| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. д̣̇уд̇ияаваг̇г̇о
2. Dutiyavaggo
1. сад̇д̇ад̇хаад̇усуд̇д̇аван̣н̣анаа
1. Sattadhātusuttavaṇṇanā
95. аабхаад̇ийд̇и аабхаа, аалогабхаавзна нибпаж̇ж̇ад̇и, убадтаад̇ийд̇и ваа ад̇т̇о. со зва ниж̇ж̇ийвадтзна д̇хаад̇ууд̇и аабхаад̇хаад̇у. аалогассаад̇и аалогагасин̣асса. судту, собханам̣ ваа бхаад̇ийд̇и субхам̣. гасин̣асахажаран̣ад̇о жхаанам̣ субхам̣. сзсам̣ вуд̇д̇анаяамзва. субарисуд̣̇д̇хаван̣н̣ам̣ гасин̣ам̣. аагаасаанан̃жаад̣̇аяоби субхаарамман̣ам̣ зваад̇и гзжи. д̣̇зсанам̣ нидтаабзсийд̇и д̣̇зсанам̣ уд̣̇д̣̇зсамад̇д̇з зва табзси. баал̣ияам̣ ‘‘анд̇хагаарам̣ бадижжа бан̃н̃ааяад̇ий’’д̇и зд̇т̇ааби аарамман̣амзва г̇ахид̇ам̣, д̇ат̇аа ‘‘аяам̣ д̇хаад̇у асубхам̣ бадижжа бан̃н̃ааяад̇ий’’д̇и зд̇т̇ааби. яат̇аа хи ид̇ха суван̣н̣ам̣ гасин̣ам̣ субханд̇и ад̇хиббзд̇ам̣, звам̣ д̣̇уб̣б̣ан̣н̣ам̣ асубханд̇и.
95. Ābhātīti ābhā, ālokabhāvena nipphajjati, upaṭṭhātīti vā attho. So eva nijjīvaṭṭhena dhātūti ābhādhātu. Ālokassāti ālokakasiṇassa. Suṭṭhu, sobhanaṃ vā bhātīti subhaṃ. Kasiṇasahacaraṇato jhānaṃ subhaṃ. Sesaṃ vuttanayameva. Suparisuddhavaṇṇaṃ kasiṇaṃ. Ākāsānañcādayopi subhārammaṇaṃ evāti keci. Desanaṃ niṭṭhāpesīti desanaṃ uddesamatte eva ṭhapesi. Pāḷiyaṃ ‘‘andhakāraṃ paṭicca paññāyatī’’ti etthāpi ārammaṇameva gahitaṃ, tathā ‘‘ayaṃ dhātu asubhaṃ paṭicca paññāyatī’’ti etthāpi. Yathā hi idha suvaṇṇaṃ kasiṇaṃ subhanti adhippetaṃ, evaṃ dubbaṇṇaṃ asubhanti.
анд̇хагаарам̣ бадижжаад̇и анд̇хагаарам̣ бадижчаад̣̇агабажжаяам̣ бадижжа. бан̃н̃ааяад̇ийд̇и баагадо ход̇и. д̇знааха ‘‘анд̇хагааро хий’’д̇иаад̣̇и. аалогоби, анд̇хагаарзна барижчинно ход̇ийд̇и яож̇анаа. анд̇хагааро д̇аава аалогзна барижчинно ход̇у ‘‘яад̇т̇а аалого над̇т̇и, д̇ад̇т̇а анд̇хагааро’’д̇и аалого гат̇ам̣ анд̇хагаарзна барижчинно ход̇ийд̇и ааха ‘‘анд̇хагаарзна хи со баагадо ход̇ий’’д̇и. барижчзд̣̇алзкааяа вияа жид̇д̇аруубам̣ анд̇хагаарзна хи барид̇о барижчинно худ̇ваа бан̃н̃ааяад̇и, яат̇аа д̇ам̣ чааяааяа аад̇або. зсзва наяод̇и асубхасубхаанам̣ ан̃н̃аман̃н̃абарижчиннад̇ам̣ ад̇ид̣̇исид̇ваа д̇ад̇т̇а ад̇хиббзд̇амзва д̣̇ассзнд̇о ‘‘асубхз сад̇и субхам̣ бан̃н̃ааяад̇ий’’д̇и ааха. звамаахаад̇и ‘‘асубхам̣ бадижжа субхам̣ бан̃н̃ааяад̇ий’’д̇и авожа. ‘‘руубий руубаани бассад̇ий’’д̇иаад̣̇ийсу вияа уд̇д̇арабад̣̇алобзнааяам̣ нид̣̇д̣̇зсод̇и ааха ‘‘руубам̣ бадижжаад̇и руубааважарасамаабад̇д̇им̣ бадижжаа’’д̇и. д̇ааяа хи сад̇и ад̇хиг̇ад̇ааяа. руубасамад̇иггамаа ваа ход̇ийд̇и сабхааваарамман̣аанам̣ руубаж̇жхаанаанам̣ самад̇иггамаа аагаасаанан̃жааяад̇анасамаабад̇д̇и наама ход̇ийд̇и ад̇т̇о. зсзва наяод̇и иминаа ‘‘аагаасаанан̃жааяад̇анасамад̇иггамаа вин̃н̃аан̣ан̃жааяад̇анасамаабад̇д̇и наама ход̇ий’’д̇иаад̣̇инаа д̣̇взби багаарз ад̇ид̣̇исад̇и. бадисан̇каад̇и бадисан̇каан̃аан̣зна. аббавад̇д̇инд̇и яат̇аабарижчиннагаалам̣ аббавад̇д̇анам̣. зд̇зна кан̣анирод̇хаад̣̇им̣ бадигкибад̇и.
Andhakāraṃ paṭiccāti andhakāraṃ paṭicchādakapaccayaṃ paṭicca. Paññāyatīti pākaṭo hoti. Tenāha ‘‘andhakāro hī’’tiādi. Ālokopi, andhakārena paricchinno hotīti yojanā. Andhakāro tāva ālokena paricchinno hotu ‘‘yattha āloko natthi, tattha andhakāro’’ti āloko kathaṃ andhakārena paricchinno hotīti āha ‘‘andhakārena hi so pākaṭo hotī’’ti. Paricchedalekhāya viya cittarūpaṃ andhakārena hi parito paricchinno hutvā paññāyati, yathā taṃ chāyāya ātapo. Eseva nayoti asubhasubhānaṃ aññamaññaparicchinnataṃ atidisitvā tattha adhippetameva dassento ‘‘asubhe sati subhaṃ paññāyatī’’ti āha. Evamāhāti ‘‘asubhaṃ paṭicca subhaṃ paññāyatī’’ti avoca. ‘‘Rūpī rūpāni passatī’’tiādīsu viya uttarapadalopenāyaṃ niddesoti āha ‘‘rūpaṃ paṭiccāti rūpāvacarasamāpattiṃ paṭiccā’’ti. Tāya hi sati adhigatāya. Rūpasamatikkamā vā hotīti sabhāvārammaṇānaṃ rūpajjhānānaṃ samatikkamā ākāsānañcāyatanasamāpatti nāma hotīti attho. Eseva nayoti iminā ‘‘ākāsānañcāyatanasamatikkamā viññāṇañcāyatanasamāpatti nāma hotī’’tiādinā dvepi pakāre atidisati. Paṭisaṅkhāti paṭisaṅkhāñāṇena. Appavattinti yathāparicchinnakālaṃ appavattanaṃ. Etena khaṇanirodhādiṃ paṭikkhipati.
гат̇ам̣ самаабад̇д̇и бад̇д̇аб̣б̣аад̇и имаасу сад̇д̇асу д̇хаад̇уусу гаа багаараа сан̃н̃аасамаабад̇д̇и наанаа худ̇ваа самаабаж̇ж̇ид̇аб̣б̣аа. д̇знааха ‘‘гийд̣̇исаа самаабад̇д̇ияо’’д̇иаад̣̇и. сан̃н̃ааяа ад̇т̇ибхаавзнаад̇и бадугижжааяа сан̃н̃ааяа ад̇т̇ибхаавзна. сукумасан̇каараанам̣ д̇ад̇т̇а самаабад̇д̇ияам̣ авасиссад̇ааяа. нирод̇ховаад̇и сан̇каараанам̣ нирод̇хо зва.
Kathaṃ samāpatti pattabbāti imāsu sattasu dhātūsu kā pakārā saññāsamāpatti nānā hutvā samāpajjitabbā. Tenāha ‘‘kīdisā samāpattiyo’’tiādi. Saññāya atthibhāvenāti paṭukiccāya saññāya atthibhāvena. Sukhumasaṅkhārānaṃ tattha samāpattiyaṃ avasissatāya. Nirodhovāti saṅkhārānaṃ nirodho eva.
сад̇д̇ад̇хаад̇усуд̇д̇аван̣н̣анаа нидтид̇аа.
Sattadhātusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сад̇д̇ад̇хаад̇усуд̇д̇ам̣ • 1. Sattadhātusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. сад̇д̇ад̇хаад̇усуд̇д̇аван̣н̣анаа • 1. Sattadhātusuttavaṇṇanā
