̇т̇о баад̇ова важ̇ам̣ г̇анд̇ваа г̇ааво бидтияам̣ бахарид̇ваа балигхад̇т̇амбхамад̇т̇агз нисинно д̣̇ваарам̣ бад̇д̇ам̣ бад̇д̇ам̣язва г̇аавам̣ ‘‘зго д̣̇вз’’д̇и сагкарам̣ кибид̇ваа кибид̇ваа г̇ан̣зд̇и. д̇ияаамарад̇д̇им̣ самб̣аад̇хз огаасз д̣̇угкам̣ вуд̇т̇аг̇ог̇ан̣о нигкаманд̇о ан̃н̃аман̃н̃ам̣ убанигхам̣санд̇о взг̇зна взг̇зна бун̃ж̇абун̃ж̇о худ̇ваа нигкамад̇и. со взг̇зна взг̇зна ‘‘д̇ийн̣и жад̇д̇аари бан̃жа д̣̇асаа’’д̇и г̇ан̣зд̇иязва, звамассааби буриманаязна г̇ан̣аяад̇о ассаасабассаасаа баагадаа худ̇ваа сийгхам̣ сийгхам̣ бунаббунам̣ сан̃жаранд̇и. д̇ад̇о д̇зна ‘‘бунаббунам̣ сан̃жаранд̇ий’’д̇и н̃ад̇ваа анд̇о жа б̣ахи жа аг̇г̇ахзд̇ваа д̣̇ваараббад̇д̇ам̣ д̣̇ваараббад̇д̇ам̣язва г̇ахзд̇ваа ‘‘зго д̣̇вз д̇ийн̣и жад̇д̇аари бан̃жа, зго д̣̇вз д̇ийн̣и жад̇д̇аари бан̃жа ча, зго д̣̇вз д̇ийн̣и жад̇д̇аари бан̃жа ча сад̇д̇а…бз… адта нава д̣̇асаа’’д̇и сийгхам̣ сийгхам̣ г̇ан̣зд̇аб̣б̣амзва. г̇ан̣анаабадиб̣ад̣̇д̇хз хи гаммадтаанз г̇ан̣анаб̣алзнзва жид̇д̇ам̣ згаг̇г̇ам̣ ход̇и арид̇д̇убад̇т̇амбханавасзна жан̣д̣асод̇з нааваатабанамива.

    Athānena taṃ dandhagaṇanaṃ dhaññamāpakagaṇanaṃ pahāya sīghagaṇanāya gopālakagaṇanāya gaṇetabbaṃ. Cheko hi gopālako sakkharādayo ucchaṅgena gahetvā rajjudaṇḍahattho pātova vajaṃ gantvā gāvo piṭṭhiyaṃ paharitvā palighatthambhamatthake nisinno dvāraṃ pattaṃ pattaṃyeva gāvaṃ ‘‘eko dve’’ti sakkharaṃ khipitvā khipitvā gaṇeti. Tiyāmarattiṃ sambādhe okāse dukkhaṃ vutthagogaṇo nikkhamanto aññamaññaṃ upanighaṃsanto vegena vegena puñjapuñjo hutvā nikkhamati. So vegena vegena ‘‘tīṇi cattāri pañca dasā’’ti gaṇetiyeva, evamassāpi purimanayena gaṇayato assāsapassāsā pākaṭā hutvā sīghaṃ sīghaṃ punappunaṃ sañcaranti. Tato tena ‘‘punappunaṃ sañcarantī’’ti ñatvā anto ca bahi ca aggahetvā dvārappattaṃ dvārappattaṃyeva gahetvā ‘‘eko dve tīṇi cattāri pañca, eko dve tīṇi cattāri pañca cha, eko dve tīṇi cattāri pañca cha satta…pe… aṭṭha nava dasā’’ti sīghaṃ sīghaṃ gaṇetabbameva. Gaṇanāpaṭibaddhe hi kammaṭṭhāne gaṇanabaleneva cittaṃ ekaggaṃ hoti arittupatthambhanavasena caṇḍasote nāvāṭhapanamiva.

    д̇ассзвам̣ сийгхам̣ сийгхам̣ г̇ан̣аяад̇о гаммадтаанам̣ ниранд̇арам̣ бавад̇д̇ам̣ вияа худ̇ваа убадтаад̇и. ат̇а ‘‘ниранд̇арам̣ бавад̇д̇ад̇ий’’д̇и н̃ад̇ваа анд̇о жа б̣ахи жа ваад̇ам̣ абариг̇г̇ахзд̇ваа буриманаязнзва взг̇зна взг̇зна г̇ан̣зд̇аб̣б̣ам̣. анд̇обависанаваад̇зна хи сад̣̇д̇хим̣ жид̇д̇ам̣ бавзсаяад̇о аб̣бханд̇арам̣ ваад̇аб̣бхаахад̇ам̣ мзд̣̇абуурид̇ам̣ вияа ход̇и. б̣ахинигкаманаваад̇зна сад̣̇д̇хим̣ жид̇д̇ам̣ нийхарад̇о б̣ахид̣̇д̇хаа бут̇уд̇д̇аарамман̣з жид̇д̇ам̣ вигкибад̇и. пудтапудтогаасз бана сад̇им̣ табзд̇ваа бхаавзнд̇ассзва бхааванаа самбаж̇ж̇ад̇и. д̇зна вуд̇д̇ам̣ – ‘‘анд̇о жа б̣ахи жа ваад̇ам̣ абариг̇г̇ахзд̇ваа буриманаязнзва взг̇зна взг̇зна г̇ан̣зд̇аб̣б̣а’’нд̇и.

    Tassevaṃ sīghaṃ sīghaṃ gaṇayato kammaṭṭhānaṃ nirantaraṃ pavattaṃ viya hutvā upaṭṭhāti. Atha ‘‘nirantaraṃ pavattatī’’ti ñatvā anto ca bahi ca vātaṃ apariggahetvā purimanayeneva vegena vegena gaṇetabbaṃ. Antopavisanavātena hi saddhiṃ cittaṃ pavesayato abbhantaraṃ vātabbhāhataṃ medapūritaṃ viya hoti. Bahinikkhamanavātena saddhiṃ cittaṃ nīharato bahiddhā puthuttārammaṇe cittaṃ vikkhipati. Phuṭṭhaphuṭṭhokāse pana satiṃ ṭhapetvā bhāventasseva bhāvanā sampajjati. Tena vuttaṃ – ‘‘anto ca bahi ca vātaṃ apariggahetvā purimanayeneva vegena vegena gaṇetabba’’nti.

    гийважирам̣ банзд̇ам̣ г̇ан̣зд̇аб̣б̣анд̇и? яаава винаа г̇ан̣анааяа ассаасабассаасаарамман̣з сад̇и санд̇идтад̇и. б̣ахи висадавид̇аггавижчзд̣̇ам̣ гад̇ваа ассаасабассаасаарамман̣з сад̇и сан̣таабанад̇т̇ам̣язва хи г̇ан̣анаад̇и.

    Kīvaciraṃ panetaṃ gaṇetabbanti? Yāva vinā gaṇanāya assāsapassāsārammaṇe sati santiṭṭhati. Bahi visaṭavitakkavicchedaṃ katvā assāsapassāsārammaṇe sati saṇṭhāpanatthaṃyeva hi gaṇanāti.

    звам̣ г̇ан̣анааяа манаси гад̇ваа ануб̣анд̇ханааяа манаси гаад̇аб̣б̣ам̣. ануб̣анд̇ханаа наама г̇ан̣анам̣ бадисам̣харид̇ваа сад̇ияаа ниранд̇арам̣ ассаасабассаасаанам̣ ануг̇аманам̣. д̇ан̃жа ко на аад̣̇имаж̇жхабарияосаанаануг̇аманавасзна. аад̣̇имаж̇жхабарияосаанаани д̇ассаануг̇аманз аад̣̇ийнаваа жа хздтаа вуд̇д̇ааязва.

    Evaṃ gaṇanāya manasi katvā anubandhanāya manasi kātabbaṃ. Anubandhanā nāma gaṇanaṃ paṭisaṃharitvā satiyā nirantaraṃ assāsapassāsānaṃ anugamanaṃ. Tañca kho na ādimajjhapariyosānānugamanavasena. Ādimajjhapariyosānāni tassānugamane ādīnavā ca heṭṭhā vuttāyeva.

    д̇асмаа ануб̣анд̇ханааяа манасигаронд̇зна на аад̣̇имаж̇жхабарияосаанавасзна манаси гаад̇аб̣б̣ам̣, абижа ко пусанаавасзна жа табанаавасзна жа манаси гаад̇аб̣б̣ам̣. г̇ан̣анаануб̣анд̇ханаавасзна вияа хи пусанаатабанаавасзна висум̣ манасигааро над̇т̇и, пудтапудтадтаанзязва бана г̇ан̣знд̇о г̇ан̣анааяа жа пусанааяа жа манаси гарод̇и, д̇ад̇т̇зва г̇ан̣анам̣ бадисам̣харид̇ваа д̇з сад̇ияаа ануб̣анд̇ханд̇о, аббанаавасзна жа жид̇д̇ам̣ табзнд̇о ‘‘ануб̣анд̇ханааяа жа пусанааяа жа табанааяа жа манаси гарод̇ий’’д̇и вужжад̇и. свааяамад̇т̇о адтагат̇аасу вуд̇д̇абан̇г̇ул̣ад̣̇овааригобамаахи ид̇хзва баал̣ияам̣ вуд̇д̇агагажуубамааяа жа взд̣̇ид̇аб̣б̣о.

    Tasmā anubandhanāya manasikarontena na ādimajjhapariyosānavasena manasi kātabbaṃ, apica kho phusanāvasena ca ṭhapanāvasena ca manasi kātabbaṃ. Gaṇanānubandhanāvasena viya hi phusanāṭhapanāvasena visuṃ manasikāro natthi, phuṭṭhaphuṭṭhaṭṭhāneyeva pana gaṇento gaṇanāya ca phusanāya ca manasi karoti, tattheva gaṇanaṃ paṭisaṃharitvā te satiyā anubandhanto, appanāvasena ca cittaṃ ṭhapento ‘‘anubandhanāya ca phusanāya ca ṭhapanāya ca manasi karotī’’ti vuccati. Svāyamattho aṭṭhakathāsu vuttapaṅguḷadovārikopamāhi idheva pāḷiyaṃ vuttakakacūpamāya ca veditabbo.

    д̇ад̇рааяам̣ бан̇г̇ул̣обамаа – сзяяат̇ааби бан̇г̇ул̣о д̣̇олааяа гийл̣ад̇ам̣ маад̇аабуд̇д̇аанам̣ д̣̇олам̣ кибид̇ваа д̇ад̇т̇зва д̣̇олаат̇амбхамуулз нисинно гамзна ааг̇ажчанд̇асса жа г̇ажчанд̇асса жа д̣̇олаапалагасса убхо годияо маж̇жхан̃жа бассад̇и, на жа убхогодимаж̇жхаанам̣ д̣̇ассанад̇т̇ам̣ б̣яаавадо ход̇и, звамзва бхигку сад̇ивасзна убаниб̣анд̇ханад̇т̇амбхамуулз тад̇ваа ассаасабассаасад̣̇олам̣ кибид̇ваа д̇ад̇т̇зва нимид̇д̇з сад̇ияаа нисийд̣̇анд̇о гамзна ааг̇ажчанд̇аанан̃жа г̇ажчанд̇аанан̃жа пудтадтаанз ассаасабассаасаанам̣ аад̣̇имаж̇жхабарияосаанам̣ сад̇ияаа ануг̇ажчанд̇о д̇ад̇т̇зва (висуд̣̇д̇хи. 1.225) жид̇д̇ам̣ табзд̇ваа бассад̇и, на жа д̇зсам̣ д̣̇ассанад̇т̇ам̣ б̣яаавадо ход̇и. аяам̣ бан̇г̇ул̣обамаа.

    Tatrāyaṃ paṅguḷopamā – seyyathāpi paṅguḷo dolāya kīḷataṃ mātāputtānaṃ dolaṃ khipitvā tattheva dolāthambhamūle nisinno kamena āgacchantassa ca gacchantassa ca dolāphalakassa ubho koṭiyo majjhañca passati, na ca ubhokoṭimajjhānaṃ dassanatthaṃ byāvaṭo hoti, evameva bhikkhu sativasena upanibandhanatthambhamūle ṭhatvā assāsapassāsadolaṃ khipitvā tattheva nimitte satiyā nisīdanto kamena āgacchantānañca gacchantānañca phuṭṭhaṭṭhāne assāsapassāsānaṃ ādimajjhapariyosānaṃ satiyā anugacchanto tattheva (visuddhi. 1.225) cittaṃ ṭhapetvā passati, na ca tesaṃ dassanatthaṃ byāvaṭo hoti. Ayaṃ paṅguḷopamā.

    аяам̣ бана д̣̇овааригобамаа – сзяяат̇ааби д̣̇оваариго наг̇арасса анд̇о жа б̣ахи жа бурисз ‘‘го д̇вам̣, гуд̇о ваа ааг̇ад̇о, гухим̣ ваа г̇ажчаси, гим̣ ваа д̇з хад̇т̇з’’д̇и на виймам̣сад̇и. на хи д̇асса д̇з бхаараа, д̣̇ваараббад̇д̇ам̣ д̣̇ваараббад̇д̇ам̣язва бана виймам̣сад̇и, звамзва имасса бхигкуно анд̇обавидтаваад̇аа жа б̣ахинигканд̇аваад̇аа жа на бхаараа хонд̇и, д̣̇ваараббад̇д̇аа д̣̇ваараббад̇д̇ааязва бхаараад̇и аяам̣ д̣̇овааригобамаа.

    Ayaṃ pana dovārikopamā – seyyathāpi dovāriko nagarassa anto ca bahi ca purise ‘‘ko tvaṃ, kuto vā āgato, kuhiṃ vā gacchasi, kiṃ vā te hatthe’’ti na vīmaṃsati. Na hi tassa te bhārā, dvārappattaṃ dvārappattaṃyeva pana vīmaṃsati, evameva imassa bhikkhuno antopaviṭṭhavātā ca bahinikkhantavātā ca na bhārā honti, dvārappattā dvārappattāyeva bhārāti ayaṃ dovārikopamā.

    гагажуубамаа бана ‘‘нимид̇д̇ам̣ ассаасабассаасаа’’д̇иаад̣̇инаа (бади. ма. 1.159) наязна ид̇ха вуд̇д̇ааязва. ид̇ха банасса ааг̇ад̇ааг̇ад̇авасзна аманасигаарамад̇д̇амзва баяож̇ананд̇и взд̣̇ид̇аб̣б̣ам̣.

    Kakacūpamā pana ‘‘nimittaṃ assāsapassāsā’’tiādinā (paṭi. ma. 1.159) nayena idha vuttāyeva. Idha panassa āgatāgatavasena amanasikāramattameva payojananti veditabbaṃ.

    ид̣̇ам̣ гаммадтаанам̣ манасигарод̇о гассажи на жирзнзва нимид̇д̇ан̃жа уббаж̇ж̇ад̇и, авасзсажхаанан̇г̇абадиман̣д̣ид̇аа аббанаасан̇каад̇аа табанаа жа самбаж̇ж̇ад̇и. гассажи бана г̇ан̣анаавасзнзва манасигаарагаалад̇о бабхуд̇и яат̇аа саарад̣̇д̇хагааяасса ман̃жз ваа бийтз ваа нисийд̣̇ад̇о ман̃жабийтам̣ онамад̇и вигууж̇ад̇и, бажжад̇т̇аран̣ам̣ валим̣ г̇ан̣хаад̇и, асаарад̣̇д̇хагааяасса бана нисийд̣̇ад̇о нзва ман̃жабийтам̣ онамад̇и на вигууж̇ад̇и, на бажжад̇т̇аран̣ам̣ валим̣ г̇ан̣хаад̇и, д̇уулабижубуурид̇ам̣ вияа ман̃жабийтам̣ ход̇и . гасмаа? яасмаа асаарад̣̇д̇хо гааяо лахуго ход̇и, звамзвам̣ г̇ан̣анаавасзна манасигаарагаалад̇о бабхуд̇и ануггамад̇о ол̣ааригаассаасабассаасанирод̇хавасзна гааяад̣̇арат̇з вуубасанд̇з гааяоби жид̇д̇амби лахугам̣ ход̇и, сарийрам̣ аагаасз лан̇гханаагаараббад̇д̇ам̣ вияа ход̇и.

    Idaṃ kammaṭṭhānaṃ manasikaroto kassaci na cireneva nimittañca uppajjati, avasesajhānaṅgapaṭimaṇḍitā appanāsaṅkhātā ṭhapanā ca sampajjati. Kassaci pana gaṇanāvaseneva manasikārakālato pabhuti yathā sāraddhakāyassa mañce vā pīṭhe vā nisīdato mañcapīṭhaṃ onamati vikūjati, paccattharaṇaṃ valiṃ gaṇhāti, asāraddhakāyassa pana nisīdato neva mañcapīṭhaṃ onamati na vikūjati, na paccattharaṇaṃ valiṃ gaṇhāti, tūlapicupūritaṃ viya mañcapīṭhaṃ hoti . Kasmā? Yasmā asāraddho kāyo lahuko hoti, evamevaṃ gaṇanāvasena manasikārakālato pabhuti anukkamato oḷārikaassāsapassāsanirodhavasena kāyadarathe vūpasante kāyopi cittampi lahukaṃ hoti, sarīraṃ ākāse laṅghanākārappattaṃ viya hoti.

    д̇асса ол̣ааригз ассаасабассаасз нируд̣̇д̇хз сукумаассаасабассаасанимид̇д̇аарамман̣ам̣ жид̇д̇ам̣ бавад̇д̇ад̇и . д̇асмимби нируд̣̇д̇хз абараабарам̣ д̇ад̇о сукумад̇арам̣ сукумад̇арам̣ ассаасабассаасанимид̇д̇аарамман̣ам̣ бавад̇д̇ад̇иязва. свааяамад̇т̇о убари вуд̇д̇агам̣сат̇аалобамааяа взд̣̇ид̇аб̣б̣о.

    Tassa oḷārike assāsapassāse niruddhe sukhumaassāsapassāsanimittārammaṇaṃ cittaṃ pavattati . Tasmimpi niruddhe aparāparaṃ tato sukhumataraṃ sukhumataraṃ assāsapassāsanimittārammaṇaṃ pavattatiyeva. Svāyamattho upari vuttakaṃsathālopamāya veditabbo.

    яат̇аа хи ан̃н̃аани гаммадтаанаани убаруубари вибхууд̇аани хонд̇и, на д̇ат̇аа ид̣̇ам̣. ид̣̇ам̣ бана убаруубари бхаавзнд̇асса сукумад̇д̇ам̣ г̇ажчад̇и, убадтаанамби на убаг̇ажчад̇и. звам̣ анубадтаханд̇з бана д̇асмим̣ д̇зна бхигкунаа ‘‘аажарияам̣ бужчиссаамий’’д̇и ваа ‘‘надтам̣ д̣̇аани мз гаммадтаана’’нд̇и ваа удтааяаасанаа на г̇анд̇аб̣б̣ам̣. ирияаабат̇ам̣ вигобзд̇ваа г̇ажчад̇о хи гаммадтаанам̣ наванавамзва ход̇и. д̇асмаа яат̇аанисиннзнзва д̣̇зсад̇о аахарид̇аб̣б̣ам̣.

    Yathā hi aññāni kammaṭṭhānāni uparūpari vibhūtāni honti, na tathā idaṃ. Idaṃ pana uparūpari bhāventassa sukhumattaṃ gacchati, upaṭṭhānampi na upagacchati. Evaṃ anupaṭṭhahante pana tasmiṃ tena bhikkhunā ‘‘ācariyaṃ pucchissāmī’’ti vā ‘‘naṭṭhaṃ dāni me kammaṭṭhāna’’nti vā uṭṭhāyāsanā na gantabbaṃ. Iriyāpathaṃ vikopetvā gacchato hi kammaṭṭhānaṃ navanavameva hoti. Tasmā yathānisinneneva desato āharitabbaṃ.

    д̇ад̇рааяам̣ аахаран̣уубааяо – д̇зна бхигкунаа гаммадтаанасса анубадтаанабхаавам̣ н̃ад̇ваа ид̇и бадисан̃жигкид̇аб̣б̣ам̣ ‘‘имз ассаасабассаасаа наама гад̇т̇а ад̇т̇и, гад̇т̇а над̇т̇и. гасса ваа ад̇т̇и, гасса ваа над̇т̇ий’’д̇и. ат̇звам̣ бадисан̃жигкад̇о ‘‘имз анд̇омаад̇угужчияам̣ над̇т̇и, уд̣̇агз нимуг̇г̇аанам̣ над̇т̇и, д̇ат̇аа асан̃н̃ийбхууд̇аанам̣ мад̇аанам̣ жад̇уд̇т̇аж̇жхаанасамаабаннаанам̣ руубааруубабхавасаман̇г̇ийнам̣ нирод̇хасамаабаннаана’’нд̇и н̃ад̇ваа звам̣ ад̇д̇анаава ад̇д̇аа бадижод̣̇зд̇аб̣б̣о ‘‘нану, д̇вам̣ бан̣д̣ид̇а, нзва маад̇угужчиг̇ад̇о, на уд̣̇агз нимуг̇г̇о, на асан̃н̃ийбхууд̇о, на мад̇о, на жад̇уд̇т̇аж̇жхаанасамаабанно, на руубааруубабхавасаман̇г̇ий, на нирод̇хасамаабанно. ад̇т̇иязва д̇з ассаасабассаасаа, манд̣̇абан̃н̃ад̇ааяа бана бариг̇г̇ахзд̇ум̣ на саггосий’’д̇и. ат̇аанзна багад̇ипудтавасзна жид̇д̇ам̣ табзд̇ваа манасигааро бавад̇д̇зд̇аб̣б̣о. имз хи д̣̇ийгханаасигасса наасаабудам̣ гхаддзнд̇аа бавад̇д̇анд̇и, рассанаасигасса уд̇д̇ародтам̣. д̇асмаанзна имам̣ наама таанам̣ гхаддзнд̇ийд̇и нимид̇д̇ам̣ табзд̇аб̣б̣ам̣. имамзва хи ад̇т̇авасам̣ бадижжа вуд̇д̇ам̣ бхаг̇авад̇аа – ‘‘наахам̣, бхигкавз, мудтассад̇исса асамбаж̇аанасса аанаабаанассад̇ибхааванам̣ вад̣̇аамий’’д̇и (ма. ни. 3.149; сам̣. ни. 5.992). гин̃жааби хи яам̣гин̃жи гаммадтаанам̣ сад̇асса самбаж̇аанассзва самбаж̇ж̇ад̇и, ид̇о ан̃н̃ам̣ бана манасигаронд̇асса баагадам̣ ход̇и. ид̣̇ам̣ бана аанаабаанассад̇игаммадтаанам̣ г̇аругам̣ г̇аругабхааванам̣ б̣уд̣̇д̇хабажжзгаб̣уд̣̇д̇хаб̣уд̣̇д̇хабуд̇д̇аанам̣ махаабурисаанам̣язва манасигаарабхуумибхууд̇ам̣, на жзва ид̇д̇арам̣, на жа ид̇д̇арасад̇д̇асамаасзвид̇ам̣. яат̇аа яат̇аа манаси гарийяад̇и, д̇ат̇аа д̇ат̇аа санд̇ан̃жзва ход̇и сукуман̃жа. д̇асмаа зд̇т̇а б̣алавад̇ий сад̇и жа бан̃н̃аа жа ижчид̇аб̣б̣аа.

    Tatrāyaṃ āharaṇūpāyo – tena bhikkhunā kammaṭṭhānassa anupaṭṭhānabhāvaṃ ñatvā iti paṭisañcikkhitabbaṃ ‘‘ime assāsapassāsā nāma kattha atthi, kattha natthi. Kassa vā atthi, kassa vā natthī’’ti. Athevaṃ paṭisañcikkhato ‘‘ime antomātukucchiyaṃ natthi, udake nimuggānaṃ natthi, tathā asaññībhūtānaṃ matānaṃ catutthajjhānasamāpannānaṃ rūpārūpabhavasamaṅgīnaṃ nirodhasamāpannāna’’nti ñatvā evaṃ attanāva attā paṭicodetabbo ‘‘nanu, tvaṃ paṇḍita, neva mātukucchigato, na udake nimuggo, na asaññībhūto, na mato, na catutthajjhānasamāpanno, na rūpārūpabhavasamaṅgī, na nirodhasamāpanno. Atthiyeva te assāsapassāsā, mandapaññatāya pana pariggahetuṃ na sakkosī’’ti. Athānena pakatiphuṭṭhavasena cittaṃ ṭhapetvā manasikāro pavattetabbo. Ime hi dīghanāsikassa nāsāpuṭaṃ ghaṭṭentā pavattanti, rassanāsikassa uttaroṭṭhaṃ. Tasmānena imaṃ nāma ṭhānaṃ ghaṭṭentīti nimittaṃ ṭhapetabbaṃ. Imameva hi atthavasaṃ paṭicca vuttaṃ bhagavatā – ‘‘nāhaṃ, bhikkhave, muṭṭhassatissa asampajānassa ānāpānassatibhāvanaṃ vadāmī’’ti (ma. ni. 3.149; saṃ. ni. 5.992). Kiñcāpi hi yaṃkiñci kammaṭṭhānaṃ satassa sampajānasseva sampajjati, ito aññaṃ pana manasikarontassa pākaṭaṃ hoti. Idaṃ pana ānāpānassatikammaṭṭhānaṃ garukaṃ garukabhāvanaṃ buddhapaccekabuddhabuddhaputtānaṃ mahāpurisānaṃyeva manasikārabhūmibhūtaṃ, na ceva ittaraṃ, na ca ittarasattasamāsevitaṃ. Yathā yathā manasi karīyati, tathā tathā santañceva hoti sukhumañca. Tasmā ettha balavatī sati ca paññā ca icchitabbā.

    яат̇аа хи мадтасаадагасса д̇уннагаран̣агаалз суужиби сукумаа ижчид̇аб̣б̣аа, суужибаасавзд̇ханамби д̇ад̇о сукумад̇арам̣, звамзвам̣ мадтасаадагасад̣̇исасса имасса гаммадтаанасса бхааванаагаалз суужибадибхааг̇аа сад̇иби суужибаасавзд̇ханабадибхааг̇аа д̇ам̣самбаяуд̇д̇аа бан̃н̃ааби б̣алавад̇ий ижчид̇аб̣б̣аа. д̇аахи жа бана сад̇ибан̃н̃аахи саманнааг̇ад̇зна бхигкунаа на д̇з ассаасабассаасаа ан̃н̃ад̇ра багад̇ипудтогаасаа бариязсид̇аб̣б̣аа.

    Yathā hi maṭṭhasāṭakassa tunnakaraṇakāle sūcipi sukhumā icchitabbā, sūcipāsavedhanampi tato sukhumataraṃ, evamevaṃ maṭṭhasāṭakasadisassa imassa kammaṭṭhānassa bhāvanākāle sūcipaṭibhāgā satipi sūcipāsavedhanapaṭibhāgā taṃsampayuttā paññāpi balavatī icchitabbā. Tāhi ca pana satipaññāhi samannāgatena bhikkhunā na te assāsapassāsā aññatra pakatiphuṭṭhokāsā pariyesitabbā.

    яат̇аа хи гассаго кзд̇д̇ам̣ гасид̇ваа б̣алийб̣ад̣̇д̣̇з мун̃жид̇ваа г̇ожарамукз гад̇ваа чааяааяа нисинно виссамзяяа, ат̇асса д̇з б̣алийб̣ад̣̇д̣̇аа взг̇зна адавим̣ бависзяяум̣. яо ход̇и чзго гассаго, со буна д̇з г̇ахзд̇ваа яож̇зд̇угаамо на д̇зсам̣ анубад̣̇ам̣ г̇анд̇ваа адавим̣ аахин̣д̣ад̇и. ат̇а ко расмин̃жа бад̇од̣̇ан̃жа г̇ахзд̇ваа уж̇угамзва д̇зсам̣ нибаад̇анад̇ид̇т̇ам̣ г̇анд̇ваа нисийд̣̇ад̇и ваа нибаж̇ж̇ад̇и ваа. ат̇а д̇з г̇он̣з д̣̇ивасабхааг̇ам̣ жарид̇ваа нибаад̇анад̇ид̇т̇ам̣ од̇арид̇ваа нхад̇ваа жа бивид̇ваа жа бажжуд̇д̇арид̇ваа тид̇з д̣̇исваа расмияаа б̣анд̇хид̇ваа бад̇од̣̇зна виж̇жханд̇о аанзд̇ваа яож̇зд̇ваа буна гаммам̣ гарод̇и. звамзвам̣ д̇зна бхигкунаа на д̇з ассаасабассаасаа ан̃н̃ад̇ра багад̇ипудтогаасаа бариязсид̇аб̣б̣аа. сад̇ирасмим̣ бана бан̃н̃аабад̇од̣̇ан̃жа г̇ахзд̇ваа багад̇ипудтогаасз жид̇д̇ам̣ табзд̇ваа манасигааро бавад̇д̇зд̇аб̣б̣о. звам̣ хисса манасигарод̇о на жирассзва д̇з убадтаханд̇и нибаад̇анад̇ид̇т̇з вияа г̇он̣аа. д̇ад̇о д̇зна сад̇ирасмияаа б̣анд̇хид̇ваа д̇асмим̣язва таанз яож̇зд̇ваа бан̃н̃аабад̇од̣̇зна виж̇жханд̇зна бунаббунам̣ гаммадтаанам̣ ануяун̃ж̇ид̇аб̣б̣ам̣. д̇ассзвамануяун̃ж̇ад̇о на жирассзва нимид̇д̇ам̣ убадтаад̇и. д̇ам̣ банзд̇ам̣ на саб̣б̣зсам̣ згасад̣̇исам̣ ход̇и, абижа ко гассажи сукасампассам̣ уббаад̣̇аяамаано д̇уулабижу вияа габбаасабижу вияа ваад̇ад̇хаараа вияа жа убадтаад̇ийд̇и згажжз ааху.

    Yathā hi kassako khettaṃ kasitvā balībadde muñcitvā gocaramukhe katvā chāyāya nisinno vissameyya, athassa te balībaddā vegena aṭaviṃ paviseyyuṃ. Yo hoti cheko kassako, so puna te gahetvā yojetukāmo na tesaṃ anupadaṃ gantvā aṭaviṃ āhiṇḍati. Atha kho rasmiñca patodañca gahetvā ujukameva tesaṃ nipātanatitthaṃ gantvā nisīdati vā nipajjati vā. Atha te goṇe divasabhāgaṃ caritvā nipātanatitthaṃ otaritvā nhatvā ca pivitvā ca paccuttaritvā ṭhite disvā rasmiyā bandhitvā patodena vijjhanto ānetvā yojetvā puna kammaṃ karoti. Evamevaṃ tena bhikkhunā na te assāsapassāsā aññatra pakatiphuṭṭhokāsā pariyesitabbā. Satirasmiṃ pana paññāpatodañca gahetvā pakatiphuṭṭhokāse cittaṃ ṭhapetvā manasikāro pavattetabbo. Evaṃ hissa manasikaroto na cirasseva te upaṭṭhahanti nipātanatitthe viya goṇā. Tato tena satirasmiyā bandhitvā tasmiṃyeva ṭhāne yojetvā paññāpatodena vijjhantena punappunaṃ kammaṭṭhānaṃ anuyuñjitabbaṃ. Tassevamanuyuñjato na cirasseva nimittaṃ upaṭṭhāti. Taṃ panetaṃ na sabbesaṃ ekasadisaṃ hoti, apica kho kassaci sukhasamphassaṃ uppādayamāno tūlapicu viya kappāsapicu viya vātadhārā viya ca upaṭṭhātīti ekacce āhu.

    аяам̣ бана адтагат̇аасу винижчаяо – ид̣̇ан̃хи гассажи д̇аарагаруубам̣ вияа ман̣иг̇ул̣игаа вияа муд̇д̇ааг̇ул̣игаа вияа жа, гассажи карасампассам̣ худ̇ваа габбаасадти вияа д̣̇аарусаарасуужи вияа жа, гассажи д̣̇ийгхабааман̇г̇асуд̇д̇ам̣ вияа гусумад̣̇аамам̣ вияа д̇хуумасикаа вияа жа, гассажи вид̇т̇ад̇ам̣ маггадагасуд̇д̇ам̣ вияа валаахагабадалам̣ вияа бад̣̇умабубпам̣ вияа рат̇ажаггам̣ вияа жанд̣̇аман̣д̣алам̣ вияа суурияаман̣д̣алам̣ вияа жа убадтаад̇и, д̇ан̃жа банзд̇ам̣ яат̇аа самб̣ахулзсу бхигкуусу суд̇д̇анд̇ам̣ саж̇жхааяид̇ваа нисиннзсу згзна бхигкунаа ‘‘д̇умхаагам̣ гийд̣̇исам̣ худ̇ваа ид̣̇ам̣ суд̇д̇ам̣ убадтаад̇ий’’д̇и вуд̇д̇з зго ‘‘маяхам̣ махад̇ий баб̣б̣ад̇зяяаа над̣̇ий вияа худ̇ваа убадтаад̇ий’’д̇и ааха. абаро ‘‘маяхам̣ згаа ванарааж̇и вияа’’. ан̃н̃о ‘‘маяхам̣ зго сийд̇ажчааяо саакаасамбанно палабхаарабхарид̇о ругко вияаа’’д̇и. д̇зсан̃хи д̇ам̣ згамзва суд̇д̇ам̣ сан̃н̃аанаанад̇ааяа наанад̇о убадтаад̇и. звам̣ згамзва гаммадтаанам̣ сан̃н̃аанаанад̇ааяа наанад̇о убадтаад̇и. сан̃н̃аж̇ан̃хи зд̇ам̣ сан̃н̃аанид̣̇аанам̣ сан̃н̃аабабхавам̣, д̇асмаа сан̃н̃аанаанад̇ааяа наанад̇о убадтаад̇ийд̇и взд̣̇ид̇аб̣б̣ам̣.

    Ayaṃ pana aṭṭhakathāsu vinicchayo – idañhi kassaci tārakarūpaṃ viya maṇiguḷikā viya muttāguḷikā viya ca, kassaci kharasamphassaṃ hutvā kappāsaṭṭhi viya dārusārasūci viya ca, kassaci dīghapāmaṅgasuttaṃ viya kusumadāmaṃ viya dhūmasikhā viya ca, kassaci vitthataṃ makkaṭakasuttaṃ viya valāhakapaṭalaṃ viya padumapupphaṃ viya rathacakkaṃ viya candamaṇḍalaṃ viya sūriyamaṇḍalaṃ viya ca upaṭṭhāti, tañca panetaṃ yathā sambahulesu bhikkhūsu suttantaṃ sajjhāyitvā nisinnesu ekena bhikkhunā ‘‘tumhākaṃ kīdisaṃ hutvā idaṃ suttaṃ upaṭṭhātī’’ti vutte eko ‘‘mayhaṃ mahatī pabbateyyā nadī viya hutvā upaṭṭhātī’’ti āha. Aparo ‘‘mayhaṃ ekā vanarāji viya’’. Añño ‘‘mayhaṃ eko sītacchāyo sākhāsampanno phalabhārabharito rukkho viyā’’ti. Tesañhi taṃ ekameva suttaṃ saññānānatāya nānato upaṭṭhāti. Evaṃ ekameva kammaṭṭhānaṃ saññānānatāya nānato upaṭṭhāti. Saññajañhi etaṃ saññānidānaṃ saññāpabhavaṃ, tasmā saññānānatāya nānato upaṭṭhātīti veditabbaṃ.

    звам̣ убадтид̇з бана нимид̇д̇з д̇зна бхигкунаа аажарияасса санд̇игам̣ г̇анд̇ваа аарожзд̇аб̣б̣ам̣ ‘‘маяхам̣, бханд̇з, зваруубам̣ наама убадтаад̇ий’’д̇и. аажариязна бана ‘‘нимид̇д̇амид̣̇ам̣, аавусо, гаммадтаанам̣ бунаббунам̣ манаси гарохи саббурисаа’’д̇и вад̇д̇аб̣б̣о. ат̇аанзна нимид̇д̇зязва жид̇д̇ам̣ табзд̇аб̣б̣ам̣. звамассааяам̣ ид̇о бабхуд̇и табанаавасзна бхааванаа ход̇и. вуд̇д̇ан̃хзд̇ам̣ бораан̣зхи –

    Evaṃ upaṭṭhite pana nimitte tena bhikkhunā ācariyassa santikaṃ gantvā ārocetabbaṃ ‘‘mayhaṃ, bhante, evarūpaṃ nāma upaṭṭhātī’’ti. Ācariyena pana ‘‘nimittamidaṃ, āvuso, kammaṭṭhānaṃ punappunaṃ manasi karohi sappurisā’’ti vattabbo. Athānena nimitteyeva cittaṃ ṭhapetabbaṃ. Evamassāyaṃ ito pabhuti ṭhapanāvasena bhāvanā hoti. Vuttañhetaṃ porāṇehi –

    ‘‘нимид̇д̇з табаяам̣ жид̇д̇ам̣, наанаагаарам̣ вибхааваяам̣;

    ‘‘Nimitte ṭhapayaṃ cittaṃ, nānākāraṃ vibhāvayaṃ;

    д̇хийро ассаасабассаасз, сагам̣ жид̇д̇ам̣ ниб̣анд̇хад̇ий’’д̇и. (баараа. адта. 2.165; висуд̣̇д̇хи. 1.232);

    Dhīro assāsapassāse, sakaṃ cittaṃ nibandhatī’’ti. (pārā. aṭṭha. 2.165; visuddhi. 1.232);

    д̇ассзвам̣ нимид̇д̇убадтаанад̇о бабхуд̇и нийваран̣аани вигкамбхид̇аанзва хонд̇и, гилзсаа саннисиннаава, жид̇д̇ам̣ убажаарасамаад̇хинаа самаахид̇амзва. ат̇аанзна д̇ам̣ нимид̇д̇ам̣ нзва ван̣н̣ад̇о манаси гаад̇аб̣б̣ам̣, на лагкан̣ад̇о бажжавзгкид̇аб̣б̣ам̣, абижа ко кад̇д̇ияамахзсияаа жаггавад̇д̇иг̇аб̣бхо вияа гассагзна саалияаваг̇аб̣бхо вияа жа ааваасаад̣̇ийни сад̇д̇а асаббааяаани важ̇ж̇зд̇ваа д̇аанзва сад̇д̇а саббааяаани сзванд̇зна саад̇хугам̣ рагкид̇аб̣б̣ам̣, ат̇а нам̣ звам̣ рагкид̇ваа бунаббунам̣ манасигааравасзна вуд̣̇д̇хим̣ вируул̣хим̣ г̇амаяид̇ваа д̣̇асавид̇хам̣ аббанаагосаллам̣ самбаад̣̇зд̇аб̣б̣ам̣, вийрияасамад̇аа яож̇зд̇аб̣б̣аа. д̇ассзвам̣ гхадзнд̇асса висуд̣̇д̇химаг̇г̇з вуд̇д̇аануггамзна д̇асмим̣ нимид̇д̇з жад̇уггабан̃жагаж̇жхаанаани ниб̣б̣ад̇д̇анд̇и. звам̣ ниб̣б̣ад̇д̇ажад̇уггабан̃жагаж̇жхаано банзд̇т̇а бхигку саллагкан̣аавивадданаавасзна гаммадтаанам̣ вад̣дхзд̇ваа баарисуд̣̇д̇хим̣ бад̇д̇угаамо д̇ад̣̇зва жхаанам̣ бан̃жахаагаарзхи васиббад̇д̇ам̣ баг̇ун̣ам̣ гад̇ваа наамаруубам̣ вавад̇т̇абзд̇ваа вибассанам̣ бадтабзд̇и. гат̇ам̣? со хи самаабад̇д̇ид̇о вудтааяа ассаасабассаасаанам̣ самуд̣̇аяо гараж̇агааяо жа жид̇д̇ан̃жаад̇и бассад̇и. яат̇аа хи гаммаараг̇аг̇г̇арияаа д̇хамамаанааяа бхасд̇ан̃жа бурисасса жа д̇аж̇ж̇ам̣ вааяаамам̣ бадижжа ваад̇о сан̃жарад̇и, звамзвам̣ гааяан̃жа жид̇д̇ан̃жа бадижжа ассаасабассаасаад̇и. д̇ад̇о ассаасабассаасз жа гааяан̃жа руубанд̇и, жид̇д̇ан̃жа д̇ам̣самбаяуд̇д̇з жа д̇хаммз аруубанд̇и вавад̇т̇абзд̇и.

    Tassevaṃ nimittupaṭṭhānato pabhuti nīvaraṇāni vikkhambhitāneva honti, kilesā sannisinnāva, cittaṃ upacārasamādhinā samāhitameva. Athānena taṃ nimittaṃ neva vaṇṇato manasi kātabbaṃ, na lakkhaṇato paccavekkhitabbaṃ, apica kho khattiyamahesiyā cakkavattigabbho viya kassakena sāliyavagabbho viya ca āvāsādīni satta asappāyāni vajjetvā tāneva satta sappāyāni sevantena sādhukaṃ rakkhitabbaṃ, atha naṃ evaṃ rakkhitvā punappunaṃ manasikāravasena vuddhiṃ virūḷhiṃ gamayitvā dasavidhaṃ appanākosallaṃ sampādetabbaṃ, vīriyasamatā yojetabbā. Tassevaṃ ghaṭentassa visuddhimagge vuttānukkamena tasmiṃ nimitte catukkapañcakajjhānāni nibbattanti. Evaṃ nibbattacatukkapañcakajjhāno panettha bhikkhu sallakkhaṇāvivaṭṭanāvasena kammaṭṭhānaṃ vaḍḍhetvā pārisuddhiṃ pattukāmo tadeva jhānaṃ pañcahākārehi vasippattaṃ paguṇaṃ katvā nāmarūpaṃ vavatthapetvā vipassanaṃ paṭṭhapeti. Kathaṃ? So hi samāpattito vuṭṭhāya assāsapassāsānaṃ samudayo karajakāyo ca cittañcāti passati. Yathā hi kammāragaggariyā dhamamānāya bhastañca purisassa ca tajjaṃ vāyāmaṃ paṭicca vāto sañcarati, evamevaṃ kāyañca cittañca paṭicca assāsapassāsāti. Tato assāsapassāse ca kāyañca rūpanti, cittañca taṃsampayutte ca dhamme arūpanti vavatthapeti.

    звам̣ наамаруубам̣ вавад̇т̇абзд̇ваа д̇асса бажжаяам̣ бариязсад̇и, бариязсанд̇о жа д̇ам̣ д̣̇исваа д̇ийсуби ад̣̇д̇хаасу наамаруубасса бавад̇д̇им̣ аараб̣бха ган̇кам̣ вид̇арад̇и, вид̇ин̣н̣аган̇ко галаабасаммасанавасзна ‘‘анижжам̣ д̣̇угкаманад̇д̇аа’’д̇и д̇илагкан̣ам̣ ааробзд̇ваа уд̣̇аяаб̣б̣аяаанубассанааяа буб̣б̣абхааг̇з уббаннз обхаасаад̣̇аяо д̣̇аса вибассанубаггилзсз бахааяа убаггилзсавимуд̇д̇ам̣ уд̣̇аяаб̣б̣аяаанубассанаан̃аан̣ам̣ ‘‘маг̇г̇о’’д̇и вавад̇т̇абзд̇ваа уд̣̇аяам̣ бахааяа бхан̇г̇аанубассанам̣ бад̇ваа ниранд̇арам̣ бхан̇г̇аанубассанзна бхаяад̇о убадтид̇зсу саб̣б̣асан̇каарзсу ниб̣б̣инд̣̇анд̇о вираж̇ж̇анд̇о вимужжанд̇о яат̇ааггамзна жад̇д̇ааро арияамаг̇г̇з баабун̣ид̇ваа арахад̇д̇апалз бад̇идтааяа згуунавийсад̇ибхзд̣̇асса бажжавзгкан̣аан̃аан̣асса барияанд̇ам̣ бад̇д̇о сад̣̇звагасса логасса аг̇г̇ад̣̇агкин̣зяяо ход̇и. зд̇д̇аавад̇аа жасса г̇ан̣анам̣ аад̣̇им̣ гад̇ваа вибассанаабарияосаанаа аанаабаанассад̇исамаад̇хибхааванаа самад̇д̇аа ход̇ийд̇и. аяам̣ саб̣б̣аагаарад̇о батамажад̇уггаван̣н̣анаа.

    Evaṃ nāmarūpaṃ vavatthapetvā tassa paccayaṃ pariyesati, pariyesanto ca taṃ disvā tīsupi addhāsu nāmarūpassa pavattiṃ ārabbha kaṅkhaṃ vitarati, vitiṇṇakaṅkho kalāpasammasanavasena ‘‘aniccaṃ dukkhamanattā’’ti tilakkhaṇaṃ āropetvā udayabbayānupassanāya pubbabhāge uppanne obhāsādayo dasa vipassanupakkilese pahāya upakkilesavimuttaṃ udayabbayānupassanāñāṇaṃ ‘‘maggo’’ti vavatthapetvā udayaṃ pahāya bhaṅgānupassanaṃ patvā nirantaraṃ bhaṅgānupassanena bhayato upaṭṭhitesu sabbasaṅkhāresu nibbindanto virajjanto vimuccanto yathākkamena cattāro ariyamagge pāpuṇitvā arahattaphale patiṭṭhāya ekūnavīsatibhedassa paccavekkhaṇāñāṇassa pariyantaṃ patto sadevakassa lokassa aggadakkhiṇeyyo hoti. Ettāvatā cassa gaṇanaṃ ādiṃ katvā vipassanāpariyosānā ānāpānassatisamādhibhāvanā samattā hotīti. Ayaṃ sabbākārato paṭhamacatukkavaṇṇanā.

    ид̇арзсу бана д̇ийсу жад̇уггзсу яасмаа висум̣ гаммадтаанабхааванаанаяо наама над̇т̇и, д̇асмаа анубад̣̇аван̣н̣анаанаязнзва д̇зсам̣ звамад̇т̇о взд̣̇ид̇аб̣б̣о. бийд̇ибадисам̣взд̣̇ийд̇и бийд̇им̣ бадисам̣вид̣̇ид̇ам̣ гаронд̇о баагадам̣ гаронд̇о ассасиссаами бассасиссаамийд̇и сигкад̇и. д̇ад̇т̇а д̣̇вийхаагаарзхи бийд̇и бадисам̣вид̣̇ид̇аа ход̇и аарамман̣ад̇о жа асаммохад̇о жа.

    Itaresu pana tīsu catukkesu yasmā visuṃ kammaṭṭhānabhāvanānayo nāma natthi, tasmā anupadavaṇṇanānayeneva tesaṃ evamattho veditabbo. Pītipaṭisaṃvedīti pītiṃ paṭisaṃviditaṃ karonto pākaṭaṃ karonto assasissāmi passasissāmīti sikkhati. Tattha dvīhākārehi pīti paṭisaṃviditā hoti ārammaṇato ca asammohato ca.

    гат̇ам̣ аарамман̣ад̇о бийд̇и бадисам̣вид̣̇ид̇аа ход̇и? саббийд̇игз д̣̇вз жхаанз самаабаж̇ж̇ад̇и, д̇асса самаабад̇д̇игкан̣з жхаанабадилаабхзна аарамман̣ад̇о бийд̇и бадисам̣вид̣̇ид̇аа ход̇и аарамман̣асса бадисам̣вид̣̇ид̇ад̇д̇аа.

    Kathaṃ ārammaṇato pīti paṭisaṃviditā hoti? Sappītike dve jhāne samāpajjati, tassa samāpattikkhaṇe jhānapaṭilābhena ārammaṇato pīti paṭisaṃviditā hoti ārammaṇassa paṭisaṃviditattā.

    гат̇ам̣ асаммохад̇о? саббийд̇игз д̣̇вз жхаанз самаабаж̇ж̇ид̇ваа вудтааяа жхаанасамбаяуд̇д̇ам̣ бийд̇им̣ каяад̇о ваяад̇о саммасад̇и, д̇асса вибассанаагкан̣з лагкан̣абадивзд̇хзна асаммохад̇о бийд̇и бадисам̣вид̣̇ид̇аа ход̇и. зд̇знзва наязна авасзсабад̣̇ааниби ад̇т̇ад̇о взд̣̇ид̇аб̣б̣аани. ид̣̇ам̣ банзд̇т̇а висзсамад̇д̇ам̣ – д̇ин̣н̣ам̣ жхаанаанам̣ васзна сукабадисам̣вид̣̇ид̇аа ход̇и. жад̇уннамби жхаанаанам̣ васзна жид̇д̇асан̇каарабадисам̣вид̣̇ид̇аа взд̣̇ид̇аб̣б̣аа. жид̇д̇асан̇каарод̇и взд̣̇анаасан̃н̃аагканд̇хаа. бассамбхаяам̣ жид̇д̇асан̇кааранд̇и ол̣ааригам̣ ол̣ааригам̣ жид̇д̇асан̇каарам̣ бассамбхзнд̇о, нирод̇хзнд̇од̇и ад̇т̇о. со вид̇т̇аарад̇о гааяасан̇каарз вуд̇д̇анаязна взд̣̇ид̇аб̣б̣о. абижзд̇т̇а бийд̇ибад̣̇з бийд̇исийсзна взд̣̇анаа вуд̇д̇аа, сукабад̣̇з саруубзнзва взд̣̇анаа. д̣̇вийсу жид̇д̇асан̇каарабад̣̇зсу ‘‘сан̃н̃аа жа взд̣̇анаа жа жзд̇асигаа, зд̇з д̇хаммаа жид̇д̇абадиб̣ад̣̇д̇хаа жид̇д̇асан̇каараа’’д̇и (бади. ма. 1.174; ма. ни. 1.463) важанад̇о сан̃н̃аасамбаяуд̇д̇аа взд̣̇анаад̇и звам̣ взд̣̇анаанубассанаанаязна ид̣̇ам̣ жад̇уггам̣ бхаасид̇анд̇и взд̣̇ид̇аб̣б̣ам̣.

    Kathaṃ asammohato? Sappītike dve jhāne samāpajjitvā vuṭṭhāya jhānasampayuttaṃ pītiṃ khayato vayato sammasati, tassa vipassanākkhaṇe lakkhaṇapaṭivedhena asammohato pīti paṭisaṃviditā hoti. Eteneva nayena avasesapadānipi atthato veditabbāni. Idaṃ panettha visesamattaṃ – tiṇṇaṃ jhānānaṃ vasena sukhapaṭisaṃviditā hoti. Catunnampi jhānānaṃ vasena cittasaṅkhārapaṭisaṃviditā veditabbā. Cittasaṅkhāroti vedanāsaññākkhandhā. Passambhayaṃ cittasaṅkhāranti oḷārikaṃ oḷārikaṃ cittasaṅkhāraṃ passambhento, nirodhentoti attho. So vitthārato kāyasaṅkhāre vuttanayena veditabbo. Apicettha pītipade pītisīsena vedanā vuttā, sukhapade sarūpeneva vedanā. Dvīsu cittasaṅkhārapadesu ‘‘saññā ca vedanā ca cetasikā, ete dhammā cittapaṭibaddhā cittasaṅkhārā’’ti (paṭi. ma. 1.174; ma. ni. 1.463) vacanato saññāsampayuttā vedanāti evaṃ vedanānupassanānayena idaṃ catukkaṃ bhāsitanti veditabbaṃ.

    д̇ад̇ияажад̇уггзби жад̇уннам̣ жхаанаанам̣ васзна жид̇д̇абадисам̣вид̣̇ид̇аа взд̣̇ид̇аб̣б̣аа. абхиббамод̣̇аяам̣ жид̇д̇анд̇и жид̇д̇ам̣ мод̣̇знд̇о бамод̣̇знд̇о хаасзнд̇о бахаасзнд̇о ассасиссаами бассасиссаамийд̇и сигкад̇и. д̇ад̇т̇а д̣̇вийхаагаарзхи абхиббамод̣̇о ход̇и самаад̇хивасзна жа вибассанаавасзна жа.

    Tatiyacatukkepi catunnaṃ jhānānaṃ vasena cittapaṭisaṃviditā veditabbā. Abhippamodayaṃ cittanti cittaṃ modento pamodento hāsento pahāsento assasissāmi passasissāmīti sikkhati. Tattha dvīhākārehi abhippamodo hoti samādhivasena ca vipassanāvasena ca.

    гат̇ам̣ самаад̇хивасзна? саббийд̇игз д̣̇вз жхаанз самаабаж̇ж̇ад̇и, со самаабад̇д̇игкан̣з самбаяуд̇д̇ааяа бийд̇ияаа жид̇д̇ам̣ аамод̣̇зд̇и бамод̣̇зд̇и. гат̇ам̣ вибассанаавасзна? саббийд̇игз д̣̇вз жхаанз самаабаж̇ж̇ид̇ваа вудтааяа жхаанасамбаяуд̇д̇ам̣ бийд̇им̣ каяад̇о ваяад̇о саммасад̇и. звам̣ вибассанаагкан̣з жхаанасамбаяуд̇д̇ам̣ бийд̇им̣ аарамман̣ам̣ гад̇ваа жид̇д̇ам̣ аамод̣̇зд̇и бамод̣̇зд̇и. звам̣ бадибанно ‘‘абхиббамод̣̇аяам̣ жид̇д̇ам̣ ассасиссаами бассасиссаамийд̇и сигкад̇ий’’д̇и вужжад̇и.

    Kathaṃ samādhivasena? Sappītike dve jhāne samāpajjati, so samāpattikkhaṇe sampayuttāya pītiyā cittaṃ āmodeti pamodeti. Kathaṃ vipassanāvasena? Sappītike dve jhāne samāpajjitvā vuṭṭhāya jhānasampayuttaṃ pītiṃ khayato vayato sammasati. Evaṃ vipassanākkhaṇe jhānasampayuttaṃ pītiṃ ārammaṇaṃ katvā cittaṃ āmodeti pamodeti. Evaṃ paṭipanno ‘‘abhippamodayaṃ cittaṃ assasissāmi passasissāmīti sikkhatī’’ti vuccati.

    самаад̣̇ахам̣ жид̇д̇анд̇и батамаж̇жхаанаад̣̇ивасзна аарамман̣з жид̇д̇ам̣ самам̣ аад̣̇аханд̇о самам̣ табзнд̇о, д̇аани ваа бана жхаанаани самаабаж̇ж̇ид̇ваа вудтааяа жхаанасамбаяуд̇д̇ам̣ жид̇д̇ам̣ каяад̇о ваяад̇о саммасад̇о вибассанаагкан̣з лагкан̣абадивзд̇хзна уббаж̇ж̇ад̇и кан̣игажид̇д̇згаг̇г̇ад̇аа, звам̣ уббаннааяа кан̣игажид̇д̇згаг̇г̇ад̇ааяа васзнаби аарамман̣з жид̇д̇ам̣ самам̣ аад̣̇аханд̇о самам̣ табзнд̇о ‘‘самаад̣̇ахам̣ жид̇д̇ам̣ ассасиссаами бассасиссаамийд̇и сигкад̇ий’’д̇и вужжад̇и.

    Samādahaṃ cittanti paṭhamajjhānādivasena ārammaṇe cittaṃ samaṃ ādahanto samaṃ ṭhapento, tāni vā pana jhānāni samāpajjitvā vuṭṭhāya jhānasampayuttaṃ cittaṃ khayato vayato sammasato vipassanākkhaṇe lakkhaṇapaṭivedhena uppajjati khaṇikacittekaggatā, evaṃ uppannāya khaṇikacittekaggatāya vasenapi ārammaṇe cittaṃ samaṃ ādahanto samaṃ ṭhapento ‘‘samādahaṃ cittaṃ assasissāmi passasissāmīti sikkhatī’’ti vuccati.

    виможаяам̣ жид̇д̇анд̇и батамаж̇жхаанзна нийваран̣зхи жид̇д̇ам̣ можзнд̇о виможзнд̇о, д̣̇уд̇иязна вид̇аггавижаарзхи, д̇ад̇иязна бийд̇ияаа, жад̇уд̇т̇зна сукад̣̇угкзхи жид̇д̇ам̣ можзнд̇о виможзнд̇о, д̇аани ваа бана жхаанаани самаабаж̇ж̇ид̇ваа вудтааяа жхаанасамбаяуд̇д̇ам̣ жид̇д̇ам̣ каяад̇о ваяад̇о саммасад̇и. со вибассанаагкан̣з анижжаанубассанааяа нижжасан̃н̃аад̇о жид̇д̇ам̣ можзнд̇о виможзнд̇о, д̣̇угкаанубассанааяа сукасан̃н̃аад̇о, анад̇д̇аанубассанааяа ад̇д̇асан̃н̃аад̇о, ниб̣б̣ид̣̇аанубассанааяа нанд̣̇ид̇о, вирааг̇аанубассанааяа рааг̇ад̇о, нирод̇хаанубассанааяа самуд̣̇аяад̇о, бадиниссаг̇г̇аанубассанааяа аад̣̇аанад̇о жид̇д̇ам̣ можзнд̇о виможзнд̇о ассасад̇и жзва бассасад̇и жа. д̇зна вужжад̇и – ‘‘виможаяам̣ жид̇д̇ам̣ ассасиссаами бассасиссаамийд̇и сигкад̇ий’’д̇и. звам̣ жид̇д̇аанубассанаавасзна ид̣̇ам̣ жад̇уггам̣ бхаасид̇анд̇и взд̣̇ид̇аб̣б̣ам̣.

    Vimocayaṃcittanti paṭhamajjhānena nīvaraṇehi cittaṃ mocento vimocento, dutiyena vitakkavicārehi, tatiyena pītiyā, catutthena sukhadukkhehi cittaṃ mocento vimocento, tāni vā pana jhānāni samāpajjitvā vuṭṭhāya jhānasampayuttaṃ cittaṃ khayato vayato sammasati. So vipassanākkhaṇe aniccānupassanāya niccasaññāto cittaṃ mocento vimocento, dukkhānupassanāya sukhasaññāto, anattānupassanāya attasaññāto, nibbidānupassanāya nandito, virāgānupassanāya rāgato, nirodhānupassanāya samudayato, paṭinissaggānupassanāya ādānato cittaṃ mocento vimocento assasati ceva passasati ca. Tena vuccati – ‘‘vimocayaṃ cittaṃ assasissāmi passasissāmīti sikkhatī’’ti. Evaṃ cittānupassanāvasena idaṃ catukkaṃ bhāsitanti veditabbaṃ.

    жад̇уд̇т̇ажад̇уггз бана анижжаанубассийд̇и зд̇т̇а д̇аава анижжам̣ взд̣̇ид̇аб̣б̣ам̣, анижжад̇аа взд̣̇ид̇аб̣б̣аа, анижжаанубассанаа взд̣̇ид̇аб̣б̣аа, анижжаанубассий взд̣̇ид̇аб̣б̣о. д̇ад̇т̇а анижжанд̇и бан̃жагканд̇хаа. гасмаа? уббаад̣̇аваяан̃н̃ат̇ад̇д̇абхааваа. анижжад̇аад̇и д̇зсам̣язва уббаад̣̇аваяан̃н̃ат̇ад̇д̇ам̣, худ̇ваа абхааво ваа, ниб̣б̣ад̇д̇аанам̣ д̇знзваагаарзна адтад̇ваа кан̣абхан̇г̇зна бхзд̣̇од̇и ад̇т̇о. анижжаанубассанаад̇и д̇ассаа анижжад̇ааяа васзна руубаад̣̇ийсу ‘‘анижжа’’нд̇и анубассанаа. анижжаанубассийд̇и д̇ааяа анубассанааяа саманнааг̇ад̇о. д̇асмаа звам̣бхууд̇о ассасанд̇о жа бассасанд̇о жа ид̇ха ‘‘анижжаанубассий ассасиссаами бассасиссаамийд̇и сигкад̇ий’’д̇и взд̣̇ид̇аб̣б̣о.

    Catutthacatukke pana aniccānupassīti ettha tāva aniccaṃ veditabbaṃ, aniccatā veditabbā, aniccānupassanā veditabbā, aniccānupassī veditabbo. Tattha aniccanti pañcakkhandhā. Kasmā? Uppādavayaññathattabhāvā. Aniccatāti tesaṃyeva uppādavayaññathattaṃ, hutvā abhāvo vā, nibbattānaṃ tenevākārena aṭṭhatvā khaṇabhaṅgena bhedoti attho. Aniccānupassanāti tassā aniccatāya vasena rūpādīsu ‘‘anicca’’nti anupassanā. Aniccānupassīti tāya anupassanāya samannāgato. Tasmā evaṃbhūto assasanto ca passasanto ca idha ‘‘aniccānupassī assasissāmi passasissāmīti sikkhatī’’ti veditabbo.

    вирааг̇аанубассийд̇и зд̇т̇а бана д̣̇вз вирааг̇аа каяавирааг̇о жа ажжанд̇авирааг̇о жа. д̇ад̇т̇а каяавирааг̇од̇и сан̇каараанам̣ кан̣абхан̇г̇о. ажжанд̇авирааг̇од̇и ниб̣б̣аанам̣. вирааг̇аанубассанаад̇и д̇ад̣̇убхаяад̣̇ассанавасзна бавад̇д̇аа вибассанаа жа маг̇г̇о жа. д̇ааяа д̣̇увид̇хааяаби анубассанааяа саманнааг̇ад̇о худ̇ваа ассасанд̇о жа бассасанд̇о жа ‘‘вирааг̇аанубассий ассасиссаами бассасиссаамийд̇и сигкад̇ий’’д̇и взд̣̇ид̇аб̣б̣о. нирод̇хаанубассийбад̣̇зби зсзва наяо.

    Virāgānupassīti ettha pana dve virāgā khayavirāgo ca accantavirāgo ca. Tattha khayavirāgoti saṅkhārānaṃ khaṇabhaṅgo. Accantavirāgoti nibbānaṃ. Virāgānupassanāti tadubhayadassanavasena pavattā vipassanā ca maggo ca. Tāya duvidhāyapi anupassanāya samannāgato hutvā assasanto ca passasanto ca ‘‘virāgānupassī assasissāmi passasissāmīti sikkhatī’’ti veditabbo. Nirodhānupassīpadepi eseva nayo.

    бадиниссаг̇г̇аанубассийд̇и зд̇т̇ааби д̣̇вз бадиниссаг̇г̇аа барижжааг̇абадиниссаг̇г̇о жа багканд̣̇анабадиниссаг̇г̇о жа. бадиниссаг̇г̇оязва анубассанаа бадиниссаг̇г̇аанубассанаа, вибассанаамаг̇г̇аанамзд̇ам̣ ад̇хиважанам̣. вибассанаад̇и д̇ад̣̇ан̇г̇авасзна сад̣̇д̇хим̣ канд̇хаабхисан̇каарзхи гилзсз барижжаж̇ад̇и, сан̇кад̇ад̣̇осад̣̇ассанзна жа д̇аб̣б̣ибарийд̇з ниб̣б̣аанз д̇анниннад̇ааяа багканд̣̇ад̇ийд̇и барижжааг̇абадиниссаг̇г̇о жзва багканд̣̇анабадиниссаг̇г̇о жаад̇и вужжад̇и. маг̇г̇о самужчзд̣̇авасзна сад̣̇д̇хим̣ канд̇хаабхисан̇каарзхи гилзсз барижжаж̇ад̇и, аарамман̣агаран̣зна жа ниб̣б̣аанз багканд̣̇ад̇ийд̇и барижжааг̇абадиниссаг̇г̇о жзва багканд̣̇анабадиниссаг̇г̇о жаад̇и вужжад̇и. убхаяамби бана буримабуриман̃аан̣аанам̣ ануану бассанад̇о анубассанаад̇и вужжад̇и. д̇ааяа д̣̇увид̇хааяаби бадиниссаг̇г̇аанубассанааяа саманнааг̇ад̇о худ̇ваа ассасанд̇о жа бассасанд̇о жа ‘‘бадиниссаг̇г̇аанубассий ассасиссаами бассасиссаамийд̇и сигкад̇ий’’д̇и взд̣̇ид̇аб̣б̣о.

    Paṭinissaggānupassīti etthāpi dve paṭinissaggā pariccāgapaṭinissaggo ca pakkhandanapaṭinissaggo ca. Paṭinissaggoyeva anupassanā paṭinissaggānupassanā, vipassanāmaggānametaṃ adhivacanaṃ. Vipassanāti tadaṅgavasena saddhiṃ khandhābhisaṅkhārehi kilese pariccajati, saṅkhatadosadassanena ca tabbiparīte nibbāne tanninnatāya pakkhandatīti pariccāgapaṭinissaggo ceva pakkhandanapaṭinissaggo cāti vuccati. Maggo samucchedavasena saddhiṃ khandhābhisaṅkhārehi kilese pariccajati, ārammaṇakaraṇena ca nibbāne pakkhandatīti pariccāgapaṭinissaggo ceva pakkhandanapaṭinissaggo cāti vuccati. Ubhayampi pana purimapurimañāṇānaṃ anuanu passanato anupassanāti vuccati. Tāya duvidhāyapi paṭinissaggānupassanāya samannāgato hutvā assasanto ca passasanto ca ‘‘paṭinissaggānupassī assasissāmi passasissāmīti sikkhatī’’ti veditabbo.

    зд̇т̇а жа ‘‘анижжаанубассий’’д̇и д̇арун̣авибассанааяа васзна вуд̇д̇ам̣, ‘‘вирааг̇аанубассий’’д̇и д̇ад̇о б̣алавад̇арааяа сан̇каарзсу вираж̇ж̇анасамад̇т̇ааяа вибассанааяа васзна, ‘‘нирод̇хаанубассий’’д̇и д̇ад̇о б̣алавад̇арааяа гилзсанирод̇ханасамад̇т̇ааяа вибассанааяа васзна , ‘‘бадиниссаг̇г̇аанубассий’’д̇и маг̇г̇асса аасаннабхууд̇ааяа ад̇ид̇игкааяа вибассанааяа васзна вуд̇д̇анд̇и взд̣̇ид̇аб̣б̣ам̣. яад̇т̇а бана маг̇г̇оби лаб̣бхад̇и, со абхинноязва. звамид̣̇ам̣ жад̇уггам̣ суд̣̇д̇хавибассанаавасзна вуд̇д̇ам̣, буримаани бана д̇ийн̣и самат̇авибассанаавасзнаад̇и.

    Ettha ca ‘‘aniccānupassī’’ti taruṇavipassanāya vasena vuttaṃ, ‘‘virāgānupassī’’ti tato balavatarāya saṅkhāresu virajjanasamatthāya vipassanāya vasena, ‘‘nirodhānupassī’’ti tato balavatarāya kilesanirodhanasamatthāya vipassanāya vasena , ‘‘paṭinissaggānupassī’’ti maggassa āsannabhūtāya atitikkhāya vipassanāya vasena vuttanti veditabbaṃ. Yattha pana maggopi labbhati, so abhinnoyeva. Evamidaṃ catukkaṃ suddhavipassanāvasena vuttaṃ, purimāni pana tīṇi samathavipassanāvasenāti.

    аанаабаанассад̇имаад̇игааван̣н̣анаа нидтид̇аа.

    Ānāpānassatimātikāvaṇṇanā niṭṭhitā.

    164. ид̣̇аани яат̇аанигкид̇д̇ам̣ маад̇игам̣ бадибаадияаа бхааж̇зд̇ваа д̣̇ассзд̇ум̣ ид̇хаад̇и имиссаа д̣̇идтияаад̇иаад̣̇и аарад̣̇д̇хам̣. д̇ад̇т̇а имиссаа д̣̇идтияаад̇иаад̣̇ийхи д̣̇асахи бад̣̇зхи сигкад̇д̇аяасан̇каад̇ам̣ саб̣б̣ан̃н̃уб̣уд̣̇д̇хасаасанамзва гат̇ид̇ам̣. д̇ан̃хи б̣уд̣̇д̇хзна бхаг̇авад̇аа д̣̇идтад̇д̇аа д̣̇идтийд̇и вужжад̇и, д̇ассзва каманавасзна канд̇и, ружжанавасзна ружи, г̇ахан̣авасзна аад̣̇ааяо, сабхаавадтзна д̇хаммо, сигкид̇аб̣б̣адтзна винаяо, д̇ад̣̇убхаязнаби д̇хаммавинаяо, бавуд̇д̇авасзна бааважанам̣, сздтажарияадтзна б̣рахмажарияам̣ , анусидтид̣̇аанавасзна сад̇т̇усаасананд̇и вужжад̇и. д̇асмаа ‘‘имиссаа д̣̇идтияаа’’д̇иаад̣̇ийсу имиссаа б̣уд̣̇д̇хад̣̇идтияаа, имиссаа б̣уд̣̇д̇хаканд̇ияаа, имиссаа б̣уд̣̇д̇харужияаа, имасмим̣ б̣уд̣̇д̇хааад̣̇ааяз, имасмим̣ б̣уд̣̇д̇хад̇хаммз, имасмим̣ б̣уд̣̇д̇хавинаяз, имасмим̣ б̣уд̣̇д̇хад̇хаммавинаяз, имасмим̣ б̣уд̣̇д̇хабааважанз, имасмим̣ б̣уд̣̇д̇хаб̣рахмажарияз, имасмим̣ б̣уд̣̇д̇хасад̇т̇усаасанзд̇и ад̇т̇о взд̣̇ид̇аб̣б̣о. абижзд̇ам̣ сигкад̇д̇аяасан̇каад̇ам̣ сагалам̣ бааважанам̣ бхаг̇авад̇аа д̣̇идтад̇д̇аа саммаад̣̇идтибажжаяад̇д̇аа саммаад̣̇идтибуб̣б̣ан̇г̇амад̇д̇аа жа д̣̇идти. бхаг̇авад̇о каманавасзна канд̇и. ружжанавасзна ружи. г̇ахан̣авасзна аад̣̇ааяо . ад̇д̇ано гаарагам̣ абааяз абад̇амаанам̣ д̇хаарзд̇ийд̇и д̇хаммо. сова сам̣гилзсабагкам̣ винзд̇ийд̇и винаяо. д̇хаммо жа со винаяо жаад̇и д̇хаммавинаяо, гусалад̇хаммзхи ваа агусалад̇хаммаанам̣ зса винаяод̇и д̇хаммавинаяо. д̇знзва вуд̇д̇ам̣ – ‘‘яз жа ко д̇вам̣, г̇од̇ами, д̇хаммз ж̇аанзяяааси имз д̇хаммаа вирааг̇ааяа сам̣вад̇д̇анд̇и, но сарааг̇ааяа…бз… згам̣сзна, г̇од̇ами, д̇хаарзяяааси зсо д̇хаммо зсо винаяо зд̇ам̣ сад̇т̇усаасана’’нд̇и (а. ни. 8.53; жуул̣ава. 406). д̇хаммзна ваа винаяо, на д̣̇ан̣д̣аад̣̇ийхийд̇и д̇хаммавинаяо. вуд̇д̇амби жзд̇ам̣ –

    164. Idāni yathānikkhittaṃ mātikaṃ paṭipāṭiyā bhājetvā dassetuṃ idhāti imissā diṭṭhiyātiādi āraddhaṃ. Tattha imissā diṭṭhiyātiādīhi dasahi padehi sikkhattayasaṅkhātaṃ sabbaññubuddhasāsanameva kathitaṃ. Tañhi buddhena bhagavatā diṭṭhattā diṭṭhīti vuccati, tasseva khamanavasena khanti, ruccanavasena ruci, gahaṇavasena ādāyo, sabhāvaṭṭhena dhammo, sikkhitabbaṭṭhena vinayo, tadubhayenapi dhammavinayo, pavuttavasena pāvacanaṃ, seṭṭhacariyaṭṭhena brahmacariyaṃ, anusiṭṭhidānavasena satthusāsananti vuccati. Tasmā ‘‘imissā diṭṭhiyā’’tiādīsu imissā buddhadiṭṭhiyā, imissā buddhakhantiyā, imissā buddharuciyā, imasmiṃ buddhaādāye, imasmiṃ buddhadhamme, imasmiṃ buddhavinaye, imasmiṃ buddhadhammavinaye, imasmiṃ buddhapāvacane, imasmiṃ buddhabrahmacariye, imasmiṃ buddhasatthusāsaneti attho veditabbo. Apicetaṃ sikkhattayasaṅkhātaṃ sakalaṃ pāvacanaṃ bhagavatā diṭṭhattā sammādiṭṭhipaccayattā sammādiṭṭhipubbaṅgamattā ca diṭṭhi. Bhagavato khamanavasena khanti. Ruccanavasena ruci. Gahaṇavasena ādāyo . Attano kārakaṃ apāye apatamānaṃ dhāretīti dhammo. Sova saṃkilesapakkhaṃ vinetīti vinayo. Dhammo ca so vinayo cāti dhammavinayo, kusaladhammehi vā akusaladhammānaṃ esa vinayoti dhammavinayo. Teneva vuttaṃ – ‘‘ye ca kho tvaṃ, gotami, dhamme jāneyyāsi ime dhammā virāgāya saṃvattanti, no sarāgāya…pe… ekaṃsena, gotami, dhāreyyāsi eso dhammo eso vinayo etaṃ satthusāsana’’nti (a. ni. 8.53; cūḷava. 406). Dhammena vā vinayo, na daṇḍādīhīti dhammavinayo. Vuttampi cetaṃ –

    ‘‘д̣̇ан̣д̣знзгз д̣̇амаяанд̇и, ан̇гусзхи гасаахи жа;

    ‘‘Daṇḍeneke damayanti, aṅkusehi kasāhi ca;

    ад̣̇ан̣д̣зна асад̇т̇зна, нааг̇о д̣̇анд̇о махзсинаа’’д̇и. (ма. ни. 2.352; жуул̣ава. 342);

    Adaṇḍena asatthena, nāgo danto mahesinā’’ti. (ma. ni. 2.352; cūḷava. 342);

    д̇ат̇аа ‘‘д̇хаммзна наяамаанаанам̣, гаа усууяаа виж̇аанад̇а’’нд̇и (махаава. 63). д̇хаммааяа ваа винаяо д̇хаммавинаяо. анаваж̇ж̇ад̇хаммад̇т̇ам̣ хзса винаяо, на бхавабхог̇аамисад̇т̇ам̣. д̇знааха бхаг̇аваа – ‘‘наяид̣̇ам̣, бхигкавз, б̣рахмажарияам̣ вуссад̇и ж̇анагуханад̇т̇а’’нд̇и (ид̇иву. 35; а. ни. 4.25) вид̇т̇ааро. бун̣н̣ад̇т̇зроби ааха – ‘‘анубаад̣̇аабариниб̣б̣аанад̇т̇ам̣ ко, аавусо, бхаг̇авад̇и б̣рахмажарияам̣ вуссад̇ий’’д̇и (ма. ни. 1.259). висуд̣̇д̇хам̣ ваа наяад̇ийд̇и винаяо, д̇хаммад̇о винаяо д̇хаммавинаяо. сам̣саарад̇хаммад̇о хи согаад̣̇ид̇хаммад̇о ваа зса висуд̣̇д̇хам̣ ниб̣б̣аанам̣ наяад̇и, д̇хаммасса ваа винаяо, на д̇ид̇т̇агараананд̇и д̇хаммавинаяо. д̇хаммабхууд̇о хи бхаг̇аваа, д̇ассзва зса винаяо. яасмаа ваа д̇хаммаа зва абхин̃н̃зяяаа барин̃н̃зяяаа бахаад̇аб̣б̣аа бхаавзд̇аб̣б̣аа сажчигаад̇аб̣б̣аа жа, д̇асмаа зса д̇хаммзсу винаяо, на сад̇д̇зсу на ж̇ийвзсу жаад̇и д̇хаммавинаяо. саад̇т̇асаб̣яан̃ж̇анад̇аад̣̇ийхи ан̃н̃зсам̣ важанад̇о бад̇хаанам̣ важананд̇и баважанам̣, баважанамзва бааважанам̣. саб̣б̣ажарияаахи висидтажарияабхаавзна б̣рахмажарияам̣. д̣̇звамануссаанам̣ сад̇т̇убхууд̇асса бхаг̇авад̇о саасананд̇и сад̇т̇усаасанам̣, сад̇т̇убхууд̇ам̣ ваа саасананд̇иби сад̇т̇усаасанам̣. ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и (д̣̇ий. ни. 2.216) хи д̇хаммавинаяова сад̇т̇аад̇и вуд̇д̇о. звамзд̇зсам̣ бад̣̇аанам̣ ад̇т̇о взд̣̇ид̇аб̣б̣о. яасмаа бана имасмим̣язва саасанз саб̣б̣аагаарааанаабаанассад̇исамаад̇хиниб̣б̣ад̇д̇аго бхигку виж̇ж̇ад̇и, на ан̃н̃ад̇ра, д̇асмаа д̇ад̇т̇а д̇ад̇т̇а ‘‘имиссаа’’д̇и жа ‘‘имасми’’нд̇и жа аяам̣ нияамо гад̇од̇и взд̣̇ид̇аб̣б̣о. аяам̣ ‘‘ид̇хаа’’д̇имаад̇игааяа нид̣̇д̣̇зсасса ад̇т̇о.

    Tathā ‘‘dhammena nayamānānaṃ, kā usūyā vijānata’’nti (mahāva. 63). Dhammāya vā vinayo dhammavinayo. Anavajjadhammatthaṃ hesa vinayo, na bhavabhogāmisatthaṃ. Tenāha bhagavā – ‘‘nayidaṃ, bhikkhave, brahmacariyaṃ vussati janakuhanattha’’nti (itivu. 35; a. ni. 4.25) vitthāro. Puṇṇattheropi āha – ‘‘anupādāparinibbānatthaṃ kho, āvuso, bhagavati brahmacariyaṃ vussatī’’ti (ma. ni. 1.259). Visuddhaṃ vā nayatīti vinayo, dhammato vinayo dhammavinayo. Saṃsāradhammato hi sokādidhammato vā esa visuddhaṃ nibbānaṃ nayati, dhammassa vā vinayo, na titthakarānanti dhammavinayo. Dhammabhūto hi bhagavā, tasseva esa vinayo. Yasmā vā dhammā eva abhiññeyyā pariññeyyā pahātabbā bhāvetabbā sacchikātabbā ca, tasmā esa dhammesu vinayo, na sattesu na jīvesu cāti dhammavinayo. Sātthasabyañjanatādīhi aññesaṃ vacanato padhānaṃ vacananti pavacanaṃ, pavacanameva pāvacanaṃ. Sabbacariyāhi visiṭṭhacariyabhāvena brahmacariyaṃ. Devamanussānaṃ satthubhūtassa bhagavato sāsananti satthusāsanaṃ, satthubhūtaṃ vā sāsanantipi satthusāsanaṃ. ‘‘Yo vo, ānanda, mayā dhammo ca vinayo ca desito paññatto, so vo mamaccayena satthā’’ti (dī. ni. 2.216) hi dhammavinayova satthāti vutto. Evametesaṃ padānaṃ attho veditabbo. Yasmā pana imasmiṃyeva sāsane sabbākāraānāpānassatisamādhinibbattako bhikkhu vijjati, na aññatra, tasmā tattha tattha ‘‘imissā’’ti ca ‘‘imasmi’’nti ca ayaṃ niyamo katoti veditabbo. Ayaṃ ‘‘idhā’’timātikāya niddesassa attho.

    бут̇уж̇ж̇анагаляаан̣аго ваад̇иаад̣̇инаа жа бхигкусад̣̇д̣̇асса важанад̇т̇ам̣ авад̇ваа ид̇хаад̇хиббзд̇абхигкуязва д̣̇ассид̇о. д̇ад̇т̇а бут̇уж̇ж̇ано жа со гилзсаанам̣ асамужчиннад̇д̇аа, галяаан̣о жа сийлаад̣̇ибадибад̇д̇ияуд̇д̇ад̇д̇аад̇и бут̇уж̇ж̇анагаляаан̣о, бут̇уж̇ж̇анагаляаан̣ова бут̇уж̇ж̇анагаляаан̣аго. ад̇хисийлаад̣̇ийни сигкад̇ийд̇и сзгко. сод̇аабанно ваа сагад̣̇ааг̇аамий ваа анааг̇аамий ваа. агуббо жалаяид̇умасаггун̣зяяо арахад̇д̇апалад̇хаммо ассаад̇и агуббад̇хаммо. соби хи имам̣ самаад̇хим̣ бхаавзд̇и.

    Puthujjanakalyāṇakovātiādinā ca bhikkhusaddassa vacanatthaṃ avatvā idhādhippetabhikkhuyeva dassito. Tattha puthujjano ca so kilesānaṃ asamucchinnattā, kalyāṇo ca sīlādipaṭipattiyuttattāti puthujjanakalyāṇo, puthujjanakalyāṇova puthujjanakalyāṇako. Adhisīlādīni sikkhatīti sekkho. Sotāpanno vā sakadāgāmī vā anāgāmī vā. Akuppo calayitumasakkuṇeyyo arahattaphaladhammo assāti akuppadhammo. Sopi hi imaṃ samādhiṃ bhāveti.

    аран̃н̃анид̣̇д̣̇зсз винаяабарияааязна д̇аава ‘‘табзд̇ваа г̇ааман̃жа г̇аамуубажааран̃жа авасзсам̣ аран̃н̃а’’нд̇и (баараа. 92) ааг̇ад̇ам̣. суд̇д̇анд̇абарияааязна ааран̃н̃агам̣ бхигкум̣ санд̇хааяа ‘‘ааран̃н̃агам̣ наама сзнаасанам̣ бан̃жад̇ханусад̇игам̣ бажчима’’нд̇и (баажи. 573) ааг̇ад̇ам̣. винаяасуд̇д̇анд̇аа бана убхоби барияааяад̣̇зсанаа наама, абхид̇хаммо ниббарияааяад̣̇зсанаад̇и абхид̇хаммабарияааязна (вибха. 529) аран̃н̃ам̣ д̣̇ассзд̇ум̣ нигкамид̇ваа б̣ахи инд̣̇акийлаад̇и вуд̇д̇ам̣, инд̣̇акийлад̇о б̣ахи нигкамид̇ваад̇и ад̇т̇о. нигкамид̇ваа б̣ахи инд̣̇акийланд̇иби баато, инд̣̇акийлам̣ ад̇иггамид̇ваа б̣ахийд̇и вуд̇д̇ам̣ ход̇и. инд̣̇акийлод̇и жзд̇т̇а г̇аамасса ваа наг̇арасса ваа уммааро.

    Araññaniddese vinayapariyāyena tāva ‘‘ṭhapetvā gāmañca gāmūpacārañca avasesaṃ arañña’’nti (pārā. 92) āgataṃ. Suttantapariyāyena āraññakaṃ bhikkhuṃ sandhāya ‘‘āraññakaṃ nāma senāsanaṃ pañcadhanusatikaṃ pacchima’’nti (pāci. 573) āgataṃ. Vinayasuttantā pana ubhopi pariyāyadesanā nāma, abhidhammo nippariyāyadesanāti abhidhammapariyāyena (vibha. 529) araññaṃ dassetuṃ nikkhamitvā bahi indakhīlāti vuttaṃ, indakhīlato bahi nikkhamitvāti attho. Nikkhamitvā bahi indakhīlantipi pāṭho, indakhīlaṃ atikkamitvā bahīti vuttaṃ hoti. Indakhīloti cettha gāmassa vā nagarassa vā ummāro.

    ругкамууланид̣̇д̣̇зсз ругкамууласса баагадад̇д̇аа д̇ам̣ авад̇ваава яад̇т̇аад̇иаад̣̇имааха. д̇ад̇т̇а яад̇т̇аад̇и яасмим̣ ругкамуулз. аасанд̇и нисийд̣̇анд̇и зд̇т̇аад̇и аасанам̣. бан̃н̃ад̇д̇анд̇и табид̇ам̣. ман̃жо ваад̇иаад̣̇ийни аасанасса бабхзд̣̇аважанаани. ман̃жоби хи нисаж̇ж̇ааяаби огаасад̇д̇аа ид̇ха аасанзсу вуд̇д̇о. со бана масаарагаб̣унд̣̇игааб̣ад̣̇д̇хагул̣ийрабаад̣̇агааахажжабаад̣̇агаанам̣ ан̃н̃ад̇аро. бийтам̣ д̇зсам̣ ан̃н̃ад̇арамзва. бхисийд̇и ун̣н̣аабхисижол̣абхисиваагабхисид̇ин̣абхисибан̣н̣абхисийнам̣ ан̃н̃ад̇араа. д̇аддигаад̇и д̇аалабан̣н̣аад̣̇ийхи жинид̇ваа гад̇аа. жаммакан̣д̣од̇и нисаж̇ж̇аарахо яо гожи жаммакан̣д̣о. д̇ин̣асант̇араад̣̇аяо д̇ин̣аад̣̇ийни г̇умб̣зд̇ваа гад̇аа. д̇ад̇т̇аад̇и д̇асмим̣ ругкамуулз. жан̇гамад̇и ваад̇иаад̣̇ийхи ругкамууласса жад̇уирияаабат̇абавад̇д̇анаяог̇яад̇аа гат̇ид̇аа. ‘‘яад̇т̇аа’’д̇иаад̣̇ийхи саб̣б̣абад̣̇зхи ругкамууласса санд̣̇ажчааяад̇аа ж̇анавивид̇д̇ад̇аа жа вуд̇д̇аа ход̇и. гзнажийд̇и гзнажи самуухзна. д̇ам̣ самуухам̣ бхинд̣̇ид̇ваа вид̇т̇аарзнд̇о г̇ахадтзхи ваа баб̣б̣аж̇ид̇зхи ваад̇и ааха. анаагин̣н̣анд̇и асам̣гин̣н̣ам̣ асамб̣аад̇хам̣. яасса сзнаасанасса саманд̇аа г̇аавуд̇амби ад̣дхаяож̇анамби баб̣б̣ад̇аг̇аханам̣ ванаг̇аханам̣ над̣̇ийг̇аханам̣ ход̇и, на гожи авзлааяа убасан̇гамид̇ум̣ саггод̇и, ид̣̇ам̣ санд̇игзби анаагин̣н̣ам̣ наама. яам̣ бана ад̣дхаяож̇анигам̣ ваа яож̇анигам̣ ваа ход̇и, ид̣̇ам̣ д̣̇уурад̇ааяа зва анаагин̣н̣ам̣ наама.

    Rukkhamūlaniddese rukkhamūlassa pākaṭattā taṃ avatvāva yatthātiādimāha. Tattha yatthāti yasmiṃ rukkhamūle. Āsanti nisīdanti etthāti āsanaṃ. Paññattanti ṭhapitaṃ. Mañco vātiādīni āsanassa pabhedavacanāni. Mañcopi hi nisajjāyapi okāsattā idha āsanesu vutto. So pana masārakabundikābaddhakuḷīrapādakaāhaccapādakānaṃ aññataro. Pīṭhaṃ tesaṃ aññatarameva. Bhisīti uṇṇābhisicoḷabhisivākabhisitiṇabhisipaṇṇabhisīnaṃ aññatarā. Taṭṭikāti tālapaṇṇādīhi cinitvā katā. Cammakhaṇḍoti nisajjāraho yo koci cammakhaṇḍo. Tiṇasantharādayo tiṇādīni gumbetvā katā. Tatthāti tasmiṃ rukkhamūle. Caṅkamati vātiādīhi rukkhamūlassa catuiriyāpathapavattanayogyatā kathitā. ‘‘Yatthā’’tiādīhi sabbapadehi rukkhamūlassa sandacchāyatā janavivittatā ca vuttā hoti. Kenacīti kenaci samūhena. Taṃ samūhaṃ bhinditvā vitthārento gahaṭṭhehi vā pabbajitehi vāti āha. Anākiṇṇanti asaṃkiṇṇaṃ asambādhaṃ. Yassa senāsanassa samantā gāvutampi aḍḍhayojanampi pabbatagahanaṃ vanagahanaṃ nadīgahanaṃ hoti, na koci avelāya upasaṅkamituṃ sakkoti, idaṃ santikepi anākiṇṇaṃ nāma. Yaṃ pana aḍḍhayojanikaṃ vā yojanikaṃ vā hoti, idaṃ dūratāya eva anākiṇṇaṃ nāma.

    вихаарод̇и ад̣дхаяог̇аад̣̇имуд̇д̇аго авасзсааваасо. ад̣дхаяог̇од̇и субан̣н̣аван̇гаг̇зхам̣. баасаад̣̇од̇и д̣̇вз ган̣н̣игаа г̇ахзд̇ваа гад̇о д̣̇ийгхабаасаад̣̇о. хаммияанд̇и убариаагаасад̇алз бад̇идтид̇агуудааг̇аарабаасаад̣̇оязва. г̇ухаад̇и идтагааг̇ухаа силааг̇ухаа д̣̇ааруг̇ухаа бам̣суг̇ухаад̇и зван̃хи канд̇хагадтагат̇ааяам̣ (жуул̣ава. адта. 294) вуд̇д̇ам̣. вибхан̇г̇адтагат̇ааяам̣ бана вихаарод̇и саманд̇аа барихаарабат̇ам̣ анд̇оязва рад̇д̇идтаанад̣̇иваадтаанаани жа д̣̇ассзд̇ваа гад̇асзнаасанам̣. г̇ухаад̇и бхуумиг̇ухаа, яад̇т̇а рад̇д̇инд̣̇ивам̣ д̣̇ийбам̣ лад̣̇д̇хум̣ ваддад̇и. баб̣б̣ад̇аг̇ухаа ваа бхуумиг̇ухаа ваад̇и ид̣̇ам̣ д̣̇ваяам̣ висзсзд̇ваа вуд̇д̇ам̣. маад̇игааяа саб̣б̣агааласаад̇хааран̣алагкан̣авасзна ‘‘нисийд̣̇ад̇ий’’д̇и вад̇д̇амаанаважанам̣ гад̇ам̣, ид̇ха бана нисиннасса бхааванаарамбхасаб̣бхаавад̇о нисаж̇ж̇аарамбхабарияосаанад̣̇ассанад̇т̇ам̣ нисиннод̇и нидтаанаважанам̣ гад̇ам̣. яасмаа бана уж̇ум̣ гааяам̣ бан̣ид̇хааяа нисиннасса гааяо уж̇уго ход̇и, д̇асмаа б̣яан̃ж̇анз аад̣̇арам̣ агад̇ваа ад̇хиббзд̇ама зва д̣̇ассзнд̇о уж̇угод̇иаад̣̇имааха. д̇ад̇т̇а тид̇о субан̣ихид̇од̇и уж̇угам̣ бан̣ихид̇ад̇д̇аа уж̇уго худ̇ваа тид̇о, на саяамзваад̇и ад̇т̇о. бариг̇г̇ахадтод̇и бариг̇г̇ахид̇адто. гим̣ бариг̇г̇ахид̇ам̣? нияяаанам̣. гим̣ нияяаанам̣? аанаабаанассад̇исамаад̇хиязва яаава арахад̇д̇амаг̇г̇аа нияяаанам̣. д̇знааханияяаанадтод̇и мукасад̣̇д̣̇асса ж̇здтагад̇т̇авасзна сам̣саарад̇о нияяаанадто вуд̇д̇о. убадтаанадтод̇и сабхаавадтоязва. саб̣б̣зхи банзд̇зхи бад̣̇зхи бариг̇г̇ахид̇анияяаанам̣ сад̇им̣ гад̇ваад̇и ад̇т̇о вуд̇д̇о ход̇и. гзжи бана ‘‘бариг̇г̇ахадтод̇и сад̇ияаа бариг̇г̇ахадто, нияяаанадтод̇и ассаасабассаасаанам̣ бависананигкаманад̣̇ваарадто’’д̇и ван̣н̣аяанд̇и. бариг̇г̇ахид̇аассаасабассаасанияяаанам̣ сад̇им̣ убадтабзд̇ваад̇и вуд̇д̇ам̣ ход̇и.

    Vihāroti aḍḍhayogādimuttako avasesāvāso. Aḍḍhayogoti supaṇṇavaṅkagehaṃ. Pāsādoti dve kaṇṇikā gahetvā kato dīghapāsādo. Hammiyanti upariākāsatale patiṭṭhitakūṭāgārapāsādoyeva. Guhāti iṭṭhakāguhā silāguhā dāruguhā paṃsuguhāti evañhi khandhakaṭṭhakathāyaṃ (cūḷava. aṭṭha. 294) vuttaṃ. Vibhaṅgaṭṭhakathāyaṃ pana vihāroti samantā parihārapathaṃ antoyeva rattiṭṭhānadivāṭṭhānāni ca dassetvā katasenāsanaṃ. Guhāti bhūmiguhā, yattha rattindivaṃ dīpaṃ laddhuṃ vaṭṭati. Pabbataguhā vā bhūmiguhā vāti idaṃ dvayaṃ visesetvā vuttaṃ. Mātikāya sabbakālasādhāraṇalakkhaṇavasena ‘‘nisīdatī’’ti vattamānavacanaṃ kataṃ, idha pana nisinnassa bhāvanārambhasabbhāvato nisajjārambhapariyosānadassanatthaṃ nisinnoti niṭṭhānavacanaṃ kataṃ. Yasmā pana ujuṃ kāyaṃ paṇidhāya nisinnassa kāyo ujuko hoti, tasmā byañjane ādaraṃ akatvā adhippetama eva dassento ujukotiādimāha. Tattha ṭhito supaṇihitoti ujukaṃ paṇihitattā ujuko hutvā ṭhito, na sayamevāti attho. Pariggahaṭṭhoti pariggahitaṭṭho. Kiṃ pariggahitaṃ? Niyyānaṃ. Kiṃ niyyānaṃ? Ānāpānassatisamādhiyeva yāva arahattamaggā niyyānaṃ. Tenāhaniyyānaṭṭhoti mukhasaddassa jeṭṭhakatthavasena saṃsārato niyyānaṭṭho vutto. Upaṭṭhānaṭṭhoti sabhāvaṭṭhoyeva. Sabbehi panetehi padehi pariggahitaniyyānaṃ satiṃ katvāti attho vutto hoti. Keci pana ‘‘pariggahaṭṭhoti satiyā pariggahaṭṭho, niyyānaṭṭhoti assāsapassāsānaṃ pavisananikkhamanadvāraṭṭho’’ti vaṇṇayanti. Pariggahitaassāsapassāsaniyyānaṃ satiṃ upaṭṭhapetvāti vuttaṃ hoti.

    165. б̣аад̇д̇им̣сааяа аагаарзхийд̇и д̇аасу д̇аасу авад̇т̇аасу яат̇ааггамзна лаб̣бхамаанаанам̣ анавасзсабарияаад̣̇аанавасзна вуд̇д̇ам̣. д̣̇ийгхам̣ ассаасавасзнаад̇и маад̇игааяа ‘‘д̣̇ийгха’’нд̇ивуд̇д̇аассаасавасзна. звам̣ сзсзсу. згаг̇г̇ад̇анд̇и згаг̇г̇абхаавам̣. авигкзбанд̇и авигкибанам̣. згаг̇г̇ад̇аа зва хи наанаарамман̣зсу жид̇д̇асса авигкибанад̇о авигкзбод̇и вужжад̇и. баж̇аанад̇од̇и асаммохавасзна баж̇аананд̇асса, винд̣̇анд̇ассаад̇и ваа ад̇т̇о. ‘‘авигкзбо мз бадилад̣̇д̇хо’’д̇и аарамман̣агаран̣авасзна баж̇аананд̇асса ваа. д̇ааяа сад̇ияаад̇и д̇ааяа убадтид̇ааяа сад̇ияаа. д̇зна н̃аан̣знаад̇и д̇зна авигкзбаж̇аананан̃аан̣зна. сад̇о гаарий ход̇ийд̇и зд̇т̇а яасмаа н̃аан̣асамбаяуд̇д̇аа зва сад̇и сад̇ийд̇и ад̇хиббзд̇аа, яат̇ааха – ‘‘сад̇имаа ход̇и барамзна сад̇инзбаггзна саманнааг̇ад̇о’’д̇и (вибха. 467). д̇асмаа ‘‘сад̇о’’д̇и важанзнзва н̃аан̣амби г̇ахид̇амзва ход̇и.

    165.Bāttiṃsāya ākārehīti tāsu tāsu avatthāsu yathākkamena labbhamānānaṃ anavasesapariyādānavasena vuttaṃ. Dīghaṃ assāsavasenāti mātikāya ‘‘dīgha’’ntivuttaassāsavasena. Evaṃ sesesu. Ekaggatanti ekaggabhāvaṃ. Avikkhepanti avikkhipanaṃ. Ekaggatā eva hi nānārammaṇesu cittassa avikkhipanato avikkhepoti vuccati. Pajānatoti asammohavasena pajānantassa, vindantassāti vā attho. ‘‘Avikkhepo me paṭiladdho’’ti ārammaṇakaraṇavasena pajānantassa vā. Tāya satiyāti tāya upaṭṭhitāya satiyā. Tena ñāṇenāti tena avikkhepajānanañāṇena. Sato kārī hotīti ettha yasmā ñāṇasampayuttā eva sati satīti adhippetā, yathāha – ‘‘satimā hoti paramena satinepakkena samannāgato’’ti (vibha. 467). Tasmā ‘‘sato’’ti vacaneneva ñāṇampi gahitameva hoti.

    166. ад̣̇д̇хаанасан̇каад̇зд̇и д̣̇ийгхасан̇каад̇з гаалз. д̣̇ийгхо хи маг̇г̇о ад̣̇д̇хаанод̇и вужжад̇и. аяамби гаало д̣̇ийгхад̇д̇аа ад̣̇д̇хаано вияа ад̣̇д̇хаанод̇и вуд̇д̇о. ‘‘ассасад̇ий’’д̇и жа ‘‘бассасад̇ий’’д̇и жа ассаасан̃жа бассаасан̃жа висум̣ висум̣ вад̇вааби бхааванааяа ниранд̇араббавад̇д̇ид̣̇ассанад̇т̇ам̣ ‘‘ассасад̇иби бассасад̇ибий’’д̇и буна самаасзд̇ваа вуд̇д̇ам̣. чанд̣̇о уббаж̇ж̇ад̇ийд̇и бхааванаабхивуд̣̇д̇хияаа бхияяобхаавааяа чанд̣̇о ж̇ааяад̇и. сукумад̇аранд̇и бассамбханасаб̣бхаавад̇о вуд̇д̇ам̣. баамож̇ж̇ам̣ уббаж̇ж̇ад̇ийд̇и бхааванаабаарибуурияаа бийд̇и ж̇ааяад̇и. ассаасабассаасааби жид̇д̇ам̣ вивад̇д̇ад̇ийд̇и ассаасабассаасз ниссааяа бадибхааг̇анимид̇д̇з уббаж̇ж̇анд̇з багад̇иассаасабассаасад̇о жид̇д̇ам̣ нивад̇д̇ад̇и. убзгкаа сан̣таад̇ийд̇и д̇асмим̣ бадибхааг̇анимид̇д̇з убажаараббанаасамаад̇хибад̇д̇ияаа буна самаад̇хаанз б̣яаабаараабхаавад̇о д̇ад̇рамаж̇жхад̇д̇убзгкаа сан̣таад̇и наама. навахаагаарзхийд̇и зд̇т̇а бхааванаарамбхад̇о бабхуд̇и бурз чанд̣̇уббаад̣̇аа ‘‘ассасад̇иби бассасад̇ибий’’д̇и вуд̇д̇аа д̇аяо аагаараа, чанд̣̇уббаад̣̇ад̇о бабхуд̇и бурз баамож̇ж̇уббаад̣̇аа д̇аяо, баамож̇ж̇уббаад̣̇ад̇о бабхуд̇и д̇аяод̇и нава аагаараа. гааяод̇и жун̣н̣авижун̣н̣ааби ассаасабассаасаа самуухадтзна гааяо. багад̇иассаасабагад̇ибассаасз ниссааяа уббаннанимид̇д̇амби ассаасабассаасаад̇и наамам̣ лабхад̇и. убадтаанам̣ сад̇ийд̇и д̇ам̣ аарамман̣ам̣ убзжжа д̇идтад̇ийд̇и сад̇и убадтаанам̣ наама. анубассанаа н̃аан̣анд̇и самат̇авасзна нимид̇д̇агааяаанубассанаа, вибассанаавасзна наамагааяаруубагааяаанубассанаа н̃аан̣анд̇и ад̇т̇о. гааяо убадтаананд̇и со гааяо убзжжа д̇идтад̇и зд̇т̇а сад̇ийд̇и убадтаанам̣ наама. но сад̇ийд̇и со гааяо сад̇и наама на ход̇ийд̇и ад̇т̇о. д̇ааяа сад̇ияаад̇и ид̣̇аани вуд̇д̇ааяа сад̇ияаа. д̇зна н̃аан̣знаад̇и ид̣̇аанзва вуд̇д̇зна н̃аан̣зна. д̇ам̣ гааяам̣ анубассад̇ийд̇и самат̇авибассанаавасзна яат̇аавуд̇д̇ам̣ гааяам̣ ануг̇анд̇ваа жхаанасамбаяуд̇д̇ан̃аан̣зна ваа вибассанаан̃аан̣зна ваа бассад̇и.

    166.Addhānasaṅkhāteti dīghasaṅkhāte kāle. Dīgho hi maggo addhānoti vuccati. Ayampi kālo dīghattā addhāno viya addhānoti vutto. ‘‘Assasatī’’ti ca ‘‘passasatī’’ti ca assāsañca passāsañca visuṃ visuṃ vatvāpi bhāvanāya nirantarappavattidassanatthaṃ ‘‘assasatipi passasatipī’’ti puna samāsetvā vuttaṃ. Chando uppajjatīti bhāvanābhivuddhiyā bhiyyobhāvāya chando jāyati. Sukhumataranti passambhanasabbhāvato vuttaṃ. Pāmojjaṃ uppajjatīti bhāvanāpāripūriyā pīti jāyati. Assāsapassāsāpi cittaṃ vivattatīti assāsapassāse nissāya paṭibhāganimitte uppajjante pakatiassāsapassāsato cittaṃ nivattati. Upekkhā saṇṭhātīti tasmiṃ paṭibhāganimitte upacārappanāsamādhipattiyā puna samādhāne byāpārābhāvato tatramajjhattupekkhā saṇṭhāti nāma. Navahākārehīti ettha bhāvanārambhato pabhuti pure chanduppādā ‘‘assasatipi passasatipī’’ti vuttā tayo ākārā, chanduppādato pabhuti pure pāmojjuppādā tayo, pāmojjuppādato pabhuti tayoti nava ākārā. Kāyoti cuṇṇavicuṇṇāpi assāsapassāsā samūhaṭṭhena kāyo. Pakatiassāsapakatipassāse nissāya uppannanimittampi assāsapassāsāti nāmaṃ labhati. Upaṭṭhānaṃ satīti taṃ ārammaṇaṃ upecca tiṭṭhatīti sati upaṭṭhānaṃ nāma. Anupassanā ñāṇanti samathavasena nimittakāyānupassanā, vipassanāvasena nāmakāyarūpakāyānupassanā ñāṇanti attho. Kāyo upaṭṭhānanti so kāyo upecca tiṭṭhati ettha satīti upaṭṭhānaṃ nāma. No satīti so kāyo sati nāma na hotīti attho. Tāya satiyāti idāni vuttāya satiyā. Tena ñāṇenāti idāneva vuttena ñāṇena. Taṃ kāyaṃ anupassatīti samathavipassanāvasena yathāvuttaṃ kāyaṃ anugantvā jhānasampayuttañāṇena vā vipassanāñāṇena vā passati.

    маад̇игааяа гааяаад̣̇ийнам̣ бад̣̇аанам̣ абхаавзби имасса жад̇уггасса гааяаанубассанаавасзна вуд̇д̇ад̇д̇аа ид̣̇аани вад̇д̇аб̣б̣ам̣ ‘‘гааяз гааяаанубассанаасад̇ибадтаанабхааванаа’’д̇и важанам̣ санд̇хааяа гааяабад̣̇анид̣̇д̣̇зсо гад̇о. гааяз гааяаанубассанаад̇и б̣ахувид̇хз гааяз д̇асса д̇асса гааяасса анубассанаа. ат̇а ваа гааяз гааяаанубассанаа, на ан̃н̃ад̇хаммаанубассанаад̇и вуд̇д̇ам̣ ход̇и. анижжад̣̇угкаанад̇д̇аасубхабхууд̇з гааяз на нижжасукад̇д̇асубхаанубассанаа, ат̇а ко анижжад̣̇угкаанад̇д̇аасубхад̇о гааяассзва анубассанаа. ат̇а ваа гааяз аханд̇и ваа маманд̇и ваа ид̇т̇ийд̇и ваа бурисод̇и ваа г̇ахзд̇аб̣б̣асса гассажи ананубассанад̇о д̇ассзва гааяамад̇д̇асса анубассанаад̇и вуд̇д̇ам̣ ход̇и. убари взд̣̇анаасу взд̣̇анаанубассанаад̇иаад̣̇ийсу д̇ийсуби зсзва наяо. сад̇иязва убадтаанам̣ сад̇ибадтаанам̣, гааяаанубассанааяа самбаяуд̇д̇ам̣ сад̇ибадтаанам̣ гааяаанубассанаасад̇ибадтаанам̣, д̇асса бхааванаа гааяаанубассанаасад̇ибадтаанабхааванаа.

    Mātikāya kāyādīnaṃ padānaṃ abhāvepi imassa catukkassa kāyānupassanāvasena vuttattā idāni vattabbaṃ ‘‘kāye kāyānupassanāsatipaṭṭhānabhāvanā’’ti vacanaṃ sandhāya kāyapadaniddeso kato. Kāye kāyānupassanāti bahuvidhe kāye tassa tassa kāyassa anupassanā. Atha vā kāye kāyānupassanā, na aññadhammānupassanāti vuttaṃ hoti. Aniccadukkhānattāsubhabhūte kāye na niccasukhattasubhānupassanā, atha kho aniccadukkhānattāsubhato kāyasseva anupassanā. Atha vā kāye ahanti vā mamanti vā itthīti vā purisoti vā gahetabbassa kassaci ananupassanato tasseva kāyamattassa anupassanāti vuttaṃ hoti. Upari vedanāsu vedanānupassanātiādīsu tīsupi eseva nayo. Satiyeva upaṭṭhānaṃ satipaṭṭhānaṃ, kāyānupassanāya sampayuttaṃ satipaṭṭhānaṃ kāyānupassanāsatipaṭṭhānaṃ, tassa bhāvanā kāyānupassanāsatipaṭṭhānabhāvanā.

    167. д̇ам̣ гааяанд̇и анид̣̇д̣̇идтзби наамаруубагааяз гааяасад̣̇д̣̇зна д̇ассааби сан̇г̇ахид̇ад̇д̇аа нид̣̇д̣̇идтам̣ вияа гад̇ваа вуд̇д̇ам̣. анижжаанубассанаад̣̇аяо хи наамаруубагааяз зва лаб̣бханд̇и, на нимид̇д̇агааяз. анубассанаа жа бхааванаа жа вуд̇д̇ад̇т̇аа зва. д̣̇ийгхам̣ ассаасабассаасавасзнаад̇иаад̣̇и аанаабаанассад̇ибхааванааяа аанисам̣сам̣ д̣̇ассзд̇ум̣ вуд̇д̇ам̣. д̇ассаа хи сад̇ивзбуллад̇аан̃аан̣авзбуллад̇аа жа аанисам̣со. д̇ад̇т̇а жид̇д̇асса згаг̇г̇ад̇ам̣ авигкзбам̣ баж̇аанад̇од̇и бадилад̣̇д̇хаж̇жхаанасса вибассанаагаалз жид̇д̇згаг̇г̇ад̇ам̣ санд̇хааяа вуд̇д̇ам̣. вид̣̇ид̇аа взд̣̇анаад̇и сааман̃н̃ад̇о уд̣̇аяад̣̇ассанзна вид̣̇ид̇аа взд̣̇анаа. вид̣̇ид̇аа убадтаханд̇ийд̇и каяад̇о ваяад̇о сун̃н̃ад̇о вид̣̇ид̇аа убадтаханд̇и. вид̣̇ид̇аа аб̣бхад̇т̇ам̣ г̇ажчанд̇ийд̇и сааман̃н̃ад̇о ваяад̣̇ассанзна вид̣̇ид̇аа винаасам̣ г̇ажчанд̇и, бхиж̇ж̇анд̇ийд̇и ад̇т̇о. сан̃н̃аавид̇аггзсуби зсзва наяо. имзсу бана д̇ийсу вуд̇д̇зсу сзсаа руубад̇хаммааби вуд̇д̇аа хонд̇и. гасмаа бана имз д̇аяо зва вуд̇д̇аад̇и жз? д̣̇уббариг̇г̇ахад̇д̇аа. взд̣̇анаасу д̇аава сукад̣̇угкаа баагадаа, убзгкаа бана сукумаа д̣̇уббариг̇г̇ахаа, на судту баагадаа. сааби жасса баагадаа ход̇и, сан̃н̃аа аагаарамад̇д̇аг̇г̇аахагад̇д̇аа на яат̇аасабхааваг̇г̇аахиний . саа жа сабхаавасааман̃н̃алагкан̣аг̇г̇аахагзна вибассанаан̃аан̣зна самбаяуд̇д̇аа ад̇и вияа абаагадаа. сааби жасса баагадаа ход̇и, вид̇агго н̃аан̣абад̇ируубагад̇д̇аа н̃аан̣ад̇о висум̣ гад̇ваа д̣̇уббариг̇г̇ахо. н̃аан̣абад̇ируубаго хи вид̇агго. яат̇ааха – ‘‘яаа жаавусо висаака, саммаад̣̇идти яо жа саммаасан̇габбо, имз д̇хаммаа бан̃н̃аагканд̇хз сан̇г̇ахид̇аа’’д̇и (ма. ни. 1.462). соби жасса вид̇агго баагадо ход̇ийд̇и звам̣ д̣̇уббариг̇г̇ахзсу вуд̇д̇зсу сзсаа вуд̇д̇аава хонд̇ийд̇и. имзсам̣ бана бад̣̇аанам̣ нид̣̇д̣̇зсз гат̇ам̣ вид̣̇ид̇аа взд̣̇анаа уббаж̇ж̇анд̇ийд̇и бужчид̇ваа д̇ам̣ ависсаж̇ж̇зд̇ваава взд̣̇ануббаад̣̇асса вид̣̇ид̇ад̇д̇зязва виссаж̇ж̇ид̇з взд̣̇анааяа вид̣̇ид̇ад̇д̇ам̣ виссаж̇ж̇ид̇ам̣ ход̇ийд̇и гат̇ам̣ взд̣̇анааяа уббаад̣̇о вид̣̇ид̇о ход̇ийд̇иаад̣̇имааха. сзсзсуби зсзва наяо. авиж̇ж̇аасамуд̣̇аяаа авиж̇ж̇аанирод̇хаад̇иаад̣̇аяо хздтаа вуд̇д̇ад̇т̇аа зва. иминаава наязна сан̃н̃аавид̇аггааби взд̣̇ид̇аб̣б̣аа. вид̇аггаваарз бана ‘‘пассасамуд̣̇аяаа пассанирод̇хаа’’д̇и авад̇ваа пассадтаанз сан̃н̃аасамуд̣̇аяаа сан̃н̃аанирод̇хаад̇и вуд̇д̇ам̣. д̇ам̣ гасмаа ид̇и жз? сан̃н̃аамуулагад̇д̇аа вид̇аггасса. ‘‘сан̃н̃аанаанад̇д̇ам̣ бадижжа уббаж̇ж̇ад̇и сан̇габбанаанад̇д̇а’’нд̇и (д̣̇ий. ни. 3.359) хи вуд̇д̇ам̣.

    167. Taṃ kāyanti aniddiṭṭhepi nāmarūpakāye kāyasaddena tassāpi saṅgahitattā niddiṭṭhaṃ viya katvā vuttaṃ. Aniccānupassanādayo hi nāmarūpakāye eva labbhanti, na nimittakāye. Anupassanā ca bhāvanā ca vuttatthā eva. Dīghaṃ assāsapassāsavasenātiādi ānāpānassatibhāvanāya ānisaṃsaṃ dassetuṃ vuttaṃ. Tassā hi sativepullatāñāṇavepullatā ca ānisaṃso. Tattha cittassa ekaggataṃ avikkhepaṃ pajānatoti paṭiladdhajjhānassa vipassanākāle cittekaggataṃ sandhāya vuttaṃ. Viditā vedanāti sāmaññato udayadassanena viditā vedanā. Viditā upaṭṭhahantīti khayato vayato suññato viditā upaṭṭhahanti. Viditā abbhatthaṃ gacchantīti sāmaññato vayadassanena viditā vināsaṃ gacchanti, bhijjantīti attho. Saññāvitakkesupi eseva nayo. Imesu pana tīsu vuttesu sesā rūpadhammāpi vuttā honti. Kasmā pana ime tayo eva vuttāti ce? Duppariggahattā. Vedanāsu tāva sukhadukkhā pākaṭā, upekkhā pana sukhumā duppariggahā, na suṭṭhu pākaṭā. Sāpi cassa pākaṭā hoti, saññā ākāramattaggāhakattā na yathāsabhāvaggāhinī . Sā ca sabhāvasāmaññalakkhaṇaggāhakena vipassanāñāṇena sampayuttā ati viya apākaṭā. Sāpi cassa pākaṭā hoti, vitakko ñāṇapatirūpakattā ñāṇato visuṃ katvā duppariggaho. Ñāṇapatirūpako hi vitakko. Yathāha – ‘‘yā cāvuso visākha, sammādiṭṭhi yo ca sammāsaṅkappo, ime dhammā paññākkhandhe saṅgahitā’’ti (ma. ni. 1.462). Sopi cassa vitakko pākaṭo hotīti evaṃ duppariggahesu vuttesu sesā vuttāva hontīti. Imesaṃ pana padānaṃ niddese kathaṃ viditā vedanā uppajjantīti pucchitvā taṃ avissajjetvāva vedanuppādassa viditatteyeva vissajjite vedanāya viditattaṃ vissajjitaṃ hotīti kathaṃ vedanāya uppādo vidito hotītiādimāha. Sesesupi eseva nayo. Avijjāsamudayā avijjānirodhātiādayo heṭṭhā vuttatthā eva. Imināva nayena saññāvitakkāpi veditabbā. Vitakkavāre pana ‘‘phassasamudayā phassanirodhā’’ti avatvā phassaṭṭhāne saññāsamudayā saññānirodhāti vuttaṃ. Taṃ kasmā iti ce? Saññāmūlakattā vitakkassa. ‘‘Saññānānattaṃ paṭicca uppajjati saṅkappanānatta’’nti (dī. ni. 3.359) hi vuttaṃ.

    анижжад̇о манасигарод̇од̇иаад̣̇ийсу жа ‘‘взд̣̇анам̣ анижжад̇о манасигарод̇о’’д̇иаад̣̇инаа наязна д̇асмим̣ д̇асмим̣ ваарз со соязва д̇хаммо яож̇зд̇аб̣б̣о. яасмаа бана вибассанаасамбаяуд̇д̇аа взд̣̇анаа вибассанаагижжагаран̣з асамад̇т̇ад̇д̇аа вибассанааяа анубагааригаа, д̇асмааязва жа б̣од̇хибагкияад̇хаммзсу нааг̇ад̇аа. вибассанаасамбаяуд̇д̇ааяа бана сан̃н̃ааяа гижжамзва абариб̣яад̇д̇ам̣, д̇асмаа саа вибассанааяа зганд̇аманубагааригаа зва. вид̇аггам̣ бана винаа вибассанаагижжамзва над̇т̇и. вид̇аггасахааяаа хи вибассанаа сагагижжам̣ гарод̇и. яат̇ааха –

    Aniccato manasikarototiādīsu ca ‘‘vedanaṃ aniccato manasikaroto’’tiādinā nayena tasmiṃ tasmiṃ vāre so soyeva dhammo yojetabbo. Yasmā pana vipassanāsampayuttā vedanā vipassanākiccakaraṇe asamatthattā vipassanāya anupakārikā, tasmāyeva ca bodhipakkhiyadhammesu nāgatā. Vipassanāsampayuttāya pana saññāya kiccameva aparibyattaṃ, tasmā sā vipassanāya ekantamanupakārikā eva. Vitakkaṃ pana vinā vipassanākiccameva natthi. Vitakkasahāyā hi vipassanā sakakiccaṃ karoti. Yathāha –

    ‘‘бан̃н̃аа ад̇д̇ано д̇хаммад̇ааяа анижжам̣ д̣̇угкаманад̇д̇аад̇и аарамман̣ам̣ нижчзд̇ум̣ на саггод̇и, вид̇аггз бана аагодзд̇ваа аагодзд̇ваа д̣̇знд̇з саггод̇и. гат̇ам̣? яат̇аа хи хзран̃н̃иго гахаабан̣ам̣ хад̇т̇з табзд̇ваа саб̣б̣абхааг̇зсу ологзд̇угаамо самааноби на жагкуд̇алзнзва баривад̇д̇зд̇ум̣ саггод̇и, ан̇г̇улибаб̣б̣зхи бана баривад̇д̇зд̇ваа баривад̇д̇зд̇ваа ид̇о жид̇о жа ологзд̇ум̣ саггод̇и, звамзва на бан̃н̃аа ад̇д̇ано д̇хаммад̇ааяа анижжаад̣̇ивасзна аарамман̣ам̣ нижчзд̇ум̣ саггод̇и, абхиниробаналагкан̣зна бана аахананабарияаахананарасзна вид̇аггзна аагодзнд̇зна вияа баривад̇д̇знд̇зна вияа жа аад̣̇ааяаад̣̇ааяа д̣̇иннамзва нижчзд̇ум̣ саггод̇ий’’д̇и (висуд̣̇д̇хи. 2.568).

    ‘‘Paññā attano dhammatāya aniccaṃ dukkhamanattāti ārammaṇaṃ nicchetuṃ na sakkoti, vitakke pana ākoṭetvā ākoṭetvā dente sakkoti. Kathaṃ? Yathā hi heraññiko kahāpaṇaṃ hatthe ṭhapetvā sabbabhāgesu oloketukāmo samānopi na cakkhutaleneva parivattetuṃ sakkoti, aṅgulipabbehi pana parivattetvā parivattetvā ito cito ca oloketuṃ sakkoti, evameva na paññā attano dhammatāya aniccādivasena ārammaṇaṃ nicchetuṃ sakkoti, abhiniropanalakkhaṇena pana āhananapariyāhananarasena vitakkena ākoṭentena viya parivattentena viya ca ādāyādāya dinnameva nicchetuṃ sakkotī’’ti (visuddhi. 2.568).

    д̇асмаа взд̣̇анаасан̃н̃аанам̣ вибассанааяа анубагаарад̇д̇аа лагкан̣амад̇д̇авасзнзва д̣̇ассзд̇ум̣ ‘‘взд̣̇анааяа сан̃н̃ааяаа’’д̇и д̇ад̇т̇а д̇ад̇т̇а згаважанзна нид̣̇д̣̇зсо гад̇о. яад̇д̇аго бана вибассанааяа бхзд̣̇о, д̇ад̇д̇аго зва вид̇аггассаад̇и д̣̇ассзд̇ум̣ ‘‘вид̇аггаана’’нд̇и д̇ад̇т̇а д̇ад̇т̇а б̣ахуважанзна нид̣̇д̣̇зсо гад̇од̇и вад̇д̇ум̣ яуж̇ж̇ад̇и.

    Tasmā vedanāsaññānaṃ vipassanāya anupakārattā lakkhaṇamattavaseneva dassetuṃ ‘‘vedanāya saññāyā’’ti tattha tattha ekavacanena niddeso kato. Yattako pana vipassanāya bhedo, tattako eva vitakkassāti dassetuṃ ‘‘vitakkāna’’nti tattha tattha bahuvacanena niddeso katoti vattuṃ yujjati.

    168. буна д̣̇ийгхам̣ ассаасабассаасавасзнаад̇иаад̣̇и аанаабаанассад̇ибхааванааяа самбад̇д̇им̣ бхааванаапалан̃жа д̣̇ассзд̇ум̣ вуд̇д̇ам̣. д̇ад̇т̇а самод̇хаанзд̇ийд̇и аарамман̣ам̣ табзд̇и, аарамман̣ам̣ бад̇идтаабзд̇ийд̇и ваа ад̇т̇о. самод̣̇аханаб̣яаабаараабхаавзби бхааванаабаарибуурияаа зва самод̣̇ахад̇и наама. г̇ожаранд̇и вибассанаагкан̣з сан̇каараарамман̣ам̣, маг̇г̇агкан̣з палагкан̣з жа ниб̣б̣аанаарамман̣ам̣. самад̇т̇анд̇и самамзва ад̇т̇о, самасса ваа ад̇т̇од̇и самад̇т̇о. д̇ам̣ самад̇т̇ам̣. сзсзсуби зсзва наяо. маг̇г̇ам̣ самод̇хаанзд̇ийд̇и маг̇г̇апалагкан̣зязва г̇ожарам̣ ниб̣б̣аанамзва. аяам̣ буг̇г̇алод̇и аанаабаанассад̇ибхааванам̣ ануяуд̇д̇о яог̇ааважарова. имасмим̣ аарамман̣зд̇и зд̇т̇а бана ‘‘гааяз’’д̇ибад̣̇зна сан̇г̇ахид̇з наамаруубагааяасан̇каад̇з сан̇кад̇аарамман̣з д̇знзва гамзна маг̇г̇з ниб̣б̣аанаарамман̣з жа. яам̣ д̇ассаад̇иаад̣̇ийхи аарамман̣аг̇ожарасад̣̇д̣̇аанам̣ згад̇т̇ад̇аа вуд̇д̇аа. д̇ассаад̇и д̇асса буг̇г̇аласса. баж̇аанаад̇ийд̇и буг̇г̇ало баж̇аананаа бан̃н̃аад̇и буг̇г̇ало бан̃н̃ааяа баж̇аанаад̇ийд̇и вуд̇д̇ам̣ ход̇и. аарамман̣асса убадтаананд̇и вибассанаагкан̣з сан̇каараарамман̣асса, маг̇г̇апалагкан̣з ниб̣б̣аанаарамман̣асса убадтаанам̣ сад̇и. зд̇т̇а жа гаммад̇т̇з саамиважанам̣ яат̇аа ран̃н̃о убадтаананд̇и. авигкзбод̇и самаад̇хи. ад̇хидтаананд̇и яат̇аавуд̇д̇асан̇каараарамман̣ам̣ ниб̣б̣аанаарамман̣ан̃жа . д̇ан̃хи ад̇хидтаад̇и зд̇т̇а жид̇д̇анд̇и ад̇хидтаанам̣. вод̣̇аананд̇и н̃аан̣ам̣. д̇ан̃хи вод̣̇ааяад̇и висуж̇жхад̇и д̇зна жид̇д̇анд̇и вод̣̇аанам̣. лийнабагкиго самаад̇хи алийнабхааваббад̇д̇ияаа самабхууд̇ад̇д̇аа самам̣, уд̣̇д̇хажжабагкигам̣ н̃аан̣ам̣ ануд̣̇д̇хад̇абхааваббад̇д̇ияаа самабхууд̇ад̇д̇аа самам̣. д̇зна вибассанаамаг̇г̇апалагкан̣зсу самат̇авибассанаанам̣ яуг̇анад̣̇д̇хад̇аа вуд̇д̇аа ход̇и. сад̇и бана саб̣б̣ад̇т̇игад̇д̇аа д̇ад̣̇убхаяасамад̇ааяа убагааригаад̇и самам̣, аарамман̣ам̣ самад̇аад̇хидтаанад̇д̇аа самам̣. анаваж̇ж̇адтод̇и вибассанааяа анаваж̇ж̇асабхааво. ниглзсадтод̇и маг̇г̇асса ниггилзсасабхааво. ниггилзсадтод̇и ваа баато. вод̣̇аанадтод̇и паласса барисуд̣̇д̇хасабхааво. барамадтод̇и ниб̣б̣аанасса саб̣б̣ад̇хаммуд̇д̇амасабхааво. бадивиж̇жхад̇ийд̇и д̇ам̣ д̇ам̣ сабхаавам̣ асаммохад̇о бадивиж̇жхад̇и. зд̇т̇а жа ‘‘аарамман̣асса убадтаана’’нд̇иаад̣̇ийхи саммаа бадивзд̇хо вуд̇д̇о. зд̇т̇зва жа вод̣̇аанадтабадивзд̇хасса вуд̇д̇ад̇д̇аа д̇зна згалагкан̣аа анаваж̇ж̇адтаниггилзсадтабарамадтаа лагкан̣ахааравасзна вуд̇д̇ааязва хонд̇и. яат̇ааха –

    168. Puna dīghaṃ assāsapassāsavasenātiādi ānāpānassatibhāvanāya sampattiṃ bhāvanāphalañca dassetuṃ vuttaṃ. Tattha samodhānetīti ārammaṇaṃ ṭhapeti, ārammaṇaṃ patiṭṭhāpetīti vā attho. Samodahanabyāpārābhāvepi bhāvanāpāripūriyā eva samodahati nāma. Gocaranti vipassanākkhaṇe saṅkhārārammaṇaṃ, maggakkhaṇe phalakkhaṇe ca nibbānārammaṇaṃ. Samatthanti samameva attho, samassa vā atthoti samattho. Taṃ samatthaṃ. Sesesupi eseva nayo. Maggaṃ samodhānetīti maggaphalakkhaṇeyeva gocaraṃ nibbānameva. Ayaṃ puggaloti ānāpānassatibhāvanaṃ anuyutto yogāvacarova. Imasmiṃ ārammaṇeti ettha pana ‘‘kāye’’tipadena saṅgahite nāmarūpakāyasaṅkhāte saṅkhatārammaṇe teneva kamena magge nibbānārammaṇe ca. Yaṃ tassātiādīhi ārammaṇagocarasaddānaṃ ekatthatā vuttā. Tassāti tassa puggalassa. Pajānātīti puggalo pajānanā paññāti puggalo paññāya pajānātīti vuttaṃ hoti. Ārammaṇassa upaṭṭhānanti vipassanākkhaṇe saṅkhārārammaṇassa, maggaphalakkhaṇe nibbānārammaṇassa upaṭṭhānaṃ sati. Ettha ca kammatthe sāmivacanaṃ yathā rañño upaṭṭhānanti. Avikkhepoti samādhi. Adhiṭṭhānanti yathāvuttasaṅkhārārammaṇaṃ nibbānārammaṇañca . Tañhi adhiṭṭhāti ettha cittanti adhiṭṭhānaṃ. Vodānanti ñāṇaṃ. Tañhi vodāyati visujjhati tena cittanti vodānaṃ. Līnapakkhiko samādhi alīnabhāvappattiyā samabhūtattā samaṃ, uddhaccapakkhikaṃ ñāṇaṃ anuddhatabhāvappattiyā samabhūtattā samaṃ. Tena vipassanāmaggaphalakkhaṇesu samathavipassanānaṃ yuganaddhatā vuttā hoti. Sati pana sabbatthikattā tadubhayasamatāya upakārikāti samaṃ, ārammaṇaṃ samatādhiṭṭhānattā samaṃ. Anavajjaṭṭhoti vipassanāya anavajjasabhāvo. Niklesaṭṭhoti maggassa nikkilesasabhāvo. Nikkilesaṭṭhoti vā pāṭho. Vodānaṭṭhoti phalassa parisuddhasabhāvo. Paramaṭṭhoti nibbānassa sabbadhammuttamasabhāvo. Paṭivijjhatīti taṃ taṃ sabhāvaṃ asammohato paṭivijjhati. Ettha ca ‘‘ārammaṇassa upaṭṭhāna’’ntiādīhi sammā paṭivedho vutto. Ettheva ca vodānaṭṭhapaṭivedhassa vuttattā tena ekalakkhaṇā anavajjaṭṭhanikkilesaṭṭhaparamaṭṭhā lakkhaṇahāravasena vuttāyeva honti. Yathāha –

    ‘‘вуд̇д̇амхи згад̇хаммз, яз д̇хаммаа згалагкан̣аа гзжи;

    ‘‘Vuttamhi ekadhamme, ye dhammā ekalakkhaṇā keci;

    вуд̇д̇аа бхаванд̇и саб̣б̣з, со хааро лагкан̣о наамаа’’д̇и. (нзд̇д̇и. 4.5 нид̣̇д̣̇зсаваара);

    Vuttā bhavanti sabbe, so hāro lakkhaṇo nāmā’’ti. (netti. 4.5 niddesavāra);

    анаваж̇ж̇адто ниггилзсадто жзд̇т̇а авигкзбасан̇каад̇асса самасса ад̇т̇о баяож̇ананд̇и самад̇т̇о, вод̣̇аанадто вибассанаамаг̇г̇авод̣̇аанам̣ санд̇хааяа самамзва ад̇т̇од̇и самад̇т̇о, палавод̣̇аанам̣ санд̇хааяа маг̇г̇авод̣̇аанасан̇каад̇асса самасса ад̇т̇од̇и самад̇т̇о, барамадто бана самамзва ад̇т̇од̇и ваа ниб̣б̣аанабаяож̇анад̇д̇аа саб̣б̣асса самасса ад̇т̇од̇и ваа самад̇т̇о, д̇ам̣ вуд̇д̇аббагаарам̣ саман̃жа самад̇т̇ан̃жа згад̣̇зсасаруубзгасзсам̣ гад̇ваа самад̇т̇ан̃жа бадивиж̇жхад̇ийд̇и вуд̇д̇ам̣. инд̣̇рияаб̣алаб̣ож̇жхан̇г̇ад̇хаммаа вибассанаамаг̇г̇апалагкан̣зби лаб̣бханд̇и, маг̇г̇о жа д̇иссо жа висуд̣̇д̇хияо маг̇г̇апалагкан̣зязва, вимогко жа виж̇ж̇аа жа каяз н̃аан̣ан̃жа маг̇г̇агкан̣зязва, вимуд̇д̇и жа ануббаад̣̇з н̃аан̣ан̃жа палагкан̣зязва, сзсаа вибассанаагкан̣збийд̇и. д̇хаммаваарз имз д̇хаммз имасмим̣ аарамман̣з самод̇хаанзд̇ийд̇и ниб̣б̣аанам̣ табзд̇ваа сзсаа яат̇ааяог̇ам̣ взд̣̇ид̇аб̣б̣аа. ид̣̇ам̣ бана язбхуяяавасзна вуд̇д̇ам̣. авуд̇д̇ад̇т̇аа банзд̇т̇а хздтаа вуд̇д̇аа зва. згзгажад̇уггавасзнзд̇т̇а нияяаанз д̣̇ассид̇зби жад̇угганд̇ог̇ад̇хасса згзгассааби бхааг̇асса нияяаанасса убаниссаяад̇д̇аа згзгабхааг̇авасзна нияяаанам̣ д̣̇ассид̇ам̣. на хи згзгам̣ винаа нияяаанам̣ ход̇ийд̇и.

    Anavajjaṭṭho nikkilesaṭṭho cettha avikkhepasaṅkhātassa samassa attho payojananti samattho, vodānaṭṭho vipassanāmaggavodānaṃ sandhāya samameva atthoti samattho, phalavodānaṃ sandhāya maggavodānasaṅkhātassa samassa atthoti samattho, paramaṭṭho pana samameva atthoti vā nibbānapayojanattā sabbassa samassa atthoti vā samattho, taṃ vuttappakāraṃ samañca samatthañca ekadesasarūpekasesaṃ katvā samatthañca paṭivijjhatīti vuttaṃ. Indriyabalabojjhaṅgadhammā vipassanāmaggaphalakkhaṇepi labbhanti, maggo ca tisso ca visuddhiyo maggaphalakkhaṇeyeva, vimokkho ca vijjā ca khaye ñāṇañca maggakkhaṇeyeva, vimutti ca anuppāde ñāṇañca phalakkhaṇeyeva, sesā vipassanākkhaṇepīti. Dhammavāre ime dhamme imasmiṃ ārammaṇe samodhānetīti nibbānaṃ ṭhapetvā sesā yathāyogaṃ veditabbā. Idaṃ pana yebhuyyavasena vuttaṃ. Avuttatthā panettha heṭṭhā vuttā eva. Ekekacatukkavasenettha niyyāne dassitepi catukkantogadhassa ekekassāpi bhāgassa niyyānassa upanissayattā ekekabhāgavasena niyyānaṃ dassitaṃ. Na hi ekekaṃ vinā niyyānaṃ hotīti.

    д̣̇ийгхам̣ассаасабассаасанид̣̇д̣̇зсаван̣н̣анаа нидтид̇аа.

    Dīghaṃassāsapassāsaniddesavaṇṇanā niṭṭhitā.

    169. рассанид̣̇д̣̇зсз ид̇д̇арасан̇каад̇зд̇и барид̇д̇асан̇каад̇з гаалз. сзсамзд̇т̇а вуд̇д̇анаязна взд̣̇ид̇аб̣б̣ам̣.

    169. Rassaniddese ittarasaṅkhāteti parittasaṅkhāte kāle. Sesamettha vuttanayena veditabbaṃ.

    170. саб̣б̣агааяабадисам̣взд̣̇инид̣̇д̣̇зсз аруубад̇хаммзсу взд̣̇анааяа ол̣ааригад̇д̇аа сукаг̇г̇ахан̣ад̇т̇ам̣ батамам̣ идтаанидтаарамман̣асам̣взд̣̇игаа взд̣̇анаа вуд̇д̇аа, д̇ад̇о яам̣ взд̣̇зд̇и, д̇ам̣ сан̃ж̇аанаад̇ийд̇и звам̣ взд̣̇анаависаяасса аагаараг̇г̇аахигаа сан̃н̃аа, д̇ад̇о сан̃н̃аавасзна абхисан̇кааригаа жзд̇анаа, д̇ад̇о ‘‘пудто взд̣̇зд̇и, пудто сан̃ж̇аанаад̇и, пудто жзд̇зд̇ий’’д̇и (сам̣. ни. 4.93) важанад̇о пассо, д̇ад̇о саб̣б̣зсам̣ саад̇хааран̣алагкан̣о манасигааро, жзд̇анаад̣̇ийхи сан̇каарагканд̇хо вуд̇д̇о. звам̣ д̇ийсу канд̇хзсу вуд̇д̇зсу д̇ам̣ниссаяо вин̃н̃аан̣агканд̇хо вуд̇д̇ова ход̇и. нааман̃жаад̇и вуд̇д̇аббагаарам̣ нааман̃жа. наамагааяо жаад̇и ид̣̇ам̣ бана наамзна ниб̣б̣аанассаби сан̇г̇ахид̇ад̇д̇аа логуд̇д̇араанан̃жа авибассанубаг̇ад̇д̇аа д̇ам̣ абанзд̇ум̣ вуд̇д̇ам̣. ‘‘гааяо’’д̇и хи важанзна ниб̣б̣аанам̣ абанийд̇ам̣ ход̇и ниб̣б̣аанасса раасивинимуд̇д̇ад̇д̇аа. яз жа вужжанд̇и жид̇д̇асан̇каараад̇и ‘‘сан̃н̃аа жа взд̣̇анаа жа жзд̇асигаа зд̇з д̇хаммаа жид̇д̇абадиб̣ад̣̇д̇хаа жид̇д̇асан̇каараа’’д̇и (бади. ма. 1.174; ма. ни. 1.463) звам̣ вужжамаанааби жид̇д̇асан̇каараа ид̇ха наамагааязнзва сан̇г̇ахид̇аад̇и вуд̇д̇ам̣ ход̇и. махаабхууд̇аад̇и маханд̇абаад̇убхаавад̇о махаабхууд̇асааман̃н̃ад̇о махаабарихаарад̇о махаавигаарад̇о маханд̇абхууд̇ад̇д̇аа жаад̇и махаабхууд̇аа. д̇з бана – бат̇авий аабо д̇зж̇о вааяод̇и жад̇д̇ааро. жад̇уннан̃жа махаабхууд̇аанам̣ убаад̣̇ааяаруубанд̇и убаяог̇ад̇т̇з саамиважанам̣, жад̇д̇ааро махаабхууд̇з убаад̣̇ааяа ниссааяа амун̃жид̇ваа бавад̇д̇аруубанд̇и ад̇т̇о. д̇ам̣ бана – жагку сод̇ам̣ гхаанам̣ ж̇ивхаа гааяо руубам̣ сад̣̇д̣̇о г̇анд̇хо расо ид̇т̇инд̣̇рияам̣ бурисинд̣̇рияам̣ ж̇ийвид̇инд̣̇рияам̣ хад̣̇аяавад̇т̇у ож̇аа гааяавин̃н̃ад̇д̇и важийвин̃н̃ад̇д̇и аагаасад̇хаад̇у руубасса лахуд̇аа муд̣̇уд̇аа гамман̃н̃ад̇д̇аа убажаяо санд̇ад̇и ж̇арад̇аа анижжад̇аад̇и жад̇увийсад̇ивид̇хам̣. ассаасо жа бассаасо жаад̇и баагад̇игоязва. ассаасабассаасз ниссааяа уббаннам̣ бадибхааг̇анимид̇д̇амби д̇ад̣̇зва наамам̣ лабхад̇и бат̇авийгасин̣аад̣̇ийни вияа. руубасаригкагад̇д̇аа руубанд̇и жа наамам̣ лабхад̇и ‘‘б̣ахид̣̇д̇хаа руубаани бассад̇ий’’д̇иаад̣̇ийсу (д̇ха. са. 204; д̣̇ий. ни. 3.338) вияа. нимид̇д̇ан̃жа убаниб̣анд̇ханаад̇и сад̇иубаниб̣анд̇ханааяа нимид̇д̇абхууд̇ам̣ ассаасабассаасаанам̣ пусанадтаанам̣. яз жа вужжанд̇и гааяасан̇каараад̇и ‘‘ассаасабассаасаа гааяигаа зд̇з д̇хаммаа гааяабадиб̣ад̣̇д̇хаа гааяасан̇каараа’’д̇и (бади. ма. 1.171; ма. ни. 1.463) звам̣ вужжамаанааби гааяасан̇каараа ид̇ха руубагааязнзва сан̇г̇ахид̇аад̇и вуд̇д̇ам̣ ход̇и.

    170. Sabbakāyapaṭisaṃvediniddese arūpadhammesu vedanāya oḷārikattā sukhaggahaṇatthaṃ paṭhamaṃ iṭṭhāniṭṭhārammaṇasaṃvedikā vedanā vuttā, tato yaṃ vedeti, taṃ sañjānātīti evaṃ vedanāvisayassa ākāraggāhikā saññā, tato saññāvasena abhisaṅkhārikā cetanā, tato ‘‘phuṭṭho vedeti, phuṭṭho sañjānāti, phuṭṭho cetetī’’ti (saṃ. ni. 4.93) vacanato phasso, tato sabbesaṃ sādhāraṇalakkhaṇo manasikāro, cetanādīhi saṅkhārakkhandho vutto. Evaṃ tīsu khandhesu vuttesu taṃnissayo viññāṇakkhandho vuttova hoti. Nāmañcāti vuttappakāraṃ nāmañca. Nāmakāyo cāti idaṃ pana nāmena nibbānassapi saṅgahitattā lokuttarānañca avipassanupagattā taṃ apanetuṃ vuttaṃ. ‘‘Kāyo’’ti hi vacanena nibbānaṃ apanītaṃ hoti nibbānassa rāsivinimuttattā. Ye ca vuccanti cittasaṅkhārāti ‘‘saññā ca vedanā ca cetasikā ete dhammā cittapaṭibaddhā cittasaṅkhārā’’ti (paṭi. ma. 1.174; ma. ni. 1.463) evaṃ vuccamānāpi cittasaṅkhārā idha nāmakāyeneva saṅgahitāti vuttaṃ hoti. Mahābhūtāti mahantapātubhāvato mahābhūtasāmaññato mahāparihārato mahāvikārato mahantabhūtattā cāti mahābhūtā. Te pana – pathavī āpo tejo vāyoti cattāro. Catunnañca mahābhūtānaṃ upādāyarūpanti upayogatthe sāmivacanaṃ, cattāro mahābhūte upādāya nissāya amuñcitvā pavattarūpanti attho. Taṃ pana – cakkhu sotaṃ ghānaṃ jivhā kāyo rūpaṃ saddo gandho raso itthindriyaṃ purisindriyaṃ jīvitindriyaṃ hadayavatthu ojā kāyaviññatti vacīviññatti ākāsadhātu rūpassa lahutā mudutā kammaññattā upacayo santati jaratā aniccatāti catuvīsatividhaṃ. Assāso ca passāso cāti pākatikoyeva. Assāsapassāse nissāya uppannaṃ paṭibhāganimittampi tadeva nāmaṃ labhati pathavīkasiṇādīni viya. Rūpasarikkhakattā rūpanti ca nāmaṃ labhati ‘‘bahiddhā rūpāni passatī’’tiādīsu (dha. sa. 204; dī. ni. 3.338) viya. Nimittañca upanibandhanāti satiupanibandhanāya nimittabhūtaṃ assāsapassāsānaṃ phusanaṭṭhānaṃ. Ye ca vuccanti kāyasaṅkhārāti ‘‘assāsapassāsā kāyikā ete dhammā kāyapaṭibaddhā kāyasaṅkhārā’’ti (paṭi. ma. 1.171; ma. ni. 1.463) evaṃ vuccamānāpi kāyasaṅkhārā idha rūpakāyeneva saṅgahitāti vuttaṃ hoti.

    д̇з гааяаа бадивид̣̇ид̇аа хонд̇ийд̇и жхаанагкан̣з ассаасабассаасанимид̇д̇агааяаа вибассанаагкан̣з авасзсаруубааруубагааяаа аарамман̣ад̇о бадивид̣̇ид̇аа хонд̇и, маг̇г̇агкан̣з асаммохад̇о бадивид̣̇ид̇аа хонд̇и. ассаасабассаасавасзна бадилад̣̇д̇хаж̇жхаанасса яог̇исса уббаннавибассанаамаг̇г̇зби санд̇хааяа д̣̇ийгхам̣ ассаасабассаасавасзнаад̇иаад̣̇и вуд̇д̇ам̣.

    Tekāyā paṭividitā hontīti jhānakkhaṇe assāsapassāsanimittakāyā vipassanākkhaṇe avasesarūpārūpakāyā ārammaṇato paṭividitā honti, maggakkhaṇe asammohato paṭividitā honti. Assāsapassāsavasena paṭiladdhajjhānassa yogissa uppannavipassanāmaggepi sandhāya dīghaṃ assāsapassāsavasenātiādi vuttaṃ.

    ааваж̇ж̇ад̇о баж̇аанад̇од̇иаад̣̇ийни сийлагат̇ааяам̣ вуд̇д̇ад̇т̇аани. д̇з вуд̇д̇аббагаарз гааяз анд̇огарид̇ваа ‘‘саб̣б̣агааяабадисам̣взд̣̇ий’’д̇и вуд̇д̇ам̣.

    Āvajjato pajānatotiādīni sīlakathāyaṃ vuttatthāni. Te vuttappakāre kāye antokaritvā ‘‘sabbakāyapaṭisaṃvedī’’ti vuttaṃ.

    саб̣б̣агааяабадисам̣взд̣̇ий ассаасабассаасаанам̣ сам̣варадтзнаад̇иаад̣̇ийсу ‘‘саб̣б̣агааяабадисам̣взд̣̇ий’’д̇ивуд̇д̇аассаасабассаасад̇о уббаннаж̇жхаанавибассанаамаг̇г̇зсу сам̣вароязва сам̣варадтзна сийлависуд̣̇д̇хи. авигкзбоязва авигкзбадтзна жид̇д̇ависуд̣̇д̇хи. бан̃н̃ааязва д̣̇ассанадтзна д̣̇идтивисуд̣̇д̇хи. жхаанавибассанаасу вирад̇иабхаавзби баабаабхаавамад̇д̇амзва сам̣варо наамаад̇и взд̣̇ид̇аб̣б̣ам̣.

    Sabbakāyapaṭisaṃvedī assāsapassāsānaṃ saṃvaraṭṭhenātiādīsu ‘‘sabbakāyapaṭisaṃvedī’’tivuttaassāsapassāsato uppannajjhānavipassanāmaggesu saṃvaroyeva saṃvaraṭṭhena sīlavisuddhi. Avikkhepoyeva avikkhepaṭṭhena cittavisuddhi. Paññāyeva dassanaṭṭhena diṭṭhivisuddhi. Jhānavipassanāsu viratiabhāvepi pāpābhāvamattameva saṃvaro nāmāti veditabbaṃ.

    171. бассамбхаяанд̇иаад̣̇ийнам̣ нид̣̇д̣̇зсз гааяигаад̇и руубагааяз бхаваа. гааяабадиб̣ад̣̇д̇хаад̇и гааяам̣ бадиб̣ад̣̇д̇хаа гааяам̣ ниссид̇аа, гааяз сад̇и хонд̇и, асад̇и на хонд̇и, д̇асмааязва д̇з гааязна сан̇карийяанд̇ийд̇и гааяасан̇каараа. бассамбхзнд̇од̇и ниб̣б̣аабзнд̇о саннисийд̣̇аабзнд̇о. бассамбханаважанзнзва ол̣ааригаанам̣ бассамбханам̣ сид̣̇д̇хам̣. нирод̇хзнд̇од̇и ол̣ааригаанам̣ ануббаад̣̇анзна нирод̇хзнд̇о. вуубасамзнд̇од̇и ол̣ааригзязва згасанд̇ад̇ибарин̣ааманаязна санд̇абхаавам̣ наяанд̇о. сигкад̇ийд̇и ад̇хигааравасзна ассасиссаамийд̇и сигкад̇ийд̇и самб̣анд̇хо, д̇иссо сигкаа сигкад̇ийд̇и ваа ад̇т̇о.

    171.Passambhayantiādīnaṃ niddese kāyikāti rūpakāye bhavā. Kāyapaṭibaddhāti kāyaṃ paṭibaddhā kāyaṃ nissitā, kāye sati honti, asati na honti, tasmāyeva te kāyena saṅkharīyantīti kāyasaṅkhārā. Passambhentoti nibbāpento sannisīdāpento. Passambhanavacaneneva oḷārikānaṃ passambhanaṃ siddhaṃ. Nirodhentoti oḷārikānaṃ anuppādanena nirodhento. Vūpasamentoti oḷārikeyeva ekasantatipariṇāmanayena santabhāvaṃ nayanto. Sikkhatīti adhikāravasena assasissāmīti sikkhatīti sambandho, tisso sikkhā sikkhatīti vā attho.

    ид̣̇аани ол̣ааригабассамбханам̣ д̣̇ассзд̇ум̣ яат̇ааруубзхийд̇иаад̣̇имааха. д̇ад̇т̇а яат̇ааруубзхийд̇и яаад̣̇исзхи. аанаманаад̇и бажчад̇о наманаа. винаманаад̇и убхаяабассад̇о наманаа. саннаманаад̇и саб̣б̣ад̇оби наманд̇асса судту наманаа. бан̣аманаад̇и бурад̇о наманаа. ин̃ж̇анаад̇и гамбанаа. панд̣̇анаад̇и ийсагам̣ жаланаа. багамбанаад̇и бхусам̣ гамбанаа. яат̇ааруубзхи гааяасан̇каарзхи гааяасса аанаманаа…бз… багамбанаа, д̇ат̇ааруубам̣ гааяасан̇каарам̣ бассамбхаяанд̇и жа, яаа гааяасса аанаманаа…бз… багамбанаа, д̇ан̃жа бассамбхаяанд̇и жа самб̣анд̇хо гаад̇аб̣б̣о. гааяасан̇каарзсу хи бассамбхид̇зсу гааяасса аанаманаад̣̇аяо жа бассамбхид̇ааязва хонд̇ийд̇и. яат̇ааруубзхи гааяасан̇каарзхи гааяасса на аанаманаад̣̇игаа ход̇и, д̇ат̇ааруубам̣ санд̇ам̣ сукумамби гааяасан̇каарам̣ бассамбхаяанд̇и жа, яаа гааяасса на аанаманаад̣̇игаа, д̇ан̃жа санд̇ам̣ сукумам̣ бассамбхаяанд̇и жа самб̣анд̇хад̇о взд̣̇ид̇аб̣б̣ам̣. санд̇ам̣ сукуманд̇и жа бхааванабум̣сагаважанамзд̇ам̣. ид̇и гираад̇и зд̇т̇а ид̇и звамад̇т̇з, гира яад̣̇иад̇т̇з. яад̣̇и звам̣ сукумагзби ассаасабассаасз бассамбхаяам̣ ассасиссаами бассасиссаамийд̇и сигкад̇ийд̇и жод̣̇агзна жод̣̇анаа аарад̣̇д̇хаа ход̇и. ат̇а ваа гираад̇и жод̣̇агаважанад̇д̇аа асад̣̇д̣̇аханад̇т̇з асаханад̇т̇з барогкад̇т̇з жа яуж̇ж̇ад̇иязва, звам̣ сукумаанамби бассамбханам̣ сигкад̇ийд̇и на сад̣̇д̣̇ахаами на сахаами абажжагкам̣ мзд̇и вуд̇д̇ам̣ ход̇и.

    Idāni oḷārikapassambhanaṃ dassetuṃ yathārūpehītiādimāha. Tattha yathārūpehīti yādisehi. Ānamanāti pacchato namanā. Vinamanāti ubhayapassato namanā. Sannamanāti sabbatopi namantassa suṭṭhu namanā. Paṇamanāti purato namanā. Iñjanāti kampanā. Phandanāti īsakaṃ calanā. Pakampanāti bhusaṃ kampanā. Yathārūpehi kāyasaṅkhārehi kāyassa ānamanā…pe… pakampanā, tathārūpaṃ kāyasaṅkhāraṃ passambhayanti ca, yā kāyassa ānamanā…pe… pakampanā, tañca passambhayanti ca sambandho kātabbo. Kāyasaṅkhāresu hi passambhitesu kāyassa ānamanādayo ca passambhitāyeva hontīti. Yathārūpehi kāyasaṅkhārehi kāyassa na ānamanādikā hoti, tathārūpaṃ santaṃ sukhumampi kāyasaṅkhāraṃ passambhayanti ca, yā kāyassa na ānamanādikā, tañca santaṃ sukhumaṃ passambhayanti ca sambandhato veditabbaṃ. Santaṃ sukhumanti ca bhāvanapuṃsakavacanametaṃ. Iti kirāti ettha iti evamatthe, kira yadiatthe. Yadi evaṃ sukhumakepi assāsapassāse passambhayaṃ assasissāmi passasissāmīti sikkhatīti codakena codanā āraddhā hoti. Atha vā kirāti codakavacanattā asaddahanatthe asahanatthe parokkhatthe ca yujjatiyeva, evaṃ sukhumānampi passambhanaṃ sikkhatīti na saddahāmi na sahāmi apaccakkhaṃ meti vuttaṃ hoti.

    звам̣ санд̇зд̇и звам̣ сукумаанам̣ бассамбханз санд̇з. ваад̇уубалад̣̇д̇хияаа жа бабхааванаа на ход̇ийд̇и ассаасабассаасаваад̇асса убалад̣̇д̇хияаа. убалад̣̇д̇хийд̇и вин̃н̃аан̣ам̣. ассаасабассаасаваад̇ам̣ убалаб̣бхамаанасса д̇ад̣̇аарамман̣асса бхааванаавин̃н̃аан̣асса бабхааванаа уббаад̣̇анаа на ход̇и, д̇асса аарамман̣асса бхааванаа на ход̇ийд̇и ад̇т̇о. ассаасабассаасаанан̃жа бабхааванаа на ход̇ийд̇и бхааванааяа сукумагаанамби ассаасабассаасаанам̣ нирод̇ханад̇о д̇зсан̃жа уббаад̣̇анаа бавад̇д̇анаа на ход̇ийд̇и ад̇т̇о. аанаабаанассад̇ияаа жа бабхааванаа на ход̇ийд̇и ассаасабассаасаабхаавад̇оязва д̇ад̣̇аарамман̣ааяа бхааванаавин̃н̃аан̣асамбаяуд̇д̇ааяа сад̇ияаа жа бавад̇д̇анаа на ход̇и. д̇асмааязва д̇ам̣самбаяуд̇д̇асса аанаабаанассад̇исамаад̇хисса жа бхааванаа на ход̇и. на жа нам̣ д̇анд̇и зд̇т̇а жа нанд̇и нибаад̇амад̇д̇ам̣ ‘‘бхигку жа на’’нд̇иаад̣̇ийсу (баараа. 273) вияа. д̇ам̣ вуд̇д̇авид̇хим̣ самаабад̇д̇им̣ бан̣д̣ид̇аа на самаабаж̇ж̇анд̇иби д̇ад̇о на вудтаханд̇ибийд̇и самб̣анд̇хо. жод̣̇анаабагкасса барихаараважанз ид̇и гираад̇и звамзва. зд̇т̇а звагаарад̇т̇з гирасад̣̇д̣̇о д̣̇адтаб̣б̣о. звам̣ санд̇зд̇и звам̣ бассамбханз санд̇з зва.

    Evaṃ santeti evaṃ sukhumānaṃ passambhane sante. Vātūpaladdhiyā ca pabhāvanā na hotīti assāsapassāsavātassa upaladdhiyā. Upaladdhīti viññāṇaṃ. Assāsapassāsavātaṃ upalabbhamānassa tadārammaṇassa bhāvanāviññāṇassa pabhāvanā uppādanā na hoti, tassa ārammaṇassa bhāvanā na hotīti attho. Assāsapassāsānañca pabhāvanā na hotīti bhāvanāya sukhumakānampi assāsapassāsānaṃ nirodhanato tesañca uppādanā pavattanā na hotīti attho. Ānāpānassatiyā ca pabhāvanā na hotīti assāsapassāsābhāvatoyeva tadārammaṇāya bhāvanāviññāṇasampayuttāya satiyā ca pavattanā na hoti. Tasmāyeva taṃsampayuttassa ānāpānassatisamādhissa ca bhāvanā na hoti. Na ca naṃ tanti ettha ca nanti nipātamattaṃ ‘‘bhikkhu ca na’’ntiādīsu (pārā. 273) viya. Taṃ vuttavidhiṃ samāpattiṃ paṇḍitā na samāpajjantipi tato na vuṭṭhahantipīti sambandho. Codanāpakkhassa parihāravacane iti kirāti evameva. Ettha evakāratthe kirasaddo daṭṭhabbo. Evaṃ santeti evaṃ passambhane sante eva.

    яат̇аа гат̇ам̣ вияаад̇и яат̇аа д̇ам̣ вуд̇д̇авид̇хаанам̣ ход̇и, д̇ат̇аа д̇ам̣ гат̇ам̣ вияаад̇и убамам̣ бужчад̇и. ид̣̇аани сзяяат̇аабийд̇и д̇ам̣ убамам̣ д̣̇ассзд̇и. гам̣сзд̇и гам̣самаяабхааж̇анз. нимид̇д̇анд̇и д̇зсам̣ сад̣̇д̣̇аанам̣ аагаарам̣. ‘‘нимид̇д̇а’’нд̇и жа саамиад̇т̇з убаяог̇аважанам̣, нимид̇д̇ассаад̇и ад̇т̇о. сад̣̇д̣̇анимид̇д̇ан̃жа сад̣̇д̣̇ад̇о анан̃н̃ам̣. суг̇г̇ахид̇ад̇д̇аад̇и судту уг̇г̇ахид̇ад̇д̇аа. суг̇ахид̇ад̇д̇аад̇иби баато, судту г̇ахид̇ад̇д̇аад̇и ад̇т̇о. суманасигад̇ад̇д̇аад̇и судту ааваж̇ж̇ид̇ад̇д̇аа. суубад̇хаарид̇ад̇д̇аад̇и судту жид̇д̇з табид̇ад̇д̇аа. сукумасад̣̇д̣̇анимид̇д̇аарамман̣ад̇аабийд̇и д̇ад̣̇аа сукумаанамби сад̣̇д̣̇аанам̣ нируд̣̇д̇хад̇д̇аа ануг̇г̇ахид̇асад̣̇д̣̇анимид̇д̇асса анаарамман̣амби сукумад̇арам̣ сад̣̇д̣̇анимид̇д̇ам̣ аарамман̣ам̣ гад̇ваа сукумад̇арам̣ сад̣̇д̣̇анимид̇д̇аарамман̣амби жид̇д̇ам̣ бавад̇д̇ад̇и, сукумад̇арасад̣̇д̣̇анимид̇д̇аарамман̣абхаавад̇обийд̇и ваа ад̇т̇о. иминаава наязна аббанааяамби ад̇т̇о взд̣̇ид̇аб̣б̣о.

    Yathā kathaṃ viyāti yathā taṃ vuttavidhānaṃ hoti, tathā taṃ kathaṃ viyāti upamaṃ pucchati. Idāni seyyathāpīti taṃ upamaṃ dasseti. Kaṃseti kaṃsamayabhājane. Nimittanti tesaṃ saddānaṃ ākāraṃ. ‘‘Nimitta’’nti ca sāmiatthe upayogavacanaṃ, nimittassāti attho. Saddanimittañca saddato anaññaṃ. Suggahitattāti suṭṭhu uggahitattā. Sugahitattātipi pāṭho, suṭṭhu gahitattāti attho. Sumanasikatattāti suṭṭhu āvajjitattā. Sūpadhāritattāti suṭṭhu citte ṭhapitattā. Sukhumasaddanimittārammaṇatāpīti tadā sukhumānampi saddānaṃ niruddhattā anuggahitasaddanimittassa anārammaṇampi sukhumataraṃ saddanimittaṃ ārammaṇaṃ katvā sukhumataraṃ saddanimittārammaṇampi cittaṃ pavattati, sukhumatarasaddanimittārammaṇabhāvatopīti vā attho. Imināva nayena appanāyampi attho veditabbo.

    бассамбхаяанд̇иаад̣̇ийсу ‘‘бассамбхаяам̣ гааяасан̇каара’’нд̇и вуд̇д̇аа ассаасабассаасаа гааяод̇и ваа ‘‘бассамбхаяам̣ гааяасан̇каара’’нд̇и зд̇т̇а ассаасабассаасаа гааяод̇и ваа яож̇анаа взд̣̇ид̇аб̣б̣аа. бхааванаависуд̣̇д̇хияаа гааяасан̇каарз бассамбхамаанзби ол̣ааригам̣ гааяасан̇каарам̣ бассамбхзмийд̇и яог̇ино аабхог̇з сад̇и д̇знаад̣̇арзна ад̇ивияа бассамбхад̇и. анубадтаханд̇амби сукумам̣ суаанаяам̣ ход̇и.

    Passambhayantiādīsu ‘‘passambhayaṃ kāyasaṅkhāra’’nti vuttā assāsapassāsā kāyoti vā ‘‘passambhayaṃ kāyasaṅkhāra’’nti ettha assāsapassāsā kāyoti vā yojanā veditabbā. Bhāvanāvisuddhiyā kāyasaṅkhāre passambhamānepi oḷārikaṃ kāyasaṅkhāraṃ passambhemīti yogino ābhoge sati tenādarena ativiya passambhati. Anupaṭṭhahantampi sukhumaṃ suānayaṃ hoti.

    адта анубассанаан̃аан̣аанийд̇и ‘‘д̣̇ийгхам̣ рассам̣ саб̣б̣агааяабадисам̣взд̣̇ий бассамбхаяам̣ гааяасан̇каара’’нд̇и вуд̇д̇зсу жад̇уусу вад̇т̇уусу ассаасавасзна жад̇ассо, бассаасавасзна жад̇ассод̇и адта анубассанаан̃аан̣аани. адта жа убадтаанаануссад̇ияод̇и ‘‘д̣̇ийгхам̣ ассаасавасзна жид̇д̇асса згаг̇г̇ад̇ам̣ авигкзбам̣ баж̇аанад̇о сад̇и убадтид̇аа ход̇ий’’д̇иаад̣̇инаа (бади. ма. 1.170) наязна вуд̇д̇зсу жад̇уусу вад̇т̇уусу ассаасавасзна жад̇ассо, бассаасавасзна жад̇ассод̇и адта жа убадтаанаануссад̇ияо. адта жубадтаанаануссад̇ияод̇иби баато. жад̇д̇аари суд̇д̇анд̇игавад̇т̇уунийд̇и бхаг̇авад̇аа аанаабаанассад̇исуд̇д̇анд̇з (ма. ни. 3.144 аад̣̇аяо) вуд̇д̇ад̇д̇аа батамажад̇уггавасзна жад̇д̇аари суд̇д̇анд̇игавад̇т̇уунийд̇и.

    Aṭṭhaanupassanāñāṇānīti ‘‘dīghaṃ rassaṃ sabbakāyapaṭisaṃvedī passambhayaṃ kāyasaṅkhāra’’nti vuttesu catūsu vatthūsu assāsavasena catasso, passāsavasena catassoti aṭṭha anupassanāñāṇāni. Aṭṭha ca upaṭṭhānānussatiyoti ‘‘dīghaṃ assāsavasena cittassa ekaggataṃ avikkhepaṃ pajānato sati upaṭṭhitā hotī’’tiādinā (paṭi. ma. 1.170) nayena vuttesu catūsu vatthūsu assāsavasena catasso, passāsavasena catassoti aṭṭha ca upaṭṭhānānussatiyo. Aṭṭha cupaṭṭhānānussatiyotipi pāṭho. Cattāri suttantikavatthūnīti bhagavatā ānāpānassatisuttante (ma. ni. 3.144 ādayo) vuttattā paṭhamacatukkavasena cattāri suttantikavatthūnīti.

    батамажад̇угганид̣̇д̣̇зсаван̣н̣анаа нидтид̇аа.

    Paṭhamacatukkaniddesavaṇṇanā niṭṭhitā.

    172. д̣̇уд̇ияажад̇уггасса бийд̇ибадисам̣взд̣̇инид̣̇д̣̇зсз уббаж̇ж̇ад̇и бийд̇и баамож̇ж̇анд̇и зд̇т̇а бийд̇ийд̇и муулабад̣̇ам̣. баамож̇ж̇анд̇и д̇асса ад̇т̇абад̣̇ам̣, бамуд̣̇ид̇абхаавод̇и ад̇т̇о. яаа бийд̇и баамож̇ж̇анд̇иаад̣̇ийсу яаа ‘‘бийд̇ий’’д̇и жа ‘‘баамож̇ж̇а’’нд̇и жа звамаад̣̇ийни наамаани лабхад̇и, саа бийд̇ийд̇и вуд̇д̇ам̣ ход̇и. д̇ад̇т̇а бийд̇ийд̇и сабхаавабад̣̇ам̣. бамуд̣̇ид̇асса бхааво баамож̇ж̇ам̣. аамод̣̇анаагааро аамод̣̇анаа. бамод̣̇анаагааро бамод̣̇анаа. яат̇аа ваа бхзсаж̇ж̇аанам̣ ваа д̇злаанам̣ ваа ун̣ход̣̇агасийд̇од̣̇агаанам̣ ваа згад̇огаран̣ам̣ мод̣̇анаад̇и вужжад̇и, звамаяамби д̇хаммаанам̣ згад̇огаран̣зна мод̣̇анаа, убасаг̇г̇авасзна бана бад̣̇ам̣ ман̣д̣зд̇ваа аамод̣̇анаа бамод̣̇анаад̇и вуд̇д̇ам̣. хаасзд̇ийд̇и хаасо, бахаасзд̇ийд̇и бахаасо, хадтабахадтаагаараанамзд̇ам̣ ад̇хиважанам̣. вид̇д̇ийд̇и вид̇д̇ам̣, д̇ханассзд̇ам̣ наамам̣. аяам̣ бана соманассабажжаяад̇д̇аа вид̇д̇исаригкад̇ааяа вид̇д̇и. яат̇аа хи д̇ханино д̇ханам̣ бадижжа соманассам̣ уббаж̇ж̇ад̇и, звам̣ бийд̇имад̇оби бийд̇им̣ бадижжа соманассам̣ уббаж̇ж̇ад̇и. д̇асмаа ‘‘вид̇д̇ий’’д̇и вуд̇д̇аа. д̇удтисабхаавасан̣тид̇ааяа хи бийд̇ияаа зд̇ам̣ наамам̣. бийд̇имаа бана буг̇г̇ало гааяажид̇д̇аанам̣ уг̇г̇ад̇ад̇д̇аа аб̣бхуг̇г̇ад̇ад̇д̇аа ‘‘уд̣̇аг̇г̇о’’д̇и вужжад̇и, уд̣̇аг̇г̇асса бхааг̇о од̣̇аг̇яам̣. ад̇д̇ано манад̇аа ад̇д̇аманад̇аа. анабхирад̣̇д̇хасса хи мано д̣̇угкабад̣̇адтаанад̇д̇аа на ад̇д̇ано мано наама ход̇и, абхирад̣̇д̇хасса сукабад̣̇адтаанад̇д̇аа ад̇д̇ано мано наама ход̇и, ид̇и ад̇д̇ано манад̇аа ад̇д̇аманад̇аа, сагаманад̇аа сагаманасса бхаавод̇и ад̇т̇о. саа бана яасмаа на ан̃н̃асса гассажи ад̇д̇ано манад̇аа, жид̇д̇ассзва банзсо бхааво жзд̇асиго д̇хаммо, д̇асмаа ад̇д̇аманад̇аа жид̇д̇ассаад̇и вуд̇д̇аа. сзсамзд̇т̇а жа убари жа хздтаа вуд̇д̇анаязна яож̇зд̇ваа взд̣̇ид̇аб̣б̣ам̣.

    172. Dutiyacatukkassa pītipaṭisaṃvediniddese uppajjati pīti pāmojjanti ettha pītīti mūlapadaṃ. Pāmojjanti tassa atthapadaṃ, pamuditabhāvoti attho. Yā pīti pāmojjantiādīsu yā ‘‘pītī’’ti ca ‘‘pāmojja’’nti ca evamādīni nāmāni labhati, sā pītīti vuttaṃ hoti. Tattha pītīti sabhāvapadaṃ. Pamuditassa bhāvo pāmojjaṃ. Āmodanākāro āmodanā. Pamodanākāro pamodanā. Yathā vā bhesajjānaṃ vā telānaṃ vā uṇhodakasītodakānaṃ vā ekatokaraṇaṃ modanāti vuccati, evamayampi dhammānaṃ ekatokaraṇena modanā, upasaggavasena pana padaṃ maṇḍetvā āmodanā pamodanāti vuttaṃ. Hāsetīti hāso, pahāsetīti pahāso, haṭṭhapahaṭṭhākārānametaṃ adhivacanaṃ. Vittīti vittaṃ, dhanassetaṃ nāmaṃ. Ayaṃ pana somanassapaccayattā vittisarikkhatāya vitti. Yathā hi dhanino dhanaṃ paṭicca somanassaṃ uppajjati, evaṃ pītimatopi pītiṃ paṭicca somanassaṃ uppajjati. Tasmā ‘‘vittī’’ti vuttā. Tuṭṭhisabhāvasaṇṭhitāya hi pītiyā etaṃ nāmaṃ. Pītimā pana puggalo kāyacittānaṃ uggatattā abbhuggatattā ‘‘udaggo’’ti vuccati, udaggassa bhāgo odagyaṃ. Attano manatā attamanatā. Anabhiraddhassa hi mano dukkhapadaṭṭhānattā na attano mano nāma hoti, abhiraddhassa sukhapadaṭṭhānattā attano mano nāma hoti, iti attano manatā attamanatā, sakamanatā sakamanassa bhāvoti attho. Sā pana yasmā na aññassa kassaci attano manatā, cittasseva paneso bhāvo cetasiko dhammo, tasmā attamanatā cittassāti vuttā. Sesamettha ca upari ca heṭṭhā vuttanayena yojetvā veditabbaṃ.

    173. сукабадисам̣взд̣̇инид̣̇д̣̇зсз д̣̇вз сукаанийд̇и самат̇авибассанаабхуумид̣̇ассанад̇т̇ам̣ вуд̇д̇ам̣. гааяиган̃хи сукам̣ вибассанааяа бхууми, жзд̇асигам̣ сукам̣ самат̇асса жа вибассанааяа жа бхууми. гааяиганд̇и басаад̣̇агааяам̣ винаа ануббад̇д̇ид̇о гааяз нияуд̇д̇анд̇и гааяигам̣. жзд̇асиганд̇и авиббаяог̇авасзна жзд̇аси нияуд̇д̇анд̇и жзд̇асигам̣. д̇ад̇т̇а гааяигабад̣̇зна жзд̇асигам̣ сукам̣ бадигкибад̇и, сукабад̣̇зна гааяигам̣ д̣̇угкам̣. д̇ат̇аа жзд̇асигабад̣̇зна гааяигам̣ сукам̣ бадигкибад̇и, сукабад̣̇зна жзд̇асигам̣ д̣̇угкам̣. саад̇анд̇и мад̇хурам̣ сумад̇хурам̣. суканд̇и сукамзва, на д̣̇угкам̣. гааяасампассаж̇анд̇и гааяасампассз ж̇аад̇ам̣. саад̇ам̣ сукам̣ взд̣̇аяид̇анд̇и саад̇ам̣ взд̣̇аяид̇ам̣, на асаад̇ам̣ взд̣̇аяид̇ам̣. сукам̣ взд̣̇аяид̇ам̣, на д̣̇угкам̣ взд̣̇аяид̇ам̣. барад̇о д̇ийн̣и бад̣̇аани ид̇т̇илин̇г̇авасзна вуд̇д̇аани. саад̇аа взд̣̇анаа, на асаад̇аа. сукаа взд̣̇анаа, на д̣̇угкаад̇и аяамзва банзд̇т̇а ад̇т̇о.

    173. Sukhapaṭisaṃvediniddese dve sukhānīti samathavipassanābhūmidassanatthaṃ vuttaṃ. Kāyikañhi sukhaṃ vipassanāya bhūmi, cetasikaṃ sukhaṃ samathassa ca vipassanāya ca bhūmi. Kāyikanti pasādakāyaṃ vinā anuppattito kāye niyuttanti kāyikaṃ. Cetasikanti avippayogavasena cetasi niyuttanti cetasikaṃ. Tattha kāyikapadena cetasikaṃ sukhaṃ paṭikkhipati, sukhapadena kāyikaṃ dukkhaṃ. Tathā cetasikapadena kāyikaṃ sukhaṃ paṭikkhipati, sukhapadena cetasikaṃ dukkhaṃ. Sātanti madhuraṃ sumadhuraṃ. Sukhanti sukhameva, na dukkhaṃ. Kāyasamphassajanti kāyasamphasse jātaṃ. Sātaṃ sukhaṃvedayitanti sātaṃ vedayitaṃ, na asātaṃ vedayitaṃ. Sukhaṃ vedayitaṃ, na dukkhaṃ vedayitaṃ. Parato tīṇi padāni itthiliṅgavasena vuttāni. Sātā vedanā, na asātā. Sukhā vedanā, na dukkhāti ayameva panettha attho.

    жзд̇асигасуканид̣̇д̣̇зсо вуд̇д̇абадибагканаязна яож̇зд̇аб̣б̣о. д̇з сукаад̇и лин̇г̇авибаллаасо гад̇о, д̇аани сукаанийд̇и вуд̇д̇ам̣ ход̇и. сзсамзд̇т̇а жад̇уггз хздтаа батамажад̇уггз вуд̇д̇анаязнзва взд̣̇ид̇аб̣б̣ам̣. жад̇д̇аари суд̇д̇анд̇игавад̇т̇ууни д̣̇уд̇ияажад̇уггавасзна взд̣̇ид̇аб̣б̣аанийд̇и.

    Cetasikasukhaniddeso vuttapaṭipakkhanayena yojetabbo. Te sukhāti liṅgavipallāso kato, tāni sukhānīti vuttaṃ hoti. Sesamettha catukke heṭṭhā paṭhamacatukke vuttanayeneva veditabbaṃ. Cattāri suttantikavatthūni dutiyacatukkavasena veditabbānīti.

    д̣̇уд̇ияажад̇угганид̣̇д̣̇зсаван̣н̣анаа нидтид̇аа.

    Dutiyacatukkaniddesavaṇṇanā niṭṭhitā.

    176. д̇ад̇ияажад̇угганид̣̇д̣̇зсз жид̇д̇анд̇и муулабад̣̇ам̣. вин̃н̃аан̣анд̇и ад̇т̇абад̣̇ам̣. яам̣ жид̇д̇анд̇иаад̣̇и бийд̇ияам̣ вуд̇д̇анаязна яож̇зд̇аб̣б̣ам̣. д̇ад̇т̇а жид̇д̇анд̇иаад̣̇ийсу жид̇д̇авижид̇д̇ад̇ааяа жид̇д̇ам̣. аарамман̣ам̣ минамаанам̣ ж̇аанаад̇ийд̇и мано. маанасанд̇и маноязва. ‘‘анд̇алигкажаро баасо, явааяам̣ жарад̇и маанасо’’д̇и (сам̣. ни. 1.151; махаава. 33) хи зд̇т̇а бана самбаяуд̇д̇агад̇хаммо маанасод̇и вуд̇д̇о.

    176. Tatiyacatukkaniddese cittanti mūlapadaṃ. Viññāṇanti atthapadaṃ. Yaṃ cittantiādi pītiyaṃ vuttanayena yojetabbaṃ. Tattha cittantiādīsu cittavicittatāya cittaṃ. Ārammaṇaṃ minamānaṃ jānātīti mano. Mānasanti manoyeva. ‘‘Antalikkhacaro pāso, yvāyaṃ carati mānaso’’ti (saṃ. ni. 1.151; mahāva. 33) hi ettha pana sampayuttakadhammo mānasoti vutto.

    ‘‘гат̇ан̃хи бхаг̇аваа д̇уяхам̣, сааваго саасанз рад̇о;

    ‘‘Kathañhi bhagavā tuyhaṃ, sāvako sāsane rato;

    аббад̇д̇амаанасо сзгко, гаалам̣ гаяираа ж̇анз суд̇аа’’д̇и. (сам̣. ни. 1.159) –

    Appattamānaso sekkho, kālaṃ kayirā jane sutā’’ti. (saṃ. ni. 1.159) –

    зд̇т̇а арахад̇д̇ам̣ маанасанд̇и вуд̇д̇ам̣. ид̇ха бана манова маанасам̣. б̣яан̃ж̇анавасзна хзд̇ам̣ бад̣̇ам̣ вад̣дхид̇ам̣.

    Ettha arahattaṃ mānasanti vuttaṃ. Idha pana manova mānasaṃ. Byañjanavasena hetaṃ padaṃ vaḍḍhitaṃ.

    хад̣̇аяанд̇и жид̇д̇ам̣. ‘‘жид̇д̇ам̣ ваа д̇з кибиссаами, хад̣̇аяам̣ ваа д̇з паалзссаамий’’д̇и (сам̣. ни. 1.237; су. ни. аал̣авагасуд̇д̇а) зд̇т̇а уро хад̣̇аяанд̇и вуд̇д̇ам̣. ‘‘хад̣̇аяаа хад̣̇аяам̣ ман̃н̃з ан̃н̃ааяа д̇ажчад̇ий’’д̇и (ма. ни. 1.63) зд̇т̇а жид̇д̇ам̣. ‘‘ваггам̣ хад̣̇аяа’’нд̇и (д̣̇ий. ни. 2.377; ма. ни. 1.110) зд̇т̇а хад̣̇аяавад̇т̇у. ид̇ха бана жид̇д̇амзва аб̣бханд̇арадтзна ‘‘хад̣̇аяа’’нд̇и вуд̇д̇ам̣. д̇ад̣̇зва барисуд̣̇д̇хадтзна бан̣д̣арам̣. бхаван̇г̇ам̣ санд̇хааязд̇ам̣ вуд̇д̇ам̣. яат̇ааха – ‘‘бабхассарамид̣̇ам̣, бхигкавз, жид̇д̇ам̣, д̇ан̃жа ко ааг̇анд̇угзхи убаггилзсзхи убаггилидта’’нд̇и (а. ни. 1.49). д̇ад̇о нигканд̇ад̇д̇аа бана агусаламби г̇ан̇г̇ааяа нигканд̇аа над̣̇ий г̇ан̇г̇аа вияа, г̇од̇хааварид̇о нигканд̇аа г̇од̇хааварий вияа жа ‘‘бан̣д̣ара’’нд̇взва вуд̇д̇ам̣. яасмаа бана аарамман̣авиж̇аананалагкан̣ам̣ жид̇д̇ам̣ убаггилзсзна гилзсо на ход̇и, сабхаавад̇о барисуд̣̇д̇хамзва ход̇и, убаггилзсаяог̇з бана сад̇и убаггилидтам̣ наама ход̇и, д̇асмааби ‘‘бан̣д̣ара’’нд̇и вад̇д̇ум̣ яуж̇ж̇ад̇и.

    Hadayanti cittaṃ. ‘‘Cittaṃ vā te khipissāmi, hadayaṃ vā te phālessāmī’’ti (saṃ. ni. 1.237; su. ni. āḷavakasutta) ettha uro hadayanti vuttaṃ. ‘‘Hadayā hadayaṃ maññe aññāya tacchatī’’ti (ma. ni. 1.63) ettha cittaṃ. ‘‘Vakkaṃ hadaya’’nti (dī. ni. 2.377; ma. ni. 1.110) ettha hadayavatthu. Idha pana cittameva abbhantaraṭṭhena ‘‘hadaya’’nti vuttaṃ. Tadeva parisuddhaṭṭhena paṇḍaraṃ. Bhavaṅgaṃ sandhāyetaṃ vuttaṃ. Yathāha – ‘‘pabhassaramidaṃ, bhikkhave, cittaṃ, tañca kho āgantukehi upakkilesehi upakkiliṭṭha’’nti (a. ni. 1.49). Tato nikkhantattā pana akusalampi gaṅgāya nikkhantā nadī gaṅgā viya, godhāvarito nikkhantā godhāvarī viya ca ‘‘paṇḍara’’ntveva vuttaṃ. Yasmā pana ārammaṇavijānanalakkhaṇaṃ cittaṃ upakkilesena kileso na hoti, sabhāvato parisuddhameva hoti, upakkilesayoge pana sati upakkiliṭṭhaṃ nāma hoti, tasmāpi ‘‘paṇḍara’’nti vattuṃ yujjati.

    мано манааяад̇ананд̇и ид̇ха бана маног̇ахан̣ам̣ манассзва ааяад̇анабхаавад̣̇ийбанад̇т̇ам̣. д̇знзд̇ам̣ д̣̇ийбзд̇и – ‘‘наяид̣̇ам̣ д̣̇звааяад̇анам̣ вияа манасса ааяад̇анад̇д̇аа манааяад̇анам̣, ат̇а ко мано зва ааяад̇анам̣ манааяад̇ана’’нд̇и.

    Mano manāyatananti idha pana manogahaṇaṃ manasseva āyatanabhāvadīpanatthaṃ. Tenetaṃ dīpeti – ‘‘nayidaṃ devāyatanaṃ viya manassa āyatanattā manāyatanaṃ, atha kho mano eva āyatanaṃ manāyatana’’nti.

    ааяад̇анадто хздтаа вуд̇д̇оязва. манад̇з ид̇и мано, виж̇аанаад̇ийд̇и ад̇т̇о. адтагат̇аажарияаа банааху – наал̣ияаа минамаано вияа махаад̇улааяа д̇хаараяамаано вияа жа аарамман̣ам̣ ж̇аанаад̇ийд̇и мано, д̇ад̣̇зва мананалагкан̣з инд̣̇адтам̣ гаарзд̇ийд̇и инд̣̇рияам̣, манова инд̣̇рияам̣ манинд̣̇рияам̣.

    Āyatanaṭṭho heṭṭhā vuttoyeva. Manate iti mano, vijānātīti attho. Aṭṭhakathācariyā panāhu – nāḷiyā minamāno viya mahātulāya dhārayamāno viya ca ārammaṇaṃ jānātīti mano, tadeva mananalakkhaṇe indaṭṭhaṃ kāretīti indriyaṃ, manova indriyaṃ manindriyaṃ.

    виж̇аанаад̇ийд̇и вин̃н̃аан̣ам̣. вин̃н̃аан̣амзва канд̇хо вин̃н̃аан̣агканд̇хо. рул̣хид̇о канд̇хо вуд̇д̇о. раасадтзна хи вин̃н̃аан̣агканд̇хасса згад̣̇зсо згам̣ вин̃н̃аан̣ам̣. д̇асмаа яат̇аа ругкасса згад̣̇зсам̣ чинд̣̇анд̇о ругкам̣ чинд̣̇ад̇ийд̇и вужжад̇и, звамзва вин̃н̃аан̣агканд̇хасса згад̣̇зсабхууд̇ам̣ згамби вин̃н̃аан̣ам̣ рул̣хид̇о ‘‘вин̃н̃аан̣агканд̇хо’’д̇и вуд̇д̇ам̣. яасмаа бана раасадтоязва канд̇хадто на ход̇и, годтаасадтоби канд̇хадтоязва, д̇асмаа годтаасадтзна вин̃н̃аан̣агодтаасод̇иби ад̇т̇о. д̇аж̇ж̇аа мановин̃н̃аан̣ад̇хаад̇ууд̇и д̇зсам̣ пассаад̣̇ийнам̣ самбаяуд̇д̇ад̇хаммаанам̣ анужчавигаа мановин̃н̃аан̣ад̇хаад̇у. имасмин̃хи бад̣̇з згамзва жид̇д̇ам̣ минанадтзна мано, виж̇аананадтзна вин̃н̃аан̣ам̣, сабхаавадтзна, ниссад̇д̇адтзна ваа д̇хаад̇ууд̇и д̇ийхи наамзхи вуд̇д̇ам̣.

    Vijānātīti viññāṇaṃ. Viññāṇameva khandho viññāṇakkhandho. Ruḷhito khandho vutto. Rāsaṭṭhena hi viññāṇakkhandhassa ekadeso ekaṃ viññāṇaṃ. Tasmā yathā rukkhassa ekadesaṃ chindanto rukkhaṃ chindatīti vuccati, evameva viññāṇakkhandhassa ekadesabhūtaṃ ekampi viññāṇaṃ ruḷhito ‘‘viññāṇakkhandho’’ti vuttaṃ. Yasmā pana rāsaṭṭhoyeva khandhaṭṭho na hoti, koṭṭhāsaṭṭhopi khandhaṭṭhoyeva, tasmā koṭṭhāsaṭṭhena viññāṇakoṭṭhāsotipi attho. Tajjā manoviññāṇadhātūti tesaṃ phassādīnaṃ sampayuttadhammānaṃ anucchavikā manoviññāṇadhātu. Imasmiñhi pade ekameva cittaṃ minanaṭṭhena mano, vijānanaṭṭhena viññāṇaṃ, sabhāvaṭṭhena, nissattaṭṭhena vā dhātūti tīhi nāmehi vuttaṃ.

    177.

    177.

    абхиббамод̣̇од̇и ад̇хигаа д̇удти.

    Abhippamodoti adhikā tuṭṭhi.

    178. самаад̇хинид̣̇д̣̇зсз ажалабхаавзна аарамман̣з д̇идтад̇ийд̇и тид̇и. барад̇о бад̣̇ад̣̇ваяам̣ убасаг̇г̇авасзна вад̣дхид̇ам̣ . абижа самбаяуд̇д̇ад̇хаммз аарамман̣амхи самбин̣д̣зд̇ваа д̇идтад̇ийд̇и сан̣тид̇и. аарамман̣ам̣ ог̇аахзд̇ваа анубависид̇ваа д̇идтад̇ийд̇и авадтид̇и. гусалабагкасмим̣ хи жад̇д̇ааро д̇хаммаа аарамман̣ам̣ ог̇ааханд̇и сад̣̇д̇хаа сад̇и самаад̇хи бан̃н̃аад̇и. д̇знзва сад̣̇д̇хаа ‘‘огаббанаа’’д̇и вуд̇д̇аа, сад̇и ‘‘абилаабанад̇аа’’д̇и, самаад̇хи ‘‘авадтид̇ий’’д̇и, бан̃н̃аа ‘‘барияог̇ааханаа’’д̇и. агусалабагкз бана д̇аяо д̇хаммаа аарамман̣ам̣ ог̇ааханд̇и д̇ан̣хаа д̣̇идти авиж̇ж̇аад̇и. д̇знзва д̇з ‘‘огхаа’’д̇и вуд̇д̇аа. уд̣̇д̇хажжавижигижчаавасзна бавад̇д̇асса висаахаарасса бадибагкад̇о ависаахааро, ависаахаран̣анд̇и ад̇т̇о. уд̣̇д̇хажжавижигижчаавасзнзва г̇ажчанд̇ам̣ жид̇д̇ам̣ вигкибад̇и наама, аяам̣ бана д̇ат̇аа на ход̇ийд̇и авигкзбо. уд̣̇д̇хажжавижигижчаавасзнзва жид̇д̇ам̣ висаахадам̣ наама ход̇и, ид̇о жид̇о жа харийяад̇и, аяам̣ бана ависаахадасса маанасасса бхаавод̇и ависаахадамаанасад̇аа.

    178. Samādhiniddese acalabhāvena ārammaṇe tiṭṭhatīti ṭhiti. Parato padadvayaṃ upasaggavasena vaḍḍhitaṃ . Apica sampayuttadhamme ārammaṇamhi sampiṇḍetvā tiṭṭhatīti saṇṭhiti. Ārammaṇaṃ ogāhetvā anupavisitvā tiṭṭhatīti avaṭṭhiti. Kusalapakkhasmiṃ hi cattāro dhammā ārammaṇaṃ ogāhanti saddhā sati samādhi paññāti. Teneva saddhā ‘‘okappanā’’ti vuttā, sati ‘‘apilāpanatā’’ti, samādhi ‘‘avaṭṭhitī’’ti, paññā ‘‘pariyogāhanā’’ti. Akusalapakkhe pana tayo dhammā ārammaṇaṃ ogāhanti taṇhā diṭṭhi avijjāti. Teneva te ‘‘oghā’’ti vuttā. Uddhaccavicikicchāvasena pavattassa visāhārassa paṭipakkhato avisāhāro, avisāharaṇanti attho. Uddhaccavicikicchāvaseneva gacchantaṃ cittaṃ vikkhipati nāma, ayaṃ pana tathā na hotīti avikkhepo. Uddhaccavicikicchāvaseneva cittaṃ visāhaṭaṃ nāma hoti, ito cito ca harīyati, ayaṃ pana avisāhaṭassa mānasassa bhāvoti avisāhaṭamānasatā.

    самат̇од̇и д̇ивид̇хо самат̇о жид̇д̇асамат̇о ад̇хигаран̣асамат̇о саб̣б̣асан̇каарасамат̇од̇и. д̇ад̇т̇а адтасу самаабад̇д̇ийсу жид̇д̇згаг̇г̇ад̇аа жид̇д̇асамат̇о наама. д̇ан̃хи ааг̇амма жид̇д̇ажаланам̣ жид̇д̇авибпанд̣̇анам̣ саммад̇и вуубасаммад̇и, д̇асмаа со ‘‘жид̇д̇асамат̇о’’д̇и вужжад̇и. саммукаавинаяаад̣̇исад̇д̇авид̇хо ад̇хигаран̣асамат̇о наама. д̇ан̃хи ааг̇амма д̇аани д̇аани ад̇хигаран̣аани самманд̇и вуубасамманд̇и, д̇асмаа со ‘‘ад̇хигаран̣асамат̇о’’д̇и вужжад̇и. яасмаа бана саб̣б̣з сан̇каараа ниб̣б̣аанам̣ ааг̇амма самманд̇и вуубасамманд̇и, д̇асмаа д̇ам̣ саб̣б̣асан̇каарасамат̇од̇и вужжад̇и. имасмим̣ ад̇т̇з жид̇д̇асамат̇о ад̇хиббзд̇о. самаад̇хилагкан̣з инд̣̇адтам̣ гаарзд̇ийд̇и самаад̇хинд̣̇рияам̣. уд̣̇д̇хажжз на гамбад̇ийд̇и самаад̇хиб̣алам̣. саммаасамаад̇хийд̇и яаат̇аавасамаад̇хи нияяаанигасамаад̇хи гусаласамаад̇хи.

    Samathoti tividho samatho cittasamatho adhikaraṇasamatho sabbasaṅkhārasamathoti. Tattha aṭṭhasu samāpattīsu cittekaggatā cittasamatho nāma. Tañhi āgamma cittacalanaṃ cittavipphandanaṃ sammati vūpasammati, tasmā so ‘‘cittasamatho’’ti vuccati. Sammukhāvinayādisattavidho adhikaraṇasamatho nāma. Tañhi āgamma tāni tāni adhikaraṇāni sammanti vūpasammanti, tasmā so ‘‘adhikaraṇasamatho’’ti vuccati. Yasmā pana sabbe saṅkhārā nibbānaṃ āgamma sammanti vūpasammanti, tasmā taṃ sabbasaṅkhārasamathoti vuccati. Imasmiṃ atthe cittasamatho adhippeto. Samādhilakkhaṇe indaṭṭhaṃ kāretīti samādhindriyaṃ. Uddhacce na kampatīti samādhibalaṃ. Sammāsamādhīti yāthāvasamādhi niyyānikasamādhi kusalasamādhi.

    179. рааг̇ад̇о виможаяам̣ жид̇д̇анд̇иаад̣̇ийхи д̣̇асахи гилзсавад̇т̇уухи виможанам̣ вуд̇д̇ам̣. т̇инаг̇г̇ахан̣знзва жзд̇т̇а мид̣̇д̇хаг̇г̇ахан̣ам̣, уд̣̇д̇хажжаг̇г̇ахан̣знзва жа гуггужжаг̇г̇ахан̣ам̣ гад̇ам̣ ход̇ийд̇и ан̃н̃зсу баатзсу сахажаарид̇д̇аа гилзсавад̇т̇уд̇о виможанаважанзнзва батамаж̇жхаанаад̣̇ийхи нийваран̣аад̣̇ид̇о виможанам̣, анижжаанубассанаад̣̇ийхи нижжасан̃н̃аад̣̇ид̇о жа виможанам̣ вуд̇д̇амзва ход̇ийд̇и. гат̇ам̣ д̇ам̣ жид̇д̇ам̣ анубассад̇ийд̇и зд̇т̇а бзяяаалз жа анижжаанубассанаад̣̇ийхи нижжасан̃н̃аад̣̇ийнам̣ бахаанам̣ вуд̇д̇амзва. жад̇д̇аари суд̇д̇анд̇игавад̇т̇ууни д̇ад̇ияажад̇уггавасзна взд̣̇ид̇аб̣б̣аанийд̇и.

    179.Rāgato vimocayaṃ cittantiādīhi dasahi kilesavatthūhi vimocanaṃ vuttaṃ. Thinaggahaṇeneva cettha middhaggahaṇaṃ, uddhaccaggahaṇeneva ca kukkuccaggahaṇaṃ kataṃ hotīti aññesu pāṭhesu sahacārittā kilesavatthuto vimocanavacaneneva paṭhamajjhānādīhi nīvaraṇādito vimocanaṃ, aniccānupassanādīhi niccasaññādito ca vimocanaṃ vuttameva hotīti. Kathaṃ taṃ cittaṃ anupassatīti ettha peyyāle ca aniccānupassanādīhi niccasaññādīnaṃ pahānaṃ vuttameva. Cattāri suttantikavatthūni tatiyacatukkavasena veditabbānīti.

    д̇ад̇ияажад̇угганид̣̇д̣̇зсаван̣н̣анаа нидтид̇аа.

    Tatiyacatukkaniddesavaṇṇanā niṭṭhitā.

    180. жад̇уд̇т̇ажад̇угганид̣̇д̣̇зсз ‘‘анид̣̇д̣̇идтз набум̣сага’’нд̇и важанад̇о асуганд̇и анид̣̇д̣̇идтад̇д̇аа ‘‘анижжанд̇и гим̣ анижжа’’нд̇и набум̣сагаважанзна бужчаа гад̇аа. уббаад̣̇аваяадтзнаад̇и уббаад̣̇аваяасан̇каад̇зна ад̇т̇зна, уббаад̣̇аваяасабхаавзнаад̇и ад̇т̇о. зд̇т̇а жа бан̃жагканд̇хаа сабхаавалагкан̣ам̣, бан̃жаннам̣ канд̇хаанам̣ уббаад̣̇аваяаа вигааралагкан̣ам̣. зд̇зна худ̇ваа абхаавзна анижжаад̇и вуд̇д̇ам̣ ход̇и. д̇знзва жа адтагат̇ааяам̣ ‘‘сан̇кад̇алагкан̣авасзна анижжад̇аад̇и д̇зсам̣язва уббаад̣̇аваяан̃н̃ат̇ад̇д̇а’’нд̇и жа вад̇вааби ‘‘худ̇ваа абхааво ваа’’д̇и вуд̇д̇ам̣. зд̇зна худ̇ваа абхааваагааро анижжалагкан̣анд̇и вуд̇д̇ам̣ ход̇и. ‘‘бан̃жаннам̣ канд̇хаанам̣ уд̣̇аяаб̣б̣аяам̣ бассанд̇о имаани бан̃н̃ааяа лагкан̣ааний’’д̇и бзяяаалам̣ гад̇ваа вуд̇д̇ам̣. д̇хаммаад̇и руубагканд̇хаад̣̇аяо яат̇аавуд̇д̇ад̇хаммаа.

    180. Catutthacatukkaniddese ‘‘aniddiṭṭhe napuṃsaka’’nti vacanato asukanti aniddiṭṭhattā ‘‘aniccanti kiṃ anicca’’nti napuṃsakavacanena pucchā katā. Uppādavayaṭṭhenāti uppādavayasaṅkhātena atthena, uppādavayasabhāvenāti attho. Ettha ca pañcakkhandhā sabhāvalakkhaṇaṃ, pañcannaṃ khandhānaṃ uppādavayā vikāralakkhaṇaṃ. Etena hutvā abhāvena aniccāti vuttaṃ hoti. Teneva ca aṭṭhakathāyaṃ ‘‘saṅkhatalakkhaṇavasena aniccatāti tesaṃyeva uppādavayaññathatta’’nti ca vatvāpi ‘‘hutvā abhāvo vā’’ti vuttaṃ. Etena hutvā abhāvākāro aniccalakkhaṇanti vuttaṃ hoti. ‘‘Pañcannaṃ khandhānaṃ udayabbayaṃ passanto imāni paññāya lakkhaṇānī’’ti peyyālaṃ katvā vuttaṃ. Dhammāti rūpakkhandhādayo yathāvuttadhammā.

    вирааг̇аанубассийнид̣̇д̣̇зсз руубз аад̣̇ийнавам̣ д̣̇исваад̇и бхан̇г̇аанубассанад̇о бадтааяа барад̇о вуд̇д̇зхи анижжадтаад̣̇ийхи руубагканд̇хз аад̣̇ийнавам̣ д̣̇исваа. руубавирааг̇зд̇и ниб̣б̣аанз. ниб̣б̣аанан̃хи ааг̇амма руубам̣ вираж̇ж̇ад̇и абунаруббад̇д̇ид̇хаммад̇ам̣ аабаж̇ж̇анзна нируж̇жхад̇и, д̇асмаа ниб̣б̣аанам̣ ‘‘руубавирааг̇о’’д̇и вужжад̇и. чанд̣̇аж̇аад̇о ход̇ийд̇и ануссававасзна уббаннад̇хаммажчанд̣̇о ход̇и. сад̣̇д̇хаад̇химуд̇д̇од̇и д̇асмим̣язва ниб̣б̣аанз сад̣̇д̇хааяа жа ад̇химуд̇д̇о нижчид̇о. жид̇д̇ан̃жасса сваад̇хидтид̇анд̇и асса яог̇исса жид̇д̇ам̣ каяавирааг̇асан̇каад̇з руубабхан̇г̇з аарамман̣авасзна , ажжанд̇а вирааг̇асан̇каад̇з руубавирааг̇з ниб̣б̣аанз ануссававасзна судту ад̇хидтид̇ам̣ судту бад̇идтид̇ам̣ ход̇ийд̇и самб̣анд̇хад̇о взд̣̇ид̇аб̣б̣ам̣. руубз вирааг̇аанубассийд̇и руубасса каяавирааг̇о руубз вирааг̇од̇и багад̇ибхуммаважанзна вуд̇д̇о. руубасса ажжанд̇авирааг̇о руубз вирааг̇од̇и нимид̇д̇ад̇т̇з бхуммаважанзна вуд̇д̇о. д̇ам̣ д̣̇увид̇хамби вирааг̇ам̣ аарамман̣ад̇о аж̇жхаасаяад̇о жа анубассанасийло ‘‘руубз вирааг̇аанубассий’’д̇и вуд̇д̇о. зса наяо взд̣̇анаад̣̇ийсу. нирод̇хаанубассийбад̣̇анид̣̇д̣̇зсзби зсзва наяо.

    Virāgānupassīniddese rūpe ādīnavaṃ disvāti bhaṅgānupassanato paṭṭhāya parato vuttehi aniccaṭṭhādīhi rūpakkhandhe ādīnavaṃ disvā. Rūpavirāgeti nibbāne. Nibbānañhi āgamma rūpaṃ virajjati apunaruppattidhammataṃ āpajjanena nirujjhati, tasmā nibbānaṃ ‘‘rūpavirāgo’’ti vuccati. Chandajāto hotīti anussavavasena uppannadhammacchando hoti. Saddhādhimuttoti tasmiṃyeva nibbāne saddhāya ca adhimutto nicchito. Cittañcassa svādhiṭṭhitanti assa yogissa cittaṃ khayavirāgasaṅkhāte rūpabhaṅge ārammaṇavasena , accanta virāgasaṅkhāte rūpavirāge nibbāne anussavavasena suṭṭhu adhiṭṭhitaṃ suṭṭhu patiṭṭhitaṃ hotīti sambandhato veditabbaṃ. Rūpe virāgānupassīti rūpassa khayavirāgo rūpe virāgoti pakatibhummavacanena vutto. Rūpassa accantavirāgo rūpe virāgoti nimittatthe bhummavacanena vutto. Taṃ duvidhampi virāgaṃ ārammaṇato ajjhāsayato ca anupassanasīlo ‘‘rūpe virāgānupassī’’ti vutto. Esa nayo vedanādīsu. Nirodhānupassīpadaniddesepi eseva nayo.

    181. гад̇ихаагаарзхийд̇иаад̣̇и банзд̇т̇а висзсо – д̇ад̇т̇а авиж̇ж̇аад̣̇ийнам̣ бадижжасамуббаад̣̇ан̇г̇аанам̣ аад̣̇ийнаванирод̇хад̣̇ассанзнзва руубаад̣̇ийнамби аад̣̇ийнаванирод̇хаа д̣̇ассид̇аа хонд̇и д̇зсамби бадижжасамуббаад̣̇ан̇г̇аанад̇ивад̇д̇анад̇о. иминаа зва жа висзсаважанзна вирааг̇аанубассанад̇о нирод̇хаанубассанааяа висидтабхааво вуд̇д̇о ход̇и. д̇ад̇т̇а анижжадтзнаад̇и каяадтзна, худ̇ваа абхаавадтзна ваа. д̣̇угкадтзнаад̇и бхаяадтзна, бадибийл̣анадтзна ваа. анад̇д̇адтзнаад̇и асаарагадтзна, авасавад̇д̇анадтзна ваа. санд̇аабадтзнаад̇и гилзсасанд̇аабанадтзна. вибарин̣аамадтзнаад̇и ж̇араабхан̇г̇авасзна д̣̇вид̇хаа барин̣ааманадтзна. нид̣̇аананирод̇хзнаад̇и муулабажжаяаабхаавзна. нируж̇жхад̇ийд̇и на бхавад̇и. самуд̣̇аяанирод̇хзнаад̇и аасаннабажжаяаабхаавзна. муулабажжаяо хи б̣яаад̇хисса асаббааяабхож̇анам̣ вияа нид̣̇аананд̇и вуд̇д̇о, аасаннабажжаяо б̣яаад̇хисса ваад̇абид̇д̇асзмхаа вияа самуд̣̇аяод̇и вуд̇д̇о. нид̣̇аанан̃хи нижчаязна д̣̇ад̣̇аад̇и паламид̇и нид̣̇аанам̣, самуд̣̇аяо бана судту уд̣̇зд̇и зд̇асмаа паламид̇и самуд̣̇аяо. ж̇аад̇инирод̇хзнаад̇и муулабажжаяасса уббад̇д̇иабхаавзна. бабхаванирод̇хзнаад̇и аасаннабажжаяасса уббад̇д̇иабхаавзна. ж̇аад̇иязва хи бабхавад̇и зд̇асмаа д̣̇угканд̇и бабхавод̇и вад̇д̇ум̣ яуж̇ж̇ад̇и. хзд̇унирод̇хзнаад̇и ж̇анагабажжаяаабхаавзна. бажжаяанирод̇хзнаад̇и убад̇т̇амбхагабажжаяаабхаавзна. муулабажжаяоби хи аасаннабажжаяо жа ж̇анагабажжаяо убад̇т̇амбхагабажжаяо жа ход̇иязва. зд̇зхи д̇игкавибассанаагкан̣з д̇ад̣̇ан̇г̇анирод̇хо, маг̇г̇агкан̣з самужчзд̣̇анирод̇хо вуд̇д̇о ход̇и. н̃аан̣уббаад̣̇знаад̇и д̇игкавибассанаан̃аан̣асса ваа маг̇г̇ан̃аан̣асса ваа уббаад̣̇зна. нирод̇хубадтаанзнаад̇и вибассанаагкан̣з бажжагкад̇о каяанирод̇хасса ануссававасзна нирод̇хасан̇каад̇асса ниб̣б̣аанасса убадтаанзна, маг̇г̇агкан̣з бажжагкад̇о жа ниб̣б̣аанасса убадтаанзна. зд̇зхи висаяависаяинияамова гад̇о ход̇и, д̇ад̣̇ан̇г̇асамужчзд̣̇анирод̇хо жа вуд̇д̇о ход̇и.

    181.Katihākārehītiādi panettha viseso – tattha avijjādīnaṃ paṭiccasamuppādaṅgānaṃ ādīnavanirodhadassaneneva rūpādīnampi ādīnavanirodhā dassitā honti tesampi paṭiccasamuppādaṅgānativattanato. Iminā eva ca visesavacanena virāgānupassanato nirodhānupassanāya visiṭṭhabhāvo vutto hoti. Tattha aniccaṭṭhenāti khayaṭṭhena, hutvā abhāvaṭṭhena vā. Dukkhaṭṭhenāti bhayaṭṭhena, paṭipīḷanaṭṭhena vā. Anattaṭṭhenāti asārakaṭṭhena, avasavattanaṭṭhena vā. Santāpaṭṭhenāti kilesasantāpanaṭṭhena. Vipariṇāmaṭṭhenāti jarābhaṅgavasena dvidhā pariṇāmanaṭṭhena. Nidānanirodhenāti mūlapaccayābhāvena. Nirujjhatīti na bhavati. Samudayanirodhenāti āsannapaccayābhāvena. Mūlapaccayo hi byādhissa asappāyabhojanaṃ viya nidānanti vutto, āsannapaccayo byādhissa vātapittasemhā viya samudayoti vutto. Nidānañhi nicchayena dadāti phalamiti nidānaṃ, samudayo pana suṭṭhu udeti etasmā phalamiti samudayo. Jātinirodhenāti mūlapaccayassa uppattiabhāvena. Pabhavanirodhenāti āsannapaccayassa uppattiabhāvena. Jātiyeva hi pabhavati etasmā dukkhanti pabhavoti vattuṃ yujjati. Hetunirodhenāti janakapaccayābhāvena. Paccayanirodhenāti upatthambhakapaccayābhāvena. Mūlapaccayopi hi āsannapaccayo ca janakapaccayo upatthambhakapaccayo ca hotiyeva. Etehi tikkhavipassanākkhaṇe tadaṅganirodho, maggakkhaṇe samucchedanirodho vutto hoti. Ñāṇuppādenāti tikkhavipassanāñāṇassa vā maggañāṇassa vā uppādena. Nirodhupaṭṭhānenāti vipassanākkhaṇe paccakkhato khayanirodhassa anussavavasena nirodhasaṅkhātassa nibbānassa upaṭṭhānena, maggakkhaṇe paccakkhato ca nibbānassa upaṭṭhānena. Etehi visayavisayiniyamova kato hoti, tadaṅgasamucchedanirodho ca vutto hoti.

    182. бадиниссаг̇г̇аанубассийбад̣̇анид̣̇д̣̇зсз руубам̣ барижжаж̇ад̇ийд̇и аад̣̇ийнавад̣̇ассанзна нирабзгкад̇ааяа руубагканд̇хам̣ барижжаж̇ад̇и. барижжааг̇абадиниссаг̇г̇од̇и барижжааг̇адтзна бадиниссаг̇г̇од̇и вуд̇д̇ам̣ ход̇и. зд̇зна бадиниссаг̇г̇абад̣̇асса барижжааг̇адто вуд̇д̇о, д̇асмаа гилзсаанам̣ баж̇ахананд̇и ад̇т̇о. зд̇т̇а жа вудтаанаг̇ааминий вибассанаа гилзсз д̇ад̣̇ан̇г̇авасзна барижжаж̇ад̇и, маг̇г̇о самужчзд̣̇авасзна. руубанирод̇хз ниб̣б̣аанз жид̇д̇ам̣ багканд̣̇ад̇ийд̇и вудтаанаг̇ааминий д̇ам̣ниннад̇ааяа багканд̣̇ад̇и, маг̇г̇о аарамман̣агаран̣зна. багканд̣̇анабадиниссаг̇г̇од̇и багканд̣̇анадтзна бадиниссаг̇г̇од̇и вуд̇д̇ам̣ ход̇и. зд̇зна бадиниссаг̇г̇абад̣̇асса багканд̣̇анадто вуд̇д̇о, д̇асмаа жид̇д̇асса ниб̣б̣аанз виссаж̇ж̇ананд̇и ад̇т̇о. жад̇д̇аари суд̇д̇анд̇игавад̇т̇ууни жад̇уд̇т̇ажад̇уггавасзна взд̣̇ид̇аб̣б̣аани. имасмим̣ жад̇уггз ж̇араамаран̣з вад̇д̇аб̣б̣ам̣хздтаа вуд̇д̇анаязнзва взд̣̇ид̇аб̣б̣ам̣. сад̇ибадтаанзсу жа ‘‘гааяз гааяаанубассанаа, жид̇д̇з жид̇д̇аанубассанаа’’д̇и гааяажид̇д̇аанам̣ згад̇д̇авохааравасзна згаважананид̣̇д̣̇зсо гад̇о. ‘‘взд̣̇анаасу взд̣̇анаанубассанаа, д̇хаммзсу д̇хаммаанубассанаа’’д̇и взд̣̇анаад̇хаммаанам̣ наанад̇д̇авохааравасзна б̣ахуважананид̣̇д̣̇зсо гад̇од̇и взд̣̇ид̇аб̣б̣од̇и.

    182. Paṭinissaggānupassīpadaniddese rūpaṃ pariccajatīti ādīnavadassanena nirapekkhatāya rūpakkhandhaṃ pariccajati. Pariccāgapaṭinissaggoti pariccāgaṭṭhena paṭinissaggoti vuttaṃ hoti. Etena paṭinissaggapadassa pariccāgaṭṭho vutto, tasmā kilesānaṃ pajahananti attho. Ettha ca vuṭṭhānagāminī vipassanā kilese tadaṅgavasena pariccajati, maggo samucchedavasena. Rūpanirodhe nibbāne cittaṃ pakkhandatīti vuṭṭhānagāminī taṃninnatāya pakkhandati, maggo ārammaṇakaraṇena. Pakkhandanapaṭinissaggoti pakkhandanaṭṭhena paṭinissaggoti vuttaṃ hoti. Etena paṭinissaggapadassa pakkhandanaṭṭho vutto, tasmā cittassa nibbāne vissajjananti attho. Cattāri suttantikavatthūni catutthacatukkavasena veditabbāni. Imasmiṃ catukke jarāmaraṇe vattabbaṃheṭṭhā vuttanayeneva veditabbaṃ. Satipaṭṭhānesu ca ‘‘kāye kāyānupassanā, citte cittānupassanā’’ti kāyacittānaṃ ekattavohāravasena ekavacananiddeso kato. ‘‘Vedanāsu vedanānupassanā, dhammesu dhammānupassanā’’ti vedanādhammānaṃ nānattavohāravasena bahuvacananiddeso katoti veditabboti.

    жад̇уд̇т̇ажад̇угганид̣̇д̣̇зсаван̣н̣анаа нидтид̇аа.

    Catutthacatukkaniddesavaṇṇanā niṭṭhitā.

    нидтид̇аа жа сад̇огаарин̃аан̣анид̣̇д̣̇зсаван̣н̣анаа.

    Niṭṭhitā ca satokāriñāṇaniddesavaṇṇanā.




    Next: 6. н̃аан̣араасичагганид̣̇д̣̇зсаван̣н̣анаа • 6. Ñāṇarāsichakkaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 5. сад̇огаарин̃аан̣анид̣̇д̣̇зсо • 5. Satokāriñāṇaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact