| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
4-8. ஸத்தபோ³தி⁴ஸத்தவாராதி³வண்ணனா
4-8. Sattabodhisattavārādivaṇṇanā
33-37. ஸத்தன்னங் போ³தி⁴ஸத்தானங் ஸுத்தந்தேஸு ஏகேகஸ்மிங்யேவ ஸமுத³யே சக்கா²த³யோ பஞ்ச, நிரோதே⁴ பஞ்சாதி த³ஸ த⁴ம்மா, ஸமுத³யே த³ஸ்ஸனட்டா²த³யோ பஞ்ச, நிரோதே⁴ பஞ்சாதி த³ஸ அத்தா², தேஸங் வஸேன வீஸதி நிருத்தியோ சத்தாரீஸங் ஞாணானி. ஸத்த ஏகதோ கத்வா வுத்தக³ணனா ஸுவிஞ்ஞெய்யா ஏவ. ஸப்³ப³ஞ்ஞுதஞ்ஞாணவஸேன வுத்தபடிஸம்பி⁴தா³னித்³தே³ஸே ஏகேகமூலகேஸு ‘‘ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாயா’’தி (படி॰ ம॰ 1.121) இமேஸு பஞ்சஸு வசனேஸு ஏகேகஸ்மிங்யேவ சக்கா²த³யோ பஞ்ச, த³ஸ்ஸனட்டா²த³யோ பஞ்சாதி பஞ்சபஞ்சகானங் வஸேன பஞ்சவீஸதி த⁴ம்மா, பஞ்சவீஸதி அத்தா², தத்³தி³கு³ணா நிருத்தியோ, தத்³தி³கு³ணானி ஞாணானி ஞெய்யானி. பஞ்ச ஏகதோ கத்வா வுத்தவாரேபி பஞ்சக்க²த்துங் பஞ்ச பஞ்சவீஸதி கத்வா பஞ்சவீஸஸதங் த⁴ம்மா, பஞ்சவீஸஸதங் அத்தா², தத்³தி³கு³ணா நிருத்தியோ, தத்³தி³கு³ணானி ஞாணானி ஞெய்யானி. அட்³ட⁴தெய்யானீதி செத்த² த்³வே ஸதானி ச பஞ்ஞாஸஞ்ச. க²ந்தா⁴தீ³ஸுபி ஏஸேவ நயோ. இமினாவ நயேன ஸச்சவாரபடிஸம்பி⁴தா³வாரே ச த⁴ம்மாதி³க³ணனா வேதி³தப்³பா³.
33-37. Sattannaṃ bodhisattānaṃ suttantesu ekekasmiṃyeva samudaye cakkhādayo pañca, nirodhe pañcāti dasa dhammā, samudaye dassanaṭṭhādayo pañca, nirodhe pañcāti dasa atthā, tesaṃ vasena vīsati niruttiyo cattārīsaṃ ñāṇāni. Satta ekato katvā vuttagaṇanā suviññeyyā eva. Sabbaññutaññāṇavasena vuttapaṭisambhidāniddese ekekamūlakesu ‘‘ñāto diṭṭho vidito sacchikato phassito paññāyā’’ti (paṭi. ma. 1.121) imesu pañcasu vacanesu ekekasmiṃyeva cakkhādayo pañca, dassanaṭṭhādayo pañcāti pañcapañcakānaṃ vasena pañcavīsati dhammā, pañcavīsati atthā, taddiguṇā niruttiyo, taddiguṇāni ñāṇāni ñeyyāni. Pañca ekato katvā vuttavārepi pañcakkhattuṃ pañca pañcavīsati katvā pañcavīsasataṃ dhammā, pañcavīsasataṃ atthā, taddiguṇā niruttiyo, taddiguṇāni ñāṇāni ñeyyāni. Aḍḍhateyyānīti cettha dve satāni ca paññāsañca. Khandhādīsupi eseva nayo. Imināva nayena saccavārapaṭisambhidāvāre ca dhammādigaṇanā veditabbā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi
4. ஸத்தபோ³தி⁴ஸத்தவாரோ • 4. Sattabodhisattavāro
5. அபி⁴ஞ்ஞாதி³வாரோ • 5. Abhiññādivāro
6. க²ந்தா⁴தி³வாரோ • 6. Khandhādivāro
7. ஸச்சவாரோ • 7. Saccavāro
8. படிஸம்பி⁴தா³வாரோ • 8. Paṭisambhidāvāro
