| Library / Tipiṭaka / ติปิฎก • Tipiṭaka / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā |
๔-๘. สตฺตโพธิสตฺตวาราทิวณฺณนา
4-8. Sattabodhisattavārādivaṇṇanā
๓๓-๓๗. สตฺตนฺนํ โพธิสตฺตานํ สุตฺตเนฺตสุ เอเกกสฺมิํเยว สมุทเย จกฺขาทโย ปญฺจ, นิโรเธ ปญฺจาติ ทส ธมฺมา, สมุทเย ทสฺสนฎฺฐาทโย ปญฺจ, นิโรเธ ปญฺจาติ ทส อตฺถา, เตสํ วเสน วีสติ นิรุตฺติโย จตฺตารีสํ ญาณานิฯ สตฺต เอกโต กตฺวา วุตฺตคณนา สุวิเญฺญยฺยา เอวฯ สพฺพญฺญุตญฺญาณวเสน วุตฺตปฎิสมฺภิทานิเทฺทเส เอเกกมูลเกสุ ‘‘ญาโต ทิโฎฺฐ วิทิโต สจฺฉิกโต ผสฺสิโต ปญฺญายา’’ติ (ปฎิ. ม. ๑.๑๒๑) อิเมสุ ปญฺจสุ วจเนสุ เอเกกสฺมิํเยว จกฺขาทโย ปญฺจ, ทสฺสนฎฺฐาทโย ปญฺจาติ ปญฺจปญฺจกานํ วเสน ปญฺจวีสติ ธมฺมา, ปญฺจวีสติ อตฺถา, ตทฺทิคุณา นิรุตฺติโย, ตทฺทิคุณานิ ญาณานิ เญยฺยานิฯ ปญฺจ เอกโต กตฺวา วุตฺตวาเรปิ ปญฺจกฺขตฺตุํ ปญฺจ ปญฺจวีสติ กตฺวา ปญฺจวีสสตํ ธมฺมา, ปญฺจวีสสตํ อตฺถา, ตทฺทิคุณา นิรุตฺติโย, ตทฺทิคุณานิ ญาณานิ เญยฺยานิฯ อฑฺฒเตยฺยานีติ เจตฺถ เทฺว สตานิ จ ปญฺญาสญฺจฯ ขนฺธาทีสุปิ เอเสว นโยฯ อิมินาว นเยน สจฺจวารปฎิสมฺภิทาวาเร จ ธมฺมาทิคณนา เวทิตพฺพาฯ
33-37. Sattannaṃ bodhisattānaṃ suttantesu ekekasmiṃyeva samudaye cakkhādayo pañca, nirodhe pañcāti dasa dhammā, samudaye dassanaṭṭhādayo pañca, nirodhe pañcāti dasa atthā, tesaṃ vasena vīsati niruttiyo cattārīsaṃ ñāṇāni. Satta ekato katvā vuttagaṇanā suviññeyyā eva. Sabbaññutaññāṇavasena vuttapaṭisambhidāniddese ekekamūlakesu ‘‘ñāto diṭṭho vidito sacchikato phassito paññāyā’’ti (paṭi. ma. 1.121) imesu pañcasu vacanesu ekekasmiṃyeva cakkhādayo pañca, dassanaṭṭhādayo pañcāti pañcapañcakānaṃ vasena pañcavīsati dhammā, pañcavīsati atthā, taddiguṇā niruttiyo, taddiguṇāni ñāṇāni ñeyyāni. Pañca ekato katvā vuttavārepi pañcakkhattuṃ pañca pañcavīsati katvā pañcavīsasataṃ dhammā, pañcavīsasataṃ atthā, taddiguṇā niruttiyo, taddiguṇāni ñāṇāni ñeyyāni. Aḍḍhateyyānīti cettha dve satāni ca paññāsañca. Khandhādīsupi eseva nayo. Imināva nayena saccavārapaṭisambhidāvāre ca dhammādigaṇanā veditabbā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / ปฎิสมฺภิทามคฺคปาฬิ • Paṭisambhidāmaggapāḷi
๔. สตฺตโพธิสตฺตวาโร • 4. Sattabodhisattavāro
๕. อภิญฺญาทิวาโร • 5. Abhiññādivāro
๖. ขนฺธาทิวาโร • 6. Khandhādivāro
๗. สจฺจวาโร • 7. Saccavāro
๘. ปฎิสมฺภิทาวาโร • 8. Paṭisambhidāvāro
