| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৪. সত্তবোধিসত্তৰারো
4. Sattabodhisattavāro
৩৩. ‘‘‘সমুদযো সমুদযো’তি খো, ভিক্খৰে, ৰিপস্সিস্স বোধিসত্তস্স পুব্বে অননুস্সুতেসু ধম্মেসু চক্খুং উদপাদি…পে॰… আলোকো উদপাদি। ‘নিরোধো নিরোধো’তি খো, ভিক্খৰে, ৰিপস্সিস্স বোধিসত্তস্স পুব্বে অননুস্সুতেসু ধম্মেসু চক্খুং উদপাদি…পে॰… আলোকো উদপাদি’’। ৰিপস্সিস্স বোধিসত্তস্স ৰেয্যাকরণে দস ধম্মা, দস অত্থা, ৰীসতি নিরুত্তিযো, চত্তালীসং 1 ঞাণানি।
33. ‘‘‘Samudayo samudayo’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Vipassissa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṃ 2 ñāṇāni.
‘‘‘সমুদযো সমুদযো’তি খো, ভিক্খৰে, সিখিস্স বোধিসত্তস্স…পে॰… ৰেস্সভুস্স বোধিসত্তস্স…পে॰… ককুসন্ধস্স বোধিসত্তস্স…পে॰… কোণাগমনস্স বোধিসত্তস্স…পে॰… কস্সপস্স বোধিসত্তস্স পুব্বে অননুস্সুতেসু ধম্মেসু চক্খুং উদপাদি…পে॰… আলোকো উদপাদি। ‘নিরোধো নিরোধো’তি খো, ভিক্খৰে, কস্সপস্স বোধিসত্তস্স পুব্বে অননুস্সুতেসু ধম্মেসু চক্খুং উদপাদি…পে॰… আলোকো উদপাদি’’। কস্সপস্স বোধিসত্তস্স ৰেয্যাকরণে দস ধম্মা, দস অত্থা, ৰীসতি নিরুত্তিযো, চত্তালীস ঞাণানি।
‘‘‘Samudayo samudayo’ti kho, bhikkhave, sikhissa bodhisattassa…pe… vessabhussa bodhisattassa…pe… kakusandhassa bodhisattassa…pe… koṇāgamanassa bodhisattassa…pe… kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Kassapassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.
‘‘‘সমুদযো সমুদযো’তি খো, ভিক্খৰে, গোতমস্স বোধিসত্তস্স পুব্বে অননুস্সুতেসু ধম্মেসু চক্খুং উদপাদি…পে॰… আলোকো উদপাদি। ‘নিরোধো নিরোধো’তি খো, ভিক্খৰে, গোতমস্স বোধিসত্তস্স পুব্বে অননুস্সুতেসু ধম্মেসু চক্খুং উদপাদি…পে॰… আলোকো উদপাদি’’। গোতমস্স বোধিসত্তস্স ৰেয্যাকরণে দস ধম্মা, দস অত্থা, ৰীসতি নিরুত্তিযো, চত্তালীস ঞাণানি।
‘‘‘Samudayo samudayo’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Gotamassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৪-৮. সত্তবোধিসত্তৰারাদিৰণ্ণনা • 4-8. Sattabodhisattavārādivaṇṇanā
