| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уд̇ияаваг̇г̇о
2. Dutiyavaggo
1. сад̇д̇ад̇хаад̇усуд̇д̇аван̣н̣анаа
1. Sattadhātusuttavaṇṇanā
95. д̣̇уд̇ияаваг̇г̇асса батамз аабхаад̇хаад̇ууд̇и аалогад̇хаад̇у. аалогассаби аалогагасин̣з баригаммам̣ гад̇ваа уббаннаж̇жхаанассаабийд̇и сахаарамман̣асса жхаанасса зд̇ам̣ наамам̣. субхад̇хаад̇ууд̇и субхагасин̣з уббаннаж̇жхаанавасзна сахаарамман̣аж̇жхаанамзва . аагаасаанан̃жааяад̇анамзва аагаасаанан̃жааяад̇анад̇хаад̇у. сан̃н̃аавзд̣̇аяид̇анирод̇хова сан̃н̃аавзд̣̇аяид̇анирод̇хад̇хаад̇у. ид̇и бхаг̇аваа анусанд̇хигусаласса бхигкуно д̇ад̇т̇а нисийд̣̇ид̇ваа бан̃хам̣ бужчид̇угаамасса огаасам̣ д̣̇знд̇о д̣̇зсанам̣ нидтаабзси.
95. Dutiyavaggassa paṭhame ābhādhātūti ālokadhātu. Ālokassapi ālokakasiṇe parikammaṃ katvā uppannajjhānassāpīti sahārammaṇassa jhānassa etaṃ nāmaṃ. Subhadhātūti subhakasiṇe uppannajjhānavasena sahārammaṇajjhānameva . Ākāsānañcāyatanameva ākāsānañcāyatanadhātu. Saññāvedayitanirodhova saññāvedayitanirodhadhātu. Iti bhagavā anusandhikusalassa bhikkhuno tattha nisīditvā pañhaṃ pucchitukāmassa okāsaṃ dento desanaṃ niṭṭhāpesi.
анд̇хагаарам̣ бадижжаад̇и анд̇хагааро хи аалогзна барижчинно, аалогоби анд̇хагаарзна. анд̇хагаарзна хи со баагадо ход̇и. д̇асмаа ‘‘анд̇хагаарам̣ бадижжа бан̃н̃ааяад̇ий’’д̇и ааха. асубхам̣ бадижжаад̇и зд̇т̇ааби зсзва наяо. асубхан̃хи субхзна, субхан̃жа асубхзна барижчиннам̣, асубхз сад̇и субхам̣ бан̃н̃ааяад̇и, д̇асмаа звамааха. руубам̣ бадижжаад̇и руубааважарасамаабад̇д̇им̣ бадижжа. руубааважарасамаабад̇д̇ияаа хи сад̇и аагаасаанан̃жааяад̇анасамаабад̇д̇и наама ход̇и руубасамад̇иггамо ваа, д̇асмаа звамааха. вин̃н̃аан̣ан̃жааяад̇анад̇хаад̇уаад̣̇ийсуби зсзва наяо. нирод̇хам̣ бадижжаад̇и жад̇уннам̣ канд̇хаанам̣ бадисан̇каааббавад̇д̇им̣ бадижжа. канд̇ханирод̇хан̃хи бадижжа нирод̇хасамаабад̇д̇и наама бан̃н̃ааяад̇и, на канд̇хабавад̇д̇им̣, д̇асмаа звамааха. зд̇т̇а жа жад̇уннам̣ канд̇хаанам̣ нирод̇хова нирод̇хасамаабад̇д̇ийд̇и взд̣̇ид̇аб̣б̣о.
Andhakāraṃpaṭiccāti andhakāro hi ālokena paricchinno, ālokopi andhakārena. Andhakārena hi so pākaṭo hoti. Tasmā ‘‘andhakāraṃ paṭicca paññāyatī’’ti āha. Asubhaṃ paṭiccāti etthāpi eseva nayo. Asubhañhi subhena, subhañca asubhena paricchinnaṃ, asubhe sati subhaṃ paññāyati, tasmā evamāha. Rūpaṃ paṭiccāti rūpāvacarasamāpattiṃ paṭicca. Rūpāvacarasamāpattiyā hi sati ākāsānañcāyatanasamāpatti nāma hoti rūpasamatikkamo vā, tasmā evamāha. Viññāṇañcāyatanadhātuādīsupi eseva nayo. Nirodhaṃ paṭiccāti catunnaṃ khandhānaṃ paṭisaṅkhāappavattiṃ paṭicca. Khandhanirodhañhi paṭicca nirodhasamāpatti nāma paññāyati, na khandhapavattiṃ, tasmā evamāha. Ettha ca catunnaṃ khandhānaṃ nirodhova nirodhasamāpattīti veditabbo.
гат̇ам̣ самаабад̇д̇и бад̇д̇аб̣б̣аад̇и гат̇ам̣ самаабад̇д̇ияо гийд̣̇исаа самаабад̇д̇ияо наама худ̇ваа бад̇д̇аб̣б̣аад̇и? сан̃н̃аасамаабад̇д̇и бад̇д̇аб̣б̣аад̇и сан̃н̃ааяа ад̇т̇ибхаавзна сан̃н̃аасамаабад̇д̇ияо сан̃н̃аасамаабад̇д̇ияо наама худ̇ваа бад̇д̇аб̣б̣аа. сан̇каараавасзсасамаабад̇д̇и бад̇д̇аб̣б̣аад̇и сукумасан̇каараанам̣ авасидтад̇ааяа сан̇каараавасзсасамаабад̇д̇и наама худ̇ваа бад̇д̇аб̣б̣аа. нирод̇хасамаабад̇д̇и бад̇д̇аб̣б̣аад̇и нирод̇хова нирод̇хасамаабад̇д̇и нирод̇хасамаабад̇д̇и наама худ̇ваа бад̇д̇аб̣б̣аад̇и ад̇т̇о. батамам̣.
Kathaṃ samāpatti pattabbāti kathaṃ samāpattiyo kīdisā samāpattiyo nāma hutvā pattabbāti? Saññāsamāpatti pattabbāti saññāya atthibhāvena saññāsamāpattiyo saññāsamāpattiyo nāma hutvā pattabbā. Saṅkhārāvasesasamāpatti pattabbāti sukhumasaṅkhārānaṃ avasiṭṭhatāya saṅkhārāvasesasamāpatti nāma hutvā pattabbā. Nirodhasamāpatti pattabbāti nirodhova nirodhasamāpatti nirodhasamāpatti nāma hutvā pattabbāti attho. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сад̇д̇ад̇хаад̇усуд̇д̇ам̣ • 1. Sattadhātusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. сад̇д̇ад̇хаад̇усуд̇д̇аван̣н̣анаа • 1. Sattadhātusuttavaṇṇanā
